དཔལ་ལྡན་འདོད་ཁམས་དབང་ཕྱུག་མ། །དམ་ཅན་སྲུང་མ་རྒྱ་མཚོའི་ཚོགས། །ལྷ་དང་འབྱུང་པོ་མཐུ་བོ་ཆེ། །ལྷ་སྲིན་སྡེ་བརྒྱད་དཔང་མཛོད་ཅིག །ཞལ་ལྕེ་སྣང་སྲིད་ལྷ་འདྲེས་ཆོད། །ང་ཡི་མ་ཉེས་མ་ཡོའོ། །སྡིག་ཅན་འདི་ཡིས་ཉེས་ཀུན་བྱས། ཁ་སྨྲས་སྲུང་མ་གཉན་པོས་ཐོགས། །དམ་ཉམས་སྡིག་ཅན་གཤེད་མ་འདིས། །སངས་རྒྱས་བསྟན་པ་འདི་ཡིས་བཤིག །དཀོན་མཆོག་དབུ…

རིལ་བྷྱོ། །དགྲ་བོའི་དབུགས་རྔུབས་ཐུམ་ཧྲིལ་བྷྱོཿ དགྲ་བགེགས་སྲོག་ལ་བྲེང་བྲེང་རྒྱུག །དགྲ་བགེགས་སྙིང་ལ་རྦད་ཤཀ་བྷྱོཿ ཞེས་པ་དང༌། རོལ་མོ་དྲག་ཏུ་བྱའོ། །གཏོར་ཟོར་འཕེན་ནའང་བསྐུལ་བ་འདི་ཉིད་བྱེད་པ་ཡིན། དུས་རྒྱུན་གྱི་བསྐང་བ་ལ་དྲག་བསྐུལ་མེད་ཀྱང་ཆོག་གོ །དེ་ནས་ཐུན་གྱི་མཐར་ཐུན་གཏོར་འབུལ་བའམ། གཏོར་སྒྲུབ་གྲོལ་བའི་ཚེ་འཛ…

དར་བ་དང༌། །འཁོར་རྣམས་བསྲུང་ཞིང་རྐྱེན་རྣམས་བཟློག་པ་དང༌། །བསམ་དོན་ཐམས་ཅད་ཡིད་བཞིན་འགྲུབ་པར་མཛོད། །བྷྱོཿབྷྱོཿ དེ་ནི་དམ་ཉམས་དགྲ་ལ་བྷྱོཿ བགེགས་རིགས་སྟོང་ཕྲག་བརྒྱད་ཅུ་དགྲ་ལ་བྷྱོཿ གདོན་རིགས་སུམ་བརྒྱ་དྲུག་ཅུ་དགྲ་ལ་བྷྱོཿ ནད་རིགས་བཞི་བརྒྱ་རྩ་བཞི་དགྲ་ལ་བྷྱོཿ ཤ་ཟ་ཁྲག་འཐུང་ཐམས་ཅད་དགྲ་ལ་བྷྱོཿ དགྲ་བོའི་སྲོག་ལ་རོལ་…

འདི་ཡང༌། དོན་གཉེར་མང་པོས་བསྐུའ་བའི་ངོར། ཏཱ་ར་ནཱ་ཐས་བར་སྐབས་སུ་སྨྲས་པའོ། །ཚིག་འབྱམས་ཆེས་པ་ལས་སྙིང་པོ་བསྡུས་པ་ཅུང་ཟད་དང༌། ཁ་སྐོང་ཚིག་རེ་ཙམ་དང༌། གོ་རིམ་བདེ་བར་བསྒྱུར་བ་རེ་རེ་ཙམ་མ་གཏོགས་ཕལ་ཆེར་གཞུང་དང་ཡིག་རྙིང་བཞིན་དུ་བྲིས་པའོ། །གཅིག་ཞུས། །མངྒ་ལཾ།།

དཔལ་ལྷ་མོ་རྡོ་རྗེ་རབ་བརྟན་མའི་གཏོར་ཆོག་ངག་འདོན་བཞུགས་སོ། །

ཨོཾ་སྭཱ་སྟི། དཔལ་ལྷ་མོ་རྡོ་རྗེ་རབ་བརྟན་མའམ་རྡོ་རྗེ་གཤོག་རྒོད་མའི་མཚན་དུ་གསོལ་བ་འདི་ལ། གཏོར་མའི་མཆོད་པ་འབུལ་ཞིང་བསྙེན་པར་འདོད་ན། གཏོར་མ་སྙིང་གཟུགས་མ་ཤ་ཁྲག་གིས་བརྒྱན་པ་ཇི་ལྟར་འོས་པས་ཀྱང་རུང་ལ། འཁོར་ལས་མཁན་གཉིས་ལ་བཤོས་ཕྲན་ཟུར་བཞི་སྦྲུལ་ཐོད་ཅན་རེ། གཙོ་མོའི་གཏོར་མའི་མདུན་དུ་བཤོམ་པའང་འདུག་པ་རུང་མོད། ལ་ལས་…

མཐུན་པར་བསྒྲིག །ཡང་རྒྱུན་ཁྱེར་ཤིན་ཏུ་བསྡུས་པའི་སྐབས་གཏོར་མ་གྲུ་གསུམ་རང་ཞིག་བཅས་ཏེ། དེ་ཉིད་འདོད་ཡོན་ཀུན་འདུས་ཡིན་པས་མཆོད་པ་གཞན་མ་བཤམ་ཀྱང་བསྔོ་རུ་རུང་ངོ༌། །དེ་ནས་ཡི་དམ་གང་ཡང་རུང་བའི་བདག་བསྐྱེད་བཟླས་པ་དང་བཅས་པ་སྔོན་དུ་སོང་ནས། ཡི་དམ་གང་ཡིན་དེ་ཀའི་ལུགས་ཀྱི་གཏོར་མ་དང་ནང་མཆོད་ལྷན་ཅིག་བྱིན་རླབས་བྱས་པས་རུང་ལ…

ཅད་ཤ་ལྔའི་རྣམ་པར་གྱུར་ཏེ། དབུས་སུ་མི་ཤ་ཧཱུཾ་སྔོན་པོས་མཚན་པ། ཤར་དུ་བ་ལང་གི་ཤ་ཨོཾ་དཀར་པོས་མཚན་པ། ལྷོར་ཁྱིའི་ཤ་ཏྲཾ་སེར་པོས་མཚན་པ། ནུབ་ཏུ་རྟའི་ཤ་ཧྲཱིཿདམར་པོས་མཚན་པ། བྱང་དུ་གླང་པོ་ཆེའི་ཤ་ཨཿལྗང་ཁུས་མཚན་པ། བདུད་རྩི་སྨན་གྱི་གནས་སུ་བཏུང་བ་དང་བཾ་རྫས་ཀྱི་བྱེ་བྲག་རྣམས་བདུད་རྩི་ལྔར་གྱུར་པ་ནི། དབུས་སུ་བྱང་སེམས་མུ…

ཞེས་བྱིན་གྱིས་བརླབ་བོ། །ཤིན་ཏུ་བསྡུས་པའི་སྐབས་གཏོར་མ་དམར་གྱི་རྒྱན་དང་མྱོས་བྱེད་ཀྱིས་སྦྲན་པ་ཉིད་ལ་གཏོར་སྨན་རག་གསུམ་ཚངས་པ་ཡིན་ནོ། །ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས། མེ་རླུང་འཚུབ་མའི་དབུས། རྡོ་རྗེའི་ས་གཞི་དང་ལྕགས་རིས་བསྐོར་བའི་ནང༌། རཀྟའི་རྒྱ་མཚོ་ཆེན་པོ་རྦ་ཀློང་འཁྲུགས་པའི་དབུས་སུ། བྷྲཱུཾ་ལ…

རགས་བཅིངས་པ། ཐོད་སྐམ་གྱི་དབུ་རྒྱན་དང༌། མི་མགོའི་དོ་ཤལ་དང༌། རུས་པ་དང་སྦྲུལ་གྱིས་བརྒྱན་པ། ལྟེ་བ་ནས་ཉི་མ་དང༌། སྤྱི་གཙུག་ནས་ཟླ་བ་འཆར་བ། ཁྲག་ཞག་གི་ཐིག་ལེས་བརྒྱན་ཞིང་སྐུ་ལས་མེ་འོད་འཕྲོ་བ། རླུང་ནག་འཚུབ་མའི་དབུས་ན་དྲེལ་རྟ་རྐང་གསུམ་ལ་ཆིབས་པའོ། །འདིར་ལྷ་མོ་འདི་རྡོ་རྗེའི་གཤོག་པ་ཅན་དུ་བྱེད་པའི་ལུགས་གཅིག་ཀྱང་ཡོད…

ཆོ་འཕྲུལ་ཅན། །མིང་པོས་འབོད་ཀྱི་ད་ཚུར་བྱོན། ཁྱོད་ཀྱི་ཐུགས་ཀྱི་དཀྱིལ་འཁོར་ནས། །འདོད་ཁམས་མ་མོ་སྟོང་སྟོང་འགྱེད། །མ་ཡི་གསང་བའི་དཀྱིལ་འཁོར་ནས། །ལས་ཀྱི་མ་མོ་སྟོང་ཕྲག་འགྱེད། །མ་ཡི་ཞབས་མཐིལ་གཡས་གཡོན་ནས། །ཕོ་ཉ་འབུམ་དང་ཉི་ཁྲི་འཁྱེད། །བདུད་དང་ལྷ་འདྲེ་ངན་སེམས་ཅན། །དགྲ་བོ་ཀུན་འདུལ་གནས་འདིར་བྱོན། །རཀ་མོ་དུ་ར་དུན་ཏ…

རླབས་ཁ་གསོས་ལ། སྔགས་སྙིང་པོ་དེ་ཉིད་ཚར་གཅིག་གི་རྗེས་ལ་འདི་འདོགས་ཏེ། ཨོཾ་བ་ལིང་ཏ་ཁ་རཾ་ཁཱ་ཧི། ཨོཾ་ཡོ་གི་ནཱི་ཁ་རཾ་ཁཱ་ཧི། ཌཱ་ཀི་ནཱི་ཁ་རཾ་ཁ་ཧཱི། སྟྭཾ་པ་བྷ་ག་ཏ་ཨ་ཀ་ས་ལ་ཧོ། ཞེས་པ་ལན་བདུན་གྱིས་གཏོར་མ་ཕུལ། དེ་བཞིན་དུ་སྙིང་པོའི་མཐར། ཨོཾ་པཉྩ་ཨ་མྲྀ་ཏ་ཁ་རཾ་ཁཱ་ཧི། ཡོ་གི་ནི་སོགས་གོང་བཞིན། ལན་གཅིག་གམ་གསུམ་གྱིས་བདུད་…

ནག་ཚལ་དྲ་བ་ཅན་གྱི་གཙོ་མོ་སྟེ། །གནོད་སྦྱིན་རེ་མ་ཏཱི་ལ་ཕྱག་འཚལ་བསྟོད། །ཅེས་པས་བསྟོད། བྷྱོཿ དཔལ་ལྡན་རྡོ་རྗེ་རབ་བརྟན་མ། །སྐུ་མདོག་མཐིང་ནག་ཆེན་པོ་ལ། །ཞལ་གཅིག་ཕྱག་གཉིས་སྤྱན་གསུམ་མ། །ཕྱག་གཡས་རལ་གྲི་འབར་བ་བསྣམས། །གཡོན་པའི་ཕྱག་གིས་ནེའུ་ལེ་འཛིན། །ཆིབས་སུ་དྲེའུ་རྟ་རྐང་གསུམ་ཆིབས། །སྐུ་ལ་མི་ལྤགས་གཡང་གཞི་གསོལ། །ལ…

དཔལ་ཚོགས་ཀྱི་བདག་པོའི་སྒྲུབ་ཐབས་བཞུགས་སོ། ཨོཾ་སྭཱ་སྟི། གསང་བའི་བདག་པོ་ཧེ་རུ་ཀ །འབྱུང་པོ་འདུལ་དང་ཚོགས་བདག་གི །སྒྲུབ་ཐབས་རྨད་བྱུང་ངོ་མཚར་ཅན། །ཀུན་གྱི་མཆོག་གྱུར་བཤད་པར་བྱ། །ཚོགས་བདག་གི་སྒྲུབ་ཐབས་ཐམས་ཅད་ཀྱི་རྒྱལ་པོ་ཚོགས་བདག་དམར་ཆེན་འདི་ཡིན་ནོ། །དབེན་པའི་གནས་སུ་མཎྜལ་ལ་པདྨ་འདབ་བརྒྱད་དམར་པོ་བྲིས། དེའི་དབུས…

པའི་བསྲུང་བའི་འཁོར་ལོའི་ནང་དུ། པཾ་ལས་པདྨ་དང་རཾ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུཾ་མཐིང་ནག་ལས་རྡོ་རྗེ་ཧཱུཾ་གིས་མཚན་པ། དེ་ལས་འོད་ཟེར་འཕྲོས་འདུས་ཡོངས་སུ་གྱུར་པ་ལས་རང་ཉིད་ཁྲོ་བོའི་རྒྱལ་པོ་འབྱུང་པོ་འདུལ་བྱེད་སྐུ་མདོག་སྔོན་པོ་ཞལ་གཅིག་ཕྱག་བཞི་པ་གཡས་དང་པོས་བ་དན་རྩེ་གསུམ་དང་བཅས་པའི་རྡོ་རྗེ། གཡོན་དང་པོས་བྷ…

བཏབ་པས། ཨོཾ་བཛྲ་བྷ་བ་ཨ་བྷི་ཥིཉྩ་ཧཱུཾ་ཞེས་གསུང་ཞིང་བུམ་པའི་ཆུས་སྤྱི་བོ་ནས་དབང་བསྐུར། སྐུ་གང་དྲི་མ་དག་ཆུའི་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན། ཚོགས་ཞིང་གི་སྐབས་ལྟར་མཆོད། འབར་བའི་སྐུ་ཅན་ཉི་མ་འབུམ་གྱི་གཟི། །དཔའ་བོའི་སྟང་སྟབས་ཞབས་ཀྱིས་ས་འོག་གཡོ། །རབ་ཏུ་ཁྲོས་པའི་ཁྲོ་གཉེར་གློག་སྟོང་འཁྱུག །དཔལ་ཆེན་འབྱ…

རིན་པོ་ཆེ་སྣ་ཚོགས་སྐྱུག་པའི་སྟེང་དུ་གཿཡིག་དམར་པོ་ཡོངས་སུ་གྱུར་པ་ལས་དཔལ་ཚོགས་ཀྱི་བདག་པོ་སྐུ་མདོག་དམར་པོ་གླང་པོ་ཆེའི་གདོང་པ་ཅན་རྣོ་ཞིང་དཀར་བའི་མཆེ་བ་རབ་ཏུ་གཙིགས་ཤིང་སྤྱན་གསུམ་དང་ལྡན་པ། དབུ་སྐྲ་ནག་པོ་སྤྱི་བོར་བཅིངས་པའི་རྩེ་མོར་ཡིད་བཞིན་གྱི་ནོར་བུའི་མཚན་ཞིང་དར་དམར་པོའི་ཅོན་པན་ཅན། ཕྱག་བཅུ་གཉིས་ཀྱི་གཡས་པ་…

བསམ་སྟེ། དེ་ལ་ཨོཾ་པདྨ་ཀ་མ་ལ་ཡ་སྟྭཾ། ཞེས་པས་གདན་ཕུལ་ནས། ས་མ་ཡ་ཧོ་ཞེས་པས་དམ་ལ་བཞགསླར་ཡང་ཐུགས་ཀ་ནས་འོད་ཟེར་འཕྲོས་པས་དབང་ལྷ་སྤྱན་དྲངས་བ་སོགས་གོང་བཞིན་བྱས་ནས། ཆུའི་ལྷག་མ་ཡར་ལུད་པ་ལས་འོད་དཔག་མེད་ཀྱིས་དབུ་བརྒྱན་པར་མོས་ལ། བྱིན་གྱིས་བརླབས་པའི་མཆོད་པ་རྣམས། ཨོཾ་ག་ན་པ་ཏི་ཨརྒྷཾ་པྲ་ཏཱིཙྪ་སྭཱཧཱ་ཞེས་སོགས་ཀྱིས་དབུལ།…

འཛིན་སྔགས་དང་ཕྱག་རྒྱས་རྣམ་འཕྲུལ་ལས། །བྱུང་བའི་བླ་མེད་མཆོད་པ་འདི་དག་འབུལ། །གཟུགས་སྒྲ་དྲི་རོ་རེག་སོགས་ཀུན་ལྡན་པའི། །འདོད་ཡོན་ཚོགས་ཀྱི་མཆོད་པ་བཞེས་སུ་གསོལ། །བདག་ཉིད་དང་བས་བཤམས་ཤིང་སྤྲུལ་བ་ཡི། །མཆོད་པའི་ཚོགས་ཀྱིས་ལྷ་ཆེན་མཉེས་གྱུར་ཅིག །མཆོད་བསྟོད་འདོད་དོན་ཞུས་ཏེ། ཁྲོ་བོ་ཆེན་པོ་མི་དམིགས་པར་སྦྱངས། བྲིས་སྐུ…