འབྲེལ་པའི་བསྙེན་པ་ནི་གལ་ཆེ་ལ། དེ་ལྟར་མ་ཡིན་ན་རྒྱུད་འདིར་དབང་བསྐུར་བ། རྣལ་འབྱོར་ཆེན་པོའི་རྒྱུད་གཞན་གྱི་བསྙེན་པ་ལེགས་པར་གྲུབ་པས་ཀྱང་རུང་སྟེ། དེ་ལ་འདིར་ཁྲོ་བོ་རྡོ་རྗེ་སེམས་དཔའི་སྒྲུབ་ཐབས་རྒྱས་པ་སྔར་བསྟན་པ་ནི། བསྐྱེད་རིམ་ཡོངས་སུ་རྫོགས་པའོ། །འོ་ན། འདིར་ཐིག་ལེའམ་ཕྲ་མོ་སྒོམ་པ་ནི་ཇི་ལྟ་བུ་ཞེ་ན། སྔར་བསྟན་པའི…

སེལ་ལོ། །བསྡུ་བའི་མཐར་ཐིག་ལེ་གཅིག་པུ་དང༌། སྤྲོ་བསྡུ་ཇི་ཙམ་དུ་བྱས་པ་དེ་ཙམ་གྱི་དཀྱིལ་འཁོར་ཡང་བསམ་མོ། །དེ་ལས་གཞན་ཡང་ཏིང་ངེ་འཛིན་སེམས་དཔའི་འོད་དྷུ་ཏཱི་ནས་སོང་བས་སྤྱི་བོའི་ཧཾ་ཞུ་བའི་འབར་འཛག་ལ་གཙོ་བོར་སྙིང་གར་ཡིད་འཇོག་པ་དེ། ཐིག་ལེའི་རྣལ་འབྱོར་རོ། །ཕྲ་མོའི་རྣལ་འབྱོར་ནི་སེམས་བརྟན་པར་བྱེད་པའི་ཐབས་དམ་པའོ་ཞེས་…

འཁོར་ལོའི་སྦྱོར་བ་ནི་མདོ་ལིའི་བཟླས་པར་སྔོན་གྱི་བླ་མ་མཁས་པ་རྣམས་འཆད་པ་ལྟར་དོན་ལའང་གནས་པའོ། །གསུམ་པ་བྲིས་པའི་ཕྱིར་ཟློག་གི་སྦྱོར་བ་ནི། འདི་ལྟར་ཡིན་ཏེ། འཁོར་ལོ་རྩིབས་བརྒྱད་པ་ལ་གནས་པའི་པདྨ་འདབ་མ་བརྒྱད་པའི་ལྟེ་བའི་སྟེང་དུ་སྣ་ཚོགས་རྡོ་རྗེ་སྟེ། འཁོར་ལོ་ནི་པད་འདབ་ཀྱི་ཕྱི་རོལ་དུ་རྩེ་མོ་འབུར་ཙམ་ཐོན་པའི་རེ་ཁ་བྲ…

འཁོར་ལོའི་རྩིབས་བཅུ་དྲུག་ལ་ཤར་ནས་གཡོན་བསྐོར་གྱིས། ཨཾ་ཨཻཾ། བཾ་མཾ། མཾ་པཱཾ། བཾ་སུཾ། སུཾ་ཤྱཱཾ། བཾ་སུཾ། མཾ་ཧཾ། བིཾ་ཁཾ། མཾ་ཙཾ། རཾ་ཁཾ། ཧཾ་ཤོཾ་ཨཾ་ཙཾ། ཧེཾ་སུཾ། པཾ་མཾ། བེཾ་ཙཾ། བཾ་མཾ། ས་བོན་གཉིས་ཚན་གཉིས་ཚན་པ་ཨོཾ་དང་ཧྲིཿསྤེལ་བ་སྟེ། ཨོཾ་ཧྲཱིཿཨཾ་ཨཻཾ་དེཾ་ཧྲཱིཿཨོཾ་ལ་སོགས་པའོ། །དེའི་ཕྱི་རོལ་ཁོར་ཡུག་གཉིས་ཀྱི་དབུས་སུ་…

ཕྲེང་བ་བྲི། འདི་ལ་སམྦྷུ་ཊི་ལྟར་ན་གོང་གི་ཧཱུཾ་བཞི་པ་ལ་རྐང་པ་བཞི་པ་ལ་ཨཽཾ་མེད་ལ། ཧཱུཾ་ཧཱུཾ་སྭཱཧཱ་ཞེས་པ་ཡོད་དོ། །དེ་ཡང་རིགས་ངན་ནམ་བྲམ་ཟེ་མོའམ། རྒྱལ་པོའི་བུ་མོའི་མེ་ཏོགགླང་པོའི་ཁྲམ་པའི་ཆང༌། སྙོམས་འཇུག་ལས་སྐྱེས་པའི་ཁུ་བ། གི་ཝཾ། ཞུན་ཆེན་གྱི་སྣག་ཚ་རྣམས་རྡོ་རྗེ་དང་པདྨའི་ཆུས་བསྡུར་ཏེ། གླང་པོ་ཆེའི་ཆང་མ་རྙེད་ན་…

ཤེས་དགུག་གཞུག དབང་བསྐུར། སྤྱན་དབྱེ་བརྟན་བཞུགས། མཆོད་བསྟོད་བྱས་ལ། ཁྲོ་བོ་བཅུ་གཅིག་བསྐྱེད་ན། སྤྱན་དབྱེ་བྱས་མ་ཐག དེ་ཞུ་བ་འཁོར་ལོ་སྔ་མ་ལྷར་ལྟའོ། །དེ་ལ་གཏོར་མ་ཕུལ་ལ་ཚོགས་མཆོད་བྱ། དེ་ནས་སྒྲུབ་པ་ན་གཞལ་ཡས་ཁང་གི་དབུས་སུ་འཁོར་ལོ་རྩིབས་བཅུ་པའི་ལྟེ་བ་ལ་ཧཱུཾ་མཛད་སྒོམ། དེ་ཡོངས་སུ་གྱུར་པ་ལས་ཁང་བརྩེགས་དང་འཁོར་ལོ་རྣ…

ཟླ་ཞིང༌། དེ་ནས་སྔགས་འདོན་བཞིན་པས་གྲུ་བཞིར་ལྟབ་དེར། སྐུད་པ་དཀར་པོས་འཁོར་ལོས་མི་མངོན་པར་དུམ་དཀྲི། དེ་ཉིད་མགྲིན་པའམ་དཔུང་པར་གདགས་པས་ཀྱང༌། རྡོ་རྗེ་ལྷ་མོས་བྱིན་གྱིས་རློབས་ཅིང་བགེགས་མེད་པར་བྱེད་པ་དང༌། གཡུལ་དུ་ཡང་རྒྱལ་བར་འགྱུར་ཞེས་གསུངས་ལ། འོན་ཀྱང་གདོན་དྲག་པོ་དང་བྱད་མ་བཟློག་པ་ལ་སྒྲུབ་པ་བྱེད་པ་གལ་ཆེ་སྟེ། ཁམ…

གཤེགས་སུ་གསོལ་ཏེ་དྲི་བཟང་གི་ཆུས་བཀྲུ་བར་བྱ་ལ། ཡང་ན་གཤེགས་སུ་མ་གསོལ་བར། འོ་སྦྲང་དང་མར་དང་བདུད་རྩི་ལྔ་བསྲེས་པའི་ཆུས་བཀྲུས་ནས་གང་ལ་གཏོར་བ་ནད་དང་ལྡན་པའང་ནད་མེད་བྱེད། ཅེས་འབྱུང༌། དེ་ལྟར་ན། ལས་ཚོགས་ཀྱི་མཆོག་ཞི་བའི་དབང་དུ་བྱས་པའི་ཕྱིར་ཟློག་འདི་ཉེ་བར་མཁོ་བས་བྲིས་སོ། །ལས་གཞན་དག་ལ་ཡང་སྤེལ་ཚིག་གི་ཁྱད་པར་དང༌། ལ…

བསམ་གཏན་གྱི་ལས། དང་པོ་ལ་འཁྲུལ་འཁོར་བཞི། དེ་རེ་རེ་ལ་ཡང་ལས་གསུམ་གསུམ་སྟེ། ལས་ཆེན་བཅུ་གཉིས་སྒྲུབ་ཚུལ་འཁོར་ལོ་སོ་སོའི་མིང་བོད་ཁ་ཅིག་གིས། རྡོ་རྗེ་རོལ་པ་རྟའི་འགྲོས། །ཡི་དྭགས་སྲིན་པོ་གདོང་གི་འགྲོས། །གཤིན་རྗེ་རོ་ལངས་གཟུགས་དང༌། མ་མོ་རིགས་ལྡན་གྱི་འགྲོས་ཞེས་གསུངས་པ་དང༌། ཡང་གཞན་དག་རིགས་ལྡན་དང་རྟ་འགྲོས་གཉིས་ལས་ག…

འཁོར་གྱི་དབུས་སུ་སྒྲུབ་བྱ་བསམ་ལ་སྤེལ་ཚིག་དང་བཅས་པ་སྔགས་ཟློས་ཤིང༌། ལག་པས་རྡོ་རྗེ་བཟུངས་ནས་བརྡེགས་པས་འཇིགས་པར་བྱེད་པར་བསམ། རིགས་ལྡན་འགྲོས་ཤེས་བྱ་བ་ནི། ཀླུ་རིགས་ལྡན་གྱི་འགྲོས་ཏེ་ཀླུ་རྣམས་གྱ་གྱུར་འགྲོ་བ་ལྟ་བུ་ཞེས་བྷ་བ་བྷ་དྲས་བཤད་ཅིང་དེ་ཡང༌། སྦྲུལ་འཁྱིལ་བ་ལྟ་བུ་སྟེ། ཆེ་བ་འདི་ནི་ལྷོ་ནུབ་ཀྱི་ཟུར་ཕྱི་མ་ནས་ག…

གྱིས་སྐོར་ཕཊ་ཡི་སྔོན་དུ་མིང་སྤེལ་འདྲི་བར་འཕགས་ཡུལ་གྱི་སློབ་དཔོན་མན་ངག་རིགས་པ་དག་བཞེད་དེ། དེ་ལྟར་ན་སྤྲོས་པས་ཆོག་གོ །ལས་གསུམ་པོ་དེ་རྣམས་ཀྱི་འཁོར་ལོ་གང་དུ་སྦ་བ་ནི་དུར་ཁྲོད་དམ་རོ་བསྲེགས་པའི་སར་རོ། །རིགས་ལྔར་ཆུང་བ་ནི་དབང་དགུག་རྨུགས་པའི་ལས་བྱེད་དེ། དབང་དགུག་གྲོ་ག་ལ་གུར་གུལ་དང༌། གི་ཝཾ་དང༌། སྡོང་རོས་ཀྱིས་བྲ…

མ་ཧེ། དབྱེ་བ་ལ་རྟ་དང་མ་ཧེ། སྣོད་ཀྱང་དེ་དག་གི་ཐོད་པ་དང༌། དེ་ནས་དུར་ཁྲོད་དམ་དགྲའི་སྒོར་གནོན། རྟ་འགྲོས་ཆུང་བ་ནི། རེ་མིག་དགུ་དགུ་རང་རང་གི་ཟུར་ནས་མགོ་རྩོམ། རེ་མིག་རེ་རེ་བོར་བའི་སྤེལ་མ། འདི་ལ་མིང་སྤེལ་གྱི་གནས་སུམ་ཅུ་སོ་གསུམ་མོ། །འདིའི་ལས་ནི། ཕུར་གདབ། མ་ནིང༌། གཟུགས་བརྗེ་བ་གསུམ་སྟེ། རོ་རས་ལ་ཁྲག་སོགས་ཀྱིས་བྲ…

ལོ་གཅིག་ཉིད་ཀྱིས་ལས་ཀུན་སྒྲུབ་པ་ནི། དེ་ཉིད་ལས། འཁོར་ལོ་རྫ་རྔའི་དབྱིབས་སུ་གྱུར་པ། རྡོ་རྗེ་དང་པདྨས་མཚན་པ། སྐུ་རྡོ་རྗེ་ལ་སོགས་པ་བསྡུས་ནས་ཕྱི་རོལ་དུ་རི་མོ་གསུམ་གྱིས་བསྐོར་ཏེ་ལས་ཀྱི་རྡོ་རྗེ་རབ་ཏུ་སྒོམས་པས་དགྲ་ཐམས་ཅད་ངེས་པར་གནོན་ཞིང༌། ལས་ཐམས་ཅད་བྱེད་དོ་ཞེས་གསུངས་སོ། །འདིར་ནི་ས་བཅད་ཙམ་སྨོས་ཀྱི་རྒྱས་པར་རྡོ་…

འདིར་འབྲེལ་བའི་རྫོགས་རིམ་སིལ་བུ་སྣ་ཚོགས་པའོ། །དང་པོ་གཉིས་ནི་སྐབས་ཀྱི་དོན་དུ་སྣང་བས་འདིར་འཆད་ལ། ཕྱི་མ་ནི་ཨཱ་ལི་ཀཱ་ལིའི་ལས་ཚོགས་ཀྱི་བར་བར་ན་ཡི་གེའི་ནང་གི་བཤད་པ་རྫོགས་རིམ་མང་དུ་ཡོད་པ་དེ་དག་ཡིན་པས་བཤད་རྒྱུད་དེ་དག་ཏུ་རྟོགས་པར་བྱའོ། །དང་པོ་ལ། སྔགས་ཀྱི་ངེས་དོན་དང༌། ལས་ཀྱི་ངེས་དོན་ཏེ། སྔགས་བཏུས་ཟིན་པའི་ནང་བ…

པའི་བསྲུང་བའོ། །འདི་ལ་ཤེས་རབ་དང་ཐབས་ཀྱི་ཆ་གཉིས་ལས། དང་པོ་ནི། ཐམས་ཅད་སྟོང་པ་འོད་གསལ་བ་ཡང་ཡིན་ལ། བརྟེན་ཏེ་རྡུལ་ཕྲ་རབ་མེད་པའི་ལྷ་སྐུའི་དཀྱིལ་འཁོར་ཡང་ཡིན་པ། དེས་གཉིས་སྣང་དང་གཉིས་འཛིན་ཐམས་ཅད་ཉེ་བར་ཞི་བའི་ཚུལ་གྱིས་བསྲུང་བའོ། །དེ་ཡང་དེ་ཉིད་ཀྱིས། དེ་ནས་གོ་ཆ་བཅིང་བྱས་ནས། །ཐམས་ཅད་སྟོང་པ་རྟེན་མེད་པ། །ཞེས་སོ། །…

དགོད་པར་བྱ། །དེར་གནས་པ་ལས་དཔའ་བོ་ནི། །འདོད་པའི་དོན་ཀུན་སྒྲུབ་བྱེད་པ། །རིམ་བཞིན་འབྱུང་དང་རིམ་མིན་པས། །དབྱངས་དང་ཡི་གེ་སྒྲུབ་པ་པོས། །གྲངས་དེ་དག་གི་ནང་ཆུད་པ། །དགེ་བ་ཐུབ་པར་བྱས་ནས་ནི། །ཞེས་གསུངས་པ་འདི་ངེས་དོན་ཏེ། འདི་ལ་གཉིས། ས་གཞི་ཡི་ངེས་དོན་དང༌། རེ་མིག་གི་ངེས་དོན་ནོ། །དང་པོ་ནི། དངོས་གྲུབ་སྒྲུབ་བྱེད་ཞེས་…

གཏན་གྱིས་ནི་གོས་དག་གྱོན། །བྱང་ཆུབ་ཡན་ལག་མེ་ཏོག་བཀྲམ། །ཞེས་འབྱུང་ངོ༌། །དྲི་ཞིམ་པོའི་དྲིས་བྱུགས་པའི་ས་ནི་ཞུ་བདེའི་བྱང་ཆུབ་ཀྱི་སེམས་འཕོ་མེད་དུ་བཅིངས་པའི་བདེ་བ་སྟོང་པར་སྦྱོར་བས་རླན་པའི་སེམས་ཏེ་རྒྱུད་གཞན་ལས། བདེ་བ་ཆེན་པོའི་ནམ་མཁར་གནས། བྱང་ཆུབ་སེམས་ནི་སད་པ་དང༌། དེ་ཉིད་ཀྱིས་ཀྱང་བྱུག་པ་ནི། ཞེས་ཏེ། ནམ་མཁའ་ནི…

བཏུང་བར་བྱ་སྟེ། འདི་ལས་གང་ཞིག་ཐོབ་ན། ཁུ་ཁྲག་རླུང་གསུམ་དག་པས་དྭངས་མའི་འཇའ་ལུས་སེམས་དང་དབྱེར་མེད་པ་མངོན་དུ་འགྱུར་ཏེ། དེ་ལྟར་ན་སེམས་དེ་བཞིན་ཉིད་ལ་འཇུག་པ་འདོད་ཆགས་ཆེན་པོས་སྒྲུབ་པ་མཐར་ཕྱིན་པས་རིག་པའི་སྐྱེས་བུ་མངོན་དུ་བྱེད་ཚུལ་དང༌། ཕྱག་རྒྱའི་ལམ་ལ་དང་པོར་སློབ་པས་ཀྱང༌། འདིའི་ལམ་དང་མཐུན་པ་ཞིག་དགོས་ཤིང༌། ནུས་…

ཏོག་བཟོད་པ་རྣལ་འབྱོར་པ། །འབད་པས་གཏོར་བ་ཡིན་པར་བཤད། །རང་བཞིན་དག་པ་མར་མེ་སྟེ། །མཉམ་ཉིད་བསྒོམ་པ་གདུག་པ་ཉིད། །ཅེས་གསུངས་ཏེ། མཉམ་པའི་སེམས་ཀྱི་དྲི། དངོས་པོ་ཐམས་ཅད་ལ་བྱུག་པ་ཞེས་སྦྱར་ཏེ། བྱམས་པ་དང་སྡང་བ་རང་བཞིན་མེད་པས་མཉམ་པར་བསྒོམ་པ་དང༌། བཟོད་པ་ཡང་བདེ་སྡུག་དང་ཡངས་དོག་སོགས་རང་བཞིན་མེད་པས་བཟོད་པ་སྟེ། གང་རང་བཞ…

པའི་སེམས་ལས་འབྱུང་ལ། ཁམས་ཀྱི་སྒྲོད་པ་དེར་ཟད་པ་ན། ཡང་དག་པའི་འོད་གསལ་འཆར་བ་ནི་བདག་གི་བྱ་བ་སྟེ། སྙིང་གའི་ཐིག་ལེའམ། རྣམ་པར་ཤེས་པ་ནི་བདག་ཅེས་བྱའོ། །འདིར་ནི་གང་དང་གང་ལོངས་སྤྱོད། །དབང་པོ་ཐམས་ཅད་ཡང་དག་བརྟེན། །དེ་དག་ཐམས་ཅད་ཐུགས་རྡོ་རྗེ། །བཟའ་བའི་མཆོད་པས་མཆོད་པར་བྱ། །ཡུལ་དང་དབང་པོ་ཐམས་ཅད་རང་བཞིན་མེད་པ། རྣམ་པ་…