པའི། །ངེས་དོན་ལ་ཕྱོགས་པའི་ཉམས་ལེན་གནད་གསང་། །སྙིང་པོར་བསྒྲིལ་བའི་རྣལ་འབྱོར་ལ་གཞོལ་པ། །ཁ་ཙམ་དུ་མ་ཡིན་གཏིང་ནས་གུས་པ། །མཚན་ལྡན་སློབ་མ་སྐལ་བ་ཅན་འཕགས་མའི། །རྣམ་པར་འཕྲུལ་ཤེས་རབ་མ་ཡི་ཟོལ་འཛིན། །གདོད་ནས་དག་པའི་ཡེ་ཤེས་རང་བརྙེས་མོད། །ཚུར་མཐོང་ངོར་ཐེག་པ་ལ་རིམ་འཇུག་གིས། །སྨོན་པའི་ཆོས་ཀུན་གྱི་ཡང་རྩེའི་ཏོག་གྱུར། …

སྨྲས། །དགེ་དེས་ཆོས་སྐུ་ཐོབ་གྱུར་ཅིག །ཤུ་བྷམ།། ༈ །།ཨེ་མ། རིང་ནས་བསོད་ནམས་ཡེ་ཤེས་འདུ་བྱས་པའི། །དལ་རྟེན་ལུས་ཐོབ་དེ་ལས་ཁྱད་པར་དུ། །རྒྱལ་བའི་མཆེད་ལྕམ་ཚུལ་དུ་གནས་པ་ཡི། །བག་ཆགས་བཟང་པོས་བསྐུལ་བས་ཆོས་ཀྱི་སྒོར། །འཇུག་ཅིང་ལྷག་པའི་བློ་དང་རབ་ལྡན་པའི། །དོན་དམ་གནས་ལུགས་ཕྱོགས་ལ་འདུན་པ་ཅན། །དེ་ཚུལ་གླེང་བའི་གདམས་པ་དོ…

བདག་བཀའ་དྲིན་ཅན། །དཔལ་པདྨ་འབྱུང་གནས་ཀརྨ་ཀ། དབྱེར་མེད་པ་སྤྱི་བོའི་རྒྱན་མཆོད་ནས། །དེང་མོས་པའི་བུ་ལ་བྱིན་གྱིས་རློབས། །ཕྱི་ཀུན་རྫོབ་སྒྱུ་མའི་འཁྲུལ་འཁོར་ལ། །བདེན་ཞེན་འཛིན་ཨ་འཐས་ཐེར་ཟུག་གི། །བློ་རྣམ་རྟོག་ཕྲེང་བ་ལུག་རྒྱུད་བཞིན། །གང་ཤར་བའི་འགྱུ་ུབ་དེ་ངང་ལྷོད། །ཡིད་མ་བཅོས་འཛིན་བྲལ་སྣང་ཞིང་སྟོང་། །དོན་གསལ་ལ་འ…

ཇི་བཞིན་དབྱེ་བསལ་གནད། །ཆོས་དམ་ཚིག་དད་པ་འགྱུར་མེད་བརྟན། །ཆོས་སྒྲུབ་པའི་རྣལ་འབྱོར་ལ་མོས་པས། །ཆོས་རང་བྱུང་ལྷན་སྐྱེས་ཡེ་ཤེས་ཀྱི། །ཆོས་རང་རྡོལ་སེམས་ཀྱི་རྡོ་རྗེ་ཆེ། །ཆོས་སྨྲ་བསམ་ལས་འདས་ཀུན་བཟང་གི། །དགོངས་དོན་མཆོག་རྟོགས་པའི་སྐལ་ལྡན་ནས། །རང་གཞན་ཀུན་ཕྱམ་གཅིག་བྱང་ཆུབ་ཀྱི། །གོ་འཕང་ལ་དཀྲི་བའི་ནུས་ཐོབ་དེས། །འཁོར…

གཞན་དུ་མ་གྲུབ་དེ་ཕྱིར་ཉམས་ལེན་གྱི། །གནད་གསང་སེམས་ཉིད་སྤྲོས་བྲལ་ཉིད་ལ་འདུས། །རང་སེམས་ཆོས་སྐུར་རྟོགས་པའི་ཐབས་ཟབ་མོ། །ཚེ་གཅིག་རྡོར་འཆང་གོ་འཕང་ཐོབ་པར་ངེས། །ཅེས་པའང་སི་ཏུ་པདྨའི་མིང་ཅན་གྱིས། །གནས་མདོ་ཆོས་གྲྭའི་དགེ་བཤེས་དད་དམ་ཅན། །ལས་སྐལ་ལྡན་པ་རྣམས་ཀྱི་བགོ་སྐལ་ཆོས། །གདམས་པའི་དགེ་དེས་ཆོས་སྐུ་མངོན་གྱུར་ཤོག། …

བསྲིངས་ཏེ། །སྟོང་ཉིད་སྙིང་རྗེ་ཟུང་འཇུག་ཐེག་མཆོག་ལམ། །འཁྲུལ་མེད་ཉམས་ལེན་མཐར་ཕྱིན་འབད་འཚལ་ཞུ། །དེ་སྐད་སི་ཏུ་པདྨའི་མིང་ཅན་གྱིས། །དགེ་རྒྱལ་རྗེ་དྲུང་སྤྲུལ་སྐུར་གདམས་པ་དགེ། །།༈ རྒྱལ་བ་གོང་མའི་ཕྱག་ཆེན་ཁྲིད་རིམ་ལས། །ཚིག་དང་ཡི་གེས་ནམ་ཡང་བསྟན་དུ་ུམེད། །བླ་མར་སངས་རྒྱས་ཤེས་པས་གསོལ་འདེབས་དང་། །བྱིན་རླབས་མཐུ་ཡིས་…

འདི་བཟུང་བྱང་ཆུབ་སྙིང་པོ་མཆིས་ཀྱི་བར། །དད་གསུམ་མོས་པས་གསོལ་བ་བཏབ་པའི་མཐུས། །ཚེ་འདིར་ཕྱག་རྒྱ་ཆེན་པོའི་ཡེ་ཤེས་མཆོག །བདེ་བླག་ཉིད་དུ་ཐོབ་པར་བྱིན་གྱིས་རློབས། །འགྲོ་ཀུན་འདྲེན་པའི་དཔལ་དུ་བདག་གྱུར་ཅིག །ཅེས་དང་། སེམས་ཀྱི་བཞག་ཐབས་ནི། རང་སེམས་གདོད་ནས་ཆོས་སྐུར་གནས་པ་ལ། །བསག་སྦྱང་མོས་གུས་བླ་མའི་བྱིན་རླབས་ཀྱིས། །…

གོ་འཕང་ཚེགས་མེད་ཉིད་དུ་འགྲུབ་གྱུར་ཅིག །དེ་སྐད་སི་ཏུ་པདྨའི་མིང་ཅན་གྱིས། །དགེ་མ་ཚངས་སྤྱོད་དཔལ་མོའི་བཞེད་ངོར་སྤེལ།། ༈ །།མ་ཧཱ་མུ་ུདྲ་སིདྡྷི་ཧཱུྃ། སྔོན་བསགས་དཀར་པོའི་འབྲས་སྨིན་དལ་རྟེན་ཐོབ། །མཚན་ལྡན་བླ་མ་མཇལ་ཞིང་ཆོས་དང་འཕྲད། །དུས་འདིར་སྡིག་སྤོང་དགེ་སྒྲུབ་སེམས་དོན་གྱི། །ཚུལ་ལ་མོས་པ་དེ་བཞིན་སྤྲོ་བ་རྨད། །བཀའ་…

སྔོན་བསགས་ལས་སྨོན་འབྲས་སྨིན་མཐུས། །དལ་འབྱོར་དོན་ལྡན་སྒྲུབ་ལ་འབད་བརྩོན་དེའི། །ཉམས་མྱོང་རྟོགས་པ་ན་འཕར་འཆར་སྒོའི་ཚུལ། །ཇི་བཞིན་སྐྱེས་ལ་ངོ་མཚར་ཡི་རང་གནས། །ད་དུང་ཉམས་ལ་ཞེན་དང་ཚེ་འདིའི་འཁྲིས། །ཆོས་བརྒྱད་སྣང་ཤས་དབང་དུ་མ་ཤོར་བར། །ལས་འབྲས་དམ་སྡོམ་ཕྲ་ཞིབ་བླང་དོར་གནད། །སྐབས་སུ་རོ་སྙོམས་བྱང་སེམས་བློ་སྦྱོང་འབད། …

འབྱོར་པའི་དཔལ་གྱུར་ཅིག །རྟོགས་ལྡན་ཕྲིན་ལས་ཆོས་དབང་བསྐུལ་ངོར་སྤེལ་བ་དགེ། །།༈ རིགས་ཀུན་ཁྱབ་བདག་བདུད་འདུལ་རྡོ་རྗེ་འཆང་། །འབྲལ་མེད་བདེ་ཆེན་འཁོར་ལོར་རྟག་བཞུགས་བཞིན། །དམ་པ་གང་གིས་བཀའ་མཆིད་བསྩལ་བའི་ལེན། །མདོར་བསྡུས་གསོལ་གྱིས་ཐུགས་ལ་འཆང་བར་རིགས། །སྡོམ་གསུམ་དྲི་མེད་ཚུལ་བཞིན་བསྲུང་བ་དང་། །ཚོགས་གཉིས་ཆུ་གཏེར་གོ…

ལས་རབ་རྒྱས་ཤིང་། །དུས་གསུམ་གཤེགས་པའི་བཀའ་བརྒྱུད་རིན་ཆེན་གྱི། །དགོངས་པ་མཐའ་དག་རྫོགས་པར་སྐོང་བྱེད་ཤོག །ཅེས་གོ་ཤྲི་སྤྲུལ་སྐུའི་དགོངས་བཞེད་བཞིན་བཀོད་པ་ཕུལ་བ་དགེ། ཤུ་ུབྷམ།། ༈ །།ངེས་པ་དོན་མཆོག་བཀའ་བརྒྱུད་ནོར་བུའི་ཕྲེང་། །ཀུན་འདུས་རྗེ་བཙུན་བདུད་འདུལ་རྡོ་རྗེ་འཆང་། །རང་སེམས་དབྱེར་མེད་ཉིད་དུ་ངེས་བཞིན་པར། །འདི…

ཉེས་ཐམས་ཅད་ཀུན། །གང་ཤར་ལམ་དུ་ཁྱེར་ཞིང་བླ་མ་ལ། །བློ་གཏད་ལིང་སྐྱུར་སྡིག་སྤང་དགེ་སྒྲུབ་འབད། །ལས་འབྲས་བླང་དོར་དེ་ཡིས་བསམ་དོན་འགྲུབ། །དད་གསུམ་ལྡན་པ་སོག་རུ་ཇོ་འབུམ་ངོར་སྤེལ་བ་དགེ། །།༈ དུས་གསུམ་རྒྱལ་བ་ཀུན་འདུས་ངོ་བོ་ཉིད། །དྲུག་པ་སེང་གེ་དཔལ་ལྡན་ཀརྨ་ཀ། བདུད་འདུལ་རྡོ་རྗེ་སྤྱི་བོའི་རྒྱན་དུ་མཆོད། །རྣམ་ཀུན་མཆོག་…

སེམས་ཉིད་གཏན་ལ་འབེབས་པ་ལ། །སྣང་ཕྱོགས་སྟོང་ཕྱོགས་དབྱེར་མེད་གསུམ་གོ་དགོས། །སྣང་བ་སེམས་ཀྱི་འགྱུ་བ་ཕྱི་རུ་ཕྱོགས། །སྟོང་པ་རྣམ་རྟོག་རྒྱུན་འགགས་ཕྱམ་མེར་གནས། །དེ་གཉིས་རིག་པས་དབྱེར་མེད་གཅིག་ཏུ་བསྡུས། །སྟོང་གསལ་མ་འགགས་རིག་པའི་སྙིང་པོ་ཅན། །འཁོར་འདས་གྱེས་སོ་གཉུག་མའི་རང་ཞལ་ཏེ། །བསྐྱང་བྱའི་སྙིང་པོ་ཡིན་པ་དགོངས་པར་…

རང་གསལ་ངོ་བོ་ཀུན་ཏུ་བཟང་། །མ་འགགས་སྣ་ཚོགས་རྟོག་པའི་རོལ་རྩེད་ཅན། །མཁའ་ལ་སྤྲིན་ལྟར་འགྲོ་འོང་དང་བྲལ་བ། །ཀ་དག་ལྷན་སྐྱེས་རྫོགས་པ་ཆེ་འགྲུབ་ཤོག །རིག་འཛིན་རྣམ་རྒྱལ་ངོར་སྤེལ།། ༈ །།དཔལ་རིགས་ཀུན་ཁྱབ་བདག་དཀྱིལ་འཁོར་གཙོ། །མགོན་སྐྱབས་གནས་མཚུངས་མེད་ཀརྨ་པ། །དུས་འདི་བཟུང་བླ་མེད་སྙིང་པོའི་བར། །འབྲལ་མེད་པ་སྤྱི་བོར་རྟག…

རླབས་ཆེན་པོའི་འོད་སྟོང་ལྡན། །ཐུགས་རྗེས་མ་རིག་མུན་པ་སེལ། །ནུས་མཐུས་འགྲོ་བློའི་སྐྱེད་ཚལ་དུ། །རྣམ་དག་དགེ་བའི་རྫིང་བུ་བསྐྱིལ། །དྲི་མེད་ཡོན་ཏན་པད་དཀར་བཀྲ། །བསྡུ་དངོས་བཞི་ཡི་ཡལ་གས་བཏེགས། །ཡང་དག་དམ་པའི་བཅུད་སྟེར་བ། །སྐྱབས་དང་མགོན་པོ་བླ་ན་མེད། །ལོ་ཀི་ཤྭ་ར་ཀརྨ་ཀ། རྗེ་བཙུན་བདུད་འདུལ་རྡོ་རྗེ་ཡི། །ཞབས་ཀྱི་པདྨ་ཚ…

མོ་བྲིས་པའི་དཔེ། །འབྲས་མེད་ལགས་སོ་དེས་ན་ཁྱོད་ཉིད་ཀྱིས། །ཐུགས་ཀྱི་གཏིང་ནས་ཕྱི་མའི་དོན་གཉེར་ན། །དད་གུས་དམ་ཚིག་མི་ལྡན་རང་དབང་མེད། །དཔེར་ན་སྐོམ་པ་ཆུ་ལ་བསྙེགས་པ་བཞིན། །གཞན་ནས་རྩོལ་སྒྲུབ་དགོས་པར་མི་སྣང་ངོ་། །དེ་སྐད་སྔོན་བྱོན་གྲུབ་པའི་དབང་པོ་མཆོག །རྒྱལ་སྲས་བླ་མ་རྣམས་ཀྱི་ཚད་མའི་གསུང་། །གསུང་རབ་རྣམས་ལས་དད་པ་…

གྲུབ་བརྙེས། །རིམ་བྱོན་ཟླ་བྲལ་ཐུབ་མཆོག་བསྟན་གསལ་བྱེད། །ཁྱད་པར་སྒྲུབ་བརྒྱུད་རིང་ལུགས་སྤེལ་བའི་གཉེན། །གང་འདིར་གཞན་ཕན་གཟུགས་སྐུར་སྟོན་པ་ཉིད། །བདག་བློའི་ཡིད་ཀྱི་པདྨོའི་དགའ་ཚལ་དུ། །རྫོགས་ལྡན་བསྐལ་བཟང་ནམ་མཁའི་ནོར་བུ་བཞིན། །ཚེ་རབས་འབྲེལ་བའི་དམ་ཚིག་བཙན་པོ་ཡིས། །ཟབ་གསང་རྡོ་རྗེའི་ཆོས་སྒོ་སྟོན་པ་ལ། །རེས་འགའ་སློ…

ལེན་དང་། ཁྲི་གདན་སོགས་བཀུར་བཟོས་ཞུས་པར། ཁོ་བ་ོལ་སྨིན་གྲོལ་གསན་བཞེས་རིགས་བདག་བསྟེན་པའི་དེས་ན་སྔོན་བྱོན་གྲུབ་པའི་རྣམ་ཐར་སྐྱོང་བ་ཐུགས་བཞེད་སྤྲོ་ཚུལ་ཕེབས་པའི་བཀའ་ལེན་དུ་ཕུལ་བའོ།། ༈ །།རང་བྱུང་བློ་འདས་ཆོས་སྐུའི་རོལ་པ་ལས། །བདེ་ཆེན་ལོངས་སྤྱོད་ཡོངས་སུ་རྫོགས་པའི་སྐུ། །མ་འགགས་ཐུགས་རྗེའི་རོལ་རྩེད་སྤྲུལ་པའི་གར། …

སྟོང་གསལ་རིག་པའི་སྙིང་པོ་ཅན་རྟོགས་ན། །ཐོག་མཐའ་བར་གསུམ་གེགས་གོལ་མི་འབྱུང་ཞེས། །རྒྱལ་བ་རྒོད་ཚང་ཆེན་པོས་བཞེད་ལྟར་ལ། །སྟོང་ཞེས་ཕྱང་ཆད་ཚོགས་དྲུག་བསྒག་པ་དང་། །སྟོང་པར་ཞེན་པའི་ལས་འབྲས་བླང་དོར་བྲལ། །སྙིང་རྗེ་བྱང་སེམས་སྤང་སོགས་བདུད་ལས་ཀྱི། །གེགས་ལ་རྣམ་ཀུན་དོགས་འཛེམ་ཤིན་ཏུ་གཅེས། །གསལ་བ་ལའང་དཔྱད་པ་མང་གྱུར་ཀྱང་…

ལྷུན་གྲུབ་མཐར་ཕྱིན་ནས། །རྣམ་ཀུན་བཀྲ་ཤིས་དགེ་བའི་དཔལ་ལྡན་ཤོག །ཛ་ཡནྟུ།། ༈ །།དུས་གསུམ་ཀུན་མཁྱེན་ཀརྨ་པར། །གསོལ་འདེབས་བདག་རྒྱུད་སྨིན་གྲོལ་གྱི། །ལམ་ལ་འགོད་པར་བྱིན་གྱིས་རློབས། །སྐུ་བཞི་མངོན་གྱུར་བྱིན་གྱིས་རློབས། །རང་སེམས་སྟོང་པར་གནས་པ་འདི། །གང་ཤར་རྣམ་རྟོག་རྗེས་མི་འབྲངས། །ད་ལྟའི་ཤེས་པ་སོ་མ་ཡི། །ངང་ལ་བཅས་བཅོ…