ཡིན། །དམ་ཉམས་རྣམས་ཀྱི་གཤེད་མ་མཛོད། །མནའ་ཟན་རྣམས་ཀྱི་སྲོག་དབུགས་ལེན། །ཆོས་འཁོར་ཡོངས་ཀྱི་སྲུང་མ་སྟེ། །ནག་པོ་གཏུམ་པོ་ལས་ལ་གཤེགས། །བླ་མ་ལ་འཁུ་སེམས་ཅན་འཚེ། །ཆོས་འཁོར་འདི་ལ་སྡང་བ་རྣམས། །མ་ལུས་སྐད་ཅིག་ཙམ་གྱིས་ཀྱང༌། །འདི་ཉིད་དུ་ནི་རིངས་པར་ཁུག །ཤ་ཁྲག་ནང་ཁྲོལ་མ་ལུས་པ། །དཔའ་བོ་ཆེན་པོས་མྱུར་དུ་ཟོ། །དེ་ལུས་ཏིལ་ཙ…

རྐན་ཟླ་བ་ཨཱ་ལིས་མཚན་པ། མས་རྐན་ཉི་མ་ཀཱ་ལིས་མཚན་པས། ལྕེའི་རྩ་བའི་ནང་དུ་སྔགས་སྒོམ། རང་གི་ཐུགས་ཀ་ནས་སྙིང་པོ་སོགས་བཟླས་སྔགས་དང༌། ཨཱ་ལི་ཀཱ་ལི་དཔག་ཏུ་མེད་པ་བྱུང༌། ལྕེའི་རྩ་བ་དང༌། ཨཱ་ལི་ཀ་ལི་ལ་ཐིམ། ཡང་ཨཱ་ལི་ཀཱ་ལི་འོད་དུ་ཞུ་སྟེ་ལྕེ་ནང་གི་སྔགས་ལ་ཐིམ་པས་ཁ་དོག་དང་འོད་རྒྱས་ཤིང་ནུས་པ་བརྒྱ་འགྱུར་དུ་གྱུར། དེ་ནས་སྔག…

བ་དཀར་པོ་ལ་འཁོར་ལོ། འོག་མ་སྔོ་སྐྱ་ལ་གྲི་གུག །ཟླ་གམ་གསུམ་པ་ལ་དམར་པོ། ཕྱི་སྐོར་ཟླུམ་པོ་ལ་ཐོད་འཕྲེང་དང༌། རྡོ་ར་མེ་རི་བྱེད། འབྲུབ་ཁུང་ནང་གི་གཞི་ལ་འཁོར་སྔོན་པོ་རྩིབས་བརྒྱད་ལྟེ་བ་ལ། ཧཱུཾ་ངམ་གྲི་གུག །རྩིབས་བརྒྱད་ལ་མཧཱ་ཀཱ་ལ་གུ་ཊ་ཧྲི་ད་བཀོད། གྲི་སྙིང་བཅའ་ཐབས་སྤྱི་དང་འདྲ་བ་ལས། རྩ་ལགས་གཡོན་དུ་དགྲ་ལིང་གཞུག །དབུ…

བསྙེན་པ་དང་འདྲ། དམིགས་པ་ནི་བཟླས་པའི་སྐབས་སུ། དྲག་པོ་སྔགས་ཀྱི་འོད་ཟེར་གནམ་ལྕགས་མཚོན་ཆའི་ཐོག་སེར། དུག་ནད་མེ་གསུམ་དགྲ་བོའི་ཡུལ་ཁམས་སུ་འདེབས་པ་དང༌། གཏོར་མའི་སྐབས་སུ། དགྲ་བགེགས་རྣམས་གཏོར་མ་ལ་ཐིམ་པ་ཡང་ཡང་བསྒོམ། ཐན་གཞུག་ཏུ་འཕྲལ་གཏོང༌། དེ་མ་ཐག་བསྐུལ་བྱ་ཞིང་དགྲ་ལ་རྦད། ཤཱ་ས་ན་དྲག་ཏུ་བཟླའོ། །དེ་ལྟར་བྱས་པས་བསྙེ…

དཀྲི་བའམ། སྡོམ་པ་གང་བྱས་ཀྱང་འདྲ། དེ་ལ་ཚ་བ་གསུམ་དང༌། ཟག་རྫས་གྲོག་མཁར་བདུན་རྣམས་འཇིམས་པ་ལ་བསྲེས་ཏེ་རུ་ཤིང་ལ་གཡོགས། གཟུགས་བརྙན་དོད་པ་སྙིང་ཁར་བྲིས། ལིང་ག་འཇུག་པ་ཡོད་པ་བྱ། དུག་དང༌། ཀེ་ཚེ་དང༌། ལན་ཚྭ་དང༌། བཾ་གྱིས་སྙིང་ཁྲག་དང༌། སྲིན་ལག་གི་ཁྲག་རྣམས་བསྲེས་པའི་སྣག་ཚས་བྲིས་ལིང་སྤྱི་དང་མཐུན་པ་ཞིག་འབྲི། འདི་འཁོར་…

དེ་ལ་ཕྱི་རོལ་ཏུ་བསྐྱེད་ཆོག་དགུག་གཞུག །ལྷ་དབྱེ་དྲག་ཏུ་བྱ། ཐོད་པའི་སྣོད་མི་དགོས། འབྲུབ་ཁུང་གི་ནང་སྔར་གྱི་བྲིས་ལིང་གི་སྟེང་དུ་འཇོག་པ་སྟེ། གནས་བདུན་དུ་ཕུར་བུས་མ་བཏབ་ན་ཁ་བུབ་ཏུ་འཇོག་ཟེར་བ་དང༌། རྒྱབ་ནས་ཕུར་བུས་འདེབས་ཟེར་བ་སོགས་ཡོད་ཀྱང༌། ཕུར་བུ་མདུན་ནས་འདེབས་ཤིང༌། ལིང་གའང་གན་རྐྱལ་དུ་བཞག་གོ །རོ་སྐྲས་ཡན་ལག་ད…

པའི་ཕྱག་མཚན་གྱིས་པྲ་ཚིལ་ལ་རི་མོ་དོད་ཙམ་འདེབས། བསད་བཅད་ཀྱི་དམིགས་པ་དྲག་པོ་བྱས་ཏེ། ཡང་འཁྲུབ་ཁུང་ཁ་བཅད་དེ་མནན་པར་བསམས། དམིགས་པ་ལ་མགོན་པོ་འབྲུབ་ཁུང་གི་དབུས་སུ་བཞུགས་ཁ་ཁྱེར་ལ་མཁའ་འགྲོ་སྲིན་པོ་དཔག་ཏུ་མེད་པ་གནས་པས་དགྲ་བགེགས་འགུགས་འདྲེན་བསད་ལས་བྱེད་པའོ། །ཆོ་གའི་རིམ་པ་གཞན་རྣམས་ལས་བསྙེན་གྱི་སྐབས་དང་འདྲ་བ་ལས། …

གྲུབ་ཀྱི་བར་དུ་ཡང་ཡང་བསྐུལ་བཞིན་ཟོར་འཕེན་པར་བྱའོ། །ཡང་ན་སྔར་ལིང་ག་འཁོར་ལོ་ཡོད་མེད་གཉིས་བྱས། འཁོར་ལོ་ཡོད་པ་མནན། མེད་པ་བསྲེགས། ཟོར་འཕེན་པ་རྣམས་བྱས་པས། མནན་བསྲེག་འཕང་གསུམ་གར་ཚང་བ་ཡིན། རབ་ཟླ་བ་གསུམ། འབྲིང་ཟླ་བ་དྲུག །ཐ་མས་ཀྱང་ཟླ་བ་དགུ་ལ་འཆུག་པ་མེད་གསུང༌། མགོན་པོ་ནག་པོའི་བསྙེན་སྒྲུབ་ལས་སྦྱོར་གྱི་རྐང་ནི་དེ…

རྩིབས་ལ་བསད་པ། མུ་ཁྱུད་ལ་བསྙེན་སྔགས་ཤམ་བུ་ཅན་ཟེར་བ་ཡོད། དེའི་ནང་དུ་ཚ་བ་གསུམ། དུག་སྣ། ཚྭ་སྣ། ཚོགས་ཚད། དགྲ་དུ་ཡོད་ཀྱི་མིང་རུས་ཅན་ལིང་ག་སྔགས་ཅན་བྲི་བཅུག །ཐོད་པ་ཁ་སྦྱོར་ཡོད་ན་བཟང༌། དེ་འབྲུབ་ཁུང་དུ་བཅུག་ལ་མགོན་པོ་འཁོར་བཅས་ཐོད་པའི་སྟེང་དུ་བཞུགས་པར་བསམ། ཆོ་ག་སྔར་དང་འདྲ་བ་ལས། བཟླས་པའི་སྔོན་དུ་དགུག་གཞུག་བྱ། …

བཀོད་པའོ།། །། མངྒ་ལཾ།། གཅིག་ཞུས།། ཤུབྷཾ།། དགེའོ།། འདི་བྲིས་དགེ་བས་སྐྱེ་བ་ཀུན་ཏུ་ངེས་དོན་བསྟན་པའི་མི་མཐུན་ཕྱོགས་ཐམས་ཅད་མངོན་སྤྱོད་དྲག་པོས་བསྒྲལ་ནུས་པར་གྱུར་ཅིག །བྱ་བ་གང་བརྩམ་ཆོས་དང་མཐུན་ནས་ཀྱང༌། །སྡིག་ལས་གང་གིས་ཉམས་པ་མེད་བཞིན་དུ། །རྣམ་དཀར་དྲི་མ་མེད་པའི་ལེགས་ལམ་ལ། །སྐྱེ་འདིར་དགེ་རྩ་འབད་ཚད་དེར་འགྱུར་ཤོ…

མགོན་དཀར་ཡིད་བཞིན་ནོར་བུའི་མཆོད་བསྐང་དངོས་གྲུབ་ཀུན་སྩོལ་ཞེས་བྱ་བ་བཞུགས།

ཨོཾ་སྭཱ་སྟི། མགོན་དཀར་ཡིད་བཞིན་ནོར་བུའི་མཆོད་བསྐང་དངོས་གྲུབ་ཀུན་སྩོལ་ཞེས་བྱ་བ། བླ་མ་རྣམས་པ་ཕྱག་འཚལ་ལོ། །མཆོད་རྫས་རྣམས་བཤམས་ཤིང༌། སྔོན་འགྲོ་བཏང༌། བདག་མདུན་གཏོར་འབུལ་སོགས་ཀྱི་རྗེས་སུ། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་གནས་ཁང་བྷྲུཾ་ལས་རིན་པོ་ཆེ་ལས་གྲུབ་པའི་ཐར་པ་ཆེན་པོའི་གཞལ་ཡས་ཁང་མཚན་ཉིད་ཐ…

འཁོར་ཚོགས་མཁའ་འགྲོ་གྲངས་མེད། ལས་མཛད་གནོད་སྦྱིན་བཞི། དམ་ཅན་རྒྱ་མཚོའི་ཚོགས་དང་བཅས་པ་ཐམས་ཅད་ཀྱི་སྤྱན་ལམ་དུ་འབྱུང་ཞིང་རྒྱས་པར་གྱུར་ཅིག །ཨོཾ་སརྦ་བིད་པུ་ར་པུ་ར་སུ་ར་སུ་ར་ཨཱ་ཝརྟ་ཡ་ཨ་ཝརྟ་ཧོ། ཨོཾ་བཛྲ་ས་སྤ་ར་ཎ་ཁཾ་སྭཱཧཱ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་བཅོམ་ལྡན་འདས། །བླ་མ་མགོན་པོ་དབྱེར་མེད་མཆོག །མག…

བཛྲ་ས་མཱ་ཛཿ པདྨ་ཀཱ་མ་ལ་སྟྭཾ། ཀུན་བཟང་མཆོང་སྤྲིན་རྒྱ་མཚོ་ལས་བྱུང་བའི། །ཡན་ལག་བརྒྱད་ལྡན་རབ་དཀར་འོ་མའི་མཚོ། །དྭངས་ཤིང་དྲི་མེད་རབ་དཀར་ཞབས་བསིལ་དང༌། །ཨུཏྤལ་པདྨ་ཨུ་ཏམ་ཝཱ་རའི་ཚོགས། །སྦྱར་དང་ལྷན་སྐྱེས་དྲི་ཞིམ་སྦོས་ཀྱི་ཚོགས། །ཉི་ཟླ་ནོར་བུ་སྣང་བྱེད་འོད་གསལ་དང༌། །ཀུར་གུམ་ག་བུར་ལ་སོགས་དྲི་བཟང་ཚོགས། །སྨན་རྣམས་འབ…

རབ་དཀར་ཡེ་ཤེས་བདུད་རྩི་རྒྱ་མཚོ་འདིས། །བླ་མ་མགོན་པོ༴ །མགོན་དཀར༴ །མཁའ་འགྲོ༴ །ལས་མཛད༴ །འཁོར་ཚོགས༴ །འཁོར་དང་བཅས༴ །བདག་ཅག༴ །བྱང་ཆུབ༴ །རབ་མཛེས་ལང་ཚོས་དྲེགས་པའི་སྨིན་ལེགས་མ། །དཀྱུས་རིངས་ཟུར་མིག་འདོད་པའི་མདའ་འཕེན་ཞིང༌། །བདེ་ཆེན་ཆགས་པས་མྱོས་པའི་རྣམ་འགྱུར་མཁས། །རབ་མཛེས་གསང་ཡུམ་ལྷ་མོ་འབུམ་ཕྲག་གིས། །བླ་མ་མགོན་པ…

འཇམ་ལྷ་རྫས་ཀྱིས། །བླ་མ་མགོན་པོ༴ །མགོན་དཀར༴ །མཁའ་འགྲོ༴ །ལས་མཛད༴ །འཁོར་ཚོགས༴ །འཁོར་དང་བཅས༴ །བདག་ཅག༴ །བྱང་ཆུབ༴ །ཅང་ཤེས་རྟ་དང་གཡང་ཆགས་ལུག་གི་ཁྱུ། །འདོད་འཇོའི་བ་དང་ཁྱུ་མཆོག་གཡང་གི་ཚོགས། །སེངྒེ་སྟག་དོམ་དྲེད་སོགས་རྐང་བཞི་དང༌། །གཏེར་བུམ་དཔག་བསམ་ཤིང་དང་གཡས་འཁྱིལ་དུང༌། །རིན་ཆེན་རི་བོ་ཡིད་འོང་ཁང་བཟང་དང༌། །གཟུག…

པས་ཞལ་རས་ཡིད་ཙམ་ཁྲོ། །འདོད་དགུ་ཆར་འབེབས་དབང་གི་རྒྱལ་པོ་ཁྱོད། །ཆོས་ཉིད་ཐིག་ལེ་སྒོང་ང་འདོད་པའི་སེམས། །དངོས་སུ་གྱུར་པའི་སྐུ་ལ༴ །དངུལ་ཆུས་མདངས་གསལ་ཧཱུཾ་ཡིག་ལས་འཁྲུངས་པ། །སྐྱེ་འགྲོ་རེ་སྐོང་དབུལ་བའི་སྡུག་བསྔལ་སེལ། །དབུ་སྐྲ་གྱེན་བརྗེས་སྦྱི་བོ་མི་བསྐྱོད་རྒྱལ། །རྒྱས་གདབ་ཆེན་པོའི་དབང་བསྐུར་ཁྱོད་ལ་བསྟོད། ཁ་བ་ར…

གསོལ་བ་འདེབས་པ་དང༌། །སྙིང་ནས་ལྷ་མཆོག་ཁྱོད་ལ་གདུང་བ་ཡིས། །མཆོད་གཏོར་འབུལ་གྱིས་བདག་ལ་མཆོག་བསྩལ་ནས༌། །དཔལ་དང་འདོད་པའི་དོན་ཀུན་གྲུབ་པར་མཛོད། །ཐུགས་རྗེའི་སྤྲྀན་ཀྱིས་དཔལ་འབྱོར་རྒྱ་མཚོ་རྣམས། །གོང་ནས་གོང་དུ་འཕེལ་ཞིང་རྒྱས་པར་ཤོག །ཅེས་པ་མགོན་དཀར་ཡིད་བཞིན་ནོར་བུའི་བསྟོད་བསྐང་འདི་ཡང༌། རྒྱལ་ཁམས་པ་ཏཱ་ར་ནཱ་ཐས་རང་ལ…

དཔལ་མགོན་ཏྲཀྴད་ཀྱི་ཆོས་སྐོར་ལོ་རྒྱུས་ཟིན་བྲིས་སུ་བཀོད་པ་བཞུགས།