དེ་ཡི་དུག་ནི་དྲག་པོ་ཆེན་པོ། །གཏན་ལ་གནས་པའམ་གཞན་ཡང་འགྲོ་བ་ཞེས་པ་ནི། ནག་པོ་བརྩེགས་པ་སོགས་དང་། སྡིག་སྦྲུལ་སོགས་བརྟན་གཡོ་དུག་དྲག་པོ་ཆེན་པོ་རྣམས་སོ། །ཟོས་པ་དང་ནི་འཐུང་པ་ཉིད་ཀྱང་། །ཞེས་པ་ནི། དུག་ཟོས་པ་དང་ནི་འཐུང་པ་ཉིད་ཀྱང་ནི། དྲན་པས་རབ་ཏུ་སེལ་བ་ཉིད་འཐོབ་སྟེ། བསྟོད་པ་དང་ལྷ་དང་སྔགས་དྲན་པས་དུག་རྣམས་སེལ་ལོ། །…

འདས་མ་སྒྲོལ་མ་ལ་ཡང་དག་པར་རྫོགས་པའི་སངས་རྒྱས་རྣམ་པར་སྣང་མཛད་ཆེན་པོས་བསྟོད་པ་གསུངས་པ། སློབ་དཔོན་འཕགས་པ་ཀླུ་སྒྲུབ་ནས་བརྒྱུད་པ། ལོཙྪ་བ་གཉན་གྱིས་བསྒྱུར་བ། རྗེས་བཙུན་ཆེན་པོ་གྲགས་པ་རྒྱལ་མཚན་གྱིས་གཏན་ལ་ཕབ་པའོ། །ཕྱག་འཚལ་ཉི་ཤུ་རྩ་གཅིག་གི་བསྟོད་པའི་རྣམ་པར་བཤད་པ་གསལ་བའི་འོད་ཟེར་ཞེས་བྱ་བ་རྫོགས་སོ།། །།

གཙུག་ཏོར་རྣམ་པར་རྒྱལ་མའི་མཆོད་ཆོག་ཡིད་བཞིན་རེ་སྐོང་ནོར་བུའི་གྲུ་ཆར་ཞེས་བྱ་བ་བཞུགས་སོ། །

ༀ་སྭསྟི། བདེ་གཤེགས་རྒྱལ་ཀུན་སྐྱེད་པའི་ཡུམ། །བདེ་ལེགས་དངོས་གྲུབ་མཆོག་སྩོལ་མ། །དགེ་ཚོགས་རྒྱ་མཚོའི་འབྱུང་གནས་གཏེར། །དགེ་བའི་དཔལ་སྦྱིན་གང་དེར་འདུད། །གང་ཞིག་མཆོག་དངོས་གྲུབ་པའི་ཆར། །མྱུར་སྩོལ་ལྷ་ཡི་ལྷར་གྱུར་མའི། །མཆོད་བསྟོད་ཆོ་ག་ཡིད་བཞིན་གྱི། །རེ་སྐོང་ནོར་བུ་འདིར་བཀོད་བྱ། །བསླབ་གསུམ་གང་རུང་ལྡན་པ་ཡིས། །བྱང…

རྟེན་ནམ། །སྐུ་བརྙན་དྲུང་ངམ་མཎྜལ་ལ། །འབྲུ་དཀར་དྲི་བཟང་སྦགས་པ་ཡི། །ཚོམ་བུ་ལྷ་གྲངས་མཉམ་པར་དགོད། །གཞན་ཡང་གསང་གསུམ་རྟེན་གང་འབྱོར། །བཀྲམ་ཞིང་མཆོད་པའི་རྫས་བཀོད་ནི། །མེ་ཏོག་བདུག་སྤོས་མར་མེ་དྲི། །ཞལ་ཟས་ལ་སོགས་རིམ་བཞིན་དུ། །སྟོད་དུ་ཚང་པར་འདུ་བྱ་ཞིང་། །མཆོད་གཏོར་བསང་ཆུ་གཞན་ཡང་ནི། །མཆོད་པའི་བྱེ་བྲག་རྣམ་མང་ཞིང་།…

ནས་བཟུང་སྟེ། ཇི་སྲིད་བྱང་ཆུབ་སྙིང་པོ་ལ་མཆིས་ཀྱི་བར་དུ། དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །ཡི་དམ་དཀྱིལ་འཁོར་གྱི་ལྷ་ཚོགས་རྣམས་ལ་སྐྱབས་སུ་མཆིའོ། །རྫོགས་པའི་སངས་རྒྱས་བཅོམ་ལྡན་འདས་རྣམས་ལ་སྐྱབས་སུ་མཆིའོ། །དམ་པའི་ཆོས་རྣམས་ལ་སྐྱབས་སུ་མཆིའོ། །འཕགས་པའི་དགེ་འདུན་རྣམས་ལ་སྐྱབས་སུ་མཆིའོ། །བཅོམ་ལྡན་འདས་འཕགས…

བར་གྱུར་ཅིག །ཉེ་རིང་ཆགས་སྡང་དང་བྲལ་བའི་བཏང་སྙོམས་ཚད་མེད་པ་ལ་གནས་པར་གྱུར་ཅིག །བདག་ཉིད་སྐད་ཅིག་གིས་བཅོམ་ལྡན་འདས་མ་གཙུག་ཏོར་རྣམ་པར་རྒྱལ་མའི་སྐུར་གསལ་བར་གྱུར། གཉིས་པ་བསང་ཆུ་སྒྲུབ་པ་ནི། སེམས་མ་རྡོ་རྗེ་མ་ཡི་རྒྱས། །ཀུ་ཤའི་འཐོར་གཡབ་འཛིན་ནས་སུ། །བདུད་རྩི་འཁྱིལ་བའི་རང་བཞིན་དུ། །མོས་ལ་སྔགས་འདི་ཉེར་གཅིག་བཟླའོ། …

ༀ་བཛྲ་ཤབྡ་ཨཱཿཧཱུྃ། ༀ་བཛྲ་དྷརྨ་ར་ཎི་ཏ། པྲ་ར་ཎི་ཏ། སཾ་པྲ་ར་ཎི་ཏ། སརྦ་བུདྡྷ་ཀྵེ་ཏྲ་པྲ་ཙ་ལི་ཏེ། པྲ་ཛྙཱ་པ་ར་མི་ཏ་ན་ད་སཾ་བྷ་ཝ་ཏེ། བཛྲ་དྷརྨ་ཧྲི་ད་ཡ་ནི་སནྟོ་ཥ་ནི་ཧཱུྃ་ཧཱུྃ་ཧཱུྃ་ཧོ་ཧོ་ཧོ་ཨཱ་ཁཾ་སྭཱ་ཧཱ། ལན་གསུམ་བྱིན་གྱིས་བརླབ་ནས་སུ། །གཉིས་པ་དངོས་གཞིར་རྣམ་པ་ལྔ། །མདུན་བསྐྱེད་ཚོགས་ཞིང་སྤྱན་དྲངས་པ། །མཆོད་ཅིང་བསྟོད་འབུ…

གཡོན་སྔོ་ཞིང་ཡིད་ཙམ་ཁྲོ་བ། ཞལ་རེ་རེ་ཞིང་ཞི་བའི་སྤྱན་གསུམ་གསུམ་དང་ལྡན་པ། ཕྱག་གཡས་ཀྱི་དང་པོས་སྣ་ཚོགས་རྡོ་རྗེ་ཐུགས་ཀར་འཛིན་པ། གཉིས་པས་པདྨའི་སྟེང་དུ་འོད་དཔག་ཏུ་མེད་པ་བཞུགས་པ་བསྣམས་པ། གསུམ་པས་མདའ། བཞི་པས་མཆོག་སྦྱིན་གྱི་ཕྱག་རྒྱ་མཛད་པ། གཡོན་དང་པོ་ཞགས་པ་དང་བཅས་པའི་སྡིགས་མཛུབ། གཉིས་པས་ཏིང་ངེ་འཛིན་གྱི་ཕྱག་རྒྱ…

གཏོད་ཅིང་། སྤྱན་གསུམ་མཆེ་བ་གཙིགས་པ། དབུ་སྐྲ་ནག་པོ་ཐོར་ཚུགས་སུ་བྱས་པ། སྟག་ལྤགས་དང་། སྦྲུལ་གྱི་རྒྱན་ཅན། མེ་དཔུང་འབར་བའི་དབུས་ན་གཡོན་བརྐྱང་གིས་བཞུགས་པའོ། །གཙོ་མོའི་སྟེང་གི་ནམ་མཁའ་ལ་གནས་གཙང་མའི་རིས་ཀྱི་ལྷའི་བུ་གཉིས་བདུད་རྩིས་གང་བའི་བུམ་པ་ཐོགས་ནས་གཙོ་མོ་ལ་སྐུ་ཁྲུས་གསོལ་བ། དེ་ཐམས་ཅད་ཀྱི་སྤྱི་བོར་ༀ་དཀར་པོ།…

པ་ཐམས་ཅད་ཀྱིས་མངོན་པར་དབང་བསྐུར་དུ་གསོལ། ཞེས་གསོལ་བ་བཏབ་པས། ཇི་ལྟར་བལྟམས་པ་ནས། ས་མ་ཡ་ཤྲཱི་ཧཱུྃ། ཞེས་གསུངས་ཤིང་བུམ་པའི་ཆུས་དབང་བསྐུར། སྐུ་ལུས་ཐམས་ཅད་གང་། དྲི་མ་ཐམས་ཅད་དག །ཆུ་ལྷག་མ་སྤྱི་བོར་ལུད་པ་ལས་གཙོ་མོ་ལ་རྣམ་པར་སྣང་མཛད། སྤྱན་རས་གཟིགས་ལ་འོད་དཔག་མེད། ཕྱག་ན་རྡོ་རྗེ་དང་ཁྲོ་བོ་བཞི་ལ་མི་བསྐྱོད་པ། ལྷའི་བ…

སྣ་ཚོགས་སྟོན་མཛད་ཅིང་། །མཐའ་ཡས་སེམས་ཅན་ཚོགས་རྣམས་བསྒྲལ་བའི་ཕྱིར། །ཡོངས་བདག་འཁོར་དང་བཅས་ཏེ་གཤེགས་སུ་གསོལ། །ཞེས་པས་གསོལ་བཏབ་སྤྱན་དྲངས་ནས། ༀ་ཨ་མྲྀ་ཏེ་ཧཱུྃ་ཕཊ། ཅེས་པས་ཕྱི་འབྲངས་བགེགས་བསྐྲད་ཅིང་། །དེ་ནས་བཞུགས་གསོལ་གདན་འབུལ་ནི། །བཅོམ་ལྡན་འདིར་ནི་བྱོན་པ་ལེགས། །བདག་ཅག་བསོད་ནམས་སྐལ་བར་ལྡན། །བདག་གི་མཆོད་ཡོན་བ…

ཨརྷ་ཏེ་སམྱཀྶཾ་བུདྡྷ་ཡ། ཏདྱ་ཐཱ། ༀ་བཛྲེ་བཛྲེ། མ་ཧཱ་བཛྲེ། མ་ཧཱ་བིདྱཱ་བཛྲེ། མ་ཧཱ་ཏེ་ཛོ་བཛྲེ། མ་ཧཱ་བོ་དྷི་མཎྜོ་པ་སཾ་ཀྲ་མ་ཎི་སརྦ་ཀརྨ་ཨ་ཝ་ར་ཎ་བི་ཤྭ་དྷ་ནེ་སྭཱ་ཧཱ། དེ་ནས་མཆོད་པ་འབུལ་བ་ནི། ཡེ་ཤེས་བདེ་བ་ཆེན་པོའི་དངོས། །མཆོད་ཡོན་བདུད་རྩིའི་རྒྱ་མཚོ་འདི། །དཔལ་གྱི་ལྷ་མོ་རྣམ་རྒྱལ་མ། །རྒྱལ་བ་སྲས་བཅས་རྣམས་ལ་འབུལ། ༀ་སརྦ་…

བདག་ལ་སྩོལ། །གནྡྷེ། བཟའ་བ་བཅའ་བའི་ཁྱད་པར་དང་། །སྣ་ཚོགས་བདུད་རྩིའི་ཞལ་ཟས་ནི། །བཏུང་བའི་བྱེ་བྲག་འབུམ་དང་སྦྱར། །བཞེས་ནས་བྱིན་གྱིས་བརླབ་པར་མཛོད། །ནཻ་ཝི་དྱ། དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམ་བྱེད་པའི། །སྤྲིན་རྣམས་སོ་སོར་གནས་གྱུར་ཅིག །ཤབྡ། བར་གྱིས་མཆོད། དེ་ནས…

རྣམ་རྒྱལ་ཁྱིམ་བདག་རིན་ཆེན་འབུལ། །སྐྱེ་འགྲོའི་རྒུད་སེལ་རྫོགས་ལྡན་དུས་བཞིན་ཤོག །པུ་རུ་ཥ་རཏྣ། འཕགས་མ་མཆོག་དང་རྒྱལ་བ་སྲས་བཅས་ལ། །ཀཻ་ལ་ཤ་རི་དང་མཚུངས་སྟོབས་བཅུ་ལྡན། །ཐལ་དཀར་མཆེ་བ་དྲུག་གིས་མཛེས་པ་ཕུལ། །འཆི་བདག་དཔུང་གཞོམ་རྡོ་རྗེ་གསུམ་བརྙེས་ཤོག །ཧསྟི་རཏྣ༴འཕགས་མ་མཆོག་དང་རྒྱལ་བ་སྲས་བཅས་ལ། །གུང་གཉིས་གླིང་བཞི་བས…

ཚོགས་རྣམས་མཉེས་གྱུར་ཅིག །ཐུགས་རྗེས་བརྩེར་དགོངས་འཆི་བ་མེད་པའི་ཚེ། །རྒུད་མེད་ལང་ཚོ་རྟག་བརྟན་གཞོམ་བྲལ་བར། །སྟན་ཐོག་འདི་རུ་བྱིན་རློབས་དངོས་གྲུབ་སྩོལ། །ༀ་སརྦ་ཏ་ཐཱ་ག་ཏ་ཨུཥྞཱི་ཥ་བི་ཛ་ཡ་བཛྲ་པཉྩ་ཀཱ་མ་གུ་ཎ་པཱུ་ཛི་ཏེ་ཨཱ་ཧཱུྃ་སྭཱ་ཧཱ། དེ་ནས་བཀྲ་ཤིས་རྟགས་བརྒྱད་འབུལ། སྐབས་གསུམ་བདག་པོ་ལྷ་མིན་གཡུལ་རྒྱལ་ནས། །བཀྲ་ཤིས་…

གསོལ། །ༀ་སརྦ་ཏ་ཐཱ་ག་ཏ་ཨུཥྞཱི་ཥ་བི་ཛ་ཡ་ཨཥྚ་མངྒ་ལ་པྲ་ཏཱིཙྪ་ཨཱཿཧཱུྃ། དེ་ནས་བཀྲ་ཤིས་རྫས་བརྒྱད་འབུལ། སྔོན་ཚེ་ལྷ་ཡི་ལྷར་གྱུར་སྒྱུ་འཕྲུལ་སྲས། །བཅོམ་ལྡན་དགྲ་རྒྱལ་དགེ་སྦྱོང་ཆེན་པོའི་དྲུང་། །གསང་བའི་བདག་དང་བརྒྱ་བྱིན་ལ་སོགས་ཀྱིས། །བདེ་ལེགས་རྫས་བརྒྱད་ཕུལ་བ་སླར་ཡང་ནི། །དགེ་མཚན་ཉིད་དུ་བྱིན་གྱིས་བརླབས་ཇི་བཞིན། །དེ…

ཞལ་ཟས་ལ་སོགས་མཆོད་པའི་རྫས། །ཀུན་བཟང་སྨོན་ལམ་ལས་བྱུང་བའི། །མཆོད་པའི་སྤྲིན་ཕུང་ནམ་མཁའི་མཛོད། །བདག་གིས་གུས་པས་བཤམས་པ་འདི། །འཕགས་མ་རྣམ་རྒྱལ་ལྷ་ཡི་ཚོགས། །ཇི་སྙེད་རྒྱལ་བ་སྲས་དང་བཅས། །དེ་སྙེད་རྣམས་ལ་འབུལ་གྱི་བཞེས། །ཐུགས་རྗེའི་གཏེར་ཆེན་མཆོག་རྣམས་ཀྱིས། །བདག་གཞན་ཚེ་དཔལ་ཡེ་ཤེས་དང་། །དོན་གཉིས་གྲུབ་པར་བྱིན་གྱིས་…

གཡས་བཞི་སྣ་ཚོགས་རྡོ་རྗེ་དང་། །འོད་དཔག་མེད་མགོན་མདའ་དང་མཆོག་སྦྱིན་ཏེ། །གཡོན་བཞི་སྡིགས་མཛུབ་ཞགས་བསྣམས་ཚེ་བུམ་བཟུང་། །གཞུ་དང་སྐྱབས་སྦྱིན་འགྲོ་སྒྲོལ་ཕྱག་འཚལ་བསྟོད། །འཆི་མེད་ན་ཆུང་སྒེག་པའི་ལང་ཚོ་ཅན། །འཆི་མེད་ལྷ་རྫས་རིན་ཆེན་ནོར་བུས་བརྒྱན། །འཆི་མེད་བདག་པོ་ཚངས་དབང་ཕྱག་གི་གནས། འཆི་མེད་མཆོག་སྟེར་མ་ལ་ཕྱག་འཚལ་བ…

ཡིག་དཀར་པོའི་མཐའ་སྐོར་དུ་གཟུངས་སྔགས་ཀྱི་ཡིག་འབྲུ་ལས་འོད་ཟེར་འཕྲོས། ཕྱོགས་བཅུའི་རྒྱལ་བ་སྲས་བཅས་མཆོད་ཅིང་ཐུགས་དམ་གྱི་རྒྱུད་བསྐུལ། བདག་གཞན་སེམས་ཅན་རྣམས་ཀྱི་སྒྲིབ་གཉིས་བག་ཆགས་ནད་གདོན་འགལ་རྐྱེན་བར་ཆད་ཐམས་ཅད་ཞི་ཞིང་། འོད་ཟེར་ཚུར་འདུས་རྒྱལ་བའི་བྱིན་རླབས་དང་བརྟན་གཡོ་སྣོད་བཅུད་ཀྱི་དྭངས་མ་ཐམས་ཅད་རང་ལ་ཐིམ་ནས་ཚ…