པའི་གནད་རེ་ཕལ་ཆེར་ལ་ཡོད་དེ། རྩ་བའི་གཞུང་ཚིག་ལས་ཤེས་པར་བྱའོ། །དེ་ལྟར་ན་འདི་རྣམས་ཡེ་ཤེས་མཁའ་འགྲོ་ནི་གུའི་ཞལ་གྱི་གདམས་པ། རླུང་སེམས་དབུ་མར་ཐིམ་པ་དང༌། རྩ་མདུད་གྲོལ་བའི་མན་ངག་རང་ལུས་ཐབས་ལྡན་གཙོ་བོར་གྱུར་པ། གྲོལ་ལམ་མཆོག་སྒྲུབ་ཀྱི་མན་ངག།ལུས་སྦྱོང་བཅོ་བརྒྱད་པ་ཞེས་བྱ་བ་ཡིན་ཏེ། འདིའི་རྩ་བའི་གཞུང་ནི། ཞལ་ཤེས་ཅུང…

པོ་ཡིས། །སྤྱི་ལོ༡༩༩༦ལོ་ལ་ནི། །འཛམ་ཐང་གཙང་བའི་ཆོས་གྲྭ་ཆེན་པོ་རུ། །སྤར་གྱི་ཕྱི་མོ་གསར་དུ་བསྐྲུན་པའི་སྐབས། །ཏཱ་ར་ནཱ་ཐའི་གསུང་གི་ན་པོད་ཀྱི། །ཀ་ནས་ཨ་ཡི་བར་གྱི་ཆོས་རྫས་རྣམས། །སྤར་དུ་བསྒྲུབ་པའི་རྒྱུ་ཡོན་ཇི་སོང་དེ། །གཙང་སྐོར་ཞོལ་མའི་སྐུ་སྐྱེས་ལྔ་པ་མཆོག།ངག་དབང་འཇིགས་མེད་ཕྱོགས་ལས་རྣམ་རྒྱལ་གྱིས། །སྦྱར་བའི་དགེ་…

ལེགས། །འཐབ་རྩོད་འཁྲུགས་པའི་མིང་ཙམ་མེད་པ་དང༌། །བཀྲ་ཤིས་དཔལ་འབར་འཛམ་གླིང་བརྒྱན་དུ་ཤོག།ཅེས་རྗེ་བཙུན་ཏཱ་ར་ནཱ་ཐའི་གསུང་འབུམ་ནང་གི་ན་པོད་ཀྱི་པར་གཙང་སྐོར་ཞོལ་མའི་སྐུ་སྐྱེས་ལྔ་པ་ངག་དབང་འཇིགས་མེད་ཕྱོགས་ལས་རྣམ་རྒྱལ་གྱིས། སྤྱི་ལོ༡༩༩༨ལོ་དང༌། རྣམ་དཀར་བྱེད་པོ་མཆོག་སྤྲུལ་དགུང་གྲངས་དོན་གཅིག་བཞེས་སྐབས་པར་བསྐྲུན་བྱས་…

ཡེ་ཤེས་མཁའ་འགྲོ་ནཻ་གུའི་དབང་བཀའ་ཆེ་ཆུང་རྣམས་ཀྱི་སྔོན་དུ་འགྲོ་བའི་ཆོས་བཅུ་དང་ལྔར་དབྱེ་བའི་ཁྱད་པར་བཞུགས།

ན་མོ་གུ་རུ། ཡེ་ཤེས་མཁའ་འགྲོ་ནཻ་གུ་མ་ནས་བརྒྱུད་པའི་དབང་བཀའ་ཆེ་ཆུང་རྣམས་ལ་ཉེ་བར་མཁོ་བའི་སྔོན་འགྲོ་རྣམ་པ་བཅུ་དང༌། ལྔའི་དབྱེ་བ་བཤད་པར་བྱ་སྟེ། དེ་ལ་སྔོན་འགྲོ་བཅུ་ནི་བསམ་པ་འཆོས་པ་དང༌། སྐྱབས་འགྲོ་སེམས་བསྐྱེད་དང༌། སྤྲོ་བ་བསྐྱེད་ནས། དེ་རྗེས་གསོལ་བ་བཏབ་པ། གནང་པ་སྦྱིན་པ་དང༌། ཉན་པར་གདམས་པ་དང༌། ཡན་ལག་ལྔ་པ་བྱ་ཞིང…

དགོས་སུ་སྔགས་ཀྱི་ཐེག་པ་ཟབ་མོ་དང་མཇལ་བའི་སྐབས་འདིར་ཆོས་ལ་འབད་ན་བླ་ན་མེད་པའི་སངས་རྒྱས་ཀྱང་བསྒྲུབ་པར་དཀའ་བ་མིན་ན། འཇིག་རྟེན་དང་འཇིག་རྟེན་ལས་འདས་པའི་ཕུན་ཚོགས་གཞན་རྣམས་ལྟ་སྨོས་ཀྱང་ཅི་དགོས། འོན་ཀྱང་ད་རེས་ཆོས་ལ་མ་འབད་ན། ཕྱིས་མི་ལུས་ཐོབ་པ་ཙམ་ཡང་རྙེད་དཀའ། མི་ལུས་མ་ཐོབ་ན་ཆོས་བྱེད་པའི་སྐལ་བ་མེད། ཆོས་མ་བྱས་ན་འཁ…

ཡིན༌། སྡུག་བསྔལ་དེ་ཡང་ཟད་མི་ཤེས་ཤིང་ཐར་བར་དཀའ་བ་རྒྱ་མཚོ་དང་མཚུངས་པ་བཞིན་འདུག་པ་ལས། ངེས་པར་ཐར་དགོས་པར་འདུག །རང་གཅིག་པུ་ཐར་བས་མི་ཕན་གྱིས་སེམས་ཅན་ཐམས་ཅད་ཐར་དགོས་པ་འདུག་སྙམ་པའི་འདུན་པ་མཛོད། །ཅེས་བརྗོད། གཉིས་པ་སྐྱབས་འགྲོ་དང་སེམས་བསྐྱེད་གཉིས་ཀྱི་སྐྱབས་འགྲོ་ནི། ཕྱོགས་བཅུ་ན་བཞུགས་པའི་སངས་རྒྱས་དང་བྱང་ཆུབ་སེམ…

གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱ་བཅོམ་ལྡན་འདས་རྣམས་དང༌། ས་ཆེན་པོ་ལ་རབ་ཏུ་བཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཇི་ལྟར་ཐུགས་རིན་པོ་ཆེ་སྐྱེད་པར་མཛད་པ་དེ་བཞིན་དུ། བདག་མིང་འདི་ཞེས་བགྱི་བས་ཀྱང་དུས་འདི་ནས་བཟུང་ནས། སྙིང་པོ་བྱང་ཆུབ་ལ་མཆིས་ཀྱི་བར་དུ་བྱང་ཆུབ་ཀྱི་མཆོག་ཏུ…

གཞུག་པར་བྱ། །བསོད་ནམས་འདོད་པས་དེ་ལས་གཞན། །གཞན་ནི་འཇིག་རྟེན་ཕ་རོལ་གཉེར། །དད་པ་ཆེན་པོ་ལྡན་པ་དག །འཇིག་རྟེན་ཕ་རོལ་ལ་དམིགས་ན། །དཀྱིལ་འཁོར་དམ་པ་གཞུག་བྱ་སྟེ། །ཚེ་འདིའི་འབྲས་བུ་གཉེར་མི་བྱ། །བདག་དོན་ཚེ་འདིར་གཉེར་བྱེད་ན། །གཞན་དོན་སངས་རྒྱས་ག་ལ་བྱུང༌། །འཇིག་རྟེན་ཕ་རོལ་ལ་དམིགས་ན། །འབད་པ་མེད་པར་འདི་འབྲས་འགྲུབ། །བ…

བའི་རྫོགས་སངས་རྒྱས། །འགྲོ་ལ་ཕན་ཕྱིར་བཞུགས་པ་རྣམས། །དེ་དག་ཀུན་གྱིས་གསང་སྔགས་ཀྱི། །ཆོ་ག་བཟང་པོ་འདི་མཁྱེན་ནས། །དཔའ་བོ་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་ཚད་མེད་བརྙེས། །གསང་སྔགས་སྦྱོར་བ་མཉམ་མེད་དེས། །ཡེ་ཤེས་མཉམ་མེད་ཐོབ་པས་ན། །སྐྱོབ་པ་སངས་རྒྱས་ཧེ་རུ་ཀས། །བདུད་ནི་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས…

དཔའ་ཡིས། །བྱང་ཆུབ་ཏུ་ནི་སེམས་བསྐྱེད་ལྟར། །དེ་བཞིན་བདག་ནི་སེམས་བསྐྱེད་དོ། །བདག་གི་དགེ་བའི་ལས་རྣམས་འདི་དག་གིས། །འཇིག་རྟེན་འདིར་ནི་མྱུར་དུ་སངས་རྒྱས་ཤོག །འགྲོ་ལ་ཕན་ཕྱིར་ཆོས་ནི་སྟོན་བགྱིད་ཅིང༌། །སེམས་ཅན་སྡུག་བསྔལ་མང་པོ་གཟིར་ལས་སྒྲོལ། །ཞེས་ལན་གསུམ།བརྒྱད་པ་སྡོམ་པ་འབོགས་པ་ནི། སངས་རྒྱས་བྱང་ཆུབ་སེམས་དཔའ་རྣམས།…

དག་པ་ལ། །ཕྱི་ནང་གསང་བའི་ཐེག་པ་གསུམ། །དམ་པའི་ཆོས་ནི་མ་ལུས་བཟུང༌། །ལས་ཀྱི་རིགས་མཆོག་ཆེན་པོ་ལ། །སྡོམ་པ་ཐམས་ཅད་ལྡན་པར་ནི། །ཡང་དག་ཉིད་དུ་བཟུང་བར་བགྱི། །མཆོད་པའི་ལས་ཀྱང་ཅི་ནུས་བགྱི། །བྱང་ཆུབ་སེམས་ནི་བླ་ན་མེད། །དམ་པ་བདག་གིས་བསྐྱེད་བགྱིས་ནས། །སེམས་ཅན་ཀུན་གྱི་དོན་གྱི་ཕྱིར། །བདག་གིས་སྡོམ་པ་མ་ལུས་བཟུང༌། །མ་གྲོ…

སློབ་མའི་གནས་གསུམ་དུ་དྲི་བཟང་གིས་ཐིག་ལེ་བྱས། དཔྲལ་བར་ཨོཾ། མགྲིན་པར་ཨཱཿ སྙིང་གར་ཧཱུཾ། དེ་རྣམས་ཀྱི་འོད་ཀྱིས་ལུས་གང་བས། ལུས་ངག་ཡིད་གསུམ་གྱི་དྲི་མ་དག་པར་གྱུར། སྙིང་གར་ཀུན་རྫོབ་བྱང་ཆུབ་སེམས་ཀྱི་ངོ་བོ། ཟླ་བའི་དཀྱིལ་འཁོར་གྱི་སྟེང་དུ། དོན་དམ་བྱང་ཆུབ་སེམས་ཀྱི་ངོ་བོ་རྡོ་རྗེ་དཀར་པོ་རྩེ་ལྔ་པ། ཨོཾ་སརྦ་ཡོ་ག་ཙིཏྟ་…

ཤེས་དབབ་པར་གསོལ་བ་གདབ་པ་ནི། དེ་བཞིན་གཤེགས་པ་ཐམས་ཅད་ཀྱིས། །བདག་ལ་བྱིན་གྱིས་རློབས་མཛོད་ལ། །རྡོ་རྗེ་ཡེ་ཤེས་བླ་མེད་ནི། །ད་ལྟ་ཉིད་དུ་དབབ་ཏུ་གསོལ། །ཅེས་པའམ། བདེ་བར་གཤེགས་པ་ཐམས་ཅད་ཀྱི། །བྱིན་གྱིས་བརླབ་པའི་ཡེ་ཤེས་མཆོག །སེམས་ཅན་ཀུན་གྱི་དོན་གྱི་ཕྱིར། །གཙོ་བོས་བདག་ལ་སྩལ་དུ་གསོལ། །ཞེས་པ་གང་རུང་གིས་ལན་གསུམ་གསོལ་…

འབྱོར་མ་དང༌། མགོན་པོའི་སྙིང་པོ་དང༌། ན་མོ་བུདྡྷ་ཡའི་སྔགས་རྣམས་ཀྱི་མཐར། ཨཱ་བེ་ཤ་ཡ་ཨ་ཨཱཿ ཞེས་བཏགས་ལ་ཡེ་ཤེས་འབེབས། ཏིཥྠ་བཛྲ་སོགས་ནི་འདི་རྣམས་ལ་མི་དགོས། འདི་རྣམས་ཀྱིས་གཞན་རྣམས་ལའང་རིགས་འགྲེ། བདེ་མཆོག་ལྷ་ལྔའི་དབང་བཞི་ལུས་བསྒྲེས་སུ་གྲགས་པ་ཏིང་ངེ་འཛིན་གྱི་དབང་དང་འཕོ་བའི་དབང་མོ་ཆེ་དང༌། ཆོས་དུག་སོ་སོའི་སྒོས་བ…

ཅད་ལ་སྔོན་འགྲོ་བཅུ་པ་འདི་བྱེད་པར་གསུང་པས། དེ་བཞིན་ལྕོགས་ན་བཟང་བའོ། །དངོས་གཞིའི་ཆོ་ག་ཤིན་ཏུ་བསྡུས་པ་ལ་སྔོན་འགྲོ་རྒྱས་པ་དེ་མི་མཛེས་པས་ཕྱག་ལེན་ལ་བདེ་མཆོག་ལྷ་ལྔའི་དབང་རྒྱས་པ་དང༌། སྒྱུ་ལུས་དབང་མོ་ཆེ་ལ་སྔོན་འགྲོ་བཅུ་པ་འདི་མཛད་ཅིང༌། གཞན་རྣམས་ལ་སྔོན་འགྲོ་ལྔ་པ་འདི་མཛད་ན། དགོས་དོན་འགྲུབ་པས་ཤིན་ཏུ་ལེགས་སོ། ཁོ་…

ནཻ་གུས་བརྒྱུད་འདེབས་ཨ་ཡིག་ཆོས་འབྱུང་མ་ཞེས་བྱ་བ་བཞུགས་སོ།

ཨ་ཡིག་ཆོས་ཀྱི་འབྱུང་གནས་ཕོ་བྲང་དུ། །ཨ་དཀར་ཟག་མེད་བདུད་རྩིའི་ཆུ་རྒྱུན་གྱིས། །ཨ་བྷི་ཥྀཉྩས་སེམས་ཀྱི་དྲི་མ་འཁྲུད། །ཨ་ཧཾ་མི་ཕྱེད་བདེ་སྟོང་རྡོ་རྗེ་འཆང༌། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །དག་བྱེད་སྟོང་རའི་རྣལ་འབྱོར་བསྒོམས་པའི་མཐུས། །འགལ་རྐྱེན་ནད་གདོན་སྡིག་སྒྲུབ་སྦྱངས་པ་དང༌། །མཐུན་རྐྱེན་རྟགས་གསུམ…

རང་སེམས་སྒྱུ་མར་ཤར་བའི་འཁྲུལ་པ་དག །གཉིས་འཛིན་སྒྱུ་མ་ཤར་པའི་འོད་གསལ་ཤར། །སྒྱུ་མའི་དོན་རྟོགས་ཁྱུང་པོ་རྣལ་འབྱོར་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །ཡང་རབ་བླ་མའི་མོས་གུས་འབྲལ་མེད་ཅིང༌། །འབྲིང་གིས་བརྗོད་བྲལ་བར་མ་ཆད་དུ་སྒོམས། །ཐ་མའི་ཀུན་ཀྱང་སྒྱུ་མར་སྦྱངས་ནས་ནི། །ཞེན་མེད་རང་སར་གྲོལ་བར་བྱིན་གྱིས…

སྦྱང་ནས། །བདེ་ཆེན་མཐར་ཐུག་འོད་གསལ་མངོན་གྱུར་ཏེ། །འོད་གསལ་དག་པ་གཉིས་ལྡན་སྐྱེར་སྒང་བ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །འོད་གསལ་ཟུང་བཞི་ལམ་དུ་ཁྱེར་བ་དང༌། །བསྲེ་འཕོའི་གནད་དང་གེགས་སེལ་བོགས་འདོན་གྱིས། །དམ་ཚིག་མ་ཉམས་འཆར་སྒོ་ངོ་ཟིན་ནས། །འོད་གསལ་ཉམས་མྱོང་འབྱོང་པར་བྱིན་གྱིས་རློབས། །ཆོས་སྐུ་འཕོ་བའི…