བ་ཅི་ཞིག་ཡིན་ཞེ་ན། ཨོཾ་སུཾ་བྷ་ནི་སུཾ་བྷ་ཧཱུཾ་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཧཱུཾ་ཕཊ། ཨོཾ་གྲྀཧྞ་པཱ་ཡ་གྲྀཧྞ་པཱ་ཡ་ཧཱུཾ་ཧཱུཾ་ཕཊ། ཨོཾ་ཨཱ་ན་ཡ་ཧོ་བྷ་ག་ཝན་བཛྲ་ཧཱུཾ་ཧཱུཾ་ཕཊ། ཅེས་པ་ནི་བཅོམ་ལྡན་འདས་ཀྱི་འཕྲེང་བའི་སྔགས་ཏེ། དཔལ་རྡོ་རྗེ་མཁའ་འགྲོའི་བདེ་ཆེན་འཁོར་ལོ་དང༌། འདི་ཉིད་ཀྱྀ་དཀྱིལ་འཁོར་ནི། སྟོན་བྱེད་ཀྱི་ཚིག་ཀྱ…

འགྲོ་མའིའོ། །ཨོཾ་ལྀ་ལཱྀ་ཏ་ཐ་ད་དྷ་ན་ལ་ས་ན་མཿ རིན་ཆེན་མཁའ་འགྲོ་མའི་འོ། ཨོཾ་ཨུ་ཨཱུ་པ་ཕ་བྷ་མ་ཝ་ྉྤ་ཨོཾ། རྡོ་རྗེ་མཁའ་འགྲོ་མའིའོ། །སྔགས་དང་རྒྱུད་ལ་མཁས་པའི་སློབ་དཔོན་ཁ་ཅིག་ནི། ཨོཾ་ཤྲཱི་ཧེ་རུ་ཀ་བཛྲ་སརྦ་དུཥྟཾ་ས་མ་ཡ་མུ་དྲཱ་པྲ་བྷཉྫ་ཀ་ཧཱུཾ་ཕཊ། ཅེས་པ་ཧེ་རུ་ཀའི་སྤྱི་སྔགས་ཀྱང་བཟླ་བར་བཞེད་དོ། །གཉིས་པ་ནི། བཟང་པོ་ནི་ག…

སྐུ་དེ་ཉིད་ཡོངས་སུ་བསྒོམས་པས་རྒྱུ་བ་ལྷ་སྐུ་དང༌། མི་རྒྱུ་བ་གཞལ་མེད་ཁང་དང་ཞིང་ཁམས་དག་པའི་སྣང་བ་རབ་འབྱམས་མཆེད་དེ་ས་གོང་ནས་གོང་འགྲོ་བར་འགྱུར་རོ། །འདིར་བསམས་པ་ཙམ་གྱིས་ནི་ཞེས་བྱ་བ་ལ་སོགས་པ་ནི་མྱུར་དུ་འགྲུབ་པའི་ཕན་ཡོན་ནོ། །གསུམ་པ་ནི། འདོད་པ་ཀུན་ལ་ཉེར་སྤྱོད་པ། །ཞེས་པ་ནས། རང་གི་གཟུགས་ནི་ཡོངས་རྗེ་ཉིད་ཞེས་པའི་…

རྟག་ཏུ་རོལ་བ་ནི་སྤྲོས་མེད་ཀྱི་སྤྱོད་པ་སྤྱད་བླ་བའི་ཕྱིར་རྒྱུན་དུ་རོལ་པའོ། །རྡོརྗེ་རྣལ་འབྱོར་མ་རྣམས་དང་ཞེས་སོགས་ནི། སྤྲོས་བཅས་ཀྱི་སྤྱོད་པ་སྟེ། ཚོགས་ཀྱི་ཁང་པ་རྒྱན་ཐམས་ཅད་ཀྱིས་བརྒྱན་པར་གྲུབ་པའི་ཕྱག་རྒྱ་ཇི་ལྟར་ཉུང་ན་ཡང་ལྔ་དང་བཅས་པའོ། །དེ་ལ་ལྔ་ནི། ལྷའི་གནས་སུ་བཞག་པར་བྱ་ལ། སྒེག་མོ་ལ་སོགས་པ་ལྷ་མོ་བཞི་དང་བཅས…

ཕྱག་མཚན་མང་པོ་དག་ལ་ནི་ཕྱག་མཚན་དང་པོ་ཉིད་དོ། །རྣལ་འབྱོར་བདག་ཉིད་སྟོན་པར་བྱེད་ཅེས་བྱ་བ་ནི་བསྒོམ་བསམ་གྱི་ཁྱད་པར་ཏེ། ཐམས་ཅད་སྟོང་པ་ཉིད་དུ་ཡོངས་སུ་བཅུག་ནས། བདག་ཉིད་འཁོར་ལོའི་དབང་ཕྱུག་ཏུ་ལྷག་པར་མོས་པའི་བྱང་ཆུབ་ཀྱི་སེམས་ཀྱི་འོད་ཟེར་ལས་དཀྱིལ་འཁོར་བ་རྣམས་སྤྲོ་བར་བྱེད་པའི་ཕྱིར་དཔའ་བོ་དང་རྣལ་འབྱོར་མ་ཐམས་ཅད་ཀྱང…

འཆི་བདག་ཐག་རིང་བ་སོགས་ཀྱི་དོན་བྱེད་པའོ། །གཞན་ཡང་ཚོགས་ཀྱི་འཁོར་ལོའི་དམ་རྫས་ཀྱི་དོན་དུ་ཁུ་བ་དགུག་པ་དང༌། ཆང་དགུག་པ་དང༌། གོང་བུ་ཆེན་པོ་སྟེ་སྐྱེས་པའམ་བུད་མེད་ལ་སོགས་པ་ནམ་མཁའི་ལམ་ནས་དངོས་སུ་དགུག་པ་དང༌། སྐྱེ་བ་བདུན་པའི་རོ་དངོས་དགུག་པ་ཉིད་དང༌། ཤ་ཆེན་དམ་དུམ་དག་ཀྱང་བཀུག་སྟེ། དེས་མཚོན་པའི་རྫས་ཀྱི་ཁྱད་པར་གཞན་ཡང…

སླར་སྐྱེ་བར་ནུས་པ་ལྟ་བུའོ། །འདི་ནི་སྨྱོན་པའི་སྤྱོད་པ་མཐར་ཕྱིན་ནས་ཐོབ་པ་སྟེ། ཀུན་བཟང་གི་སྤྱོད་པ་ལ་གནས་པ་རྣམས་ཀྱི་ཡོན་ཏན་ནོ། །ཀུན་བཟང་གི་སྤྱོད་པའི་སྐབས་ཀྱི་ཕན་ཡོན་ནི་ལྷའི་མིག་དང་སོགས་ཏེ། དེ་ལ་མངོན་ཤེས་ལྔ་ནི། ལྷའི་མིག་གི་མངོན་ཤེས་དང༌། རྣ་བའི་མངོན་ཤེས་དང༌། གཞན་གྱི་སེམས་ཤེས་པའི་མངོན་ཤེས་དང༌། སྔོན་གྱི་གནས…

འདོད་པའི་ལྷའི་རྣམ་པར་གནས་ནས། ཁ་ཟས་རྣམས་བདུད་རྩིར་བྱིན་གྱིས་བརླངས་པ་ནི་ཟླ་བའི་དོན་ཡིན་ལ། །དེ་རྣམས་སྣོད་གཅིག་ཏུ་བཟའ་བ་ནི་འདུས་པ་སྟེ་ཕྱིའི་ཟླ་བ་འདུས་པའོ། །ཐབས་དང་ཤེས་རབ་མཉམ་པར་སྦྱར་བ་ལས་རྩ་སྟོང་ཕྲག་བདུན་བཅུ་རྩ་གཉིས་ཀྱི་བྱང་ཆུབ་ཀྱི་སེམས་ཞུ་བ་ནོར་བུར་ཡོངས་སུ་སོན་ཞིང་སླར་ཡང་དབུ་མའི་ལམ་ལས་སྤྱི་བོར་ཐིམ་པར་བ…

ཀར་ཡོངས་སུ་བསྐྱེད་པ་ཕྱིས་དམངས་རིགས་ཀྱི་ཐོད་པར་བསྐྱེད་ལ། དེའི་མྱུ་གུ་ལ་གུཉྫ་དཀར་པོ་ཡོངས་སུ་བླུགས་ཏེ། ཕྱོགས་མཚམས་བརྒྱད་དུ་སྲོག་ཆགས་རྣམ་པ་སྣ་ཚོགས་པ་དག་གི་སྤུ་བསྲེགས་པའི་ཐལ་བ་དང་ཁྲག་གིས་བསྒོས་ལ་འཕྲེང་བའི་སྔགས་ཀྱི་མཐར་དངོས་གྲུབ་དབབ་པའི་སྔགས་བཟླས་པས་དྲོད་སྐྱེ་ཞིང༌། སྲོག་ཆགས་དེ་དག་གི་སྒྲ་འབྱིན་པར་གྱུར་པ་ན།…

པས་ན། རིག་མའི་དབང་ཕྱུག་མཁའ་འགྲོ་མ། དཔལ་སྒྱུ་འཕྲུལ་ཆེན་མོའི་རིག་པའི་གསང་སྔགས་དམ་པ་འདི་ནི་རིག་སྔགས་ཀྱི་གཙོ་བོ་འགྲན་ཟླ་མེད་པ་མི་མཉམ་པ་དང་མཉམ་པའི་སྔགས་ཏེ། འཇིག་རྟེན་གསུམ་པོའི་གནས་འདི་ན། ལྷ་མོ་སངས་རྒྱས་མཁའ་འགྲོ་མ་ཁྱོད་ཀྱི་རིགས་སྔགས་དང་སྟོབས་མཉམ་པ་ནི། དཔལ་ཧེ་རུ་ཀ་དེའི་རིག་སྔགས་ལས་གཞན་མེད་དེ། དེའི་ཕྱིར་ན། …

ལུང་སྟེ། ནད་གསོ་བར་དཀའ་བ་ཡང་སྔགས་ཀྱི་བྱེད་པས་སྐད་ཅིག་ཙམ་གྱིས་གསོ་བ་དང༌། དུག་ཀྱང་བཅུད་ལེན་དུ་འགྱུར་བ་བཞིན་ནོ། །དེས་ན་རྒྱུད་འདི་རྒྱུད་རྣམས་ཀུན་གྱི་སྔགས་རྒྱུད་ཀྱི་སྦྱོར་བ་གཅེས་ཤོས་ཡིན་ནོ་ཞེས་པའི་དོན་ནོ། །དེ་ལྟར་ལེའུ་དང་པོའི་རྒྱུད་དངོས་བཤད་ནས་མཚན་བསྟན་པ་ནི། རྣལ་འབྱོར་མ་རྣམས་ཀྱི་དབང་ཕྱུག་མ་སྟེ་གཙོ་མོ་སངས…

བུའི་འབྲེལ་བ་བསྡུས་ཏེ་བསྟན། རྣལ་འབྱོར་གོམས་པའི་དུས་ཀྱི་ངེས་པ་བཤད། གོ་ཆ་དྲུག་དང་འབྲེལ་བའི་ལས་ཚོགས་སྒྲུབ། རྫོགས་པའི་རིམ་པའི་མ་ཚང་ཁ་བསྐོང་བྱ། བཟའ་བའི་དམ་ཚིག་བསྟེན་ཚུལ་སྙིང་པོར་བསྟན། དང་པོ་ནི། དེ་ནས་རྣལ་འབྱོར་མའི་དབང་ཕྱུག་ཆེན་པོ་རྣམས་ཀྱི་ཞེས་པ་ནས། དངོས་དང་དངོས་མེད་རྣམ་སྤངས་པའོ། །ཞེས་པའི་བར་ཏེ། ལེའུ་དང་པ…

མཆོག་ཤེས་རབ་ཀྱི་ཕ་རོལ་དུ་ཕྱིན་པའི་ཡེ་ཤེས་སྟེར་བ་སྟེ་ཐོབ་པར་འགྱུར་བའི་ཐབས་འདི་ཡིན་ཏེ། དང་པོའི་ཡི་གེ་སྟེ། ཡི་གེ་སློབ་པ་རྣམས་ཐམས་ཅད་ཀྱི་ཐོག་མ་ཡིན་པའི་ཕྱིར་ཨོཾ་ཡིག་དང་རླུང་གཉིས་སུ་མེད་པའི་སྦྱོར་བ་ཡིས། རྟག་ཏུ་དབུགས་ནི་ཕྱིར་བཏང་བར་བྱ་ལ། དེས་ནི་དངོས་པོ་མེད་པ་འགྲུབ་པར་བྱེད་ཅིང༌། ཡི་གེ་སྡེ་ཚན་བརྒྱད་ཀྱི་མཐའ་ར…

པའི་ཕན་ཡོན་ཏེ། གཞུང་འདིས་རྡོ་རྗེའི་བཟླས་པ་བསྟན་ལ་རྡོ་རྗེའི་བཟླས་པའི་དོན་རྒྱས་པ་ནི། དཔལ་རྡོ་རྗེ་འཕྲེང་བའི་རྒྱུད་དང་རིམ་ལྔ་སྤྱོད་བསྡུས་སོགས་ལས་བཤད་པ་བཞིན་ཤེས་དགོས་ཀྱི། ཡི་གེ་མངས་པར་ཡང་འགྱུར་ཞིང་རྒྱུད་འདི་འཆད་པའི་རྒྱ་བོད་ཀྱི་བླ་མ་སྔ་མ་རྣམས་ཀྱིས་ཀྱང་མ་གསུངས་པས་འདིར་ནི་མི་འབྲིའོ། །མན་ངག་གཞན་ལས་ནི་རྔུབ་པ་…

སྙིང་ཁའི་ཨ་ལ་རེག་པས་རིང་པོར་འགྱུར་ཞིང་གསང་བར་ཐུར་སེལ་ཧ་སྲོག་མེད་དང་ཕྲད་པས་ན་རྣམ་པར་བཅད་པའོ། །མགྲིན་པ་ཡན་ཆད་ཀྱི་རླུང་ཨུ་དང༌། ཐུར་སེལ་ཧ་སྙིང་ཁའི་མི་ཤིགས་པའི་ཐིག་ལེ་ལ་ཡོངས་སུ་བསྡུས་པ་ནི་ཧཱུཾ་སྟེ། དེ་ལས་འོད་གསལ་བའི་ཡེ་ཤེས་སྐྱེའོ་ཞེས་གསུངས་སོ། །རྒྱུད་འདིར་འབྱུང་བ་སོ་སོའི་རྡོ་རྗེའི་བཟླས་པ་ནི་མ་གསུངས་ཏེ། ར…

མོད་ཀྱི། མན་ངག་རྣམས་ལས་དངོས་པོ་ཞེས་པའི་བརྡས་གསལ་བྱེད་དང་དངོས་མེད་ཀྱི་བརྡས་དབྱངས་ཏེ། ཨའི་ངོ་བོར་གནས་པས་གསལ་བྱེད་ཉིད་ཀྱང་མ་ཡིན་ལ། ཚེག་དྲག་དང་བཅས་པའི་དབྱངས་ཉིད་ཀྱང་མ་ཡིན་པས་ཨཱཿའོ། །དེས་ན་སྔགས་འབྲུ་གསུམ་དུ་བཤད་པའི་ཕྱིར་དེ་ཉིད་གསུམ་སྤེལ་ངེས་པར་བྱ་དགོས་པར་བཞེད་པ་ལགས་ཤིང༌། འདིའི་སྒྲུབ་པའི་ཐབས་ཇོ་བོ་ཆེན་པོ་…

ཉིད་ཀྱི་ཡང་དགོངས་པ་སྟེ། ཨོཾ་ཨཱཿཧྲིཿཧཱུཾ། གཙོ་བོ་དང༌། མཁའ་འགྲོ་ལྔ་ལ། ཨོཾ་བུདྡྷ་ཌཱ་ཀི་ནཱི་ཨཱཿཧྲིཿཧཱུཾ། ཞེས་པ་ལ་སོགས་པ་བཟླའོ། །འདི་ལ་དབུགས་འབྱུང་རྔུབ་ཀྱི་ཚིག་གསུངས་པ་ནི། འགོག་པའི་བཟླས་པ་དང་སྦྱར་ཏེ། རླུང་བཟུང་བའི་ཚེ་བཟླས་པ་ཉིད་ཅི་ནུས་བྱ་བ་ཡིན་ལ། འབྱུང་རྔུབ་བྱེད་དགོས་པའི་ཚེ་ཨོཾ་ཧཱུཾ་གཉིས་དང་སྤེལ་བ་ཡིན་ནོ…

བཟློག་ཅེས་པའི་བར་རོ། །དེའི་དོན་ཡང་ནང་དུ་ཉེས་པས་མ་གོས་པའི་སེམས་ཀྱི་བརྟུལ་ཞུགས་ཐོབ་པ་ན། ལུས་ངག་གི་བྱ་བ་བླང་དོར་མེད་པར་རྟོགས་ཏེ། ལུས་ངག་གི་བརྟུལ་ཞུགས་སེམས་ཀྱིས་བརྟུལ་ཞུགས་ལ་རང་བཞིན་གྱིས་ཐིམ་པ་ཡིན་ཏེ། ལུས་ངག་གི་བརྟུལ་ཞུགས་བསམ་པས་སྤངས་པ་ནི་མ་ཡིན་ནོ། །དེས་མཚོན་ཏེ་སྔགས་རྣམས་ནི་རླུང་དབུ་མར་ཐིམ་པའི་སྒྲ་དང༌། …

དང༌། ལུས་ཀྱི་ཞེན་པ་བཟློག་པའི་དོན་དུ་བསྐྱེད་རིམ་ལྷའི་དབྱིབས་དང༌། སེམས་ཀྱི་ཞེན་པ་བཟློག་པའི་དོན་དུ་ཆོས་རྣམས་ཀྱི་བདག་ཉིད་སྟོང་པ་ཉིད་བསྒོམ་པའི་སྦྱོར་བ་རྣམ་པ་གསུམ་པོ་གོམས་པར་བྱས་ནས་དེ་ལས། ལས་དང་པོ་པ་དང༌། ཡེ་ཤེས་ཕེབས་པ་དང༌། ཡེ་ཤེས་ལ་དབང་བའི་ཡེ་ཤེས་རྣམ་པ་གསུམ་ཐོབ་ཅིང༌། སྲིད་པའི་ཉེས་པས་མི་གོས་པ་སྟེ་དེ་སྦྱོང་…

དེ་ཉིད་ཤེས་པས་གྲོལ་བར་འགྱུར། །ཞེས་སོ། འབྲས་བུ་ལ་སྦྱར་བ་ནི། སྔགས་ནི་གསུང་རྡོ་རྗེ་སྟེ་ལོངས་སྐུ་དང༌། དབྱིབས་ནི་སྐུ་རྡོ་རྗེ་སྟེ་སྤྲུལ་སྐུ་དང༌། ཆོས་ནི་ཐུགས་རྡོ་རྗེ་སྟེ་ཆོས་སྐུའོ། །དེ་དག་གང་ལས་འབྱུང་ཞེ་ན། སྦྱོར་བ་རྣམ་པ་གསུམ་སྟེ་རྩ་དང་རླུང་དང་ཁམས་ཀྱི་བགྲོད་པའམ་དཀར་དམར་རླུང་གསུམ་གྱི་བགྲོད་པ་ཐིམ་པར་བྱེད་པའི་…