ཀུན་མཁྱེན་པདྨ་སཾ་བྷ་བ་དེ་ཉིད་ཀྱིས་རྒྱལ་པོ་ཁྲི་སྲོང་ལྡེའུ་བཙན་གྱི་ཐུགས་བཞེད་བསྐང་ཕྱིར་བོད་ཡུལ་དུ་བསྟན་པའི་སྒྲོན་མེ་སྤར་བ་མཛད་པའི་སྐབས། ཚེ་གཅིག་གིས་གྲུབ་པ་རྣམ་གཉིས་མངོན་དུ་བརྙེས་པའི་ལོ་ཙཱ་བ་བརྒྱ་རྩ་བརྒྱད་ཀྱི་ནང་ནས། ལས་ཅན་དག་པའི་འཁོར་དགུའི་ཡ་གྱལ། ཡང་དག་ཐུགས་ཀྱི་རིག་འཛིན་གནུབ་བན་ནམ་མཁའི་སྙིང་པོས་ཕྱི་རབས…

གནས་ཆེན་ཉེར་ལྔའི་ནང་ཚན་སྐྱིད་འབྱམས་སྒྲུབ་གནས་སེང་གེ་གནམ་མཆོངས་ཀྱི་ཉེ་ཆར་ཉི་ཟླ་ཕུག་གི་མདུན་ཟུར་འགྱུར་མེད་རྡོ་རྗེའི་བྲག་ལ་རྒྱས་བཏབ་པ། ཆོས་རྒྱལ་མུ་ཁྲི་བཙན་པོའི་སྐྱེ་མཐའ་སྤྲུལ་པའི་རིག་འཛིན་ཆེན་པོ་མི་འགྱུར་རྡོ་རྗེ་དྲག་པོ་ནུས་ལྡན་རྩལ་གྱིས་ལས་ཅན་དུ་མ་འཚོགས་པའི་དབུས་སུ་ཟླ་བ་བདུན་དུ་འབད་རྩོལ་ཆེན་པོས་རྡོ་རྗེའ…

དེས་དབང་དོན་གྱི་ཡེ་ཤེས་སྐྱེ་བའི་སྣོད་རུང་དུ་བསྒྲུབས་ནས། ད་བྱིན་འབེབས་ཅིང་ཏིང་ངེ་འཛིན་བསྒོམ་པ་ནི། ཧྲཱིཿསྣང་སྲིད་ལྷ་ཡི་དཀྱིལ་འཁོར་སོགས། དེ་ནས་བྱིན་རླབས་ཀྱི་གཞི་འགོད་པ་ལ། ཡུལ་སྣང་སེམས་གསུམ་གདོད་ནས་གདན་གསུམ་ཚང་བའི་ལྷའི་འཁོར་ལོར་རྫོགས་པ་དེ་ཉིད་བརྡ་སྤྲད་པའི་ཚིག་བརྗོད་པ་ན། ཡིན་པ་ལ་ཡིན་པར་གསལ་ཐོབ་མཛོད། ལས་བ…

ཡེ་ཤེས་རྡོ་རྗེའི་འོད་ཟེར་དཔག་ཏུ་མེད་པ་ཁྱེད་རང་རྣམས་ཀྱི་གནས་གསུམ་དུ་ཐིམ་པས་ཕུང་ཁམས་སྐྱེ་མཆེད་དུག་ལྔ་བདག་འཛིན་དང་བཅས་པ་རང་སར་དག །གཞི་རྫོགས་ཀློང་ཡངས་ཆེན་པོར་འཆི་མེད་རྡོ་རྗེ་དྭངས་མའི་སྲོག་ཏུ་སྨིན་ཅིང་གྲོལ། གནས་སྐབས་སུ་ཚེ་བསོད་ཡེ་ཤེས་འབྱོར་པ་དབང་ཐང་རླུང་རྟ་ཉམས་ཤིང་གུད་པ་སོར་ཆུད། བརྟན་གཡོའི་དྭངས་བཅུད་མ་ལུ…

དཔག་མེད་དབྱིངས་དང་ཡེ་ཤེས་སུ་དབྱེར་མེད་དུ་འགྱུར་ལ། སྐབས་སུ་བབས་པའི་དམ་ཚིག་སྲོག་གཅོད་པ་དང་། འདོད་པས་ལོག་སྤྱོད་གདུག་ཅན་ཨར་ལ་གཏད་པ་སོགས་སྤང་བྱ། སྲོག་བསླུ་ཉེ་འདོན་སཱཙྪ་བཏབ་པ་སོགས་བླང་བྱ། ཁྱད་པར་རང་གི་སྒོ་གསུམ་ཡེ་ནས་ཚེ་ལྷའི་རང་བཞིན་དེ་ཡི་ཏིང་ངེ་འཛིན་དང་མ་བྲལ་བར་སློབ་སྙམ་པས་འདིའི་རྗེས་ཟློས་མཛོད། གཙོ་བོའི་ཇ…

པོའི་ཕྱག་བཞེས་སུ་ཁྲུས་དང་མཎྜལ། པདྨ་བཛྲ་ལྟར་གྱི་དཀར་བགེགས་བཏང་། རང་གཞུང་བགེགས་བསྐྲད། སྐྱབས་སེམས། སློབ་མ་ལྷར་བསྐྱེད་སྤྱན་འདྲེན་བཞུགས་གསོལ་ཡན་གྲུབ་ནས་དབང་ཚིག་ལན་གསུམ་བརྗོད་པའི་དང་པོས་བུམ་པ། གཉིས་པས་ཚེ་གཏོར། གསུམ་པས་སྒྲུབ་དཔེ་རྣམས་གནས་གསུམ་བཞག་ལ་དབང་བསྐུར། མཐར་སྙིང་པོ་བརྗོད་ལ་ཚེ་རིལ་ཆང་སྦྱིན། ཤིས་བརྗོད་…

པདྨ་བཛྲ་སྙིང་ཐིག་དབང་མོ་ཆེའི་མཚམས་སྦྱོར་གསལ་བཀོད་རིན་ཆེན་ཕྲེང་བ་བཞུགས་སོ། །ན་མོ་གུ་རུ་པདྨ་བཛྲ་ཡེ། འདིར་པདྨ་བཛྲ་གྲུབ་ཐོབ་བརྒྱ་རྩའི་དཀྱིལ་འཁོར་དུ་སྐལ་ལྡན་གྱི་སློབ་མ་གཞུག་པར་འདོད་ན་འདིའི་དབང་ཐོབ་ཅིང་དམ་ཚིག་ལ་གནས་པའི་སློབ་དཔོན་གྱིས་དང་པོ་དཀྱིལ་འཁོར་བཤམས་བཀོད། ལས་བྱང་སོགས་མཐོང་བརྒྱུད་བཞིན་ཚུལ་ལྡན་ལྷག་མ་བ…

སོགས། རྡོ་རྗེའི་ཚིག་རྐང་ཉིད་གསལ་དག་སྙན་པས་བཏོན་ལ། དེ་དག་ནི་པདྨ་བཛྲ་གྱི་ཡོན་ཏན་ཅུང་ཟད་བརྗོད་པའོཿབར་དང་། དེ་ལྟར་བྱུང་ཁུངས་ལོ་རྒྱུས་རྡོ་རྗེའི་གསུང་གིས་རྒྱས་པར་བསྟན་པའི་སྒྲུབ་ཐབས་ཟབ་མོ་འདི་ཡང་ཨུ་རྒྱན་སངས་རྒྱས་གཉིས་པ་ཡབ་ཡུམ་གྱིས་སྙིགས་དུས་ཀྱི་གདུལ་བྱ་རྣམས་ལ་དགོངས་ཏེ་ལྷོ་སྨར་ཁམས་ཕྱོགས་ཀྱི་སྦས་གནས་གྲུ་གུ་ལ…

འཁོར་དུ་ཞུགས་པའི་སེམས་ཅན་ཤི་གསོན་གང་ཡང་རུང་སྟེ་སྐད་ཅིག་ཉིད་ལ་འཚང་རྒྱ་བ་ཐེ་ཚོམ་མེད་དོ༔ ཞེས་དང་། ཐོས་པས་སེམས་ཅན་གྲོལ་བར་འགྱུར༔ བསྒོམ་པས་འཇའ་ལུས་མཁའ་སྤྱོད་འགྲུབ༔ བཟླས་པས་དངོས་གྲུབ་རྣམ་གཉིས་བརྙེས༔ དད་བརྩོན་སྙིང་རྗེའི་ངང་དུ་བསྒྲུབ༔ མ་འོངས་སེམས་ཅན་ཐམས་ཅད་ཀུན༔ ཐར་ལམ་བགྲོད་པའི་གོ་ཆ་ཡིན༔ འདི་ལས་ལྷག་པ་ཡོད་རེ་…

ལེགས་སོ༔ ཞེས་དང་། དེ་ནས་ཕྱི་ནང་གསང་གསུམ་གྱི་སྐྱབས་སུ་འགྲོ་བ་འདིའི་རྗེས་ཟློས་མཛོད། ཞེས་མཚམས་སྦྱར་ལ་གུར་དྲག་རྡོ་རྗེ་ཕ་ལམ་ལྟར། ན་མོ༔ དཀོན་མཆོག་གསུམ་དང་བྱང་སེམས་ཉན་རང་ལྷ༔ བདག་དང་མཐའ་ཡས་དུས་གསུམ་སངས་རྒྱས་རྣམས༔ སྐྱེ་བ་འདི་ནས་སངས་རྒྱས་ཐོབ་ཀྱི་བར༔ ལུས་ངག་ཡིད་གསུམ་གུས་པས་སྐྱབས་སུ་མཆི༔ ནང་ལྟར་སྐྱབས་སུ་འགྲོ་བ་…

ནང་གསང་བའི་སེམས་བསྐྱེད་པ་འདིའི་རྗེས་ཟློས་མཛོད། ཧཱུྃ་ཧྲཱིཿབདག་གཞན་དུས་གསུམ་དུས་མེད་སྐྱེ་འགྲོ་རྣམས༔ མི་དགེ་བཅུ་ཡི་ལས་སྒྲིབ་དག་གྱུར་ཅིང༔ མ་རིག་འཁོར་ལོ་ཀུན་རྟོག་རྣམ་དག་སྟེ༔ ཡང་དག་སངས་རྒྱས་ས་ལ་རབ་བཀོད་ཕྱིར༔ གསང་སྔགས་དྲག་པོའི་དཀྱིལ་འཁོར་བསྒྲུབ་པར་བྱ༔ འཁོར་བ་དོང་ནས་སྤྲུག་པར་སེམས་བསྐྱེད་དོ༔ ངན་སོང་གནས་གསུམ་…

མེད་བྲག་ཆ་ལྟར༔ ཐུགས་ནི་དུས་གསུམ་སྤྲོས་བྲལ་ལྷན་སྐྱེས་ཐུགས༔ སྐྱེ་འགགས་གནས་གསུམ་བྲལ་བའི་ཡེ་ཤེས་ལ༔ སངས་རྒྱས་མ་བསྒྲུབ་རང་ཆས་རང་གསལ་ཀློང༔ ངན་སོང་གནས་མེད་རིག་བྱེད་འཁྲུལ་ཆ་ཙམ༔ ཀུན་བྱེད་རྒྱལ་པོ་ཡེ་ནས་སངས་རྒྱས་ཉིད༔ གང་ལའང་རེ་དོགས་ཀུན་བྲལ་སེམས་བསྐྱེད་དོ༔ ཞེས་དང་། དེ་ནས་ཁྱེད་རང་རྣམས་ཀྱིས་འཁོར་བ་ཐོག་མེད་ནས་བསགས་…

གྱིས་ཁེངས་པར་གྱུར༔ བར་དབྱངས་རོལ་དང་སྤོས་འགྲིམ་བཅས་ཀྱིས་བྱིན་དབབ། སྐབས་འདིར་གཞུང་ལས་སློབ་དཔོན་གྱིས་བདག་བསྐྱེད་གསལ་བཏབ་གསུངས་ཀྱང་། བརྒྱུད་པའི་ཕྱག་བཞེས་ལ་སློབ་དཔོན་དང་། སློབ་མས་ཡིད་ཀྱི་དམིགས་པས་གདོད་ནས་ཡེ་གྲུབ་ཀྱི་རང་བཞིན་དེས་ཁྱབ་པར་གསུངས། དེ་ནས་སློབ་དཔོན་གདོད་ནས་ཡེ་ཤེས་ཀྱི་དཀྱིལ་འཁོར་ཆེན་པོར་གསལ་བཞིན་…

རྣམས་ལས་རང་བྱུང་ཡེ་ཤེས་ཀྱི་སྐུ་མར་མེ་གཅིག་ལ་གཉིས་མཆེད་ཀྱི་ཚུལ་དུ་འཕྲོས་ནས་ཁྱེད་རང་རྣམས་ཀྱི་སྙིང་གར་ཐིམ། ལྷ་དབང་སེམས་ལ་བསྐུར་བས་ཡིད་ཀྱི་སྒྲིབ་པ་དག་ནས་ཐུགས་རྡོ་རྗེ་མངོན་དུ་གྱུར་པའི་མོས་པ་མཛོད། དེ་ནས་ཙཀླི་རྣམས་རིམ་པར་ཐོགས་ལ་སྙིང་གར་བཞག །ཧཱུྃ། ང་ནི་པདྨ་བཛྲ་ཡབ་ཡུམ་སོགས། ལྷ་དབང་ཡོངས་རྫོགས་བསྐུར་མཐར་སྨོན་ལ…

མཛད་པར་མོས་ལ། དེ་ནས་ཡང་གསང་དབང་བཞི་ཡོངས་རྫོགས་བསྐུར་བ་ནི། ཧཱུྃ། ང་ནི་པདྨ་བཛྲ་སོགས་རྡོ་རྗེ་འཆང་གི་སྐུ་སྤྱི་བོར་བཞག་ལ། དེ་ལྟར་དབང་བཞི་བསྐུར་བས་སྒྲིབ་བཞི་དག །རྒྱུད་བཞི་སྨིན། ལམ་བཞི་འབྱོང་། སྐུ་བཞིའི་གོ་འཕང་མངོན་དུ་གྱུར་པའི་མོས་པ་མཛོད། དེ་ལྟར་བཟླས་ལུང་སྦྱིན་པ་ནི། ཧཱུྃ། རིག་འཛིན་པདྨ་སོགས་ཀྱིས་གླེགས་བམ་མག…

སོགས་བཀྲ་ཤིས་མཉམ་གསུང་མཐར་རོལ་མོ་ལྡིར་ཞིང་མེ་ཏོག་གི་ཆར་བསྙིལ། དེ་ལྟར་བཅོམ་ལྡན་ཧེ་རུ་ཀ་པདྨ་བཛྲ་སངས་རྒྱས་ཐོད་པ་རྩལ་གྱི་སྙིང་ཐིག་དབང་མོ་ཆེ་ལེགས་པར་གྲུབ་བ་ཡིན་པས་དེ་དག་གི་སྐབས་སུ་བབས་པའི་གསང་སྔགས་ཀྱི་དམ་ཚིག་དང་སྡོམ་པ་སྔོན་དུ་བརྗོད་བཞིན་པ་རྣམས་ཅི་ནུས་སུ་བསྲུང་སྙམ་པའི་སྒོ་ནས་འདིའི་རྗེས་ཟློས། གཙོ་བོས་ཇི་ལྟ…

དག་སྣང་པཀྴིའི་དབང་བཞི་བྱིན་རླབས་མྱུར་འབེབས་ཀྱི་དབང་བཤད་དང་མཚམས་སྦྱོར་བཞུགས། ནམ་མཁའ་དང་མཉམ་པའི་སེམས་ཅན་ཐམས་ཅད་ཟུང་འཇུག་སྐུ་བཞི་དང་ཡེ་ཤེས་ལྔ་ཡི་བདག་ཉིད་ཀྱི་གོ་འཕང་ཐོབ་པར་བྱ་སྙམ་པའི་འདུན་པ་དྲག་པོ་རྩེ་གཅིག་པའི་ངང་ནས་གསན་པར་མཛད་འཚལ། དེ་ཡང་ད་ལམ་སྐབས་སུ་བབས་པའི་དབང་བསྐུར་ཟབ་མོ་ལས་ཀྱང་ཆེས་ཟབ་པ་འདི་ཉིད། ཨོ་ར…

རྣམ་པར་རོལ་པ་ཐོ་རི་སྙན་ཤལ་དང་། སྲོང་བཙན་སྒམ་པོའི་དུས་སུ་བོད་ཡུལ་གངས་རིའི་ཕྲེང་བ་འདི་ཉིད་དུ་དམ་ཆོས་ཀྱི་སྒྲོན་མེ་སྦར་བའི་དབུ་བརྙེས་པར་མཛད། མངའ་བདག་ཁྲི་སྲོང་ལྡེའུ་བཙན་གྱིས་དམ་པའི་ཆོས་ཀྱི་སྲོལ་བཏོད་པའི་ཕྱིར་རྒྱ་གར་ནས་ལོ་པཎ་སྐྱེས་མཆོག་ཇི་སྙེད་པ་དང་། ཁྱད་པར་མཁན་པོ་བྷོ་དྷི་སཏྭ། དེ་ལས་ཀྱང་ཁྱད་པར་གྱི་ཡོན་ཏན་ད…

སྲུང་མ་དྲེགས་བྱེད་རྣམས་ལ་གཉེར་དུ་གདམས་པར་མཛད་ཅིང་། བོད་ཡུལ་གྱི་གདུལ་བྱ་ཕྱི་རབས་ཐུགས་རྗེས་ཉེ་བར་སྐྱོང་བའི་སླད་དུ་ལྷོ་ནུབ་རཀྴ་སྲིན་པོའི་ཁ་གནོན་དུ་འབྱོན་པར་ཉེ་བ་ན། ལྷ་སྲས་མུ་ཁྲི་བཙན་པོའི་སྔོན་འཕྲལ་སྨོན་ལམ་བཙན་པའི་དམ་བཅའ་ཟབ་མོ་རྨད་དུ་བྱུང་བའི་མཐུས་སློབ་དཔོན་ཆེན་པོས་རྗེས་སུ་འཛིན་པར་གནང་སྟེ། ཕྱི་རབས་མ་འོང…

བཞེས་ཐུན་མོང་མ་ཡིན་པ་དེ་ལྟར་ལ། དེ་དག་གི་སྒོ་ནས་ལུས་ངག་ཡིད་གསུམ་མི་ཕྱེད་པའི་དད་པ་ཆེན་པོའི་བློས་དཀྱིལ་འཁོར་གཙོ་བོ་དང་སློབ་དཔོན་དབྱེར་མེད་པ་ལ་གསང་སྔགས་ཟབ་མོའི་དབང་བསྐུར་ཡོངས་སུ་རྫོགས་པར་ཞུ་བའི་དོན་དུ་དངོས་དང་ཡིད་སྤྲུལ་རྒྱ་མཚོས་དྲངས་པའི་མཎྜལ་གནང་འཚལ། དེ་ནས་ཐོག་མར་དབང་བསྐུར་ཟབ་མོ་ཞུ་བའི་དོན་དུ་སྐྱབས་སུ་འ…