པའི་སེམས་མེད་དེ། དཔེར་ན་རྒྱ་མཚོ་ཆེན་པོ་ཆུ་རླབས་དང་བཅས་པ་སྟེ། རྒྱ་མཚོ་ཡང་ཆུ་ཡིན་ལ་རླབས་ཀྱང་ཆུ་ལས་མ་འདས་ཏེ། རྦ་རླབས་དེ་དག་བྱུང་ཡང་ཆུ་ལས་བྱུང་། ཐིམ་ཡང་ཆུ་རང་ལ་ཐིམ། དེ་གཉིས་འབྱེད་དུ་མི་གཏུབ། རི་རབ་གླིང་བཞི་གླིང་ཕྲན་ནས་ཆུ་བོ་ཇི་སྙེད་གྲངས་ལས་འདས་པ་འབབ་པའང་། རྒྱ་མཚོར་ཐམས་ཅད་རོ་གཅིག་པའོ། །གཉིས་པ་སེམས་སྟོང་པ…

པའོ། །བཞི་པ་སྣང་སྟོང་གཉིས་མེད་དུ་ངོ་སྤྲོད་པ་ལ། སྣང་དུས་ན་སྟོང་པ་མེད་ལ། སྟོང་དུས་ན་སྣང་བ་མེད་པ་དེ་ནི་རྒྱུ་དང་འབྲས་བུའི་དུས་གནས་པ་སྟེ། རྒྱུ་མེད་ན་འབྲས་བུ་མི་འབྱུང་བས། དེས་ན་རིག་མ་རིག་གི་ཁྱད་པར་ཡིན་ལ། རིག་དུས་ན། སྟོང་པ་ལས་སྣང་བ་འབྱུང་། སྣང་བ་སྟོང་པར་གྲོལ་བས་ན་སྣང་སྟོང་མེད་པའོ། །ལྔ་པ་གཉིས་མེད་རང་གྲོལ་དུ…

རྗེས་སུ་ཡང་མི་འབྲང་བར་ཞེ་སྡང་དེ་ཁའི་རང་ངོ་ལ་གཅེར་གྱིས་བལྟས་པས་འདི་ཞེས་མཚོན་དུ་མེད་པ་རིག་པ་རང་གསལ་གྱི་ངང་དུ་གྲོལ་བ་ནི་མེ་ལོང་ཡེ་ཤེས་ཏེ། ཞེ་སྡང་དང་མེ་ལོང་ཡེ་ཤེས་ནི་རྒྱུ་དང་འབྲས་བུའི་ཚུལ་ཡང་ཡིན། དཔེར་ན་ཤིང་ལ་མེ་འབར་བ་དང་འདྲ་སྟེ། ཤིང་གིས་བསྲེག་པ་ཡང་མི་ནུས། ཚ་བའི་ངད་ཀྱང་མེད། མེ་ལ་ཤིང་མེད་པར་མེ་འབར་རྒྱུ་ཡ…

ལྟ་བུ་དགོས། དེ་ཇི་ལྟར་མཐོང་ན། བུ་ཆུང་ཞིག་ལྷ་ཁང་ཁྲ་མོ་ཞིག་གི་ནང་དུ་སླེབས་ཚེ། བུ་ཆུང་དེས་མིག་གིས་ཐམས་ཅད་ནི་མཐོང་། ལྟད་མོ་ནི་ཆེ་སྟེ། དོན་ལ་ལྷ་འདི་ཞི་བ་རེད། འདི་ཁྲོ་བོ་རེད། འདི་བླ་མ་རེད། འདི་བྱང་སེམས་རེད་བསམ་པའི་རྟོག་པ་མེད། དེ་བཞིན་དུ་འདི་མཚལ་རེད། མཐིང་རེད། བ་བླ་རེད། གསེར་རེད། དངུལ་རེད་བསམ་པའི་རྟོག་པ་གང…

སེམས་གསལ་དྭངས་དེ་ཁ་མ་ཡེངས་པའི་ངང་ནས་ཕཊ་དྲག་པོ་ཞིག་བརྗོད་དུ་བཅུག །དེ་བརྗོད་པའི་རྐྱེན་གྱིས་མི་རྟོག་པའི་ངང་དེ་ཞིག་ཀྱང་རྟོག་པ་དེར་འཛིན་མེད་པ་ཕྱལ་ལེ་བ་ཞིག་འཆར་ཡང་དེའི་རང་ངོ་ནས་ཕཊ་ཅིག་བརྗོད་དུ་བཅུག་ལ་དེའི་རང་ངོ་དེ་འཛིན་མེད་བསམ་གཏན་གྱི་རང་ངོ་ཡིན་པར་ངོ་སྤྲོད། གནས་པ་གཅིག་པོས་འཚང་མི་རྒྱ་སྟེ། དེས་འཚང་རྒྱ་ན་བསམ…

མཚན་བར་མེད། བླང་དོར་མེད། བསྒོམ་བྱ་སྒོམ་བྱེད་དང་བྲལ་བ་བློ་ཟད་ཆོས་ཟད་དུ་ལ་ཟླ་བ་ནི་ཀ་དག་ཁྲེགས་ཆོད་ཀྱི་གནས་ལུགས་སྙིང་པོ་ཡང་དག་པའོ། །དེ་དཔེ་ཇི་ལྟར་ན་རྒྱ་མཚོའི་ནང་ན་ཉི་ཟླ་གཟའ་སྐར་ཤར་བ་དང་འདྲ་སྟེ། རྒྱ་མཚོའི་ནང་དུ་ཉི་ཟླ་གཟའ་སྐར་ཐམས་ཅད་གསལ་ལ་མ་འདྲེས་པ་བཀྲ་ལམ་མེར་ཤར། ཤར་བ་དེ་རྒྱ་མཚོ་ལ་བཟང་ངན་གྱི་རྟོག་པ་མེད། ད…

ཞལ་རྒྱུན་ལྷད་མེད་ངོ་མ་ཡིན་ངོ་ཤེས་པ་ངོ་མཚར་བ་མེད་དུ་མི་རུང་བ་ཞིག་འདུག་པའང་ཀུན་གྱི་ཤེས་པར་བྱ་བའི་གནས་སོ། །

རྩ་གསུམ་འཆི་མེད་དྲིལ་སྒྲུབ་རྒྱུན་བསྙེན་བཞུགས་སོ། །ན་མོཿཏྲི་མཱུ་ལ་ཨཱ་ཡུརྡེ་ཝཿབདེ་གཤེགས་རྩ་གསུམ་འཆི་མེད་དྲིལ་སྒྲུབ་ལས་དཀྱིལ་འཁོར་བཤམས་བཀོད་དང་མ་འབྲེལ་བའི་རྒྱུན་བསྙེན་ཁོ་ནའི་ཚེ་ན་ཐུན་འགོར། ཧཱུྃ༔ བདག་ཉིད་དབང་ཆེན་འབར་བའི་ཐུགས་ཀ་ནས༔ ལྔ་ལྡན་ཡེ་ཤེས་རྡོ་རྗེ་ལུག་རྒྱུད་ཀྱི༔ ཟེར་ཐག་ཕྱོགས་དང་ཕྱོགས་མཚམས་སྟེང་འོག་…

སྒྲུབ་སྐུ༔ ཐུགས་རྗེ་ཆགས་པས་སྐུ་མདོག་དམར༔ རྩ་ཞལ་དམར་པོ་སྒེག་བཞད་ཆགསཿགཡས་ཞལ་དཀར་པོ་ཞི་ཞིང་འཛུམ༔ གཡོན་མཐིང་ཁྲོ་ཞལ་གཏུམ་ལ་རྔམས༔ དབུ་སྐྲ་སྣུམ་འབོལ་གྱེན་དུ་འཁྱིལཿདར་གྱི་ཅོད་པན་ནོར་བུས་བརྒྱན༔ སྤྱི་གཙུག་རྟ་གདོང་ཧཱུྃ་སྒྲ་ལྡིར༔ ཕྱག་དྲུག་དང་པོ་མཉམ་གཞག་སྟེང༔ ༔ འཆི་མེད་ཚེ་ཡི་བུམ་པས་བརྒྱན༔ བར་གཉིས་པད་ཕྲེང་ཨུཏྤལ་ད…

བུང་བ་བཅུད་ལ་འཁོར༔ རང་གདངས་གྲག་སྟོང་འགྱུར་ཁུག་དི་རི་རི༔ ༀ་ཨཱཿཧཱུྃ་ཧྲཱིཿགུ་རུ་དེ་ཝ་ཌཱ་ཀི་ནི་པདྨ་རཱ་ཱགཱ་བྷྱ་ཨཱ་ཡུཿསིདྡྷི་ཚེ་བྷྲཱུྃ་ཧཱུྃ་ནྲྀ་ཛཿཤམ་བུར། ཚེ་བསོད་རྒྱས་དབང་དུ་གྱུར་ཅིག་པུཥྚིཾ་ཀུ་རུ་ཡེ་སྭ་ཧཱ༔ དེ་ལས་སྔགས་ཕྲེང་ཐིག་ལེ་ཟེར་ཐག་སྒྲེང༔ ལུ་གུ་རྒྱུད་དུ་ལྗགས་ཀྱི་པདྨོར་ཨཱཿདེ་ལ་གཡས་སྐོར་རྟ་གདོང་ཞལ་ནས་ཐོན…

གདོད་མའི་སྟོང་ཆེན་ངང་དུ་ཐིམ༔ སྐྱེ་བ་མེད་ལས་སྐྱེ་བའི་ཚུལ་དུ་སླར༔ འགག་མེད་མདངས་རྩལ་གློ་བུར་ལྷ་རུ་ལྡང༔ ས་མ་དྷི་ཧཱུྃཿརྫོགས་རིམ་དང་ཐུན་མཚམས་ལ་འཇུག །རྒྱལ་དབང་མཆོག་གི་གཟིགས་མོར་ཆོས་རྗེ་གླིང་གྲགས་བྷན་ཅན་སྤུ་སུད་དེས་ཤར་རིས་སྲིན་རྗེས་འདྲ་བ་བྲིས་ཡོད་ལགས། སྔོན་འགྲོའི་མཇུག་ཏུ་འདི་ཡང་བཞག་མཛད་འདུག་པ་སྔོན་འགྲོ་ཁྲིད་…

རབ་ཏུ་གནས་པའི་ཆོ་ག་མདོར་བསྡུས་བཞུགས་སོ། །

ན་མོ་རཏྣ་ཏྲ་ཡ་ཡ། རབ་གནས་མདོར་བསྡུས་ཅུང་ཟད་རྒྱས་པར་སྤྲོ་ན། རྟེན་གསར་པའི་དྲུང་མཆོད་པ་སྣ་ཚོགས་གང་འབྱོར་དང་། མཎྜལ་ཚོམ་བུས་བརྒྱན་པ་སོགས་བཀོད་ལ། ལས་བུམ་བཅའ་ཞིང་། གོས་ཟུང་འདག་ཆལ་སོགས་དང་། འཐོར་ནས། ཡུངས་ཀར། གུ་གུལ། སྦྱང་ཆས་རྣམས་བཅས་འདུ་བར་བྱས་ནས། དང་པོ་གསོལ་འདེབས་གང་འོས་དང། སངས་རྒྱས་ཆོས་དང་ཚོགས་སོགས་དང་། སེ…

ལས། །ཁྲོ་བོ་བདུད་རྩི་འཁྱིལ་པ་སྐུ་ཡི་མདོག །ལྗང་སྔོན་ཕྱག་གཡས་རྡོ་རྗེའི་དབྱུག་པ་དང་། །གཡོན་པ་སྡིགས་མཛུབ་ཁྲོ་ཆས་ཡོངས་སུ་རྫོགས། །ཐུགས་ཀར་ཉི་དཀྱིལ་ལྟེ་བར་ཧཱུྃ་ཡིག་གི། །མཐའ་མར་སྔགས་ཀྱི་ཕྲེང་བས་བསྐོར་བར་གྱུར། །ༀ་བཛྲ་ཨ་མྲི་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། ཅེས་ཅི་ནུས་བཟླ། ཁྲོ་བོ་ཁྱེད་ཀྱིས་བགེགས་བཟློག་མཛད་ནས་ནི། །འོ…

བྱིན་རླབས་བྱ། ཡུངས་ཀར་ལ། ཡུངས་ཀར་ཁྲོ་བོའི་ཚོགས་ཀྱི་རང་བཞིན་དུ་གྱུར། ༀ་བཛྲ་ཨ་མྲ་ྀཏ༴སུམ་བྷ་ནི་སྦྲེལ་མ་བདུན་ནམ་ཉེར་གཅིག་བརྗོད་པར་ཕུས་གདབ། དེ་ནས་རྟེན་གསར་པ་རྣམས་ཀྱི་དྲུང་དུ་སྦྱོང་གཏོར་བཤམས་ལ། ༀ་ཨ་ཀཱ་རོ་ཡིས་བྱིན་བརླབས། ༀ་སརྦ་བིགྷྣན་ན་མཿསརྦ་སོགས་ཀྱིས་ཞི་སྦྱང། ༀ་སརྦ་བིགྷྣཱན་ན་མཿསརྦ་སོགས་དང་། སུམ་བྷ་ནི་སྦྲེལ་…

ཛཿༀ་བཛྲ་མ་ཧཱ་ཀྲོ་དྷ་རཱ་ཛ་ས་པ་རི་ཝཱ་ར་ཨརྒྷཾ་པྲ་ཏཱིཙྪ་སྭཱ་ཧཱ། པཱ་དྱཾ༴པུཥྤེ༴ཧཱུྃ། ཆོས་ཉིད་སྟོང་པ་གཉིས་མེད་ངང་ཉིད་ལས། །འཇིག་རྟེན་སྤྱོད་པའི་ཚུལ་ཡང་མི་སྤོང་ཞིང་། །ཐབས་ལ་མཁས་པས་འཇིགས་བྱེད་སྐུར་སྟོན་པ། །ཁྲོ་ཆེན་འབར་བའི་ཚོགས་ལ་ཕྱག་འཚལ་ལོ། །ཡེ་ཤེས་ཞི་བའི་ངང་ལས་མ་གཡོས་ཀྱང། །སྐུ་ཡི་ཆ་ལུགས་ཟ་བྱེད་རྔམས་སྟབས་ཅན། །གས…

དགྲ་ལ་ཕྱག་འཚལ་ལོ། །ཧཱུྃ། དཀྱིལ་འཁོར་ཆེན་པོའི་ས་གཞི་ལ་གནས་པའི། །ལྷ་ལ་སོགས་པའི་བགེགས་ཚོགས་ཀུན་ཉོན་ཅིག །ང་ནི་གནས་འདིར་རབ་ཏུ་གནས་པར་བྱེད། །ཁྱོད་རྣམས་འདི་ནས་གཞན་དུ་འགྲོ་བར་གྱིས། །གལ་ཏེ་ང་ཡི་བཀའ་ལས་འདའ་བྱེད་ན། །ཡེ་ཤེས་ཅན་གྱི་རྡོ་རྗེ་འབར་བ་ཡིས། །མགོ་བོ་ཚལ་པ་བརྒྱ་ནི་འགས་འགྱུར་ཞིང་། །བགེགས་རྣམས་བརླག་པར་འགྱུར…

བསྟན་པའི་བདག་པོ་མཆོག །གསེར་སྦྱངས་བཙོ་མའི་མདོག་ལས་ལྷག་པའི་མཆོག །མཚན་བཟང་སོ་གཉིས་དཔེ་བྱད་བརྒྱད་ཅུས་སྤྲས། །ཕྱག་གཡས་ས་གནོན་གཡོན་པས་མཉམ་བཞག་མཛད། །ངུར་སྨྲིག་རྣམ་གསུམ་ན་བཟའི་རྒྱན་གྱིས་མཛེས། །འོད་ཀྱིས་སྟོང་གསུམ་ཁྱབ་པ་དེའི་དཔྲལ་བར། །ༀ་དང་མགྲིན་པར་ཨཱཿསྟེ་ཐུགས་ཀར་ཧཱུྃ། །གིས་མཚན་དེ་ལས་འོད་འཕྲོས་ཡེ་ཤེས་སེམས། །ཐོ…

སུ་གསོལ། བར། སྟོང་གསུམ་ཀུན་དང་མཉམ་པ་ཡི། །པདྨ་འདབ་བརྒྱད་གེ་སར་བཅས། །བདེ་ཞིང་ཡངས་པར་འབུལ་ལགས་ན། །ཅི་བདེ་བར་ནི་བཞུགས་སུ་གསོལ། །ན་མཿསརྦ་ཏ་ཐཱ་ག་ཏ་པདྨ་ཀ་མ་ལ་ཡེ་སྟྭཾ། ཞེས་པའང་བརྗོད། ཛཿཧཱུྃ་བྃ་ཧོ། གཉིས་སུ་མེད་པར་གྱུར། སླར་ཡང་ཐུགས་ཀའི་ས་བོན་དེ་དག་ལས། །འོད་འཕྲོས་རིགས་ལྔ་འཁོར་བཅས་སྤྱན་དྲངས་ཏེ། །ༀ་ཨ་བྷི་ཥིཉྩ་ཏུ…