མཁྱེན་པས་ཡུལ་མ་ཆད་པ་དང༌། འཕོ་འགྱུར་དང་བྲལ་ཞིང་དུས་རྟག་ཏུ་ཡོད་པས། དུས་མ་ཆད་པ་དང༌། སྒྲིབ་པ་མ་ལུས་པར་སྤངས་པས་ཤེས་བྱ་ཀུན་ལ་མ་རྨོངས་པ་དང༌། ཡུལ་གྱི་རྣམ་པ་ཤར་བ་ལ་མི་ལྟོས་པས། ཤེས་བྱ་ལ་ཡོད་ཙམ་མཁྱེན་པས། རྣམ་པ་མ་ཆད་པ་སྟེ། མདོ་སྡེ་རྒྱན་ལས། མེ་ལོང་ཡེ་ཤེས་ང་ཡི་མེད། ཡོངས་སུ་མ་ཆད་རྟག་ཏུ་ལྡན། །ཤེས་བྱ་ཀུན་ལ་མ་རྨོངས་པ…

ཀུན་དོན་སྒྲུབ་པའོ། །ཞེས་སོ། །གཉིས་པ་དེ་རྣམས་རྒྱུ་གང་ལས་འབྱུང་ཚུལ་ནི། སློབ་ལམ་དུ་ཏིང་ངེ་འཛིན་ཟབ་མོ་སྒོམ་པ་ལས་ཆོས་དབྱིངས་ཡེ་ཤེས་འབྱུང་བ་ཡིན་ཏེ། རྒྱན་ལས། དེ་བཞིན་ཉིད་ནི་ཐམས་ཅད་ནས། །སྒོམ་པ་ལས་ནི་ཡང་དག་འབྱུང༌། །ཞེས་སོ། །དམ་པའི་ཆོས་མང་དུ་ཐོས་ཤིང་འཛིན་པ་ལས་མེ་ལོང་ལྟ་བུའི་ཡེ་ཤེས་དང༌། བདག་གཞན་མཉམ་པ་ཉིད་དུ་སྒ…

ཡིད་ཀྱི་རྣམ་པར་ཤེས་པ་དབྱིངས་སུ་ནུབ་པ་ནི་སོ་སོར་རྟོག་པའི་ཡེ་ཤེས་སོ། །སྒོ་ལྔའི་རྣམ་པར་ཤེས་པ་དབྱིངས་སུ་ནུབ་པ་ནི་བྱ་བ་གྲུབ་པའི་ཡེ་ཤེས་སོ། །ཞེས་གསུངས་པའི་ཕྱིར་རོ། །བཞི་པ་རྣམ་ཤེས་རྣམས་གནས་འགྱུར་ཚུལ་ནི། དཔེར་ན་ལྕགས་ཀྱི་དངོས་པོ་གསེར་འགྱུར་གྱི་རྩིས་རོ་བཅུད་ཀྱིས་བཙོས་པ་ན། དེའི་ཁ་དོག་ནག་པོ་སོགས་མི་མཛེས་པ་དང༌། …

གསུངས་པའི་ཕྱིར་རོ། །དེས་ན་དྲི་མ་མཐའ་དག་དང་བྲལ་ཏེ་སངས་རྒྱས་པ་ན་ལམ་སྒོམ་པ་པོའི་གང་ཟག་དང་དེའི་རྒྱུད་ཀྱི་རྣམ་པར་ཤེས་པ་རྣམས་གཏན་མེད་དུ་མི་འགྲོ་བར་དེ་དག་གི་རིགས་རྒྱུན་སངས་རྒྱས་ཀྱི་སྐྱེས་བུ་དང་ཡེ་ཤེས་སུ་གནས་གྱུར་པ་ཡིན་ཏེ། དེ་ཉིད་ལས། གང་ཟག་འཁྲུལ་བ་ཟད་ན་དེ་འཚངས་རྒྱ། །དེ་སྤངས་གང་ཟག་ཉིད་ཀྱང་སྤངས་འགྱུར་མོད། །སྔ…

མ་ལས། ལམ་བསྒོམས་པས་གསར་དུ་ཐོབ་པའི་ལྡོག་ཆ་གླཽ་བུར་གྱི་དྲི་མ་སྤངས་པའི་ཆ་རྣམས་དང༌། གདུལ་བྱ་གཞན་སྣང་དུ་སྟོན་པ་རྣམས་དང༌། གཞན་སྣང་དུ་འཆར་དུ་རུང་བ་རྣམས་ནི་ཀུན་རྫོབ་དང་སྦྱངས་འབྲས་ཡིན་ཞིང༌། ཞེས་གསུངས་པའི་ཕྱིར་རོ། །གཉིས་པ་གཞུང་གི་དོན་ནི། གོང་དུ་བཤད་པ་ལྟར་རྣམ་ཤེས་ཚོགས་བརྒྱད་ཀྱི་རིགས་རྒྱུན་གནས་གྱུར་པ་གཞན་བྱུང་ག…

ལ་ཀུན་རྫོབ་གསར་ཐོབ་ཀྱི་གཟུགས་སྐུ་གཉིས་དང་ཡེ་ཤེས་སོགས་ནི་གདོད་ནས་ཆོས་སྐུ་དེར་རང་བྱུང་དུ་གནས་པ་ནི་མིན་ཏེ། ལམ་གྱི་ཡེ་ཤེས་ཀྱིས་གསར་དུ་བསྐྱེད་པའི་འབྲས་བུ་ཡིན་པའི་ཕྱིར་རོ། །གཞན་ཡང་རྣམ་ཤེས་བདུན་གྱི་རྩ་བར་གྱུར་པའི་ཀུན་གཞི་རྣམ་ཤེས་དང་ཆོས་དབྱིངས་ཡེ་ཤེས་གཉིས་འཁོར་འདས་གཉིས་ཀྱི་གཞི་བྱེད་པ་སོགས་རྣམ་པ་འདྲ་ཞིང་མཚུང…

ཙམ་མ་གཏོགས། རང་གི་ངོ་བོ་ལ་ནམ་ཡང་འགྱུར་བ་མེད་པར་སྔ་ཕྱི་གཅིག་པའི་ཕྱིར་ཏེ། རྒྱུད་བླ་མ་ལས། ཉེས་པ་གློ་བུར་དང་ལྡན་དང༌། །ཡོན་ཏན་རང་བཞིན་ཉིད་ལྡན་ཕྱིར། །ཇི་ལྟར་སྔར་བཞིན་ཕྱིས་དེ་བཞིན། །འགྱུར་བ་མེད་པའི་ཆོས་ཉིད་དོ། །ཞེས་གསུངས་པའི་ཕྱིར། གཞན་ཡེ་ཤེས་ལྷག་མ་བཞི་པོ་རྣམས་ལ་དོན་དམ་དང་ཀུན་རྫོབ་གཉིས་སུ་དབྱེ་སྟེ། དོན་དམ་ར…

ཉིད་ཀྱི་དོན་དམ་པའི་རྣམ་པ་ཀུན་མ་འདྲེས་པར་མཁྱེན་པའི་ཆ་ནས་སོ་སོར་རྟོག་པའི་ཡེ་ཤེས་དང༌། དོན་དམ་པའི་མཛད་པ་དང་འཕྲིན་ལས་སེམས་ཅན་གྱི་དོན་ཀུན་མཛད་པའི་ཚུལ་མཁྱེན་པའི་ཆ་ནས་བྱ་བ་གྲུབ་པའི་ཡེ་ཤེས་དང༌། ཆོས་དབྱིངས་ཡེ་ཤེས་རང་གི་ངོ་བོ་ནི་རྣམ་པར་མི་རྟོག་པ་དང་དོན་དམ་པའི་རྣམ་པ་ཐམས་ཅད་པའོ། །གཞན་ཀུན་རྫོབ་གསར་ཐོབ་ཀྱི་ཆ་ནི་མེ…

ཡེ་ཤེས་སྐད་ཅིག་མ་དང་པོ་ཆོས་ཉིད་ཀྱི་སྐུ་མངོན་གསུམ་གྱི་ཡུལ་དུ་བྱས། དེ་འོག་སྐད་ཅིག་གཉིས་པར་གསར་ཐོབ་ཀྱི་གཟུགས་སྐུ་གཉིས་དང་མཛད་འཕྲིན་སོགས་ལམ་བདེན་གཞན་རྣམས་ལ་འདྲེས་པའི་ཚུལ་དུ་འཇུག་པ་དེའི་ཕྱིར་ཀུན་རྫོབ་གསར་བྱུང་གི་ཡེ་ཤེས་འདི་རྣམས་ནི་དངོས་པོ་ཡིན་པའི་ཕྱིར་སྐད་ཅིག་རེ་རེ་ནས་འཇིག་པའི་མི་རྟག་པ་ཁོ་ནའོ། །ཆོས་དབྱིང…

བཞག་གོ །གཞན་ཡང་ཆོས་ཉིད་དེ་བཞིན་ཉིད་ནི་རང་དང་ངོ་བོ་དབྱེར་མེད་པའི་དོན་དམ་པའི་རྣམ་པ་ཀུན་འཆར་བ་དང༌། རང་གི་ངོ་བོ་རྟག་པ་ཡིན་པ་དང༌། དེ་ཉིད་ལམ་དུ་མ་ཞུགས་པའི་སེམས་ཅན་རྣམས་ལ་གཞིའི་ཆོས་སུ་སྣང་བ་དང་ལམ་དུ་ཞུགས་པའི་སེམས་ཅན་རྣམས་ལ་ལམ་གྱི་ཆོས་སུ་སྣང་བ་དང༌། སངས་རྒྱས་རྣམས་ལ་འབྲས་བུའི་ཆོས་སུ་སྣང་བ་སོགས་གཞི་ལམ་འབྲས་གསུ…

དང་བཅུའོ། །མཚན་དཔེ་ནི་བྱང་སེམས་ས་བརྒྱད་པ་ཡན་ཆད་དང་ཐུན་མོང་ཡིན་ཏེ། དེར་མཚན་དཔེ་རྗེས་མཐུན་པ་ཐོབ་པས་སོ། །གཉིས་པ་ཐུན་མོང་མ་ཡིན་པའི་སྡེ་ཚན་དགུ་ནི། སྟོབས་བཅུ་དང༌། མི་འཇིགས་པ་བཞི་དང༌། དྲན་པ་ཉེ་བར་གཞག་པ་གསུམ་དང༌། སྲུང་བ་མེད་པ་རྣམ་པ་གསུམ་དང༌། བསྙེལ་བ་མེད་པའི་ཆོས་ཉིད་དང༌། སྒྲིབ་གཉིས་བག་ཆགས་དང་བཅས་པ་བཅོམ་པའི་ཡ…

མཛད་པའི་ཆ་ནས་ཐུགས་རྗེ་ཆེན་པོ་གཙོ་བོར་སྨོས་ན་བསྙེལ་བ་མི་མངའ་བ་དེའི་ཁུངས་སུ་བསྡུས་ཏེ། དེས་ན་རྣམ་གྲངས་ཀྱི་སྒོ་ནས་དབྱེ་བ་བཅུ་དྲུག་གི་དབྱེ་བར་འདོད་དོ། །བཞི་པ་འཕྲིན་ལས་བཤད་པ་ལ། མཚན་ཉིད། དབྱེ་བ། དབྱེ་བ་དེ་རྣམས་དཔེས་ངེས་པར་བྱ་བའོ། །དང་པོ་མཚན་ཉིད་ནི། ཆོས་སྐུའི་བདག་རྐྱེན་བྱས་པ་ལས་བྱུང་བའི་རྣམ་དཀར་གྱི་ཡོན་ཏན་ས…

བ་མི་སྲིད་པའི་ཕྱིར། གདུལ་བྱ་སྐལ་དམན་རྣམས་ནི་རང་རང་གི་ལས་དང་འཚམས་པར་ཕན་པ་དང་བདེ་བ་ཅི་རིགས་པ་ལ་སྦྱོར་བར་མཛད་པའོ། །འོ་ན་སངས་རྒྱས་ཀྱི་འཕྲིན་ལས་ངོ་བོ་དགེ་བ་དང་ལུང་མ་བསྟན་གང་ཡིན་ཞེ་ན། དགྲ་བཅོམ་པའི་སྒོ་གསུམ་གྱི་ལས་ལ་རེས་དགེ་བ་དང་རེས་ལུང་མ་བསྟན་ཡོད་ཀྱང༌། སངས་རྒྱས་ཀྱི་སྐུའི་འཕྲིན་ལས་རྫུ་འཕྲུལ་ལ་སོགས་པ་སྐུ་རྫ…

སྙན་བཞིན་དང༌། སྐུའི་གསང་བ་ནམ་མཁའ་བཞིན་དང༌། ཐུགས་རྗེ་འཇུག་ཚུལ་ས་གཞི་བཞིན་སྟེ་དགུའོ། །གསུམ་པ་དེ་རྣམས་དཔེས་ངེས་པར་བྱ་བ་ནི། བརྒྱ་བྱིན་གྱི་དཔེས་ནི་གདུལ་བྱ་དང་མཐུན་པར་སྐུའི་རྣམ་འཕྲུལ་སྣ་ཚོགས་སྟོན་པ་དང། རྔ་བོ་ཆེས་དཔེས་ནི་སྐལ་བ་ཇི་ལྟ་བ་བཞིན་དུ་གསུང་གིས་དམ་པའི་ཆོས་ཀྱི་གདམས་ངག་གསུངས་པ་དང༌། སྤྲིན་གྱི་དཔེས་ནི་ཐ…

བཅུ་དགུ་ལ་སོགས་པའི་སངས་རྒྱས་ཀྱི་སའི་ཡོན་ཏན་རྣམས་དང༌། སངས་རྒྱས་ཀྱི་མཛད་པ་དང་འཕྲིན་ལས་རྣམས་ཏེ། དོན་ལྔ་པོ་འདི་རྣམས་ཀྱིས་འབྲས་བུ་རྣམས་རྫོགས་པར་བསྟན་པར་ཤེས་པར་བྱའོ། །ཞེས་ལམ་དང་འབྲས་བུ་གཏན་ལ་དབབ་པའི་རབ་ཏུ་བྱེད་པ་བརྒྱད་པ་རྣམ་པར་བཤད་ཟིན་ཏོ། །གསུམ་པ་ཡོངས་སུ་རྫོགས་པའི་བྱ་བ་ནི། ཐེག་པ་ཆེན་པོའི་གཞུང་ལུགས་ཤིན་ཏུ་…

པའང་ཆེས་མཆོག་ཏུ་གྱུར་པ་ཉིད་ཡིན་ཏེ། མི་མཐུན་པའི་ཕྱོགས་བདུད་བགེགས་ཀྱི་བར་ཆད་རྣམས་སེལ་བར་ཀུན་ཏུ་སྟེ་མངོན་སུམ་དུ་མཐོང་ནས་སོ། །ཕྱིས་བྱུང་གི་རང་སྟོང་གི་གྲུབ་མཐའ་འཛིན་པའི་རྒྱ་བོད་ཀྱི་མཁས་པ་རྣམས་ཀྱི་གཞུང་ལ་ཐོས་བསམ་སྒོམ་པ་ལོ་བརྒྱར་འབད་པ་ལས་ཀྱང་རྗེ་བཙུན་བྱམས་པའི་གཞུང་ལུགས་གྲགས་ཆེ་བ་ལྔ་པོ་རྣམས་ཀྱི་གླེགས་བམ་དད་…

ན་འདི། །ཞེས་སོགས་གསུང་བ་བཞིན་འདིར་ཡང་དེ་ལྟར་བཀོད་པ་ཡིན་པར་ཤེས་པར་བྱོས་ཤིག །ཐེག་མཆོག་དབུ་མའི་གཞུང་ལུགས་དེ་སྐད་སྨྲ་བ་པོ་ཁོ་བོ་ཏཱ་ར་ནཱ་ཐ་ཞེས་འབོད་པ་སྟེ། བླུན་ཡང་ཞེས་པས། ཁེངས་པ་བསྐྱུངས་ཏེ་བདག་གིས་ཟབ་མོའི་དོན་འདི་ལྟ་བུ་ལ་མི་འཕྲོག་པའི་མོས་པའི་དགེ་བ་ཕུན་ཚོགས་ཀྱིས་མཐར་འབྲས་བུ་གྱ་ནོམ་པ་ཐོབ་པར་འགྱུར་བས། རང་ཉི…

པར། །ངེས་དོན་དབུ་མའི་སྐྱེད་ཚལ་ཉམས་དགའ་བར། །འཁྲིད་ཕྱིར་ཐེག་མཆོག་དབུ་མ་རྣམ་ངེས་བརྩམས། །འདི་ཡི་གསུང་བཤད་རྗེ་བཙུན་རང་ཉིད་ཀྱིས། །སྔོན་དུ་ལོ་བསྟར་ལན་རེ་གནང་སྲོལ་ཡོད། །དེ་ཚེ་མཁན་ཆེན་ཡེ་ཤེས་རྒྱ་མཚོ་ཡིས། །ཟིན་བྲིས་བཏབས་པའི་འགྲེལ་པ་ཁྱད་འཕགས་ཡོད། །དེ་ཡང་རྩོམ་འཕྲོར་ལུས་སམ་དཔེ་འཁྱར་ཅི། །མཇུག་གི་རབ་དབྱེ་གཉིས་ལ་འག…

གཉེར་བྱེད་སྐབས་སུ་རབ་བྱེད་ཐ་མ་གཉིས་ཀྱི་འགྲེལ་པ་ཞིག་དགོས་ཞེས་ཡང་ཡང་བསྐུལ་ངོར། ༧ ཤཱཀྱའི་དགེ་སློང་བློ་བཟང་མཆོག་གྲུབ་རྒྱ་མཚོས་ཐུབ་པའི་བསྟན་པ་ལོ་ཉིས་སྟོང་བདུན་བརྒྱ་ཉེར་བརྒྱད་འདས་པ། རབ་བྱུང་བཅོ་ལྔ་པའི་ཤིང་ཕོ་རྟའི་ལོར་དགུན་ཟླ་འབྲིང་པོའི་དགའ་བ་གཉིས་པའི་ཉིན་ཚ་ཁོའི་སྟོད་རི་ཁྲོད་ཞིག་ནས་རྫོགས་པར་བགྱིས་པའོ།། །།ཨ…

གང༵་བར་གྱུར༵་པ༵འི། གད༵མས་པ༵འི་ཆུ་བོའི་རྒྱུན༵་གྱིས༵་ཕྱོག༵ས་འདི༵ར་མོས་པ་དང་ལྡན་པའི་སྐྱེ་བོ་གཞན་རྣམས་ཀྱང་སྐལ༵་བ་བཟང༵་པོར་བདག་གིས་བྱ༵་ཞེས་རྩོམས་པར་དམ་བཅས་པའོ། །དེ་ལ་རང་སྟོང་གི་དོན་ནི། ཀུན་རྫོབ་དང་དོན་དམ་པའི་ཆོས་ཐམས་ཅད་རང་གི་ངོ་བོས་སྟོང་ཞིང་བདེན་པར་མེད་པའི་ཕྱིར་ཆོས་ཐམས་ཅད་རང་སྟོང་ཡིན་ཞིང་ཞེས་འདོད་པའི་དོན…