པར་འགྲོ་བས་ཇི་ལྟར་དགའ་བར་འགྲོ་བའི་ཕྱིར། འདོད་ཁམས་ཞེས་བྱ་བ་ལ་སོགས་པ་གསུངས་ཏེ། རྒྱལ་ཆེན་རིགས་བཞི་དང་སུམ་ཅུ་རྩ་གསུམ་དང་འཐབ་བྲལ་དང༌། དགའ་ལྡན་དང་འཕྲུལ་དགའ་དང༌། གཞན་འཕྲུལ་དབང་བྱེད་དེ། རྣམ་པ་དྲུག་ནི་འདོད་པའི་ཁམས་ཏེ། དེ་ན་གནས་པའི་ལྷའི་བུ་མོ་རྣམས་དང༌། ལྷའི་ལོངས་སྤྱོད་ཅེས་བྱ་བ་ལྷ་རྣམས་ཀྱི་ལོངས་སྤྱོད་དང་འདྲ་བ་…

སོགས་པ་ལ། སངས་རྒྱས་ནི་རིན་པོ་ཆེ་ལྟ་བུའི་གང་ཟག་གོ །དང་པོར་ཐོས་པ་ཙམ་གྱིས་ནི་སེམས་འཁྲུལ་པ་སྟེ། རང་དབང་མེད་པར་སེམས་བསྐྱོད་པ་ནི། སེམས་འཁྲུལ་བ་དང་འདྲ་བས་དེ་སྐད་ཅེས་བྱའོ། །སེམས་བསྐྱོད་ལུགས་ནི། གསུངས་པའི་དོན་ལ་ཤིན་ཏུ་ཡང་ངོ་མཚར་དུ་གྱུར་པའི་ཕྱིར་རོ། །སྔོན་བྱུང་ལ་ད་ལྟར་བསྟན་པ་ནི་རྗེས་འཇུག་ལ་ཆོས་ཟབ་མོ་ཐོས་པ་ན་འ…

གང་ཡིན་པ་དེ་ཡང་ངོ་མཚར་ཆེ་བ་དང༌། གང་བདུད་རྩི་ལྔ་དང་ཤ་ལ་སོགས་པའི་རི་ལུ་རྣམས་ཀྱིས་ཀྱང༌། གང་གི་ཕྱིར་དངོས་གྲུབ་ཕུན་སུམ་ཚོགས་པ་བསྒྲུབ་པ་དེ་ནི། ངོ་མཚར་ཆེ་བ་དང་ཆོས་རྣམས་ཀྱི་ངོ་བོ་ཉིད་ཀྱིས་དག་པ་སྟེ་འདི་ཡང་ངོ་མཚར་ཆེ་བ་དང༌། ཟུང་འཇུག་པས་ལྷ་ཞི་ཁྲོ་གང་ཡང་རུང་བའི་ཕྱག་རྒྱ་ཆེན་པོ་ལ་དམིགས་ནས་ལས་རབ་འབྱམས་བསྒྲུབས་ན ས།་…

ཆོས་ཆེན་པོ་ནི་འོད་དཔག་ཏུ་མེད་པ་སྟེ། རྡོ་རྗེ་གསུམ་གྱི་བདག་ཉིད་ཅན་གྱི་རྡོ་རྗེའི་གསུང་དུ་བཀའ་སྩལ་ཅིང་གསུངས་པའོ། ༈ །སེམས་དཔའ་རྡོ་རྗེ་ནི་མི་བསྐྱོད་པའོ། །མི་བསྐྱོད་པ་དེའི་སྦྱོར་བ་ནི་སྤྱི་བོར་འཇོག་པའོ། །བཞག་པ་དེས་རྡོ་རྗེ་འཛིན་རྣམས་ཏེ་མི་བསྐྱོད་པའི་རིགས་དང་ལྡན་པ་རྣམས་སོ། །གཉེས་པར་བྱ་བ་ནི་རིགས་བདག་གིས་དབང་བས…

རབ་ཏུ་བསྒོམ་པར་བྱ་ཞིང་དེས་ཉེ་བར་གསལ་བར་བྱ་སྟེ་སྤྱན་མ་གཟུགས་རྡོ་རྗེ་མ། བྱམས་པ། ས་སྙིང༌། གཤིན་རྗེ་གཤེད། མི་གཡོ་བ་རྣམས་ལ་རྣམ་སྣང་གི་དབུ་རྒྱན་ནོ་འོ་། །དེ་ལྟར་རང་རང་གི་དབུ་རྒྱན་བྱེད་པ་དེ་མཆོག་ཅེས་བྱ་སྟེ། གོང་དུ་ཤིན་ཏུ་དགའ་བར་གྱུར་པ་རྣམས་ཀྱི་ཡང༌། ཞེས་པ་འདིར་སྦྱར་ཏེ་ཤིན་ཏུ་ཡིད་དུ་འོང་བའོ། །རིག་པ་ནི་མཱ་མ་ཀཱ…

གཞག་པར་བྱ་བ་ནི་གོས་དཀར་མོ། དྲི་རྡོ་རྗེ་མ། འཇིག་རྟེན་དབང་ཕྱུག །འཇམ་དབྱངས། རྟ་མགྲིན། དབྱུག་སྔོན་ཅན་རྣམས་ལ། །རྒྱུད་རྡོར་འཕྲེང་ལས། འཇམ་དཔལ་རྡོ་རྗེའི་རིགས་སུ་བཤད་པས་རིགས་གཉིས་པའོ། །ཐམས་ཅད་ལས་བྱེད་སྔགས་རྣམས་ལ། ཞེས་བྱ་བ་ནི། ལས་ཀྱི་རིགས་རྣམས་ཏེ་སྒྲོལ་མ། རོ་རྡོ་རྗེ་མ། སྒྲིབ་སེལ། ཀུན་བཟང༌། བགེགས་མཐར་བྱེད། སྟོ…

བས་ན་སྦྱོར་བ་སྟེ།:པ་ཚབ:སྦྱོར་སྔགས་སྤྱི་བོ་པ་དག་རྣམས། །ཐམས་ཅད་ལ་ནི་བསྐུལ་བ་ཤིས། ཞེས་པའི་སྦྱོར་སྔགས་ཞེས་པ་འགྲེལ་པའི་བཤད་པ་དང་མཐུན་ནོ། །དེ་རྣམས་ཀྱི་སྦྱོར་བའི་སྔགས་ཏེ་ལྷ་རྣམས་ལ་ནི། སྤྱི་བོར་གནས་པའི་བསྐུལ་བ་སྟེ། རྣམ་སྣང་ལ་སོགས་པའི་རིགས་བདག་ལྔ་རང་རང་གི་ཕྱག་རྒྱ་སྤྱན་མ་སོགས་དང་བཅས་པ ར་སྙོམས་པ ར་ཞུགས་པས་རྒྱས…

མ་ཀ་ར་ཏཏ་ཤསྟ་ཉེ་བར་ཞི་བར་མཛད་པས་ན་སྟོན་པའོ། །ཁམས་གསུམ་གྱི་བདག་པོར་གྱུར་པས་ན་གཙོ་བོའོ། །ཆོས་རྣམས་ཀུན་ནི་གཟུགས་ཀྱི་ཕུང་པོ་ལ་སོགས་པའི་ངོ་བོ་དཀྱིལ་འཁོར་པའི་ལྷ་སྟེ། དེ་རྣམས་ཀྱི་གཙོ་བོ་ཡིན་པས་ན་ཆོས་རྣམས་ཀུན་གྱི་དབང་ཕྱུག་གོ །རྡོ་རྗེ་གསུམ་མི་ཕྱེད་པའི་ངོ་བོ་ཉིད་ཀྱི་བདག་ཉིད་ཅན་ཡིན་པས་ན། སྐུ་དང་གསུང་དང་ཐུགས་ཡོ…

ཕྱིར་སྐུ་གཉིས་ལ་དམིགས་ནས་བཟླས་པ་གཉིས་པོ་འདི་ལྟར་བྱ་ཞེ་ན། རྡོ་རྗེ་སེམས་དཔའ་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་དཔའ་ལ་སོགས་ཀུན། ཞེས་བྱ་བ་ནི། མི་བསྐྱོད་པ་ལ་སོགས་པའོ། །སྔགས་ཀྱི་བསམ་གཏན་གྱིས་བསྐུལ་བས་ཞེས་བྱ་བ་ནི། རྣལ་འབྱོར་པ་རང་རང་གི་སྔགས་དང༌། རང་རང་གི་ལྷའི་སྐུའི་ཕྱག་རྒྱ་ལ་དམིགས་པས་རབ་ཏུ་བསྐུལ་ཞིང་རྦོད་པ…

ཞེས་བྱ་བའི་དགོད་པ་སྟེ་ཚོགས་གསུམ་ཡི་གེ་གསུམ་གྱི་ནང་དུ་ཐིམ་པར་བསམས་ཏེ། འདི་ནི་གནས་གསུམ་དུ་ནི་རིགས་བརྟག་གོ །ཞེས་བྱ་བ་ཡིན་ནོ། ༈ །དེ་ལྟར་སྣོད་ཡོངས་སུ་སྦྱང་བ འི་བསྐྱེད་ཆོག་བྱས་ནས། དབབ་པའི་ཆོ་ག་འོག་ནས་བཤད་པ་ཐམས་ཅད་ནི་བྱས་ཤིང་བསྒྲུབས་ན། གདོན་མི་ཟ་བར་གཅིག་ཏུ་འགྲུབ་པར་འགྱུར་ཞིང་རབ་ཏུ་འགྲུབ་པར་ཉེ་བར་འགྲོའོ། །ག…

འགྱུར་རོ། ༈ །སྣོད་ཀྱི་མཚན་ཉིད་བསྟན་པར་བྱ་བའི་ཕྱིར། བུ་མོ་ཞེས་བྱ་བ་ལ་སོགས་པ་གསུངས་ཏེ། བུ་མོ་ལོ་གྲངས་བཅུ་གཉིས་ཀྱི་ཚད་ལ་གཞོན་ནུ་མ འི་ཚུལ་མ་ཉམས་ཤིང་གཙང་བའམ། ཁྱེའུ་ལོ་དེའི་ཚད་ཙམ་ལ་བུད་མེད་ཀྱི་ཡུལ་དང་མ་འཕྲད་པ་མཚན་ཉིད་ཐམས་ཅད་ཡོངས་སུ་རྫོགས་པ་སྟེ། ཡན་ལག་དང་ཉིང་ལག་མ་ཚང་བ་མེད་པ་བཟུང་ནས། སྔར་བཤད་པའི་རིམ་གྱིས་མང…

གྱུར་པས་སོ། །སྒྲུབ་པ་པོས་རིམ་པ་འདིས་དབབ་པར་བྱའོ། །དེ་ལྟར་བྱས་པས་ཕབས་པའི་སྣོད་ནི་ནམ་མཁའི་ཁམས་ནི་ཞེས་བྱ་བ་ལ་སོགས་པ་ལ། ཡུལ་ལ་ཕྱིར་འཕྱར་བའི་རྣམ་པར་ཤེས་པ་དང་བྲལ་བས་ནམ་མཁའི་ཁམས་ལྟར་སྟོང་པར་གྱུར་ལ། སེམས་མེད་ཅིང་སྟེ་ཤི་བའི་ལུས་ལྟ་བུར་རེ་ཞིག་མི་གཡོ་ལ། དེ་ནས་འཕར་བ་སོགས་འབྱུང་ངོ་འོ་། །རྟོག་པ་ཐམས་ཅད་རྣམ་སྤངས་དང…

བསྐུལ་བ་ཡིན་པར་བཤད་དེ། ཛྷཱཻཿཞེས་བྱ་བ་འདི་ཉིད་ཀྱིས་བསྐུལ་བ་ཐམས་ཅད་ནི་སྟེ།:ཆག:རེངས་པ་ལ་སོགས་པ་གསུམ་ལ་ཡང་ཟེར། སྐུལ་བ་ལ་སོགས་པ་གསུམ་ལ་ཡང་གསང་བ་སྟེ། སྙིང་པོར་གྱུར་པ་ཡིན་པར་བཤད་དོ། །དེ་ལྟར་བཤད་པའི་ཆོ་གས་བབས་པར་གྱུར་ནས། ས་གཞི་ལས་ཁྲུ་གང་ཙམ་མམ་དེ་ལས་ལྷག་པར་ནམ་མཁའ་ལ་འཕགས་པར་འགྱུར་རོ། །རྡོ་རྗེ་སེམས་དཔའ་སྟེ་མི་…

བྱས་ནས། འོད་དཔག་ཏུ་མེད་པ་ཇི་ལྟ་བ་བཞིན་དུ་བསྐྱེད་པར་བྱས་ཏེ། སྤྱི་བོ་དང་ལྐོག་མ་དང་སྙིང་ཁ་རྣམས་སུ་ཡི་གེ་གསུམ་བཀོད་ནས། ཡི་གེ་གསུམ་པོ་དེར་དགོད་པ་རྡོ་རྗེ་གསུམ་ནང་དུ་བསྟིམས་ཏེ། སྣོད་ཀྱི་རྐང་པའི་མཐིལ་ནས་ཁོང་སྟོང་ལྟ་བུར་བསམས་ལ། འོག་ཏུ་རླུང་དང་མེའི་དཀྱིལ་འཁོར་གྱི་སྟེང་ན། རྐང་མཐིལ་དུ་གནས་པའི་ཡི་གེ་ཛྷཱཻཿ དམར་པོ…

ན་ལྷ་ཆེན་པོའི་གནས་སྐབས་ཐོབ་པར་འགྱུར་རོ། །སྣོད་ལ་བབས་པར་ཤེས་ནས་བསྐུལ་བ་སྟེ་གཡོ་བ་ལ་སོགས་པ་བྱ་བའི་ཕྱིར། ཧཱུཾ་ལ་སོགས་པའི་ས་བོན་བཞི་དྲིལ་བུ་དཀྲོལ་བ་དང་བཅས་པས་བརྗོད་པར་བྱས་:པ་ཚབ:ཞིང་འབད་རྩོལ་བྱའོ། །ལ་བརྩལ་ལོ། །དེ་ནས་འགུལ་བ་ལ་སོགས་པས་སྣོད་ལ་བབས་པ་བརྟན་པོར་གྱུར་པར་རྟོགས་ནས། འཕགས་པའི་ལམ་གྱི་གནས་སྐབས་ལྐོག་ཏུ…

དེ་བཞིན་གཤེགས་པ་ཀུན་ནི་སྤྱན་ལ་སོགས་པ་སྟེ། དེ་རྣམས་ཀྱི་བདག་པོའོ། །སྐུ་གསུམ་ནི་སྐུ་དང་གསུང་དང་ཐུགས་སོ། །དེའི་གནས་ནི་འོད་གསལ་བ་སྟེ་དེས་ཡོངས་སུ་དག་པས། གསུང་ནི་འདི་སྐད་བཀའ་སྩལ་པའོ། ༈ །རྩེ་གཅིག་མ་གྱུར་པ་ཡིས་ཀྱང༌། ཞེས་བྱ་བ་ནི། ཞིང་དང་ཚོང་དང་བསྙེན་བཀུར་ལ་སོགས་པ་ལ་ཞུགས་པ་རྣམས་ཀྱིས་ཀྱང་བརྟུལ་ཞུགས་བརྟན་པས་ཏེ་ད…

རྫས་ལིང་ག་ལ་དེའི་རྣམ་ཤེས་དགུག་པ་དང་དོན་དུ་ཞེན་པ་སྔོན་དུ་འགྲོ་བས། ལྷོ་ཕྱོགས་སུ་ཁ་བལྟས་ལ་སྐྲ་བཤིག་ཅིང་གཅེར་བུར་བྱུང་ནས། གཤིན་རྗེ་གཤེད་ལ་སོགས་པ་ཁྲོ་བོ་གང་ཡང་རུང་པའི་སྔགས་བསད་པའི་སྤེལ་ཚིག་དང་བཅས་པ་ཐུན་བཞིའམ་གསུམ་དུ་བཏོན་ན། ཁམས་གསུམ་དག་ཀྱང་འཇིག་པར་བྱེད་དོ། །ཞེས་བྱ་བ་ནི། ཤིན་ཏུ་ཁྱད་པར་དུ་འཕགས་པར་གསུངས་པའོ…

སྲོག་འཇིག་པའི་ལས་གང་ཡིན་པ་ལ་ཤ་ཆེན་པོ་ལས་སྔ་མ་བཞིན་དུ་བྱ་སྟེ། ཤ་ལས་བྱས་པའི་སྦྱོར་བ་ཐམས་ཅད་ཀྱི་ནང་ན། རྡོ་རྗེ་ལས་བྱུང་བ་ཤ་ཆེན་ལས་བྱས་པ་ནི། ཤིན་ཏུ་མི་བཟད་པ་ཡིན་པར་བཤད་དོ། །དེ་ཉིད་ཀྱི་ཕྱིར་འདི་ནི་དགྲ་རྣམས་ཐམས་ཅད་ཀྱི”། འཇིག་པ་ཤིན་ཏུ་མི་བཟད་ཡིན། ཞེས་བྱ་བ་གསུངས་སོ། །དགྲའི་ཞེས་བྱ་བ་ལ་སོགས་པ་ལ། ཆོས་མཆོག་ཅན་ཏེ…

པར་འགྱུར་རོ། །ཞེས་གསུངས་སོ། །སྐེ་ཚེ་ཞེས་བྱ་བ་ལ་སོགས་པ་ལ། སྐེ་ཚེ་ལ་སོགས་པའི་རྫས་རྣམས་ལས་དགྲའི་གཟུགས་བརྙན་བྱས་ལ། དེ་བཞིན་དུ་ཚེར་མ་ཅན་གྱི་མེ་ལ་སྦྱིན་བསྲེག་བྱ་སྟེ། འདི་ནི་སངས་རྒྱ་ཐམས་ཅད་དེ། བསྒྲུབ་པར་བྱ་བ་ཉིད་དུ་མངོན་པར་འདོད་པ་རྣམས་ཀྱི་གསད་པར་བྱ་བ་ལ། འདི་དག་ཉིད་གཙོ་བོ་ཡིན་པར་བཤད་དོ། །གསོད་པའི་ལས་འདི་དག་…

ག་བཞིན་དུ་མནན་ནས་བཟླས་བརྗོད་བྱའོ། དེ་ལྟར་བྱས་པའི་སྦྱོར་བའི་ཆེ་བའི་མཐུ་བསྟན་པར་བྱ་བའི་ཕྱིར། རྡོ་རྗེ་སེམས་དཔའ་སྲིན་པོས་འཁྱེར་བར་འགྱུར་རོ། །ཞེས་གསུངས་པ་ཡིན་ནོ། །སྐེ་ཚེ་ཞེས་བྱ་བ་ལ་སོགས་པ་ལ། སྐེ་ཚེ་དང་བཤང་གཅི་ལ་སོགས་པ་ལས་དགྲ་བོའི་གཟུགས་བརྙན་བྱས་ནས། དེ་བཞིན་དུ་རྐང་པས་ཡོངས་སུ་མནན་ལ། ཆེ་གེ་མོ་མཧཱ་དཱ་ཧེ་ན་གྲ…