མི་འགྱུར། །སྙིང་རྗེའི་འཆུ་བ་བྱམས་པ་ སྟེ། །དེ་སྡུག་བསྔལ་ནི་བདེ་བ་ཡི། །སངས་རྒྱས་ཚུལ་བཞིན་ཡིད་བྱེད་པས། །ཡལ་ག་བདེ་ཆེན་འཕེལ་བ་དང༌། །སྨོན་ལམ་རྒྱུན་ནི་མ་ཆད་པས། །ལོ་མ་འདོར་ལེན་རྐྱེན་རྣམ་གཉིས། །གྲུབ་པ་དེ་ཕྱིར་མེ་ཏོག་དང༌། །འབྲས་བུ་དོན་ཡོད་ཤེས་པར་བྱ། །ཞེས་གསུངས་ཏེ། བྱམས་པ་ལ་སོགས་པ་ནི་སྙིང་རྗེ་འཕེལ་བར་བྱེད་པའི་…

མུག་གིས་དངོས་སུ་ཀུན་ནས་བསླངས་པའི་ལས་ཐམས་ཅད་སྡིག་པ་མི་དགེ་བའི་ལས་ཡིན་ནོ། །དེ་ལ་ལས་ཀྱི་ངོ་བོ་དངོས་ནི། སེམས་པ་ཡིན་ཞིང༌། དེ་དང་མཚུངས་པར་ལྡན་པའི་ཤེས་པ་འདུ་བྱེད་དུ་གྱུར་པ་གཞན་རྣམས་ཀྱང༌། ལུས་ངག་གི་བྱ་བ་དང་མ་འབྲེལ་ན། ཡིད་ཀྱི་ལས་སམ་སེམས་པའི་ལས་སུ་འགྱུར། སྦྱོར་བ་ལུས་ངག་ཏུ་ཐོན་ཐུབ་པའི་ནུས་པ་ཅན། འདུ་བྱེད་སེམས་པ…

དཀར་བ་དགེ་བའི་ལས་ལ་ནི། སྡིག་ལས་ཀྱི་འབྲས་བུ་དེ་དག་ཕྱིན་ཅི་ལོག་པའི་བདེ་བ་དང༌། གཞན་ཡང་ཕུན་སུམ་ཚོགས་པ་ཇི་སྙེད་པ་འབྱུང་ངོ༌། །དེ་སྐད་དུ། ཞི་བ་ལྷས་ཀྱང༌། དགེ་བའི་ཆོས་རྣམས་ཐམས་ཅད་ཀྱི། །རྩ་བ་མོས་པར་ཐུབ་པས་གསུངས། །དེ་ཡི་རྩ་བ་རྟག་ཏུ་ནི། །རྣམ་སྨིན་འབྲས་བུ་སྒོམས་པས་སོ། །སྡུག་བསྔལ་ཡིད་མི་བདེ་བ་དང༌། །འཇིགས་པ་རྣམ་པ་…

གསུམ་དང་འགལ་བའི་ཉེས་ལྟུང་རྣམས་གཙོ་བོར་སྨོས་པའི་སྡིག་པ་མི་དགེ་བའི་ལས་རང་གིས་བགྱིས་པ་དང༌། གཞན་བྱེད་དུ་བཅུག་པ་དང༌། བྱས་པ་ལ་རྗེས་སུ་ཡི་རང་བ་དང༌། སྡིག་ལས་བྱས་པ་ལ་བསྟོད་པ་བརྗོད་པ་སོགས་མདོར་ན་ནག་པོ་ཕྱོགས་མཐུན་དང་བཅས་པ་ཐམས་ཅད་བཤགས་པར་བྱ་བ་ཡིན་ཏེ་སྦྱོང་བར་བྱེད་པའི་མཐོལ་བཤགས་ཞེས་བྱ་བ་ལ། ཉེས་པ་བྱས་པ་གསངས་ཤིང་ས…

དང༌། གཉེན་པོ་ཀུན་ཏུ་སྤྱོད་པ་དང༌། ཉེས་པ་ལས་ལྡོག་པའི་སྟོབས་དང༌། རྟེན་གྱི་སྟོབས་སོ། །ཞེས་གསུངས། དེ་ལ་མཐོལ་བཤགས་དངོས་ཀྱི་སྐབས་སུ་སྔར་བྱས་ཀྱི་སྡིག་པ་ལ། དུག་འཐུང་བ་ལྟ་བུའི་འགྱོད་སེམས་དྲག་པོ་སུན་འབྱིན་པའི་སྟོབས་དང༌། ཕྱིན་ཆད་སྲོག་ལ་བབ་ཀྱང་མི་བགྱིད་པའི་སྡོམ་སེམས་དྲག་པོ་སླར་ལྡོག་པའི་སྟོབས་རྣམས་དགོས་སོ། །སྐབས་…

པ་རྣམས་ལ་སྐྱབས་འགྲོ་གསལ་ཐེབས་པར་མ་ངེས་པས། ཆོ་གས་མ་བླངས་པའི་དད་པ་ཙམ་གྱི་སྐྱབས་འགྲོ་དང༌། བྱང་ཆུབ་ཀྱི་སེམས་དྲན་པ་ཙམ་རྟེན་དུ་བྱས་ན། སྐྱབས་འགྲོ་རྐྱང་པ་རྟེན་ཆུང་ངུ་དང༌། སེམས་བསྐྱེད་རྐྱང་པ་རྟེན་ཆེན་པོ་དང༌། གཉིས་ཀར་འཛོམ་ན་རབ་ཏུ་གྱུར་པ་ཞེས་བྱའོ། །ཆོ་གས་བླངས་པ་ནི། སྐྱབས་འགྲོ་ཡོད་པ་ཙམ་ལ་སེམས་བསྐྱེད་ཡོད་པར་མ་ངེ…

བ་ལ་བརྟེན་པ་ནི། མདོ་རྣམས་ལས་སངས་རྒྱས་བྱང་ཆུབ་སེམས་དཔའ་མང་པོ་ཞིག་ལ་འདིའི་མཚན་བཟུང་བ་ཙམ་གྱིས་ལས་སྒྲིབ་བྱང་བར་འགྱུར་ཞེས་དམིགས་བསལ་གསུངས་པ་རྣམས། རང་ཉིད་བརྗོད་ཅིང་གཞན་ལའང་སྒྲོག་པ་སྟེ། མཚན་དེ་ཡང་བརྗེན་པར་མི་བཟུང་ཆེ་བ་འདོགས་དང་བཅས་པས་བཟུང་བར་བྱ་སྟེ། བཅོམ་ལྡན་འདས་དེ་བཞིན་གཤེགས་པ་འོད་དཔག་ཏུ་མེད་པ་ལ་ཕྱག་འཚལ་ལ…

པའོ། །དྲུག་པ་སྟོང་པ་ཉིད་ལ་མོས་པ་ནི། བདག་མེད་པ་དང་དེ་བཞིན་གཤེགས་པའི་སྙིང་པོའི་དོན་བསྒོམ་ཞིང༌། གལ་ཏེ་སྒོམ་པར་མི་ནུས་ན་ཡང༌། མོས་པ་ཡང་ཡང་བསྐྱེད་པ་སྟེ། ཁྱད་པར་དུ་སྡིག་པའི་ལས་ཉིད་དང༌། བྱེད་པ་པོ་གང་ཟག་དང༌། སྡིག་པའི་ས་བོན་འཛིན་པའི་རྣམ་ཤེས་དང༌། འབྲས་བུ་སྡུག་བསྔལ་དང་བཅས་པ་ཐམས་ཅད་བདེན་མེད་སྒྱུ་མ་ལྟ་བུའི་འདུན་པ…

དགའ་བར་འགྱུར་བས། སྡུག་བསྔལ་རྒྱུན་མི་འཆད་དུ་འཕེལ་བར་འགྱུར། བདག་འདི་ལྟ་བུའི་བྱ་བ་མ་ཡིན་པ་བྱེད་པ་ཤིན་ཏུ་རང་གླེན་ཞིང་གཏི་མུག་པ་ཨང༌། འབྱུང་པོས་ཟིན་ནམ་ཅི། སྨྱོ་བ་ཡིན་ནམ་ཅི། ལས་འདི་ལ་ཁྱེ་བོགས་ཡེ་མི་འདུག་པ་ལ་དེ་ཙམ་དུ་དགའ་བ་སྐྱེ་བ་ཨང༌། ཉེས་དམིགས་འདི་ཙམ་ཅིག་འདུག་པ་ལ། སྣ་ཅིག་ཀྱང་མ་དྲན། མ་ཤེས་པ། སྐྱོབ་པའི་ལྷ་ཞི…

མས་སྡིག་པ་བྱས་པའི་དགྲ་གཉེན་ནོར་རྫས་སོགས་དེ་དག་ནི། རང་ངན་སོང་དུ་འཁྱམས་ཕན་འདོགས་དགོས་པའི་དུས་སུ། ཐོ་ཕྱིར་ཡང་སླེབ་མི་འོང༌། སྡིག་པ་བྱས་པའི་འབྲས་བུ་ནི། རང་ཁོ་ནས་མྱོང་དགོས་པས་སྡིག་པ་བྱས་པ་དེ་བདག་རང་གཅིག་པུ་ལ་སྡུག་གྱོང་ཁོ་ན་ཡིན་སྙམ་དུའང་བསམས། དེ་ལྟར་སྡིག་པ་བྱས་པ་དེ་དོན་མེད་མ་ལེགས་པ་ཆེན་པོ་ཞིག་བྱུང་འདུག་ཀྱང…

བཅས་པ་འདི་བསྔགས། སྤྱིར་སྒྲིབ་སྦྱོང་གི་ཡི་གེ་བརྒྱ་པ་ལ། རྩ་བ་ནས་མི་འདྲ་བ་གཉིས་ཡོད་དེ། དེ་བཞིན་གཤེགས་པའི་ཡི་གེ་བརྒྱ་པ་དང༌། རྡོ་རྗེ་སེམས་དཔའི་ཡི་གེ་བརྒྱ་པའོ། །དང་པོ་ནི་དམ་ཚིག་གསུམ་བཀོད་ཀྱི་རྒྱུད་ལས་འབྱུང༌། གཉིས་པ་ལ་ལྷ་སོ་སོའི་མཚན་སྔགས་སྤོས་ན། རྒྱུད་སྡེ་རབ་འབྱམས་ནས་འབྱུང་བའི་འཇིག་རྟེན་འདས་པའི་ལྷ་ཇི་ཙམ་པ་…

གསོལ་བ་གདབ་པའི་སྔགས་ཡིན་གྱི། རྡོར་སེམས་ཡིན་ཚད་ཀྱི་སྔགས་སུ་མི་འགྱུར་བའི་ཕྱིར། ལྷ་དེ་ལྟ་བུ་བསྒོམས་ནས་སྔགས་ཡིག་བརྒྱ་བཟླ་བ་ནི། རྡོར་སེམས་ཀྱི་ལྡོག་པར་གཅིག་པ་ཙམ་ལ་བསམས་པར་འདུག་ཀྱང༌། དཔེར་ན། སྒྱུ་འཕྲུལ་དྲྭ་བའི་རྣམ་སྣང་ཞལ་གསུམ་ཕྱག་དྲུག་པ་བསྒོམས་ནས། སྔགས་ངན་སོང་སྦྱོང་རྒྱུད་ལས་བྱུང་བའི་དུརྒ་བཟླས་པ་ལྟ་བུར་འགྱུ…

ལས་ཧེ་རུ་ཀའི་ལུགས་སུ་བྱས་ན་འབྲེལ་ཆགས་ཤིང༌། དུས་ཀྱི་འཁོར་ལོ་དང་འཁོར་ལོ་སྡོམ་པ་ལྷ་རིགས་མཚུངས་པ་དང༌། རྡོ་རྗེ་བཞི་དང་རིགས་དྲུག་སྟོན་པར་མཚུངས་པ་སོགས། ཕན་ཚུན་ཁ་འགེངས་བྱེད་ན་འབྲེལ་ཆགས་ཆེ་བའི་རྒྱུ་མཚན་མང་དུ་ཡོད་མོད། རྒྱས་པར་མ་སྨོས་སོ། །སྐབས་འདིའི་རྡོ་རྗེ་སེམས་དཔའི་སྒྲུབ་ཐབས་ནི། བདག་བསྐྱེད་ཀྱི་ཚུལ་མ་ཡིན། མདུ…

རྒྱས་བསྡུས་བཞི་པོ་གང་ལྟར་བྱས་ཀྱང་རུང་ངོ༌། །འདིར་རྡོ་རྗེ་བཞིའི་ས་བོན་དུས་འཁོར་ཉིད་ལ་གཙོ་བོར་གྲགས་པ་ཡིན་མོད། མངོན་བརྗོད་བླ་མ་ལས་ཀྱང་ལྟེ་བར་ཡེ་ཤེས་རྡོ་རྗེ་འགོད་པར་བཤད་དོ། །སངས་རྒྱས་ཐམས་ཅད་ཀྱི་ཐུགས་ཀ་ནས་བདུད་རྩི་སྤྱན་འདྲེན་པ་འདི་ནི། ཡེ་ཤེས་སྤྱན་འདྲེན་གྱི་རིགས་མ་ཡིན། འོག་ཏུ་སྡིག་སྒྲིབ་བཀྲུ་བའི་དམིགས་པ་དག…

སྟེ། རྟེན་གྱི་སྟོབས་ལས་བཤགས་ཡུལ་ནི་ཆེས་མཆོག་ཏུ་གྱུར་པ་བླ་མ་རྡོ་རྗེ་སེམས་དཔའ་དང༌། སངས་རྒྱས་བྱང་སེམས་འཕགས་ཚོགས་ཐམས་ཅད་ཡིན་ལ། རང་རྒྱུད་ཀྱི་རྟེན་སྐྱབས་འགྲོ་སེམས་བསྐྱེད་གསལ་འདེབས་པ་ནི། ཐུན་གྱི་འགོར་ཡང་བྱེད་ཅིང༌། སྔགས་དོན་བསམ་པ་དང༌། བདག་དང་སེམས་ཅན་ཐམས་ཅད་ཅེས་སོགས་ལའང་ཚང༌། གཉེན་པོ་ཀུན་ཏུ་སྤྱོད་པའི་སྟོབས་ནི…

མནན་ཏེ་རིམ་གྱིས་བྱང་བར་འགྱུར་གསུང༌། དེ་སྔོན་བོད་ན་གསང་སྔགས་པ་སོ་སོ་ལ་ཡིག་བརྒྱའི་གདམས་ངག་མང་དུ་ཡོད་ཀྱང༌། རང་རང་གི་སློབ་མ་ཉུང་ཤས་རེ་མ་གཏོགས་སྤྱི་ལ་མ་ཁྱབ། ཇོ་བོའི་གསུང་དེས་རྐྱེན་བྱས་ནས། སྔགས་པར་གཏོགས་སོ་ཅོག་གསར་རྙིང་ཐམས་ཅད་ལ་ཆོས་འདིའི་འུར་ལངས་པ་ཡིན་སྐད་དོ། །མཎྜལ་འབུལ་བའི་སྐབས་སུ། མཎྜལ་འབུལ་ཚུལ་གྱིས་ལག་…

ལུགས་ཡིན་པས་གཙོ་ཆེ་ཡང༌། དམིགས་པའི་སྐབས་རྣམ་པ་གསལ་བའི་ཆེད་དུ། མཆོད་རྟེན་བང་རིམ་ཟླུམ་པོ་བཞི་པ་ལྟ་བུ་སྒོམས་ཀྱང་མི་འགལ་ཏེ། འདིར་རྒྱས་པར་མ་སྤྲོས། དེས་ན་སའི་དཀྱིལ་འཁོར་གསེར་གྱི་རང་བཞིན་ཟླུམ་པོ་ཐད་ཀར་དཔག་ཚད་འབུམ་ཕྲག་གཅིག དེའི་དབུས་སུ་རི་རབ་དཔངས་སུ་དཔག་ཚད་འབུམ། རྩ་བའི་རྒྱ་ལ་རིའི་སྙིང་པོ་དཔག་ཚད་བཅུ་དྲུག་དང༌།…

པ་ལས། དབུས་སུ་གྱེན་དུ་འཕགས་པའི་གླིང་རྣམས་ནི། རྒྱུད་ལས། སའི་སྟེང་དུ་དཔག་ཚད་སྟོང་ཕྲག་རྣམས་ནི་རི་དང་ཀླུ་དང་གཟའ་དང་ཕྱོགས་རྣམས་དག་ཏུ་འགྱུར། །ཞེས་གསུངས་པ་ལྟར། ཤར་ལུས་འཕགས་པོ་དབྱིབས་ཟླ་གམ་རྒྱར་དཔག་ཚད་སྟོང་ཕྲག་བདུན། བཅད་ཁ་ནང་དུ་བསྟན་པ། ལྷོ་འཛམ་བུ་གླིང་གྲུ་གསུམ་རྩེ་མོ་ཕྱིར་བསྟན་རྒྱར་སྟོང་ཕྲག་བརྒྱད། བྱང་སྒྲ་མ…

ཆད་ཀ་གསལ་བཏབ་པས་ཆོག ཆུ་མེ་རླུང་གི་ཁོར་ཡུག་སྒོམ་མི་དགོས་སོ། །འདིར་ཅུང་ཟད་རྒྱས་པར་སྒོམ་ན་རི་མཚོ་གླིང་གི་རྣམ་གཞག་ནི་འདི་ལྟ་བུ་ཞིག་སྟེ། རྒྱུད་ལས། ལན་ཚྭ་ཆང་དང་ཆུ་དང་འོ་མ་ཞོ་དང་མར་དང་སྦྲང་རྩིའི་རྒྱ་མཚོ་བདུན་ཏེ་རི་བོ་ནི། །འོད་སྔོན་མནྡྷ་ར་རི་ནི་ཥ་ཊ་དང་ནོར་བུའི་འོད་དང་དྲོ་ཎ་བསིལ་རི་རྡོ་རྗེའོ། །གླིང་ནི་ཟླ་བ་འ…

བསྐོར་བ་སོགས་གོ་བར་བྱ་སྟེ། ཀུ་ཤའི་གླིང་དང༌། ཞོའི་རྒྱ་མཚོ་དང༌། རི་བོ་ནི་ཥ་ཊ་དང༌། མིའམ་ཅིའི་གླིང་དང༌། འོ་མའི་རྒྱ་མཚོ་དང༌། རི་ནོར་བུའི་འོད་དང༌། ཁྲུང་ཁྲུང་གི་གླིང་དང༌། ཆུའི་རྒྱ་མཚོ་དང༌། རི་བོ་དྲོ་ཎ་ཞེས་བྱ་བ་དང༌། དྲག་པོའི་གླིང་དང༌། ཆང་གི་མཚོ་དང༌། བསིལ་བའི་རིའམ། ཁ་བའི་རི་སྟེ་དེ་ལྟར་ན། རི་རབ་མ་གཏོགས་པའི་རི…