རྡོ་རྗེ་སྤྱི་བོར་སོགས་ཏེ་གཞན་ལའང་མ་སྨྲ། ཁྱོད་ཉིད་ཀྱང་མ་དད་པར་མ་བྱེད་ཅེས་པའོ། །འདིར་ཡ་མཱནྟ་ཀྲྀཏ་ཀྱི་སྔགས་ཀྱིས་འཇུག་པ་ནི། བར་གྱི་འདི་རྣམས་གཞན་གྱི་ཁ་སྐོང་ཡིན་ལ། རང་ལུགས་ཀྱི་བླ་མ་རྣམས་འཕྲེང་བ་ནས་ལེན་གྱི། སཱ་དྷུ་པུ་ཏྲའི་དཀྱིལ་ཆོག་ནས་མ་ཡིན་ཏེ། རྒྱུ་མཚན་འཕྲེང་བ་མཁན་པོ་སྔ་རོལ་དུ་བྱུང་ཞིང་ཤིང་རྟ་ཆེན་པོ་ཡིན་པ…

ཤར་སྒོ་ན་བགེགས་མཐར་བྱེད་འདུག་ཅིང༌། སློབ་མ་ཤར་སྒོ་ནས་འཇུག་པས་སོ་སྙམ་ན། དུས་འཁོར་གྱི་བགེགས་མཐར་བྱེད་ལ་སྔགས་དེ་འདྲ་གསུངས་པ་མེད་ དོ། །དེས་ན་ཡ་མནྟ་ཀྲྀཏ་ཀྱིས་བྱེད་པ་འདི་གཞན་གྱི་ཆོ་གས་སྒྲུབ་པའི་ལུགས་ཡིན། འདི་ལ་བིགྷྣཱན་ཏ་ཀྲྀཏ་བྱས་ན། རང་ལུགས་གཞན་ལུགས་གཉིས་མིན་གྱི་འདྲ་མིན་དུ་འགྱུར་རོ། །དུས་འཁོར་རང་ལུགས་ཁོ་ན་བ…

ལས། དང་པོ་ནི། ཨོཾ་མ་ཧཱ་ར་ཏ་སོགས་ཏེ། འདི་ལ་གཞན་དག་སྐུ་དཀྱིལ་ལམ་ཐུགས་དཀྱིལ་གྱི་དཔངས་ཆུང་གི་སྟེང་ནས་སྐོར་བ་བྱེད་ཅེས་འདོད་ཀྱང་འདི་ཉིད་རང་ཁ་སྐོང་གི་ཆོ་ག་ཡིན་ཞིང༌། དཀྱིལ་འཁོར་གཞན་ལ་དཔངས་ཆུང་མ་བཤད་པས་ཅུང་ཟད་མི་འཐད་ལ། དེ་ལྟར་ན་གཞལ་ཡས་ཁང་གི་ཕྱི་རོལ་ཉིད་ནས་སྐོར་བ་བྱེད་པ་ཡིན་ནོ།། །།གཉིས་པ་ཕྱག་འཚལ་ལ་ཕྱག་ཚན་བདུན…

རྡོ་རྗེ་ཤུགས་སུ་བསྐྱེད་པར་མཛད་ལ། གཞན་ཡང་དུས་འཁོར་བ་ཕལ་ཆེར་དེ་ལྟར་བཞེད་དོ། །ཆོས་རྒྱལ་ཕྱོགས་ལས་རྣམ་རྒྱལ་གྱིས་འོད་དཔག་མེད་དུ་བསྐྱེད་པར་མཛད་པ་ནི། སྔགས་འདི་ནི་དུས་འཁོར་རང་ལུགས་ཡིན་པས་བྱེད་དགོས་ལ། གཞན་འབྱུང་བཞིའི་དཀྱིལ་འཁོར་སོགས་འཕྲེང་བའི་ལུགས་ལྟར་བྱེད་ཕྱིན། ཁ་སྐོང་གྲབས་གཅིག་པར་བྱུང་ན་ལེགས་པར་དགོངས་པ་སྟེ།…

གིས་དམིགས་པའི་ཁྱད་པར་སྣ་ཚོགས་མཛད་པ་ལ། ཕྱིས་ཀྱི་འགའ་ཞིག་དགག་པ་བྱེད་དེ། མན་ངག་མ་ནོར་བ་ཡིན་ན་དགག་པར་མི་ནུས་སོ། །ཁྲོ་བོ་ཡང་ལས་འབྲེལ་སོ་སོའི་དབང་གི་ཁྲོ་བོ་བཅུ་གཅིག་པོ་གང་ལ་བརྟེན་ཀྱང་སྒྲུབ་ཏུ་རུང་མོད་ཀྱི། ལས་འབྲེལ་མངོན་ཤེས་ཀྱིས་མ་རྟོགས་ན་རྡོ་རྗེ་ཤུགས་ཉིད་བྱ་སྟེ་སྤྱི་ཁྱབ་ཡིན་པས་སོ། །དེ་ཡང་སློབ་མའི་ལྕེ་ལ་དམ…

དག་དང་བྱུང་དང་འབྱུང་པ་ཐམས་ཅད་ཤེས་པར་འགྱུར། ཡེ་ཤེས་ཕེབས་པས་སངས་རྒྱས་བླ་མ་ཡི་ཡང་བླ་མ་རྫུ་འཕྲུལ་ལྡན་པའི་སྟོན་པ་གཅིག་པུར་འགྱུར། ས་ཕེབས་པས་ནི་རྣལ་འབྱོར་པ་དག་རི་དང་མཚུངས་པར་འགྱུར་ཏེ་ཆུས་ཀྱང་བསིལ་བར་རབ་ཏུ་འགྱུར། མེ་ཕེབས་པས་ནི་སྲེག་པར་འགྱུར་ཏེ་རླུང་གིས་ཀྱང་ནི་དེ་བཞིན་སྐམ་པ་དག་ཏུ་རབ་ཏུ་འགྱུར། སྟོང་པ་ཕེབས་པས་…

པས་ཀྱང་ཡིན་ལ། ངེས་པར་ན་ཐིག་ལེ་བརྟན་པའི་དམ་ཚིག་ལ་གནས་པ་དང༌། སྟོང་གཟུགས་ཀྱི་རྣལ་འབྱོར་ལ་བརྟན་པ་ཐོབ་པ་དགོས་པ་དང༌། སློབ་མའི་རྒྱུད་དག་པ་རྣམས་འཛོམ་ན། འདི་ལྟ་བུའི་ཡེ་ཤེས་པ་མཆོག་རྣམས་ཕེབས་པར་འགྱུར་གྱི་གཞན་དུ་ན་མ་ཡིན་ལ། གཞན་འཇིག་རྟེན་པའི་མཁའ་འགྲོ་མ་དང་སྲིན་པོ་སོགས་འབེབས་པ་ནི། བྱིས་པ་རྣམས་ཡིད་ཆེས་བསྐྱེད་པ་ཙམ་…

ཀྱི་འཕྲིན་ལས་དང་ཡེ་ཤེས་ཡིན་པའི་ཕྱིར། རྡོ་རྗེ་སེམས་དཔའ་ཕབ་པར་འགྱུར་བས། དེའི་རྗེས་སུ་འདི་སྒྲག་སྟེ། དབང་དངོས་གཞི་མ་ཐོབ་ཀྱང་ཡེ་ཤེས་འབེབས་པའི་རིམ་པ་དངོས་དང་མོས་སྒོམ་གང་ཐོབ་ཀྱང་འདི་དག་བསྲུང་དགོས་སོ། །དེ་ཡང་ཡོད་པ་སྟེ་དངོས་པོའི་སྡིག་པ་ཞེས་བྱ་བ། ལས་དེ་ཉིད་ཀྱི་རང་ངོས་ནས་མི་དགེ་བ་ཡིན་པ་ནི། སྲོག་གཅོད་པ་འཚེ་བ་དང…

མཆོད་སྦྱིན་གྱི་ལྷག་མ་སོགས་མཚན་མ་དང་བཅས་པའི་ཤ་ནི་མཚོན་པར་བྱེད་པ་སྟེ། གཞན་ཡང་སྡིག་པ་དང་བཅས་པའི་ཟས་རྣམས་སོ། །མཚན་མའི་དོན་ཕྱུགས་ལ་རྟགས་བཏབ་པ་ལ་འཆད་པ་དོན་མིན་གྱི། ཆོས་མ་ཡིན་པ་ལ་ཆོས་སུ་ལོག་པར་རློམ་པ་ནི་མཚན་མ་སྟེ་མཚན་མའི་རྣམ་གཡེང་ཞེས་པ་བཞིན་ནོ། །ཚིག་ངན་ཀློག་པ་ནི་ཉོན་མོངས་པ་ཅན་གྱི་ཀུན་ནས་བླངས་པའི་ངག་འཁྱལ་སྣ…

མཛད་པ་ཡིན་ནོ།། །།ལྔ་པ་ལྷ་མིའི་བླ་མ་གསོད་པ་ནི། རྒྱལ་བ་སྲས་བཅས་ཀྱི་སྐུ་གཟུགས་དང་མཆོད་རྟེན་དང༌། བཀའི་གླེགས་བམ་འཇིག་པར་བྱེད་པ་སྟེ། དེ་ནི་སྤྱིར་སྡིག་པ་ཆེ་བས་སྤོང་དགོས་པར་མ་ཟད། ཀླ་ཀློ་རྣམས་ཆོས་སུ་འདོད་པ་དགག་པའི་དོན་དུ་གསུངས་སོ།། །།འཁུ་པ་སྟེ་ཁྲོ་བ་ལྔ་ནི། སྔར་འབྲེལ་ཅན་ལ་ཕྱིས་དྲི་ལོག་སྟེ་ཁྲོ་བ་ནི་འཁུ་བའི་དོན…

སེམས་ཀྱི་བརྟུལ་ཞུགས་སུ་གསུངས་པའི་ཕྱིར་རོ། །ཞེས་འཆད་དེ་ལེགས་པར་ཡང་སེམས་སོ།། །།དྲུག་པ་མིག་དར་མེ་ཏོག་དང་འབྲེལ་བའི་བྱ་བ་རྣམས་ནི། ཨོཾ་དྭ་ད་ཤ་ནས་མིག་དར་དཀྲོལ། ཞེས་པའི་བར་ཏེ། དེ་ལ་གདོང་བཅིང་པའི་སྔགས་དེ་ཉིད་ཀྱིས་ཆས་སུ་འཇུག་པའི་གོས་ཀྱང་བགོ་བ་ཡིན་ན། རྒྱུད་ལས། ལུས་ལ་སེར་པོའི་གོས་དག་བྱིན་ཏེ་མིག་ནི་བསྒྲིབ་པར་གྱུ…

འདིར་ལུས་ལ་གོས་སྦྱིན་པ་ནི། སྟོད་གཡོགས་སྨད་གཡོགས་གཉིས་ཡིན་པར་གསལ་ལ། ཐོར་ཚུགས་བཅིང་བ་ནི་མ་གསུངས་པས་མི་དགོས་མོད། གལ་ཏེ་བྱེད་ན་སྔོན་པོ་མི་བྱ་སྟེ་དམར་སེར་གང་རུང་གིས་བྱ་ལ། ཐམས་ཅད་ལ་སྔགས་ནི་མིག་དར་གྱི་སྔགས་ཁོ་ནའོ། །དེ་མ་ཐག་དཀྱིལ་འཁོར་ལ་བསྐོར་བ་བྱས་པར་མོས་པའམ་དངོས་སུ་བྱ་སྟེ། འགྲེལ་ཆེན་ལས། དེ་ནས་དང་པོར་མིག་བ…

མཆོག་ཡིན་ཏེ། དེ་ལ་ནི་མོས་པ་ཙམ་ལས་མེད་ལ། འདི་ལ་ནི་དངོས་སུ་བརྟག་རྒྱུ་ཡོད་པའི་ཕྱིར་རོ། །གང་ཡེ་ཤེས་པ་དངོས་ཕེབས་པ་དེ་ལ་ནམ་མཁའི་ཁ་དོག་བརྟག་པ་དངོས་སུ་ཡོད་ཀྱི། གཞན་དུ་མ་ཡིན་ཏེ་འདི་ནི་སྤྱིའི་ལུགས་ཡིན་ལ། དེང་སང་གི་སྔགས་པ་ལ་དེ་ཡང་རྒྱ་ལམ་ཙམ་ནའོ། །དེ་ལ་འདིར་མེ་ཏོག་གང་ལ་འབུལ་བ་ནི། མོས་པས་དཀྱིལ་འཁོར་དངོས་ལ་འབུལ་བ་…

ཅེས་པའི་དོན། མཉྫི་ལྟ་བུ་སྟེགས་བུ་མཐོ་བ་ཞིག་རྒྱལ་བའི་བུམ་པ་རྣམ་རྒྱལ་ཆེན་པོ་དང་བཅས་པའི་མདུན་དུ་བཞག་ནས། དུང་ཆོས་ལས་སྟེགས་བུ་དེ་མཐོ་བ་བྱེད་པ་ནི་སྟེང་དུ་ཞེས་པའི་དོན་ཡིན། སྟེགས་བུ་དེའི་སྟེང་དུ་རིགས་ལྔའི་ཕྱག་མཚན་བྲིས་འབུར་གང་རུང་ཞིག་འགོད། དེ་ཡང་རྡུལ་ཚོན་གྱི་པདྨ་འདབ་བརྒྱད་ལ་དབུས་སུ་རྡོ་རྗེ་ཤར་དུ་རལ་གྲི །ལྷོ…

འཆིང་བའི་སྔགས་དང༌། མིག་དར་འབྱེད་པའི་ཚིགས་བཅད་ནི་གཞན་གྱི་ཁ་སྐོང་ཡིན་ལ། མེ་ཏོག་དོར་བའི་སྔགས་དང་གདོང་རས་འབྱེད་པའི་སྔགས་ནི་ཐུན་མོང་མ་ཡིན་པའོ།། །།བདུན་པ་ལྷ་ངོ་བསྟན་པ་ནི། སྤྱི་རྒྱུད་ལས་འབྱུང་བའི་ད་ནི་དད་པའི་ཤུགས་ཀྱིས་སོགས་ཏེ། ལྟ་བར་བསྐུལ་བ་དང་སྤྲོ་བ་བསྐྱེད་ནས། བདག་འཇུག་གི་སྐབས་སུ་ལྷ་ཚོགས་ཐམས་ཅད་མཐོང་བར་མོ…

དབང་བསྐུར་བྱའི་རྟེན་གྱི་ལྷ་ལ་དཔྱད། ཆོ་ག་གཞན་གྱིས་རིགས་བསྒྲེ་བར་འདོད་པ་ལ་བརྟག །དབང་བདུན་གྱི་ལྷའི་བཞུགས་གནས་ལ་དཔྱད། རང་ལུགས་ཀྱི་བཞེད་པ་འགའ་ཞིག་བརྗོད་པའོ།། །།དང་པོ་ནི། དེ་ལ་རྒྱུད་ཀྱི་རྒྱལ་པོ་འདི་ཉིད་ཀྱི་ཐུན་མོང་མ་ཡིན་པའི་ལུགས། གཞན་གྱི་ཁ་སྐོང་ལ་མ་བལྟོས་པར་བྱེད་ན། དབང་གི་དོན་དུ་མཎྜལ་དང་ཡོན་ཕུལ། བྱང་སྒོའི…

མའི་ལྷ་ལ་ཡེ་ཤེས་པ་བསྟིམ་པ་དང༌། སློབ་མ་ལ་མཆོད་པ་འབུལ་བ་རྣམས་ངེས་པར་ཐོབ་བོ། །རྗེས་གནང་གི་འདོགས་ཀྱི་དངོས་གཞི་ནི། དུས་འཁོར་རང་ལུགས་ལ་དག་པའི་ཆོས་བཤད་པ་ཁོ་ན་ཡིན་ཏེ། དཀྱིལ་ཆོག་གཞན་གྱི་ལུགས་ཀྱི་སྤྱོད་པའི་བརྟུལ་ཞུགས་ཀྱི་དོད་དོ། །གལ་ཏེ་སློབ་མ་དག་ཡིད་ཆེས་ཤིང་མོས་ན་འདི་ཙམ་གྱིས་གོ་ཆོད་པར་མ་ཟད། གཅིག་ཏུ་ན་ཁ་སྐོང་ཅ…

ལ་དབང་སོ་སོ་བསྐུར་བའི་རྗེས་སུ་མདུན་བསྐྱེད་ཐུགས་དཀྱིལ་གྱི་ལྷ་ཚོགས་ནས་རིགས་མཐུན་པའི་ལྷ་སྤྱན་དྲངས་ཏེ། སློབ་མའི་ལྷ་ལ་བསྟིམ་པ་ནི། ཆོ་ག་གཞན་གྱི་ཁ་སྐོང་མིན་ཡང་བོད་རྙིང་པ་འགའ་ཞིག་གིས་ཟབ་ཟབ་ལྟར་བྱས་པ་ལ། ཕྱི་མ་ཐམས་ཅད་ཀྱིས་ཁྱད་ཆོས་ཡིན་པར་འཁྲུལ་ཏེ་ཁུངས་མེད་ངོ་སོར་འཁྱེར་བར་བྱེད་ལ། ཡང་སོ་སོའི་དབང་བསྐུར་བའི་རྗེས་ས…

འཐད་དེ། དབང་གི་དོན་དུ་བསྐྱེད་པའི་ལྷ་དེ་བྱ་བ་གང་ཡང་མ་བྱས་པའི་ཕྱིར་རོ། །སྐུ་རྡོ་རྗེ་ཉིད་ཞུ་ནས་ཡུམ་ལྔར་སོང་བར་བྱེད་ཀྱང་མི་འཐད་དེ། ཁུངས་དང་རྒྱུ་མཚན་གང་ཡང་མེད་པའི་ཕྱིར་རོ། །སྐུ་རྡོ་རྗེ་ནི་རང་ཉིད་ཡིན་ལ། ཡུམ་ལྔ་མདུན་བསྐྱེད་ལྟར་བྱས་ཀྱང་མི་རུང་སྟེ། མདུན་བསྐྱེད་དབང་བསྐུར་བའི་སློབ་མ་ལ་དབང་བསྐུར་བར་མི་འགྲོ་བ་གྲ…

འདོད་པས་ན་ངེད་དང་མི་མཚུངས་ཏེ། གནས་ངེས་མེད་ལ་སྦྱངས་བྱ་དང་མཐུན་པའི་བསྐྱེད་ཚུལ་བྱེད་ན། སྤྱི་བོ་ནས་རྐང་མཐིལ་གྱི་བར་དུ་ལུས་ཐམས་ཅད་སྤྱན་མ་སེར་མོ་ཞལ་གསུམ་ཕྱག་དྲུག་པས་ཀྱང་ཁྱབ་ལ། གོས་དེ་ཀར་གོས་དཀར་མོ་དམར་མོ་ཞལ་གསུམ་ཕྱག་དྲུག་པ་སོགས་ཀྱང་ཡོད་པ་ཞིག་བསྒོམ་དགོས་ན། དམིགས་པ་ལ་དབང་མ་འབྱོར་བས་དེ་ལྟ་བུ་སྒོམ་མི་ནུས་པའི་…