ཁོ་ན་ཐུགས་རྡོ་རྗེ་དང༌། ཀཱ་ལ་ཙཀྲ་ཞེས་པ་ལྟ་བུ་མཚན་ཙམ་སྨོས་པ་གསུང་རྡོ་རྗེ་དང༌། དེ་ལ་ཨོཾ་དང་སྭཱཧཱ་ཐོག་མཐར་སྦྱར་བ་སྐུ་རྡོ་རྗེའི་སྔགས་སུ་མཛད་དེ། ཇི་སྐད་དུ། ཐུགས་ཀྱི་དབྱེ་བས་བསྒོམ་པར་བྱའོ། །གསུང་གི་དབྱེ་བས་མཆོད་པར་བྱའོ། །སྐུའི་དབྱེ་བས་བཟླས་པ་བྱའོ་ཞེས་དཔལ་དུས་ཀྱི་འཁོར་ལོ་ལ་ཧཱུཾ་ངམ་ཀཱཾ་ཡིག་ལྟ་བུ་ལྷ་བསྐྱེད་པའ…

འགོས་དོན་རྣམ་པ་གསུམ་གྱི་སྒོ་ནས་འཇོག་ཚུལ་དང་དབྱེ་བའི་རྣམ་གཞག་གཅིག་ནི་དེ་བཞིན་ཡིན་ལ། འདི་ལ་ཡང་དཀྱིལ་འཁོར་གྱི་ལྷ་སོ་སོའི་ས་བོན་ཉིད་དང༌། མིང་ཡིག་གི་དང་པོ་གཉིས་ཀར་ཐུགས་སུ་གསུངས་པ་ལས་གཙོ་བོར་ས་བོན་ཉིད་ཡིན་ནོ། །ཡང་སྐུ་གསུང་ཐུགས་ཀྱི་སྔགས་ཀྱི་རྣམ་གཞག་དེ་ཉིད་དང་ཅུང་ཟད་མི་འདྲ་བ་ཚུལ་གཞན་ནི། སྒོམ་པ་དང་མཆོད་པའི་ད…

ཡང་ཨོཾ་ཨཱཿཧཱུཾ་ཧོཿ ཞེས་པ་ནི་གཙོ་བོའི་སྙིང་པོའོ། །ཨོཾ་ཧྲཱཾ་ཧྲཱིཾ་ཧྲཱྀཾ་ཧྲུཾ་ ཧྲཱཿཞེས་པ་ནི་ཡན་ལག་དྲུག་གི་སྔགས་ཞེས་ཀྱང་བྱ་སྟེ་ཉེ་སྙིང་ངོ༌། །དེ་དག་ལའང་མཐར་སྭཱཧཱ་ཞེས་པའམ། ན་མཿདང་ཧཱུྃ་ཕཊ་ལ་སོགས་པ་ཇི་ལྟར་འོས་པ་སྦྱོར་དགོས་ལ་འཁོར་རྣམས་ཀྱི་སྔགས་ལ་ཡུམ་གྱི་ས་བོན་ཕྲཻཾ་དང༌། ནུས་མ་རྣམས་ལ་ཨ་ཨཱ་ཨཾ་ཨ་ཧ་ཧཱ་ཧཾ་ཧ། སངས་ར…

ཞེས་པའང་ཁས་བླངས་པ་ན། ལོག་པའི་བློ་ཅན་དག་འདི་སྐད་ཅེས། ཁྱེད་ཀྱི་རྒྱུད་ལས་བཤད་པའི་ལྷ་གྲངས་ཀྱི། བསྙེན་པ་ཚེ་ལོ་བརྒྱ་པས་འཁྱོལ་དཀའ་ན། ཞེས་སོགས་ཀྱི་ཀླན་ཀ་བྱུང་བའི་རྒྱུ་ཡང་འདི་ཁོ་ནར་ཟད་དོ། །འདིའི་ལན་མྱུར་དུ་འཆད་པར་འགྱུར་རོ། །དེས་ན་ཐུགས་དཀྱིལ་གྱི་ལྷ་རྣམས་ལ་གོང་དུ་བཤད་པའི་ཐུགས་ཀྱི་བཟླས་པ་དེ་ཉིད་བྱེད་ཅིང༌། གསུང་…

ལོའི་རྩ་བའི་སྔགས་ཉིད་ཡིན་པའི་ཕྱིར། གཙོ་འཁོར་སོ་སོའི་དབྱེ་བ་མེད་པར་འདི་ཁོ་ནས་ཀྱང་འགྲུབ་པ་ནི། ཁ་བཤད་གཙོ་བོའི་སྟོན་པ་ཙམ་མ་ཡིན་པར་ཉམས་ལེན་བྱིན་རླབས་ཀྱི་བརྒྱུད་པ་དང་ལྡན་པ་རྣམས་ཀྱི་ལག་ལེན་མ་ནོར་བའོ།། །།གཉིས་པ་བཟླས་པའི་གྲངས་ཀྱི་དབྱེ་བ་ནི། ཐུགས་ཀྱི་བཟླས་པའི་ནང་ཚན་ལས་ཀྱི་ཡན་ལག་དྲུག་གི་སྔགས་ལ་རེ་རེ་བཞིན་འབུམ་…

ལྟར་ན། དེ་ཡང་ཚེས་བཅུ་དྲུག་རྣམས་ལ་སོ་སོར་བཟླ་སྟེ་ཚེས་གཞན་རྣམས་ལ་རྐང་པ་རེ་རེ་སྦྱར་ཞིང༌། བཅོ་ལྔའི་ཉིན་བར་རྐང་པ་བཅོ་ལྔ་པ་དང༌། མཚན་མོ་རྐང་པ་ཐ་མ་སྦྱར་རོ།། ཚུལ་དེས་སོ་སོར་བཟླས་པ་ཡོངས་སུ་བསྡོམས་པའི་བྱེ་བ་སྟེ། འདི་ཡང་སྔ་མ་དང་འདྲ་བར་ཤེས་པར་བྱའོ། །ཡང་འཁོར་ལོ་སྡོམ་པ་ལས་རྐང་པ་བརྒྱད་པ་གསུངས་པ། འདིར་ཉིས་འགྱུར་དབང་…

ལྷ་རྣམས་ལ་གོང་དུ་བཤད་པའི་ས་བོན་སྡེ་ཚན་བཞི་པོ་དེ་རྣམས་བཟླ་སྟེ། རྒྱུད་ནི་རྒྱུད་གཞན་གྱིས་ཤེས་པར་རིག་པས་གྲངས་འབུམ་ཕྲག་བཅུ་རེའོ། །གསུང་དཀྱིལ་ཕན་ཆད་ལ་ལྷ་སོ་སོ་སྒྲུབ་པའི་སྐབས་ཡིན་ན་མ་གཏོགས། ཅུང་ཟད་ཙམ་རེ་ལས་གྲངས་ངེས་ཅན་མི་དགོས་སོ། །སྤྱིར་དམིགས་པ་ལ་གསལ་སྣང་བརྟན་པོར་ཐོབ་པས་ནི། ཡིད་བཟླས་སམ་འགོག་བཟླས་གྱི་སྒོ་ནས…

བསྙེན་པ་འགྲུབ་པ་གོ་བར་གྱིས་ཤིག་དང་མངོན་སུམ་ལ་བསྙོན་པར་མི་བྱའོ། །ཡང་ཁ་ཅིག་ལས་དྲུག་དང༌། བྱེ་བསྙེན་བཟླ་བ་སོགས་ནི་དངོས་གྲུབ་ཀྱི་དོན་དུ་ཡིན་ལ། དབང་བསྐུར་བའི་སློབ་དཔོན་གྱི་གནས་ཐོབ་པ་སོགས་ཀྱི་དོན་དུ་གཙོ་བོའི་སྙིང་པོ་འབུམ་དང༌། ཐུགས་དཀྱིལ་གྱི་ལྷ་རྣམས་ཀྱི་ཁྲི་ཕྲག་རེ་རེའོ། །ཞེས་འདོད་པ་ནི། གཞན་གྱི་རྒྱས་བཀབ་ན་རུ…

ཞེས་པ་ནི་སྟོང་བ་སྟེ། མཁའ་ཁམས་ཀྱི་ཡི་གེ་རྣམ་བཅད་དང་བཅས་པའི་དོན་ནོ། །དེས་མཚོན་ཏེ་རླུང་མེ་ཆུ་ས་ཞེས་པ་རྣམས་ཀྱང་ཡ་ར་ཝ་ལའི་ཡི་གེའོ། །གཉིས་པ་དབབ་པའི་ལས་ནི། དཔེར་ན། ཀཱ་ཡིག་ལ་རླུང་གི་ཡི་གེ་ཡ་སྤྱི་བོར་བཞགམཐར་ཧཱུཾ་སྟེ། ཨོཾ་ ཧཱུཾ་ཞེས་པ་འབུམ་བཟླས་པས་དབབ་པ་སྟེ། ཐུལ་འོག་ཏུ་ཆུད་པའི་མིང་ཡིན་ལ། དཔེར་ན། བྲན་ཕོ་དམུ་རྒོ…

གནས་སྐབས་སྔ་མ་གསུམ་དུ་ཚར་བཅད་པའི་ཚུལ་གྱིས་འགྱེལ་བའི་དཔེས་བསྟན་པ་དེ། སླར་རྗེས་སུ་བཟུང་བས་བསླང་བ་ཡིན་ལ། དེ་ཡང་བྲན་དེ་ཕྱིན་ཆད་སྡིགས་པར་མི་བྱེད་ཅིང༌། ཟས་གོས་ལ་སོགས་པས་ཅུང་ཟད་བདེ་བར་བྱེད་པ་ལྟ་བུ་སྔགས་ཀྱི་ལྷ་གནས་སྐབས་དང་པོ་གསུམ་གྱིས་བརྒྱལ་བ་དང་བཅིངས་པ་དང་གདུང་བ་བསྐྱེད་པ་ལས་དེ་རྣམས་སངས་ཏེ་བདེ་བ་ལ་བཀོད་པ་ལྟ…

ཡིད་ཀྱི་མོས་ངོར་དམ་ཡེ་དབྱེར་མེད་ཀྱི་ལྷ་དེ་ཡིན་པས། གདོད་མའི་ལྷ་དང་འབྲས་བུའི་ལྷར་མོས་པ་ཡིན་མོད་ཀྱང༌། སོང་ཚོད་ལ་དོན་དམ་དབྱིངས་ཀྱི་ལྷ་ལྟ་ཅི་སྨོས། ཀུན་རྫོབ་གཞན་སྣང་གཞན་རྒྱུད་ཀྱིས་བསྡུས་པའི་ལྷ་རྣམས་མ་ཡིན་ཏེ། དེས་ན་བདག་བསྐྱེད་ཀྱི་ལྷ་དང༌། དེའི་ཡང་གཙོ་བོ་དམ་ཚིག་པ་ཉིད་དོ། །དམ་ཚིག་པའི་ལྷ་དེའི་ངོ་བོ་ཇི་ལྟ་བུ་ཞེ…

ལོགས་པའི་སེམས་དང་ལྡན་པ་མིན་ཡང༌། སྒྲུབ་པ་པོ་རང་ཉིད་ཀྱིས་སྤྱོད་པར་མི་ནུས་པའི་སེམས་ཅན་གྱི་དོན་མང་པོ་བྱེད་དོ། དེས་སྒྲུབ་པ་པོ་ཁ་ཅིག་ལ་འཇམ་ཞིང་བདེ་བ་ཁོ་ནས་དངོས་གྲུབ་སྒྲུབ་པར་ཡང་བྱེད་ལ། ཁ་ཅིག་ལ་ནི་རེ་ཞིག་དངོས་གྲུབ་མི་སྩོལ་བ་དང༌། གཞན་འགའ་ལ་ནི་འཁུ་བའི་ཚུལ་འབྱུང་ཞིང༌། ནད་དང་གནོད་པ་ལ་སོགས་པར་འགྱུར་བ་ཡང་ཡོད་དོ།…

དངོས་གྲུབ་སྩོལ་བའི་ཚུལ་ནི། འདི་དང་སངས་རྒྱས་དངོས་ཀྱི་བྱིན་རླབས་འདྲེས་ཏེ། སྒྲུབ་པ་པོའི་བློའི་སྣང་བ་ལ་རྒྱུད་གཞན་གྱིས་བསྡུས་པའི་ཡི་དམ་ལྷར་སྣང་ནས་རང་ལ་དངོས་གྲུབ་སྩལ་བར་སྣང་བ་ཡང་ཡོད་ཅིང༌། རང་གི་ལུས་ངག་ཡིད་རྣམས་སྔགས་ཀྱི་ལྷ་དེའི་ངོ་བོར་ཐིམ་པ་ན། བསྐྱེད་རིམ་པ་རགས་པའི་ལུས་ངག་སྟེ། འདོད་གཟུགས་ཀྱི་རིག་འཛིན་དུ་གྱུ…

པ་འགྲུབ་ན་ནི་ལེགས། གོང་དུ་བྱེ་བ་བཟླས་པ་དེས་དོད་ཐུབ་ཏུ་བཞག་ཀྱང་རུང་ངོ༌། །རྒྱུད་འགྲེལ་དངོས་ཀྱི་དགོངས་པ་ལས་དྲུག་བསྙེན་པར་བཤད་པ་ནི། ལས་སམ་དངོས་གྲུབ་ཀྱི་དོན་གྱི་སྒོས་བསྙེན་ཡིན་གྱི། རྩ་བའི་བསྙེན་པ་མ་ཡིན་ཏེ། བསྐྱེད་རིམ་ལ་བརྟན་པ་ཐོབ་ཅིང༌། ལྷ་གནད་ལ་བོར་བ་མེད་ན་མི་འགྲུབ་པའི་གང་ཟག་གི་རིགས་དེ་ལའང་ནང་ཚན་གསུམ་ཡོད…

གསང་བ་དང༌། སྙིང་གའི་ཧཱུཾ་གི་སྟེང་ཙམ་སྟེ། གནས་གསུམ་པོ་དེ་གང་རུང་གཅིག་ཏུ་སྔ་མ་བཞིན་བསྒོམས་ཏེ། དེ་ཐམས་ཅད་ལ་འོད་ཟེར་སྤྲོ་བསྡུ་བྱེད་པ་ནི་སྙིང་པོའི་བཟླ་ཚུལ་ཡིན་ལ། རིགས་དྲུག་གི་ས་བོན་དང༌། ཉེ་སྙིང་ལ་ཡི་གེ་དྲུག་པོ་རྣམས་གནས་དྲུག་ཏུ་བཀོད་ནས་འོད་ཟེར་སྤྲོ་བསྡུ་བྱེད་ཅིང༌། ཁྱད་པར་དུ་ཉེ་སྙིང་ལ་ཡི་གེ་དྲུག་པོ་རེ་རེའི…

དང་པོ་ལས་ཀྱི་ཁ་དོག་ཏུ་བྱེད་དོ། །འཁོར་གྱི་ལྷ་རྣམས་དགོས་སུ་སྒྲུབ་པ་ཡིན་ན། རང་རང་གི་ས་བོན་ལ་སྤྱི་དང་མཐུན་པར་དེ་ཉིད་གསུམ་སྤེལ་ལམ་ལྔ་སྤེལ་དུ་བྱེད་པ་ལྟ་བུའི་ཐུགས་ཀྱི་བཟླས་པ་བྱ། གསུང་མཚན་སྔགས་ཁོ་ན་ནི་གཙོ་བོར་མི་བྱེད་ལ། ས་བོན་སྔོན་འགྲོ་ཅན་གྱི་མཚན་དུ་བྱེད་པ་ནི། ཨོཾ་ཨཱཿཏཱཾ་ཏཱ་རེ་ཧཱུཾ་སྭཱཧཱ། ཞེས་པ་ལྟ་བུ་མིང་ལས…

བྱས་ན། འཕྲལ་གྱི་འདོད་དོན་ཕྲ་མོ་མང་པོ་སྒྲུབ་ཏུ་ཡོད་དེ། དམན་པ་ལ་མོས་པ་རྣམས་ལ་ཤིན་ཏུ་ཉེ་བར་མཁོ་བའང་ཡིན་ནོ། །བཟླས་པའི་དམིགས་པ་འདི་དག་བླ་མ་དམ་པ་རྣམས་ཀྱི་མན་ངག་གཅིག་ནས་གཅིག་ཏུ་བརྒྱུད་པ་ཡིན་པའི་ཕྱིར། ཉམས་ལེན་གྱི་སྒོ་ནས་གཅེས་སྤྲས་སུ་བྱ་ཡི། ཆོས་སྐད་ཁ་རྒྱུགས་དང༌། དགག་སྒྲུབ་ཁ་ལ་ཁྱེར་བའི་རྩོད་ཆོས་སུ་འབེབས་པར་མ་…

གསུངས་པས། ཡི་གེ་འབྲུ་གསུམ་གྱི་རྡོར་བཟླས་དངོས་ཉིད་ཀྱང་འདིས་ཤུགས་ལ་འཕངས་བས་གསལ་བར་མཛད་དོ།། །།བཞི་པ་ཕན་གནོད་ཀྱི་ཡན་ལག་རྩི་བ་ནི། གོང་དུ་ཨ་ཀུ་ཧ་ྈྐ་སོགས་ཁམས་སོ་སོའི་དགྲ་གྲོགས་ཐ་མལ་པ་གསུམ་རྩི་བའི་ཚུལ་རྒྱས་པར་གསུངས་པ་བཞིན་ཡིན་པ། དོན་གྱི་སྙིང་པོ་ནི་སྤྱིར་རྒྱུད་འདི་ལས་གནས་སྐབས་གཞན་ཕལ་ཆེར་དུ་དབྱངས་སུམ་ཅུའམ་སོ་…

བའི་སྐབས་སྲིད་པ་ཡིན་ནོ། །དེས་ན་སྐབས་གཞན་དུ་གསུངས་པའི་གསལ་བྱེད་སུམ་ཅུ་པོ་རྣམས་ལ་ནང་ཚན་ལྔ་ཚན་དྲུག་ལ་ཁམས་དྲུག་གི་རེ་རེ་སྦྱོར་ཞིང༌། ལྔ་ཚན་རེ་རེ་ཡང་ལྔ་ ལྔའོ། །དབྱངས་ལ་སྡེ་ཚན་དྲུག་ལ་ཁམས་དྲུག་མི་སྦྱོར་ཡང་སྡེ་ཚན་རེ་རེ་བཞིན་ཁམས་འབྱུང་བ་ལྔ་ལྔའི་དབྱེ་བ་སོགས་གསུངས་པ་རྣམས་དང༌། འདིར་མི་འདྲ་བའི་ཁྱད་པར་ནི། དེར་ཨར་ཡ…

ལ་ནུས་མེད་དོ།། དེས་ན་སྐབས་འདིར་ས་སྡེ་ཡེ་ཤེས་ཀྱི་ཁམས་ཞེས་ལོགས་པར་མི་བྱེད་པར་ལྔ་པོའི་ནང་དུ་ཕར་བསྡུས་སོ། །འབྱུང་ཆུང་གི་རིམ་པ་ནི། གཞན་ལ་མི་བརྩི་སྟེ། སྡེ་པ་ལྔ་པོ་ཉིད་ལ་བྱ་ན། ང་ཉ་ཎ་མ་ན་རྣམས་སྟོང་པའི་ཁམས། གྷ་ཛྷ་ཌྷ་བྷ་དྷ་རྣམས་རླུང་ཁམས། ག་ཛ་ཌ་བ་ད་རྣམས་མེ་ཁམས། ཁ་ཚ་ཋ་ཕ་ཐ་རྣམས་ཆུ་ཁམས། ཀ་ཙ་ཊ་པ་ཏ་རྣམས་ས་ཁམས་སོ། །…