སུམ་ཚོགས། །དོན་རྣམས་ཐམས་ཅད་ཡིད་བཞིན་འགྲུབ་པ་དང༌། །འགྲོ་བའི་དོན་ལ་མཐུ་དང་ལྡན་པར་ཤོག །ཅེས་དགེ་ལེགས་སུ་གསོལ་བའི་ཚིག་སུ་བཅད་པ་གང་འོས་ཀྱིས་གསོལ་བ་བཏབ། །བཅུ་གསུམ་པ་རྗེས་ཀྱི་ཆོ་ག་ནི། སླར་ཡང་མཆོད་པ་ཁ་གསོས། སངས་སྦྱངས་བྱིན་རླབས་གཏོར་ཆོག་ལྟར་རམ། སྤྱི་མཐུན་ལྟར་བྱ། རྟེན་ཅིང་འབྲེལ་བར་འབྱུང་བ་ཡི། །ལྷ་རྫས་བཟང་པོའི་…

བར་བྱའོ། །ཅི་སྟེ་མགོན་པོའི་བསྐང་བ་བརྒྱ་ཚར་སྟོང་ཚར་སོགས་བྱེད་དགོས་པའི་ཚེ། སྔར་གྱི་རྒྱས་པ་དེ་མ་ལྕོགས་ན། ཕྱིས་གང་ཟག་ཕལ་པས་སྦྱར་བ་ལ་སྙིང་པོ་མེད་པས། ཡིག་རྙིང་གཏུམ་ཆེན་མར་གྲགས་པ་ཉིད་བྱ་སྟེ། དེ་ཡང་གཏོར་མ་རྣམས་ཁ་གསོས་མཆོད་པ་གསར་པ་རེ་བཤམ་ཐུབ་ན་རབ། མིན་ན་ཡང་ཁ་གསོ་བ་དང༌། གཏོར་མ་ལ་སྨན་དང་རཀྟས་བྲན། སྔགས་དྲུག་ཕྱག…

ཀྱི་མཆོད་པ་དང༌། སྲིན་གཟུགས་མའི་ཤོ་ལོ་ཀ་དང་པོས་བསྟོད། འདོད་དོན་གསོལ་བཏབ་ཤུགས་ལ་ཡོད་པས། ལོགས་སུ་མ་བྱས་ཀྱང་ཆོག་པར་བཞེད་དོ། །ཞལ་བཞི་པའི་བསྐང་བཤགས་བྱ་བར་འདོད་ན། ལོགས་སུ་འབྲི་བ་ལྟར་ཤེས་པར་བྱའོ། །བཀའ་སྲོལ་འདིའི་ལུགས་མ་ཉམས་པའི་བླ་མ་གོང་མ་རྣམས་ཀྱི་ཕྱག་ལེན་མཛད་པ། ཇོ་ནང་བ་ཡབ་སྲས་ཀྱི་བཀའ་སྲོལ་ལ། ཀུན་སྤངས་ཆེན་པོ…

འཕྲིན་ལས་རྣམ་རོལ་ཞེས་བྱ་བ་འདི་ཡང༌། རྒྱལ་ཁམས་པ་ཏཱ་ར་ནཱ་ཐས་རང་ལོ་སུམ་ཅུ་རྩ་དགུ་ལོན་པ་ལ་སྒྲིགས་པ་སྟེ། ར་ས་འཕྲུལ་སྣང་ཆོས་འཁོར་ཆེན་པོའི་གནས་སུ་སྦྱར་བའོ། །དགེ་ལེགས་འཕེལ། བཀྲ་ཤིས།།

དཔལ་གུར་གྱི་མགོན་པོའི་དམར་ཆེན་གཏོར་བཟློག་གི་ཆོ་ག་བར་ཆད་ཀུན་སེལ་ཞེས་བྱ་བ་བཞུགས་སོ། །

ཨོཾ་སྭཱ་སྟི། བླ་མ་དམ་པ་རྣམས་ལ་ཕྱག་འཚལ་ལོ། །འདིར་དཔལ་ནག་པོ་ཆེན་པོ་གུར་གྱི་མགོན་པོའི་གཏོར་མའི་ལས་ཚོགས་ལས། བཟློག་པ་གཙོ་བོར་གྱུར་པའི་དམར་ཆེན་གཏོར་མའི་རིམ་པ་ནི་འདི་ཡིན་ཏེ། ཡིད་དང་མཐུན་པའི་གནས་སུ་བྲིས་སྐུ་སོགས་རྟེན་དགྲམ། གཏོར་མ་ལྔ་ཚར་མཆོད་པ་བསྐང་གཏོར་སོགས་བཤམས། དེ་དག་གི་མདུན་སོགས་ཇི་ལྟར་འོས་པར་རྡུལ་ཚོན་ནམ…

རིས་འབྲི་ཐུབ་ན་ལེགས། དེའི་དབུས་སུ་ཉི་གདན་ལ་གྲི་གུག་དང༌། རྩིབས་རྣམས་ལ་ཉི་གདན་གྱི་སྟེང་དུ་ཕྱག་མཚན་ནམ་ཚོམ་བུ་ནག་པོ་རེ་འགོད། དཀྱིལ་འཁོར་གྱི་དབུས་མཉྫིའི་སྟེང་དུ། ལྕགས་སྣོད་ཡངས་པར་ནས་ནག་རྗེན་བཏགས་བྲེ་ལྔ་ལས་མི་ཉུང་བ། ཚ་བ་གསུམ་དང༌། ལྕགས་ཕྱེ་ཟངས་ཕྱེ་སོགས་བརྡར་བ་ལ་ཁྲག་དང་ཆང་བསྲེས་པའི་ཆུས་སྦྲུས་ཏེ། དབུས་སུ་གཏོ…

སྲིན་མོ་འགྲོས་སུ་གཟུགས། གཞན་ཡང་ལིང་ཆུང་མགོ་བོ་ཐུར་དུ་ལྟ་བ་དང༌། མི་མགོ་སྐམ་རློན་སོགས་འཇིགས་སུ་རུང་བའི་རྒྱན་ཇི་ལྟར་འོས་པས་བརྒྱན། གཏོར་མ་དང་ཆོས་འབྱུང་གཉིས་ཀའི་ཟུར་རང་ལ་མི་སྟོན་པར་བཞེད། དེའི་མདུན་ནས་སླར་ཡང་ཆོས་འབྱུང་ངམ་མི་ལྤགས་སོགས་ཀྱི་གདན་ལ་ལྕགས་སྡེར་ལ་སོགས་པའི་སྣོད་དུ་ཟོར་གཏོར་གྲུ་གསུམ་མར་ནག་དུག་ཁྲག་ག…

དེ་དག་གི་མདུན་དུ་རཀྟའི་མཆོད་ཡོན་དབང་ལྔའི་མེ་ཏོག་ཤ་རུས་ཀྱིས་བརྒྱན་པའི་ཞལ་ཟས་གྲུ་གསུམ་རྐང་གླིང་སོགས་དྲག་པོའི་མཆོད་པ་སྣ་ཚོགས་བཤམ། །སྒྲུབ་པ་པོའི་མདུན་ནམ། དམར་ཆེན་གཏོར་མའི་མདུན་དུ་འབྲུབ་ཁུང་གྲུ་གསུམ་མཐིང་ནག་མེ་རིས་འབར་བའི་ནང་དུ་ཚ་བ་གསུམ་དང་སྐེ་ཚེ་གྲི་ཁྲག་སོགས་སྦྱར་བའི་བག་ཟན་ལ་ལིང་ག་བཅོས། བྲིས་པའི་ལིང་ག་ས…

པ་ཁྱད་པར་གྱི་མདུན་བསྐྱེད་སྒྲུབ་པ་ནི། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ་ཀྱིས་བསངས། ཨོཾ་སྭ་བྷཱ་ཝ་ཤུདྡྷ་སརྦ་དྷརྨ་སྭ་བྷཱ་ཝ་ཤུདྡྷོཧཾ། གིས་སྦྱངས། སྟོང་པའི་ངང་ལས་རང་གི་མདུན་དུ་ཡི་གེ་ཁཾ་ལས་དགྲ་བགེགས་སྒྲོལ་བའི་གཞལ་མེད་ཁང་མཐིང་ནག་གྲུ་གསུམ་འབར་བ། སྒོ་མེད་ལྕགས་ཀྱི་མུན་ཁང་རྒྱ་དང་ཚད་ཡོངས་སུ་ཆད་པ་མེད་པ། ཕྱི་…

ན་བཟའ་ཅན། ཨོཾ་ཡཀྵ་པུ་ཊ་ཡེ་ཧཱུཾ་ཕཊ། བྱང་སྟོད་ཀྱི་རྩིབས་ལ་དྲི་ལས་བྷ་ཌ་སོགས། འཛིན་ཞིང་གསོལ་བ། ཨོཾ་རུ་ཊ་བྷ་ཊ་ཡེ་ཧཱུཾ་ཕཊ། བྱང་སྨད་ཀྱི་རྩིབས་ལ་བྷྱོཿལས་སྲིང་མོ་སོགས། མེ་འབར་བ། ཨོཾ་རུ་ལུ་རཀྵ་སི་ཧཱུཾ་ཕཊ། ལྔ་ཆར་ཡང་ཞེས་པ་ནས། བསྐོར་བར་གྱུར། ཨ་ལི་ཨ་ལི་མ་ཛ་ཛ་ཤཾ་ཤཾ་ལི་ཤི་ངེད་ཨ་ཤྭ་ངེད་མུ་སྨུགས་པུ་ཊི་ཨ་ལི་མ་ཛ་ཛཿ ནག་…

འཇོམས་པ། དར་ནག་གི་འཇོལ་བེར་དང༌། གསེར་གྱི་སྐེ་རགས་དང་སག་ཏིའི་ལྷམ་གྱོན་པ། ཐོད་པ་སྐམ་རློན་གྱི་ཕྲེང་བ་དང་སྦྲུལ་གྱིས་བརྒྱན་པ། ཞབས་གཉིས་གཡོན་བརྐྱང་བས་གྱད་ཀྱི་དོར་སྟབས་ཀྱི་བཞུགས་ཤིང༌། འཁོར་གཤིན་རྗེ་ཕོ་མོ་དང༌། སྲིན་པོ་ཕོ་མོའི་ཚོགས་ཀྱིས་བསྐོར་བའོ། །ཨོཾ་མཧཱ་ཀཱ་ལ་རུ་ཏྲ་ས་མ་ཡ་ཧཱུཾ་ཕཊ། གཡས་ཀྱི་སྐམ་ཟོར་རྣམས་ཡི་གེ…

ཧཱུཾ་རྡོ་རྗེ་འཆང་གི་སྤྱན་སྔ་རུ། །ཇི་ལྟར་ཁས་བླངས་དམ་བཅས་པའི། །དམ་ཚིག་ཚུལ་བཞིན་དྲན་མཛོད་ལ། །བདག་གི་དོན་ཕྱིར་གཞལ་ཡས་འདིར། །ནག་པོ་ཆེན་པོ་སྤྱན་འདྲེན་ན། །རང་གི་དམ་ཚིག་སེམས་ཤིང་བྱོན། །བོས་པའི་ཚེ་ན་སྙན་མ་སྲ། །གཡབས་པའི་ཚེ་ན་སྤྱན་མ་བརྟུལ། །རྦད་པའི་ཆེ་ན་མཐུ་མ་ཆུང༌། །བསྟེན་པའི་ཚེ་ན་རྒྱང་མ་རིང༌། ཀྱཻ། བོས་སོ་ནག་པ…

མཐིང་ནག་ཆེན་པོ་དྲག་ཤུལ་ཅན། །དུར་ཁྲོད་གནས་ཤུལ་དཔའ་བོ་ཆེ། །ལྷ་ཡི་དཔའ་བོ་བདུད་འདུལ་རྣམས། །དགྲ་བགེགས་བསྒྲལ་བའི་ཏི་ར་དང༌། །འབར་བའི་གདན་ལ་བཞུགས་སུ་གསོལ། །འབར་བའི་གདན་ལ་བཞུགས་ནས་ཀྱང༌། །བདག་གིས་བཅོལ་བའི་ལས་ཀུན་སྒྲུབས། །སྔོན་གྱི་དམ་ཚིག་མ་གཡེལ་བར། །དགྱེས་ཤིང་མཆོད་པ་བཞེས་ནས་ཀྱང༌། །སངས་རྒྱས་བསྟན་པ་བསྲུང་བ་དང༌། …

བདག་གཙོ་བོ་མཛད། །མགོན་པོ་དམ་ཚིག་ཅན་ལ་བདག་བསྟོད་དོ། །ལས་ཀྱི་མགོན་པོ་མཧཱ་ཀཱ་ལ་ནི། །སངས་རྒྱས་སྟོང་གི་བསྟན་པ་བསྲུང་བ་པོ། །བླ་མ་དམ་པའི་སྐུ་དགྲ་འདུལ་བ་པོ། །ལས་ཀྱིས་མགོན་པོ་ཁྱོད་ལ་ཕྱག་འཚལ་ལོ། །སྔོན་ཚེ་བདེ་གཤེགས་སྤྱན་སྔར་བཀའ་བསྒོས་ཏེ། །བསྟན་པ་སྲུང་དང་འགྲོ་ལ་ཕན་གདགས་ཕྱིར། །དམ་བཅས་མ་འདའ་དམ་ཚིག་རྗེས་དགོངས་ལ། །…

ཨཱ་ལོ་ཀེ གནྡྷེ། ནཻ་ཝེ་ཏེ། ཤཔྟ་མཧཱ་པཱུ་ཛ་ས་མ་ཡ་ཧཱུཾ། ཧཱུཾ་ཁྲོ་བོ་གདུག་པ་འདུལ་མཛད་པའི། །དཔལ་ལྡན་ནག་པོ་ཆེན་པོ་དང༌། །ལྷ་མོ་ནག་མོ་ལ་སོགས་པའི། །ལས་ཀྱི་མགོན་པོ་ཕོ་ཉར་བཅས། །གསོད་དང་གཅོད་ལ་དགའ་བ་རྣམས། །ཤ་ཁྲག་དམར་ལ་དགའ་བ་ཡི། །བཤན་པ་འཁོར་བཅས་མ་མོ་དང༌། །མཁའ་འགྲོ་གཏུམ་མོའི་ཚོགས་བཅས་ལ། །ཤ་ཆེན་དམར་གྱི་གཏོར་མ་དང༌། …

ཐལ་ཆེན་ཞག་གིས་ཀུན་ཏུ་བྱུགས། །དཔལ་ལྡན་མགོན་པོ་ནག་པོ་ཡི། །ཡོན་ཏན་འཕྲིན་ལས་བསམ་མི་ཁྱབ། །སིང་གྷ་ལ་ཡི་དུར་ཁྲོད་དུ། །བདུད་དང་སྲིན་པོ་འདུལ་མཛད་པའི། །རྒྱལ་བའི་ཐུགས་རྗེས་སྐུ་སྤྲུལ་པ། །གསོད་བྱེད་མཧཱ་ཀཱ་ལ་ཁྱོད། ཕྱོགས་མཚམས་སྟེང་འོག་ཐམས་ཅད་ནས། །སྤྲུལ་པ་ཕོ་ཉའི་ཚོགས་ཀྱིས་བསྐོར། །མཐུན་པའི་དམ་རྫས་འདི་དག་གིས། །བསྐང་ང…

བྱེད་དགྲ་ལ་རྒྱུག །བཅོལ་བའི་འཕྲིན་ལས་སྒྲུབ་པར་མཛོད། །ཅེས་པ་འདི་གཙོ་བོར་ལས་མགོན་ཟངས་གྲི་ཅན་གྱི་བསྐང་བ་ཡིན་ནོ། །དེ་ནས་ལིང་ག་བསྒྲལ་བའི་ལས་ནི། བསྐྱེད་དང་དགུག་གཞུག་དམོད་བསྐུལ་བྱ། །ལྷ་དབྱེ་སྒྲོལ་ཞིང་ལིང་རོ་བསྟབ། །ཅེས་པ་ལྟར་དོན་ཚན་དྲུག་གོ །དང་པོ་བསྐྱེད་པ་ནི། ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་ངང་ལས་ཁཾ…

བྱེད་ད་ཁུག་ཅིག །ཉམས་པའི་ཁྲག་ལ་མངའ་མཛད་མ། །བསྟན་པ་གཤིགས་པའི་དགྲ་རྣམས་ཀྱི། །ཆུ་ཁམས་ནུས་པ་ཐམས་ཅད་ཆོམ། །བརླན་གཤེར་ཁྲག་གི་མདངས་ཕྲོལ་ཞིག །ཨོཾ་སིང་ཧ་མུ་ཁ་ཧཱུཾ་ཕཊ། བཛྲ་ཨཾ་གུ་ཤ་ཛཿ ལྷོ་ཕྱོགས་སྒོ་མ་གཟིག་གི་གདོང༌། །ཕྱག་ན་ཞགས་པ༴ དགྲ་བགེགས་གཞུག་པའི༴ གྲངས་མེད༴ ཞགས་པ་ཐོགས་པ༴ དེ་འདྲ་གཅིག་པུར༴ ཁམས་གསུམ༴ དགྲ་བགེགས་གནོ…

པར་བཅས་པའི་དཔལ་ལྡན་བླ་མ་དམ་པ་རྣམས་ཀྱི་བཀའ་བདེན་པ་དང༌། ཕྱོགས་བཅུ་དུས་གསུམ་གྱི་སངས་རྒྱས་རྣམས་ཀྱི་བཀའ་བདེན་པ་དང༌། ལུང་དང་རྟོགས་པས་བསྡུས་པ་དམ་པའི་ཆོས་རྣམས་ཀྱི༴ ཐེག་པ་གསུམ་ལ་གནས་པ་འཕགས་པའི་དགེ་འདུན་རྣམས་ཀྱི༴ དེ་བཞིན་གཤེགས་པ་དང་རྡོ་རྗེ་རིན་པོ་ཆེ་དང་པདྨ་དང་ལས་ཀྱི་རིགས་སུ་བཞུགས་པའི་ལྷ་ཚོགས་རྣམས་ཀྱི༴ སྙིང་པོ…