པ་ལ་མངོན་སྤྱོད་ལ་འཇུག་དགོས་པས་སོ། །དེ་ལྟར་ན་ལས་བཞི་པོ་དེ་བྱེད་ཚུལ་ཡང་རང་ངམ་གཞན་ལ་དོན་གཉིས་བསྒྲུབ་པ་ན་གཞན་དབང་དུ་སྡུད་པ་དང་ཚར་བཅད་པ་ལ་མི་ལྟོས་པར་བསྒྲུབ་ནུས་ན་ནི་ཞི་རྒྱས་གཉིས་བྱེད་ལ། གཞན་དུ་ན་སྔོན་དུ་གཞན་གཉིས་བྱས་ནས་དེ་ནས་དེ་གཉིས་བྱའོ། །ཞི་རྒྱས་ལ་ཡང་སྔོན་དུ་ཞི་བ་བྱས་ནས་རྒྱས་པ་ལ་འཇུག་པ་ཡོད་དེ། ཡུན་རིང་…

གི་ཐབ་བོ། །དང་པོ་ནི། ཉི་མ་བཟང་པོ་ལ་རང་གི་ལྷའི་རྣལ་འབྱོར་དང་ལྡན་པས་གཏོར་མ་དབུལ་བ་སྔོན་དུ་འགྲོ་བས་ས་སྦྱང་བ་དང་བཟུང་བ་རྒྱས་པའམ། ཡང་ན་ལག་པ་གཡས་པ་ས་ལ་བཞག་སྟེ། ༀ་ཨཱ་ཿ ཧཱུཾ་དང་ༀ་ཧ་ན་ཧ་ན་ཀྲོ་དྷ་ཧཱུཾ་ཕཊ་ཅེས་པའམ། རང་གི་ལྷའི་སྔགས་བརྒྱ་རྩ་བརྒྱད་བཟླས་ཏེ་ཀུན་རྫོབ་ཀྱི་དག་པའམ་སྟོང་ཉིད་ཀྱི་དག་པས་ཀྱང་རུང་སྟེ་ས་སྦྱང་ལ…

གདན་བཞི་ལས་ཀྱང་། ཟླ་གམ་རྡོ་རྗེ་རབ་མཛེས་རྣམས། །གྲྭ་དང་གྲྭ་རུ་གཞག་པར་བྱ། །ཞེས་ཐབ་རྣམས་ལ་ཐུན་མོང་དུ་ཟླ་ཕྱེད་རྡོ་རྗེ་བྱ་བར་གསུངས་སོ། །ཐབ་ཀྱི་དབུས་སུ་པདྨ་འདབ་བརྒྱད་ཀྱི་ལྟེ་བར་རྡོ་རྗེ་རྩེ་ལྔ་པ་སྲིད་དུ་སོར་བརྒྱད་པ་དཔངས་སུ་སོར་གཅིག་པ་དང་ཤར་ལ་སོགས་པའི་ཕྱོགས་བཞིར་འཁོར་ལོ་དང་རིན་པོ་ཆེ་དང་པདྨ་དང་རལ་གྲི་སོར་དྲུག…

གྱི་རྣམ་པ་དང་རྒྱ་དཔངས་ནི་རྒྱས་པའི་ཐབ་དང་འདྲ་བར་དགྲ་ནག་ལས་བཤད་ལ་མུ་རན་ལ་སོགས་པའི་ཚད་ཀྱང་དེ་བཞིན་ནོ། །ཐབ་ཀྱི་དབུས་སུ་དབང་ལ་ནི་པདྨ་དམར་པོ་རྡོ་རྗེས་མཚན་པའོ། །ཁ་ཁྱེར་ལ་ནི་པདྨའི་ཕྲེང་བས་བསྐོར་རོ། །ཐབ་ཁུང་དང་ཕྱི་རོལ་གཉིས་ས་དམར་པོ་དང་བདུད་རྩི་དང་ལྡན་པའི་དྲི་དམར་པོས་བྱུགས་ལ་མེ་ཏོག་དམར་པོ་དགྲམ་པར་བྱའོ། །དབང་ག…

ཀྱི་སྦངས་གང་རྙེད་པས་བྱུགས་ཏེ། དྲི་ངན་པའམ་དྲི་མེད་པའི་མེ་ཏོག་སྔོན་པོའམ་དམར་པོ་དང་འབྲུའི་ཕུབ་མ་ལ་སོགས་པ་རྣམས་གཏོར་ལ་མིའི་ཞུན་ལ་སོགས་པའི་མར་མེ་དང་ལྡན་པར་བྱའོ། །སོ་ན་ཤྲཱི་དང་རྡོ་རྗེ་གྲུབ་པའི་རྟོག་བདུན་གྱི་འགྲེལ་པར་དབྱེ་བའི་ཐབ་བསད་པ་དང་འདྲ་ལ་བསྐྲད་པའི་ཐབ་དབྱིབས་གཞུ་འདྲ་བ་ཁ་དོག་སྔོན་པོ་རྒྱར་ཁྲུ་དོ་ཟབས་སུ་…

སྙེར་དམིགས་བསལ་མེད་པ་རྣམས་ཀྱི་ཁ་ཁྱེར་ལ་གཙོ་བོའི་མཚན་མས་བརྒྱན་པར་བཤད་དོ། །གཉིས་པ་ནི། ལས་ཐམས་ཅད་པའི་ཐབ་ནི་སྡོམ་འབྱུང་སོགས་ལས་ཞི་བའི་ཐབ་དང་མཚུངས་པར་བཤད་པ་ནི་དབྱིབས་དང་རྒྱ་དཔངས་ཀྱི་ཚད་མཚུངས་ཀྱི་ཁ་དོག་མི་འདྲ་སྟེ། བཞི་བརྒྱ་ལྔ་བཅུ་པའི་འགྲེལ་པར་ཤཱནྟི་པས་རྒྱར་ཁྲུ་གང་དང་ཟབས་སུ་ཁྲུ་ཕྱེད་པའི་ཐབ་ཟླུམ་པོར་བྱས་པའི…

ལས་ཀུན་པ་ཡི་སྦྱིན་སྲེག་སྟེ། །ཚད་དང་དབྱིབས་དང་ཁ་དོག་དང་། །ཞི་བ་དང་མཐུན་ཤར་ལྟའོ། ཞེས་ལས་ཐམས་ཅད་པ་ལ་ཁ་དོག་དཀར་པོ་ཁོ་ན་དང་ཁ་ཤར་ཕྱོགས་ཁོ་ནར་བལྟ་བར་བཤད་པ་འཐད་པ་མ་མཐོང་ངོ་། །ཐབ་ཁྲུ་གང་ཟླུམ་པོ་ལ་ཁ་དོག་དཀར་པོའི་སྒོ་ནས་ཞི་བ་ལས་ཐམས་ཅད་པ་ནི་དཔལ་འཛིན་གྱིས་དམར་ནག་གི་དཀྱིལ་ཆོག་གཉིས་ཀར་བཤད་དོ། །ཡང་ཐབ་དེ་ལ་ཁ་དོག་དམར…

མའི་རྣམ་པའོ། །དེ་ལ་ཕྱོགས་དང་མཚམས་རྣམས་སུ་རྡོ་རྗེའམ་སྣ་ཚོགས་རྡོ་རྗེའམ་རལ་གྲིས་བསྐོར་ཞིང་། ཐབ་ཀྱི་ནང་དུ་རྡོ་རྗེ་ཕྲེང་བས་བསྐོར་བའི་པད་འདབ་ལ་གནས་པའི་འདབ་མའི་ཚད་ཀྱི་དེ་བཞིན་གཤེགས་པ་བཞིའི་མཚན་མའི་ནང་དུ་རྒྱར་སོར་བརྒྱད་དཔངས་སུ་སོར་གཅིག་པའི་རང་གི་མཚན་མ་དང་ལྡན་པ་དང་། མཚན་མ་ཡང་རྣམ་སྣང་གི་འཁོར་ལོའམ་རྡོ་རྗེ། རིན…

ཏོག་བཀྲམ་སྟེ་བྲིས་པ་ཡང་རུང་ངོ་། །གཉིས་པ་ནི། དགང་བླུགས་ཀྱི་རྒྱུ་ནི་དཱ་རི་ཀ་པས། གསེར་དངུལ་ཟངས་ལྕགས་ར་གན་མི་རུས་སྦྱིན་སྲེག་གི་ཤིང་སྟེ་བདུན་གང་རུང་ལས་བྱ་བར་བཤད་པ་ལྟར་རོ། །དགང་གཟར་གྱི་ཡུ་བའི་སྲིད་ནི་ཚད་ལྡན་གྱི་མཐེབ་སོར་ཉེར་བཞི་པ་ཡུ་བའི་འོག་ཏུ་རིན་པོ་ཆེ་སོར་གསུམ་པ་དེའི་འོག་ཏུ་སོར་གསུམ་པའི་རྡོ་རྗེའོ། །དེ་ག…

བུ་རྒྱར་སོར་གཉིས་པ་ཟབས་སུ་སོར་གཅིག་པ་དབུས་སུ་རྡོ་རྗེ་རྩེ་ལྔ་པས་མཚན་པའོ། །དགང་བླུགས་མེད་ན་ལག་པའི་སོར་མོ་ལྔ་སྦྱར་བས་དགང་བླུགས་དང་སོར་མོ་གསུམ་སྦྱར་བས་སྲེག་བླུགས་དབུལ་བ་དང་བླུགས་གཟར་མེད་ན་སྲེག་བླུགས་ཀྱང་དགང་གཟར་གྱིས་བྱ་སྟེ་དེ་ཐམས་ཅད་འོད་སྙེའི་ལུགས་སོ། །དགྲ་ནག་ལས་ཀྱང་། དགང་བླུགས་ཀྱི་ཡུ་བ་ཁྲུ་གང་དང་སོར་བཞ…

འདྲ་བའི་དབུས་སུ་རང་རང་གི་མཚན་མས་མཚན་པ་ལས་སོ་སོ་ལ་ཤིས་པར་བཤད་ཅིང་། སངས་རྒྱས་གསང་བས་ཀྱང་ཞི་རྒྱས་དྲག་གསུམ་ལ་དབུས་སུ་ཟླུམ་པོ་གྲུ་བཞི་གྲུ་གསུམ་གྱི་དབུས་སུ་འཁོར་ལོ་རིན་ཆེན་རྡོ་རྗེ་དང་བླུགས་གཟར་གྱི་དབུས་སུ་ཡང་མཚན་མ་དེ་གསུམ་བྱ་བར་བཤད་པས། གྲུབ་ན་དེ་བཞིན་བྱ་ལ་མ་གྲུབ་ན་མཚོ་སྐྱེས་དང་འོད་སྙེ་སོགས་ཀྱི་ལས་བཞིའི་སྦ…

སྣོད་གསུམ་གྱི་མདུན་དུ་ཡང་བཟེད་ཞལ་གྱི་སྣོད་གསུམ་མཉྫི་ལ་སོགས་པའི་སྟེང་དུ་བཞག་གོ །རིན་ཆེན་འབར་བ་ལས། མེ་ཏོག་ལ་སོགས་རྫས་རྣམས་ནི། །ལས་ཀྱི་དབྱེ་བས་ཁ་དོག་དབྱེ། །ཞེས་བཤད་པ་ལྟར་མེ་ཏོག་ལ་སོགས་པའི་རྫས་རྣམས་ལས་སོ་སོའི་ཁ་དོག་དང་མཐུན་པར་བྱ་སྟེ། ཞི་བ་ལ་དྲི་ཞིམ་པོའི་མེ་ཏོག་དཀར་པོ་འོ་མས་སྦྲུས་པའི་ལྷ་བཤོས། རྒྱས་པ་ལ་དྲ…

མཁའ་འགྲོ་ལས་འོ་མ་ཅན་གྱི་ཤིང་ལས་བྱ་བར་གསུངས་པས། འོམ་བུ་ལ་སོགས་པ་དྲི་ཞིམ་པོ་དང་ལྡན་པའི་འོ་མ་ཅན་གྱི་ཤིང་གི་རྩེ་མོའི་ཕྱོགས་སྲིད་དུ་སོར་བཅུ་གཉིས་པ་སྦོམས་སུ་མཐེའུ་ཆུང་གི་ཚད་ལོ་མ་མ་རྙིང་པ་རླན་དང་བཅས་པ་མཉམ་པོར་བཅད་པ་རྩེ་མོ་གཉིས་སྦྲང་རྩི་དང་འོ་མ་དང་མར་དུ་བསྙུགས་པ་བདུད་རྩི་དང་དྲིའི་ཆུས་བྲན་པའོ། །དེ་ཡང་འོད་སྙེ…

བཞིན་ནོ། །མངོན་སྤྱོད་རྣམས་ལ་ནི་རོ་ཚ་བ་དང་ཁ་བ་དང་ཚེར་མ་ཅན་གྱི་ཤིང་ངམ་རོ་བསྲེགས་པའི་མགལ་དུམ་གྱི་རྩ་བའི་ཆ་ལས་བྱུང་བ་བཀས་པ་སོར་བཅུ་པ་རྩེ་མོ་གཉིས་རྣོན་པོར་བཞོགས་པ་ལ་དུག་དང་ཁྲག་དང་ཡུངས་མར་གྱིས་བསྐུས་པའོ། །བྷ་བ་བྷ་དྲས་རྨོངས་པའི་ཡམ་ཤིང་གི་ཚད་ནི་བསད་པ་དང་འདྲ་བར་བཤད་དེ་དེས་རེངས་པ་དང་དབྱེ་བ་ཡང་གོ་བར་བྱའོ། །ལས་…

དང་སྦྲང་རྩི་དང་ཏིལ་ནག་དང་ཞོ་ཟན་དང་ཞུན་མར་དང་བཅས་པའི་འབྲས་དང་པདྨ་གེ་སར་དང་ན་ག་གེ་སར་དང་འབྲས་བུ་རྣམས་སོ། །དབང་ལ་མེ་ཏོག་དང་འབྲས་བུ་སྐྱུར་མོ་དང་མེ་ཏོག་དམར་པོ་དྲི་ཞིམ་པོའོ། །དྲག་པོ་ལ་ཡུངས་ཀར་དང་ཡུངས་མར་ཚ་བ་དང་ཁྲག་དང་ལན་ཚྭ་དང་སྐེ་ཚེ་དང་ནིམ་པའི་ལོ་མ་དང་རོ་ཐལ་དང་རྐང་རྗེས་ཀྱི་རྡུལ་དང་བོང་བུ་ལ་སོགས་པའི་སྦངས་ད…

མ་གྲུགས་པ་མར་དང་འོ་མ་ལ་སྦགས་པ་དང་། དུར་བ་ནི་སྔོན་པོ་རྩ་བ་དང་རྩེ་མོ་མ་ཉམས་པ་འོ་མས་སྦགས་པའོ། །འབྲས་ནི་མ་གྲུགས་པའོ། །བགེགས་ཞི་བ་ལ་གུ་གུལ་གྱི་རིལ་བུ་མར་ལ་བསྙུགས་པ་བསྲེག་པར་རིག་པ་མཆོག་ལས་སོ། །བཟླས་པ་དང་ཆོ་གའི་ཆད་ལྷག་གི་ཉེས་པ་ཁ་སྐོང་ནི་ཞི་བའི་སྦྱིན་སྲེག་དང་། དཀྱིལ་འཁོར་མཆོད་པའི་སྦྱིན་སྲེག་ནི་ཤཱནྟི་པ་དང་དཔ…

དང་ཆང་རྣམས་དུར་ཁྲོད་ཀྱི་ཤིང་ལ་མེ་སྦར་བ་ལ་བསྲེག་པ་སོགས་གསུངས་སོ། །དབྱེ་བ་ལ་ནི་རྟོག་བདུན་ལས་བྱ་རོག་དང་འུག་པ་དང་སྦྲུལ་དང་རྟའི་ཤ་ལ་སོགས་པ་དང་སྐྲ་དང་འབྲས་ཕུབ་རྣམས་དུར་ཁྲོད་ཀྱི་མེ་ལ་བསྲེག་པར་གསུངས་ཏེ་དང་པོ་གཉིས་ཀྱི་སྒྲོ་ཡང་སྲེག་རྫས་སོ། །རེངས་པ་ལ་ནི་བ་བླ་དང་ཡུང་བ་དང་ལྡོང་རོས་དང་གི་ཝཾ་གིས་དེའི་ཐབ་བྱ་བར་རྟོག…

ཀྱང་བདུད་རྩི་ལྔའི་ངོ་བོར་བསྐྱེད་ལ་བསྲེག་པར་བྱའོ་ཞེས་གསུངས་པས། འཆད་པར་འགྱུར་བ་ལྟར་བསང་བ་དང་སྦྱང་བའི་སྔགས་ཀྱིས་བསང་སྦྱངས་བྱས་ནས་སྲེག་རྫས་ཐམས་ཅད་ནང་གི་བདུད་རྩི་ལྔའི་ངོ་བོར་བསྐྱེད་ལ་དབུལ་བར་བྱའོ། །རིགས་པ་འདིས་རྒྱུད་སྡེ་འོག་མ་གསུམ་ལ་ཕྱིའི་བདུད་རྩི་ལྔའི་ངོ་བོར་བསྐྱེད་དུ་རུང་ངམ་བརྟག་གོ །རྫས་སྦྱོང་བའི་ཕྱག་ར…

སོ། །ཡམ་ཤིང་ནི་གཉིས་གཉིས་སམ་རེ་རེ་དང་ཀུ་ཤ་དང་དུར་བ་རྣམས་ནི་གཉིས་གཉིས་སྦྱར་ལ་དབུལ་ལོ། །སྲེག་རྫས་རེ་རེ་ལ་གྲངས་ཇི་ཙམ་ཞིག་དབུལ་བ་ལ་ནི་ངེས་མེད་དེ་ཤཱནྟི་པས། དེ་ཡང་རྫས་རེ་རེ་ལ་སྲེག་བླུགས་གཅིག་གམ་གསུམ་མམ་བདུན་ནམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་དམ་སྟོང་དབུལ་བར་བྱའོ། །ཞེས་གསུངས་པ་བཞིན་ནོ། །འབུལ་བའི་གནས་ནི་ཁུ་བ…

པར་མཚོ་སྐྱེས་དང་ནག་པོ་སྤྱོད་པས་བཤད་དོ། །ནང་མཆོད་མདུན་དུ་བཞག་ཅིང་རླུང་ཡབ་དང་མེ་གསོ་བའི་ཆས་དང་ཀུ་ཤ་ཡང་སྟ་གོན་བྱ་ལ་རྫས་ཐམས་ཅད་ལ་བདུད་རྩི་རིལ་བུ་བཏབ་པའི་ནང་མཆོད་ཀྱིས་བྲན་ནོ། །དཱ་རི་ཀ་པས་མཆོད་ཡོན་དང་གཟར་བུའི་གདན་དང་སློབ་དཔོན་གྱི་གདན་ཡང་ཐབ་ཁུང་འདྲ་བ་བྱ་བར་བཞེད་དོ། །བཞི་པ་ནི། ཞི་བ་ལ་ཤིང་འོ་མ་ཅན་དང་གཙུབ་ཤིང…