རིག་པ་ཤུགས་ཆུང་ན་སྤྲོ་བ་བསྐྱེད། རང་ཤུགས་ལ་གནས་པའི་སྒང་ལ་བཅས་བཅོས་མི་བྱེད་དེ། གོང་དུ་བཤད་པའི་སེམས་གནས་ཐབས་ཐམས་ཅད་ཀྱང་ལག་ལེན་དུ་དེ་ལ་འདུས་སོ། །དེའི་ཚེ་སེམས་གསལ་སྟོང་འཛིན་མེད། མ་ཡེངས་པ་ཕྱོགས་ཆ་ཉེ་རིང་མེད་པ་ཞིག་འདུག་པ་དེ་ཀ་ཞི་གནས་ཡིན། དེང་སང་ལག་ཏུ་ཡང་ལོང་བ་དེ་ཡིན། ཤིན་སྦྱངས་ལ་སོགས་པའི་མཚན་ཉིད་གཞན་དུ་མ་ག…

འཛིན་ལ་འཇུག་དགོས། སྤྱོད་འཇུག་ལས། སྟོབས་ཉམས་པ་དང་རྗེས་འབྲེལ་ ན། །སླར་བྱའི་དོན་དུ་དོར་བར་བྱ། །ལེགས་པར་ཟིན་ནས་ཕྱི་མ་དང༌། །ཕྱི་མ་འདོད་པས་དེ་སྤང་བྱ། །ཞེས་གསུངས་པ་ལྟར་མི་འགྲུབ་པའི་གནས་མང་པོ་ལ་ཧ་ཅང་རྩོལ་གྲགས་པ། བརྩོན་འགྲུབ་ཀྱི་སྐྱོན་ཡིན་པས། དེའི་གཉེན་པོར་དོར་བ་ཞེས་བྱ་བ། བློ་སྣ་མང་པོ་དོར་ཏེ་གཅིག་ལ་བསྒྲིལ་བར…

ན་ལུས་གནད་འབྱོངས་ཞེས་ཡོན་ཏན་ཁྱད་པར་ཅན་སྐྱེས་པའི་རྣམ་གྲངས་སུ་མཛད་པ་ཡོད། འགའ་ཞིག་དགེ་སྦྱོར་ཡོད་ན་སྡོད་ལུགས་ལ་ཁྱད་མེད་ཟེར་ཏེ། སྒོམ་ལ་བརྟན་པ་ཐོབ་ན་ལུས་གནད་མ་བྱས་ཀྱང་མི་གནོད་པ་ཙམ་ཡིན་གྱི། དེ་ནས་ཀྱང་ཡོན་ཏན་གོང་འཕེལ་དུ་འགྲོ་བ་ལ་ལུས་གནད་མི་དགོས་པ་མ་ཡིན་ཉམས་རྟོགས་ཏེ་བྱང་ཆུབ་སེམས་དཔའ་རྒྱལ་བུ་དོན་གྲུབ་ལས་མཐོ་བ…

ཤེས་པ་བྱིང༌། འདུས་པའི་ནད་ལྡང༌། ཡོ་འཁྱོག་མེད་པར་ལུས་བསྲངས་པས་སྐྱོན་དེ་དག་མི་སྐྱེད་པས་གེགས་ཕལ་ཆེར་མི་འབྱུང༌། རླུང་རང་གནས་སུ་རྒྱུས། རྩ་ཐིག་རང་གནས་སུ་གནས་པས། ཏིང་ངེ་འཛིན་སྐྱོན་དང་བྲལ་བ་སྐྱེ་སླ་བ་དང༌། རླུང་དབུ་མར་འབབ་སླ་བའི་དགོས་པ་ཡོད། མགྲིན་པ་དགུག་བྱ་བ། ལྟག་པ་འཕྲེང་ལ་ཆག སྐེ་མདུན་ལ་གུག་པའི་གོ་བ་མ་ཡིན། མཇ…

སྟེང་དུ་བསྟད་པས་རོ་རྐྱང་མགོ་ནས་བཟུང་སྟེ་བཙིར་བ་ལྟ་བུ་ཡིན། མགོ་ནས་བཙིར་པས་དེའི་ཤུགས་ཀྱིས་མས་སྣ་གསང་བར་རླུང་རྒྱུགས་པ་དེ་མཐའི་ལ་ཐུག་པ་ན་ཡར་ལྡོག་སྟེ་རྩ་དབུ་མར་འཇུག་པ་ཡིན། མིག་འབྲས་གཡོ་བ་མེད་པར་བཞག་པས། རོ་རྐྱང་གི་རྩ་འགུལ་མ་ཐུབ། རྩ་མ་འགུལ་བས་རླུང་གཡོ་བ་མཁན་མེད་པར་གསར་པ་མི་སྐྱེ་ཞིང༌། རྙིང་པའི་རྒྱུན་རྣམས་ཇེ…

ཚུལ་གྱིས་རླུང་རོ་ལན་གསུམ་སངས་ཏེ་ཕྱིར་བུས་ཤིག་བྱས་ལ། དཔོན་སློབ་ཐམས་ཅད་ཀྱིས་རླུང་རོ་ལན་གསུམ་བསལ། དེས་རླུང་འཁྲུགས་པ་རྣམས་སངས་ཏེ་རང་གནས་སུ་རྒྱུ་བས་གེགས་མི་འབྱུང༌། ཏིང་ངེ་འཛིན་དང་གིས་སྐྱེ། རླུང་འབྱོངས་པའི་བདེ་བ་འབྱུང༌། སྣོད་ལ་བཀྲུ་བཤལ་དང་ཁང་པ་ལ་ཕྱག་དར་བྱས་པ་དང་འདྲ། ད་ཐུན་གྱི་འགོར་རླུང་རོ་བསལ་བ་འདི་མ་གཏོག…

པར་བཞག་པས་ལུས་ཉམས་ངག་ཉམས་སེམས་ཉམས་མཐོང་ཉམས་རྨི་ཉམས་སོགས་མ་ངེས་པ་ཇི་སྙེད་ཅིག་བཅོས་མིན་རང་ཤུགས་སུ་འབྱུང་སྟེ། དེ་ཐམས་ཅད་བྱུང་རྒྱལ་དུ་བསྐྱངས་པས། སྐྱོན་མེད་རང་སར་གྲོལ་འགྲོ་བ་ལེགས་སོ་བྱས་ལ། ཅུང་ཟད་ཅིག་ནས་ལུས་གནད་འགྲོལ་དུ་གཞུག སློབ་མ་རྩ་བཟང་བླ་མ་ལ་ཉམས་མྱོང་གི་རྒྱུན་ཡོད་ན་ཆོས་གྲྭ་དེ་ཁར། གནས་པ་འཐུག་པོ་དང་ཉམས…

ཞིག མིག་ནད་ཡོད་པ་ཚོ་འཕྲལ་དུ་དག་འགྲོ་བ་མངོན་སུམ་གྱིས་གྲུབ་པ་འདི་ཀ་ལགས། ལུས་གནད་འབྱོངས་རྟགས་སྣང་མཐོང་ནས་རྟག་ཏུ་བདེ་བའི་ཉི་མ་བཅུ་གཉིས་ཤར་བའོ། །གཞན་འདི་ན་ཁ་ཅིག་འཆོལ་པའི་སྤྱོད་པར་ཤོར། བཅད་ཁམ་གཙང་པོར་རློམ་པའི་བསམ་གཏན་པ་རྒན་པོའི་མིང་རེ་བཏགས། རྒྱུ་མ་ཝས་བྲུས་པ་བཞིན་དུ་སོང༌། རོ་སྟོད་དང་མཇིང་པ་སྒུར་རེ། མདོག་རོ…

ཀྱི་ཡི་གེ་དང༌། ངོ་སྤྲོད་དགོས་པ་རྣམས་ངོ་སྤྲོད་ཕྱི་ནང་གི་ཡི་གེ་ལས་རྟོགས་དགོས་སོ། །དེ་དག་ཏུ་རྒྱས་པར་བཤད་ཟིན་པ་རྣམས་འདིར་མི་སྤྲོ། །སྤྱིར་ནི་ཚིག་གི་རྒྱུད་ལ་ལྷད་མི་འཇུག་པ་དང༌། གྲུབ་མཐའི་གནད་མི་འཆུག་ཅིང༌། གདམས་ངག་གི་རྐང་གྲངས་རྣམས་མི་འཆད་པ་དང༌། འཁྲུགས་མི་འགྲོ་བའི་ཕྱིར་ཡིག་རིགས་ལ་ཐིག་ཚད་བྱེད་དགོས་པ་ཡིན་མོད། …

འདྲ་བར་བཟུང་བྱ་སྟེ། །ནམ་མཁའ་རང་བཞིན་ཉིད་དུ་སེམས་ཉིད་བཟུང༌། །ཡིད་དེ་ཡིད་མ་ཡིན་པར་བྱེད་གྱུར་ན། །དེས་ནི་བླ་མེད་བྱང་ཆུབ་ཐོབ་པར་འགྱུར། །ཞེས་གསུངས་ཏེ། རིག་པ་ནམ་མཁའ་ལ་བསྲེས་པས། སེམས་ནམ་མཁའ་འདྲ་བ་སྟེ། རྣམ་རྟོག་སྤྲོས་པའི་མཚན་མ་གང་ཡང་མེད་པ་ཞིག་འབྱུང༌། དེ་གོམས་པས་སེམས་ནམ་མཁའི་རང་བཞིན་ཏེ་སྤྲོས་བྲལ་དུ་འགྱུར། ཡིད…

ཡིན་ཞེས། །རྨོངས་པ་མདའ་བསྣུན་གྱིས་སྨྲས་རྩེན་ནེ་ཤེས་པར་གྱིས། །ཞེས་གསུངས་པ་ལྟར། འདི་ནམ་མཁའི་སྣང་བ་དང་འདྲེས་པའི་སེམས་གསལ་རིག་གི་ཆ་ལ་བལྟ་བ་ཡིན་པས། འཁོར་བ་རྣམ་པར་རྟོག་པའི་འཆར་སྒོ་ཐམས་ཅད་ཤར་ཙམ་ཉིད་ནས་གསལ་རིག་གི་ངོ་བོ་ཉིད་དུ་རང་དག་ཏུ་བྱེད་པའི་ཕྱིར། རང་གྲོལ་གྱི་རྣལ་འབྱོར་རམ། འཆར་སྒོ་ཐམས་ཅད་དབྱིངས་སུ་རོ་སྙོམས…

ཀློད་ན་གྲོལ་བར་ཐེ་ཚོམ་མེད། །ཅེས་གསུངས་ཤིང༌། གཅོད་པ་རྣམས་ན་རེ། ཁྲིམས་ཀྱིས་བསྒྲིམས་ལ་ལྷོད་ཀྱིས་ཀློད། །སེམས་ཀྱི་བཞག་ཐབས་དེ་ན་གདའ། །ཞེས་སོ། །དེའི་ཕྱིར་འདི་ལ་ཀློད་པ་རང་གྲོལ་གྱི་གདམས་ངག་ཅེས་ཀྱང་ཟེར། སྤྱིར་ཆེད་དུ་བསྒྲིམས་པ་ཁོ་ན་དང༌། ཆེད་དུ་ཀློད་པ་ཁོ་ན་དང༌། བསྒྲིམས་ཀློད་སྤེལ་མ་དང༌། བསྒྲིམས་ཀྱང་མ་བསྒྲིམས་ལྷོ…

ཀ་སྤང་བླང་དགག་སྒྲུབ་ཡིན་མོད། ཡང་ལུས་གནད་ལ་གཞུར་བ་བཀག །འདུག་ཚུལ་ངེས་མེད་སྒྲུབ་པ་དེ་ཀ་སྤང་བླང་དགག་སྒྲུབ་ཡིན། ཀློད་དོན་མེད་གསུང་པའང༌། ཀློད་ན་གྲོལ་བར་ཐེ་ཚོམ་མེད། གསུང་བ་དང་ནི་རྒྱབ་འགལ་ལགས། དེ་བཞིན་དུ་སྒོམ་ཆེན་པ་ཕལ་ཆེར་བློས་བྱས་བཀག་ནས། མ་བཅོས་སོ་མ་སྒྲུབ་སྟེ། དགག་སྒྲུབ་དེ་ཀ་བློས་བྱས་ཡིན། བཅོས་པར་སོང༌། དྲི…

བཞི་པོ་དེ་དག་རེ་རེ་བཞིན་ཉམས་མྱོང་སྐྱེས་སྐྱེས་སུ་བསྒོམ། དེ་རྗེས་བཞི་ཀར་གནད་གཅིག་ཏུ་དྲིལ་ཏེ་སྒོམ་ཚུལ་དཀྱུས་བཞིན་ནོ། །ཡང་རྒྱུད་དང་སེམས་འགྲེལ་ལས་ཉིན་མཚན་གྱི་རྣལ་འབྱོར་གྱི་དབྱེ་བ་ཙམ་མ་གཏོགས། སོར་སྡུད་ཀྱི་དམིགས་པ་གཅིག་ལས་མེད། སྦྱོར་དྲུག་གི་མན་ངག་གཞན་ཕལ་ཆེར་ན་ཡང་གཅིག་ཁོ་ན་ཡིན། བི་བྷུ་ཏི་ཙནྡྲའི་ཉེ་རྒྱུད་མན་…

མི་དགོས་པའི་ཕྱིར་རོ། །དེས་ན་དམིགས་སྐོར་ལྔ་པོ་འདིས། སོར་སྡུད་ཀྱི་མཚན་ཉིད་ཚང་བར་འགྱུར་བས། འདི་རྣམས་རྫོགས་པར་བཤད་ནས། དངོས་གཞི་མཚན་མོའི་རྣལ་འབྱོར་གྱི་མུན་འཁྲིད་ལ་འཇུག་པ་ཐོབ་ཐང་ཡིན་མོད། དམིགས་པ་བཞིའམ་ལྔ་པོ་དེ། ཐུན་གཅིག་ལ་འཆད་པ་སླ་ཡང༌། སློབ་མ་བློ་དམན་རྣམས་ཀྱི་བློ་ལ་ངེས་དཀའ་ཞིང༌། ཞག་ཤས་དམིགས་པ་སྐྱོང་སྟབས་མ…

མཚན་མོའི་རྣལ་འབྱོར་ལ། རྟགས་སྣང་སྣ་ཚོགས་མང་པོ་ཞག་བདུན་ཚུན་ཆོད་ལ་འཆར་བའི་རིགས་ཅན་ལ་ཡང༌། ཉིན་མོའི་རྣལ་འབྱོར་ལ། དེ་ལྟར་འཆར་བ་ལ་ཟླ་བ་གསུམ་བཞི་ཙམ་དགོས་པ་ཤས་ཆེ་ཞིང༌། མཚན་མོའི་དེ་ལ་བརྟན་མི་བརྟན་གཉིས་ཡོད། ཉིན་མོའི་དེ་ལན་གཅིག་ཤར་ན་བརྟན་པོ་རང་ཡོང་བ་འདུག སྤོགས་ཆོག་གི་སྐབས་སུ། བླ་མ་ཙ་མི་ལོ་ཙཱ་བའི་གསུང་གིས་ལུས་གྲ…

པོ་ལ་འདྲེས་གྲགས་ན། དཔེར་ན་རྒྱུན་དུ་ག་བུར་བསྟེན་པའི་མི་དེ། ཚད་པས་ན་བ་ལ་ག་བུར་གྱི་སྨན་བཏང་ཡང་མི་ཕན་པ་དང་འདྲ་བ་ཞིག་འོང༌། དེས་ན་འདི་སྤོགས་ཆོག་ཁོ་ན་ཡིན་ནོ། །དེ་ཡང་མིག་བསྒྲིམས་པས་མིག་གི་རླུང་དང༌། སྣ་བསྙེར་བས་སྣ་དང༌། ཁ་བགྲད་ལྕེ་སྒྲིལ་བས་ལྕེ་དང༌། སྣ་དང་མཆུ་བཅུད་པས་རྣ་བ་ཀྲོང་འབྱུང་བས་རྣ་བ་དང༌། ཉ་བཞི་བསྒྲིམས་…

ལུགས་ནི་སྟོང་པའི་གཟུགས་སྒྲ་དྲི་རོ་རེག་བྱའི་སྣང་བ་མངོན་སུམ་དུ་སྣང་བའི་ཕྱིར། དབང་པོའི་མངོན་སུམ། ཡིད་རྣམ་རྟོག་གི་བཞོན་པ་རླུང་འགགས་པའི་ཡེ་ཤེས་ཡིན་པའི་ཕྱིར་ཡིད་ཀྱི་མངོན་སུམ། སྟོང་གཟུགས་དེ་དོན་དམ་ཆོས་ཉིད་ཀྱི་རང་གཟུགས་ཡིན་པས་ཆོས་ཉིད་མཐོང་བའི་ཤེས་པ་རྣལ་འབྱོར་མངོན་སུམ། སྟོང་གཟུགས་དང་དེ་མཐོང་བའི་རིག་པ་ངོ་བོ་ག…

ཞེས་འབྱུང་བས་ཀྱང༌། འཁྲུལ་སྣང་ཙམ་ཡིན་དོན་དུ་ཡོད་ཅེས་པར་གོ་ནུས་སོ། །ཡང་ཇི་སྐད་དུ། །སྔོན་མེད་དཔྱིད་བྱུང་ནམ་མཁའི་མེ་ཏོག་འབྲས། །ལག་པས་ཐོགས་རེག་བྱར་མེད་ས་ར་ཧ། །མིག་མི་འཛུམ་པར་བལྟ་དང་མི་བསམ་དང༌། །རླུང་འགགས་པ་སྟེ་བླ་མ་དམ་པས་གསུངས། །ཞེས་ཏེ་མི་གཡོ་བ་གསུམ་ལ་བརྟེན་ནས། རླུང་འགག་ཤིང་སེམས་གནས་པས་བདེ་བ་སྐྱེ་བ་ནི། ས…

སེམས་པར། སྟོང་གཟུགས་བསྒོམས་ན་མཐར་ཕྱོགས་བཅུའི་འཇིག་རྟེན་མཐའ་དག་གི་སྣང་བ་ཅན་རྣམ་པ་ཀུན་ལྡན་གྱི་སྐུ་རྗེས་དྲན་དུ་འགྲུབ་ཅིང༌། དེ་ལས་ཡོན་ཏན་མཐའ་ཡས་པ་འབྱུང་བའི་ཕྱིར། རྣལ་འབྱོར་གྱི་དབང་ཕྱུག་སངས་རྒྱས་བྱང་སེམས་ཀྱི་གོ་འཕང་ཐམས་ཅད་འདི་ལས་ཐོབ་པར་འགྱུར་རོ། །དེ་བཞིན་དུ་ཞི་བ་ལྷའི་རྡོ་རྗེའི་གླུ་ལས་ཀྱང༌། རྨད་བྱུང་ནམ་མཁ…