འཕགས་པ་དཔྱིད་ཀྱི་ཐིག་ལེའི་གཞུང་རྣམ་པར་བཤད་པ་འགྲེལ་པ་ངེས་གསང་རྒྱ་མཚོའི་སྙིང་པོ་བཞུགས།

ན་མོ་བཛྲ་ཌཱ་ཀཱ་ཡེ། འཕགས་པ་དཔྱིད་ཀྱི་ཐིག་ལེའི་གཞུང་རྣམ་པར་བཤད་པ་འགྲེལ་པ་ངེས་གསང་རྒྱ་མཚོའི་སྙིང་པོ་ཞེས་བྱ་བ། བཅོམ་ལྡན་འདས་དཔལ་ཧེ་རུ་ཀ་ལ་ཕྱག་འཚལ་ལོ། །མི་ཤིགས་དཔྱིད་ཀྱི་དཔའ་བོ་ཧེ་རུ་ཀ །བླ་མེད་སྟོང་པའི་ཐིག་ལེར་སྡོམ་པ་པོ། །བདེ་ཆེན་ཟུང་དུ་འཇུག་པའི་རོལ་པ་ཅན། །བླ་མ་འཁོར་ལོའི་མགོན་ལ་གུས་བཏུད་དེ། །རབ་ཟབ་བླ་ན་མ…

རྨོངས་ཏེ། །འོན་ཀྱང་གཞུང་འདིར་རྩོལ་བ་ལ། །ཅི་སྟེ་ལེགས་སྨྲས་འགའ་ཞིག་ཡོད། །དེ་ནི་སྔར་རིག་དམ་པའི་མཐུ། །དེ་ལ་བཅོམ་ལྡན་འདས་འཕགས་པ་དཔྱིད་ཀྱི་ཐིག་ལེ་ཞེས་བྱ་བའི་གཞུང་འདི་འཆད་པ་ལ། གཞུང་ལ་འཇུག་པའི་དོན་དང་གཞུང་དངོས་ཀྱི་དོན་དང༌། རྗེས་བཤད་ཟིན་གྱི་དོན་གསུམ་ལས། དང་པོ་ལ་མཆོད་པར་བརྗོད་པ་དང༌། རྩོམ་པར་དམ་བཅའ་བ་དང༌། དགོས…

མཛད་པ་ཡིན། །མོས་པ་དུ་མའི་སེམས་ཅན་ལ། །སྤྱོད་པ་སྣ་ཚོག་སྟོན་མཛད་དེ། །སྣ་ཚོགས་ཚུལ་གྱིས་གདུལ་བྱ་ལ། །ཐབས་ནི་སྣ་ཚོགས་སྟོན་པ་ཡིན། །ཞེས་གསུངས་པའི་དོན་ཞིབ་མོར་སྟོན་པར་བཞེད་ནས། མཆོད་པར་བརྗོད་པ་ནི། མཉམ་དང་མི་མཉམ་བདེ་ཆེན་སུམ་ཅུ་རྩ་བདུན་བྱང་ཆུབ་ཆེན་པོའི་ཕྱོགས་གནས་ཆོས་ཕུང་རང་བཞིན་གནས་པ་རང་ལུས་རྩ་ཡི་འཁོར་ལོའི་གཙོ་བ…

འགྲོ་ཀུན་རང་སྙིང་དབུས་གནས་ཞེས་པ་ལ་སོགས་པས་ངོ་བོ་ཉིད་སྐུ་ཡང་བསྟན་མོད་ཀྱི། ཆོས་ཀྱི་སྐུ་དང་གཅིག་ཏུ་སྦྱར་ནས། སྐབས་འདིར་སྐུ་གསུམ་ལ་བསྟོད་པ་ཞེས་བྱ་སྟེ། སྐུ་གསུམ་ལེགས་རྟོགས་ཞེས་པའི་ཚིག་ཟུར་ལས་ནི། མཆོད་བརྗོད་ཀྱི་སྐབས་འདིར། སྐུ་བཞི་པའི་རྣམ་གཞག་ཆེ་ཐད་དུ་མ་མཛད་པར་མངོན་ནོ། །དེ་ལ་ཆོས་ཀྱི་སྐུའི་རང་བཞིན་ནི། བདེ་བ་…

གནས་སོགས་ཏེ། བདེ་བ་ཆེན་པོ་ཡོན་ཏན་ཐམས་ཅད་ཀྱི་ངོ་བོ་དེ་ཡང༌། ཤེས་བྱ་ཐམས་ཅད་ལ་ཆོས་ཉིད་ཀྱི་ཚུལ་གྱིས་རྟག་ཏུ་ཁྱབ་པ་ཕྱོགས་དང་དུས་དང་གནས་སྐབས་ཐམས་ཅད་ལ་ཉེ་རིང་མེད་པར་ཀུན་ཏུ་འགྲོ་ཞིང༌། འདུས་བྱས་ཀྱི་མཚན་ཉིད་ཅན་གསར་བྱུང་མ་ཡིན་ཏེ། འགྲོ་བ་ཀུན་རང་རང་གི་སྙིང་སྟེ་སེམས་ལ་ཆོས་ཉིད་ཀྱི་ཚུལ་གྱིས་དབུས་སུ་གདོད་མ་ནས་གནས་པའོ།…

འདུས་མ་བྱས་པའི་རང་བཞིན་ཡིན་པའི་ཕྱིར་རོ། །རུ་ཡིག་ནི། བཀོད་པ་དང་བྲལ་བའམ་ཚོགས་པ་དང་བྲལ་བ་སྟེ། ཡན་ལག་གི་བཀོད་པ་ཚོགས་པ་ལས་མིའི་ལུས་སམ་སྡོང་པོ་དང་ཡལ་ག་དང་ལོ་མའི་བཀོད་པ་ཚོགས་པ་ལས་ཤིང་ཞེས་བརྗོད་པ་ལྟ་བུ་ཕྱོགས་ལ་ལྟོས་པའི་བཀོད་པ་དང༌། སྐད་ཅིག་མ་མང་པོ་ཚོགས་སུ་བཀོད་པ་ལ་ཞག་ཟླ་ལོ་དང་བསྐལ་བ་ལ་སོགས་པར་བརྗོད་པ་ལྟ་བུ་ད…

མེད་པར་འཆར་བས་ནི་ཆད་པའི་མཐའ་ལས་འདས་ལ། འཁོར་བར་འབྱུང་བ་མེད་པའི་ཕྱིར་རྟག་པའི་མཐའ་ལས་ཀྱང་གྲོལ་ཏེ། དེ་ལྟར་ན་ཐོག་མ་རྒྱུ་རྐྱེན་གྱིས་མ་བསྐྱེད་ཅིང༌། རང་དུས་ན་བཀོད་པ་དང་བྲལ་ལ། རྗེས་སུ་རྟག་ཆད་ཀྱི་མཐའ་མི་བརྟེན་པ་དེ་ནི་གཟུང་འཛིན་གཉིས་མེད་ཀྱི་ཡེ་ཤེས་ཏེ་ཤྲཱི་ཡིག་གི་དོན་ནོ། །དེ་ཡང་ཉེར་འཚེ་མེད་ཅིང་འབྱོར་པ་དང་ལྡན་པ་…

ངན་ལས་འདས་པ་སྟེ། དེ་ཡང་དངོས་པོའི་གནས་ལུགས་ལ། རང་བཞིན་རྣམ་དག་གི་མྱང་འདས་ཁོ་ན་ཡོད་ཀྱི། གློ་བུར་རྣམ་དག་གི་མྱང་འདས་ནི་མ་ཡིན་ཏེ། འཁོར་བ་གདོད་མ་ནས་མ་གྲུབ་པས་དེ་སྤངས་པའི་མྱང་འདས་ཀྱང་གདོད་མ་ནས་མི་འགྲུབ་པའི་ཕྱིར་རོ། །དེ་ལྟར་ན། བཤད་པར་གྲུབ་པའི་དོན་ནི། དངོས་པོའི་གནས་ལུགས་དང༌། ཆོས་ཐམས་ཅད་ཀྱི་ཆོས་ཉིད་དང༌། རང་བཞི…

བཅུ་གཉིས་ཀྱི་རླུང་གི་ཆོས་ཉིད་དོན་དམ་པའི་ས་བཅུ་གཉིས་ཀྱི་ཡེ་ཤེས་སོ། །སྤྱི་བོར་དོན་གྱི་མ་མོ་དབྱངས་བཅུ་དྲུག་ཚར་གཉིས་ནི་བརྡའ་སྟེ། དེས་མཚོན་པའི་དོན་དཀར་ནག་གི་ཕྱོགས་ཀྱི་དགའ་བ་བཅུ་དྲུག་ཚན་པ་གཉིས་སོ། །ལྟེ་བ་ན་གསལ་བྱེད་སུམ་ཅུ་རྩ་བཞིས་བརྒྱན་པ་ནི་བརྡའ་སྟེ། བྱང་ཆུབ་ཀྱི་སེམས་འཕོ་བ་བཅུ་དྲུག་པ་ཚན་གཉིས་དང༌། དེ་གཉིས་…

ཀྱང་དོན་གྱིས་འཕངས་ཏེ། དབང་བསྒྱུར་བྱ་ས་བཅུ་པོ་དེ་དག་ལ། དབང་བྱེད་པ་པོ་ནི་ས་དེ་གཉིས་ཡིན་པའི་ཕྱིར་ཏེ། དེ་ལྟར་ན་ས་བཅུ་གཉིས་སོ། །འདིར་གྲུབ་པའི་དོན་ནི། རྩའི་ཆོས་ཉིད་མཚན་དཔེ་རྫོགས་པའི་ཡེ་ཤེས་ཀྱི་སྐུ་དང༌། རླུང་གི་ཆོས་ཉིད་རྣམ་པ་ཐམས་ཅད་པའི་གསུང་དང༌། ཐིག་ལེའི་ཆོས་ཉིད་འདོད་ཆགས་ཆེན་པོ་མི་འགྱུར་བའི་བདེ་བ་གསུམ་ངོ་བ…

མཛད་པའི་ནུས་མཐུའོ། །དེ་ལྟར་ན་གྲུབ་པའི་དོན་ནི། འགྲོ་བའི་དོན་སྤྱོད་པའི་ནུས་མཐུའི་ཡེ་ཤེས་སེམས་ཅན་གང་ལ་གང་འདུལ་དུ་སྤྲུལ་པ་སྣ་ཚོགས་པ་སྤྲུལ་པ་པོ་ནི་སྤྲུལ་པའི་སྐུའོ། །དེ་ལྟར་ན་སྐུ་གསུམ་པོ་དེ་ནི། ལྡོག་ཆས་ཕྱེ་བ་ཙམ་ཡིན་གྱི། ངོ་བོའི་སྒོ་ནས་དབྱེ་བ་མེད་དེ། སངས་རྒྱས་ཀྱི་ཡེ་ཤེས་གཅིག་པུ་གཉིས་སུ་མེད་པ་ཉིད་ལ། ཆོས་ཐམས…

ནས་གཞན་གྱི་དོན་སེམས་ཅན་རྣམས་ལ་བདེ་བ་དམ་པའི་མཆོག་བླ་ན་མེད་པའི་ཡེ་ཤེས་སྩོལ་བར་མཛད་པ་ཡིན་ལ་འདི་དོན་གྱི་གཙོ་བོ་ཡིན་པས་སྨོས་ཏེ། ལྷག་མ་རང་དོན་གྱི་ཕུན་སུམ་ཚོགས་པ་སྣ་ཚོགས་པ་རྣམས་དང༌། སེམས་ཅན་རྣམས་གནས་སྐབས་ཀྱི་ཕན་པ་དང་བདེ་བ་མངོན་པར་མཐོ་བ་དང་ངེས་པར་ལེགས་པའི་ཁྱད་པར་གཞན་དང་གཞན་ལ་འགོད་པར་མཛད་པ་ནི་ཤུགས་ལ་གོ་བར་འག…

བར་བཅུ་དགུ་པ་དང༌། བཅུ་གསུམ་པའི་ཚིགས་བཅད་རེ་རེ་སྟེ་གཉིས་སུ་བྱས་ལ། འགྱུར་བྱེད་ཕྱི་མ་རྣམས་ཀྱིས་རྒྱུན་ཆགས་རྐང་པ་བཞིར་མཛད་ཀྱང༌། བར་པ་རྒྱ་སྐད་ཀྱི་བཞུགས་ཚུལ་དང་མཐུན་ཤས་ཆེ་བ་ཙམ་ཡིན་མོད། འོན་ཀྱང་སྡེབ་སྦྱོར་མེད་པས་ལྷུག་པར་བྱས་པ་ཡང་མི་ལེགས་པ་མིན་ནོ། ཁོ་བོས་མཐོང་བའི་རྒྱ་དཔེ་རྣམས་ན་ཆོས་ཕུང་ཞེས་པ་དང༌། གཙོ་བོ་ཞེས་…

བསྟན་པར་འཆད་པ་དང༌། རྩའི་འཁོར་ལོའི་མགོན་ལ་ཕྱག་འཚལ་ཞེས་སྦྱར་ནས། གཞི་དུས་འཁོར་བའི་རྩ་འཁོར་ལོའི་བཞི་ལ་འདུད་པ་ཡིན་ཏེ། དེ་ལ་གནད་དུ་བསྣུན་པས་ཡེ་ཤེས་སྐྱེ་བའི་ཕྱིར་ཞེས་དགོངས་ནས། དོན་དུ་ལམ་གྱི་ཡེ་ཤེས་དང༌། གནད་དུ་བསྣུན་པའི་གཞི་དཀྱིལ་འཁོར་གསུམ་ལ་མཆོད་བརྗོད་མཛད་པ་འདོད་ཅིང༌། སྐུ་གསུམ་ཡང་ལམ་དུས་ཀྱི་སྐུ་གསུམ་ལ་འཆད་…

པའི་སྐབས་སུ། གོ་ཏྲ་དང་གཱ་ཏྲའི་སྒྲའི་ཁྱད་པར་ལས་རིགས་གསུམ་རྒྱས་པའི་དོན་དུ་འཆད་དོ། །དེའི་རིགས་གསུམ་ཡང་ལུས་ངག་ཡིད་གསུམ་སྟེ་རྩ་གསུམ་དང་སྦྱར་བ་སོགས། མཆོད་བརྗོད་ཀྱི་ཡུལ་གཙོ་བོར་ལམ་ལ་སྦྱོར་བ་མི་ལེགས་ཤིང༌། ཚིག་དོན་ལ་ཞུགས་པ་ཁོ་ནར་ཡང་མི་སྣང་ངོ༌། །དེས་ན་མཆོད་བརྗོད་ཀྱི་ཡུལ་དངོས་ནི། འབྲས་དུས་ཀྱི་སངས་རྒྱས་ཉིད་ཡིན་…

པ་ཡིན་ལ། རྒྱུད་གང་ལས་འབྱུང་བ་ནི། དོན་ནི་རྒྱུད་མཐའ་དག་ལ་ཡིན་ཀྱང༌། ཚིག་གི་ཆ་ནི་ཕལ་ཆེར་དཔལ་ཁ་སྦྱོར་ཐིག་ལེ་དང༌། འགའ་ཞིག་རྣལ་འབྱོར་མ་ཀུན་སྤྱོད་དང༌། རྡོ་རྗེ་མཁའ་འགྲོའི་རྒྱུད་ལས་ཀྱང་བཏུས་པའོ། །དེ་ཡང་ཇི་ལྟ་བུ་ཞེ་ན། ཕྱི་བསྐྱེད་རིམ་གྱི་སྐབས་སུ་དཀྱིལ་འཁོར་དང༌། སྦྱིན་སྲེག་དང༌། བཟླས་པ་ལ་སོགས་པ་ཇི་སྐད་བསྟན་པ་རྣམས…

ཕྱིར་རོ། །དེ་ཡང་གཞུང་འདིའི་ཚིག་དོན་མཐའ་དག་རྒྱུད་ལས་བསྡུས་པ་ཁོ་ན་ཡིན་ན་རྒྱུད་ཉིད་ཀྱིས་ཆོག་པས། སླར་ཡང་བརྩམས་པ་དོན་མེད་དོ་སྙམ་ན། ཟློས་སྐྱོན་སྤོང་བ་ནི། རྒྱུད་ན་ཡོད་ཀྱང་མང་ཞིང་འཐོར་བས་རྟོག་དཀའ་བ་དེ། འདིར་ཉུང་ངུ་ལ་མངོན་པ་དགའ་བ་དག་ལ་ཕན་པའི་ཕྱིར། ཚིག་ཉུང་ཞིང་དོན་རྣམས་ཀྱང་ཕྱོགས་མཐུན་ཕྱོགས་མཐུན་དུ་གོ་རིམ་བསྒྲ…

དཔག་ཏུ་མེད་པའི་གཟུགས་ཀྱིས་ནམ་མཁའ་ཁྱབ་པར་བྱེད་པའི་དོན་ཡིན་པས། འོད་གསལ་དེ་ཉིད་རྣམ་པ་ཐམས་ཅད་པར་ཅིག་ཅར་ཤར་བའི་ཟུང་འཇུག་ནི་རྡོ་རྗེ་མཁའ་འགྲོའོ། །དེ་ཡང་ཡིན་ལ་དངོས་གྲུབ་ཀྱང་ཡིན་པས་དེའི་དངོས་གྲུབ་སྟེ། དེའི་ཡང་མཐར་ཐུག་པ་ཡིན་པའི་ཕྱིར་བླ་ན་མེད་པའི་སངས་རྒྱས་ཀྱི་གོ་འཕང་ཡིན་ལ། དེ་ནི་རང་གི་ལུས་ལ་གནས་སོ་ཞེས་པའོ། །འད…

ན་དཔྱིད་ཀྱི་ཐིག་ལེའི་དངོས་གྲུབ་རང་ལུས་ལ་གནས་པ་ནི། སྐབས་འདིར་བརྗོད་བྱ་ཡིན་ལ། དེ་སྟོན་པར་བྱེད་པའི་གཞུང་གི་ཚིགས་འདི་ནི་བརྗོད་བྱེད་ཡིན་ཞིང༌། གཞུང་འདི་ལ་བསླབས་པས་དེ་འབད་མེད་དུ་རྟོགས་པར་འགྱུར་བ་ནི་དགོས་པ་དང༌། དེ་ལྟར་གོ་ཞིང་རྟོགས་ནས་བསྒོམས་པ། དངོས་གྲུབ་དེ་ཐོབ་པར་འགྱུར་བ་ཉིང་དགོས་ཡིན་ཞིང༌། དེ་རྣམས་ཕྱི་མ་ཕྱི…