སྐྱོང་ཐུབ་ན་རབ། ཐ་ན་མོས་སྒོམ་ཙམ་ཡང་ཐུན་བཞིར་དྲན་དགོས་ཏེ། དེ་ལས་འདས་ན་ལྟུང་བ་སྟེ་ལྟ་བ་དེ་ལྟ་བུའི་དོན་གོ་ནས་མི་སྐྱོང་ན་དེ་ལྟར་ཡིན་ལ། མ་གོ་གོང་དུ་མིན་ཡང་དེ་འདྲ་དེས་མོས་པའི་ཡུལ་ཙམ་དུ་ཡང་ལྟ་བ་དེ་ཚོལ་དགོས་པ་ལས་མི་འཚོལ་ན་ལྟུང་བའི་ཕྱོགས་མཐུན་འབྱུང་བའོ།། བཞི་པ་ནི། གུས་པ་ལྷོད་པའི་ལྟུང་བ་སྟེ། ལམ་གཞན་ལ་མོས་པས་ལ…

སྤྱོད་པ་ལ་སོགས་པར་ལན་ཅིག་ཞུགས་ནས་རང་ལམ་གྱི་འབྲས་བུ་མངོན་དུ་མ་གྱུར་བར། གྲོགས་ཤེས་རབ་མ་དང་མི་འབྲལ་བར་བྱ་སྟེ་བྲལ་ན་ལྟུང་བའོ། །བདུན་པ་ནི། སྤྱོད་པ་ཉམས་པའི་ལྟུང་བ་སྟེ། ཞུ་བདེ་འཛག་མེད་མ་ཐོབ་ཀྱི་བར་དུ་བྱང་ཆུབ་ཀྱི་སེམས་བཟུང་ཟློག་གི་སྦྱོར་བས་ཕྱིར་མི་ལྟུང་ཞིང་སྤྱི་བོར་མི་གཡོ་བ་སྟེ་བརྟན་པར་བྱེད་དགོས་པ་ལས། དམིགས…

ཞེས་པ་དང༌། བརྡ་ནི་ལྔ་པོ་བསྟན་པ་དག །སྒྲུབ་པ་པོ་ཡི་ལག་གཡོན་གྱིས། །འདི་ནི་དཔའ་བོའི་གནས་ཡིན་ཏེ། །བརྡའ་རྣམས་ལ་ནི་རབ་འཇུག་པའོ། ཁམས་གསུམ་རྒྱུ་དང་མི་རྒྱུར་བཅས། །འགྲོ་ཀུན་གཡོན་ལས་བྱུང་བ་ཡིན། །ཞེས་གསུངས་ཏེ། དེ་ལ་གཡོན་པའི་ཀུན་སྤྱོད་ཀྱི་ངོ་བོ། དེའི་མཚོན་དོན། དེའི་བྱེད་ལས་སམ་དགོས་པ་དེ་ལ་ཕོ་ཉ་མོ་རྣམས་མཉེས་པའི་རྒྱ…

གསེར་ཡིན་པའི་ལྡོག་ཆ་གཙོ་བོ་ཡིན་པ་བཞིན་དུ། ལྷ་སྐུའི་རང་བཞིན་བདེ་བ་ཡིན་པས་ལྡོག་ཆ་བདེ་བ་གཙོ་བོ་ཡིན་ལ། ལམ་གྱི་གནས་སྐབས་སུ་ཡང་བདེ་བ་ཆེན་པོ་ཉིད་བསྒོམས་པས་ལྷ་སྐུ་རང་ཤར་དུ་འབྱུང་ལ། མ་དག་པའི་ལུས་གནས་གྱུར་པའི་ལྷ་སྐུ་འཇའ་ཚོན་ལྟ་བུ་ཡང་བདེ་བའི་ལམ་གྱིས་བསྒྲུབ་དགོས་པའི་ཕྱིར། ལམ་གྱི་གཙོ་བོ་བདེ་བ་ཡིན་ནོ། །དེ་བས་ན་གཡ…

ཙམ་དང༌། འཇིག་རྟེན་ཀུན་རྫོབ་ཏུ་ལུས་ཀྱི་གཡས་སྐྱེས་པ་དང༌། གཡོན་བུད་མེད་ཀྱི་ཚུལ་དུ་གནས་ཞེས་གྲགས་ལ། འགྲོ་བ་རྣམས་བུད་མེད་ཀྱི་ཆོས་ལས་འབྱུང་ངོ༌། །ཞེས་ཀྱང་འགའ་ཞིག་འཆད་དོ། །ཡང་ཁ་ཅིག་གཡོན་ཁུ་བའི་ཁམས་ཡིན་ལ། དེ་ལས་འགྲོ་བ་ཐམས་ཅད་འབྱུང་བ་ཡིན་ནོ་ཞེས་ཀྱང་འདོད་ན། དེ་གཉིས་འགལ་བ་ལྟར་བྱུང་མོད་ཀྱི་ཐབས་དང་ཤེས་རབ་ཕན་ཚུན་རྒ…

བཞིན་སྤྲོས་པ་དང་བྲལ་བའི་བདེ་བ་ཆེན་པོའོ། །དེའི་སྣང་ཆ་སྣང་བ་ཐམས་ཅད་ཧེ་རུ་ཀ་རིགས་ལྔའི་རང་བཞིན་ཡིན་ལ། འགྲོ་ལེན་སོགས་གདོང་དུ་བབ་པའི་བྱ་བ་གང་ཡིན་པ་དེ་ཡང་རང་བཞིན་བདེ་བ་ཆེན་པོ་དང་ལྷ་སྐུའི་རྣམ་རོལ་ལོ། །ཞེས་ཐ་ན་མོས་པའི་སྒོ་ནས་ཀྱང་སྦྱོང་དགོས་སོ། །གསུམ་པ་ནི། རྐང་པ་གཡོན་པ་སྔོན་དུ་འདོར་བས་ལྟེ་བའི་རྩ་འཁོར་དག་བྱེད་…

གཟིགས་ནས་བུ་བཞིན་དུ་བརྩེ་བར་མཛད་དོ། །ཁྲག་འཐུང་མངོན་འབྱུང་ལས་ཀྱང༌། རྟག་ཏུ་གཡོན་པ་ཡིས་ནི་བྱ། །བུད་མེད་རྣམས་ལ་མཐུན་པར་སྤྱོད། །དེ་ཡིས་ངེས་པར་རྟག་ཏུ་འབྱུང༌། །ཞེས་དང༌། རང་ཡུལ་ལག་པ་གཡོན་པས་སྟོན། །དེ་ཡི་རང་གི་རིགས་ནི་དྲན། སྒྲུབ་པོའི་ལུས་ལ་ཕན་པ་ཡིན། །ཞེས་གསུངས་པ་ལྟར་རོ། །འདི་ལ་རྟེན་སྐྱེས་པའམ་བུད་མེད་ཅི་ཡིན་ཡ…

ཡིན་ལ། ལས་དང་པོ་པས་ནི་ཕལ་ཆེར་མོས་པའི་ཡུལ་དུ་བྱེད་དགོས་པ་ཤས་ཆེའོ།། དེ་ལ་བཅོམ་ལྡན་འདས་མ་རྡོ་རྗེ་ཕག་མོ་ནི། དཔལ་ཧེ་རུ་ཀའི་ཡང་འདྲེན་པ་ཡིན་ཏེ། དེ་ལྟར་ཡང༌། དེ་ནས་ཞེས་སོགས་དག་ཆེན་པོས། །རྒྱུད་ནི་རྫོགས་པར་གྱུར་པ་གང༌། །འཁོར་ལོ་སྡོམ་པའི་འདྲེན་པ་མོ། །རྡོ་རྗེ་ཕག་མོ་ལ་འདུད་དོ། །ཞེས་གསུངས་ཏེ། དེའི་དོན་ལྷ་ལ་བཟང་ངན་ན…

མཚོན་དོན་དག་པ་དེ་རྣམས་ཡིན་ཡང༌། དེ་མངོན་དུ་མ་གྱུར་བར་དུ་མོས་པའི་སྒོ་ནས་དག་པ་དྲན་པ་ལ་བྱའོ། །རྒྱུད་འདིའི་ལུགས་ལ་ཕོ་ཉའི་ལམ་བྱ་བ་ཡང༌། ཆགས་ལམ་སྤྱི་ལ་མི་ཟེར་གྱི་ཕོ་ཉ་མོའི་སྒྲུབ་པ་དང་འབྲེལ་བ་ཁོ་ན་ལ་བྱའོ།། གཡོན་པའི་ཀུན་སྤྱོད་ཆོས་འདིའི་ཁྱད་ཆོས་ཆེན་པོར་བཤད་ལ། ཕྱོགས་འདིར་བྱུང་བའི་བདེ་མཆོག་པར་རློམ་པ་ཕྱིས་བྱུང་ཕལ…

དེ་དག་ཀྱང་མ་ཉམས་པར་བསྲུང་བར་བྱའོ། །དེ་ལྟར་དམ་ཚིག་ལ་གནས་ཤིང་བསྐྱེད་པའི་རིམ་པའི་རྣལ་འབྱོར་ལ་བརྩོན་པར་བྱ་སྟེ། དང་པོར་དཔའ་བོ་གཅིག་པུའི་རྣལ་འབྱོར་ལ་སེམས་བརྟན་པར་གྱུར་ན། དཀྱིལ་འཁོར་གྱི་འཁོར་ལོ་ཡོངས་སུ་རྫོགས་པ་ཡང་རིམ་པས་བསྒོམ་པར་བྱ་ལ། གང་གི་ཚེ་ཕྱི་དང་ནང་གི་དཀྱིལ་འཁོར་གསལ་ཞིང་ཤིན་ཏུ་བརྟན་པར་གྱུར་པ་ན། གང་རྒྱ…

སྒྲུབ་པ་ནི། སྒྲུབ་པ་ཆེན་པོ་ཞེས་བྱ་སྟེ། དེ་ཡང་རྒྱུད་འདིར་བསྐྱེད་རིམ་གྱི་རྣལ་འབྱོར་པས་བསྐྱེད་རིམ་གྱི་དངོས་གྲུབ་ཀྱི་དོན་དུ། །ཕོ་ཉ་མོ་བསྒྲུབས་ཏེ། རིག་པའི་བརྟུལ་ཞུགས་ཀྱི་སྤྱོད་པ་སྤྱད་པས། དངོས་གྲུབ་ཆེན་པོ་ཐམས་ཅད་ཀྱང་འགྲུབ་པར་འགྱུར་བ་ཡིན་ནོ། །གླེགས་བམ་གྱི་མཐར་དཔལ་འཁོར་ལོ་སྡོམ་པའི་སྒྲུབ་ཐབས་སློབ་དཔོན་ཆེན་པོ…

རྣལ་འབྱོར་ཅན་དང་མཁས་པ་དག་ཀྱང་འཁོར་གྱུར་ན། །ཇི་བཞིན་མ་ནོར་གསལ་བར་སྨྲ་འདི་སུ་ཡིས་མཐུ། །འོན་ཀྱང་བྱིས་པའི་བློ་ནི་དོན་ལ་རྨོངས། །འཁྲུལ་པ་གང་ཡིན་དེ་ནི་བདག་གིས་ལགས། །ཕུན་ཚོགས་ཡོན་ཏན་གྱིས་བརྒྱན་ལེགས་བཤད་གང༌། །སྨྲས་པ་དེ་ནི་བླ་མ་མཆོག་གི་དྲིན། །འདི་ལས་དགེ་བ་གང་བསགས་པ། །དེས་ནི་ཕྱོགས་དང་དུས་ཀུན་གྱི། །འགྲོ་འདི་ཧེ་…

ཞིང༌། བསྐྱེད་རྫོགས་ལམ་གྱི་རིམ་པ་མཐར་ཕྱིན་ནས། །འཁོར་ལོ་སྡོམ་པའི་གོ་འཕང་མྱུར་ཐོབ་ཤོག །རྒྱལ་བ་གཉིས་པ་ཀུན་མཁྱེན་ཇོ་ནང་འི། རྣམ་སྤྲུལ་རྗེ་བཙུན་ཡོན་ཏན་བཟང་པོ་ཡིས། སྤྱི་ལོ་༡༩༩༥ལོ་རྒྱལ་བསྟན་མི་ཉམས་གོང་དུ་འཕེལ་བའི་ཕྱིར། ཀུན་མཁྱེན་ཏཱ་ར་ནཱ་ཐའི་བཀའ་འབུམ་གྱིས་ཤིང་དཔར་འཛམ་ཐང་གཙང་བའི་ཆོས་གྲྭ་ཚོར། བསྐྲུན་པའི་དགེ་བ་འ…

ཤོག་སྟོང་།

དཔལ་འཁོར་ལོ་སྡོམ་པའི་བསྙེན་པ་ཇི་ལྟར་བྱ་བའི་རིམ་པ་བཞུགས།

ཨོཾ་སྭཱ་སྟི། འདིར་དཔལ་འཁོར་ལོ་སྡོམ་པའི་བསྙེན་པ་ཇི་ལྟར་བྱ་བའི་རིམ་པ་ནི། དང་པོར་གནས་ཡིད་དང་མཐུན་པར་ཇི་སྲིད་མཚམས་ཀྱི་བྱ་བ་མ་རྫོགས་ཀྱི་བར་དུ། དགྲའི་འཇིགས་པ་ལ་སོགས་པ་མཚམས་གློ་བུར་དུ་འགྲོལ་དགོས་པའི་རྐྱེན་མི་འབྱུང་བའི་སར། དང་པོར་ཞག་འགའ་སྐྱབས་འགྲོ་སེམས་སྐྱེད་ལ་ནན་ཏན་བྱ་ཞིང༌། དེ་ནས་ཀྱང་ཟླ་བ་གཅིག་གཉིས་སམ་མ་མཐ…

དེའི་བར་དུ་དུས་གཞན་གྱི་བར་ཆོད་ཀྱང་འགལ་བ་མེད་ཅིང༌། ཐུན་གྱི་སྐབས་ངག་བཅད་བྱ། མཚམས་བྱ་དགོས་པའི་ངེས་པ་མེད། དེ་ནས་བདེ་མཆོག་གི་རྣལ་འབྱོར་པ་ཡིན་ན་རབ། མིན་ནའང་རྣལ་འབྱོར་པ་བཞིར་ལོངས་པའམ་དགེ་སློང་བཞིར་ལོངས་པ་ལ་ཚོགས་བསགས་དང་སྟོན་མོ་བྱ་བསྙེན་པ་མཐར་ཕྱིན་ཞིང་བར་ཆད་མི་འོང་བར་སྨོན་ལམ་བཏབ། བླ་མ་ལ་ཡོན་འབུལ་བ་དང༌། ལྷ་ཁ…

མདོག་ཅན་པི་ཝང་འཛིན། །དྲི་ཟའི་ཚོགས་ལ་དབང་སྒྱུར་བའི། །ཡུལ་འཁོར་བསྲུང་ལ་ཕྱག་འཚལ་ལོ། །དཔའ་བོ་ཆེན་པོ་སྟོབས་པོ་ཆེ། ཁ་དོག་སྔོན་པོ་རལ་གྲི་འཛིན། གྲུལ་བུམ་ཚོགས་ལ་དབང་བསྒྱུར་བའི། །འཕགས་སྐྱེས་པོ་ལ་ཕྱག་འཚལ་ལོ། མངའ་བདག་ཆེན་པོ་མཐུ་བོ་ཆེ། ཁ་དོག་དམར་པོ་སྦྲུལ་ཞགས་འཛིན། །ཀླུ་ཡི་ཚོགས་ལ་དབང་བསྒྱུར་བའི། །མིག་མི་བཟང་ལ་ཕྱག…

ཕུལ་ནས། མཁའ་འགྲོ་སྤྱི་གཏོར་གང་མང་འབུལ། བར་ཆད་མི་འབྱུང་ཞིང་དངོས་གྲུབ་བཅོལ་བར་གསོལ་བ་མང་དུ་བཏབ། མཁའ་འགྲོ་སྤྱི་གཏོར་མང་དུ་འབུལ་ཚུལ་ནི་ལན་ཇི་ཙམ་འབུལ་བའི་གྲངས་དང་མཐུན་པའི་མཐེབ་ཀྱུ་བྱས་ལ། དང་པོར་ཐམས་ཅད་ཕྱོགས་གཅིག་ཏུ་བྱིན་གྱིས་བརླབས་ཏེ་འབུལ་བའི་ཚེ། མཐེབ་ཀྱུ་རེ་སྒྲོན། སྔགས་ལན་རེས་ཕུལ་ལ། གསོལ་གདབ་རེ་བྱ། ཐམས་…

གསུམ་གསུམ་གྱིས་ཕྱོགས་སོ་སོའི་བགེགས་ལ་ཕུར་བུས་འདེབས། དེ་ཡང་སྒྲུབ་ཁང་གི་ཕྱོགས་བཅུར་ཕུར་བུའི་བཞུགས་ཁང་ཡོད་ན། དེར་ཕུར་བཏབ་བྱས་ལ་བཞུགས་སུ་གསོལ། མེད་ན་སྒྲུབ་ཁང་གི་ཕྱོགས་མཚམས་ཀྱི་ཐོག་གམ་ཟུར་ལ་བཏགས། གལ་ཏེ་ཕུར་པ་བཅུ་མ་འཛོམ་ན། བརྒྱད་ལ་སྒོ་མཚམས་མ་བརྒྱད་དུ་བསྐྱེད་དེ་ཤར་གྱི་སྟེང་དུ་ཡང་གདབ་པ་དང༌། འོག་ཏུ་ཡང་ནུབ་ཀྱ…