མ་ཐོ་བ་མེད་པའི་ཕན་ཡོན་ལྷག་པོར་བཤད་དོ། །གངྒཱའི་བྱེ་སྙེད་སོགས་ནི་མཚོན་པ་ཙམ་སྟེ། སངས་རྒྱས་ཀྱི་ཞིང་གཞལ་དུ་མེད་པ་དག་མཐོང་བ་ཡིན་ལ། རྡོ་རྗེའི་གནས་བཞུགས་པ་ཞེས་པ་སྟོང་པ་ཉིད་ཀྱི་དོན་ལ་མཉམ་པར་བཞག་པ་ཡིན་པར་བཤད་དོ། །གངྒཱའི་ཇི་སྙེད་ཞིང་དག་གི །ཞེས་བྱ་བ་ལ་སོགས་པ་ནི། སངས་རྒྱས་རྣམས་ཀྱི་སྐུ་གསུང་ཐུགས་ཀྱི་བདག་ཉིད་ཐམས་ཅ…

མཚན་པ། རྡོ་རྗེ་ཧཱཾ་གིས་མཚན་པ་རྣམས་བརྩེགས་པར་ཡང་བྱས་ལ། གང་ལྟར་ཀྱང་གོ་བཟློག་གི་དོན་འདྲའོ། །ཡི་གེ་འབྲུ་གསུམ་གྱི་རྣམ་པའི་སྔགས་ནི་ཐོད་པ་དེ་རུ་རྣམ་པར་བསྒོམ་པར་བྱའོ། །དམ་རྫས་ཇི་ལྟར་བཟའ་བ་ནི། རྡོ་རྗེའི་ཆུ་སྟེ་དྲི་ཆུའམ་བྱིན་གྱིས་བརླབ་པའི་ཆང་དང་ཡང་དག་པར་ལྡན་པར་བྱ་སྟེ། རི་ལུ་རེ་རེ་བཟའ་བར་བྱ་བ་ནི། རིལ་བུ་རེ་རྡོ…

སྔགས་ཨོཾ་དང་ཡང་དག་པར་ལྡན་པ་བྱེད་དགོས་ལ། གལ་ཏེ་སྒྲུབ་པ་པོ་རྣལ་འབྱོར་ཅན་རྣམས་ཀྱིས་དངོས་གྲུབ་ཐོབ་པར་འདོད་ན། ཁ་ཟས་བྱིན་གྱི་བརློབ་ཀྱང་རུང་དམ་རྫས་ཀྱི་རིལ་བུ་སྟེན་ཀྱང་རུང་སྟེ། སྔགས་དེ་ཉིད་ལན་བདུན་དུ་མངོན་པར་བསྔགས་ཏེ། རྣལ་འབྱོར་པས་ཉིན་རེར་ཐུན་བཞི་སོགས་རྟག་པར་བཟའ་བར་བྱའོ། །ཡི་གེ་གསུམ་ནི། ཨ་གཉིས་དང་ཚེག་དྲག་ཡི…

གནས་ཏེ། འགྱུར་བ་འགེགས་པར་བྱེད་པའི་གནས་སམ་འགྱུར་མེད་སྟོང་ཉིད་ཀྱི་ཡེ་ཤེས་མཚོན་པའི་དོན་ནོ། །ཡི་གེ་དང་པོ་ཨོཾ་གྱི་སྦྱོར་བ་ལས་བྱུང་བའི་ནོར་བུས་མཚན་པ། ཤེས་རབ་ཀྱི་མཁའ་ས་བོན་ཧྲི་ཞེས་བྱ་བ་ཡང་དག་པར་ལྡན་པ་ལས་བྱུང་བ་ཨའི་མཐའ་དང་ཡང་དག་སྦྱར། ཞེས་བྱ་བ་ནི། མཐའ་དང་ཨ་ནི་ཡང་དག་སྦྱར། །ཞེས་བྱ་བའི་དོན་དུ་བྱ་སྟེ། ཟེའུ་འབྲུའ…

རྡོ་རྗེ་ནི་རིག་པའི་ཡེ་ཤེས། མཉམ་པར་སྦྱོར་བ་ནི་ཟུང་དུ་འཇུག་པའི་དོན་ཏེ། རྣམ་པར་མི་རྟོག་པའི་ཡེ་ཤེས་དེས་རྒྱས་འདེབས་པ་ནི། ཐོག་མཐའ་བར་གསུམ་ཐམས་ཅད་དུ་གལ་ཆེའོ། །དེ་ལ་ཇི་སྙེད་རྡོ་རྗེ་ཅན་ཞེས་པ་བླ་མ་གོང་མ་རྣམས་ནི་རྡོ་རྗེ་ཅན་ཞེས་པ་སྒྲུབ་པ་པོའི་དོན་དུ་བཤད་ནས། སྒྲུབ་པ་པོ་དངོས་གྲུབ་འདོད་པས་དེ་ལྟར་བཤད་པའི་སྦྱོར་བ་ཀུ…

ཆོས་ཐམས་ཅད་བདག་མེད་པའི་རང་བཞིན་དུ་མཐོང་བ་ནི། ཐེག་པ་མཐའ་དག་གི་སྙིང་པོ་ཡིན་ཞིང༌། ཡང་བླ་ན་མེད་པའི་ཐེག་པ་འདིར་ནི་སྙིང་རྗེ་དེ་ཡང་བདེ་བ་ཆེན་པོ་དང༌། སྟོང་པ་ཉིད་དེ་ཡང་དཀྱིལ་འཁོར་གྱི་འཁོར་ལོར་འཆར་བ་ཞིག་ངེས་པར་དགོས་སོ། །དེ་གཉིས་ཟུང་དུ་འཇུག་པ་ནི་དེ་ཁོ་ན་ཉིད་ཀྱི་ལམ་བྱང་ཆུབ་ཀྱི་སེམས་ཞེས་བརྗོད་དོ། །རང་བཞིན་བྱང་ཆུ…

དག་བསྐུལ། ཞེས་པའི་བར་ཏེ། འདི་ལ་ཕྱི་བསྐྱེད་རིམ་ལ་སྦྱར་བ་དང༌། ནང་རྫོགས་རིམ་ལ་སྦྱར་བ། གསང་བ་སྤྱོད་པ་ལ་སྦྱར་བ། དེ་ཁོ་ན་ཉིད་འབྲས་བུ་ལ་སྦྱར་བ་སྟེ་བཞི་ལས། དང་པོ་ནི། རྗེས་ཆགས་བཤད་པའི་རྗེས་དེ་ནས་འདིར་དཔལ་རྡོ་རྗེ་རྣལ་འབྱོར་མ་བཞི་པོ་རྣམས་ཀྱི་དགོངས་པ་སྟེ་རབ་ཏུ་གསང་བའི་དོན་དཔལ་རྡོ་རྗེའི་གླུ་སྟེ། དེས་གཙོ་བོ་སྐྱེ་…

ཆགས་ཀྱི་ཚིག་རྣམས་དང༌། གླུས་བསྐུལ་བ་འབྲེལ་ཆགས་སུ་སྦྱོར་དགོས་སོ། །གཉིས་པ་ནི། རྡོ་རྗེ་མཁའ་འགྲོ་མ་ནི་རྩ་རྣམས་ཏེ། དེ་རྣམས་ཀྱི་རླུང་དབུ་མར་ཐིམ་པའི་སྒྲ་ནི་གླུའོ། །དེ་ལས་རྟགས་ལྔ་དང་ཡོན་ཏན་བརྒྱད་འབྱུང་བ་ནི། སྲིད་པ་ཤིན་ཏུ་སྒྲུབ་པ་སྟེ། དེ་ལ་རྟགས་ལྔ་ནི་འབྱུང་བའི་རླུང་ལྔ་རིམ་པ་བཞིན་དུ་ཐིམ་པ་ལས། སྨིག་རྒྱུ་དང༌། དུ…

ལྔ་ནི་སྤྱོད་པའི་སྔོན་དུ་ཐོབ་པ་ངེས་པར་དགོས་ལ། ཡོན་ཏན་བརྒྱད་ནི་སྤྱོད་པས་འགྲུབ་པའོ། །རྡོ་རྗེ་འོད་ཀྱིས་པདྨ་རབ་ཏུ་ཕྱེ་བ་ནི། སྙིང་ཁས་ལྟེ་བ་དང༌། མགྲིན་པས་སྤྱི་བོ་འབྱེད་པའོ། །ཇི་ལྟར་ཉི་མའི་འོད་ཀྱི་སོགས་ནི། ལྟེ་བའི་མེ་འོད་ཀྱི་ཧཾཾ་ཡིག་གི་གནས་རྩ་ཁ་དབྱེ་བ་སྟེ། ཨ་ལ་ལ་ལ་ལ་ཧོ། ཞེས་ཡི་གེ་དྲུག་ལན་གཉིས་ནི། འཁོར་ལོ་བཞ…

བྱེད་པའི་དོན་ནོ། །གསུམ་པ་ནི། རྡོ་རྗེ་རྣལ་འབྱོར་མ་ནི་སྤྱོད་པའི་དུས་ཀྱི་ཕྱག་རྒྱ་སྟེ། དཔལ་རྡོ་རྗེའི་གླུ་ནི་སྲེད་ཀྱི་ཡི་གེ་ལ་སོགས་པ་དགའ་བའི་སྒྲའོ། །སྲེད་པ་ནི་འདོད་ཆགས་ཆེན་པོ་སྟེ་ལྷན་ཅིག་སྐྱེས་པའི་དགའ་བའོ། །གཉེན་མཆོག་ཅེས་བྱ་བ་ནི། སྒྲུབ་པ་པོ་དང་ཕྱག་རྒྱ་གཉིས་ཀར་ཡང་དངོས་གྲུབ་ལ་ཉེ་བར་གྱུར་བའི་སྤུན་དང་སྲིང་མོ…

དེ་ཡི་ཁུ་བའམ་བདེ་བ་ཉིད། །ཅེས་གསུངས་པ་ལྟར་རོ། །དེ་ལྟར་ཞུ་བདེའི་ལྷན་ཅིག་སྐྱེས་པ་དེ་ཉིད་རྒྱ་ཆེར་སྤེལ་ཏེ། རྩལ་སྦྱང་བའི་དོན་དུ་ཨ་རལླིའི་བྱ་བ་རྣམས་རྩོམ་པ་སྟེ། དེ་ཡང་རྡོ་རྗེ་འཛིན་པ་ཆེན་པོ་དང་ཞེས་པ་ནི། དཔལ་རྡོ་རྗེ་སེམས་དཔའ་ཡབ་ཡུམ་གྱི་ཆས་སུ་ཞུགས་ཏེ། སེམས་ཅན་རྣམས་ལ་བདེ་བས་བྱིན་གྱིས་བརློབ་པའི་དོན་དུ་གླུ་དང་གར་…

གལ་ཏེ་འཁོར་ལྷག་པོར་ཡོད་ན་མཆོད་པའི་གཟུང་མར་སྦྱོར་བ་ནི་འདི་ཉིད་ཀྱི་རང་ལུགས་སོ། །རྡོ་རྗེ་སེམས་དཔའ་ཡང་དག་བསྐུལ། །ཞེས་བྱ་བ་ནི། ལྷ་རྣམས་ཀྱི་ཐུགས་རྒྱུད་བསྐུལ་བའི་མཆོག་མཐར་ཐུག་པ་ནི་སྤྱོད་པ་ཡིན་པར་དགོངས་པ་སྟེ། དཔལ་གསང་བ་གྲུབ་པ་ལས་ཀྱང༌། །རྐང་རྐྱང་བྱ་བ་སྤངས་ནས་སུ། །འཁོར་བའི་མངག་གཞུག་དོར་ནས་ནི། །རྡོ་རྗེ་སེམས་དཔ…

པའི་དོན་དུ་བཤད་ལ། རྡོ་རྗེ་ནི་བདེ་བ་ཆེན་པོ་སྟེ། བྱང་ཆུབ་ཀྱི་སེམས་གཡོ་མེད་དུ་བཅིངས་པའི་བདེ་བས་པདྨ་སྟོང་པ་ཉིད་སད་པར་བྱེད་པ་དང༌། ཉི་མའི་འོད་ཀྱིས་སོགས་ལ་རང་གི་ལུས་ལ་དམར་ཆ་ཡང་ཡོངས་སུ་བཅིངས་པས་སྟོང་ཉིད་རྟོགས་པའི་ཐབས་དམ་པར་འགྱུར་བ་བཞིན་བྱང་ཆུབ་ཀྱི་སེམས་བཅིངས་པས་ཀྱང་ངོ༌། །དེ་ལྟར་རླུང་འགགས་ཤིང་ཐིག་ལེ་བཅིངས་པ་…

དགོངས་པ་ཡིན་ཏེ། སློབ་དཔོན་དྷརྨ་པས་ཀྱང༌། རྡོ་རྗེ་སེམས་དཔའ་བདེ་བ་ཆེ། །ལྷ་རྫས་བཙུན་མོ་དང་འདུས་པ། །དེ་ལས་ཆོས་དང་སྤྲུལ་པ་དང༌། །ངོ་བོ་ཉིད་དང་ལོངས་སྤྱོད་རྫོགས། །བསྐྱེད་དང་བསྡུད་པར་བྱེད་པ་ཡིན། ཞེས་གསུངས་པས་སོ། །ཞེས་པ་ནི་མན་ངག་གཞན་ནོ། །དེ་ལ་རྡོ་རྗེ་ཞེས་པ་ནི། བླ་ན་མེད་པའི་ཡེ་ཤེས་ཏེ། རང་བཞིན་མེད་པའི་ཡན་ལག་གོ །…

གྲུབ་ཐོབ་པར་འགྱུར་བ་ཉིད་ཡིན་ལ། དེ་ལ་གུས་པ་ནི། ལྷ་དང་བླ་མ་ལ་གུས་པ་དང༌། གཞིའི་ཆོས་ལ་གུས་པ་དང༌། དམ་ཚིག་གི་རྫས་ལ་གུས་པ་དང༌། ཆོས་ལ་གུས་པ་དང༌། སྐྱེ་བོ་དམ་པ་ལ་སོགས་པ་སེམས་ཅན་རྣམས་ལ་གུས་པ་སྟེ་ལྔ་ཡིན་ལ། ཐམས་ཅད་ཀྱང་བསླབ་པ་དང་དམ་ཚིག་ལ་གུས་པར་འདུས་སོ། །འདི་རྣམས་གྱིས་སྔགས་ཀྱི་དམ་ཚིག་མཐའ་དག་བསྲུང་བ་ནུས་པ་ཡིན་ཏེ། …

རྒྱུད་སྡེ་དུ་མ་ལས་གསུངས་པ། གྲོལ་བའི་ཐིག་ལེར་ལུང་དྲངས་པ། འདོད་ཆགས་ཞེ་སྡང་གཏི་མུག་དང༌། །སྲེད་དང་འདུ་བྱེད་འཕེལ་བ་ཡི། །ཆོས་ལྔ་སྐྱེས་མཆོག་རྣམས་ཀྱིས་གསུངས། །བཤང་གཅི་ཁུ་བ་མཆི་མ་ཁྲག །འཛག་པ་འབྱུང་བ་བཞི་བསྡུས་པ། །བསྒོམ་པའི་བློ་གྲོས་རྟོགས་པ་ཡིས། །རྟག་ཏུ་བཟའ་ཞིང་སྦྱིན་བསྲེག་བྱ། །ཞེས་དང༌། རྡོ་རྗེ་ལུས་ཅན་དམ་ཚིག་པ…

སྐུའི་སྤྲུལ་པ་བསྐྱེད་པ་དང༌། གསུང་གི་ཆོས་སྟོན་པ་དང༌། ཐུགས་ཀྱི་ཡེ་ཤེས་ཀྱི་སྣང་བས་སྐུ་འདི་ནི་རབ་ཏུ་གསལ་ཞིང་སྣང་བར་བྱེད་དོ། །དེ་ལ་མཆོག་གི་དངོས་གྲུབ་ཕལ་པ་ནི་མཐོང་ལམ་ནས་ཐོབ་ཅིང༌། གཙོ་བོ་ནི་སངས་རྒྱས་ཉིད་དོ། །སངས་རྒྱས་དང་མཐུན་པའི་སྐུ་གསུམ་པོ་དེ་ཡང་འདི་ལྟ་སྟེ། ཆོས་ཉིད་མངོན་སུམ་དུ་རྟོགས་པ་ནི་ཆོས་སྐུ་དང༌། མཚན་…

དང་མེ་ཏོག་ལ་སོགས་པས་རྣམ་པར་བརྒྱན་པ་མཆོད་པའི་སྤྲིན་གྱི་ཕུང་པོ་རང་བྱུང་དུ་འབྱུང་སྟེ། རིམ་ལྔ་ལས། གཙོ་བོ་བདེ་བ་ཀུན་རང་བཞིན། །སེམས་པ་ཆེན་པོ་འགྲོ་དང་བཞུགས། །གནས་དང་ཟས་དང་གོས་ལ་སོགས། །མཁའ་ལས་སྐད་ཅིག་དག་གིས་རྙེད། །ཅེས་སྐུ་འདི་འགྲུབ་པ་ན་ནམ་མཁའ་མཛོད་ཀྱི་ཏིང་ངེ་འཛིན་གྱི་རིགས་ཞིག་ཐོབ་པར་བཤད་དོ། །ཇི་ལྟར་སྐུ་གསུམ…

ཡོངས་སུ་ཞུགས་ཤིང༌། སྤོས་དང༌། མེ་ཏོག་ལ་སོགས་པ་མཆོད་པ་དང་ཚོགས་ཀྱི་འཁོར་ལོའི་ཡོ་བྱད་ཐམས་ཅད་ཀྱིས་ཡོངས་སུ་བརྒྱན་ནས་ཁྱད་པར་གྱི་དམ་ཚིག་སྒོ་དགུ་ལས་བྱུང་བའི་རྫས་མི་སྤང་བ་དང༌། ཐུན་བཞིར་ཐབས་དང་ཤེས་རབ་ཀྱི་དབང་པོ་གཉིས་མཉམ་པར་སྦྱོར་བ་སྟེ། དེ་ལྟར་ཡང་དཔལ་འདུས་པ་ལས། དུས་བཞིར་ཇི་ལྟར་ཆོ་ག་བཞིན། །རྡོ་རྗེ་མོ་ནི་ཉིན་རེར་…

འབྲས་བུ་དང་བཅས་པ་ཉིད་ལ་སྦྱར་བར་བྱའོ། །མན་ངག་གཞན་ལས་ནི། དེའི་ཚེ་ཕྱག་རྒྱའི་གཟུགས་ལ་ལྟ་བའི་བདེ་བ་བསྒོམས་པས་མིག་ཏུ་རྒྱུ་བའི་རླུང་དབུ་མར་འགག་པ་སྟེ། མིག་ཤེས་བདེ་བ་ཆེན་པོར་འགྱུར་བ་སོགས་སྒོ་དགུ་ལས་ནི་གང་བྱུང་བ་ཞེས་པའི་དོན་དང༌། དབང་པོ་གཉིས་ནི་སོགས་རིག་མ་དང་མཉམ་པར་སྦྱར་བས་ནང་གི་བདེ་བ་ཆེན་པོས་རྩ་མདུད་ཞིག་ཅིང་ར…