བ་ཕྱིར་བསྐྱེད་བཞིན་བྱེད་པ་ནི་མ་ནིང་དང་བུམ་ཅན་གཉིས་སྦྲགས་མ་ཡིན་གསུངས]བུམ་ཅན་གཉིས་སྦྲགས་བྱེད་དེ་གཅུད་འཐེན་ཞེས་བྱའོ། །བཅུ་དྲུག་པ་ནི། སྐྱིལ་ཀྲུང་བཅས་ལ་ལག་པ་སྤྱི་བོའི་སྟེང་ཐད་དུ་ཐལ་མོ་སྦྱར། མགོ་བོ་སྒྲིལ་བཀུག མགྲིན་པ་སྐོར། རོ་སྟོད་སྤྲུགས། སྐེད་པ་སྐྱོགས། རོ་སྨད་གཅུད། གནས་སོ་སོའི་ལུས་སྦྱོང་དང་བསྟུན། ཐལ་མོ་ཡ…

ཟབ་ཅིང་གལ་ཆེ་བ་རྣམས་བླངས་པའོ། །བཅུ་དགུ་པ་ནི། [རྡོ་རྗེའི་སྐྱིལ་ཀྲུང་]ཁུ་ཚུར་བརླ་བཞག མགོ་བོ་སྒུར། འོག་རླུང་ཡར་འཐེན་[རླུང་ཕྱིར་བསལ་ལ་]སྟོང་འདྲེན་དྲག་པོ་བྱ།[བཞིན་པའི་ངང་]དེར་ཧཱུཾ་ཉི་ཤུ་རྩ་གཅིག་ཙམ་བསྡུད། དེ་འཕྲལ་ལངས་ཏེ་ལག་པ་གཉིས་པུས་མོ་ལ་བཀབ་ནས་ཀྱང་རླུང་གནད་སྔ་མ་དེ་དང་འདྲ་བར་བྱ། རླུང་ནང་དུ་དྲངས། མགོ་བཀུག…

འགྲེམས་སྦྲགས་མ་དང༌། ཕྱི་མ་འདི་བཟུང་བསྐྱིལ་བཟློག་གསུམ་སྦྲགས་མ་སྟེ། བི་བྷུ་ཏི་ཙནྡྲ་ལ་ཤ་ཝ་རི་པས་དངོས་སུ་གདམས་པའི་ཉེ་བརྒྱུད་ཀྱི་མན་ངག་གོ །དེ་རྣམས་ཀྱི་མཐར་གོང་དུ་བཤད་པའི་འབེབས་རྣམས་གལ་ཆེའོ། །དེ་ལྟར་ན་རྗེས་དྲན་གདམས་ངག་ཅན་གྱི་ལུགས་སྲོལ་ཕལ་ཆེར་འདུས་པའི་འཁྲུལ་འཁོར་ཉི་ཤུ་མོན་མེ་བྲག་ཁ་བ་གྲགས་པ་སེང་གེ་དང༌། སྲོན…

བླ་མ་དཔལ་ཧེ་རུ་ཀ་ལ་ཕྱག་འཚལ་ལོ། །ཟླ་འོད་ཉི་འོད་ཉི་ནུབ་སྨག །སྣང་བ་གསུམ་གྱི་ཕྱི་ཡི་དཔེ། །སྐྱ་རེངས་འཆར་དུས་སྒྲིབ་མེད་ནི། །ཕྱི་ཡི་མངོན་བྱང་འོད་གསལ་དེས། །མངོན་བྱང་ཆུབ་པའི་ཁྱད་པར་དུས། །ཉི་ནུབ་ཐོབ་པ་རབ་འདས་ནས། །འོད་གསལ་འཆར་བ་ནང་གི་ནི། །མངོན་བྱང་ཉིད་དུ་ཤེས་པར་བྱ། །དེ་རྒྱུ་རིག་མས་མངོན་བྱེད་པ། །རྡོ་རྗེ་ཁུ་བ་ཉི…

སྣང་བ་དང༌། །རྡུལ་དང་འདྲེས་ཐིམ་མཆེད་པར་བཤད། །རླུང་ཐིམ་སྣང་བ་ཉེར་ཐོབ་པ། །གསུམ་པ་ཞིག་ཚེ་ཐམས་ཅད་སྟོང། །ཕྱི་མ་གཏན་ནས་ཐིམ་པ་ཡིན། །དང་པོ་གསུམ་གྱི་སྐབས་སུ་ནི། །ནུབ་པ་སྙིང་གར་ཐིམ་ཞིང་ཟད། །ངོ་བོ་སྣ་རྩེར་གཤེགས་པ་ཡིན། །ཕྱི་མ་ལས་བརྟན་སྙིང་ག་རུ། །ཚོགས་པ་ཞིག་ནས་ཐིམ་པའོ། །དང་པོ་གསུམ་གྱིས་བཟང་རྟོག་དང༌། །ཕྱི་མས་འཛིན་…

དྲི་མ་མེད་པའི་མིང༌། །གསུམ་པ་གཟུང་བྱ་མི་དམིགས་པའི། །སྟོང་ཉིད་རྗེས་ཐོབ་རྡོ་རྗེའོ། །བཞི་པ་འཛིན་བྱེད་ཡེ་ཤེས་ཀྱང༌། །མི་དམིགས་སངས་རྒྱས་ཀུན་བྱིན་རླབས། །ལྔ་པ་ལོངས་སྤྱོད་རྫོགས་རྟག་པ། རིམ་བཞིན་མི་བསྐྱོད་རིན་ཆེན་འབྱུང༌། །སྣང་བྱེད་དོན་གྲུབ་རྣམ་སྣང་མཛད། །རིགས་ལྔའི་སྔགས་རྒྱས་སྒྲུབ་པར་བྱེད། །དང་པོའི་གཟུང་འཛིན་རགས་…

འཁོར་ལོ་སྡོམ་པའི་གནས་ཆེན་བསམ་གཏན་སྡིངས་སུ་རང་ལོ་ཉེར་གཅིག་ཉེ་བ་ལ་སྦྱར་བའོ།། །།བཀྲ་ཤིས། །

གཡས་པ་དམར་པོ་བརྐྱང་བའི་འདོད་ལྷ་དམར་པོའི་སྙིང་གར་མནན་པ། རལ་པའི་ཐོར་ཚུགས་དང༌། ཡིད་བཞིན་གྱི་ནོར་བུ་དང༌། ཟླ་བ་ཕྱེད་པས་དབུ་ལ་བརྒྱན་པ། །རྡོ་རྗེའི་རྒྱན་དང་སྟག་གི་པགས་པའི་ཤམ་ཐབས་ཅན། མཐེ་བོང་སེར་པོ། མཛུབ་མོ་དཀར་པོ། གུང་མོ་དམར་པོ། སྲིན་ལག་ནག་པོ། མཐེ་ཆུང་ལྗང་ཁུ། ཕྱག་སོར་རྣམས་ཀྱི་ཚིགས་ཀྱི་ཕྲེང་བ་དང་པོ་ནག་པོ། གཉ…

ཚོགས་པ་ནི། །ལྷ་དང་ལྷ་མོ་དག་གིས་མཉེས་པར་བྱེད་རྣམས་དང༌། །མཆོག་གི་རྡོ་རྗེ་སེམས་དཔའ་དག་ནི་གཤེགས་སུ་གསོལ། །ཞེས་མདུན་དུ་སྤྱན་དྲངས། སྙིང་པོར་མཐར་ཨ་ཀཱ་རོ་བཏགས་པ་ལན་གསུམ་གྱིས་གཏོར་མ་ཕུལ། ཨརྒྷཾ་ནས་ཤཔྟའི་བར་གྱིས་མཆོད་ལ། སྟོང་ཉིད་སྙིང་རྗེའི་བདག་ཉིད་ཅན། །སྲིད་གསུམ་སྐྱེ་འཇིགས་མེད་པའི་དངོས། །ཤེས་དང་ཤེས་བྱ་གཅིག་པའི…

ཀུ་རུ་སྭཱཧཱ། དེའི་སྟེང་དུ་ཧཱུཾ་ལས་རྡོ་རྗེ་ནག་པོ་རྩེ་ལྔ་པ་ཡོངས་སུ་གྱུར་པ་ལས། བདག་ཉིད་ཁྲོ་བོའི་དབང་པོ་རྡོ་རྗེ་ཤུགས་སྐུ་མདོག་དུས་མཐའི་སྤྲིན་དང་མཚུངས་པ་ཞལ་བཞི་པ། ཕྲག་པ་དྲུག་པ། དཔུང་པ་བཅུ་གཉིས་པ། ཕྱག་ཉི་ཤུ་རྩ་དྲུག་པ། གཡས་དང་གཡོན་དང་དབུས་ཀྱི་མགྲིན་པ་དམར་པོ་དང་དཀར་པོ་དང་ནག་པོའི་མདོག་ཅན། མདུན་ཞལ་ནག་པོ། གཡས་…

ལྕགས་སྒྲོག ཚངས་པའི་མགོ་བོ་གདོང་བཞི་པ་འཛིན་པ། ལྷག་པའི་ཕྱག་གཉིས་གཡས་པ་ནག་པོ་དང༌། གཡོན་པ་སེར་པོའི་སྡིགས་མཛུབ་དང་བཅས་ཏེ་གླང་པོ་ཆེའི་པགས་པ་སྟོད་གཡོགས་སུ་གྱོན་པ། བདུད་ཀྱི་མགོ་བོ་དང་ཁྲག་གིས་གང་བའི་ཐོད་པ་བསྣམས་པ། ཞབས་གཡོན་བསྐུམས། གཡས་བརྐྱང་པའི་སྟབས་ཀྱིས་བདུད་དང་ཉོན་མོངས་པ་དང༌། ཡི་དྭགས་ཀྱི་རྒྱལ་པོ་རྣམས་ཀྱི་ས…

བསྐུར། མི་བསྐྱོད་པས་དབུ་བརྒྱན་པར་གྱུར། ཨོཾ་བཛྲ་གནྡྷཾ་པྲ་ཏཱིཙྪ་ན་མ། ཞེས་པ་ལ་སོགས་པས་མཆོད། རྡོ་རྗེ་འཇིགས་བྱེད་འཇིགས་པར་བྱེད། །དཔའ་བོ་གདུལ་དཀའ་འདུལ་བ་པོ། །དུས་ཀྱི་འཁོར་ལོ་ཐོད་པ་ཅན། ཁམས་གསུམ་རྣམ་རྒྱལ་ལ་ཕྱག་འཚལ། །རྗེ་བོ་སྣ་ཚོགས་རྡོ་རྗེ་འཛིན། ཁྲོ་བོའི་དབང་པོ་ཀུན་གྱི་གཙོ། །དུས་མཐའི་སྤྲིན་མཚུངས་ཧེ་རུ་ཀ །རྡོ…

ཚོམ་བུ་ལྗང་ཁུ་གཅིག་བཀོད། མཆོད་པ་བཅུ་གཉིས་པོ་འཕྲེང་ལ་བསྒྲིགས་པའམ། ཕྱོགས་ཕྱོགས་སུ་འགོད་ན། སྟེང་གི་གཉིས་ཤར་དང༌། འོག་གི་གཉིས་ནུབ་ཀྱི་གྲལ་ལ་འགོད། དེ་ལ་ཤར་དུ་དྲི་ཆབ་དང་མེ་ཏོག ལྷོ་རུ་སྤོས་དང་མར་མེ། བྱང་དུ་ཞལ་ཟས་དང་ཤིང་ཏོག ནུབ་ཏུ་སྒེག་མོ་དང་བཞད་མ་མཚོན་པའི་ན་བཟའ་དང་མེ་ལོང༌། སྟེང་གི་སྒྲ་མའི་ཏིང་ཤགས་སོགས་རོལ་མ…

སྦྱངས། སྟོང་པའི་ངང་ལས་ནས། མཆོད་བསྟོད་ཀྱྀ་བར་བདག་བསྐྱེད་ཉིད་འདོན་པ་སྤོས་པས་ཆོག་པ་ལས། གཙོ་བོ་བསྐྱེད་ཟིན་པའི་མཚམས། ཧ་ཧཱ། ཡི་ཡཱི། །ཝཱུ་ཝཱུ་ལླྀ་ལླཱྀ་རྣམས་ལས་བྱུང་བའི་ཁྲོ་བོ་བཅུ་དང༌། ང་ངཱའ༌།ཉི་ཉཱི། མུ་མཱུ། ནླྀ་ནླཱྀ་རྣམས་ལས་བྱུང་བའི་ཟད་པར་བཅུ་དང༌། གྷ་གྷཱ། ཛྷྀ་ཛྷཱྀ། ཌྷྲཱྀ་ཌྷཱྀ། བྷུ་བྷཱུ། རྣམས་ལས་བྱུང་བའི་ཕྱ…

བཅས་པ་གཡོག་འཁོར་དང༌། གྲོགས་བཅས་གཉེན་རྣམས་དག་གིས་བསྐོར་བའི་ཚོགས་པ་ནི། །ལྷ་དང་ལྷ་མོ་དག་གིས་མཉེས་པར་བྱེད་རྣམས་དང༌། །མཆོག་གི་རྡོ་རྗེ་སེམས་དཔའ་དག་ནི་གཤེགས་སུ་གསོལ། །ཞེས་སྤྱན་དྲངས། ཨོཾ་ཨཱཿཧཱུཾ་ཧོཿ བཛྲ་བྷཻ་ར་ཝ་ཡ་བྷིས་ཀ་ར་ཡ། ཨོཾ་ཨཱཿཧཱུཾ་ཧོཿ ཨུཥྞི་ཥ། སུམྦྷ་ནི་སུམྦྷ། བིགྷནཱནྟ་ཀ་ནཱི་ལ་དནྜ་པྲཛྙཱནྟ་ཀ ཊཱཀྐི་རཱ་ཛ་…

ཧཱུཾ་ཕཊ། བཛྲ་དྷ་ར་ཨཛྙཱ་པ་ཡ་ཏི་སྭཱཧཱ། ཞེས་ཐུན་མོང་དུ་ལན་གསུམ་ཕུལ། སྤྲོ་ན། མཁའ་འགྲོ་མ་རྣམས་དང༌། ཡུལ་བདག་གྲོང་བདག་རྣམས་ལའང་སྦྱིན། འདི་ནི་མཆོད་གཏོར་ལྷན་ཅིག་ཏུ་འབུལ་བའི་ཚུལ་ཡིན་པས། གཏོར་མའི་རྗེས་ལ་མཆོད་པ་བཅུ་གཉིས་འབུལ་བ་མེད་ཀྱང་ཆོག དེང་སང་གི་ལག་ལེན་ལྟར་ན། མཆོད་པ་བཅུ་གཉིས་ཕུལ། ཨོཾ་ཨཱཿཧཱུཾ་ཧོཿ བཛྲ་བྷཻ་ར་ཝ།…

པ་གསུམ་གྱིས་བདག་གི་དངོས་འབུལ་ཆོས་ཀྱི་འཁོར་ལོ་བསྐོར་ཞིང་མྱ་ངན་མི་འདའ་བཞུགས་སུ་གསོལ། རྫོགས་སངས་རྒྱས་སུ་བདག་གྱུར་ཅིག་ཅེས་འདིར་ནི་སྨོན་ལམ་སེམས་ཅན་དོན་གྱི་སླད་དུ་བདག་བགྱིད་དོ། །ཞེས་ལན་གསུམ་གྱིས་རྒྱུན་བཤགས་བྱ། འདོད་པའི་རྡོ་རྗེ་ལ་ནི་རྡོ་རྗེ་དྲིལ་བུ་ཕྱག་རྒྱ་བླ་མ་དག་ཀྱང་སྤྱི་བོས་བཟུང་བར་བགྱི། །རིན་ཆེན་ལ་ནི་ས…

སྤྲོས་ཏེ་སྙིང་གར་བསྟིམ། ཐུགས་ཀྱི་རྗེས་གནང་ངོ༌། །ལྟེ་བ་ནས། ཁྲོ་བོ་རྡོ་རྗེ་ཤུགས་ཉིད་དཔག་ཏུ་མེད་པ་སྤྲོས་ཏེ། ལྟེ་བར་ཐིམ། ཡེ་ཤེས་ཀྱི་རྗེས་གནང་ངོ༌། །དེ་ནས་འཕྲིན་ལས་གཏོར་མའི་བཀའ་བསྒོ་སྤྱི་དང་འདྲ་བར་བྱ། རྗེས་གཙོ་བོས་ཇི་ལྟར་སོགས་དང༌། གཏང་རག་གི་མཎྜལ་དང༌། དེང་ནས་བརྩམས་ཏེ་བདག་བྲན་དུ་སོགས་ཡོན་ཕུལ། དགེ་བ་བསྔོ། མད…

རང་གི་སྙིང་གར་པཾ་ལས་པདྨ་དང་ཨ་ལས་ཟླ་བའི་སྟེང་དུ་ཕྲཻཾ་དཀར་པོའི་འོད་ཀྱི་འཕྲོ་འདུ་ལས། རང་ཉིད་བཅོམ་ལྡན་འདས་མ་སྣ་ཚོགས་ཡུམ་ཟླ་བ་ནོར་བུའི་འོད་ལྟར་སྐུ་མདོག་དཀར་བ་ཞི་ཞིང་སྒེག་པའི་ཉམས་ཅན་ཞལ་གཅིག་ཕྱག་གཉིས་སྤྱན་གསུམ་པ། གཡས་མཆོག་སྦྱིན་དང༌། གཡོན་པདྨ་དཀར་པོའི་རྩ་བ་མཐེབ་སྲིན་གྱིས་ཐུགས་ཀར་འཛིན་པ། འདབ་བརྒྱ་སྙན་དྲུང་དུ…

ཅི་ནུས་སུ་བཟླས་པའི་མཐར། ཨོཾ་ཕྲཻཾ་བི་ཤྭ་མཱ་ཏཱ་བཛྲ་ཨརྒྷཾ་ཨཱཿཧཱུཾ། ཤཔྟའི་བར་སྤྱི་དང་མཐུན་པར་མཆོད་པའམ། ཡང་ན་མཆོད་པ་བཅུ་གཉིས་བྱ། ཕྲ་རབ་རྡུལ་གྱི་ཆོས་ཉིད་འདས། །ཞེས་སོགས་སམ། སངས་རྒྱས་ཀུན་གྱིས་བསྐྱེད་མཛད་མ། །སྐྱེ་བ་དང་ནི་འཇིག་པ་སྤངས། །ཀུན་ཏུ་བཟང་པོའི་སྤྱོད་པ་ཅན། །སྣ་ཚོགས་ཡུམ་དེ་ལ་ཕྱག་འཚལ། །ཞེས་བསྟོད། དགེ་བ་བ…