བསྟོད་ཡིག་བརྒྱ་བཟོད་གསོལ་གཤེགས་གསོལ། གྱི་མཐར། ཨོཾ་ཨགྣེ་ཡེ་གཙྪ། ཞེས་མེ་ལྷ་གཤེགས། དམ་ཚིག་པ་འབར་བའི་རྣམ་པ་ཅན་དུ་གྱུར། གནས་གསུམ་བྱིན་གྱིས་བརླབས་པ་སོགས་བསྲུང་བ་དང༌། སྨོན་ལམ་དང་བཀྲ་ཤིས་ཅི་རིགས་པར་བྱའོ། །ལས་བཞི་སོ་སོའི་སྦྱིན་སྲེག་རྒྱས་པ་བྱེད་ན། ཡི་དམ་གྱི་སྦྱིན་སྲེག་གི་འདོན་པ་སྤོ་བས་ཆོ་ག་ལ། འདིར་བཟློག་པ་ཅུང…

ཕྱག་དྲུག་པའི་བསང་མཆོད་བསྟན་པ་འཕེལ་བྱེད་ཞེས་བྱ་བ་བཞུགས། ཨོཾ་སྭཱ་སྟི། བླ་མ་དང་མགོན་པོ་དབྱེར་མེད་པ་ལ་ཕྱག་འཚལ་ལོ། །འདིར་མགོན་པོ་འཁོར་བཅས་ཀྱི་བསང་རྫས་རྣམས་ཚོགས་པར་བྱས་ལ། མགོན་པོ་སྤྱན་འདྲེན་པ་ནི། ཧཱུཾ། ཤར་ལྷོར་དུར་ཁྲོད་ཆེན་པོ་ནས། །ཚང་ཚིང་འཁྲིགས་པའི་ཞིང་ཁམས་སུ། །ཙནྡན་ཤིང་གི་རྩེ་མོ་ན། །བྱིན་རླབས་མགོན་པོ་འཁོ…

མགོན་པོ་ལ། །མཆོད་པའི་བྱེ་བྲག་སྣ་ཚོགས་དང༌། །བསང་དང་ཕུད་ཀྱི་མཆོད་པ་འབུལ། །དབང་དང་དངོས་གྲུབ་སྩལ་དུ་གསོལ། །ཡེ་ཤེས་མགོན་པོའི་བཀའ་ཉན་པའི། །གནོད་སྦྱིན་ཀྵེ་ཏྲ་པཱ་ལ་དང༌། གནོད་སྦྱིན་དམག་ཚོགས་འཁོར་བཅས་ལ། །མཆོད་པའི༴ །བསང་དང་༴ །དབང་དང་༴ །ཡེ་ཤེས་མགོན་པོའི་བཀའ་ཉན་པའི། །དབང་ཕྱུག་ཛི་ན་མི་ཏྲ་དང༌། །དབང་ཕྱུག་དམག་ཚོགས་འ…

བརྒྱད་པོ་འཁོར་བཅས་ལ། །མཆོད་པའི༴ །བསང་༴ །བསྟན༴ །པ་སངས་ཕུར་བུ་ལ་སོགས་པའི། །གཟའ་ཆེན་བརྒྱད་པོ་འཁོར་བཅས་ལ། །མཆོད་པའི༴ །བསང་༴ །བསྟན༴ །སྨིན་དྲུག་སྣར་མ་ལ་སོགས་པའི། །རྒྱུ་སྐར་ལྷ་མོ་ཉེར་བརྒྱད་ལ། །མཆོད་པའི༴ །བསང་༴ །བསྟན༴ །གང་བ་བཟང་པོ་ནོར་བཟང་སོགས། །དེད་དཔོན་ཆེན་པོ་དགུ་པོ་ལ། །མཆོད་པའི༴ །བསང་༴ །བསྟན༴ ཡུལ་འཁོར་སྲ…

ཐམས་ཅད་བཟློག་ཅིང་བསྒྱུར་བ་དང༌། །བཅོལ་བའི་འཕྲིན་ལས་འགྲུབ་པར་མཛོད། །ཅེས་དཔལ་ཡེ་ཤེས་ཀྱི་མགོན་པོ་ཕྱག་དྲུག་པའི་བསང་མཆོད་བསྟན་པ་འཕེལ་བྱེད་འདི་ཡང་ཏཱ་ར་ནཱ་ཐས་སྨྲས་པ་དགེ། །།སརྦ་མངྒ་ལཾ།།

ཡེ་ཤེས་ཀྱི་མགོན་པོ་ཕྱག་དྲུག་པའི་ཆོས་སྐོར་གྱི་བྱུང་ཚུལ་མདོ་ཙམ་བརྗོད་པ་བཞུགས།

ཨོཾ་སྭཱ་སྟི། རྒྱལ་མཆོག་ཐུགས་རྗེའི་འོད་དཀར་ཕྲེང་བ་རྒྱས། །སྐལ་ལྡན་བློ་ཡི་ཀུ་མུད་ཁ་ཕྱེ་ལས། །ལེགས་བཤད་གེ་སར་རྒོད་པའི་རྡུལ་འཕྲེང་དག །བློ་ལྡན་གཙུག་གི་ནོར་བུས་ངལ་གསོ་བྱོས། །འདིར་མྱུར་མཛད་ཡེ་ཤེས་ཀྱི་མགོན་པོའི་བྱུང་ཚུལ་གྱི་དབང་དུ་བྱས་ན། ཡེ་ཤེས་ཀྱི་མགོན་པོ་ཉིད་ཀྱིས་ཁྱད་པར་གྱིས་ཐུགས་བསྐྱེད་ཚུལ། སྒྲུབ་ཐབས་ཀྱི་ཆ…

ཅན་གྱི་དོན་བྱ་སྟེ། སེམས་ཅན་ཐམས་ཅད་འཁོར་བ་ལས་བདག་གིས་སྒྲོལ་བ་ལས། འཁོར་བའི་གནས་འདིར་སེམས་ཅན་གཅིག་ཀྱང་མ་ལུས་པ་ཐམས་ཅད་སངས་རྒྱས་ཀྱི་ས་ལ་མ་འཁོད་ཀྱི་བར་དུ་བདག་སངས་རྒྱས་ཐོབ་པར་མི་བྱ། སེམས་ཅན་གཅིག་ཀྱང་མ་ལུས་པ་སངས་རྒྱས་ལ་བཀོད་ཟིན་པ་ན། དེའི་རྗེས་སུ་བདག་ཉིད་སངས་རྒྱས་ཐོབ་ལགས་ཀྱི། གཞན་དུ་ན་བདག་འཁོར་བ་ཉིད་དུ་གནས་ཏ…

སེམས་ཅན་གྱི་ཁམས་ལ་འཕེལ་འགྲིབ་མེད་པས་ཉུང་བར་མ་ཟད། ཡུལ་ཉེ་བ་ན་གནས་པའི་སེམས་ཅན་རྣམས་སྙིགས་མ་ལྔ་བདོ་བས་འདུལ་དཀའ་བ་རྣམས་གཟིགས་ཏེ། ད་ནི་བདག་གིས་སེམས་ཅན་གཅིག་གི་དོན་ཡང་བྱར་མི་ནུས་ཞེས་སྔར་གྱི་ཐུགས་བསྐྱེད་དམ་བཅའ་དེ་བཏང་བའི་ཚུལ་མཛད་པས་སྐུ་ལུས་ཚལ་བ་སྟོང་དུ་གས་སྐད། འཕགས་པ་འཇིག་རྟེན་མགོན་པོ་དེ་ཉིད་དང་པོ་ཐུགས་བསྐ…

ཐམས་ཅད་འབྱུང་བ་སྟེ། འཕྲིན་ལས་རྣམ་པ་གསུམ་གྱི་སྒོ་ནས་ཐུགས་བསྐྱེད་སྔ་མ་ལས་ལྷག་པའི་ཚུལ་དུ་དགོངས་ཏེ། འཕགས་པ་སྤྱན་རས་གཟིགས་ཀྱི་ཐུགས་ཀ་ནས་ཧཱུཾ་མཐིང་ནག་གཅིག་བྱུང་སྟེ། དེ་ཉིད་མྱུར་མཛད་ཡེ་ཤེས་ཀྱི་མགོན་པོར་གྱུར་པ་ན་ཞིང་ཁམས་ཐམས་ཅད་དུ་ས་རྣམ་པ་དྲུག་ཏུ་གཡོས་སོ། །དེའི་ཚེ་བཅོམ་ལྡན་འདས་འོད་དཔག་ཏུ་མེད་པ་ལ་སོགས་པའི་ཕྱོ…

ནས་ལོ་དྲུག་བརྒྱ་ཉེ་བར་ལོན་པ་ནི་མིའི་སྐྱེ་བ་བརྙེས་ཤིང་གྲུབ་པ་ཐོབ་པའི་རི་ཁྲོད་མགོན་པོ་ཤཱ་བ་རི་པ་ཞེས་བྱ་བར་གྱུར། དེ་ལན་གཅིག་དུར་ཁྲོད་བསིལ་བའི་ཚལ་ན་སྤྲོས་པ་མེད་པའི་ཏིང་ངེ་འཛིན་ལ་བཞུགས་པའི་སྐབས་ནངས་ཞིག་ཐོ་རངས་ནམ་མཁར་ཌཱ་མ་རུའི་སྒྲ་ཁྲོལ་བྱུང་བ་ལ་གཤེགས་པས་ཡེ་ཤེས་ཀྱི་མགོན་པོ་འདི་མངོན་སུམ་དུ་བྱོན་འདུག་ཏེ། མགོ…

ནས་དཔལ་རིར་བྱོན། གྲུབ་ཐོབ་ཤཱ་བ་རུ་པ་ལས་ཟབ་མོའི་དོན་གྱི་ཕྱག་རྒྱ་ཆེན་པོའི་གདམས་པ་མཐའ་དག་གསན། གནས་ལུགས་གཟིགས་པ་ནམ་མཁའ་དང་མཉམ་པར་འགྱུར། ཟབ་དོན་གྱི་གདམས་པ་སྤེལ་བའི་བཀའི་གནང་བ་ཐོབ། བྱིན་གྱིས་བརླབས་པའི་ལྷ་བཞིའི་སྒྲུབ་ཐབས་བརྩམས། ཞག་ཉེར་གཅིག་བསྒྲུབས་པས་ཆོས་སྐྱོང་བྲན་དུ་འཁོལ་བར་གྱུར་ཏེ། དཔག་ཚད་བརྒྱའི་ཕ་རོལ་ནས…

པའི་ངང་ནས་སྒོ་ཕྱེས། དེར་ཡེ་ཤེས་ཀྱི་མགོན་པོ་འདི་དང་མཇལ། གསོལ་བ་བཏབ་པས་རྒྱུད་བྱིན་གྱིས་བརླབས། འཛམ་བུའི་གླིང་དུ་སེམས་ཅན་གྱི་དོན་དང་སངས་རྒྱས་ཀྱི་བསྟན་པ་སྐྱོང་བ་ལ་འབྱོར་བར་ཞུ་ཞེས་གསོལ་བ་བཏབ་པས་ཞལ་གྱིས་བཞེས། དེ་ནས་བཟུང་དུར་ཁྲོད་ཆེན་པོ་བསིལ་བའི་ཚལ་ཤིང་ནྱ་གྲོ་དྷའི་ཕུག་ན་སྤྲུལ་པའི་སྐུ་ཞིག་རྟག་ཏུ་བཞུགས་པ་ཡིན།…

ཤིང༌། འདིའི་སྒྲུབ་ཐབས་བོད་ཀྱི་ཡིག་རྙིང་ཅི་རིགས་པར་མཐོང་ཏེ། མཁའ་འགྲོ་དྲུག་སྐོར་དུ་གྲགས་པ་དེ་ཡིན་པར་འདུག །ཡང་ལོ་ཙྪ་བ་འགར་ཆོས་བཟང་གིས་པཎྜི་ཏ་ཨ་ཏ་ཡ་བཛྲ་ལ་གསན་ཏེ་ས་ར་ཧ་དང༌། ཤཱ་བ་རིའི་སྒྲུབ་ཐབས་བསྒྱུར། འགྱུར་འདི་ལ་འཁྱུད་ཡུམ་ཡོད་མེད་གཉིས་ཡོད་ནའང་འཁོར་མཁའ་འགྲོ་བཞི་སྐོར་ཁོ་ན་ཡིན། ཁྱུང་པོའི་གདམས་ངག་དང་མཐུན་ཤས…

གདུང་རུས་ཁྱུང་པོ་འཁྲུང་ཡུལ་སྙེ་མོ་ར་མང༌། དང་པོ་བོན་ལ་མཁས་པར་མཛད་དེ་ཚོགས་པ་བདུན་བརྒྱ་ཙམ་འདུས། དེ་ནས་རྫོགས་ཆེན་ལ་ཞུགས་ཏེ་སློབ་མ་སུམ་བརྒྱ་ཙམ་འདུས། དེ་ནས་སྐོར་དེ་མཚམས་ནས་བླ་མ་མང་དུ་བསྟེན་ཏེ། ཀྱེ་རྡོར་དང་གཤིན་རྗེ་གཤེད་དང་ཕྱག་ཆེན་གྱི་སྐོར་མཐའ་དག་གསན། དགུང་ལོ་ལྔ་བཅུ་ང་གཉིས་ཙམ་བཞེས་པ་ལ་བལ་ཡུལ་དུ་ཕེབས་ཏེ། དེ…

འབྱུང་བ། བསམ་པ་ཙམ་གྱི་བར་ཆད་ཐམས་ཅད་སེལ་བ། དགྲ་ཐམས་ཅད་རྡུལ་དུ་རློག་པར་བྱེད་པ། གསོལ་བ་བཏབ་ནས་མ་བསྒྲུབས་པར་ཡང་ཞལ་སྟོན་པ། བཟློག་པ་དང་ནང་རྨེས་མི་ཚུགས་པ། ཐུན་མོང་བསྒྲུབས་པས་མཆོག་ཞོར་ལ་འབྱུང་བ། ཡིད་བཞིན་གྱི་ནོར་བུ་ལྟ་བུའི་ཆོས་སྐྱོང་འདི་སྦྱིན་པ་བྱ་ཞེས་གསུངས་ཏེ། ཏིང་ངེ་འཛིན་གྱི་དབང་ཟབ་མོའི་སྒོ་ཕྱེ་ནས་ཆོས་སྐྱ…

མགོན་པོ་ལས་དངོས་གྲུབ་འགྲུབ་པའི་ལྟས་ཁྱད་པར་ཅན་བརྙེས། དེ་རྗེས་སླར་བོད་དུ་ཕེབས་ཤིང་འགྲོ་དོན་ཀྱང་ཆེར་མཛད། བར་བར་དུ་སྒོམ་སྒྲུབ་ཚུལ་ཡང་མང་དུ་བསྟན། སར་གནས་ཀྱི་བྱང་ཆུབ་སེམས་དཔའ་ཡིན་ངེས་པར་དགོངས་ནས་དགེ་བཤེས་པོ་ཏོ་བ་དང༌། གླང་རི་ཐང་པ་ལའང་ཆོས་གསན། འཕན་ཡུལ་ཇོག་པའི་རི་ལ་གཅིག་རིལ་མཛད། དང་པོ་བླ་མ་མཻ་ཏྲི་པས་གསུང་དུས…

ཅིང་ཡོད་པ་ལས་མཚམས་ཀྱི་དུས་ཞིག་ནམ་ལངས་མ་ཐག་གཟིམ་ཁང་གི་སྒོ་རྡུང་བ་ཞིག་བྱུང་བས། ཉེ་གནས་ཀྱིས་བལྟས་དུས་ཨ་ཙ་ར་ཞིག་བྱོན་འདུག་ནས་བླ་མ་དང་མཇལ་བར་ཞུ་གསུང་བ་ན། དེ་ནས་ཡར་ལོན་མར་ལོན་བྱས་ཏེ། མཚམས་ལ་ཡོད་པས་མི་མཇལ་ཞུས་པས་ང་ཐག་རིང་པོ་ནས་འོངས་པའི་ནད་པ་ཞིག་ཡིན་པས་ཅིས་ཀྱང་མཇལ་བ་ཞུ་གསུང༌། དེ་ནས་ནང་དུ་སྤྱན་དྲངས་སྨན་པ་བོས…

གུ་ན་པཱ་ཀ་ར་དང༌། རཏྣ་ཨ་ཀཱ་ར་དང༌། ཡང་ཨ་བྷི་ཛུ་ཏ་ཀ་ན་རེ། བོད་དུ་སོང་དང་རྣལ་འབྱཽར་པ་ཞིག་ལ་ཕན་ཐོགས་པར་འགྱུར་ཞེས་གསུང་ཏེ་འོང་བས་ཁྱཽད་དང་འཕྲད་པ་ཡིན། ཅེས་སོགས་བླ་མ་ཉིད་ཀྱི་རྣམ་ཐར་རྒྱས་པར་གསུང༌། དེ་ནས་མཁས་གྲུབ་ཁྱུང་པོ་ཉིད་ཀྱིས་བླ་མ་ར་ཧུ་ལ་པ་དེ་ལ་རྒྱུད་མན་ངག་སྤྱི་ལ་གྲགས་པ་མཐའ་ཡས་པ་གསན། ཁྱད་པར་ན་མགོན་པོ་འདིའི…

ཅུའི་བར་འགྲོ་དོན་རྒྱ་ཆེར་མཛད། སྐུ་ལུས་ཀྱི་བཀོད་པ་བརྒྱ་རྩ་བརྒྱད་ཅིག་ཅར་སྟོན་པ་དང༌། བྲག་རི་ལ་ཐོགས་པ་མེད་པར་བཞུད་པ་དང་སྤྲུལ་པའི་དམག་ཚོགས་བཀྱེ་ནས་གནོད་པ་མེད་པར་ཕ་རོལ་གྱི་གཡུལ་ངོ་བཟློག་པ་དང༌། བུམ་པའི་ནང་དུ་ཞག་བདུན་བཞུགས་པ་དང༌། ནམ་མཁའ་ལ་བཞུགས་ནས་ཚོགས་པ་ཁྲི་ཚོར་བརྒྱ་ལ་བྱམས་ཆོས་སྡེ་ལྔ་གསུངས་པ་སོགས་རྣམ་པར་ཐར…