བབ་པར་མཁྱེན་ཏེ་ཕྱག་ན་རྡོ་རྗེ་ལ་ཞལ་འཛུམ་པ་མཛད་ནས་འོད་ཟེར་གྱིས་བསྐུལ་བས། ཕྱག་ན་རྡོ་རྗེ་ཁྲོ་བོའི་རང་བཞིན་དུ་གྱུར་པ་དང་བཅས་པས་འཇིགས་སུ་རུང་བའི་སྒྲ་སྒྲོག་པ། ཕྱག་གཡས་ན་རྡོ་རྗེ་གཡོན་པས་སྡིགས་མཛུབ་མཛད་ཅིང་གསུང་གི་ང་རོ་དྲག་ཏུ་རྔམ་པའི་ཧཱུཾ་སྒྲ་སྒྲོག་སྟེ། ནག་པོ་འཁོར་བཅས་ཐམས་ཅད་ལ་གཟིར་ཞིང་ཚར་བཅད་ནས་རང་གི་སྐུར་ས…

པ་བསྲུང་བར་ཁས་བླངས་པས། །ཤཱཀྱ་སེངྒེའི་བསྟན་པ་ལ། །དམ་ཚིག་ཆེན་པོར་གནས་པར་གྱིས། །ཞེས་བསྒོ་ཞིང་སངས་རྒྱས་ཀྱི་བསྟན་པ་བསྲུང་བར་གཉེན་དུ་གཏད་པས། བཅོམ་ལྡན་འདས་ལ་དགའ་ཞིང་བཀའ་ཉན་པ་དང༌། ཐམས་ཅད་ཀྱང་རྫུ་འཕྲུལ་གྱི་ནུས་པ་རྫོགས་ཏེ་སངས་རྒྱས་སྟོང་རྩ་གཉིས་གྱིས་བསྟན་པ་བསྲུང་བའི་བྱ་བ་བྱེད་ཅིང༌། སྐུ་གསུང་ཐུགས་ཡོན་ཏན་འཕྲིན་ལ…

ནོ། །དེ་ལ་འདི་ནི་ཐུགས་ཀྱི་མགོན་པོ་ཡིན་པས་དེའི་བཀའ་ནོན་དུ་ཕྱག་ན་རྡོ་རྗེའམ་ཀྱཻ་རྡོ་རྗེ་ལ་སོགས་པ་ཐུགས་ཀྱི་ཁྲོ་བོ་འབྱུང་བ་ཡིན་ནོ། །ཐུགས་ཀྱི་མགོན་པོ་འདི་ལ་ཡང་བིང་ཅན་དང་གྲི་གུག་ཅན་གཉིས། བིང་ཅན་ལ་བཞི། བིང་སྐོར་སྐུ་ཕྱི་སྒྲུབ་ཀྱི་ལུགས། སྟག་བཞོན་ནང་གསུང་སྒྲུབ། ཏྲག་ཤད་གསང་བ་ཐུགས་ཀྱི་སྒྲུབ་པ། དེ་དག་གི་བཀའ་སྡོད་…

ལ། མགོན་པོ་ཉིད་ཀྱིས་རེ་མ་ཏི་ཐལ་ལྕག་གིས་བསྣུན་ཏེ། འདི་ལྟ་བུའི་བསྟན་པ་ལ་གནོད་པར་བྱེད་པའི་དམ་ཉམས་ཤ་ཟའམ་ཞེས་ཟེར་ནས་རེ་མ་ཏི་མྱོས་སུ་བཅུག །ངའི་སྲིང་མོ་འདིས་ད་རུང་ཁྱོད་ལ་བར་ཆད་བྱེད་དོ། །འདི་སྒྲུབས་ཤིག་གསུངས་ནས་མགོན་པོའི་སྒྲུབ་ཐབས་བྱིན་པ་ཡིན་ནོ། །དེ་ལ་རྐྱང་དུ་སྒྲུབ་པ་དང་སྦྲགས་སུ་སྒྲུབ་པའོ། །རྐྱང་དུ་སྒྲུབ་པའ…

འཇམ་དབྱངས་མ་ཏིས་བསྡེབས་པའོ།། །།དཔལ་ལྡན་ནག་པོ་ཆེན་པོ་ལྕམ་དྲལ་གྱི་བྱུང་ཚུལ་ཅི་རིགས་པ་འདི་ནི་བུ་སློབ་མ་མང་པོས་ཡང་ཡང་བསྐུལ་ངོར། འཇམ་དབྱངས་མ་ཏི་པཎ་ཆེན་གྱིས་དགེ་ལྡན་ས་བཟང་དུ་སྦྱར་བའོ།། །། མངྒ་ལཾ།།བྷ་ཝནྟུ།། ཤུབྷཾ།། ལེགས་བཞེངས་དགེ་བས་བདག་ཅག་གིས། །འདི་དང་ཚེ་རབས་ཐམས་ཅད་དུ། །རྒྱལ་བསྟན་རིན་ཆེན་གུས་བཀུར་ཏེ། །སྒོ…

བསྲུང་འཁོར་རྡོ་རྗེ་བྲག་རྫོང་མའི་བརྒྱུད་འདེབས་བཞུགས།

ཨོཾ་སྭཱ་སྟི། རིགས་ཀུན་ཁྱབ་བདག་རྒྱལ་བ་རྡོ་རྗེ་འཆང༌། །ཟུང་འཇུག་ཡེ་ཤེས་མཆོག་མངའ་རྡོ་རྗེའི་གུར། །གྲུབ་པ་མཆོག་གི་ས་བརྙེས་མཆོག་སྲེད་ལ། །གསོལ་བ་འདེབས་སོ་བདག་རྒྱུད་བྱིན་གྱི་རློབས། །པཎ་ཆེན་གྲུབ་པའི་རྩེར་སོན་ནོར་གླིང་པ། །མཁས་པའི་ཕུལ་ཕྱིན་དད་བྱེད་གོ་ཆའི་ཞབས། །འཇིག་རྟེན་མིག་གཅིག་རིན་ཆེན་བཟང་པོ་ལ། །གསོལ་བ༴ །རིག་…

འཕགས་པའི་ཞབས། །དམ་ཅན་བྲན་དུ་འཁོལ་བ་ཀུན་དགའ་གྲགས། །མཁས་བཙུན་བཟང་པོ་དཔལ་འཛིན་ཀུན་བསོད་ལ། །གསོལ་བ༴ །གསང་ཆེན་གདམས་པའི་མཛོད་འཛིན་རིན་ཆེན་རྒྱལ། ཁམས་གསུམ་འགྲོ་བའི་བླ་མ་ཆོས་ཀྱི་རྗེ། །ངུར་སྨྲིག་འཛིན་དབང་དཔལ་ལྡན་ཚུལ་ཁྲིམས་ལ། །གསོལ་བ༴ །དབང་ལུང་གདམས་པའི་གཏེར་མཛོད་ངོར་ཆེན་ལ། །རྡོ་རྗེ་འཛིན་པ་བློ་གྲོས་དབང་ཕྱུག་ཞབས…

ཟབ་དོན་སྤེལ་མཛད་ངག་དབང་བསམ་གཏན་སོགས། །མཆོག་གསུམ་ཀུན་འདུས་རྩ་བརྒྱུད་བླ་མ་ལ། །གསོལ་བ༴ །རྡོ་རྗེ་བྲག་རྫོང་དམར་ནག་འཇིགས་རུང་བར། །མི་ཕྱེད་བསྲུང་བའི་འཁོར་ལོ་བརྟན་བཞུགས་པའི། །རབ་འཇིགས་ཁྲོ་ཆེན་རྣམ་བཅུའི་ཏིང་འཛིན་གྱིས། །མི་མཐུན་གཡུལ་ལས་རྒྱལ་བར་བྱིན་གྱིས་རློབས། །དུས་གསུམ་རྒྱལ་བ་ཀུན་གྱིས་ཡེ་ཤེས་ལས། །རྣམ་པར་འཕྲུ…

བསྲུང་འཁོར་རྡོ་རྗེ་བྲག་རྫོང་མ་རྒྱས་པའི་ཁྲིད་ཡིག་འདུས་གསལ་ཚང་བ་ཞེས་བྱ་བ་བཞུགས།

ཨོཾ་སྭཱ་སྟི། དཔལ་ལྡན་རྡོ་རྗེ་ཧེ་རུ་ཀ །རབ་ཁྲོས་མགོན་ལ་བཏུད་བྱས་ནས། །མཆོག་ཏུ་ཟབ་པར་གྲགས་པ་ཡི། །བསྲུང་བཟློག་བསད་གསུམ་མདོ་ཙམ་བྲི། །མགོན་པོ་ཁྲོ་བཅུའི་སྒྲུབ་ཐབས་ལས་བརྩམས་ནས། བསྙེན་པའི་མན་ངག་བསྲུང་འཁོར་རྡོ་རྗེ་བྲག་རྫོང་མར་གྲགས་པའི་རྒྱུན་ཁྱེར་གྱི་ངག་འདོན་དང༌། ལས་ཚོགས་བསྲུང་བཟློག་བསད་པའི་མན་ངག་ཉེར་མཁོ་ཅུང་ཟད…

འཕྲོས། རྡོ་རྗེ་ས་གཞིར་ར་བ་དྲྭ་བ་གུར་བླ་བྲེ་ཡེ་ཤེས་ཀྱི་མེ་འབར་བའི་ནང་དུ། ཧཱུཾ་བྷྲུཾ་ཧཱུཾ། སྔོན་པོ་ཞུ་བ་ལས་བྱུང་བའི་གནམ་ལྕགས་འབར་བའི་འཁོར་ལོ་རྩིབས་བཅུ་པ། རྩེ་མོ་རྣོ་བ། ཁོག་པ་སྟོང་པ་ཡངས་ཤིང་རྒྱ་ཆེ་བ། གོ་སྐབས་མེད་པར་གྱུར། འཁོར་ལོའི་ནང་གི་དབུས་དང་ཕྱོགས་བཅུར་པདྨ་དང་ཉི་མའི་དཀྱིལ་འཁོར་རེ་རེ། དེ་རྣམས་ཀྱི་སྟེ…

འོག་ཏུ་འཛིན་པ། ཕྱག་གཉིས་ཅན་གྱི་དབུས་ན་རྣམ་སྤྲུལ་གྱི་གནྡྷེ་བསྣམས་པ། སྤྱན་གསུམ་དང་ལྡན་པ། ཞལ་མཆེ་བ་གཙིགས་པ། དབུ་སྐྲ་སེར་པོ་གྱེན་དུ་བརྫེས་པ། མི་མགོ་སྐམ་པོ་ལྔའི་དབུ་རྒྱན་དང༌། རློན་པ་ཁྲག་འཛག་པ་ལྔ་བཅུའི་དོ་ཤལ་ཅན། རུས་པའི་རྒྱན་དྲུག་དང༌། སྦྲུལ་གྱིས་བརྒྱན་པ། སྟག་གི་ལྤགས་པའི་ཤམ་ཐབས་ཅན། དར་སྣ་ཚོགས་ཀྱི་ཅོད་པན་དང…

དང༌། ཕོ་ཉ་སྡེ་བརྒྱད་ཀྱིས་བསྐོར་བར་གྱུར། ཐམས་ཅད་ཀྱི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུཾ། རང་གི་སྙིང་གའི་ཧཱུཾ་ལས་འོད་འཕྲོས་རང་བཞིན་གྱི་གནས་ནས། སངས་རྒྱས་དང་བྱང་ཆུབ་སེམས་དཔའི་ཚོགས་ཐམས་ཅད། དཔལ་མགོན་པོ་བཅུ་གཅིག །བསྲུང་བའི་འཁོར་དང་བཅས་པ་ལ་རྡོ་རྗེ་ཁྲོ་བོ་དམ་ཅན་བསྲུང་མའི་ཚོགས་བསམ་གྱིས་མི་ཁྱབ་པས་བསྐོར་བ་དང…

དེ་ལ་བསྟོད་བྱེད་གུས་པས་ཕྱག་ཀྱང་འཚལ། །ཅེས་པས་བསྟོད། དེ་ནས་བར་འདིར་འོག་ནས་འཆད་པའི་གནད་ལྔ་པོ་གསལ་བཏབ། ཨོཾ་བཛྲ་ཙཀྲ་རཀྵ་ཧཱུཾ་བྷྲུཾ་ཧཱུཾ་ཕཊ། ཅེས་བརྗོད། ཨོཾ་མཧཱ་ཀཱ་ལ་ཧཱུཾ་ཕཊ། ཅེས་པ་དང༌། ཨོཾ་ཤྲཱི་མཧཱ་ཀཱ་ལ་ཡ་ཧཱུཾ་ཧཱུཾ་ཕཊ་སྭཧཱ། ཞེས་པ་དང༌། ཤམ་བུ་ཅན་སོགས་མང་དུ་བཟླ་ཞིང༌། མཇུག་ཏུ་དགྲ་བགེགས་བསད་བཅད་ཀྱིས་ལས་མཛད་པར་…

གྱི་སེམས་དང་ལྡན་པ་རྣམས་དང༌། བསམ་པ་ངན་པ་དང་སྦྱོར་བ་ངན་པར་བྱེད་པའི་དགྲ་དང་བགེགས་དང༌། བྱད་མ་ཐམས་ཅད་ཀྱི་བསམ་ངན་སྦྱོར་རྩུབ་ཐམས་ཅད་དབྱིངས་སུ་ཞི་བར་གྱུར་ཅིག །གལ་ཏེ་ཞི་བར་མ་གྱུར་ན་དེའི་ཚེ་དེ་དག་ཐམས་ཅད་ཀྱི་ལུས་བཅིང་བར་བགྱིའོ། །ངག་བཅིང་བར༴ །ཡིད་བཅིང་བར༴ །མཐུ་བརླག་པར་གྱུར་ཅིག །སྟོབས་བརླག་པར༴ རྫུ་འཕྲུལ་བརླག་པར༴…

རྣམས་ཀྱིས། །དགྲ་བགེགས་རྣམས་ནི་ཐམས་ཅད་ཀྱི། །ལུས་ངག་ཐལ་བའི་རྡུལ་དུ་རློག །རྣམ་ཤེས་ཆོས་ཀྱི་དབྱིངས་སུ་སྒྲོལ། །བགེགས་དང་ལོག་པར་འདྲེན་པ་རྣམས། །འདུལ་དཀའ་འདུལ་ཕྱིར་དཔའ་བོ་ནི། །ཤིན་ཏུ་གཏུམ་པའི་ཁྲོ་གཟུགས་ཀྱིས། །མ་རུངས་པ་རྣམས་ཚར་གཅོད་ཤོག །སླར་ཡང་སྐུ་གསུང་ཐུགས་མི་འགྱུར་བའི་གཟེར་བུའི་དམིགས་པ་ཚར་གཅིག་ཡིད་ལ་བསྒོམ། …

མཚམས་སུ། ཐོག་མར་དམིགས་པ་འདི་རྣམས་ལེགས་པར་གསལ་བཏབ་ནས། དེ་རྗེས་དམིགས་པ་དེའི་རྒྱུན་ལ་གནས་པས་བཟླས་པར་བྱའོ། །དེ་ལ་གནད་ལྔའི་དང་པོ་སྒྲུབ་བྱའི་ལུས་སྦ་བའི་གནད་ནི། རང་ཉིད་མགོན་པོའི་སྐུར་གསལ་བའི་ཐུགས་ཀར་གྲི་གུག་གི་ཡུ་བ་རྡོ་རྗེའི་རྣམ་པར་གནས་པ་ལྟེ་བར་སྦུབས་སྟོང་གི་ནང་དུ། ཉི་མ་ལ་གནས་པའི་རང་སེམས་ཧཱུཾ་ཡིག་ནག་པོར་བས…

དེ་ཉིད་ཀྱི་མིང་ཡིག་དང་པོ་བསམ། ཞེས་འབྱུང་ཡང༌། མན་ངག་ལག་ལེན་དུ་མིང་ཡོངས་རྫོགས་རཀྵ་རཀྵ་ཧཱུཾ་གིས་མཐའ་བརྟེན་པས། ཨོཾ་གྱིས་མགོ་འདྲེན་དང་བཅས་པ་བསྒོམ་ན་ལེགས་པར་བཞེད་དེ། ཨོཾ་ཆེ་གེ་མོར་རཀྵ་རཀྵ་ཧཱུཾ་ཞེས་པ་ལྟ་བུའོ། །གནད་གསུམ་པ་ཡིད་སྦ་བ་ནི། རང་གི་སྙིང་གའི་ཧཱུཾ་དེ་ཉིད་བསྲུང་བྱ་རྣམས་ཀྱི་ཡིད་ཀྱི་ངོ་བོར་མོས་པར་བྱའོ། …