རིག་འཛིན་གྲུབ་ཐོབ་རྒྱ་མཚོ་ཡི། །སྤྱན་སྔར་ཐ་ཚིག་མནའ་བོར་ལྟར། །སངས་རྒྱས་བསྟན་པ་བསྲུང་བའི་ཕྱིར། །རྣལ་འབྱོར་སྒྲུབ་པོའི་དམ་ལ་འདུས། །འདིར་བཤམས་ཡིད་འོང་བསང་མཆོད་རྫས། །མ་ལ་ཡ་ཡི་ནགས་རླུང་གི། །དྲི་བཞོན་དཀྲིགས་པ་དང་མཚུངས་དང་། །སྐབས་གསུམ་འཆི་མེད་ལོངས་སྤྱོད་ལས། །ཕུལ་གྱུར་རྨད་བྱུང་འདོད་ཡོན་རྣམས། །སོ་སོར་མོས་པའི་རང…

ཅག་འཁོར་བཅས་ཀྱི། །བསམ་པ་སྒྲུབས་ལ་རེ་བ་སྐོངས། །མཐུན་རྐྱེན་ཡིད་བཞིན་འབད་མེད་དུ། །མྱུར་དུ་འགྲུབ་ཅིང་མི་མཐུན་པའི། །ནད་གདོན་འགལ་རྐྱེན་བཟློག་པ་དང་། །ཉིན་མཚན་དུས་རྣམས་ཀུན་ཏུ་ཡང་། །ལྷ་སྲུང་མགོན་བྱེད་མཆོད་བསྟོད་ན། །ཅི་ལྟར་བཅོལ་པའི་འདོད་དོན་ཀུན། །རེ་བའི་ཤིང་རྟ་འགེངས་པར་མཛོད། །མཐུ་སྟོབས་རྫུ་འཕྲུལ་མངའ་དབང་ཕྱུག …

ན་མོ་གུ་རུ་པདྨཱ་ཀ་ར་ཡ། འདིར་རྫ་རྒྱལ་འཕེན་པོའི་བསང་བྱ་བར་འདོད་པ་དག་གིས། གསེར་སྐྱེམས་དང་མཆོད་པའི་རྫས་རྣམས་འདུ་བར་བྱ་སྟེ། རང་ཉིད་ལྷ་ཡི་ང་རྒྱལ་ལ་གནས་བཞིན་པས། ༀ་ཨཱཿཧཱུྃ་གིས་བྱིན་བརླབས། བྷྲཱུྃ་ལས་རིན་ཆེན་སྣོད་ཡངས་པར། །འབྲུ་གསུམ་ལས་བྱུང་འདོད་ཡོན་ཚོགས། །

ཟག་མེད་རབ་འབྱམས་ཀུན་བཟང་གི། །སྨོན་ལམ་ལས་གྲུབ་མཆོད་སྤྲིན་གྱུར། །མགྲོན་སྤྱན་དྲངས་པ་ནི། ཀྱཻ། མགོན་གྱུར་སྐྱབས་གནས་ཐུགས་རྗེ་ཅན། །སངས་རྒྱས་བྱང་སེམས་བླ་མ་དང་། །ཡི་དམ་དཔའ་བོ་མཁའ་འགྲོ་ཚོགས། །ཆོས་སྲུང་ནོར་ལྷའི་ཚོགས་བཅས་བསང་། །ཁྱད་པར་རིགས་ཀྱི་སྲུང་མ་ཆེ། །གནོད་སྦྱིན་ཡོངས་ཀྱི་རྗེ་བོ་སྟེ། །རྫ་རྒྱལ་འཕེན་པོ་འཁོར་དང…

འབྲི་ཀླུང་གཞི་བདག་སྐོར། །སྣང་སྲིད༴ གསོལ་ལོ༴ རྒྱལ་མོ་གཉེན་སྲས་ལྕམ་མོ་དང་། །དམག་དཔོན་དྭང་མོ་དིལ་དཀར་པོ། །ཁ་འཛིན་རི་མོ་དབང་གཞུ་དང་། །དར་འཛིན་ངང་ཡག་ལྷ་རྩེ་གཉན། །བློ་འཛིན་མཆོག་རྒྱབ་རི་བཀྲ་བ། །བློན་པོ་ཕྱག་དཀར་སྙིང་འབུམ་དང་། །ཀླུ་རངས་མདུང་རྩེ་སྟག་ར་རྒོད། །ཡོན་པོ་དགྲ་འདུལ་རམ་རམ་མཆེད། །རི་ནག་ཞལ་དཀར་ཝ་དིལ་དང་…

གསོལ། །ཕྱྭ་དང་གཡང་གི་དངོས་གྲུབ་སྩོལ། །མགྲོན་རྣམས་རང་གི་གནས་སུ་གཤེགས། །དུས་སུ་སླར་ཡང་འབྱོན་པར་མཛོད། །གཙྪས་གཤེགས། མངྒ་ལཾ་སིདྡྷི་ཛ་ཡ་ཨ་ལ་ལ་ཧོ། བཀྲ་ཤིས་གང་རིགས་བརྗོད། ཅེས་པ་འདི་ཞེ་འཛོང་བླ་མ་རྣམ་གཉིས་ཀྱི་ཐུགས་བཞེད་བསྐང་བའི་ཕྱིར་ཤིང་ཡོས་ལོར་སི་ཏུ་པས་ཐུབ་བསྟན་ཆོས་འཁོར་གླིང་དུ་སྤེལ་བའོ། །

སྭ་སྟི། ལྷ་བྲག་དཀར་པོའི་བསང་མཆོད་སྤྲོ་ན། མཆོད་རྫས་རྣམས་གཙང་ཞིང་བཟང་བ་འདུ་བར་བྱས་ལ་རང་ལྷའི་ང་རྒྱལ་དང་ལྡན་པས། ཨ་མྲྀ་ཏས་བསངས། སྭ་བྷཱ་ཝས་སྦྱངས ། སྟོང་པའི་ངང་ལས་སྣང་སྲིད་ཀྱི། །ཆོས་རྣམས་གཟུང་འཛིན་བྲལ་བའི་ངང་། །རིན་ཆེན་བསང་ཁང་ནང་དུ་ནི། །མཆོད་སྤྲིན་རབ་འབྱམས་ཆར་འབེབས་གྱུར། །ༀ་བཛྲ་སྥ་ར་ཎ་ཁཾ། ༀ་ཨཱཿཧཱུྃ། ཞེས་ལན…

ཐོད་གསེར་གྱི་པྲོག་ཞུ་མཛེས། །སྐུ་མདོག་དཀར་ལ་བེར་དཀར་གསོལ། །གཡས་པས་དར་དཀར་བ་དན་དང་། །གཡོན་པས་རིན་ཆེན་རྒྱལ་མཚན་བསྣམས། །བསྟན་པ་སྐྱོང་དང་རྣལ་འབྱོར་སྲུང་། །དགྲ་བགེགས་འདུལ་བའི་རྟགས་ཀྱིས་བརྒྱན། །རཏྣའི་སྒ་སྲབ་རབ་བརྗིད་པའི། །མགྱོགས་འགྲོ་འཕུར་ཤེས་རྟ་དཀར་བཅིབས། །སྲས་དང་བཙུན་མོ་བློན་འཁོར་བཅས། །ས་བདག་གཏེར་བདག་ཡུལ…

ཡིད་སྤྲུལ་གྱིས། །སྟོང་གསུམ་འཇིག་རྟེན་ཀུན་བཀང་འབུལ། །དགྱེས་པ་ཆེན་པོས་བཞེས་སུ་གསོལ། །བརྩེ་བས་དགོངས་ཏེ་རོལ་པར་མཛོད། །གསོལ་ལོ་མཆོད་དོ་མངའ་གསོལ་ལོ། །མཐུ་སྟོབས་རྫུ་འཕྲུལ་ཅིར་ཡང་བསྒྱུར། །དཀར་ཕྱོགས་སྲུང་ཞིང་ནག་ཕྱོགས་གཞོམ། །ཐོགས་མེད་རྩལ་ལྡན་སྐུ་ལྷ་གཉན། །འཁོར་དང་བཅས་ལ་བདག་བསྟོད་དོ། །སེངྒེ་བྲག་གི་ཡང་རྫོང་དུ། །…

མ་གཡེལ་ཕྲིན་ལས་ཀུན། །བདེ་བླག་ཉིད་དུ་འགྲུབ་པར་མཛོད། །བདག་སོགས་མ་ཤེས་འཁྲུལ་དབང་གིས། །ནོངས་པར་གྱུར་རྣམས་བཟོད་པར་བཞེས། །བཀྲ་ཤིས་ལྗོན་བཟང་རྒྱལ་བའི་བསྟན། །འཕེལ་ཞིང་དེ་འཛིན་ལོ་འདབ་རྒྱས། །རྣལ་འབྱོར་བསམ་དོན་རེ་བའི་འབྲས། །ཡོངས་སུ་སྨིན་པའི་བཀྲ་ཤིས་ཤོག། གཙྪས་གཤེགས་པའམ། རྟེན་ལ་བསྟིམ་པར་བྱའོ། །ཞེས་པའང་ཀུན་མཁྱེན་ས…

ཨམྲྀ་ཏས་བསངས།སྭ་བྷཱ་ཝས་སྦྱངས། སྟོང་ལས་བསང་ཁང་ཡིད་འོང་ནང་། །བདུག་སྤོས་མཆོད་སྤྲིན་མི་ཟད་པ། །ནམ་མཁའ་མཛོད་བཞིན་འདོད་ཡོན་ཚོགས། །རྒྱ་ཆེན་རྒྱུན་མི་ཆད་པར་གྱུར། །ༀ་བཛྲ་སྥ་ར་ཎ་ཁཾ། ཀྱཻ། སྔོན་ཚེ་རིག་འཛིན་པདྨ་འབྱུང་། །སྤྱན་སྔར་ཞལ་བཞེས་དམ་ཚིག་ཅན། །ལྷ་ཡི་དགེ་བསྙེན་ཆེན་པོ་ནི། །འཛི་རྒྱལ་དགའ་བྲོ་སྲས་ཡུམ་འཁོར། །གཅིག་ཏ…

པར་བསང་མཆོད་དམ་པ་འདིས། །མི་གཙང་ཉམས་གྲིབ་དག་གྱུར་ནས། །ལྷ་ཞལ་ཟླ་བཞིན་གསལ་གྱུར་ཅིག །རྩ་བརྒྱུད་བླ་མའི་བཀའ་བཞིན་དུ། །ཡལ་གམ་གཉན་ལས་མ་འདའ་བར། །རྣལ་འབྱོར་ལས་བཞིའི་ཕྲིན་ལས་ཀུན། །གང་བཅོལ་འགྲུབ་པའི་སྡོང་གྲོགས་མཛོད། །གཞི་བྱེས་ཀུན་ཏུ་སྲུང་ཞིང་སྐྱོབས། །སངས་རྒྱས་བསྟན་པའི་སྙིང་པོ་སྤེལ། །བསྟན་འཛིན་ཞབས་བརྟན་དགེ་འདུན་…

ཨ་མྲྀ་ཏས་བསངས སྭ་བྷཱ་ཝས་སྦྱངས། བསང་མཆོད་བདུག་པའི་སྤྲིན་ཕུང་ཟག་མེད་ཀྱི། །བདུད་རྩིའི་རང་བཞིན་ནམ་མཁའི་མཛོད་བཞིན་གྱུར། །ཀྱཻ། རབ་དཀར་ཀཻ་ལ་ཤ་ཡི་ས་འཛིན་ནི། །མཐོ་རིས་གནས་སུ་བསྙེགས་འདྲའི་སྐུ་མཁར་ནས། །ཟོ་དོར་ཡོངས་ཀྱི་གཙོ་མཆོག་ཟིལ་ཕྲོམ་ཞེས། །རྡོ་རྗེ་གཡུ་དྲུང་སྲས་ལྕམ་འཁོར་དང་བཅས། །འདིར་བྱོན་འདོད་ཡོན་སྣ་ཚོགས་བསང…

གྲོགས་དམ་པ་དང་། །ཁ་འཛིན་སྲུང་སྐྱོབ་གཡེལ་མེད་ཕྲིན་ལས་ཀུན། །ཆོས་བཞིན་སྨིན་པར་མཛོད་ཅིག་ལྷ་ཆེན་པོ། །མཐུ་རྩལ་རྫུ་འཕྲུལ་ལྡན་ལ་བསྟོད་པར་བགྱི། །ནོངས་པར་གྱུར་བཤགས་ཚངས་པར་བསྩལ་དུ་གསོལ། །རྣམ་ཀུན་བཀྲ་ཤིས་དཔལ་དང་ལྡན་གྱུར་ཅིག །གཙྪས་གཤེགས། ཞེས་ལྷ་བྲིས་རྟ་མགྲིན་ངོར་སི་ཏུས་སྤེལ། །

ༀ་ཨཱཿཧཱུྃ། ཞེས་འབྲུ་གསུམ་གྱིས་མཆོད་རྫས་བྱིན་བརླབས་ལ། ཀྱཻ། སྣང་ཞིང་སྲིད་པས་བསྡུས་པའི་ཆོས་ཐམས་ཅད། །དག་པ་ཡེ་ཤེས་བདུད་རྩིར་བྱིན་བརླབས་ནས། །དངོས་ཀུན་སྣང་བ་སྣ་ཚོགས་རྟེན་འབྲེལ་གྱི། །སྒྱུ་མ་ཙམ་དུ་རང་རིག་གསལ་བའི་ངང་། །ཚུལ་ཁྲིམས་རྣམ་དག་དྲི་བསུང་ངད་ལྡང་ཞིང་། །ལྷ་མིའི་འབྱོར་པ་མཆོད་པའི་བྱེ་བྲག་ཚོགས། །འདོད་དགུའི་…

བསིལ་ཟེར་གྱིས། །སྣོད་བཅུད་ཀུན་ཀྱང་བདེ་སྐྱིད་ལྡན་གྱུར་ཅིག །རྒྱལ་བསྟན་རིན་ཆེན་སྲིད་མཐར་ཁྱབ་ཡུན་གནས། །དེ་འཛིན་ཞབས་བརྟན་དགེ་འདུན་ཐུགས་མཐུན་ཞིང་། །བསླབ་གསུམ་རྣམ་དག་སྐྱེ་དགུའི་བསོད་ནམས་ཞིང་། །མངོན་པར་མཐོ་ཞིང་ཆོས་ཀྱི་ཆབ་སྲིད་བརྟན། །ཕས་རྒོལ་ལས་རྒྱལ་རྟག་ཏུ་བསམ་པའི་དོན། །ནོངས་མེད་ཡིད་བཞིན་འགྲུབ་པའི་ཕྲིན་ལས་མཛ…

བསང་མཆོད་ཇི་ལྟར་འོས་པ་འདུ་བར་བྱས་ལ། ཨ་ཀཱ་རོ་ལན་གསུམ་གྱིས་བྱིན་བརླབ། ཀྱཻ། སྟོབས་བཅུའི་མངའ་བདག་བདེ་བར་གཤེགས་པ་དང་། །ཞི་བ་ཆགས་བྲལ་དམ་པའི་ཆོས་ཀྱི་མཆོག །རིག་དང་གྲོལ་བའི་སར་གནས་དགེ་འདུན་སྡེ། །བླ་མེད་རིན་ཆེན་རྣམ་གསུམ་བྱིན་རླབས་དང་། །བདག་སོགས་མོས་བློའི་སྟོབས་ཀྱི་དགེ་ཚོགས་ལས། །ཕྱི་ནང་གསང་བའི་དམ་ཚིག་དག་གཙང་ཞི…

བཅུ་དང་འཁོར་ལོ་རྣམ་གཉིས་སོགས། །རབ་དཀར་ལྷག་པའི་དགེ་མཚན་སྤྲིན་ཕུང་གཏིབས། །དེ་ལྟའི་ལེགས་པར་བྱས་བའི་རང་གཟུགས་ནི། །ཕྱོགས་དང་ཐ་གྲུར་ཁྱབ་པའི་ཡོན་ཏན་གྱིས། །འཕགས་ཚོགས་དགྱེས་ཤིང་དམ་ཅན་ཐུགས་དམ་བསྐང་། །དཀར་ཕྱོགས་ཀུན་ཀྱང་དགའ་བདེའི་སིམ་པ་བསྐྱེད། །སྣོད་བཅུད་སྣང་ཞིང་སྲིད་པའི་སེམས་ཅན་རྣམས། །མི་མཐུན་ནོངས་པའི་དྲི་མ་བ …

པར་བཀྲ་ཤིས་སྣང་བས་ཁྱབ་གྱུར་ཅིག། ཅེས་པའང་སི་ཏུ་པས་ལྷུན་གྲུབ་སྤྲུལ་སྐུའི་བཞེད་ལྟར་འབའ་ལུང་ཡུལ་ལྷའི་བསང་མཆོད་དུ་སྤེལ་པ་དགེ་བར་གྱུར་ཅིག །

ན་མོ་པདྨཱ་ཀ་ར་ཡ། འདིར་ཡུལ་ལྷ་ཞལ་ད་གཉན་པོའི་བསང་མཆོད་སྤྲོ་བར་འདོད་ན། གཙང་ཞིང་བཟང་བའི་མཆོད་རྫས་འདུ་བར་བྱས་ལ། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་ལས་བསང་ཁང་རིན་ཆེན་ལས་གྲུབ་པར། །བདུག་སྤོས་སྣ་ཚོགས་དྲི་བསུང་ངད་ལྡང་ཞིང་། །གཞན་ཡང་ལྷ་མིའི་འབྱོར་བ་མཐའ་ཡས་པ། །མཆོད་པའི་བྱེ་བྲག་ནམ་མཁའ་གང་བར་གྱུར། །ༀ་བཛྲ་སྥ་ར་ཎ་…