ལག་ན་མེ་ཏོག་དང༌། བདུག་སྤོས་སྣ་ཚོགས་པ་དང༌། རྒྱལ་མཚན་དང༌། བ་དན་སྣ་ཚོགས་པ་དང༌། རོལ་མོའི་སྒྲ་ནི་སྣ་ཚོགས་པ་དང༌། ཡིད་དུ་འོང་བའི་གླུའི་མཆོད་པ་སྣ་ཚོགས་ཀྱིས་མཁའ་སྤྱོད་ཀྱི་གནས་སུ་འཁྲིད་པར་བྱེད་དོ། །འགྲེལ་པ་གསུམ་ནས་མཁའ་སྤྱོད་འོད་གསལ་ལ་བྱས་ནས་དེའི་གོ་འཕང་ལ་འགོད་པར་བཤད་པ་ནི། ངེས་དོན་གྱི་བཤད་པ་ཡིན་ཏེ། འཆི་བ་འོད་ག…

པ་ནི། སྐྱེ་བ་གཞན་དུ་མཁའ་སྤྱོད་འགྲུབ་པ་སྟེ་དེ་འདྲ་བའི་མཁའ་སྤྱོད་ལ་རིམ་པ་དུ་མ་ཞིག་ཡོད་དོ། །ཚེ་འདིར་མཁའ་སྤྱོད་འགྲུབ་ལུགས་ཀྱང་རིམ་པ་གཉིས་ཀྱི་ལམ་གྱི་མཐུ་ཉིད་ཀྱིས་འགྲུབ་པ་དང༌། མཁའ་འགྲོ་མ་དང་དཔའ་བོའི་ཁྱད་པར་འགའ་ཞིག་གིས་དེར་དངོས་སུ་འཁྲིད་པའང་ཡོད་དོ། །དེ་བཞིན་དུ་མི་ཡུལ་གྱི་བྱེ་བྲག་གི་ས་ལ་སྤྱོད་པ། རིག་པ་འཛིན་…

གང་གིས་ཤེས་ནས་མ་དད་པ་དེ་ལ་དངོས་གྲུབ་ཀུན་གྱིས་དབུལ་པོ་སྟེ་དབུལ་བ་དང༌། ངན་འགྲོ་ལ་སོགས་པའི་སྡུག་བསྔལ་གྱིས་གདུངས་པར་རྟག་ཏུ་འབྱུང་བར་འགྱུར་ན། མི་ཤེས་པར་མ་དད་པར་བྱེད་པ་ལྟ་ཅི་སྨྲོས། དེའི་ཕྱིར་རྒྱུད་ཆེན་པོ་འདི་ཤེས་པར་བྱ་བ་ལ་འབད་ཅིང༌། ཤེས་ནས་ཀྱང་ཤིན་ཏུ་གུས་པར་བྱའོ། །བཞི་པ་ནི། དེ་ཉིད་བཅུ་བཞིའི་དོན་བསྒོམས་པའི་…

པ་གཉིས་ཡོངས་སུ་གྱུར་པ་ལས། ཟླ་བ་དང་ས་བོན་དང་དེ་རྣམས་གཅིག་ཏུ་འདྲེས་པ་ལས་རྟེན་དང་བརྟེན་པ་རྣམས་སྐྱེས་པ་སྟེ། རྟེན་དང་བརྟེན་པ་གཉིས་ཀ་དུས་གཅིག་ཏུ་རྫོགས་པ་ལཱུ་ཨི་པའི་ལུགས་སོ། །རྟེན་དང་བརྟེན་པ་སྔ་ཕྱི་བར་བྱེད་ན་རི་རབ་ཀྱི་སྟེང་དུ་རྟེན་སྔོན་དུ་སྐྱེད་པའི་གཞལ་ཡས་ཁང་གི་དབུས་སུ། ཨཱ་ལི་ཀཱ་ལི་སོགས་ཀྱི་མངོན་བྱང་ལྔ་ལས་…

དཀྱིལ་འཁོར་བསྒོམ་པར་བྱའོ། །ལོ་ཆེན་གྱིས། དཔའ་བོ་རྣལ་འབྱོར་མ་ཚོགས་བསྐོར། ཞེས་བསྒྱུར་རོ། །ཐོད་པའི་དུམ་བུ་ལ་སོགས་པའི་དཔའ་བོ་ཉེར་བཞི་པོ་ཀུན་དང༌། མཁའ་འགྲོ་མ་ལ་སོགས་པའི་རྣལ་འབྱོར་མ་སོ་དྲུག་པོའི་འཁོར་དང་བཅས་པའི་དབུས་སུ། གཙོ་བོ་ཡབ་ཡུམ་སྙོམས་པར་འཇུག་པའི་སྦྱོར་བ་དང་ལྡན་པས་ལྷ་ཐམས་ཅད་ལ་དགྱེས་པ་སྐྱེད་པའི་བདེ་སྟོང…

ཚོགས་པ་སངས་རྒྱས་ཀྱིས་སྟོན་པར་མཛད་དེ། ཐབས་སྣ་ཚོགས་པའི་ཚུལ་གྱིས་གདུལ་བར་བྱ་ལ། རང་གི་དབང་པོ་དང་འཚམ་པའི་ཐབས་ནི་སྣ་ཚོགས་པ་སྟོན་པ་ཡིན་ནོ། །དེ་ལྟར་ཤིན་ཏུ་ཟབ་མོའི་ཆོས་ནི་སྟོན་པ་སྟེ་བསྟན་པ་ལ། གལ་ཏེ་མོས་པ་ཐོབ་པར་མ་གྱུར་ཀྱང༌། ཆོས་དེ་ལ་སྨོད་པ་དག་ཏུ་མི་བྱ་སྟེ། གསུང་རབ་ཀྱི་བརྗོད་པར་བྱ་བའི་ཆོས་ཟབ་མོ་ཉིད་བདག་འདྲ་བས…

དེ་ཡི་སྲས་ནི་བདག་ཉིད་ཆེན་པོ་ས་ཐོབ་པ་རྣམས་ཀྱིས་མཁྱེན་ནོ་སྙམ་དུ་བསམ་པར་བྱའོ། །བྱང་ས་ལས་ཀྱང༌། བྱང་ཆུབ་སེམས་དཔའ་ཟབ་ཅིང་མཆོག་ཏུ་ཟབ་པའི་གནས་དག་ཐོས་ནས། སེམས་མོས་པར་མ་གྱུར་ན། དེ་ལ་བྱང་ཆུབ་སེམས་དཔའ་དད་པ་དང་གཡོ་མེད་པས། འདི་ལྟར་བདག་ནི་ལོང་བར་གྱུར་ཏེ་མིག་མེད་ལ། དེ་བཞིན་གཤེགས་པའི་སྤྱན་གྱིས་རྗེས་སུ་སྤྱོད་པར་ཟད་པས…

སྙེད་པ་སྟོན་པའི་གསུང་རབ་ཟབ་མོ་རྣམས་སྤང་དུ་མི་རུང་བའི་རྒྱུ་མཚན་དུ་མི་འགྲོ་ལ། གཞན་ཡང་ཆོས་ཉིད་སྐྱེ་འགག་མེད་པར་གནས་པར་ཡང་ཆོས་ཉིད་སྟོན་པ་མི་སྤོང་པའི་རྒྱུ་མཚན་དུ་འབྲེལ་པོ་མི་འོང་ངོ༌། །དེས་ན་ཇི་ལྟ་ཇི་སྙེད་སྟོན་པ་གཉིས་ཀ་མི་སྤོང་བའི་རྒྱུ་མཚན་དུ་བྱ་ལ། དེ་ཡང་གསུང་རབ་ལས་འདི་ལས་འདི་འབྱུང་ཞིང༌། འདི་ལས་འདི་མི་འབྱུ…

ཞེས་འཆད་མོད་ཀྱང་རྣམ་སྣང་མངོན་བྱང་ལ་སོགས་པའོ། །རྣལ་འབྱོར་གྱི་རྒྱུད་ནི་དེ་ཉིད་བསྡུས་པ་ལ་སོགས་པའོ། །གསང་བའི་རྒྱུད་ཀྱི་མཐའ་ནི་རྣལ་འབྱོར་བླ་མེད་ཀྱི་རྒྱུད་རྣམས་སོ། །དེ་རྣམས་ཀྱི་དབྱེ་བས་ཕྱེ་བ་ཉིད་ནི། གདུལ་བྱའི་སེམས་ཅན་རང་རང་གི་མོས་པས་ལམ་ལ་འཇུག་པ་རྣམས། རང་གི་ལམ་དེ་དང་དེ་ལ་ཇི་ལྟར་དགའ་བ་བཞིན་དུ་གསུངས་པ་རྣམས་ཏ…

གཞུང་གཞན་ཞིག་ཡོད་ན་མ་གཏོགས་པ། བོད་དཔེ་བཞིན་དུ་ཡོད་ན་མི་འགྲིག་གོ། དེ་ལྟར་ན་ལེའུ་དང་པོས་མདོར་བསྟན་པ་ཞེ་དགུས་རྒྱས་པར་བཤད་པའི་དོན་ང་གཅིག་པས་བསྐྱེད་རྫོགས་ཀྱིས་ལམ་གྱི་རིམ་པ་གཅིག་ཏུ་བསྡུས་པ་ལ་ཐོས་བསམ་སྒོམ་གསུམ་བྱས་ལ། དཔལ་བདེ་མཆོག་གི་བསྟན་པ་རང་གཞན་གྱི་རྒྱུད་ལ་རྒྱས་པར་བྱའོ། །གསུམ་པ་ནི། དཔལ་ཧེ་རུ་ཀ་ཞེས་མངོན་པ…

མཇུག་གི་དོན་ལ་གཉིས། གཞུང་ཡོངས་སུ་རྫོགས་པའི་ཚུལ་དང༌། བོད་དུ་གང་གིས་བསྒྱུར་བའི་ཚུལ་ལོ། །དང་པོ་ནི། དཔལ་ཧེ་རུ་ཤློ་ཀ་འབུམ་གྱི་ནང་ནས་ཕྱུང་བ་ཕྱག་རྒྱ་ཆེན་པོ་མཆོག་གི་དངོས་གྲུབ་སྒྲུབ་པའི་རྟོག་པ། དངོས་གྲུབ་དེ་ཚེ་འདི་ཉིད་ལ་སྒྲུབ་པས་རྨད་དུ་བྱུང་བ་མཁས་པ་རྣམས་ཀྱི་ཡིད་ངོ་མཚར་དང་བཅས་པར་བྱེད་པ་བསྟན་བཅོས་ཐམས་ཅད་ཀྱི་རྒ…

སྟེ་ཞུས་དག་བགྱིས་ཏེ་འཆད་ཉན་གྱིས་གཏན་ལ་ཕབ་པའོ། །༈ དཔལ་ལྡན་རྒྱུད་སྡེའི་འཁོར་གྱི་དབུས་ན་ཡོན་ཏན་བྱེ་བའི་དཔལ་གྱིས་ལྷག་གེར་འབར། །རྣམ་དག་དབང་དང་དམ་ཚིག་ས་ཆེན་ལ་གནས་རིམ་གཉིས་སྲིད་ལ་དབང་བསྒྱུར་བས། །དངོས་གྲུབ་གཉིས་ཀྱི་དགའ་སྟོན་ཅི་ཡང་རྒྱས་པས་ཡ་མཚན་དགའ་བ་སྐྱེད་བྱེད་པ། །རྣལ་འབྱོར་དབང་ཕྱུག་བྱེ་བའི་འཇུག་ངོགས་དེ་ནི་…

ལེགས་བཤད་ཀུན་གྱི་ཆུ་ཀླུང་གཅིག་འདུས་ཤིང༌། །དངོས་གྲུབ་གཉིས་ཀྱི་རིན་ཆེན་གཏེར་གྱུར་པས། །སྐལ་ལྡན་ཀླུ་དབང་རྣམས་ཀྱི་ཕུན་ཚོགས་གཞི། །དཔལ་ལྡན་ལཱུ་ཨི་པ་དང་དྲིལ་བུ་པ། །ནག་པོ་སྤྱོད་པའི་གདམས་ངག་ལ་བརྟེན་ནས། །བཤད་པའི་རྒྱུད་ཀྱིས་རྩ་རྒྱུད་བཤད་པ་ན། །རྩ་རྒྱུད་གདམས་པའི་མཆོག་ཏུ་འཆར་བ་དང༌། །དྲི་མེད་དབང་དང་དམ་ཚིག་ལ་གནས་ནས།…

དཔལ་བདེ་མཆོག་གི་རྩ་བའི་རྒྱུད་དང༌། བཤད་པའི་རྒྱུད་དང༌། ཆ་མཐུན་པའི་རྒྱུད་ཀུན་དང༌། བདེ་མཆོག་གི་སྐོར་སྤྱི་དང༌། ཁྱད་པར་དུ་ལོ་དྲིལ་ནག་གསུམ་གྱི་གཞུང་ཀུན་དང༌། བདེ་མཆོག་གི་འགྲེལ་པ་དུ་མ་ལ་རིང་དུ་འདྲིས་པར་བྱས་པའི་མཐར། བདེ་མཆོག་གི་བཤད་སྒྲུབ་ཉམས་པ་གསོ་བའི་དོན་དང༌། རང་གི་བརྗེད་བྱད་དུ་དམིགས་ཏེ། འབྲོག་རི་བོ་ཆེ་དགའ་ལ…

དཔལ་ཁྲག་འཐུང་གི་རྒྱལ་པོས་འཁོར་ལོ་སྡོམ་པར་བརྗོད་པ་རྣལ་འབྱོར་མ་བླ་ན་མེད་པ་རྒྱུད་ཐམས་ཅད་ཀྱི་བླ་མ་བདེ་མཆོག་བསྡུས་པ་ཞེས་བྱ་བ་བཞུགས་སོ།

རྒྱ་གར་སྐད་དུ། ཤྲཱ་ཧེ་རུ་ཀ་རཱ་ཛཱ་ཙ་ཛཱ་ཙཀྲ་སཾ་བར་བྷི་དྷ་ན་ཡོ་གི་ནི་རུད་ཏ་ར་སརྦ་ཏན་ཏྲོད་ཏ་ར་སཾ་བར་སཾ་གྲ་ཧ་ནཱ་མ། བོད་སྐད་དུ། དཔལ་ཁྲག་འཐུང་གི་རྒྱལ་པོ་འཁོར་ཨོ་སྡོམ་པར་བརྗོད་པ་རྣལ་འབྱོར་མ་བླ་ན་མེད་པ་རྒྱུད་ཐབས་ཅད་ཀྱི་བླ་མ་བདེ་མཆོག་བསྡུས་པ་ཞེས་བྱ་བ། ༈ བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། ༈ །དེ་ནས…

དཔའ་བདེ་བའི་མཆོག །འདི་ནི་རང་འབྱུང་བཅོམ་ལྡན་དཔའ་མཁའ་འགྲོ་དྲ་བའི་སྡོམ་པ་ཡིན། ༈ །འབྱུང་བ་སྦྲ་ཚུལ་ལས་བྱུང་རྣམས། །དམ་ཚིག་སྤྱོད་པའི་སྤྱོད་ཡུལ་ཡིན། ༈ །ཐོག་མ་དབུས་མཐར་ཡང་དག་གནས། །འཇིག་རྟེན་གསུམ་དུ་རྙེད་དཀའ་བ། ༈ བསྲུབ་བྱ་སྲུབ་བྱེད་ཡང་དག་སྦྱོར། །ཇི་ལྟ་བ་ནི་དེ་བཞིན་ཏེ། ༈ །སྔགས་བཟླས་བསམ་གཏན་ལ་སོགས་ལྡན། །སྦྱོར་ཉ…

ཡི་ནོ་དངོས་གྲུབ་བྱ། རང་རྫས་ཐིག་ལེས་སངས་རྒྱས་དང་། བྱང་ཆུབ་སེམས་དགའ་མཆོད་པར་བྱ། ༈ མཐོང་བ་དང་ནི་རེག་པ་དང་། ཐོས་པ་དང་ནི་དྲན་པ་ཡིས། སྡིག་པ་ཀུན་ལས་གྲོལ་འགྱུར་བ། དེ་ལྟ་ཉིད་དུ་ཐེ་ཚོམ་མེད། རྣལ་འབྱོར་བ་ཉིད་བསོད་ནམས་མཆོག དག་བྱེད་སྡིག་པ་འཇིག་བྱེད་པ། གསང་སྔགས་ཟློས་པའི་བཟླས་བརྗོད་དང་། བསམ་གཏན་གྱིས་ཀྱང་འགྲུབ་པར་འག…

པའོ། ༈ དེ་ལ་ལྕི་བ་ལྡེང་བ་ཡིས། དཀྱིལ་འཁོར་ས་ནི་ཉེ་བར་ཕྱུག །དུར་ཁྲོད་ཐལ་བར་ལྡན་པ་དང་། །མི་འཆི་བཅུ་ཕྱེད་བཅས་པ་ཡིས། །དཀྱིལ་འཁོར་ས་ནི་ཉེར་ཕྱུགས་སྟེ། །དེར་ནི་དཀྱིལ་འཁོར་ཡང་དག་བརྩམ། །དུར་ཁྲོད་དུ་ནི་ཀུན་སྤྱོད་ཅིང་། །གནས་དེ་དུ་ནི་བསམ་བྱས་ནས། ༈ །རོ་བསྲེགས་སོམ་པའི་ཕྱེ་མ་དང་། །དུར་ཁྲོད་སོ་ཕག་ལྡན་པ་ཡིས། །དཀྱིལ་འ…