བླ་མའི་རྣལ་འབྱོར་དངོས་གྲུབ་མཆོག་སྩོལ་བཞུགས་སོ། །རང་མདུན་ཡེ་ཤེས་ལྔ་ཡི་འོད་ཀྱི་ཀློང་། །རིན་ཆེན་སེང་གེས་བཏེགས་པའི་ཁྲི་སྟེང་དུ། །དུས་གསུམ་རྒྱལ་བའི་སྤྱི་གཟུགས་ཀརྨ་པ། །འཇིགས་བྲལ་རྒྱལ་དབང་བདུད་འདུལ་རྡོ་རྗེ་ནི། །སྐུ་མདོག་དཀར་གསལ་ཕྱག་གཉིས་མཉམ་པར་བཞག །ཞབས་གཉིས་རྡོ་རྗེ་སྐྱིལ་མོ་ཀྲུང་གིས་བཞུགས། །སྐུ་ལ་ཆོས་གོས་ར…

གསུམ་རྒྱལ་བའི་དཀྱིལ་འཁོར་གསལ་བའི་མདུན། །བདག་གིས་གཙོ་བྱས་རིགས་དྲུག་ཕ་མའི་ཚོགས། །གདུང་ཤུགས་དྲག་བོས་ཕྱག་འཚལ་མཆོད་པ་འབུལ། །ཉེས་བཤགས་རྗེས་སུ་ཡི་རང་ཆོས་སྟོན་འཚལ། །དགེ་བ་བྱང་ཆུབ་ཆེན་པོར་བསྔོ་བར་བགྱི། །མི་ཕྱེད་རྩེ་གཅིག་སྙིང་ནས་གསོལ་བ་འདེབས། །སངས་རྒྱས་ཀུན་འདུས་ཀརྨ་པ་མཁྱེན་ནོ། །ཀརྨ་པ་མཁྱེན་ནོ། །ཞེས་མོས་གུས་ཀྱ…

རྗེའི་སྒྱུ་འཕྲུལ་པདྨ་བསྟན་འཕེལ་གྱི་དགོངས་བཞེད་ལྟར། སི་ཏུའི་མིང་ཅན་གྱིས་ཀུན་དགའ་ཞེས་པ་ཤིང་ཕོ་སྟག་གི་ལོ་ཆོ་འཕྲུལ་ཅན་གྱི་ཡར་ཚེས་ལ་དཔལ་གྱི་མཚུར་ཕུའི་གཙུག་ལག་ཏུ་བྲིས་པའོ།། །།

༈ རང་ཉིད་ཐ་མལ་སྤྱི་བོར་པདྨ་དཀར། །འདབ་རྒྱས་དེ་སྟེང་ཟླ་དཀྱིལ་དྲི་མེད་དབུས། །རྒྱལ་ཀུན་ཕྲིན་ལས་བདག་པོ་ཀརྨ་ཀ། རྗེ་བཙུན་བདུད་ཚོགས་འདུལ་བའི་རྡོ་རྗེ་མཆོག །སྐུ་མདོག་དཀར་གསལ་མཚན་དཔེའི་རྒྱན་རྣམས་རྫོགས། །ཞྭ་ནག་གསེར་མདངས་རིན་ཆེན་རྒྱན་སྤྲས་གསོལ། །སྤྱན་གཉིས་དོན་དམ་ཆོས་ཉིད་དབྱིངས་སུ་གཟིགས། །ཆོས་གོས་རྣམ་གསུམ་ན་བཟས་ཀ…

མཆོད། །མི་དགེ་ནོངས་པའི་ལས་གྱུར་མཐོལ་ལོ་བཤགས། །གཞན་ཕན་བྱང་ཆུབ་སྤྱོད་ལ་རྗེས་ཡི་རངས། །ཆོས་འཁོར་རྒྱུན་ཆད་མེད་པར་བསྐོར་བར་བསྐུལ། །དད་དང་མོས་པའི་བློ་ཡིས་གསོལ་བ་འདེབས། །དུས་གསུམ་བསགས་དགེ་མྱང་འདས་རྒྱུ་རུ་བསྔོ། །ཞེན་ལོག་ངེས་འབྱུང་དྲག་པོས་རྒྱུད་བརླན་ཅིང་། །གདོད་ནས་དོན་དམ་ལྷན་སྐྱེས་ཡེ་ཤེས་ཀྱི། །འོད་ཟེར་སྣང་བས་…

ལྗང་། །འཕྲོས་ཏེ་རང་ལུས་ལ་ཐིམ་སླར་ཡང་ནི། །དགྱེས་པ་དང་བཅས་འོད་དུ་ལྟེམ་གྱིས་ཞུ། །དབྱེར་མེད་གཅིག་འདྲེས་ཆུ་ལ་ཆུ་བཞག་ལྟར། །དུས་གསུམ་རྟོག་པ་མ་ལུས་རྒྱུན་བཅད་ནས། །མ་བཅོས་སོ་མའི་ངང་དུ་མཉམ་པར་བཞག །དགེ་འདི་བདག་གཞན་སེམས་ཅན་ཀུན། །སྤྱན་རས་གཟིགས་དབང་སྐུ་ཐོབ་ནས། །རིགས་དྲུག་འཁོར་བ་དོང་སྤྲུག་གི། །ཕྲིན་ལས་ཚད་མེད་འགྲུབ་…

བླ་མའི་རྣལ་འབྱོར་སངས་རྒྱས་ལག་གཏད་ཡེ་ཤེས་རང་འབར་བཞུགས། ༀ་མ་ཧཱ་ཤཱུ་ཎྱ་ཏ་སོགས་ཀྱིས་སྟོང་པར་སྦྱངས། སྤྱི་བོར་པད་དཀར་འདབ་སྟོང་དྲི་མེད་སྟེང་། །ཆུ་ཤེལ་དབང་པོ་ཆ་ཤས་ཡོངས་རྫོགས་དབུས། །དུས་གསུམ་རྒྱལ་བའི་སྤྱི་དཔལ་འཁོར་ལོའི་མགོན། །འཕགས་པའི་སར་གནས་བྱང་ཆུབ་སེམས་དཔའ་མཆོག །རྗེ་བཙུན་བདུད་འདུལ་རྡོ་རྗེ་ཞལ་གཅིག་པ། །ཕྱག་ག…

བྱིན་ཆེན་འབེབས། །མོས་གུས་གསོལ་བཏབ་ཙམ་གྱིས་སྣང་སྲིད་ཞིང་། །དག་པ་བླ་མའི་དཀྱིལ་འཁོར་བསྒྱུར་ནུས་པའི། །གདུང་ཤུགས་དྲག་པོའི་དབྱངས་ཀྱིས་བསྐུལ་ལགས་ན། །ཐུགས་རྗེ་ཅན་གྱི་བཀའ་བརྒྱུད་བླ་མ་རྣམས། །བདག་རྒྱུད་ཡེ་ཤེས་བདེ་ཆེན་རང་འབར་ནས། །གཟུང་འཛིན་འཆིང་བ་མ་ལུས་དབྱིངས་སུ་དག །སྟན་ཐོག་འདི་རུ་མཆོག་དངོས་ཐོབ་ནུས་པའི། །མི་འགྱ…

ཐུགས་རྗེའི་ནུས་མཐུ་རྩལ། །ཀུན་འདུས་སངས་རྒྱས་ཕྲིན་ལས་རོལ་པ་འཆང་། །གང་དེར་སྙིང་ནས་གསོལ་འདེབས་བདག་རྒྱུད་ཀྱི། །མ་རིག་དབང་གྱུར་དུག་ལྔའི་སྡིག་སྒྲིབ་ཚོགས། །སྡོམ་གསུམ་འགལ་བའི་ལས་བགྱིས་མཐོལ་ལོ་བཤགས། །ཕྱིན་ཆད་ཀུན་རྟོག་རྐྱེན་གྱིས་མི་ལྡང་བར། །བྱིན་གྱིས་རློབས་ཤིག་བདེ་ཆེན་འཁོར་ལོའི་མགོན། །ངན་སོང་རིགས་དྲུག་སྐྱེ་སྒོ…

ཁོ་བོའི་རྣལ་འབྱོར་ཞིག་ནན་གྱིས་བསྐུལ་ཡང་། རང་གིས་གཞིགས་འབྲེལ་གྱིས་རྒྱལ་མཆོག་བཅུ་གསུམ་པ་ཞལ་མཐོང་གསུང་གི་བདུད་རྩི་ཐོབ་པའི་སངས་རྒྱས་དངོས་སྣང་རྒྱལ་བའི་ལུང་ཟིན་ཉིད་དུ་ཚད་མར་གྲུབ་པ་མཆོག་དེའི་རྣལ་འབྱོར་བྱིན་རླབས་ཀྱི་དགོས་ཁྱད་ཆེ་བའི་ཆེད་དུ་བྱས་ཏེ། དགེ་བས་བདག་གཞན་འགྲོ་རྣམས་མགོན་དེའི་ཐུགས་རྗེས་སྐྱོང་བར་གྱུར་ཅི…

ཅེས་པའི་སྔགས་ཀྱང་བཟླས་མཐར། དཔལ་ལྡན་བླ་མ་རྡོ་རྗེ་ཅན། །སྲིད་པའི་འཇིགས་ལས་སྒྲོལ་བ་པོས། །སྐུ་གསུང་ཐུགས་དང་ཡེ་ཤེས་ཀྱི། །དབང་བཞི་བསྐུར་བར་མཛད་དུ་གསོལ། །ཞེས་གསོལ་བཏབ་པས་བླ་མ་ཡི། །རྡོ་རྗེ་བཞིི་ཡི་ས་བོན་འོད། །གནས་བཞིར་ཐིམ་པས་དབང་བཞི་ཐོབ། །བླ་མ་འོད་ཞུ་རང་ལ་ཐིམ། །རང་སེམས་མ་བཅོས་སོ་མའི་ངང་། །ཡེངས་མེད་དེ་ཡི་ངོ་བ…

མདུན་མཁར་པད་དཀར་ཟླ་སྟེང་ཀརྨ་པ། །ཞལ་གཅིག་ཕྱག་གཉིས་ཞི་འཛུམ་མཚན་དཔེ་རྫོགས། །ཕྱག་གཉིས་ས་གནོན་མཉམ་བཞག་ཞབས་རྡོར་སྐྱིལ། །སྣང་བཞིན་གསལ་སྟོང་ལྷུན་གྲུབ་སྐུ་རུ་བསྐྱེད། །སྐྱབས་གནས་ཀུན་འདུས་བདུད་འདུལ་རྡོ་རྗེ་མཁྱེན། །གནས་གསུམ་འབྲུ་གསུམ་འོད་འཕྲོས་རང་ལ་ཐིམ། །དབང་བཞི་མཆོག་ཐོབ་སྐུ་བཞི་མངོན་གྲུབ་ཤོག །ཅེས་ཀརྨ་བཀྲ་ཤིས་ང…

གྲོལ་གསོལ། །རབ་གསལ་སྟོན་ཟླའི་སྟེང་དུ་ལྷམ་མེར་གསལ། །སྐྱབས་གསུམ་སྤྱི་མེས་ཉིད་དུ་ངེས་བྱས་ནས། །ཕྱག་འཚལ་མཆོད་བཤགས་ཡི་རངས་བསྐུལ་གསོལ་འདེབས། །དགེ་ཀུན་འགྲོ་རྣམས་བྱང་ཆུབ་ཐོབ་ཕྱིར་བསྔོ། །དེང་བཟུང་བླ་མེད་བྱང་ཆུབ་སྙིང་པོའི་བར། །བདེ་ཆེན་འཁོར་ལོར་འདུ་འབྲལ་མེད་པ་རུ། །བསྙེན་པའི་གསོལ་འདེབས་བདག་རྒྱུད་སྨིན་གྲོལ་གྱི། །…

དཀྱིལ་འཁོར་ཡོངས་འདུས་ཤར། །བཛྲ་གུ་རུ་བཟླ། རྗེ་བཙུན་པདྨའི་རྣམ་རོལ། །གང་ཤར་རང་བྱུང་ཉིད་གྲུབ། །གསོལ་འདེབས་བདག་རྒྱུད་བྱིན་རློབས། །གནས་སྐབས་མཐར་ཐུག་ཉེས་ཚོགས། །བར་ཆད་སེལ་ཞིང་སེམས་ཉིད། །ཀ་དག་གདོད་མའི་ངོ་བོ། །རང་ཞལ་མཐོང་བར་བྱིན་རློབས། །གང་ཁྱོད་བསྟན་འགྲོའི་དཔལ་དུ། །འཚོ་བརྟན་མི་འགྱུར་རྡོ་རྗེའི། །རང་བཞིན་གཞུགས་…

ༀ་ཨཱཿཔདྨ་དེ་ཝེནྡྲ་སརྦ་སིདྡྷི་ཕ་ལ་ཧཱུྃ། ཅེས་པའི་སྔགས་ཀྱང་བཟླས་མཐར། དཔལ་ལྡན་བླ་མ་རྡོ་རྗེ་ཅན། །སྲིད་པའི་འཇིགས་ལས་སྒྲོལ་པ་པོས། །སྐུ་གསུང་ཐུགས་དང་ཡེ་ཤེས་ཀྱི། །དབང་བཞི་བསྐུར་བར་མཛད་དུ་གསོལ། །ཞེས་གསོལ་བཏབ་པས་བླ་མ་ཡི། །རྡོ་རྗེ་བཞི་ཡི་ས་བོན་འོད། །གནས་བཞིར་ཐིམ་པས་དབང་བཞི་ཐོབ། །བླ་མ་འོད་ཞུ་རང་ལ་ཐིམ། །རང་སེམས་བླ…

རང་སྣང་རྣམ་དག་རྒྱལ་བའི་དཀྱིལ་འཁོར་དུ། །རང་ལུས་དག་པ་ལྷ་ཡི་སྐུར་གསལ་བའི། །སྤྱི་བོར་སེང་ཁྲི་པདྨ་ཉི་ཟླའི་སྟེང་། །རྒྱལ་ཀུན་འདུས་གཟུགས་པདྨ་འབྱུང་གནས་དང་། །དབྱེར་མེད་དྲིན་ཆེན་ཨདྒ་ཀཱ་རའི་ཞབས། །གསུམ་ལྡན་རྡོ་རྗེ་འཛིན་པའི་ཆ་ལུགས་སུ། །བག་བྲོ་བརྗིད་ཆགས་དྲན་པས་བདེ་ཆེན་གྱི། །ཡེ་ཤེས་རྩོལ་མེད་རྒྱུད་ལ་བསྐྱེད་ནུས་གྱུར…

དམ་བདེ་ཆེན་འཁོར་ལོ་སྡོམ་པའི་དཔལ། །སྟོང་ཉིད་ཤེས་རབ་ཡུམ་དང་མཉམ་པར་སྦྱོར། །བདེ་དང་སྟོང་པའི་ཡེ་ཤེས་གཟི་འོད་འབར། །སྐད་ཅིག་དྲན་པས་ལྷན་སྐྱེས་ཕྱག་རྒྱ་ཆེ། །མངོན་སུམ་རྒྱུད་ལ་སྐྱེད་ནུས་རྡོ་རྗེའི་སྐུ། །སྙིང་དབུས་ལྔ་ལྡན་འོད་ཀློང་གསལ་བར་གྱུར། །དཔལ་ལྡན་ཕག་མོ་གྲུ་ཡི་ནགས་ཁྲོད་ན། །སྐལ་ལྡན་གདུལ་བྱ་མང་པ་ོསྨིན་མཛད་ཅིང་།…

༈ བླ་མའི་རྣལ་འབྱོར་བདེ་ཆེན་ལམ་གྱི་སྣང་བྱེད་རབ་གསལ་སྐལ་ལྡན་བགྲོད་པའི་མྱུར་ལམ་ཞེས་བྱ་བ་བཞུགས་སོ། །ན་མོ་གུ་རུ་པདྨཱ་ཀཱ་ར་ཡེ། །མཐའ་ཡས་ཡོན་ཏན་རིན་ཆེན་ཀུན་འབྱུང་གནས། །རྣམ་དག་རྒྱལ་བའི་དཀྱིལ་འཁོར་རྒྱ་མཚོ་ཆེར། །འཇུག་འདོད་དོན་གཉིས་སྙིང་པོའི་ནོར་བུ་མཆོག །སྐལ་ལྡན་བྱང་ཆུབ་གྲུ་རྫིང་འདིར་ཞུགས་ཀྱེ། །དེ་ཡང་དུས་གསུམ་ས…

གཅིག་པ་རྒྱ་ཁྱོན་ཆོས་ཀྱི་དབྱིངས་དང་མཉམ་པ། དཔྲལ་བ་རང་ལ་བསྟན་པ་ཕྱི་དཀར་ལ་ནང་དམར་བ་དེའི་དབུས་སུ་མུ། ཤར་དུ་བི། ལྷོར་ར། ནུབ་ཏུ་ཤུ། བྱང་དུ་མ་སྟེ་བདུད་རྩི་ལྔ་དང་། སླར་ཡང་དབུས་སུ་ན། ཤར་ལྷོར་གོ། ལྷོ་ནུབ་ཏུ་ཀུ། ནུབ་བྱང་དུ་ད། བྱང་ཤར་དུ་ཧ་སྟེ་ཤ་ལྔ་པོ་སླར་ཡང་ཡིག་འབྲུ་དེ་དག་གིས་མཚན་པར་གྱུར་བ་དང་། རང་གི་སྣ་བུག་གཡོན…

དགུར་ཚིམ་པར་ལོངས་སྤྱོད་རོལ། །ཡང་དག་བྱང་ཆུབ་བསྒྲུབ་པ་ལ། །བར་ཆད་ནད་གདོན་ཞི་བར་མཛོད། །ཚེ་དཔལ་འབྱོར་པའི་དབང་དང་ལྡན། །བརྟན་གཡོའི་སྲིད་བཅུད་མ་ལུས་སྡུད། །མངོན་སྤྱོད་ལས་ཀྱི་དངོས་གྲུབ་སོགས། །ཕྲིན་ལས་ཐོགས་མེད་སྒྲུབ་པར་མཛོད། །ཅེས་དང་། དེང་འདིར་གནོད་ཅིང་འཚེ་བ་ཡི། །བསམ་སྦྱོར་ལོག་ལྟར་གྱུར་པ་རྣམས། །སྐད་ཅིག་ཉིད་ལ་ཕ…