སྔགས་ནི་ཡི་གེ་བཅུ་པ། ཨོཾ་ཡ་མཱནྟ་ཀ་ཧཱུཾ། བསྟོད་པ་ནི། སངས་རྒྱས་ཀུན་གྱི་རང་བཞིན་ཁྱོད། །སངས་རྒྱས་ཀུན་གྱི་གཅིག་བསྡུས་པ། །སངས་རྒྱས་ཀུན་རབ་མཆོག་གི་མཆོག།དཀྱིལ་འཁོར་གཙོ་ལ་ཕྱག་འཚལ་བསྟོད། །གཞུང་འདི་ཉིད་རང་ལུས་ཡུམ་གྱི་ཕྱག་མཚན་དང་གཤིན་རྗེའི་གདན་མི་གསལ་ཡང་དོན་ལ་དགོས་སོ།། །། སོ་སོར་འབྲང་མའི་སྒྲུབ་ཐབས་ནི། པད་ཟླ་ལ་པ…

སྔོན་པོ། ཕྱག་གཡས་འབར་བའི་རྡོ་རྗེ་གསོར་ཞིང༌། གཡོན་ཐོད་ཁྲག་ཐུགས་ཀར་འཛིན་པ། མཆན་ཁུང་དུ་ཁ་ཊྭཱཾ་ག་བ་དན་དང་བཅས་པ། རོལ་པའི་ཁྲོ་བོ་ཆེན་པོ་སྤྱན་གསུམ་དབུ་སྐྲ་ཁམ་ནག་གྱེན་དུ་འཁྱིལ་བ། མཆེ་བའི་མྱུ་གུ་གཙིགས་པ། རུས་པའི་ཕྱག་རྒྱ་ལྔ་དང་ཐལ་བས་བརྒྱན་པ། མི་ལྤགས་ཀྱི་ན་བཟའ་དང་ཐོད་པ་སྐམ་རློན་གྱི་དབུ་རྒྱན་དོ་ཤལ་ཅན། གཡོན་བརྐྱ…

དམ་ཅན་ཆོས་ཀྱི་རྒྱལ་པོ་ལས་ཀྱི་གཤིན་རྗེའི་མན་ངག་གསང་བ་ལས་ཀྱང་ཆེས་གསང་བ་བཞུགས་སོ། ཆོས་རྒྱལ་མན་ངག་ཆེན་མོ་དགེའོ། །

བཅོམ་ལྡན་འདས་དཔལ་རྡོ་རྗེ་འཇིགས་མཛད་ཆེན་པོ་ཡ་མནྟ་ཀ་ལ་ཕྱག་འཚལ་ལོ། །གཤིན་རྗེ་ཆོས་ཀྱི་རྒྱལ་པོའི་རྟོག་པ་དང༌། དེའི་མན་ངག་རྭ་བའི་བླ་མ་གོང་མ་རྣམས་ཀྱི་ཕྱག་ལེན་ལྟར་བཤད་པར་བྱའོ། །དེ་ལ་དང་པོར་རྒྱུན་གྱིས་གཏོར་ཆོག་ནི། གཏོར་མ་གྲུ་གསུམ་ཤ་ཁྲག་གིས་བརྒྱན་པ་མཆོད་པ་དང་བཅས་པ་བཤམས། དཔལ་རྡོ་རྗེ་འཇིགས་མཛད་ལ་སོགས་པ་ཁྲོ་བོའི་…

སྤྲོས་ཏེ། ཧཱུཾ་དེ་ལས་ཐོད་སྐམ་གྱིས་མཚན་པའི་དབྱུག་ཏོའམ་བེ་ཅོན་ཧཱུཾ་གིས་མཚན་པ། དེ་ལས་འོད་འཕྲོས་འཕགས་ཚོགས་མཆོད། སེམས་ཅན་གྱི་དོན་བྱས་དགྲ་བགེགས་གདུག་པ་ཅན་ཐམས་ཅད་ཚར་བཅད། འཁོར་འདས་ཀྱི་ནུས་མཐུ་རྣམས་བསྡུས། ས་བོན་ཕྱག་མཚན་ལ་ཐིམ་པ་ཡོངས་སུ་གྱུར་པ་ལས། ལས་ཀྱི་གཤིན་རྗེ་སྐུ་མདོག་མུན་པ་ལྟར་གནག་པ། ཤིན་ཏུ་ཆེས་ཁྲོས་འཁྲུག…

གཡོན་བརྐྱངས་པས་མ་ཧེ་ལ་གནས་པ། ཐོད་སྐམ་གྱི་དབུ་རྒྱན་ཐོད་རློན་གྱི་དོ་ཤལ། རུས་པའི་རྒྱན་གྱིས་བརྒྱན་པ། དེའི་གཡོན་དུ་ཧྲིཿ ལས་མདུང་རྩེ་གསུམ་པ་ཧྲཱིཿས་མཚན་པ། དེ་ལས་འོད་འཕྲོས་ལས་གསུམ་མཛད་འདུས་པ་ཡོངས་སུ་གྱུར་པ་ལས། སྲིན་མོ་ཆེན་མོ་ཙ་མུ་ཎྜཱི་དུས་མཐའི་སྤྲིན་དང་མཚུངས་པའི་མདོག་ཅན་ནུ་མ་རྒྱས་པ། ཕྱག་གཡས་ཏྲི་ཤུ་ལ་འཕྱར་ཞི…

གང༌། ཉེས་སྐྱོན་དག །ཡབ་ཡུམ་གཉིས་ཀར་གྱི་སྤྱི་བོར་རྡོ་རྗེ་ནག་པོ་རྩེ་ལྔ་པས་དབུ་བརྒྱན། དབྱུག་པའི་ཕྱག་རྒྱ་དང་ཡི་གེ་བཅུ་གཅིག་པ་ལན་གསུམ་གྱི་མཐར་ས་མཱ་ཡ་སྟྭཾ་ཞེས་དམ་ལ་བཞག །ཨོཾ་ཀཱ་ལ་རཱུ་པ་ས་པཱ་རི་ཝ་ར་བྷྱཿ ཨརྒྷཾ་ནས་ཤཔྟའི་བར་གྱིས་མཆོད་དོ། །ཨོཾ་ཀཱ་ལ་རཱུ་པ་ཧཱུཾ་ཕཊ། ཡི་དམ་ཆོས་སྐྱོང་གཉིས་ཀའི་སྔགས་ཀྱང་ཡིན། ཆོས་རྒྱལ་ཉ…

མ་ཐ་མ་ཐ། པྲ་མ་ཐ་པྲ་མ་ཐ། ཧཱུཾ་ཛཱ་ལ་ཛྭ་ར་ཛྭ་རེ་ཎ་བྱེ་དྷི་རོ་ག་ཎཾ་ཉི་ག་ན་ཤི་བཾ་ཡཾ་ཧཾ་རཾ་རི་ཚུས་ཡ་ཨ་བེ་ཤ་ཡ་ཛི་བཾ་ཧྲི་ད་ཡ། ཚིནྡྷ་ཚིནྡྷ། བཱའ་དྱ་པ་ཤི་གྷྲཾ་མཱ་ར་ཡ། ན་ཤ་ཡ་ཧཱུཾ་ཕཊ། ལྷ་མོ་ཙ་མུཎྜཱིའི་འཕྲེང་བའི་སྔགས་ཏེ་མ་མོ་བྱེ་བ་ཐེར་འབུམ་གྱི་སྤྱི་སྔགས་སོ། །འཕྲེང་སྔགས་འདི་གཉིས་ལ་སྔགས་བཏུ་མེད་ཅིང༌། སྐབས་འགར་ལེགས་…

བ་ལིང་གྲྀཧྞ་གྲྀཧྞ་ཁ་ཁ་ཁཱ་ཧི་ཁཱ་ཧི། ཞེས་ལན་བདུན་ལས་མི་ཉུང་བས་ཡབ་ལ་ཕུལ། ཨོཾ་ཧྲིཿཙ་མུནྚི་ཡེ་ཨི་དཾ་བ་ལིང་སོགས་གོང་བཞིན་སྦྱར་བ་ལན་གསུམ་མམ་ལྔས་ཡུམ་ལ་ཕུལ། ཨོཾ་ཀཱ་ལ་རཱུ་པ་ཙ་མུནྚི་ཡེ་ཞེས་པ་མགོ་བོར་སྦྱར་ནས་ཨརྒྷཾ་ནས་ཤཔྟའི་བར་གྱི་མཆོད། འཆི་བ་ཡི་དྭགས་རྒྱལ་པོ་ནི། །མ་དྲོས་མཚོ་ཡི་འབྲི་དཀྱིལ་ན། །རི་ནག་དགུ་ཡི་ཕ་མཐའ་ས…

ཡིག་བརྒྱ་དང་བཟོད་གསོལ་བྱ། རྟེན་ཡོད་ན་ཆོས་སྐྱོང་ཕོ་མོ་གཉིས་ལ་བརྟན་ཞུགས་བྱེད་ཅིང༌། ཁྱེད་ཀྱི་སེམས་ཅན་དོན་ཀུན་སོགས་གཏོར་འགྲོན་རྣམས་གཤེགས། རྟེན་མེད་ན་ཆོས་སྐྱོང་ཉིད་ཀྱི་ཡེ་ཤེས་པ་ཡང་གཤེགས་ཤིང༌། དམ་ཚིག་པ་རང་གི་ལྟེ་བར་ཐིམ་པའོ། །སྨོན་ལམ་དང་བཀྲ་ཤིས་གོང་གི་དེ་ཀས་ཆོ་ག་མོད། སྤྲོ་ན་འདིར་ཡང་བྱེད་པ་མི་འགལ་ལོ། །གལ་ཏེ…

ཀྱི་རྒྱལ་པོའི་དམག་སྣ་ཁྱོད་ཀྱིས་དྲོངས། །ཟུང་ཞིག་ཆིངས་ཤིག་བསད་པའི་འཕྲིན་ལས་མཛོད། །བསྐྲད་དང་དབྱེ་དང་རེངས་པའི་འཕྲིན་ལས་མཛོད། །ཕུར་བུས་བཏབ་དང་མནན་པའི་ལས་མཛོད་ཅིག །དགྲ་བགེགས་ཤ་ལ་ཟོ་ཞིག་ཁྲག་ལ་འཐུང༌། །མིང་གི་ལྷག་མ་ཙམ་ཡང་མེད་པར་མཛོད། །ཅེས་ལས་མཁན་གྱི་ཚུལ་དུ་ཡུམ་བསྐུལ་ལོ། །རྩ་སྔགས་ཀྱི་ཉེས་སྐྱོན་དང༌། ཨུ་ནི་ཤ་ལ་…

པའི་དབང་དུ་བྱས་ན། ཡབ་ཡུམ་གཉིས་ཀར་གྱི་བྲིས་སྐུ་དགོས་པས། དེ་ལ་གཤིན་རྗེ་ཕོ་མོ་ལྕམ་སྲིང་ལྟར་བསྒྲུབས་ན་བྲིས་སྐུ་སོ་སོར་བྱས་ཀྱང་རུང༌། གཅིག་ལ་བྲིས་ཀྱང་རུང་མོད་ཀྱི། ཡབ་མངོན་རྟོགས་ལྟར་དང༌། ཙ་མུནྚི་ཡབ་ཀྱི་གདན་ལ་མི་བཞུགས་པར། གཡས་གཡོན་འོག་གསུམ་གང་རིགས་སུ་གདན་ཟུར་ས་ལ་འབྲི། ཞབས་གཡོན་བརྐྱང་དུ་བྱེད། ཁ་ཅིག་སྲོག་ཆགས་…

བདུན་གྱི་གཟུགས་བརྙན་སྦྱོར་བའི་སྐབས་ཁྲོ་ཞལ་དུ་བཤད། དེ་སྐབས་ཀྱི་མན་ངག་ལས་ཀྱང་ཁྲོ་ཞལ་དུ་འབྱུང་བ་དང་འདྲ། རྟོག་པ་འདི་ཉིད་ནས་ནི་གསལ་ཁ་རང་མེད་ཀྱང༌། གཉིས་ཀར་རུང་བའི་འཐེན་ཕྱོགས་ཡོད་དེ། ཁོ་བོ་ཅག་གི་བླ་མ་བརྒྱུད་པ་མ་གཏོགས་མཁས་མཁས་མོ་སུས་ཀྱང་མ་གོ་བར་འདུག་གོ །དཀོར་བདག་ལ་ཞིང་སྐྱོང་དུ་བསྒྲུབ་དགོས་པའི་རྒྱུ་མཚན་ཅི་སྙ…

ཅུང་ཟད་ཅིག་ཡོད་པ་དེ་བསྣན་ན། སྒྲུབ་ཐབས་གཅིག་གིས་ལྷ་གཉིས་ཀར་འགྲུབ་པས་ལག་ལེན་འཁྱེར་བདེ་བ་དང༌། དེའི་སྟེང་དུ་ཡང་མན་ངག་ཅུང་ཟད་དང་བཅས་ན་སྒྲུབ་པོ་ཉིད་ཀྱི་སྲུང་མར་སྒྲུབ་པའི་སྐབས། ཞོར་ལ་དབང་སྡུད་ལ་སྔགས་པ་ཡིན་ཅེས་ངེད་ཀྱི་བླ་མ་གསུང་ངོ༌། །འདི་ཡང་གཞན་ཚོས་མ་གོ །སྐུ་གཅེར་བུར་འདོད་ཕྱིན་དབང་པོ་འཆང་བ་དང༌། སྦས་པ་མི་རུང…

ཡི་གེ་རྣམས་ལས་སྣ་ཚོགས་བྱུང་ཀྱང༌། རྭ་ཕྱི་མའི་ཡི་གེ་ན་གླང་ལྤགས་སུ་བཞེད་ཅིང༌། རྟོག་པ་ལས་གསུས་ཆེན་ཅེས་གསུངས་པ་ལྷ་མོ་སྐུ་གཟུགས་ཀྱི་མཚན་ཉིད་ལ་མི་སྦྱོར་བར། དུད་འགྲོའི་མཚན་ཉིད་ལ་སྦྱར་ཏེ་གླང་པོ་ཆེར་འདོད་པའོ། །དེའི་ཚེ་སྨད་གཡོགས་མ་ཡིན་སྟོད་གཡོགས་ཡིན་མོད། སྨད་གཅེར་བུའམ་སྟག་ལྤགས་ཅན་ཇི་ལྟར་བྱེད་ཡབ་ལ་ཇི་ལྟར་བྲིས་པ…

གཏོགས་འཁོར་ཡང་མི་དགོས་སོ། །སྐྱ་བཟོ་གྲུབ། མཚོན་མ་བཏབ་པའི་བར་དེར། ཐུགས་ཀར་ཡི་གེ་བདུན་པ། མགྲིན་པར་བསྙེན་སྔགས་སྤྱི་བོར་ཉེ་བསྙེན་ལྟེ་བ་མན་ཆད་ཀྱི་ཆ་ལ་འཕྲེང་བའི་སྔགས་བྲི། ཡུམ་གྱི་གནས་གསུམ་ཆར་དུ་སྙིང་པོ་དང་ལྟེ་བ་མན་ཆད་ལ་འཕྲེང་བའི་སྔགས་བྲིའོ། །སྐབས་དེར་ཡང་སྦྱར་བ་དང་ཁྲུས་གསོལ་དང༌། སྔགས་དེ་རྣམས་ཉིད་མང་དུ་བཟླས་…

བཟླས་ནས་མེ་ཏོག་གཏོར་གསུང་བ་ཡོད་ཀྱང༌། ལག་ལེན་ལ་མེ་ཏོག་དམར་ནག་གམ་དཀར་དམར་གཉིས་བྱ། དཀར་པོའམ་ནག་པོ་ལ་ཡི་གེ་བདུན་པ་སྟོང་ཕྲག་གཅིག་བཟླས། དམར་པོ་ལ་ཡུམ་གྱི་སྙིང་པོ་ལྔ་བརྒྱ་བཟླས། དེ་ནས་མེ་ཏོག་གཉིས་བསྲེས། ཡེ་དྷར་ལན་ཉི་ཤུ་རྩ་གཅིག་བཟླས། ཨོཾ་ཀཱ་ལ་རཱུ་པ་ཡ་མ་རཱ་ཛ་ཡ་ཧཱུཾ་ཕཊ། ཅེས་པའི་ཡི་གེ་བཅུ་གཉིས་པ་དང༌། ཨོཾ་ཧྲཱིཿཙ་…

གནས་ཅན་གྱིས་ཀྱང༌། དམིགས་རྟེན་སྒྲུབ་རྟེན་རུང་ཙམ་ནི་ཡིན་ནོ། །བྲིས་སྐུ་འབྲི་ཚུལ་གྱི་རིམ་པ་སྟེ་གཉིས་པའོ། །༈ ད་ནི་འཁོར་ལོ་འབྲི་ཚུལ་བཤད་པར་བྱ་སྟེ། བྲི་གཞི་ནི་ཞིང་ཆེན་ལ་བཀབ་པའི་རས་སམ་དར་རམ་སོ་རས་སོགས་འབྱོར་ན་རབ། དེ་མིན་ཤོག་བུ་ལ་གྲི་ཁྲག་དང༌། དུག་གིས་ཅུང་ཟད་བྱུགས། བྱ་རོག་གི་ཁྲག་དང༌། རོ་སོལ་དང༌། བོང་བུའི་ཆུ་ད…

ར་ཡ་ཟེར་བ་ལྟ་བུ་དང༌། རྡོ་རྗེ་གདན་པ་རྣམས་ཀྱྀ་སརྦ་ཤ་ཏྲུན་ནི་བཱ་ར་ཡ་ཞེས་པ་ལྟ་བུ་འབྲི་སྟེ། དེས་གཞན་ལའང་རིགས་འགྲེ་ཤེས་དགོས། དམིགས་བསལ་རེ་རེ་ལ་བྱེད་ནས་སརྦ་ཞེས་པ་མི་འབྲི་སྟེ། ཤ་ཏྲུན་ཙན་སྐྱབས་ནི་བཱ་ར་ཡ་ཞེས་པ་ལྟ་བུ་འབྲི། དེས་གཞན་ལའང་རིགས་འགྲེ། དེའི་མཐའ་ཕཊ་གྱི་སྐོར་བའམ་ཕཊ་གཉིས་ཀྱི་བར་དུ་བཅུག །དབུས་སུ་ཡ་གཅིག་འ…