ཇོ་བོ་སྔགས་ཀྱི་བདག་པོའི་གཡང་སྐྱབས་དངོས་གྲུབ་འབྱུང་བའི་རྒྱ་མཚོ་ཞེས་བྱ་བ་བཞུགས་སོ།

སྔོན་འགྲོའི་རིམ་པ་ལ་དང་པོ། བུམ་པ་རྫས་ལྡན་དང་། འོ་དཀར། ཐུན་རྡོ་ལ་སོགས་འདུ་བྱས་ལ། བདག་བསྐྱེད་ཟིན་པའི་རྗེས་སུ། ༀ་སྭ་བྷཱ་ཝས་སྦྱངས། སྟོང་པའི་ངང་ལས་མཚན་ཉིད་ཡོངས་རྫོགས་པའི། །ལས་བུམ་དབུས་སུ་པདྨ་ཉི་མའི་སྟེང་། །ཧཱུྃ་ཡིག་ཡོངས་གྱུར་བཅོམ་ལྡན་བདུད་རྩི་འཁྱིལ། །ལྗང་སྔོན་ཁྲོ་བོའི་ཆས་རྫོགས་ཕྱག་གཉིས་ཀྱིས། །རྒྱ་གྲམ་བསྣ…

བྱེད་རྒྱུན། །བབས་པས་བུམ་པ་བདུད་རྩིས་གང་བར་གྱུར། །ༀ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ། བཟླ་ཞིང་རྡོ་ཐུན་ལའང་སྔགས་བཏབ་ལ་མཐར། ༀ་བཛྲ་ཨརྒྷཾ་སོགས་ཀྱིས་མཆོད་ལ། སེམས་ཅན་ཉོན་མོངས་བདུད་བཞིའི་གཡུལ་ངོ་ལས། །རྣམ་པར་རྒྱལ་བའི་མཐུ་སྟོབས་ཐོགས་པ་མེད། །འཇིགས་བྱེད་ཁྲོ་བོའི་རྒྱལ་པོ་ཡོངས་ཀྱི་གཙོ། །བདུད་རྩི་འཁྱིལ་པའི་ལྷ་ལ་…

དར་ཚོན། ཡོས་བཀྲ། ཡུངས་ལོ་དང་སྙེ་མ། རམ་པ། སྦང་མ། ཞོ་ལད། འོ་རུལ། ཇ་ལོ། སྒོག་བཙོང་། ཕྱུགས་རྣམས་ཀྱི་སྤུ་རིགས། སླས་དང་ཞིང་གི་ས་སྣ་ལ་སོགས་པ་གླུད་རྫས་རྣམས་ཚང་བར་བཀོད་ལ། ཧཱུྃ། ང་ནི་གསང་བདག་རྡོ་རྗེ་འཛིན། །སྤྲུལ་པ་ཡང་སྤྲུལ་ཁྲོ་བོ་དང་། །ཁྲོ་མོའི་ཚོགས་ཀྱིས་གནམ་ས་གང་། །མ་རུང་འདུལ་བའི་གཉེན་པོར་གསལ། །ཧཱུྃ་ཉོན་ཅིག་…

བཞིན་གཤེགས་པས་གསུངས། །རྒྱུ་ལ་འགོག་པ་གང་ཡིན་པ། །དགེ་སྦྱོང་ཆེན་པོས་འདི་སྐད་གསུངས། །སྡིག་པ་ཅི་ཡང་མི་བྱ་ཞིང་། །དགེ་བ་ཕུན་སུམ་ཚོགས་པར་སྤྱད། །རང་གི་སེམས་ནི་ཡོངས་སུ་འདུལ། །འདི་ནི་སངས་རྒྱས་བསྟན་པ་ཡིན། །བདེན་ཚིག་བཀའ་ལས་མ་འདའ་ཞིག །མཆོད་སྦྱིན་གླུད་གཏོར་འདི་ལོངས་ལ། །ཚིམ་ཞིང་དགའ་མགུ་ལྡན་གྱུར་ཅིག །བདག་དང་རྒྱུ་སྦྱ…

ལྟར་བལྟམས་པ་སོགས་དང་། འདི་ནི་ཁྲུས་མཆོག་སོགས་ཁྲུས་སྔགས་དང་བཅས། བདུད་བཞི་བཅོམ་པའི་མཐུ་སྟོབས་ཀྱི། །ཡེ་ཤེས་ལྔ་ལྡན་ཁྲོ་བོའི་རྒྱལ། །བདུད་རྩི་འཁྱིལ་པའི་བྱིན་རླབས་ཀྱི། །ཡེ་ཤེས་བདུད་རྩིའི་རང་བཞིན་ལས། །ཉོན་མོངས་དག་བྱེད་ཆུ་རྒྱུན་གྱིས། །དེང་འདིར་ཁྲུས་གསོལ་བདེ་ལེགས་ཤོག །ཁྲུས་སྔགས་བརྗོད། ཁྱིམ་ལྷ་ཕུག་ལྷ་ཐབ་ལྷ་སོགས…

དེ་ནས་གཡང་སྒྲུབ་མདུན་བསྐྱེད་ལ་འཇུག་པར་བྱའོ།། །།ༀ་སྭ་སྟི། གདོད་ནས་ཀུན་ཁྱབ་ཀུན་བཟང་གཉུག་མའི་གཤིས། །གཤིས་ལུགས་མི་གཡོ་མི་ཕམ་རྒྱལ་བའི་སྲས། །གྲུབ་པ་གྲུབ་པ་ཀུན་ལས་ཆེས་འཕགས་པ། །རྒྱལ་བ་ཀུན་དངོས་ཀརྨ་ཀ་དེ་རྒྱལ། །ཞེས་མཆོད་པར་བརྗོད་ནས། འདིར་སྒྲུབ་བརྒྱུད་ཀརྨ་ཀཾ་ཚང་གི་ཐུན་མོང་མིན་པའི་བཀའ་སྲུང་ཇོ་བོ་སྔགས་ཀྱི་བདག་པོ…

ཕྱག་གཡས་རྡོ་རྗེ་གཡོན་སྡིགས་མཛུབ། །མེ་ཡི་ཞགས་པས་ལོག་འདྲེན་གཞོབ་ཐུལ་བསྲེགས། །གནས་གསུམ་འབྲུ་གསུམ་འོད་ཀྱིས་ཡེ་ཤེས་པ། །སྤྱན་དྲངས་གཉིས་མེད་གྱུར་པའི་ཐུགས་ཀར་ནི། །ཉི་སྟེང་ཧཱུྃ་མཐར་སྔགས་ཀྱིས་བསྐོར་བར་གྱུར། །ༀ་བཛྲ་ཙཎྜ་མ་ཧཱ་རོ་ཥ་ན་ཧཱུྃ་ཕཊ། །ཅེས་ཅི་ནུས་བཟླས། ཨརྒྷཾ་སོགས། ལྕང་ལོ་ཅན་གྱི་གནས་མཆོག་དམ་པ་སོགས་ཀྱིས་བསྟོ…

སུ་གྱུར་པ་ལས། ཤར་དུ་མཐའ་ཡས་དཀར་པོ་ཨུཏྤལ་འཛིན་པ། ལྷོར་པདྨ་དམར་པོ་པདྨ་འཛིན་པ། ནུབ་ཏུ་འཇོག་པོ་དམར་པོ་དགྲ་སྟྭ་འཛིན་པ། བྱང་དུ་ནོར་རྒྱས་སེར་པོ་བུམ་པ་འཛིན་པ། བྱང་ཤར་དུ་པད་ཆེན་དཀར་པོ་སྦྲུལ་ཞགས་འཛིན་པ། ཤར་ལྷོར་དུང་སྐྱོང་སེར་པོ་དུང་ཕོར་འཛིན་པ། ལྷོ་ནུབ་ཏུ་ཀརྐོ་ཊ་ནག་པོ་སྦྲུལ་ཞགས་འཛིན་པ། ནུབ་བྱང་དུ་རིགས་ལྡན་དཀར་…

བདག་གིས་མཆོད་ཕྱིར་སྤྱན་འདྲེན་ན། །དམ་ཚིག་དབང་གིས་གཤེགས་ནས་ཀྱང་། །རིན་ཆེན་པདྨའི་ཁྲི་སྟེང་དུ། །བརྗིད་ཅིང་འགྱིང་བར་བཞུགས་སུ་གསོལ། །ལྕགས་ཀྱུའི་ཕྱག་རྒྱ་དང་བཅས་ནས། ༀ་ཕུཿཏ་ཕུཿཏ་མ་ཧཱ་ཀྲོ་དྷ་ཧཱུྃ། སིདྡྷཱི་སིདྡྷི་སྥོ་ཊ་ཡ་ཧཱུྃ། ནཱ་ག་རཱ་ཛ་ས་པ་རི་ཝཱ་ར་ཨཱ་ཀཪྵ་ཡ་ཛཿཛཿཧཱུྃ་བྃ་ཧོཿཧྲཱིཿཛཿཨརྒྷཾ་སོགས། ཛཿཧཱུྃ་བྃ་ཧོཿདམ་ཚིག་པ་ད…

ཨ་ཀཱ་རོ་ལན་གསུམ་བརྗོད་པས་བྱིན་གྱིས་བརླབས་ལ། ཧཱུྃ་སྟོང་གསུམ་སྟོང་གི་འཇིག་རྟེན་ན། །ལྷ་རྫས་དགེ་བའི་མཆོད་གཏོར་འདི། །ཀླུ་རྒྱལ་འཁོར་དང་བཅས་ལ་འབུལ། བཞེས་ནས་དངོས་གྲུབ་སྩལ་དུ་གསོལ། །དག་གསལ་དྲི་ཞིམ་ལེགས་ལྡན་པའི། །དྲི་ཆབ་བདུག་སྤོས་མེ་ཏོག་སོགས། །ཀླུ་རྒྱལ་ཁྱོད་ལ་འབུལ་ལགས་ན། །བདག་གི་ལས་རྣམས་འགྲུབ་པར་མཛོད། །ཡིད་འོ…

ཕཊ། སིདྡྷི་སིདྡྷི་སྥོ་ཊ་ཡ་ཧཱུྃ། ཨི་དམ་བ་ལིང་ཁ་ཁ་ཁཱ་ཧི་ཁཱ་ཧི། ཞེས་བདུན་ནམ་ཉེར་གཅིག་བརྗོད། ༀ་ཨ་ནན་ཏ་བ་སུ་ཀི་ཏ་ཀྵ་ཀ། ཀརྐོ་ཊ་ཀ། པདྨ། མ་ཧཱ་པདྨ། ཤཾ་ཁ་པཱ་ལ། ཀུ་ལི་ཀ། ༀ་བྷཀྵ་བྷཀྵ་ཨཱ་གཙྪ་ཨཱ་གཙྪ། མ་ཧཱ་ནཱ་ག་ཨ་དྷི་པ་ཏི་སརྦ་བྷུར་བྷུ་ཝ་ཕྲུཾ་ཕུ་སྭཱ་ཧཱ། ཞེས་གཏོར་མ་ཕུལ། དེ་ནས་བཀའ་བསྒོ་བ་དང་ཕྲིན་ལས་བཅོལ་བ་ནི། སྔགས་ཀྱི་བདག་…

བ་བཞིན་གྱིས་ཤིག །ནཱ་ག་རཱ་ཛ་ས་པ་རི་ཝཱ་ར་དགའ་བ་དང་དགྱེས་པར་གྱུར་ཅིག །བསྟོད་པ་བྱ་བ་ནི། ཀླུ་ཡི་རྒྱལ་པོ་སོག་མ་མེད། །གསེར་གྱི་མདོག་ཅན་གཞོན་ནུའི་གཟུགས། །སངས་རྒྱས་སྟོང་གི་ཕྲིན་ལས་མཛད། །སྔགས་བདག་སྐུ་ལ་ཕྱག་འཚལ་བསྟོད། །ཀླུ་ཡི་རྒྱལ་པོ་སོག་མ་མེད། །སྐལ་བཟང་བྱང་ཆུབ་སེམས་དཔའ་སྟེ། །གཞོན་ནུ་གཏུམ་པོ་སྦྲུལ་མགོ་ཅན། །ཕྲི…

ཟག་གི། །བར་ཆད་སེལ་ཞིང་ཅི་འདོད་སྒྲུབ་པོ་ཞེས། །རྡོ་རྗེ་འཛིན་པའི་སྤྱན་སྔར་འདུད་པའི་ཚུལ། །སྔགས་ཀྱི་བདག་པོ་འཇིག་རྟེན་མཐུ་བོ་ཆེ། །སྲིད་གསུམ་ཚར་གཅོད་འགྲོ་དྲུག་དབང་དུ་སྡུད། །ཁམས་གསུམ་བདག་པོ་གསོད་བྱེད་ཆེན་པོ་སྟེ། །སྦྲུལ་མགོ་བདུན་དང་ཟུར་ཕུད་ལྔ་ཡིས་བརྒྱན། །གཞོན་ནུ་མཛེས་པ་ཁྱེའུ་ཆུང་གཞོན་ནུའི་ཚུལ། །གཞོན་ནུ་གཏུམ་…

མོང་གྲུབ་པ་གཉིས། །བསམ་གྱིས་མི་ཁྱབ་ཕྱྭ་དང་གཡང་། །བདག་དང་ཡོན་བདག་འདི་ཉིད་ལ། །དུས་འདི་ཉིད་ལ་བསྩལ་དུ་གསོལ། །སྟེང་ཕྱོགས་འདོད་ལྷ་རིགས་དྲུག་དང་། །གཟུགས་ཁམས་གཟུགས་མེད་ཁམས་ཀྱི་གནས། །འདོད་པའི་ཡོན་ཏན་སྣ་ཚོགས་ཀྱི། །ལོངས་སྤྱོད་དཔལ་འབྱོར་ཕུན་ཚོགས་དང་། །བསམ་གཏན་ནང་གི་དགའ་བདེ་ཅན། །འཆི་མེད་བདུད་རྩིའི་བཏུང་བ་ལ། །རྟག་…

བཀྲ་ཤིས་རྫས་རྟགས་བརྒྱད་ལ་སོགས། །མདོར་ན་བཅུད་ཀྱི་སེམས་ཅན་གྱི། །ལོངས་སྤྱོད་དཔལ་འབྱོར་ཕྱྭ་དང་གཡང་། །ན་བུན་གཏིབས་པ་ཇི་བཞིན་དུ། །བདག་དང་༴དུས་འདི༴འོག་ཕྱོགས་གདེངས་ཅན་ཀླུ་ཡི་ཡུལ། །རྒྱ་མཚོ་ཆེ་དང་ཆུ་ཀླུང་སོགས། །ཀླུ་ཡི་ཕོ་བྲང་སྐྱེད་མོས་ཚལ། །ཁང་བཟང་ནོར་བུའི་ཁྲི་སྟན་དང་། །ཡིད་བཞིན་བསམ་འཕེལ་ནོར་བུའི་རིགས། །བསམ་གྱ…

རི་རབ་ལྟ་བུར་བརྟན། །སྙན་གྲགས་ལྷ་ཡི་རྔ་བཞིན་སྒྲོགས། །ལོངས་སྤྱོད་དཔག་བསམ་འབྲས་ལྟར་རྒྱས། །ཆོས་བརྒྱུད་ཆུ་བོའི་གཞུང་བཞིན་རིང་། །བུ་སློབ་གཟའ་སྐར་གྲངས་བཞིན་འཕེལ། །ཀླུང་རྟ་མངའ་ཐང་སྟོབས་རྩལ་རྒྱས། །དཔལ་འབྱོར་ལོངས་སྤྱོད་གུད་མེད་ཅིང་། །མི་མཆོག་འཁོར་ལོས་སྒྱུར་རྒྱལ་བཞིན། །སྦྱིན་པའི་ཕར་ཕྱིན་ཡོངས་རྫོགས་ཏེ། །གཏན་བདེ…

ཕྱྭ་གཡང་དངོས་གྲུབ་བསམ་གྱིས་མི་ཁྱབ་ཀུན། །དེང་འདིར་རྣལ་འབྱོར་བདག་ལ་བསྩལ་ནས་ཀྱང་། །འཛམ་གླིང་སྤྱི་དང་ཁྱད་པར་ཡུལ་ཕྱོགས་འདིར། །ལོ་དགྲ་བཙའ་སད་སེར་བ་འབུ་སྲིན་སོགས། །རྟག་པར་རྒྱུན་ཆད་ཆར་ཆུ་དུས་སུ་འབེབས། །ལོ་ལེགས་སྐྱ་རྒྱལ་འབྲུ་རྣམས་འཕེལ་བར་མཛོད། །མི་རྣམས་བཙན་ཕྱུག་དཔའ་ཞིང་རྟ་རྣམས་མགྱོགས། །རྐང་བཞི་གནག་ལུག་འཕེལ་ཞ…

ཀརྨ་པཀྵིའི་སྤྱན་སྔ་རུ། །ཇི་ལྟར་ཁས་བླངས་དམ་བཅའ་དེ་བཞིན་དུ། །རྣལ་འབྱོར་བཅོལ་བའི་ཕྲིན་ལས་འགྲུབ་པར་མཛོད། །ཅེས་དང་། མེ་ཏོག་འཐོར་བཞིན་བཀྲ་ཤིས་བརྗོད་པ་ནི། རྡོ་རྗེ་འཆང་ཆེན་ཆོས་དབྱིངས་དག་པའི་མཁར། །ཏཻ་ལོ་པ་སོགས་བཀའ་བརྒྱུད་གྲུབ་བརྙེས་ཀྱི། །རྣམ་འཕྲུལ་ཉི་ཟླའི་འོད་ཟེར་འབུམ་སྤྲོ་བས། །གདུལ་བྱའི་པད་ཚལ་རྒྱས་པའི་བཀྲ་ཤི…

ཨརྒྷཾ་སོགས། བསྟོད་པར་འོས་པ་སོགས། མ་འབྱོར་པ་དང་སོགས་ཡི་གེ་བརྒྱ་པ་ལན་གསུམ་བརྗོད། ལྷ་རྣམས་ནོངས་པ་གང་མཆིས་བཟོད་པར་གསོལ། །སོགས་དང་། བསྔོ་བ་སྨོན་ལམ་གྱིས་མཐའ་བརྒྱན་པར་བྱའོ། །སྨྲས་པ། སྦྱིན་པའི་འབྲས་རབ་རྫོགས་བྱས་ནས། །སྲིད་པའི་ཁམས་ཀུན་གཏོང་མིན་པའི། །གཏན་བདེའི་དབྱིག་གི་ཆར་ཆེན་གྱི། །འདོད་གཏེར་བུམ་པ་བཟང་པོའོ། །ཞེ…