བྱང་ཆུབ་པའི་ཡེ་ཤེས་བསྐྱེད་པའོ། །དེའི་དོན་གྱི་རིམ་པ་སྟོན་པའི་གཞུང་གི་ཚོགས་ནི་རིམ་པར་ཕྱེ་བ་བཅུ་དྲུག་པ་སྟེ། སྒྲ་ཇི་བཞིན་པའོ། ༈ །སྒྲོན་མ་གསལ་བར་བྱེད་པ་ཞེས་བྱ་བའི་རྒྱ་ཆེར་བཤད་པ་ལས་ལེའུ་བཅུ་དྲུག་པ་མཐའ་དྲུག་གིས་བཤད་པའོ། ༈ །ལེའུ་དང་པོ་ནས་བཅུ་དྲུག་པའི་བར་གྱིས་དབང་བསྐུར་ནས་རིམ་པ་གཉིས་ཁོང་དུ་ཆུད་པ ར་བྱས་པ ས་ཀྱ…

འོད་གསལ་དུ་ཐིམ་པའི་ཐམས་ཅད་སྟོང་པའི་བདག་ཉིད་ཅན་ཡིན་པས་ན་ཡེ་ཤེས་ཆེའོ། །རྡོ་རྗེ་ནི་མི་བསྐྱོད་པ་ལ་སོགས་པ་སྟེ། དེ་འཛིན་པར་བྱེད་པས་ན་རྡོ་རྗེ་དབྱིངས་ཏེ་དབྱིངས་ཀྱི་སྐད་དོད་དྷཱ་ཏུའི་སྒྲ་ལས་དྷཱ་ར་ནི་འཛིན་པའོ། །སོ། །བདེན་པ་གཉིས་ཀྱི་རྣམ་པར་དབྱེ་བ་ཡོངས་སུ་མཁྱེན་པས་ན་མཁས་པ་ཆེའོ། །སྐུ་རྡོ་རྗེ་ལ་སོགས་པ་ནང་ན་གཙོ་བོར…

ཞེས་འབྱུང་བ་འགྲེལ་པའི་བཤད་པ་དང་མཐུན་ནོ། །གྱིས་འོད་གསལ་བ་ནི་ངོ་བོ་ཉིད་ཀྱིས་དག་པའོ། །ཆོས་སྟོན་པ་ནི་ཆོས་རྣམས་བཤད་པར་མཛོད་ཅིག་པ་སྟེ། རྡོ་རྗེ་ཞེས་པ་ནི་བོད་པའོ། །རིན་ཆེན་ནི་རིན་པོ་ཆེའི་རིགས་དང་ལྡན་པ་རྣམས་སོ། །རིགས་ཅན་དེ་རྣམས་དགའ་ཞིང་གསལ་བར་མཛད་པས་ན་རིན་ཆེན་རྒྱལ་པོའོ། །མཉམ་པ་ཉིད་ཀྱི་ཡེ་ཤེས་ཀྱི་བདག་ཉིད་ཡིན་…

པའི་རིགས་ཅན་རྣམས་སོ། །རིགས་ཅན་དེ་རྣམས་ཀྱིས་རྫོགས་པའི་སངས་རྒྱས་སུ་མདུན་དུ་བདར་ཞིང་མཆོད་པ་བྱས་པས་ན་དོན་ཡོད་རྡོ་རྗེ་རྫོགས་སངས་རྒྱས་སོ། །ཞི་བ་ལ་སོགས་པའི་ལས་རྣམས་ཀྱིས་སྒྲུབ་པ་པོའི་འགྲོ་བ་རྣམས་ཀྱི། མངོན་པར་འདོད་པ་ཐམས་ཅད་རྫོགས་པར་མཛད་པས་ན་བསམ་པ་ཐམས་ཅད་རྫོགས་མཛད་པའོ། །དག་པའི་ངོ་བོ་ཉིད་ནི་འོད་གསལ་བའོ། །དེ་ལས…

ཞེས་བྱ་བ་ལ་སོགས་པས་ནི། དེ་ལྟར་བསྟོད་པས་རྡོ་རྗེ་འཆང་ཆེན་པོ་དགྱེས་ནས་ཞུས་པའི་དོན་གསུངས་པ་ལ་ཐུགས་མངོན་དུ་ཕྱོགས་པ་སྟོན་ཏེ། གདུལ་བྱའི་ཉོན་མོངས་པ་དང་ཉེ་བའི་ཉོན་མོངས་པ་ཐམས་ཅད་ཉེ་བར་ཞི་བར་མཛད་པས་ན་སྟོན་པའོ། །སྟོན་པའི་སྐད་དོད་ཤཱསྟ་ལ་ངེས་ཚིག་གིས་ཤནྟི་ཀ་ར་ཞི་བ་ལ་འཇུག་པས་དེ་ལྟར་བཤད་དོ། །སངས་རྒྱས་ཀུན་ལ་ཞེས་པ་ནི།…

ཕན་ཡོན་ཞལ་གྱིས་བཞེས་ནས་ཟེར། བསྟོད་པ་དང༌། ཕན་ཡོན་དེ་དགོས་པ་ནི་ཆོས་གསུངས་པ་ཡིན་ལ། དེ་བདག་གིར་མཛད་པ་སྟེ་ཞལ་གྱིས་བཞེས་ནས། དམ་ཚིག་ཇི་ལྟ་བ་བཞིན་དུ་སྟོན་པར་མཛད་པ་དེ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། སངས་རྒྱས་ཞེས་བྱ་བ་ནི་རྣམ་པར་སྣང་མཛད་ལ་སོགས་པའི་རྣལ་འབྱོར་པ་རྣམས་ཀྱིས་སོ། །དམ་ཚིག་བཞི་ནི…

སུ་བསྐྱང་བར་བྱ་བའོ། །དམ་ཚིག་འདི་ནི་རྣམ་པར་སྣང་མཛད་ཀྱི་རྣལ་འབྱོར་པ་འབའ་ཞིག་གི་ཡིན་པར་མ་ཟད་ཀྱི། གཞན་ཡང་རྡོ་རྗེ་འཆང་ཆེན་པོའི་རྣལ་འབྱོར་པ་རྣམས་ཀྱི་ཡང་འདི་ཉིད་ཡིན་ནོ་ཞེས་པ་བསྟན་པར་བྱ་བའི་ཕྱིར།གང་ཞིག་སྔར་བཤད་པའི་དམ་ཚིག་འདི་བསྲུང་བའི། རྡོ་རྗེ་སེམས་དཔའ་འོད་པོ་ཆེ་སྟེ། དེའི་རྣལ་འབྱོར་པ་ནི། སྐད་ཅིག་དེ་ལ་:པ་ཚབ:…

སྨད་ནས་ཆུ་འབབ་པ་སྟོན་པ་ལྟ་བུའོ། །ལ་སོགས་པ་རྨད་དུ་བྱུང་བ་སྟོན་པས། ལུས་ཀྱི་ཆོས་སྟོན་པ་དེས་འདུལ་བ་སྟེ་གདུལ་བྱ་རྣམས་ཀྱི་དོན་གྱི་བྱ་བ་སྟེ་གདུལ་བྱ་ལ་གང་བསྟན་པར་འདོད་པ་དེ་གོ་བར་བྱེད་པས་དེ་དག་ནི་ལུས་ཀྱིས་སྟོན་ཏོ། །་དེ་བས་ན་རྡོ་རྗེ་སྐུ་ལ་རབ་ཏུ་གནས། ཞེས་བྱ་བ་གསུངས་ཏེ། ངག་གིས་སྟོན་པ་མེད་པས་སོ་སེམས་ཅན་རྣམས་ལམ་ལ…

གི་བདག་མེད་ཀྱི་ལྟ་བ་མཚན་ཉིད་རྫོགས་པར་འདོད་པ་ལྟར་གྱི་གང་ཟག་གི་བདག་མེད་རྟོགས་པ་ལ་ཇི་ཙམ་འབད་ཀྱང་ཉོན་མོངས་པ་ཐམས་ཅད་ཟད་པར་མི་ནུས་པ་དང༌། གང་ཟག་རང་གི་མཚན་ཉིད་ཀྱིས་གྲུབ་པས་སྟོང་པར་རྟོགས་པའི་གང་ཟག་གི་བདག་མེད་ཀྱི་ལྟ་བ་ལ་གོམས་པར་བྱས་པས་དགྲ་བཅོམ་པ་ཐོབ་ནུས་པར་ཟླ་བའི་ཞབས་བཞེད་པའི་ཕྱིར་རོ། །དེས་ན་དེ་འདྲ་བའི་གང་ཟག་…

དེས་ན་མི་གནས་པའི་མྱང་འདས་ལ་རྒྱབ་ཀྱིས་ཕྱོགས་པ་ནི། ཆགས་ཅན་ཡེ་ཤེས་འདོད་པ་ཡིས། །རྟག་ཏུ་འདོད་པའི་ཡོན་ཏན་བསྟེན། ཞེས་གསུངས་པ་ལྟར། ཟུང་འཇུག་གི་ཡེ་ཤེས་ཐོབ་པའི་ཐབས་སུ་འདོད་ཡོན་ལ་ཆགས་པ་ལམ་དུ་བྱེད་པ་ལ་རྒྱབ་ཀྱིས་ཕྱོགས་པའོ། །དམན་པར་མོས་པ་ཐམས་ཅད་ཀྱི། ཞེས་བྱ་བ་ནི། བདག་གཅིག་བུ་མྱ་ངན་ལས་འདས་པ་ལ་མཆོག་ཏུ་གཞོལ་བ་རྣམས་ཏེ…

ཚངས་པ་ཉིད་དུ་འགྱུར། ཞེས་བྱ་བ་གསུངས་སོ། །དབང་ཕྱུག་ཆེན་པོའི་གཟུགས་ཀྱིས་འདུལ་བ་རྣམས་ལ་དེའི་དམ་ཚིག་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། ཁམས་གསུམ་སྟེ་མཆོག་འབྲིང་དམན་གསུམ་དག་ན་གནས་པ་ཡི་བུད་མེད་རྡོ་རྗེ་སྟེ་དགུག་དཀའ་བ་ལས་བྱུང་བ་རྣམས་དགའ་ཞིང་མགུ་བའི་ཐབས་སྣ་ཚོགས་པའི་དངོས་པོས་ལོངས་སྤྱད་པ་ནི་ད…

ཚིག་ནི་སྐུ་རྡོ་རྗེ་ལ་སོགས་པའི་ངོ་བོ་ཉིད་དོ། །སྐུ་ཡི་རྡོ་རྗེ་ནི་ཞེས་བྱ་བ་ལ་སོགས་པ་ནི་གོ་སླའོ། །སྐུ་ཡི་རྡོ་རྗེ་ཚངས་པར་འགྱུར། །གསུང་གི་རྡོ་རྗེ་དབང་ཕྱུག་ཆེ། །ཐུགས་ཀྱི་རྒྱལ་པོ་རྡོ་རྗེ་འཛིན། །དེ་ཉིད་ཁྱབ་འཇུག་རྫུ་འཕྲུལ་ཆེ། ཞེས་གསུངས་པས་རྣམ་སྣང་ལ་སོགས་པའི་རྡོ་རྗེ་གསུམ་གྱི་ལྷ་ལ་ཚངས་པ་ལ་སོགས་པའི་མིང་གིས་བཏགས་…

དེ་རྣམས་ཕྲ་མ་ལ་སོགས་པའི་དམ་ཚིག་འདི་རྣམས་ཉམས་སུ་བླངས་པས། བསྒྲུབ་པར་བྱ་ཞིང་སྔགས་པས་དབང་དུ་བྱ་སྟེ། དེ་ལྟར་བྱེད་པ་ལས་གཞན་དུ་མ་བྱས་ན་ངེས་པར་ཉོན་མོངས་པར་འགྱུར་ཞིང་རང་དབང་དུ་མི་འགྱུར་རོ་ཞེས་བྱ་བའི་བར་དུ་སྟེ་ཐ་ཚིག་གོ་འོ་། །གང་ལྷ་མ་ཡིན་རྣམས་ཀྱི་བུ་མོ་དང༌། ལྷན་ཅིག་སྤྱོད་པར་འདོད་ན། དེ་བསྒྲུབ་པར་བྱ་བའི་ཐབས་བསྟན…

པའོ། །དོན་ཆེན་བྱེད་ཅེས་བྱ་བ་ལ། དོན་ནི་སྒྲུབ་པ་པོ་རྣམས་ཏེ་དེ་རྣམས་ཀྱི་དོན་ཆེན་པོ་བྱེད་པ་ནི། བརྩམས་པའི་དོན་བསྒྲུབ་པའི་ཕྱིར་རོ། །རྡོ་རྗེ་མཁའ་འགྲོ་མ་མཉེས་པར་བྱ་བའི་ཕྱིར། དེའི་དམ་ཚིག་གསུངས་པ་ནི། དེ་ནས་ཞེས་བྱ་བ་ལ་སོགས་པ་གསུངས་ཏེ། རྡོ་རྗེ་མཁའ་འགྲོ་མ་ཐམས་ཅད་ནི་རྡོ་རྗེ་མཁའ་འགྲོ་མ་ཞེས་པ་འདི། སྔར་བཤད་པའི་འཇིག་…

བའི་ཕྱིར། ངོ་བོ་ཉིད་ཀྱིས་ཞེས་བྱ་བ་ལ་སོགས་པ་གསུངས་ཏེ། ཚངས་པ་ལ་སོགས་པ་འདི་དག་ནི་རང་གི་ངོ་བོ་ཉིད་ཀྱིས་ཏེ། རང་དབང་གིས་ཐོག་མ་མེད་པའི་དུས་ཅན་ཏེ། སྣོད་ཀྱི་འཇིག་རྟེན་:པ་ཚབ:དང་ལྷན་ཅིག་ཏུ་བཞིན་དུ། ཀུན་ཏུ་འབྱུང་བ་རྫུ་འཕྲུལ་ཆེན་པོ་དང་ལྡན་པ། ཁམས་གསུམ་དུ་སེམས་ཅན་རྣམས་ལ་ཕན་འདོགས་པ་དང༌། ཚར་གཅོད་པར་བྱེད་ཅིང་ཆ་ལུགས་ས…

སོགས་པ་འགའ་ཞིག །རྟགས་དང་ཆ་ལུགས་ཀྱི་བྱེད་པ་མི་འདྲ་བ་དུ་མས་རྣམ་པར་གནས་པ་དེ་རྣམས་རྡོ་རྗེ་ཐེག་པ་འདིར་མཐའ་གཅིག་ཏུ་བརྙས་པར་མི་བྱ་སྟེ། དེ་ལྟར་བྱེད་པ་ལ་རྡོ་རྗེ་སེམས་དཔའི་རྣམ་འཕྲུལ་ཡིན། །་པ་དུ་མ་ཡོད་པའི་ཕྱིར་རོ། ཞེས་གསུངས་པས་སོ། ༈ །ད་ནི་རྫོགས་རིམ་པས་མི་དགེ་བ་བཅུའི་ལས་ཀྱི་ལམ་འོད་གསལ་གྱི་རྣམ་པར་དག་པ་བསྟན་པར་བྱ…

བཞིའོ། །ཁམས་གསུམ་དྲི་མེད་ཅེས་བྱ་བ་ནི་རྡོ་རྗེ་འཆང་ཆེན་པོའོ། །དེའི་དཀྱིལ་འཁོར་ཏེ་ཞེས་བྱ་བ་ནི་གནས་སོ། །དེ་གང་ཡིན་ཞེ་ན། འོད་གསལ་བ་སྟེ་ཁམས་གསུམ་དྲི་མ་མེད་པའི་དཀྱིལ་འཁོར་ནི། འོད་གསལ་བས་རྣམ་པར་དག་པའི་ཚིག་གི་ལམ་གང་ཡིན་པ་དེ་ཉམས་སུ་བླང་བར་བྱའོ། །དེས་ཅིར་འགྱུར་ཞེ་ན། ཚིག་གི་དངོས་གྲུབ་ཅེས་བྱ་བ་ལ་སོགས་པ་གསུངས་ཏེ།…

ལ་གནས་པ་རྣམས་ཀྱི་དམ་ཚིག་འདི་ཡིན་གྱི་གཞན་གྱི་ནི་མ་ཡིན་ཏེ། མི་འདའ་བར་ནན་ཏན་དུ་བྱ་བའི་དམ་ཚིག་གསུམ་པོ་བཤད་མ་ཐག་པ་འདི་ཡིན་ཞེས། བཅོམ་ལྡན་འདས་ཀུན་ཏུ་མཛེས་དགའ་རྡོ་རྗེ་སེམས་དཔས་དེ་སྐད་ཅེས་བཀའ་སྩལ་ཏོ། ༈ །ད་ནི་བསྐྱེད་རིམ་གྱི་སྒྲུབ་པ་རྩོམ་པར་བྱེད་པའི་སྔགས་པ་རྣམས་ཀྱི ས་ཕྱག་འཚལ་མི་འཚལ་ལ་ནན་ཏན་དུ་བྱ་བ་བསྟན་པར་བྱ་བ…

རྫོགས་པའི་རིམ་པ་རྟོགས་པ་རྣམས་ཀྱི ས་ཕྱག་བྱ་མི་བྱ་བསྟན་པར་བྱ་བའི་ཕྱིར། དེ་ནས་ཞེས་བྱ་བ་ལ་སོགས་པ་གསུངས་ཏེ། དེ་བཞིན་གཤེགས་པ་ཐམས་ནི་སེམས་ཅན་ཐམས་ཅད་དོ། །དེ་རྣམས་ཀྱི་སྐུ་རྡོ་རྗེ་ལ་སོགས་པ་ལ་འི་བསམ་གཏན་གྱི་དམ་ཚིག་ནི། སྒྱུ་མའི་སྐུར་དམིགས་པའི་རྣམ་པ་སྟེ། ཉིད་ཀྱི་སྐུ་ལ་སོགས་པ་ལས་ཕྱུང་ངོ༌། །ཀུན་ཏུ་རྡོ་རྗེ་ཞེས་བྱ་བ…

ཏེ་གྱུར་པར་བྱའོ་སོ། །ཀསེམས་ཅན་ཁམས་རྣམས་ནི་རྫོགས་པ་དང་མ་རྫོགས་པའི་སེམས་ཅན་གྱི་ཚོགས་རྣམས་སོ། །གགཅིག་ཏུ་བྱེད་ཚུལ་ནི་བསམ་གཏན་རྡོ་རྗེས་ཞེས་བྱ་བ་ནི་བཤད་ནམ་ཐག་པའི་རྡོ་རྗེ་གསུམ་དབྱེར་མི་ཕྱེད་པའི་གྱི་བསམ་གཏན་གྱིས་རྡོ་རྗེ་འཆང་གི་སྐུ་གཅིག་ཏུ་བྱའོ་སོ་། །བསྐུལ་པར་བྱ་ཞེས་བྱ་བ་ནི་བསླབ་པར་བྱ་བའོ། །རྡོ་རྗེ་གསུམ་གྱི་…