ཡིག་འབྲུ་དང་པོ་ཁ་ཤར་དུ་བལྟས་ན། གཉིས་པ་བྱང་དུ་བལྟས། གསུམ་པ་ནུབ་ཏུ་བལྟས་བཞི་པ་ལྷོར་བལྟ་བ་ལ་སོགས་པ་ཡིན། ཡང་ན་རྡོ་རྗེས་དབྱེ་བའི་འགྲོས་ཏེ། ཡི་གེ་སྔ་མ་སྔ་མ་ཕྱི་མ་ཕྱི་མས་ཕུལ་ཞིང༌། ཤིན་ཏུ་མྱུར་བ་མདའི་ཤུགས་ལྟར་འགྲོ་བའོ། །རྒྱས་པ་ལ་ནི། སྔགས་འབྲུ་རེ་རེ་ལས་འོད་ཟེར་ཡི་གེའི་སྨད་ཀྱི་ཕྱོགས་ལ་ཇེ་རྒྱས་རྩེ་མོ་ཅུང་ཟད་འཁ…

ནས་ཚུལ་འོང་བས་ནི། ཐིག་ལེ་བརྟན་པ་དང་གསལ་བའི་ཉམས་སྐྱེད་པར་བྱེད། ཐུར་སེལ་ནང་དུ་ཐིམ་པར་འགྱུར་བའི་ཕན་ཡོན་ཡོད་ཅིང༌། འོན་ཀྱང་རླུང་སྟོད་དུ་འཆུགས་པའི་གེགས་འབྱུང་བ་སྲིད་དོ། །རྡོ་རྗེ་ནས་ཕར་འགྲོ་ཞིང་ཞལ་ནས་ནང་དུ་འཇུག་པའི་དམིགས་པས་ནི་མི་རྟོག་པའི་ཉམས་སྐྱེ། སྲོག་རླུང་དབུ་མར་ཐིམ་པར་བྱེད་རླུང་སྟོད་དུ་འཚངས་པའི་གེགས་སེ…

ཕལ་པའི་ལས་འགའ་ཞིག་སྒྲུབ་པར་འདོད་པས། གྲངས་ཀྱི་བསྙེན་པ་ཙམ་བྱེད་པ་ནི་སྤྱི་དང་མཚུངས་ཏེ། ཡབ་ཡུམ་གྱི་ཉེ་སྙིང་ལ་ནི་འབུམ་ཕྲག་བདུན་ལ་སོགས་པ་ཡབ་ཡུམ་གང་གཙོ་བོར་བྱེད་པ་དེའི་འབྲུ་འབུམ་མོ། །སྙིང་པོ་ལ་ནི་འབུམ་ཕྲག་བཞིའོ། །རྩ་བའི་སྔགས་ལ་ནི་སྟོང་ཕྲག་བརྒྱད་དོ། །འཁོར་རྣམས་ལ་ནི་ཁྲི་ཕྲག་རེའམ། ཕྱིས་ཀྱི་ལག་ལེན་ལྟར་ན་འཁོར་ལ…

རྣམས་ལྷག་ཆད་ནོར་གསུམ་སྤངས་པ་དང༌། མཐུན་པའི་རྐྱེན་གྱི་ཡན་ལག་ལས་བཞི་སོ་སོར་སྒྲུབ་པ་ལ། ཕྱོགས་དང་དུས་དང་བསམ་པ་དང་ཆ་བྱད་དང་སྔགས་ཀྱི་མཐའ་བསྒྱུར་བ་ལ་སོགས་པ་དགོས་ལ། རྒྱུན་གྱི་རྣལ་འབྱོར་ལ་དེ་ལྟར་མི་དགོས་ཀྱང༌། སྔགས་ཀྱི་ཡིག་འབྲུའི་རྣམ་པ་དང་སྒྲའི་རྣམ་པ་གསལ་བ་སྔགས་ཀྱི་བཟླས་པ་དང༌། ལྷའི་རྣམ་པ་གསལ་བ་ཡང་ཡང་སྒོམ་པ་གཟུ…

ངག་ནི་ཕམ་ཐིང་བ་རྗེས་འབྲང་དང་བཅས་པའི་ཕྱག་ལེན་ཏེ། རྒྱུད་འདི་ལ་རྣལ་འབྱོར་མའི་སྔགས་གཙོ་བོ་ཡིན་པའི་ཕྱིར་དང༌། ཕན་ཚུན་འདུད་པའི་གསང་སྔགས་ཞེས་པ་དང༌། ཁ་སྦྱོར་སྦྱོར་བར་གྱུར་པ་ཞེས་སོགས་ཀྱི་རྒྱུད་ཚིག་གིས་ཀྱང་གསལ་བར་བསྟན་པ་ཡིན་པས་བཟླས་པ་བྱེད་ཚུལ་མཆོག་ཏུ་སྣང་ལ། མ་མོ་བཅུ་གཉིས་པོའི་འགོར་སུམྦྷ་དང༌། དཔའ་བོའི་རྐང་བརྒྱད…

ཁམས་སྙི་བ་ཆུ་དང༌། སྲ་བ་སའི་ཐིག་ལེ་ཞུ་ཞིང༌། ཞུ་བདེ་དེ་ལས་བདེ་བ་ཆེན་པོ་ཐོད་པའི་འཕྲེང་བས་མཚོན་པ་དེ་འབྱུང་ལ། བདེ་ཆེན་དཔེ་གཞོམ་མེད་ཀྱི་སྒྲ་སྔགས་ལ་ཚད་འཇོག་པར་བྱེད་དེ། མཚོན་དོན་དེ་ཁོ་ན་ཉིད་དེ་ལྟར་ཤེས་པར་བྱའོ། །གསུམ་པ་ཐུན་མཚམས་ལ་འཇུག་པ་གོ་ཆའི་རྣལ་འབྱོར་ནི། ཨོཾ་ཧ་ན་མ་ཧི་སྭཱ་ཧཱ་ཧཱུཾ། བོཥ་ཊ་ཧེ། ཧཱུཾ་ཧཱུཾ་ཧོ། ཕ…

ནང་མ་ལ་ཐིམ། དེ་བདག་ཉིད་ལ་བསྡུའོ། །ལྷ་རྣམས་བསྡུ་བའི་ཚུལ་ལ། ཕྱི་དཀྱིལ་གྱི་ལྷ་རེ་རེ་ལུས་དཀྱིལ་གྱི་ལྷ་རེ་རེ་ལ་བསྡུ་བའི་ཚུལ་ཡོད་པའང་མི་འགལ་ཞིང༌། ཕྱོགས་གཡོན་སྐོར་གྱི་རིམ་པས་སྣ་བུག་གཡས་ནས་འཇུག་པ་དང༌། མཚམས་གཡས་སྐོར་གྱི་རིམ་པས་སྣ་བུག་གཡོན་ནས་འཇུག་པ་ཡང་མན་ངག་ལས་འབྱུང་སྟེ། ཕྱོགས་ཟླ་བའི་ཆོས་ཀྱིས་རྩ་གཡས་པ་ཉི་མའི…

དེ་ལྟར་གོ་ཆ་དང་འབྲེལ་བར་ཐུན་མཚམས་ཀྱི་བགེགས་བསྐྲད་ཅིང་བསྲུང་བའི་དོན་དུ། སུམྦྷ་ལན་གཉིས་ཚམ་རྔམ་དང་བཅས་པས་ཕྱོགས་བཅིངས་ཤིང་ཐུན་མཚམས་ཀུན་ཏུ་འཁོར་ལོའི་དབང་ཕྱུག་གི་སྐུ་གསུང་ཐུགས་ཀྱི་སྣང་བ་དང་མི་འབྲལ་བ་དགོས་ལ། དེ་ཉིད་ཆུ་ཡུར་འགོར་གཟུང་བའི་ཚུལ་གྱིས་བསྒོམས་པ་ནི། སྣང་བ་ལྷ། གྲགས་པ་སྔགས། དྲན་རྟོག་ཐུགས་སུ་མོས་བཞིན་…

འདུས་པའི་ཕྱིར། གཡས་སྐོར་གཡོན་སྐོར་གྱི་རིམ་པས་སྣ་བུག་གཉིས་སུ་བསྡུ་བ་དང༌། རྣམ་ཀུན་གྱི་སྟོང་ཉིད་ཀྱང་བདེ་ཆེན་གྱི་ངོ་བོ་ཡིན་པའི་ཕྱིར། ཡུམ་ཡང་ཡབ་ལ་སྟིམ་པ་དང༌། ཡེ་ཤེས་ཀྱང་དབྱིངས་ཀྱི་ངོ་བོ་ཡིན་པའི་ཕྱིར་ཞལ་ཕྱག་ལྷག་མ་རྩ་བའི་ཞལ་ཕྱག་ལ་སྟིམ་པ་ཙམ་མམ་དེ་ཡང་འོད་གསལ་དུ་བསྡུ་བའི་བར་དུ་ཡིན་ནོ། །དེ་ལས་གཞན་དོན་དུ་གཟུགས་…

མཚམས་ཀྱི་ལྷ་སྐུའོ། །འདིར་འཁོར་ལོ་ལྔའི་དཀྱིལ་འཁོར་ལ་སྡུད་རིམ་རྒྱས་པ་དེ་བཞིན་དུ་བྱུང་ལ། འཁོར་ལོའི་རིམ་པ་ཆེས་མང་བ་རྣམས་ལའང་འདིས་རིགས་འགྲཻས་ཏེ་རྒྱས་པར་ཤེས་པར་བྱ་ལ། བཅུ་གསུམ་མའི་སྒྲུབ་ཐབས་ལ་སོགས་པ་བསྡུས་པ་རྣམས་ལ་ཡང་འབྱུང་བ་ལྔའི་ཐིམ་རིམ་གཅིག་ཏུ་སྡོམས་པ་སོགས་དོན་གྱི་གཙོ་བོ་རྣམས་ཆ་ཚང་ཡོད་པ་གོ་བར་བྱའོ། །འདིར…

བཞེངས་པ་དང༌། དེ་ལས་གཉིད་སད་པའི་དུས་ཀྱི་ལྷ་སྐུར་ལངས་པ་སོགས་དང་སྦྱོར་རོ། །གཉིས་པ་དངོས་སུ་མ་བསྟན་པ་རྒྱུད་ལས་གསུངས་པས་ཁ་བསྐང་པ་ལ། དུས་རྒྱུན་གྱི་རྣལ་འབྱོར་དང༌། ཁྱད་པར་གྱི་རྣལ་འབྱོར་གཉིས་སོ། །དང་པོ་ནི། རྩ་བའི་རྒྱུད་ལས། གཉིད་ལོག་མ་ལོག་ལངས་པའམ། །བཟའ་བའམ་གྲོང་གི་ཆོས་སྤྱོད་པ། །སྔགས་པས་རྟག་ཏུ་བཟློས་བྱེད་དེ། །ད…

ཨོཾ་ས་མ་ཡ་ཤུདྡྷ་སརྦ་དྷརྨ་ས་མ་ཡ་ཤུདྡྷོ་྅་ཧཾ། ཞེས་པས། སྔགས་ཏེ་ལྕེ་ཧཱུཾ་ལས་རྡོ་རྗེ་དཀར་པོར་གྱུར། ཨོཾ་ཨ་མྲྀ་ཏ་ཨུཏ་ཏ་ཀ་ཧཱུཾ་ཧཱུཾ་ཋ་ཋ་ཏྲཾ་ཨཾ་ཁཾ་ཧཱུཾ། ཞེས་པས་བྱིན་གྱིས་བརླབས་ཏེ། ལྟེ་བའི་ཐབ་ཁུང་ནས་གཏུམ་མོ་འབར་བའི་དབུས་ན། ལྷ་ཐམས་ཅད་འདུས་པའི་བདག་ཉིད་ཀྱི་ཧཱུཾ་ལ་ཕུལ་པར་མོས་ཏེ། ཨོཾ་ཨཱཿཧཱུཾ་བཟླས་ཤིང༌། ལག་པ་གཡོན་པ…

མགོ་བོར་ཨོཾ་དང༌། གཞུག་ཏུ་ཧཱུཾ་ཧཱུཾ་ཕཊ་སྦྱར་བ་ལན་གཅིག་གམ་གསུམ་རེ་བརྗོད་དེ། རང་བཞིན་གྱི་ངག་དང་བརྟན་གཡོའི་སྒྲ་སྐད་ཐམས་ཅད་སྔགས་སུ་བྱིན་གྱིས་བརླབས། ཇི་ལྟར་འོས་པར་ཡི་གེ་བརྒྱ་པ་བཟླ་བས་ཀྱང་ཉམས་ཆག་བསྐང་ཞིང་ལྷའི་ཐུགས་རྒྱུད་བསྐུལ་བར་བྱའོ།། གསུམ་པ་ནི། སྐད་ཅིག་རྣམ་པའི་སྔགས་ཀྱིས་བདག་དང་རིག་མའི་ལུས་ཀྱི་དཀྱིལ་འཁོར་…

ཡས་པ་སྤྲུལ་པས། རང་གི་ལུས་ཀྱི་དཀྱིལ་འཁོར་མཉེས་པར་བྱས་ཤིང༌། སླར་ཡང་བྱང་ཆུབ་ཀྱི་སེམས་ཀྱི་རྡུལ་ཕྲ་རབ་མཆོད་པའི་སྤྲིན་གྱི་ཕུང་པོ་དང༌། སྲེག་རྫས་སུ་གྱུར་པ་སྤྲོས་ཏེ། ཤེས་རབ་མའི་ལུས་ཀྱི་དཀྱིལ་འཁོར་གྱི་ལྷ་རྣམས་མཆོད་པ་སྣ་ཚོགས་པས་མཆོད་ཅིང༌། མེ་འོད་རབ་ཏུ་འབར་བའི་ལྷ་ཚོགས་ལ་སྲེག་བླུགས་སུ་འབུལ་ཞིང༌། ལྷན་ཅིག་སྐྱེས་པའ…

བཤད་པ་ལྟར་ཏེ། རྣལ་འབྱོར་མ་རྣམས་དང་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཨོཾ་མ་ཧཱ་སུ་ཁ་སོགས་སྔགས་ཀྱི་སྒྲས་བསྐུལ་བ་དང༌། དཔའ་བོ་དང་རྣལ་འབྱོར་མ་ཐམས་ཅད་ཀྱིས་ཌཱ་མ་རུའི་སྒྲ་དང༌། ཀ་ར་ཀ་ར་ལ་སོགས་པ་རྩ་སྔགས་ཀྱི་སྒྲས་བསྐུལ་ཏེ་གཉིད་སད་པར་བྱེད་པ་ཡིན་ལ། དེ་ཡང་གཉིད་ཀྱི་རྣལ་འབྱོར་ལ་གོམས་པ་ཡིན་ན། གཉིད་…

ཀྱི་སྤྱོད་པ་ལ་གནས་པ་དང༌། བྱིན་རླབས་ཁྱད་པར་ཅན་འཇུག་པ་ལ་མཆོག་ཏུ་གལ་ཆེ་བའི་ཡན་ལག་ཡིན་ནོ། །གཉིས་པ་ཁྱད་པར་གྱི་དུས་སུ་སྤྱོད་པའི་རྣལ་འབྱོར་ལ། ལག་མཆོད་ཀྱི་རྣལ་འབྱོར་དང༌། ཕྱི་རོལ་མཆོད་པ་དང༌། ཚོགས་ཀྱི་མཆོད་པ་སྟེ་གསུམ་མོ། །དང་པོ་ནི། ཚོགས་ཀྱི་འཁོར་ལོ་ལ་སོགས་པའི་སྔོན་རོལ་ཏུ་འདི་ངེས་པར་བྱ་དགོས་ལ། གཞན་ཡང་ཚེས་བཅུའི…

ངོས་ལ་ཨོཾ་ཕཊ་ཧཾ། ལག་པའི་མཐིལ་དུ་པདྨ་དམར་པོ་འདབ་མ་ལྔ་པ། འདབ་མ་གཉིས་པ་ལ་ཟླ་བའི་གདན། ལྟེ་བ་དང་གཞན་བཞི་ལ་ཉི་མའི་གདན། ལྟེ་བར་ཨོཾ་ཨོཾ་བཾ་དམར་མོ། འདབ་མ་དང་པོ་ལ་ཨོཾ་ཧཾ་ཡོཾ་སྔོན་མོ། གཉིས་པ་ལ་ཨོཾ་ཧྲིཾ་མོ་དཀར་མོ། གསུམ་པ་ལ་ཨོཾ་ཧྲིཾ་ཧྲིཾ་སེར་མོ། བཞི་པ་ལ་ཨོཾ་ཧཱུཾ་ཧཱུཾ་ལྗང་ཁུ། ལྔ་པ་ལ་ཨོཾ་ཕཊ་ཕཊ་དུད་ཁ་རྣམས་གཡོན་སྐོར…

ཁུ་བའི་རྫས་ཀྱིས་ལག་པ་གཡོན་པ་ལ་བྱུག་ཅིང་འབྲུ་གསུམ་མང་དུ་བརྗོད། ཁྱད་པར་དུ་ཨོཾ་ཨོཾ་ཧཱ་སོགས་དང༌། ཨོཾ་ཨོཾ་བཾ་སོགས་དང༌། གཙོ་བོ་ཡབ་ཡུམ་གྱི་སྙིང་པོ་དང༌། འཁོར་གྱི་ལྷའི་སྔགས་རྣམས་ཀྱི་མཐར་འབྲུ་གསུམ་བཏགས་པས་ཆང་དང་ཁུ་བའི་རྫས་དང༌། ནང་མཆོད་དང་ཟན་དང་འབྲུ་ལ་སོགས་པ་དངོས་སུ་ཕུལ། ཨརྒྷཾ་ནས་ཤཔྟའི་བར་དང༌། ཨོཾ་བཱི་ནཱི་བཛྲི…

རྟག་ཏུ་མཆོད་པ་བྱས་པ་ཡིས། ཡིད་ལ་བསམ་པ་འགྲུབ་པར་འགྱུར། ཞེས་འབྱུང་སྟེ། སྤྱིར་འདོད་དོན་ཐམས་ཅད་འགྲུབ་པ་དང༌། ཁྱད་པར་དུ་འཕོངས་པ་སེལ་བའི་མཆོག་ཏུ་གསུངས་ཏེ། སེམས་ནི་གཞན་དུ་སོགས་ལ། སེམས་ཀྱིས་བསམ་པར་མ་བྱས་ཀྱང༌། །ཞེས་བསྒྱུར་བ་བདེའོ། །གཉིས་པ་ཕྱི་རོལ་མཆོད་པ་ནི། ཐོ་རངས་སམ་སྔ་དྲོའི་ཐུན་ལ་བྱ་བར་བཤད་པ་ནི། མཚོན་བྱེད་དེ…

ཚར་གསུམ་དང༌། ཨོཾ་པིཥྛ་ཨུ་པ་པིཥྛ་སྭཱ་ཧཱ། ཨོཾ་ཀྵེ་ཏྲ་ཨུ་པ་ཀྵེ་ཏྲ་སྭཱ་ཧཱ། ཨོཾ་ཚནྡྷོ་ཧ་ཨུ་པ་ཚནྡྷོ་ཧ་སྭཱ་ཧཱ། ཨོཾ་མེ་ལཱ་ཀ་ཨུ་པ་མེ་ལཱ་ཀ་སྭཱ་ཧཱ། ཨོཾ་ཤྨ་ཤཱ་ནི་ཨུ་པ་ཤྨ་ཤཱ་ནི་སྭཱ་ཧཱ། ཨོཾ་པཱི་ལ་བ་ཨུ་པ་པཱི་ལ་ཝ་སྭཱ་ཧཱ། ཞེས་པ་རྣམས་ཀྱང་ལན་གསུམ་གསུམ་བརྗོད། གནས་དང་ཉེ་བའི་གནས། ཞིང་དང་ཉེ་བའི་ཞིང༌། ཚནྡྷོ་དང་ཉེ་བའི་ཚནྡྷོ…