ཕ་མཐར་བརྒལ་བའི་སྙིང་རྗེའི་རང་གཟུགས་མགོན། །འཕགས་ཆེན་ཕྱག་ན་པདྨོའི་རྣམ་པར་རོལ། །རྒྱལ་དབང་བདུད་འདུལ་རྡོ་རྗེར་གསོལ་བ་འདེབས། །གང་སྐུ་མཐོང་བའི་སྐལ་བ་དམན་ལགས་ཀྱང་། །མོས་གུས་ཤུགས་འབྱུང་སྒོ་གསུམ་དད་པ་ཡིས། །བསྐུལ་དང་ལྷན་ཅིག་རང་སེམས་གདོད་མའི་མགོན། །དབྱེར་མེད་རྩ་བའི་བླ་མར་གསོལ་བ་འདེབས། །མཆོག་གི་སྐུ་གསུམ་ཡེ་ཤེས་ར…

གསོལ་འདེབས། །དེ་ལྟར་རྩ་བརྒྱུད་བླ་མར་གསོལ་བཏབ་མཐུས། །ལྷན་སྐྱེས་ཡེ་ཤེས་ཆོས་སྐུའི་རང་རིག་པ། །ཇི་བཞིན་མ་ནོར་མངོན་དུ་རྟོགས་གྱུར་ནས། །སྐུ་བཞིའི་རྒྱལ་ས་ཆེན་པོར་དབང་འབྱོར་ཤོག །ཅེས་ཁྲོ་རུ་སྤྲུལ་སྐུའི་ངོར་སྤེལ།། ༈ །།བདེ་ཆེན་ཞིང་མཆོག་སྟོན་པ་ཚེ་མཐའ་ཡས། །འོད་ཀྱི་སྣང་བ་དཔག་མེད་རྒྱལ་པོ་དང་། །གསང་ཡེ་ཡུམ་མཆོག་དཀྱིལ་…

གདོད་ནས་ཡེ་གྲུབ་རང་བྱུང་བདེ་བ་ཆེར། །གསོལ་བ་འདེབས་སོ་སྨིན་གྲོལ་བྱིན་ཆེན་ཕོབ། །དེ་ལྟར་གསོལ་བ་བཏབ་པའི་ཐུགས་རྗེ་ཡིས། །བསམ་པ་ལྷུན་གྲུབ་ཆོས་འཕེལ་ཚེ་དཔལ་རྒྱས། །མཆོག་དངོས་གོ་འཕང་བདེ་བླག་ཉིད་འགྲུབ་ནས། །མི་ཤིགས་རྡོ་རྗེའི་ཚེ་ལ་དབང་ཐོབ་ཤོག །ཅེས་པའང་གནས་མདོ་བླ་མ་ཟབ་ཡངས་ཀྱིས་བསྐུལ་ངོར་སྤེལ།། ༈ །།སྐྱེ་མེད་བརྗོད་བྲ…

རྟག་བཞུགས་བདེན་གྲུབ་སྒོ་གསུམ་བྱིན་གྱིས་རློབས། །ཅེས་པའང་སྒྲུབ་པ་མགོན་སྲུང་ངོར་སྤེལ།། ༈ །།རྒྱལ་ཀུན་ཐུགས་རྗེའི་རྣམ་རོལ་པ། །སྤྱན་རས་གཟིགས་དབང་ཀརྨ་པ། །བདུད་ཚོགས་འདུལ་པའི་རྡོ་རྗེ་དང་། །རིགས་བདག་པདྨ་གསུང་དབང་ཕྱུག །ཆོས་གྲུབ་རྒྱ་མཚོར་གསོལ་བ་འདེབས། །མ་བྱོན་སངས་རྒྱས་ལྔ་པ་ཡི། །སྒྱུ་འཕྲུལ་ཆོས་ཀྱི་འབྱུང་གནས་ཞབས། …

དབྱེར་མེད་ཐུབ་བསྟན་ཡོངས་སུ་རྫོགས་པའི་དཔལ། །འཇམ་མགོན་ཆོས་ཀྱི་འབྱུང་གནས་གང་དེ་ལ། །གསོལ་འདེབས་ཡེ་ཤེས་སྤྱན་གཟིགས་བྱིན་གྱིས་རློབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །རང་རིག་ངོ་བོ་གཅེར་མཐོང་ཆོས་སྐུ་ཡི། །གནས་ལུགས་མངོན་གྱུར་སྐུ་བཞིའི་དབང་ཕྱུག་མཆོག །རྡོ་རྗེ་འཆང་གི་གོ་འཕང་མྱུར་ཐོབ་ཤོག །ཅེས་ཚེ་དཔག་ངོར་སྤེ…

ཀུན་ཁྱབ་ཤོག །བསྟན་པའི་གཞི་མ་གུ་རུའི་ལུང་ཟིན་པའི། །སྐྱེས་མཆོག་རྣམས་དང་སྦྱང་སྟོབས་མཐར་སོན་པའི། །རྟོགས་པའི་གདེང་ལྡན་འགྲོ་ཕན་བྱང་སེམས་ཀྱི། །བསྟན་འཛིན་མངའ་བརྙེས་མཆོག་རྣམས་འཚོ་བརྟན་ཤོག །བསྟན་རྩ་དགེ་འདུན་འདུས་པ་རབ་རྒྱས་ཤིང་། །སྡོམ་པ་གསུམ་གྱི་གཞི་བརྟན་གཞན་ཕན་གྱི། །ལྷག་བསམ་ཚུལ་ལྡན་དད་ཅན་ཡོན་སྦྱོང་བའི། །ཆོས་ས…

ཤིང་། །བསྟན་པ་དར་ཞིང་རྒྱས་པར་བྱིན་གྱིས་རློབས། །ཆོས་མིན་སྤྱོད་རྣམས་ཞི་བར་བྱིན་གྱིས་རློབས། །དེ་ལྟར་མོས་བློས་རྩེ་གཅིག་གསོལ་བཏབ་པའི། །མཐུ་ལས་དཀོན་མཆོག་རྩ་གསུམ་རྒྱ་མཚོ་ཡིས། །བྱིན་རླབས་སྟོབས་ཀྱི་བདེན་པས་ཡིད་བཞིན་དུ། །སྨོན་ལམ་ཇི་བཞིན་དོན་ཀུན་གྲུབ་གྱུར་ཅིག །ཅེས་པའང་འཇིག་རྟེན་ལས་ཐར་པའི་ལམ་བསྙེགས་པའི་ཀུན་སྤངས…

ཕྱག་ཆུ་བོ་ཀུན་འདུས་རྒྱ་མཚོ་ཆེའི། །མངའ་བདག་ཟླ་འོད་གཞོན་ནུའི་བྱིན་རླབས་བརྒྱུད། །འབྲི་གུང་སྟག་ལུང་ཚལ་དང་འབྲུག་པ་ཞེས། །ཡ་བཞི་ཟུང་བརྒྱད་སྐྱེས་མཆོག་མུ་ཏིག་ཕྲེང་། །མཁས་གྲུབ་རིམ་པར་བྱོན་ལ་གསོལ་བ་འདེབས། །ཐུགས་རྗེའི་སྤྱན་གཟིགས་བདག་རྒྱུད་ངེས་འབྱུང་གིས། །བསྐུལ་བའི་ཆོས་བརྒྱད་མ་འདྲེས་ལས་འབྲས་ཀྱི། །བླང་དོར་ཇི་བཞིན…

བསླབ་པའི་གཞི་བརྟན་ལ། གེགས་མེད་ཉིད་དུ་མཐར་ཕྱིན་བྱིན་གྱིས་རློབས། །ཞེས་ཀརྨ་ལྷག་བསམ་ནས་བསྐུལ་ངོར་སྤེལ།། ༈ །།བདེ་བར་གཤེགས་པ་ཤཱཀྱའི་རྒྱལ་པོ་ལ། །རྣམ་ཀུན་མི་ཕྱེད་དད་པས་གསོལ་བཏབ་མཐུས། །བདག་ཅག་སྐྱེ་བ་འདི་དང་ཚེ་རབས་ཀུན། །རྒྱལ་བའི་སྤྱི་གཟུགས་ཁྱབ་བདག་ཀརྨ་པ། །དངོས་གྲུབ་མཆོག་སྩོལ་བཛྲ་ཝཱ་ར་ཧི། །བར་ཆད་འདུད་འཇོམས་རྡོ…

རྒྱ་ཆེ། །བསྟན་པའི་སྙིང་པོ་ཀཾ་ཚང་གི། །རང་ལུགས་གཅེས་སྤྲས་འཛིན་ནུས་པའི། །ཐོས་བསམ་སྒོམ་པ་མཐའ་རུ་ཕྱིན། །དོན་གཉིས་ལྷུན་གྲུབ་འབྲས་ཐོབ་ནས། །འགྲོ་བ་འདྲེན་པའི་དཔལ་དུ་ཤོག །སྐྱབས་ཆེ་དབུ་མཛད་མཁྱེན་རབ་ངོར་སྤེལ་བ་ཛ་ཡ།། ༈ །།དཔལ་ལྡན་རིགས་ཀུན་ཁྱབ་བདག་འཁོར་ལོའི་མགོན། །རྡོ་རྗེ་འཆང་དབང་དཔལ་ལྡན་ཀརྨ་པ། །དུས་འདི་ནས་བཟུང་མྱ…

དེང་འདིར་སྲུང་བར་འོས་པའི་དམ་ལྡན་འདི། །གང་ཞིག་གཡུལ་ངོར་ཞུགས་པའི་ཚུལ་མཆིས་ཀྱང་། །སྐྱབས་གྱུར་རེ་གནས་དམ་པ་ཁྱོད་རྣམས་ཀྱིས། །མི་མཐུན་ཉེར་འཚེ་མཐའ་དག་དྲུངས་ཕྱུང་སྟེ། །ཕུན་ཚོགས་དཔལ་གྱིས་མངོན་མཐོ་རི་དབང་ལྟར། །ཚེ་བསོད་དཔལ་འབྱོར་ཉི་མ་འབུམ་གྱི་གཟི། །བཀྲ་ཤིས་ཕྱོགས་ལས་རྣམ་རྒྱལ་དོན་གྲུབ་པའི། །མ་གཡེལ་བརྩེ་བ་ཆེན་པོས་…

ཚོགས་ཀྱི་མཆོག །དགེ་འདུན་བྱེ་སྙེད་གྲངས་འདས་རྣམས་ལ་འདུད། །བདག་མིང་ཀརྨ་དགེ་བ་ཞེས་བྱ་བས། །དུས་གསུམ་དགེ་ཚོགས་ཕུང་པོ་ཇི་སྙེད་པ། །མཆོད་སྤྲིན་ཀུན་བཟང་རྣམ་ཐར་ལས་ལྷག་པ། །བློ་ཡིས་བླངས་ཏེ་འབུལ་གྱི་བཞེས་སུ་གསོལ། །བདག་གི་གཙོ་བྱས་མཁའ་མཉམ་འགྲོ་བའི་ཚོགས། །གནས་སྐབས་མཐར་ཐུག་བདེ་ལེགས་དམ་པའི་དཔལ། །ཆོས་ཀྱི་སྤྱན་ལྡན་དགེ་བ…

ལུང་རྟོགས་དམ་ཆོས་རིག་གྲོལ་དགེ་འདུན་ཚོགས། །ཀུན་འདུས་རྗེ་བཙུན་བདུད་ལས་རྣམ་རྒྱལ་ཞབས། །ཆོས་གྲུབ་རྒྱ་མཚོ་དམ་ཆོས་ཉི་མའི་སྡེ། །རྡོ་རྗེ་དྲག་པོ་ཚེ་དབང་དཔལ་དར་རྗེ། །མ་ནོར་ལམ་སྟོན་རྩ་བརྒྱུད་བླ་མ་ལ། །གསོལ་བ་འདེབས་སོ་བདག་རྒྱུད་སྨིན་ཅིང་གྲོལ། །དོན་གཉིས་ལྷུན་གྱིས་འགྲུབ་པར་བྱིན་གྱིས་རློབས། །སི་ཏུ་པས་སྤེལ་བ་དགེ། །།༈…

ཕྱོགས་བཅུའི་སེམས་ཅན་དོན། །ནུས་པའི་སྐལ་ལྡན་དབང་ཐོབ་ཅིང་། །བྱང་ཆུབ་སྙིང་པོ་མངོན་གྱུར་ཤོག །རྗེས་ཆགས་འབྱོར་པ་ལ་གསོལ་འདེབས་སྨོན་ལམ་དུ་སྤེལ།། ༈ །།རྣམ་དག་བདེར་གཤེགས་རྒྱས་སྲས་སློབ་ཚོགས་ཀྱི། །རྣམ་མར་ཐུགས་རྗེའི་སྟོབས་འདུས་པདྨ་འབྱུང་། །རྣམ་རྒྱལ་འཆི་མེད་ངེས་སྟེར་གང་འདི་ནས། །རྣམ་ཀུན་སྙིང་པོའི་བར་དུ་སྐྱབས་སུ་མཆི།…

སེམས་བསྐྱེད་དམ་བཅའི་རྩ་བརྟན་སྨོན་འདུན་གྱི། །བདེན་པ་ཇི་བཞིན་འགྲུབ་པར་བྱིན་གྱིས་རློབས། །ཅེས་གནས་མདོ་ཀརྨ་ཆོས་རྒྱལ་ངོར་སྤེལ།། ༈ །།མཆོག་གསུམ་རྒྱལ་བ་སྲས་དང་བཅས། །ཡོངས་ཀྱི་སྤྱི་གཟུགས་པདྨ་འབྱུང་། །ཁྱེད་ལ་ཕྱག་འཚལ་གསོལ་འདེབས་ཤིང་། །གནས་སྐབས་མཐར་ཐུག་བར་ཆད་སོལ། །སྒྲུབ་པའི་རྒྱལ་ས་འཛིན་པ་ལ། །ཉོན་མོངས་བདུད་བཞིའི་ག…

ཐུན་མིན་ཞལ་གདམས་ཀྱི་རིམ་པ་རྣམས་ཕྱོགས་གཅིག་ཏུ་བསྡེབས་པ་ངེས་དོན་བདུད་རྩིའི་གཏེར་མཛོད་ཅེས་བྱ་བ་བཞུགས་སོ། །

ལགས། དམ་པ་མཆོག་ཉིད་སྔོན་སྦྱངས་སྐྱེས་ཐོབ་ཟླ་བྲལ་ཉམས་བཞེས་ཚུལ་ཅི་ནས་ལེགས་པའི་རང་བཞིན། ལར་འཁོར་འདས་ཐམས་ཅད་འཁྲུལ་དང་མ་འཁྲུལ་དེས་དབྱེ་བ་ལ་རྟོགས་ན་སངས་རྒྱས། མ་རྟོགས་ན་སེམས་ཅན་ཟེར་བའང་། འཁྲུལ་གྲོལ་གྱི་མཚན་མ་དོན་དམ་པར་མ་གྲུབ་པས། ད་ལྟའི་གཉུག་མ་ངོ་ཤེས་འདི་ལས་གཞན་ཅི་ཞིག་བསྒོམ་དུ་ཡོད་ཀྱང་། གོ་ཉམས་རྟོགས་གསུམ་གྱི…

ཟིན་པར་བྱུང་ཚེ་གོ་རྐྱང་ཡིན། དེ་ལྟ་བུའི་ཉམས་ལེན་ལ་རྡོ་རུས་གཏུགས་སྐབས་འཛིན་མེད་ཀྱི་ངང་ལ་འདི་སྣང་གི་རྟོག་ཚོགས་སྒྱུ་མ་ལྟར་མཐོང་སྟེ་སྤང་བླང་མེད་པར་དེའི་ངང་ལ་འབྱམས་འགྲོ་བ་ལྟ་བུ་ཤས་ཆེར་འབྱུང་ཞིང་། སྐབས་འགར་ཚོ་མི་ཟིན་པར་འཁྲུལ་དབང་ཤོར་ན་ཉམས་ཀྱི་རྟགས་ཡིན། གཉུག་མ་དེ་ཀ་མཐོང་ནས་རྐྱེན་གང་བྱུང་ཡང་འཛིན་པའི་ཤན་མ་ཞུག…

བབས་ཀྱི། །དོན་བརྒྱུད་སྙིང་པོའི་ཟབ་དོན་མདོར་དྲིལ་བ། །རང་རིག་ཡེ་ཤེས་སྤྲོས་པའི་མཐའ་བྲལ་དེ། །མངོན་སུམ་སྟོན་པའི་རྩ་བ་ཡི་བླ་མ། །སངས་རྒྱས་དངོས་སྣང་འདུ་ཤེས་བཅོས་མིན་གྱི། །མོས་གུས་དག་སྣང་གསོལ་འདེབས་འབད་བརྩོན་ན། །སེམས་ཉིད་ཆོས་སྐུའི་རང་ཞལ་མངོན་མཐོང་འགྱུར། །དེ་ཡང་ཐོག་མར་སྔོན་འགྲོ་རྣམ་བཞི་ཡིས། །རང་རྒྱུད་ལེགས་པར་…