པ་ལྟ་བུའི་འདུ་ཤེས་མངའ་ཞིང་སྟོང་ཉིད་སྙིང་རྗེ་ཀློང་དུ་གྱུར་པ་རྒྱལ་སྲས་ཐོགས་མེད་འདྲ་བ་ལ་ཟེར་བ་ཡིན་ཞེས་གསུངས་པས་མཚོན་ནོ། །རྟག་ཏུ་རང་སྐྱོན་ཁོ་ནར་རྟོག་ཅིང་གཞན་སྐྱོན་མི་རྟོག་པས་མཆོག་དམན་ཀུན་གྱི་ཡོན་ཏན་གླེང་བ་འབའ་ཞིག་ལྷུར་མཛད། ཆོས་བརྒྱད་གཏན་ནས་མི་མངའ། བྱམས་པའི་མཐུ་ཡིས་དྲུང་དང་ཉེ་བའི་མི་ཕྱུགས་ཐམས་ཅད་རང་བཞིན་…

བྱུང་། ད་ནས་བཀའ་ཡང་དུ་བཏང་བ་ཡིན་པས་ཉིད་ཅག་འབོག་ནུས་པ་ཀུན་གྱིས་ཕོག་ཅིག་ཅེས་གསུངས། ན་བཟའ་དང་གཟིམ་ཁང་དུ་ཚུལ་ཁྲིམས་ཀྱི་དྲིས་ཁྱབ། བཤེས་གཉེན་དང་བུ་སློབ་དུ་མས་ཐུགས་རྗེ་ཆེན་པོའི་སྐུར་ཡང་ཡང་མཇལ། རྨི་ལམ་སྒྱུ་ལུས་མངོན་ཤེས་རྣམས་ལ་དབང་ཐོབ། སོ་ཐར་དང་བྱང་སེམས་ཀྱི་སྡོམ་པ་ཕོག་ལ། འཆད་རྩོམ་མཛད་པ། དབེན་པ་བསྟེན་པ། གྲུབ་…

གྱི་གྲུབ་མཐའ་ཀུན་ལ་རྒྱལ་སྲས་ཞབས་ཀྱི་སློབ་ཚོགས་ལས་གྱེས་པའི་རྒྱུན་ཁོ་ན་དར་ཆེ་ཞིང་། རྗེ་རིག་པ་འཛིན་པའི་ཡིག་ཆ་ནི་ཇོ་ནང་གི་སྲོལ་ཀ་དང་འབྲེལ་བ་སྟེ། དེ་ནི་བྲག་དཀར་སེམས་དཔའ་ཆེན་པོ་བསོད་ནམས་རིན་ཆེན་ཡབ་སྲས་ནས་འཇམ་མགོན་གྲོལ་མཆོག་དང་། ཀུན་སྙིང་སོགས་མཁས་གྲུབ་ཀྱི་སྐྱེས་བུ་ཆེས་ཆེ་བ་དག་ལས་བརྒྱུད་པ་སྟེ། རྣམ་ཐར་ནི་སྨོ…

འབུམ་ཕྲག་དྲུག །ཡིད་བཞིན་འཁོར་ལོའི་གཟུངས་སྟོང་ཕྲག་གཅིག །ས་བཅུ་པ་དང་སྒོ་མཐའ་ཡས་པའི་གཟུངས་ཅི་རིགས་བཟླ་བར་གསུངས་སོ། །རྟགས་ཀྱི་བསྙེན་པ་ནི་བརྒྱུད་པའི་རྣམ་ཐར་དུ་གསལ་བ་ལྟར་མཚན་མ་མ་བརྙེས་བར་དུ་སྟེ་གྲངས་ངེས་མེད་དོ། །བཞི་པ་དེ་ལྟར་བསྒྲུབས་པའི་ཕན་ཡོན་ལའང་། དང་པོ་འཕགས་པས་དམ་བཅས་པའི་གནད་ཀྱིས་འབྲེལ་པ་བཞག་ན་མི་བསླུ་…

གྱུར་ན་སྙིང་རྗེ་ཆེན་པོའི་སེམས་ཀྱི་གཟུངས་ཞེས་མི་བགྱི་ལགས་ཏེ། མི་དགེ་བ་རྣམས་དང་། སེམས་རྩེ་གཅིག་ཏུ་མ་བགྱིས་པ་ནི་མ་གཏོགས་ལགས་སོ། །བུད་མེད་གང་ལ་ལ་ཞིག་བུད་མེད་ཀྱི་ལུས་ཀྱིས་ཡོངས་སུ་སྐྱོ་ནས་སྐྱེས་པའི་ལུས་ཐོབ་པར་འཚལ་བ་གང་ལགས་པ་དེས་ཐུགས་རྗེ་ཆེན་པོའི་སེམས་ཀྱི་གཟུངས་ཀྱི་ཚིག་འདི་འདོན་ཅིང་ཡོངས་སུ་བཟུང་བས་གལ་ཏེ་བུ…

མཆོག་གསུམ་གྱི་དཀོར་ནོར་འཕྲོག་ཅིང་ཆུད་གསོན་པ་དེ་དག་ནི་ཕྱོགས་བཅུའི་སྟོན་པ་རྣམས་མངོན་སུམ་དུ་གྱུར་པའི་སྤྱན་སྔར་བཤགས་ན་གདོད་ཡོངས་སུ་འབྱང་བར་འགྱུར་ལགས་ལ། ཐུགས་རྗེ་ཆེན་པོའི་གཟུངས་འདི་འདོན་པའི་ཚེ་ཕྱོགས་བཅུའི་སྟོན་པ་རྣམས་དེར་གཤེགས་ནས་དབང་མཛད་པར་འགྱུར་བས་ཁ་ན་མ་ཐོ་བའི་སྒྲིབ་པ་དེ་དག་ཐམས་ཅད་ཀྱང་ཡོངས་སུ་འབྱང་བར་འ…

ཅི་འཚལ་ལགས། ཁ་ན་མ་ཐོ་བ་ལྕི་བ་དག་ཡོངས་སུ་འབྱང་བར་མི་འགྱུར་མོད་ཀྱི། འོན་ཀྱང་བྱང་ཆུབ་ཀྱི་རིང་བའི་རྒྱུ་ནི་བགྱིད་པར་འགྱུར་ལགས་སོ། །ཞེས་དང་། གཞན་ལས་ཀྱང་འདི་སྐད་དུ། འཁོར་བའི་བཙོན་དོང་ཉམ་ང་བར་གནས་པའི་སེམས་ཅན་འདི་རྣམས་བདག་གིས་དྲངས་ནས་བླ་ན་མེད་པའི་བྱང་ཆུབ་ཏུ་བཀོད་པར་བགྱིའོ། །འཁོར་བ་དོང་སྤྲུག་གི་ཕྲིན་ལས་བསྒྲུབ…

ངན་སོང་དང་ངན་འགྲོར་འགྲོ་བའི་གནས་མ་མཆིས་གོ་སྐབས་མ་མཆིས་སོ། །གལ་ཏེ་སེམས་ཅན་དེ་ངན་འགྲོར་སོང་ན། བདག་བླ་ན་མེད་པའི་བྱང་ཆུབ་ཏུ་འཚང་རྒྱ་བར་མི་འགྱུར་རོ། །ཞེས་དམ་བཅས་ཏེ། འཕགས་པ་རྣམས་ནི་བདེན་ཚིག་གྲུབ་པས་ནམ་མཁའ་གཞན་དུ་གྱུར་ཀྱང་དམ་བཅས་པ་མི་བསླུ་བ་དང་། ངེས་པར་སྨོན་ལམ་འགྲུབ་པ་དབང་བཅུ་བརྙེས་པའི་ཡོན་ཏན་ནོ། །གཉིས་པ་ས…

ན་བདག་གིས་བསྟན་པའི་རིགས་སྔགས་འདི། ལེན་པ་དང་། འཛིན་པ་དང་། ཀློག་པ་དང་། འདོན་པ་དང་། ཅི་སྐད་བསྟན་པ་བཞིན་དུ་སྒྲུབ་པ་ལྟ་སྨོས་ཀྱང་ཅི་འཚལ་ལགས་ཏེ། གང་ཟག་དེ་དག་ནི་བླ་ན་མ་མཆིས་པའི་བྱང་ཆུབ་ལག་འཐིལ་དུ་མཆིས་པ་བཞིན་དུ་ཁོང་དུ་ཆུད་ཅིང་ལེགས་པར་འགྱུར་བར་རིག་པར་བགྱི་ལགས་སོ། །ཞེས་གསུངས་ཤིང་ཁྱད་པར་སྙིགས་མའི་འགྲོ་བ་སྤྱི་ད…

འདྲེན་པ་མཆོག་ཏུ་གྱུར་ཅིག །སྐྱབས་དང་སྐྱོབ་པ་དམ་པར་གྱུར་ཅིག །གླིང་དང་དཔུང་གཉེན་དམ་པར་གྱུར་ཅིག །ཅེས་སོགས་དམ་བཅས་ཤིང་། སྤྱན་རས་གཟིགས་ཀྱི་རིགས་ལས་ཀྱང་བཅུ་གཅིག་ཞལ་ཉིད་རྩ་བའི་ལྷ་ཡིན་པ་དང་། མ་འོངས་སྙིགས་དུས་ཀྱི་གདུལ་བྱ་འདུལ་བར་དམ་བཅས་པས་བྱིན་རླབས་ཆེ་བ་བྱང་སེམས་པས་གསུངས་ཏེ། དེའང་ཆོ་ག་ཞིབ་མོ་ལས། འདི་ལྟར་བདག་མ…

དྭགས་གླིང་དུ་སྐྱེས་པ་འགའ། །བསྟན་ལ་འདུད་འཕེལ་བྱ་བའི་ཕྱིར། །མཚན་མོ་མུན་ནག་སྤྲིན་རུམ་དུ། །སྐད་ཅིག་གློག་འགྱུ་ཅི་ལྟ་བར། །རིག་སྔགས་འཆང་བ་གདོང་བཅུ་གཅིག །ཡན་ལག་སྟོང་དང་ལྡན་པ་ལ། །སྤྱན་ནི་ཆིག་སྟོང་སུམ་ཅུ་པའི། །མཚན་དང་ལྡན་པའི་སྐུ་འབྱུང་འགྱུར། །དེ་ཚེ་སྐལ་ལྡན་ལ་ལ་ཞིག །མཚན་ནས་བརྗོད་ཅིང་སྐུ་ལ་མོས། །རིག་སྔགས་ཟློས་པ…

པར་གསུངས་ཤིང་། ཟ་མ་ཏོག་བཀོད་པར། རིགས་ཀྱི་བུ་འདི་ལྟ་སྟེ། དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་ཕྲག་བཅུ་གཉིས་དང་མཉམ་པ་ལ། ན་བཟའ་དང་། བཤོས་དང་། མལ་སྟན་དང་། ན་བའི་རྐྱེན་གྱི་སྨན་གྱི་ཡོ་བྱད་ཐམས་ཅད་ཀྱིས་བསྙེན་བཀུར་བྱས་པའི་བསོད་ནམས་ཀྱི་ཕུང་པོ་ནི། བྱང་ཆུབ་སེམས་དཔའ་…

ཁྱད་པར་འཕགས། །དབུལ་པོ་རིགས་དང་དམན་པ་ཡང་། །ཞུགས་མ་ཐག་ནས་བདེ་ལྡན་ཞིང་། །ཅུང་ཟད་གྲུབ་ནས་ནུས་མཐུ་ནི། །དཔག་མེད་འབྱུང་བས་ཁྱད་པར་འཕགས། །ཞེས་གསུངས་སོ། །བཞི་པ་གཟུངས་རིང་ཐུང་བཟླས་པའི་ཕན་ཡོན་ནི། རྒྱུད་པདྨ་དྲྭ་བ་ལས། རིག་སྔགས་སྙིང་པོ་གདོང་བཅུ་གཅིག །མཐུ་ཆེན་ཐོགས་པ་མེད་པ་སྟེ། །འགྲོ་ལ་སྨན་ཅིང་བདེ་བ་དང་། །ནད་ཀུན་སེལ…

པར་དགའ་ཞིང་གསང་སྔགས་འདི། །ཉི་ཤུ་རྩ་གཅིག་བརྗོད་པ་ལ། །ཕྱོགས་བཅུའི་སངས་རྒྱས་མ་ལུས་པ། །མཚུངས་པར་ཡི་རངས་ལེགས་སོ་སྦྱིན། །རྩ་བ་བཞི་དང་མཚམས་མེད་ལྔ། །མ་ལུས་སྡིག་ཀུན་བྱང་བར་འགྱུར། །ཞེས་དང་། ཡང་། རྟག་ཏུ་ནང་པར་སྔར་ལངས་ནས། །ཆོས་བཞིན་དུ་ནི་དགེ་བགྱིས་ཏེ། །བརྒྱ་རྩ་བརྒྱད་དུ་གང་བརྗོད་པ། །ཚེ་འདིར་ཕན་ཡོན་བཅུ་ཐོབ་འགྱུར།…

གཟུངས་ལས། བཅོམ་ལྡན་འདས་སྙིང་པོ་གདོང་བཅུ་གཅིག་པ་ཞེས་བྱ་བ་འདི་ནི། སངས་རྒྱས་བྱེ་བ་ཕྲག་བཅུ་གཅིག་གིས་གསུངས་པ་ལགས་ཏེ། དེ་སེམས་ཅན་ཐམས་ཅད་ལ་སྨན་པ་དང་། ནད་ཐམས་ཅད་རབ་ཏུ་ཞི་བར་བགྱིད་པ་དང་། སྡིག་པ་དང་བཀྲ་མི་ཤིས་པ་དང་རྨི་ལམ་ངན་པ་ཐམས་ཅད་ཟློག་པར་བགྱིད་པ་དང་། དུས་མ་ཡིན་པར་འཆི་བ་ཐམས་ཅད་ཟློག་པར་བགྱིད་པ་དང་། མ་ཞུགས་པ་…

ཚུགས་པ་དང་། མེ་དང་། ཆུ་དང་། དུས་མ་ཡིན་པར་འཆི་བས་དུས་བྱེད་པར་མི་འགྱུར་ལགས་སོ། །གཞན་ཡང་ཡོན་ཏན་བཞི་ཡོངས་སུ་འཛིན་པར་འགྱུར་ཏེ། འཆི་བའི་དུས་དེ་བཞིན་གཤེགས་པ་མཐོང་བར་འགྱུར་བ་དང་། ངན་སོང་རྣམས་སུ་མི་སྐྱེ་བ་དང་། ཡ་ང་བ་མ་སྤངས་པར་འཆི་བའི་དུས་མི་བྱེད་པ་དང་། འདི་ནས་ཤི་འཕོས་ནས་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་…

དག་པར་བགྱིས་ཏེ། སེམས་རྩེ་གཅིག་ཏུ་བདག་རྗེས་སུ་དྲན་པར་བགྱིས་ནས་རིག་སྔགས་འདི་བཟླས་བརྗོད་བགྱིས་ན་བསྐལ་པ་བཞི་ཁྲིའི་འཁོར་བ་བསྙིལ་བར་འགྱུར་ལགས་སོ། །ཞེས་གསུངས་ཤིང་། ཡང་པད་དྲྭའི་རྒྱུད་ལས། རིག་སྔགས་འདི་གསུངས་པའི་རྗེས་སུ། །རྩ་བའི་སྙིང་པོ་སྟོང་བརྗོད་པས། །དངོས་གྲུབ་ཅི་དང་ཅི་འདོད་འགྲུབ། །ཅེས་དང་། རྩ་བའི་རིག་པ་དེའ…

ཞིང་ནོར་མང་རྟག །གཞན་གྱིས་བཀུར་ཞིང་དགོས་འདོད་སྦྱོར། །སེམས་བདེར་འཇིག་རྟེན་སྐྱོང་བས་སྲུང་། །སངས་རྒྱས་ཞལ་མཐོང་དོན་ཟབ་བརྟགས། །གཞན་ཡང་དམན་ལ་བྱམས་སེམས་བསྐྱེད། །སྙིང་རྗེ་མཆི་མ་འཁྲུགས་པ་དང། །ཡོན་ཏན་དྲན་ནས་སྤྲོ་བ་དང་། །དཀོན་མཆོག་གསུམ་ལ་དད་པ་དང་། །ཕུལ་དུ་བྱུང་བའི་བློ་གྲོས་འཕེལ། །ཚུལ་བཞིན་མ་ཡིན་ཡིད་བྲལ་དང་། །བཀ…

དུ་མཆིས་ཀྱང་། དཔལ་མོ་ལུགས་ཀྱི་བཟླ་བྱའི་གཙོ་བོ་གདོང་བཅུ་གཅིག་པའི་གཟུངས་རིང་ཐུང་ཡིན་ལ། གཞན་ཏུ་མགྲིན་སྔོན་ཅན་གྱི་གཟུངས་ཉིད་རྩ་བའི་རིག་སྔགས་ཆེན་མོར་གསུངས་བ་ལྟར་ཀླུ་སྒྲུབ་ཀྱི་སྒྲུབ་ཐབས་ཀྱང་དེ་ལ་བསྟེན་ཅིང་། དེའི་ཕན་ཡོན་མཐའ་ཡས་པ་ཞིག་ལས་འཕགས་ཞབས་ཀྱིས་བསྡུས་པ་ནི། གཟུངས་འདི་ལན་ཅིག་བརྗོད་པས་རྩ་བའི་ལྟུང་བ་བཞི་བ…

སོགས་རྒྱ་ཆེར་གསུངས་པས་ཕན་ཡོན་བསྐྱེད་པའི་ཕྱིར་གཟུངས་འདིའང་ལན་གྲངས་ཁ་ཤས་བཟླ་ཞིང་། དེ་ཡང་། བདག་གི་སློབ་དཔོན་འོད་དཔག་མེད་རྟག་ཏུ་དྲན་པར་བགྱིའོ། །དེ་ནས་གསང་སྔགས་འདི་བརྗོད་པར་རིགས་སོ། །ཞེས་གསུངས་པ་ལྟར་བྱའོ། །ལྔ་པ་ཡིག་དྲུག་བཟླས་པའི་ཕན་ཡོན་ནི། །སྤྱིར་རྒྱུད་སྡེ་བཞི་ཀ་ནས་གསུངས་སོ་ཅོག་གི་ཐུགས་རྗེ་ཆེན་པོའི་རིགས་…