གསུམ་གྱི་འབྲུ་གསུམ་ལས་འོད་ཟེར་འཕྲོས། ཕྱོགས་བཅུའི་སངས་རྒྱས་མུ་མེད་པ་ལ་ཕོག །དེ་དག་ལས་སྐུ་གསུང་ཐུགས་ཀྱི་བྱིན་རླབས་ནུས་མཐུ་ཐམས་ཅད་ཚུར་འདུས། འབྲུ་གསུམ་ལ་ཐིམ། འོད་དང་འོད་ཟེར་གྱི་གོང་བུ་ཆེས་ཆེར་གྱུར་པར་བསམ། འབྲུ་གསུམ་པོ་དེ་ལས་མ་ལས་བུ་ཆད་པ་ལྟ་བུ་ༀ་དཀར་པོ། ཨཿདམར་པོ། ཧཱུྃ་སྔོན་པོ་གསུམ་འོད་ཟེར་ཐམས་ཅད་མེ་ཡི་རང་…

འབྱོར་ལྡན་ཡིན་ན་རྒྱབ་ཏུ་འབོལ་གདན་འཐུག་ལ་རིང་བ་ཞིག་བཏིང་ལ། རང་ཉིད་ཐལ་མོ་སྤྱི་བོར་སྦྱར། གྲུ་མོ་ཕྱིར་བརྒྱང་། རྐང་པའི་མཐིལ་སྦྱར། སོར་མོ་བཅུ་ས་ལ་བཙུགས་པུས་མོ་ཕྱིར་བརྒྱང་། སྒལ་ཚིགས་དྲང་པོར་བསྲང་། མགྲིན་པ་ཨོལ་མདུད་ནོན་པར་བྱས་ལ་ཉ་བཞི་བསྒྲིམས་ཏེ་ལུས་རྡོ་རྗེ་རྩེ་གསུམ་པའི་འདུག་སྟངས་བཅའ། དམིགས་པ་ནི། རང་ལུས་རྡོ་…

ལ་འཇུག་གོ། གོང་གསལ་སྔོན་འགྲོ་འདི་དག་ཐམས་ཅད་ལ་དངོས་གཞིའི་གནས་ལུགས་དང་འབྲེལ་རུང་། སྒོམ་པ་ནི་མཐར་དངོས་གཞིའི་སྐབས་ངོ་སྤྲོད་པས་ཆོག་པ་དེ་བླ་མའི་ཞལ་ཤེས་ཁྲིད་ལུང་མན་ངག་གི་གནད་ཡིན་ནོ། །རྡོ་རྗེའི་འདུག་སྟངས་ཀྱི་ཕན་ཡོན་ནི་གནས་སྐབས་སུ་སྡིག་སྒྲིབ་དག །སྲུང་བའི་འཁོར་ལོར་གྱུར་པས་གདོན་བགེགས་ཀྱིས་མི་ཚུགས། མཐར་ཐུག་འཇའ་…

ཁམས་ཐམས་ཅད་མེར་གྱིས་ཁེངས་པར་བསམ། མི་བདེ་སྙམ་བྱུང་བ་དང་རང་སར་ལྷོད་དེ་བཞག །དེས་ཕྱི་སྣང་བ་གདོས་བཅས་ཀྱི་འཛིན་པ་དག་ནས་སྣང་བ་སྒྱུ་མར་འཆར་བ་ཡིན། ཡང་རླུང་ཚུར་རྔུབས་པ་དང་སྦྲག་དབུགས་ཀྱི་འགྲོས་ལྟར་ཧཱུྃ་ཞེས་རླུང་རྔུབ་རིང་དམིགས་པ་ལས་ཧཱུྃ་མི་བསྒྲང་། ཡང་ཧཱུྃ་ཞེས་རླུང་རྔུབ། དམིགས་པ་ནི། རླུང་རྔུབ་དུས་ཕྱི་རོལ་གྱི་ཧཱུ…

མང་པོ་བྲེང་མ་ཆད་པ་བྱུང་སྟེ་སྣ་བུག་གཡས་ནས་ཐོན་ནོ། །ཧཱུྃ་རྡོ་རྗེ་ལྟ་བུར་རྒྱུག་པ་དང་། མདའ་ལྟར་འཕང་བ་གཉིས་ཀའམ་གང་བདེ་བྱས་པའི་ཕྱི་རོལ་གྱི་རི་རབ་ཁང་ཁྱིམ་ཐམས་ཅད་ཕུག །དངོས་པོ་ཆེན་པོ་ལ་དེ་དང་འཚམས་པའི་ཧཱུྃ་ཆེན་པོར་གྱུར་ནས་ཕུག །ཆུང་ངུ་ལ་ཧཱུྃ་ཆུང་ངུས་ཕུག །དེ་ཡང་ཧཱུྃ་དེ་ཚ་བ་ངར་དང་ལྡན་པས་དཔེར་ན་ཤོག་བུ་ལ་སྤོས་ཚུགས…

ཁྲོལ་མ་ལྕགས་ཚགས་ལྟ་བུར་གྱུར། ཚ་བའི་ངད་ཀྱིས་བུག་པ་ཐམས་ཅད་འབྲེལ་ནས་མཐར་ཐལ་བ་ལྷག་ལུས་ཙམ་ཡང་མེད་པར་སྟོང་སང་ངེར་གྱུར་པ་ལ་ཅི་གནས་སུ་མཉམ་པར་བཞག །དེས་ལུས་གདོས་བཅས་ཀྱི་སྣང་བ་ནུབ། མཐར་ཐུག་མཆོག་གི་དངོས་གྲུབ་ཐོབ། སྣང་བཞི་ནི་ཟད་སར་འཁྱོལ། བློ་ཟད་ཆོས་ཟད་ཀྱི་ལ་ཟླ། ཕུང་པོ་འོད་ལུས་འགྲུབ་པའི་དགོས་པ་ཡོད། འདིས་ཐུན་མོང་ག…

བདུན་ནི་ཚོགས་བདུན་མཚོན་བྱེད། ཡང་ན་ཁྲུ་གསུམ་རེ་གཞི་ལམ་འབྲས་གསུམ་མཚོན་བྱེད། ཡང་ན་ཁྲུ་དོ་སྟེ་དག་པ་གཉིས་ལྡན་མཚོན་བྱེད། ཡང་ཁྲུ་རིང་བ་རང་ལངས་བའི་ལུས་ཚད་དམ། ཡང་ན་སྐྱིལ་ཀྲུང་དུ་བསྡད་པའི་ལུས་ཚད་དེ་གང་བདེ་ཡིན། འོན་ཀྱང་བསྡད་པའི་ཚད་ཙམ་བྱས་ན་བསྒོམ་པ་བདེ། དེ་ཡང་ཧཱུྃ་གི་གླུ་རིང་པོར་བརྗོད་པ་དང་སྦྲགས་སྙིང་ཁའི་ཧཱུྃ་ལ…

རིམ་པར་སྙིང་ཁའི་ཧཱུྃ་ལ་བསྡུ་ནས་འཛིན་རྟོག་མེད་པར་སྙིང་ཁའི་ཧཱུྃ་ལ་ཤེས་པ་གཏད་ལ་མཉམ་པར་བཞག །དེ་ལྟར་རླུང་སེམས་ཧཱུྃ་གསུམ་གཅིག་ཏུ་བྱས་ནས་ཕྱི་ནང་གི་འགྲོ་ལྡོག་སྦྱངས་པས་རྣམ་རྟོག་ངར་ཞི་སྟེ་སེམས་ཤིན་ཏུ་སྦྱངས་པ་ཐོབ་ནས་དམིགས་པ་གང་ཡང་བསྒྱུར་ཐུབ་པས་དམིགས་པའི་གཉེན་བཙལ་བའོ། །སེམས་ཤིན་སྦྱངས་ཐོབ་པ་དང་གཉེན་བཙལ་བ་དེ་ལྟ་བ…

དཔེར་ན་ཀོ་བ་སྐམ་པོ་ལ་བཟོ་བཅོས་གང་བྱས་ཀྱང་ཡང་ན་ཆག་འགྲོ། ཡང་ན་རལ་འགྲོ། གང་ཡང་བཟོ་མི་ཐུབ་པ་ལྟ་བུ་དེ་སེམས་ཤིན་སྦྱངས་རྩོལ་བས་མཉེན་བཙལ་བ་ནི་གླ་ལྤགས་སམ་ཁ་ཤ་ལྤགས་པ་ལྟ་བུ་མཉེད་ལེགས་པར་དུ་སོང་བས་མཐར་བཟོ་གང་བཅོས་ཀྱང་ཐུབ། མདུད་པའང་ཐེབ་པ་ལྟ་བུ་སྟེ་དེས་ན་སེམས་མཉེན་བཙལ་བས་བསྐྱེད་རིམ། རྫོགས་རིམ། རྨི་ལམ་ལ་སོགས་པ་ཐམས…

མྱོང་ས། དེ་ནས་འགྲོ་མ་མྱོང་བའི་མཐའ་དག །དེ་ནས་རིགས་དྲུག་གི་གནས་སོགས་བསམ་ཚད་དུ་འགྲོ། དེ་བཞིན་དུ་བར་དོ་ལའང་འགྲོ། བར་དོ་དེ་གང་ཞེ་ན། འཇིག་རྟེན་བདུན་པོ་ཞབས་ཀྱིས་མནན་ཏེ། །ཞེས་པ་འགྲོ་བ་རིགས་དྲུག་གི་ཁར་བར་དོ་ཐེ་བས་བདུན་ཡིན། བར་དོ་ལ་གཟུགས་མེད་བག་ཆགས་སམ་གཉུག་མའི་ལུས་དེ་ཡོད། ཚོར་བ་ཡོད། འདུ་ཤེས་ཡོད། རྣམ་པར་ཤེས་པ་…

གསུམ་གཅིག་ཏུ་དྲིལ་བའི་གཉུག་མའི་ཡེ་ཤེས་དེ་ག་ལ་ཅི་གནས་སུ་མཉམ་པར་འཇོག །ཡང་གོང་བཞིན་སྦྱངས་པ་ཡིན་ནོ། །དེས་གཟུང་འཛིན་གྱི་ཞེན་པ་དགབར་དོ་འབྱོང་། རིགས་དྲུག་གི་སྐྱེ་སྒོ་འགགས་པ་ཡིན། སྤྱིར་རྡོ་རྗེ་སྐྱིལ་ཀྲུང་རྫོགས་སངས་རྒྱས་ཞེས། ལུས་འཁོར་འདས་རུ་ཤན་དབྱེ་བའི་འདུག་སྟངས་ཀྱི་ལུས་ཀྱི་སྒྲིབ་པ་བག་ཆགས་ཐམས་ཅད་དག །མཐར་ཐུག་…

དྲན་དགུ་དྲན་བྱ་བ་འདི། ཕྱི་ནང་སྣོད་བཅུད་དེ་ཕྱི་ས་རྡོ་རི་བྲག་གང་ལས་བྱུང་ངམ། འབྱུང་བ་ལྔ་ལས་བྱུང་ངམ། ནང་བཅུད་ཀྱི་སེམས་ཅན་ལས་བྱུང་ངམ། ཝལ་གྱིས་འགྱུས་པ་དང་རྣམ་རྟོག་དེ་ག་ནས་བྱུང་རྩད་ལྷག་པར་དུ་ལེགས་པར་བཅད་དགོས་སོ། །གཉིས་པ་གནས་པ་ལ་བརྟག་པ་ནི། སྔར་བཞིན་ཕྱི་ནང་སྣོད་བཅུད་གང་ལ་གནས། ལུས་ཤ་ཁྲག་རུས་པ་དབང་ལྔ་དོན་ལྔ་སྐ…

མེད། འོ་ན་ཡལ་བའི་རྗེས་སུ་སླར་རྣམ་རྟོག་གཅིག་ཝལ་གྱིས་ཤར་ནས་འགྱུ་ུབ་དེ་གང་ནས་བྱུང་། ག་རུ་ཡལ། ག་རུ་སོང་ལེགས་པར་རྩད་བཅད། དེ་བཞིན་དུག་ལྔའི་རྣམ་རྟོག་གཅིག་ཤར་བྱུང་ན། དེ་ག་ནས་བྱུང་གར་གནས་གར་ཡལ། དེ་བཞིན་དུ་དད་པ་དང་སྙིང་རྗེ་གཉིས་ཤར་བྱུང་ན་དེ་ག་ནས་བྱུང་གར་གནས་གར་སོང་ལེགས་པར་དཔྱད་དོ། །འདི་ནི་གློ་བུར་གྱི་དྲི་མ་དེ…

སེམས་དེ་ལ་ལྷ་ས་ལྟ་བུ་ཞིག་ཝལ་གྱིས་ཤར་ན། ལྷ་སའི་བྱ་བྱེད་ཐམས་ཅད་མིག་ལམ་དུ་འགྲུབ་པ་ཞིག་དགོས། དེ་སེམས་ཀྱིས་མཐོང་ངམ་རྣམ་རྟོག་གིས་མཐོང་། སེམས་དང་རྣམ་རྟོག་གཉིས་ཀ་གཅིག་གམ་ཐ་དད་གཅིག་ན་རྣམ་རྟོག་འགྱུ་བའི་ཡུལ་དང་འགྱུ་མཁན་གཉིས་བྱུང་། མི་གཅིག་ན་རྣམ་རྟོག་གསར་པ་སྐྱེ་དུས་སྔ་མ་དེ་མེད་འགྲོ་བ་དེ་གང་ཡིན་སོགས་ཞིབ་མོར་དཔྱད…

དོན་གྱི་ཞི་གནས་གཉིས་ཡོད། འཇིག་རྟེན་པའི་ཞི་གནས་ནི་བྱུང་ཚོར་གང་ཡང་མེད་ཅིང་དེ་ཡང་ཧ་མ་གོ་བའི་རྟོག་འགགས་དེ་ཡིན། དོན་གྱི་ཞི་གནས་ནི་ལམ་དངོས་གཞི་སྒྲུབ་པའི་རྒྱུ་ཕུན་སུམ་ཚོགས་པ་ཡིན། དེ་ཡང་བསྒོམ་ལུགས་ཇི་ལྟར་གསར་བུ་བ་རྣམས་རང་གི་སྐྱིལ་ཀྲུང་མདུན་མཚམས་འཇལ་བའི་ཁྲུ་གང་ངམ། ཁྲུ་ཕྱེད་གང་བདེའི་སར་རྡེའུ་དཀར་པོ་བཞག་པར་གསུ…

བཟུང་ནས་བསྒོམ་པས་མི་རྟོག་པ་འཁྲུངས་པ་ཡིན། མཁའ་འགྲོ་མ་སུ་ཀ་སིདྡྷིས་ཆུ་ལེན་པར་ཕྱིན་པས་བུམ་པ་ས་ལ་ལྷུང་ནས་ཞིག་པས་བདག་འཛིན་གྱི་འཁྲུལ་པ་ཐམས་ཅད་ཞིག་ནས་མི་རྟོག་པ་འཁྲུངས་པའི་དོན་རྟོགས་པ་ཡིན། དཔེ་དེ་ལྟ་བུ་ཡང་དམིགས་རྟེན་གྱི་རྡེའུ་དང་འདྲ་བས་བཀག་པ་མི་ཐུབ། དེ་དག་ཐམས་ཅད་དོན་གཅིག་པ་ཡིན། ལར་སྒོམ་གྱི་ཐོབ་ས་གསུམ་ཡང་འདི་…

ལ་སོགས་པ་བསམ་གཏན་ལ་རིགས་མང་དུ་ཆེ་བའི་ཕར་ཕྱིན་དྲུག་དང་སྦྱར་བ་ཞིག་གི་ལྗགས་བཤད་དོན་བཟང་པོ་ཚིག་འབྲུ་བཟང་པོ་བློའི་ར་བ་ལས་བརྒལ་བ་ཞིག་གསུངས་ནའང་། གསུང་དུས་གང་ཡིན་སོ་སོར་མ་འདྲེས་པ་ཞིག་གོ་བས་ཐེབ་བྱུང་ཡང་། མཐར་ཐོས་བའི་བསོད་ནམས་ལས་བརྗེད་བྱང་དུ་འཁོད་པ་ཞིག་མ་བྱུང་བས་སྣོད་མཐིལ་རྡོལ་ལྟ་བུར་གྱུར་ཀྱང་། དོན་གྱི་སྙིང་…

ཡིན། དཔེར་ན་མི་གཅིག་འགྲོ་རྒྱུ་ཡིན་ན་གོས་ཀྱི་སྣེ་མོ་ནས་ཚར་གྱིས་བཟུང་ན་མི་དེ་འགྲོ་བར་སེམས་ཀྱང་འགྲོ་དབང་མེད་པ་དཔེ་དེ་ལྟ་བུས་རང་སེམས་རྣལ་དུ་དབབ་དགོས་རྒྱུ་ཡིན། དང་པོར་འཇུག་པ་ལ་ཡང་ལྗགས་བཤད་རྒྱས་པར་ཐོབ་ཀྱང་བླུན་པོ་སྣོད་ཞབས་རྡོལ་དུ་སོང་བས་ཡིད་ལ་མ་འཇག །འོན་ཀྱང་མོས་པ་རྩེ་གཅིག་གིས་མ་འོངས་པའི་དོན་གྱི་འབྲས་བུའི་…

དམག་དཔུང་ཆེན་པོ་གཡོ་འགུལ་མེད་པ་ཡང་བག་ཚ་མེད་པ་གཅིག་ཡོད་ན། དེ་དག་གི་མིག་གི་མཐོང་དུ་མི་གཅིག་ཁུར་པོ་ཁུར་མི་བྱུང་ན། དམག་མིའི་བསམ་པ་ལ་མི་དེའི་ཆས་ནོམ་པ་གང་ཡོད་ལེན་རྒྱུ་ཡོད་བསམ་པ་དང་། ཡང་དེ་ལས་ཆེར་དགའ་ཚོར་ཆེ་བར། དཔེར་ན་ཚོང་པ་སྟོབས་ཆེན་ཞིག་བྱུང་ན་དེ་དག་རྣམས་ཀྱི་ནོམ་པ་ཇི་སྙེད་ཐོབ་བོ་བསམ་པའི་དགའ་ཚོར་ཆེན་པོ་འབྱ…

བཀག་པས་རྣམ་རྟོག་ཁོ་རང་སྒོམ་གྱི་གྲོགས་སུ་འགྱུར་བ་ཤེས་པར་བྱས་ནས་བསྒོམ་རྒྱུ་ཡིན་གསུངས། ཀ་དག་འདི་ཉིད་ཁྲེགས་གཅོད་ཀྱི་ངོ་བོར་གསོར་དུ་འཇུག་པ་ལ། སེམས་མི་གནས་པ་གནས་པར་བྱེད་པ་ཉན་ཐོས་ཞི་བའི་ལྟ་སྟངས། གནས་པ་བརྟན་པར་བྱེད་པ་བྱང་ཆུབ་སེམས་དཔའི་ལྟ་སྟངས། བརྟན་པ་ཐོབ་ནས་གྲོལ་བར་བྱེད་པ་ཁྲོ་བོའི་ལྟ་སྟངས་ཏེ་གོང་མ་གཉིས་སོང་…