དཔལ་ལྡན་གཤིན་རྗེ་ནག་པོའི་དཀྱིལ་འཁོར་གྱི་ཆོ་ག་བདེ་ཆེན་འོད་འབར་ཞེས་བྱ་བ་བཞུགས།

ཨོཾ་སྭཱ་སྟི། གང་ཞིག་ལྷན་ཅིག་སྐྱེས་དགའ་འཁོར་ལོའི་མགོན། །ཡེ་ཤེས་རང་སྣང་བཅུ་གསུམ་དཀྱིལ་འཁོར་ཚུལ། །དེ་ལ་དངོས་ཀུན་གཉིས་མེད་ཚུལ་བཏུད་ནས། །དབང་བཞིའི་ཆོ་ག་མདོ་ཙམ་གསལ་བར་བྱ། །འདི་ལ་སློབ་དཔོན་གྱི་ལས། སློབ་མ་གཞུག་པ། རྗེས་ཀྱི་བྱ་བ་སྟེ་གསུམ་ལས། དང་པོ་ལ་སའི་ཆོ་ག ལྷག་པར་གནས་པ། དཀྱིལ་འཁོར་དངོས་ཀྱི་བྱ་བ་སྟེ་གསུམ་མོ།…

ཐབས་ནས་འབྱུང་བ་ལྟར་ཕྱོགས་སྐྱོང་ལ་གཏོར་མ་ཕུལ། གཉིས་པ་དཔུང་བཟང་ནས་འབྱུང་བའི་ཕྱོགས་སྐྱོང་ལ་གཏོར་མ་ཕུལ། གསུམ་པ་འབྲུ་གསུམ་གྱིས་བྱིན་གྱིས་བརླབས་ནས། ཨ་ཀཱ་རོས་གཞི་བདག་ལ་ཕུལ། ས་ཕྱོགས་འདི་རྣམས་བདག་ལ་ཅི་བདེ་བར་གནང་བར་མཛོད་ཅིག ཅེས་བརྗོད། དཀྱིལ་འཁོར་གྱི་གནས་སུ། མཎྜལ་ཚོམ་བུ་མཆོད་པ་དང་བཅས་པ་བཤམས་ལ། ཧྲཱིཿཥྚཱིཿས་བསང…

ཨརྒྷཾ། པཱདྱཾ། པདྨ་ཀ་མ་ལ་ཡེ་སྟྭཾ། ཛཿཧཱུཾ་བཾ་ཧོཿ གཉིས་སུ་མེད་པར་ཐིམ། རང་གི་སྙིང་ག་ནས་འོད་ཟེར་འཕྲོས་པས། དབང་གི་ལྷ་རིག་ལྔ་འཁོར་དང་བཅས་པ་བཛྲ་ས་མཱ་ཛཿ ཨོཾ་བཛྲིར་བྷ་ཝ་ཨ་བྷི་ཥིཉྩ་ཧཱུཾ་ཞེས་དབང་བསྐུར། སྐུ་གང༌། དྲི་མ་དག ཆུའི་ལྷག་མ་ཡར་ལུད་པ་ལས། དཀྱིལ་འཁོར་གྱི་གཙོ་བོས་དབུ་བརྒྱན། མཆོད་ཡོན་གཉིས་དང་འབྲེལ་བའི་ཉེར་སྤྱ…

ལཾ་ལས་འབྱུང་བ་བཞིའི་དཀྱིལ་འཁོར་སྟེང་ནས་སྟེང་དུ་བརྩེགས་པ། ཨོཾ་སུ་ཁཾ། རི་རབ་རིན་པོ་ཆེ་སྣ་ལྔ་ལས་གྲུབ་པ། དེའི་སྟེང་གི་ནམ་མཁའ་ལ་རྣམ་པར་སྣང་མཛད་བྱང་ཆུབ་མཆོག་གི་ཕྱག་རྒྱ་ཅན། ཨོཾ་བཛྲ་དྷཱ་ཏུ། དེའི་ཕྱག་ཞབས་རྣམས་དང༌། བ་སྤུའི་བུ་ག་ནས་བདུད་རྩིའི་ཆུ་རྒྱུན་བབས། དེས་རི་རབ་ཀྱི་ཕྱེད་ནུབ་པར་གྱུར་ཅིང༌། རྣམ་སྣང་ཡང་རི་རབ་…

ཞལ་དུ་ཨི་དཾ་ཨ་མྲྀ་ཏ་མཧཱ་སྭ་དཱ་ཧཱུཾ། ཞེས་ནང་མཆོད་ཕུལ། དེ་ནས་རྡོ་རྗེ་དྲིལ་བུ་འཛིན་པས་དབྱངས་དང་བཅས་པའམ་མེད་ཀྱང་རུང་སྟེ། ཤར་མས། དེ་བཞིན་གཤེགས་པ་ཀུན་ཞི་བ། །དེ་བཞིན་གཤེགས་པ་ཀུན་གྱི་གནས། །ཆོས་ཀུན་བདག་མེད་པ་ཡི་མཆོག །དཀྱིལ་འཁོར་དམ་པ་བཤད་དུ་གསོལ། །ལྷོ་མས། མཚན་རྣམས་ཐམས་ཅད་ཡང་དག་རྫོགས། །མཚན་མིན་ཐམས་ཅད་ཡང་དག་སྤང…

མཾ། ཞེས་ལན་བཞི་བརྗོད་ཅིང༌། རྡོ་རྗེ་རྩེ་ལྔ་པའི་ཕྱག་རྒྱ་གནས་བཞིར་རེག་གོ །རྐང་མཐིལ་དུ་ཨ་ལས་སྣ་ཚོགས་རྡོ་རྗེ། ཨོཾ་བཛྲ་སཏྭ་ཧཱུཾ། ཞེས་པ་གླུར་བླངས་ཤིང༌། རྡོ་རྗེ་གསོར་ཞིང་དྲིལ་བུ་དཀྲོལ་འགྱིང་བ་དང་བཅས་པས། རྡོ་རྗེ་རྩེ་ལྔ་པའི་རྐང་སྟབས་ཞིག་བྱའོ། །རྡོ་རྗེའི་རྭ་བ་དང་ས་གཞིར་གྱུར། བདག་ཉིད་ཞེ་སྡང་གཤིན་རྗེ་གཤེད་དུ་གྱུ…

ཕུར་པ་ལྔ་ལ། ཧྲཱིཿཥྚཱིཿའི་མཐར་ཀཱི་ལ་ཡ་ཧཱུཾ་ཕཊ། ལན་གསུམ་གསུམ་བཟླས་ལ། བྱང་དང་བྱང་ཤར་གྱི་བགེགས་ཐམས་ཅད་བཀུག་སྟེ་བརྩེགས་པས་གནས་པར་གྱུར། ཧྲཱིཿཥྚཱིཿའི་མཐར། བགེགས་ཐམས་ཅད་ཨཾ་གུ་ཤ་ཛཿ ཨ་ཀརྵ་ཡ་ཧྲཱི། བགེགས་ཀྱི་སྙིང་གར་བཏབ་པར་བསམ་ལ། ཧྲཱིཿཥྚཱིཿའི་མཐར། ཨོཾ་གྷ་གྷ་གྷ། གྷཱ་ཏ་ཡ། གྷཱ་ཏ་ཡ། སརྦ་དུཥྟཱ་ཎ་ཕཊ། ཀཱི་ལ་ཡ། ཀཱི་ལ་ཡ…

ཆད་ཀྱི་མངོན་རྟོགས་སྒྲུབ་ཐབས་ལྟར་རྒྱས་པར་བསྒོམས་པའམ། མདོར་བསྡུ་ན། གཞལ་ཡས་ཁང་མི་སྒོམ་པར། རྒྱུ་འབྲས་རྡོ་རྗེ་འཛིན་པའི་བསྐྱེད་ཆོག་རྫོགས་པར་བྱས་ལ། སྐྱེད་མཆེད་བྱིན་གྱིས་བརླབས་པ་ནས། བཟླས་པའི་བར་དུ་བྱའོ། །རང་གི་སྙིང་ག་ནས། ཞེས་པ་ནས། སྐད་ཅིག་གིས་བར་གྱི་ཞེས་པས་དཀྱིལ་འཁོར་རྒྱས་པ་སྒོམ་ན་བསྡུ་ལ། བསྡུས་པའི་ཚེ་ན། དཀ…

ས་ཆོག་གི་དཀྱིལ་འཁོར་བཛྲ་ས་མཱ་ཛཿ མཆོད་ཡོན་དང་ཉེར་སྤྱོད་ལྔའི་སྔགས་མཆོད་ཙམ་འབུལ། ཨོཾ་བཛྲ་མུདྒ་ར་ཛཿ ཞེས་དགུག་གཞུག་སོགས་བྱ། དེ་ནས་མཆོད་བསྟོད་བྱ་བ་ནི་ཁྱད་པར་རོ། །བསྟོད་པའི་མཐར་ལྷ་སོ་སོ་ལ་དམིགས་ཏེ་བཟླས་པ་ཡང་ཅུང་ཟད་བྱས་ལ། སང་རྡུལ་ཚོན་གྱི་དཀྱིལ་འཁོར་ལ་ཞུགས་ཤིང་བྱིན་གྱིས་བརླབ་ཏུ་གསོལ། ཞེས་གསོལ་བ་ཡང་ཡང་བཏབ། གས…

གདན་གྱི་སྟེང་དུ་འཁོད། ཅེས་པའི་བར་སྒྲུབ་ཐབས་བཞིན་ལས། ཕྲག་དོག་རྡོ་རྗེའི་སྐབས་བྱང་གི་རྭ་དབུས་མ་དང༌། ལས་བུམ་གྱི་ནང་དུ་པད་ཉི་ལ་འཁོད། ཅེས་དང༌། ཤར་སྒོར་ཞེས་སོགས་ཀྱི་དོད་དུ། ཤར་དུ་ཞེས་སོགས་འདོན་པ་སྤོ། ལྷ་སྟ་གོན་ལ་ཡང་འདི་ལྟར་བསྐྱེད་པའི་ལུགས་ཀྱང་ཡོད་དོ། །སྐྱེ་མཆེད་བྱིན་བརླབས། དབང་བསྐུར། ཡེ་ཤེས་པ་སྤྱན་དྲང་པ་སོ…

དབུས་ཀྱི་གཙོ་བོ་བསྐྱེད་པ་དང་ལས་བུམ་གྱི་གཙོ་བོ་ལྷན་ཅིག་ཏུ་བསྐྱེད་ཀྱང་རུང་ངོ༌། །ལྷག་པར་གནས་པའི་རྗེས་ཀྱི་བྱ་བ་ནི། མགྲིན་པར་ཧྲི་ལས་པདྨ་དམར་པོ་མདུན་གྱི་འདབ་མ་ལྕེར་གྱུར་པའི་ཧཱུཾ་ལས་རྡོ་རྗེར་གྱུར། པུས་མོ་གཡས་པའི་ལྷ་ང་ས་ལ་བཙུགས་ཤིང༌། སྤོས་སྣོད་ཐོགས་པས། མགོན་པོ་ཞེ་སྡང་གཤིན་རྗེ་གཤེད། །རིགས་སྔགས་རྒྱལ་ལ་ཕྱག་འཚལ…

ལ་ལོངས་སྤྱད་དོ། །དཀྱིལ་འཁོར་གྱི་ལྷ་ལ་འདོད་དོན་གསོལ་བ་བཏབ་སྟེ། ཡི་གེ་བརྒྱ་པས་ལྷག་ཆད་ཁ་བསྐང༌། ཨོཾ་བཛྲ་ཨུ་ཏིཥྛ། ཞེས་རྡོ་རྗེ་གཙུག་ཏོར་གྱི་ཕྱག་རྒྱས། དཀྱིལ་འཁོར་གྱི་འཁོར་ལོ་མདུན་གྱི་ནམ་མཁར་བཏེགཨརྒྷཾ་ལ་སོགས་པས་མཆོད། དུར་ཁྲོད་བརྒྱན་གྱི་སོགས་ཀྱིས་བསྟོད། དཀྱིལ་འཁོར་གྱི་འཁོར་ལོ་རྣམས་སང་སྤྱན་མ་དྲངས་ཀྱི་བར་དུ་མད…

གཞུག་ཏུ་གསོལ། །ཅེས་ལན་གསུམ་གསོལ་བ་བཏབ། དེ་ནས་སློབ་དཔོན་གྱིས། བུ་ཚུར་ཐེག་པ་ཆེན་པོ་ཡི། ཁྱོད་ནི་ཚུལ་ཆེན་སྣོད་ཡིན་ཏེ། །གསང་སྔགས་སྤྱོད་ཚུལ་ཆོ་ག་མཆོག ཁྱོད་ལ་ཡང་དག་བསྟན་པར་བྱ། །རྫོགས་པའི་སངས་རྒྱས་གང་འདས་དང༌། །དེ་བཞིན་གང་དག་མ་བྱོན་དང༌། །ད་ལྟར་བྱུང་བའི་མགོན་པོ་རྣམས། །འགྲོ་ལ་ཕན་ཕྱིར་བཞུགས་པ་ཀུན། །དེ་དག་གིས་ཀྱ…

ཞིང༌། འབྲུ་གསུམ་བརྗོད་པ་ལུགས་འབྱུང་ལུགས་བཟློག་བྱ། ཨོཾ་བཛྲ་པུཥྤེ་ཨཱཿཧཱུཾ། ཨོཾ་བཛྲ་དྷུ་པེ་ཨཱཿཧཱུཾ། ཨོཾ་བཛྲ་ཨ་ལོ་ཀེ་ཨཱཿཧཱུཾ། ཨོཾ་བཛྲ་གནྡྷེ་ཨཱཿཧཱུཾ། ཞེས་མཆོད། རྒྱས་པར་སྤྲོ་ན། བླ་མ་གོང་མ་རྣམས་ཀྱིས་མཛད་པ་བཞིན། སངས་རྒྱས་རྣམས་ལ་མེ་ཏོག་གཏོར། །བྱང་ཆུབ་ཡན་ལག་ཚོགས་གྱུར་པ། །ཞེས་སོགས་ཚིགས་སུ་བཅད་པ་རེ་རེའི་མཐར་མཆོ…

འགའ་ཞིག །འབྱུང་འགྱུར་ཡང་ནི་མི་འབྱུང་ངོ༌། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །གང་གི་མཉམ་མེད་སེམས་ཅན་དོན། །བླ་མེད་བྱེད་པར་ནུས་པ་ཡིན། །བསྐལ་པ་བྱེ་བ་དུ་མ་རུ། །སྔོན་དུ་སྡིག་པ་བགྱིས་པ་གང༌། །དེ་ཀུན་ཟད་པར་འགྱུར་བ་ཡང༌། །ཟབ་མོའི་དཀྱིལ་འཁོར་མཐོང་བས་སོ། །གྲགས་པ་མཐའ་ཡས་སྔགས་སྤྱོད་པའི། །ཚུ…

ཅེས་རྨི་ལམ་གྱི་དོན་ཅུང་ཟད་ཅིག་བཤད་དོ། །དེ་ལྟར་ན་སློབ་མ་སྟ་གོན་གྱི་བྱ་བ་རྫོགས་སོ། །སྟ་གོན་གྱི་རྗེས་ཀྱི་བྱ་བ་རྣམས་སྐབས་འདིར་བྱས་ཀྱང་རུང་ངོ༌། །གསུམ་པ་དཀྱིལ་འཁོར་དངོས་ཀྱི་བྱ་བའམ་དཀྱིལ་འཁོར་གྱི་ཞག་གི་ཆོ་ག་ལ། དཀྱིལ་འཁོར་འབྲི་བའི་བྱ་བ་དང༌། དཀྱིལ་འཁོར་སྒྲུབ་པའི་བྱ་བ་དང༌། བདག་ཉིད་འཇུག་ཅིང་དབང་བླང་པའོ། །དང་པོ…

ཆེའི་རྒྱན་གྱིས་བརྒྱན་པའོ། །སྐྱེ་མཆེད་དང༌། སྐུ་གསུང་ཐུགས་བྱིན་རླབས་དང༌། དབང་བསྐུར་རྒྱས་བཏབ་རྣམས་སྒྲུབ་ཐབས་བཞིན་བྱས་ལ། ལྷ་ཐམས་ཅད་ལ་རྡོ་རྗེ་སེམས་དཔས་དབུ་བརྒྱན། ཞེས་བརྗོད། མིག་བྱིན་གྱིས་རླབས་པ་ནས། དགུག་གཞུག་གི་བར་བུམ་བསྐྱེད་བསྡུས་པ་བཞིན་བྱས་ལ། ཨརྒྷཾ་ལ་སོགས་པས་མཆོད། མི་བསྐྱོད་རྡོ་རྗེ་ཡེ་ཤེས་ཆེ། །སོགས་གསང…

ཐིག་གི་སྒྲས་ནམ་མཁའ་གང་བར་བཞུགས་པའི་སངས་རྒྱས་ཐམས་ཅད་མཉེས་ཤིང་འགྲོ་དོན་ལ་བསྐུལ་བར་གྱུར། ཅེས་བརྗོད་ཅིང་ཐིག་ནམ་མཁར་བཏབ་སྟེ་རིམ་པ་དེ་ཉིད་ཀྱིས་ཡེ་ཤེས་ཀྱི་ཐིག་ཐམས་ཅད་བཏབ་སྟེ། སློབ་དཔོན་ཤར་བལྟས་སློབ་མ་ནུབ། །སློབ་དཔོན་བྱང་བལྟས་སློབ་མ་ལྷོ། །གཉིས་ཀ་ནུབ་ལ་ཤར་ངོས་གདབ། །གཉིས་ཀ་བྱང་བལྟས་སློབ་དཔོན་ལྷོ། །སློབ་མས་བསྐ…