སུམ་ཅུའི་བར་དུ་བྱས་སོ། །འཕགས་པ་ཀླུ་སྒྲུབ་སྐུ་འདས་ནས། རྒྱལ་བོ་དྷརྨ་པཱ་ལ་བྱུང་གི་བར་དུ་ཡང་སྒྲོལ་མ་ལ་བརྟེན་ཏེ་དངོས་གྲུབ་ཐོབ་པ་ལྔ་སྟོང་ཙམ་བྱུང་སྟེ། འདི་སྐབས་ཀྱི་མི་རྣམས་སྒྲོལ་མ་འབྱུང་བའི་རྒྱུད་ལ་བརྟེན་ཏེ། གྲུབ་པ་ཐོབ་པ་ཁོ་ན་མང་གསུང་ངོ༌། །དེ་དག་སྒྲོལ་མའི་རྒྱུད་འདི་སྔོན་ཇི་ལྟར་དར་བའི་ཚུལ་ལོ། །བར་སྐབས་སུ་ཅུ…

འབྱུང་བ་དང༌། གཏུམ་པོ་ཁྲོ་བོ་དང༌། གདན་བཞི་ལས་ཀྱི་ཕྲེང་བ་ལ་སོགས་པ་རྒྱུད་སྡེ་ཆེན་པོ་འགའ་ཤས་དང༌། གྲུབ་ཐོབ་རྣམས་ཀྱིས་སྤྱན་དྲངས་པའི་རྒྱུད་ཀྱི་དུམ་བུ་ཆུང་ངུ་ལྔ་བརྒྱ་ཙམ་མམ་ཡང་ཟེར། སྟོང་ཙམ་མམ་ཡང་ཟེར་ཏེ། ཤིན་ཏུ་མང་པོ་ཡོད་པ་དེ་ཐམས་ཅད་ཀྱི་དཔེ་རྣམས་བསྡུས་ནས་གསེར་གྱི་སྒྲོམ་ཆེན་པོ་བརྒྱད་དུ་བཅུག །དེ་རྣམས་དངུལ་གྱི་ས…

པ་རྣམས་ལ་བཤད། ཌོམྦྷི་པ་ལ་ཀུ་ས་ལ་ཆུང་བས་ཞུས། དེ་ལ་ཨ་སི་ཏ་གྷ་ནས་ཞུས། དེ་ལ་ཛྙཱ་ན་མི་ཏྲས་གསན། དེ་ལ་གྲུབ་ཆེན་ཞི་བ་སྦས་པས་གསན། དེ་ལ་བདག་གི་བླ་མ་གསུམ་གྱིས་གསན་ནོ། །ཡང་ཏིལླི་པ་ལ། ལཱི་ལ་བཛྲས་ཞུས། དེ་ལ་ར་ཧུ་ལ་གུཔྟས་ཞུས། དེ་ལ་དཱི་པཾ་ཀཱ་ར་ཤྲཱི་ཛྙཱ་ནས་ཞུས། དེ་ལ་མ་དྷྱ་མ་སིདྷས་ཞུས། དེ་ལ་ཏཱ་ར་ཤྲཱི་མི་ཏྲས་ཞུས། དེ་ནས…

དྷཾ་ག་ལར་པཎྜི་ཏ་དྷརྨ་མི་ཏྲ་ཞེས་བྱ་བ་ཞིག་ལ་གསང་བ་འདུས་པའི་དབང་ནོས་ཏེ་ལོ་བདུན་དུ་སྒོམ་བཟླས་བྱས་ཀྱང་མཚན་མ་བཟང་བ་ཙམ་ཡང་མ་བྱུང་སྟེ། སྒོམ་འཕྲོ་བཅད་ནས་ཅི་བདེར་བཞུགས་པས། ནུབ་ཅིག་རྨི་ལམ་དུ་བུ་མེད་ཅིག་གིས་དཔལ་ནཱ་རོ་པའི་དྲུང་དུ་སོང་ཞེས་ལུང་བསྟན། དེ་ནས་ནཱ་རོ་པ་ལ་འཁོར་ལོ་སྡོམ་པའི་དབང་བསྐུར་ཞུས་པ་ཙམ་གྱིས་ཏིང་ངེ་འ…

འདིས་སྒྲོལ་མའི་ཞལ་གཟིགས་ཤིང༌། སྒྲོལ་མའི་རིག་སྔགས་ལ་བརྟེན་ནས་ཕན་ཚུན་དབང་དུ་བསྡུ་བའི་ལས་སྦྱོར་མཛད་དེ། འཁྲུག་པ་ཆེན་པོ་ལན་བརྒྱད་སྡུམ་སྐད། ཀནྡྷ་པ་ནི། སངས་རྒྱས་པའི་རྣལ་འབྱོར་པ་བློ་ཤིན་ཏུ་རྟུལ་བ་ལྟར་སྣང་བ་ཞིག་གམ། །ངོ་བོ་ནཱ་རོ་པ་ལ། སྒྲོལ་མ་འབྱུང་བའི་དབང་དང་བྱིན་རླབས་རྣམས་ཞུས། རྒྱུད་འདི་ལས་འབྱུང་བའི་ཧེ་རུ་ཀ་…

པོའི་མིང་སྟེ། དེ་ཕྱིན་ཆད་གྲུབ་ཐོབ་ཀནྡྷ་པར་གྲགས། ཡུན་རིང་དུ་འགྲོ་དོན་མཛད། མཐར་སྐུ་ལུས་དེ་ཉིད་ཀྱིས་མཁའ་སྤྱོད་དུ་གཤེགས་སོ། །ཡང་ཋཀ་ཀི་ན་ག་ན་པ་ནི། ཋཀ་ཀི་ཞེས་པ་གཡོ་སྒྱུའི་བྱ་བ་སྣ་ཚོགས་པས་འཚོ་བ་བསྒྲུབ་པའི་དོན་ཏེ། མཐའ་འཁོབ་ཀྱི་རིགས་ངན་གཅིག་ཡིན་གསུང༌། ན་ཀ་ན་ནི་ཚན་ཆེ་བའམ། སྟོབས་ཆེ་བའི་དོན་ནོ། །ཋཀ་ཀའི་རིགས་སུ་…

གསར་དུ་ཉན་པའི་ནུས་པ་མེད་ཞུས་པས། སྒྲོལ་མའི་དབང་བསྐུར་ཞིང་རྒྱུད་ཀྱང་གནང་ལ། བདེ་མཆོག་ཡབ་ཡུམ་གོ་ལྡོག་གི་གདམས་ངག་ཐམས་ཅད་རྫོགས་པར་གནང་བ་རྩེ་གཅིག་ཏུ་བསྒོམས་པས་མཆོག་གི་དངོས་གྲུབ་ཐོབ་སྟེ། ནཱ་རོ་པ་ཚོགས་ཀྱི་མཆོད་པ་རྒྱ་ཆེན་པོའི་གྲལ་དབུ་ལ་བཞུགས་པའི་དྲུང་དུ། ཕྱག་འཚལ་དུ་འོངས་ཏེ། ལུས་ལས་མེ་འབར་བ་དང༌། ས་གཡོ་བ་ལ་སོགས…

གཞན་དང་འདྲེ་བ་སོགས་ཀྱིས་སེམས་ལ་གནོད་པར་གྱུར་ནས་ཡང་མ་ག་དྷར་ཆོས་ལ་འོངས་པས། ཤིང་དྲུང་དེར་སྔར་གྱི་གྲུབ་ཐོབ་དེ་ཉིད་དང་མཇལ་བ། གྲུབ་ཐོབ་དེ་ནི་ཏིལླཱི་པ་ཆེན་པོའོ། །དེར་ཏིལླི་པས་རྒྱུད་བྱིན་གྱིས་བརླབས་ནས་དབང་བསྐུར་ཞིང་གདམས་ངག་བསྟན་པས་རིང་པོར་མི་ཐོགས་པར་གྲུབ་པ་བརྙེས་ཏེ། གླིང་བུ་འབུད་ཅིང་སྨྱོན་པའི་སྤྱོད་པས་སེམས་…

ཤིང༌། དང་པོ་ཉན་ཐོས་སེནྡྷ་པ་ཡིན་ཅིང༌། དེའི་རིང་ལུགས་ལ་ཤིན་ཏུ་མཁས་པ་ཞིག་སྟེ། ར་ཁང་གི་ཡུལ་གྲུའི་ཆར་གཏོགས་པ་ཧ་རི་པུཉྩ་གསེར་གྱི་གྲོང་སྟེ་དེར་སློབ་དཔོན་དྷརྨཱ་ཤཱི་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དང༌། སྔགས་ཀྱི་ཆོས་མང་དུ་གསན། ཁྱད་པར་དུ་དགྱེས་པ་རྡོ་རྗེ། བདེ་མཆོག་འཁོར་ལོ། སྒྲོལ་མ་འབྱུང་བ། ནག་པོ་ཆེན་པོའི་རྒྱུད་དེ…

ལ་མཁས་ཤིང་ནུས་པ་བརྙེས་པ། སྐུ་ཚེའི་སྨད་ལ་བལ་མོའི་ཡུལ་དུ་བཞུགས་ཤིང༌། རྣལ་འབྱོར་པའི་སྤྱོད་པ་མཛད་དེ། ཕྱག་རྒྱ་པདྨ་ཅན་ལས་དངོས་གྲུབ་ཐོབ་པ། འབྲས་བྲེ་གང་དང་ཆང་བུམ་པ་གཅིག་གིས་སྔགས་བཙུན་སྟོང་ཕྲག་གཉིས་ཙམ་ལ་འཁོར་ལོའི་མཆོད་པ་ཤིན་ཏུ་རྒྱས་པར་ལྡང་བ་སོགས་ངོ་མཚར་བའི་རྟགས་མང་པོ་ཅན་ཞིག་གོ །སློབ་དཔོན་རཱ་ཏི་གུཔྟས། སྒྲོལ་མ…

ལོ་ཀ་པྲ་དྭ་པ་ནི། རྒྱལ་རིགས་ཀྱི་པཎྜི་ཏ་ཞིག་སྟེ། ཀ་ན་ཀ་ཤྲཱི་ལ་རྩ་བའི་བླ་མར་མཛད། གསང་སྔགས་ཀྱི་ཆོས་ནི་སྒྲོལ་མ་འབྱུང་བའི་ཆོས་སྐོར་ཁོ་ན་ལ་ལེགས་པར་སྦྱངས་པ་ཞིག་ཡིན་ལ། ཡུལ་གུ་ཛི་ར་ཐར་སྐྱེད་ཚལ་སྟོང་པ་ཞིག་ཏུ་གནས་གཞི་བྱས་ནས། ལོ་དྲུག་ཙམ་དུ་སྔགས་འཆང་མོ་ཞིག་གིས་སྒྲུབ་གྲོགས་བྱས་ཏེ། སྒྲོལ་མའི་བསྐྱེད་རྫོགས་ཁོ་ན་བསྒོམ…

པ་ལ་གཙོ་བོར་མཆོད་པར་བྱེད་པ་ཡིན་ནོ། །དེ་གོང་ཡུལ་དེ་ན་སངས་རྒྱས་པ་ཉུང་ངུ་ལས་མེད་པ་ལ། རྒྱལ་པོ་དེ་ཉིད་ཀྱིས་ཀྱང་གཙུག་ལག་ཁང་བརྒྱད་བཞེངས་སོ། །དེ་ནས་བརྩམས་ཏེ་རིམ་པས་ད་ལྟའི་བར་དུ་ཡང་སངས་རྒྱས་ཀྱི་བསྟན་པ་དར་བར་ཡོད་དོ། །དེར་རྒྱལ་པོ་དེས་སངས་རྒྱས་ལ་དད་པར་གྱུར་པའི་ཚེ། ཀླ་ཀློའི་སྟོན་པ་ཀཱ་ཛི་རྣམས་ཀྱིས་སློབ་དཔོན་གྱི་ག…

སྟོང་ཙམ་ཡོད། སངས་རྒྱས་པའི་རབ་ཏུ་བྱུང་བ་ཉི་ཤུ་ཙམ་ལས་མེད་པ་ལ་སློབ་དཔོན་དེ་ཉིད་ཀྱི་སྐུ་རིང་ཉིད་ལ་ཀླ་ཀློ་ཐམས་ཅད་ནུབ་ཅིང་རྒྱལ་པོས་སངས་རྒྱས་པའི་སློབ་དཔོན་མང་པོ་སྤྱན་དྲངས་པ་ལ་བརྟེན་ནས་དགེ་སློང་རང་ཡང་སྟོང་ཕྲག་གཉིས་ཙམ་འཕེལ་སྐད། ལན་གཅིག་ཡུལ་དེར་མུ་གེ་ཆེན་པོ་བྱུང་བ་ལ་སློབ་དཔོན་གྱིས་ས་འོག་ནས་འབྲུའི་གཏེར་ཆེན་པོ་…

བར་གྱུར་ཏོ། །སློབ་དཔོན་འདི་ལ་ཏཱ་ར་ཤྲཱི་མི་ཏྲ་དང༌། ཆོས་འབྱུང་ཞི་བ་གཉིས་ཀྱིས་རྒྱུད་འདི་གསན། ཆོས་འབྱུང་ཞི་བ་ནི། རྩོད་དུས་ཀྱི་ཐམས་ཅད་མཁྱེན་པར་གྲགས་ཞེས་ཉི་མ་དཔལ་གྱིས་བཤད་ཀྱང༌། ལོ་རྒྱུས་མི་གསུང༌། དེ་ལ་སངྒྷ་ཤྲཱིས་ཞུས་པར་བྱས་ཀྱང་ཆོག་གསུང༌། གྲུབ་པའི་སློབ་དཔོན་ལོ་ཀ་པྲདྷས་སྒྲུབ་ཐབས་དང༌། རྒྱུད་ཀྱི་བསྡུས་པའི་དོན…

ཤོག་སྟོང་།

ཡི་དམ་རྒྱ་མཚོའི་སྒྲུབ་ཐབས་རིན་ཆེན་འབྱུང་གནས་ཞེས་བྱ་བ་བཞུགས་སོ།

ཨོཾ་སྭཱ་སྟི། ཡི་དམ་རྒྱ་མཚོའི་སྒྲུབ་ཐབས་རིན་ཆེན་འབྱུང་གནས་ཞེས་བྱ་བ། ཕྱོགས་བཅུ་དུས་གསུམ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་དང༌། བླ་མ་ཡི་དམ་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་རྣམས་ལ་ཕྱག་འཚལ་ལོ། །རྒྱལ་བ་རྣམ་འདྲེན་ཤཱཀྱ་སེང་གེ་དང༌། །བླ་མ་རྡོ་རྗེ་འཛིན་པ་དབྱེར་མེད་སྐུ། །ཐར་པའི་ལམ་སྟོན་དེ…

འཚོལ་འདོད་ཀྱང༌། །སྲིད་ཞིའི་ལོངས་སྤྱོད་འཇོམས་པར་བྱེད་མཐོང་ནས། །གང་ཞིག་སྟོབས་ལྡན་ཡེ་ཤེས་དཔུང་གི་ཚོགས། །སྣང་སྟོང་ལྷ་སྐུའི་གོ་ཆ་ཆུ་ཁུར་འཕྲེང༌། །རབ་འབྱམས་འཕྲིན་ལས་མཚོན་ཆར་དཀྲིགས་པ་དེས། །རབ་བསྲུང་བདེ་བའི་གནས་སུ་ཕྱིན་བྱེད་འགྱུར། །བར་ཆད་ས་རྡུལ་མི་བཟད་ཞི་བྱེད་ཅིང༌། །གྲུབ་པའི་ལོ་ཏོག་རྣམ་པར་རྒྱས་འདོད་ལ། །སྒྲུབ…

སུ་འབྲེལ་བའི་སྒྲུབ་ཐབས་སྣ་ཚོགས་པ་མཛད་པ་རྣམས་དེང་འདིར་ཆབས་ཅིག་ཏུ་འགོད་པར་བྱ་སྟེ། ཇི་ལྟར་རྒྱ་མཚོ་ལས་ཆར་སྤྲིན་གྱི་ཕུང་པོ་དག་བྱུང་ལ། དེ་དག་ལས་ཀྱང་ཡན་ལག་བརྒྱད་དང་ལྡན་པའི་ཆར་དག་ཡུལ་སོ་སོར་བབས་སོ། །དེ་དག་ཀྱང་སའི་བྱེ་བྲག་ཐ་དད་པ་དང་འབྲེལ་བས། ཆུ་མིག་དང༌། ལྟེང་ཀ་དང༌། ལུ་མ་དང༌། མཚེའུ་དང༌། མཚོ་རྫིང་སྣ་ཚོགས་པར་གྱ…

རུང་བའི་དཀྱིལ་འཁོར་དུ་དབང་བསྐུར་བ་ནོད་པ་ལ་འདི་དག་སྦྱིན་པར་བྱའོ། །སློབ་དཔོན་ཡང་འདི་དག་ཐོབ་པ་ཙམ་གྱིས་ཆོག་པ་མ་ཡིན་ཏེ། རབ་ཏུ་ན་དཀྱིལ་འཁོར་གྱི་བདག་པོ། འདིར་བཤད་ཀྱི་ལྷ་རིགས་གཙོ་བོ་གཙོ་མོ་རྣམས་ཀྱི་བསྙེན་པ་སོང་བ་ཞིག་དགོས་ཤིང༌། མིན་ནའང་དམ་ཚིག་ཅན་ཐེག་པ་བླ་ན་མེད་པར་དཀྱིལ་འཁོར་ཆེན་པོ་གཅིག་གི་བསྙེན་པ་མཐར་ཕྱིན་པ།…