གྱིས་གཙོ་བོར་སེམས་ཀྱི་དྲི་མ་སྦྱོང༌། མཐར་དྲི་མ་གསུམ་པོ་ཅིག་ཅར་སྤངས་པ་ན་སྐུ་གསུམ་མངོན་དུ་བྱེད་པའོ། །དེ་ལ་སྔགས་ནི་རླུང་དག་པར་བྱེད་པ་སྟེ། རླུང་གི་ལས་ཀུན་བྱེད་པ་ཡིན་པའི་ཕྱིར། དེ་ཉིད་ཐོག་མར་བརྗོད་དེ། བསྒོམ་པར་བྱ་བའི་རྣལ་འབྱོར་གང་ལ་འདི་ཁོ་ན་གནད་དུ་ཆེ་བའི་ཕྱིར་རོ། །དབྱིབས་ཞེས་བྱ་བ་ནི་དཀྱིལ་འཁོར་གྱི་འཁོར་ལོའ…

ཞེས་བྱ་བ་ནི་ཆོས་ཐམས་ཅད་སྐྱེ་ཤི་དང་བྲལ་བའོ། །ཀཱ་ཞེས་བྱ་བ་ནི་ཆོས་ཐམས་ཅད་གང་ན་ཡང་མི་གནས་པའོ། །ཀ་ཞེས་བྱ་བ་ནི་ཆོས་ཐམས་ཅད་བདེ་བ་དང་ལྡན་པའོ། །ཨ་ཞེས་བྱ་བ་ནི་ཆོས་ཐམས་ཅད་སྐྱེ་བ་མེད་པའི་སྒྲའོ། །ཞེས་བྱ་བ་འདིས་སྟོང་པ་ཉིད་དུ་སྒོམ་པར་བྱས་ནས་ཞེས་གསུངས་ཏེ། ཆོས་ཐམས་ཅདཀྱི་རང་བཞིན་ནི་དགའ་བ་དང་བདེ་བར་ལྡན་པར་བཤད་ལ། དེ་ཡང…

ཕམ་པས། ཡང་དག་མ་ཡིན་ཀུན་རྟོག་ནི། །སེམས་དང་སེམས་བྱུང་ཁམས་གསུམ་པ། །ཞེས་སོ། །ཡེ་ཤེས་དེ་ཉིད་དེ་ལྟར་ཡིན་པར་ནི། གྲུབ་པའི་སློབ་དཔོན་འགྲོ་བ་བཟང་པོ་ཞེས་བྱ་བས། རྒྱུད་འདིའི་ཐིག་ལེའི་རྣལ་འབྱོར་གསལ་བར་བྱེད་པའི་ཕྱིར། མངོན་བརྗོད་བླ་མའི་རྒྱུད་ཀྱི་ཚིག་བསྡུས་ཏེ། དེ་ཁོ་ན་ཉིད་ཀྱི་མན་ངག་མཛད་ལ། དེའི་འགྲེལ་པར་འདི་སྐད་ཅེས་ག…

ཡང་མི་གསལ་བ་ནི་མེད་དགག་གི་དོན་ཡིན་ལ། གདོད་མ་ནས་རྙོག་པ་མེད་པ་གསལ་བར་མངོན་དུ་འགྱུར་བར་ཡང་བཤད་དོ། །ཡེ་ཤེས་དེ་ཡང་འབྲས་བུའི་དུས་ཁོ་ནའོ་སྙམ་ན་མ་ཡིན་ཏེ། དེ་ཉིད་ལས། དེ་བཞིན་གཤེགས་པ་དེ་དག་ཐམས་ཅད་ནི་ཡེ་ཤེས་དེ་ལས་སྐྱེས་པ་ཡིན་ལ། རྒྱལ་བ་མཆོག་གཅིག་པུ་དེ་ལས་འཁྲུངས་པར་མ་ཟད་ཀྱི། ཁམས་གསུམ་པོ་ཡང་དེ་ལས་སྐྱེས་པ་ཡིན་ཏེ། …

རྒྱལ་གྱི་སྤྱོད་པ་ལ་རྡོ་རྗེ་སེམས་དཔའི་གོ་འཕང་དང་མཉམ་པ་ཡང་སྒྲ་ཇི་བཞིན་པ་ཡིན་ལ། གཞན་རྣམས་ལ་མཉམ་པ་ནི་འདྲ་བའི་དོན་ཏེ། ཕྱོགས་འདྲ་ལ་དགོངས་པའོ། །དེ་ཉིད་བསྐྱེད་རིམ་བརྟན་པ་ཙམ་ལ་ཡང་ཡོད་པའི་ཕྱིར། ལྷག་མ་གཞན་རྣམས་ལ་ལྟ་སྨོས་ཀྱང་ཅི་དགོས། དབང་པོར་རབ་འབྲིང་དག་ལ་ནི། སྤྱོད་པའི་དུས་ཟླ་བ་ཕྱེད་དང༌། ཟླ་བ་གཅིག་གམ། ཕྱོགས་གསུ…

པ་ཚད་དང་ལྡན་པར་སོང་ཞིང་སྒྲུབ་པའི་དོན་དུ་འབུམ་ཡང་བཟླས་ལ། གོ་ཆའི་སྔགས་ཀྱི་ཡིག་འབྲུ་རྣམས་ཉིད་ལ་ཡང་བསྙེན་པ་འབུམ་དང༌། སྒྲུབ་པ་ཁྲི་བྱས་ན་ཕྱིས་ལས་ལ་སྦྱར་བས་གདོན་མི་ཟ་བར་འགྲུབ་སྟེ། སོ་སོའི་སྔགས་དམིགས་གསལ་ཅན་རྣམས་ཀྱང་འབུམ་མམ་ཁྲིར་བཟླ་དགོས་པར་མངོན་ཞིང༌། ཁྱད་པར་ལྷ་ཆེན་པོ་རྣམས་དབང་དུ་བྱེད་པ་དང༌། གོང་བུ་དགུག་པ་ན…

ལྷམ་བུ་ཆུ་ཤེར་ཞེས་བྱ་བའི་སྲོག་ཆགས་ཤིན་ཏུ་མདོག་དམར་བ་ཞིག་གི་མིང་ངོ༌། །དེ་ལྟ་བུའི་མདོག་དང་ཡང་དག་པར་ལྡན་པའི་ཧེ་རུ་ཀར་བདག་ཉིད་སྒོམ་སྟེ། མགྲིན་པར་དང་པོའི་ཡི་གེ་ཨ་ཐུང་དམར་པོ་བསམ་པར་བྱས་ཏེ། རང་གི་རིག་པ་སྟེ། རང་སྣང་བ་ལས་བྱུང་པའི་ལྷ་མོས་སངས་རྒྱས་མཁའ་འགྲོ་མ་དང༌། རབ་ཏུ་མཉམ་པར་སྦྱར་བར་བསྒོམས་ཏེ། རྗེས་ཆགས་ཀྱིས་ཡ…

ཡིས་ཐམས་ཅད་དབང་དུ་འགྱུར་རོ། །དེ་ལ་འོད་ཟེར་རམ་བདུད་རྩིས་ལུས་འགེངས་པའི་དམིགས་པ་ཡང་དགོས་སོ། །སྔགས་ནི་ཆེ་གེ་མོ་ཝ་ཤ་མ་ན་ཡ་ཧོ། ཙིཏྟ་ཨ་ཀརྵ་ཡ་ཛཿ ཆེ་གེ་མོ་ཧྲི་ཧཱུཾ་ཨ། ཆེ་གེ་མོ་ཧྲི་ཧཱུཾ་ཡཾ། ཞེས་བཟླའོ། །གོ་ཆ་གསུམ་པ་ཨོཾ་གྱི་ལས་ཚོགས་ནི་གཉིས་ཏེ། ལྷ་ཆེན་པོ་དགུག་པ་དང༌། གོང་བུ་དགུག་པའོ། །དང་པོ་ནི། མཚན་མ་གཅིག་པའི་དྲུ…

བྱེད་པའོ། །འདི་དང་གོང་བུ་དགུག་པ་ལ། རྐང་པ་གཡོན་དང༌། རྡོ་ལེབ་ལ་རི་རབ། ཟུར་བཞིར་ཧྲིཿ དབུས་སུ་སྔགས་དང་བཅས་པ་རྒྱ་ཚོས་ཀྱི་བྲིས་ནས། རྡོ་ལེབ་རྐང་པས་མནན་ནས་བཟླས་པས་འགྲུབ་བོ། །སྒྲུབ་པ་པོ་བསོད་ནམས་ཆུང་ངུས་ཀྱང་དེ་རྣམས་ཀྱི་འཁོར་དུ་གྱུར་པའི་ལྷ་ཕོ་མོ་དགུག་པར་ནུས་སོ། །ཡེ་ཤེས་ཡི་གེ་ཞེས་བྱ་བ་ནི། ཨོཾ་ཡིག་སྟེ་ཡེ་ཤེས་ལྔ…

བྱས་ཏེ་བཟླས་ན་ཞག་བདུན་ལ་སོགས་པས། དམ་རྫས་ཀྱི་བམ་ཆེན་དངོས་སུ་དགུག་པའམ། སྐྱེས་པའམ། བུད་མེད་སོགས་ནམ་མཁའི་ལམ་ལས་འགུག་པར་འགྱུར་རོ། །དེ་ཡང་རྐང་པ་དགུག་པ་ནི་རྐང་པས་འོང་བ་ཡིན་ལ། གོང་བུ་དགུག་པ་ནི། ནམ་མཁའ་ལས་འོང་བའོ། །སྐུ་གསུང་ཐུགས་ལ་ལེགས་གནས་པ། ཞེས་པའི་དོན་ནི་དཔྲལ་མགྲིན་སྙིང་ག་གསུམ་ནས་འོད་ཟེར་སྤྲོ་ཞིང༌། སྒྲུབ་…

བསྒོམས་ལ། དེའི་འོད་ཟེར་བུད་མེད་དང་སྐྱེས་པའི་བྱེ་བྲག་གིས་ཡབ་ཡུམ་གྱི་རྡོ་རྗེ་དང་པདྨའི་སྣ་རྩེ་ནས་སྤྲོས་ཏེ་སྒྲུབ་བྱའི་རྩ་ཁ་ཁ་མུ་ཁའམ། ན་རན་སི་ཀ་ནས་ཞུགས། ལྟེ་བའི་དཀྱིལ་འཁོར་ཡང་ཕུག་སྟེ། སྤྱི་བོ་ནས་བྱང་ཆུབ་ཀྱི་སེམས་འོད་ཟེར་གྱི་སྦུ་གུས་དྲངས་པར་བསམ་ལ། མདུན་དུ་བཞག་པའི་ཐོད་པའི་ནང་དུ་འབབ་པར་བསྒོམས་ཏེ། ཨོཾ་ཨཱཿཀོད…

པར་མོས་ལ། ཨོཾ་གྷོ་ནེ་སུ་གྷོ་ནེ་བཛྲ་མཱ་མ་ཀཱི་བྷ་ར་བྷ་ར་སཾ་བྷ་ར་སཾ་བྷ་ར། ཏྲཻ་དྷ་ཏུ་ཀ །མ་དྱ་ཨ་ཀརྵ་ཡ་ཛཿ ཞེས་བཟླས་པ་ཆང་འགུགས་པའི་ཐབས་དམ་པ་ཡིན་ནོ། །དྲུག་པའི་ལས་ནི་ས་བོན་ར་ཡིག་ལས་སྐྱེས་ཤིང༌། སྐུ་མདོག་དམར་པོ་འོད་ཆེན་པོ་འཕྲོ་བ་ཕྱག་གཞི་རྡོ་རྗེ་རལ་གྲི་ཁ་ཊྭཾ་ཐོད་པ་ཅན། ཞལ་བཞི་གཡས་བསྐོར་ཀྱིས་དམར་སེར་དཀར་ནག་པ། རྩ་…

འཛིན་འགྲེམས་གཉིས་ཀ་དང༌། བཞི་པ་ནི་བཟུང་བཟློག་ཁྱབ་པ་གསུམ་ཀ་དང་ལྔ་པ་དཀར་པོ་འདྲེན་པ། དྲུག་པ་ཁྱབ་པར་བྱེད་པ། བདུན་པ་དམར་ཆ་འདྲེན་པ་སྟེ། མན་ངག་རེ་རེ་དང་ཚིགས་བཅད་རེ་སྦྱོར་བ་སྟེ། མར་རྔོག་གི་མན་ངག་རྙིང་པ་རྣམས་དང༌། ཞལ་ལས་རྟོགས་པར་བྱའོ། །གཉིས་པ་ནི། གོང་དུ་བཤད་པའི་ཡི་གེ་དྲུག་པོ་དེ་དག་བདག་ཉིད་དཔལ་ཧེ་རུ་ཀའི་སྐུར་གས…

གྱིས་མཁའ་འགྲོ་མ་རྣམས་ཡང་ནས་ཡང་དུ་དགུག་ཅིང་དབང་དུ་བྱས་པར་ཡང་མོས་ལ། ཨོཾ་ཨ་ཨཱ་ཁེ་ཙི་རཾ་གཽ་རཱི་ཨཱ་ཀརྵ་ཡ་ཛཿཛཿཞེས་པ་ལ་སོགས་པས་དགུག་ཅིང༌། གོ་རཱི་ས་དྷ་ཡ་ས་དྷ་ཡ། ཞེས་པས་བསྒྲུབ་པར་བྱའོ། །མངོན་སུམ་དུ་འོང་པ་ན་མཆོད་པས་མཆོད་དེ་གནད་ལ་ཕབ་པས་དངོས་གྲུབ་སྩོལ་བར་འགྱུར་རོ། །རྡོ་རྗེའི་ཚིག་འདིས་ནི་བསྐྱེད་རིམ་གྱི་ཚེ་གོ་ཆ་བ…

ལ་རྗེས་སུ་ཆགས། །ཕྱག་ན་རྡོ་རྗེ་འཆར་ཀའི་འོད། །ར༴ ཞེས་གསུངས་ཏེ་རྒྱུ་མཚན་ནོ། །ལྔ་པ་ལ། སེང་གེ་རྣལ་རོལ་གྱི་སྦྱོར་བ་དང༌། རླུང་འགགས་པ་ལས་ཡེ་ཤེས་སྐྱེ་ཚུལ་དང༌། གོང་བུའི་རྣལ་འབྱོར་བཤད་པ་སྟེ་གསུམ་ལས། དང་པོ་ནི། མིག་གཉིས་དང་ནི་སོགས་ཏེ། འདི་ལ་ཕྱག་རྒྱ་སེང་གེ་རྣམ་རོལ་ཞེས་བྱ་བ་གོ་ཆའི་ལྷ་རྣམས་མིག་གཉིས་དང་ནི་རྣ་བ་དང༌། …

བཅིང་བར་བྱ་སྟེ། དེས་ནི་འཆི་བའི་འཇིགས་པ་མེད་པས་སེང་གེ་ལྟར་རྣམ་པར་རོལ་བར་འགྱུར་རོ། །རླུང་སེང་གེ་རྣམ་པར་རོལ་པ་ནི། བུམ་པ་ཅན་བཙན་ཐབས་སུ་དགག་པའི་མན་ངག་ཡིན་ཏེ། མིག་གཉིས་མཛུབ་མོ་དང༌། རྣ་བ་མཐེ་བོང་དང༌། སྣ་གུང་མོས་གཅེར་བ་དང༌། དངོས་སུ་མ་བཤད་ཀྱང་དེ་བཞིན་ཞེས་པའི་ཚིག་ཟུར་གྱིས་མཆུ་སྲིན་ལག་དང༌། མཐེའུ་ཆུང་གི་བར་དུ་བ…

འགོགས་པ་ཞེས་སེམས་འགྲེལ་སོགས་ལས་བཤད་དེ། གང་ལྟར་སྦྱར་ཡང་གཙོ་བོའི་དོན་ལ་རུང་བ་ཁོ་ནའོ། །འདིར་ནི་བུམ་པ་ཅན་གྱི་སྦྱོར་བས་དགག་པ་བསྟན་ཏེ། དེ་ལ་བླ་མ་གོང་མ་རྣམས་ཀྱི་མན་ངག་ནི། རླུང་ཕྱི་རོལ་དུ་འགྲོ་བའི་ཚེ། འགྲོ་བ་རྣམས་ལ་ཕན་གནོད་བྱེད་ཚུལ་བསམ་པ་དང༌། ནང་དུ་འོང་བ་ན་བདག་རང་ལའང་བྱེད་ཚུལ་བསམ་པ་ནི། རླུང་གི་མཚན་ཉིད་རྗེས་…

མི་རྒྱུ་བ་སྲིད་པ་བར་མ་རྣམས་ཏེ། སེམས་ཅན་གྱི་འཇིག་རྟེན་བདུན་པོ་དེ་དག་ཐམས་ཅད་དུ་ནི། དུས་རྟག་ཏུ་དེ་བཞིན་ཉིད་ཀྱི་ཡེ་ཤེས་དེ་ཉིད་ལ་བསྒོམ་ཞིང་སེམས་པར་བྱེད་པ་ཡིན་ཀྱང་དེའི་གནས་ལུགས་རྟོགས་པ་ནི་མ་ཡིན་ཏེ། གནས་ཚུལ་ལས་ཕྱིན་ཅི་ལོག་ཏུ་སེམས་པའི་རྒྱུ་མཚན་གྱིས་སོ། །དེ་ལྟར་ཡང་བྲམ་ཟེ་ཆེན་པོས། ཁྱིམ་དང་ཁྱིམ་ན་དེ་ཡི་གཏམ་སྨྲ…

པར་འགྲྱུར་ཞེ་ན། གང་གི་ཕྱིར་སངས་རྒྱས་རྣམས་ཁོ་ནས་མཁྱེན་པའི་སྤྱོད་ཡུལ་ཡིན་མོད་ཀྱི། དེའི་མན་ངག་གཅིག་ནས་གཅིག་ཏུ་བརྒྱུད་པ་མ་ཆད་པའི་ཕྱིར། རྡོ་རྗེ་སློབ་དཔོན་དམ་པའི་མན་ངག་ལྡན་ན་ད་ལྟའི་སོ་སོ་སྐྱེ་བོ་ཁ་ཅིག་གིས་ཀྱང་ཐབས་ཤེས་སོ། །ཡང་ནག་པོ་པའི་འགྲེལ་པ་ལས་ནི། དེ་ཕྱིར་ཞེས་སོགས་ཡེ་ཤེས་ཉིད་ཀྱི་མཚན་ཉིད་ལ་བཤད་དེ། ཇི་སྐད…

པར་དང་ཡང་དག་པར་ལྡན་པའོ། །གཉིས་པ་ནི། སྲོག་དང་རྩོལ་བའི་རླུང་ནི་དབུ་མར་སེམས་བཞག་པ་ལས་བསྡམས་ཤིང་བཅིང་བར་འགྱུར་ཏེ། དེ་ལྟར་བསྒོམས་ན་མྱུར་དུ་སྐད་ཅིག་དེ་ལ་གཏུམ་མོ་འབར་བར་འགྱུར་རོ། །དེ་ཡང་རླུང་དབུ་མར་ཞུགས་པ་དང༌། གནས་པ་དང༌། ཐིམ་པའི་རིམ་པ་ལ་འཆིང་བ་ཡིན་ནོ། །གང་དག་ཞུགས་གནས་ཐིམ་གསུམ་གྱི་བརྡའ་དོན་གཉིས་ཀ་བོད་དུ་ཕྱི…