སུ་ཐིག་ལེ་འགོད་པ་ལ་སེམས་འཇོག་ལ། ཡིད་ཤེས་ལ་སྤྱིར་གནས་པའི་ངེས་པ་མེད་པས། གང་དུ་འགོད་པ་གསལ་བར་སྟོན་དགོས་པ་གཟིགས་པས་ཡིད་སྙིང་ཁར་བཞག་ནས་ཞེས་སྙིང་ཁའི་སྔར་གྱི་ཐིག་ལེའི་གནས་སུ་འགོད་པ་བསྟན་ཏོ། །འོ་ན་འདིའི་དོན་བརྗོད་པར་བྱ་སྟེ། ཞེས་སྙིང་ཁའི་ཐིག་ལེའི་རྒྱས་བཤད་ཡིན་པས་མིག་སོགས་སུ་འགོད་པར་མི་རིགས་སྙམ་ན། མི་འགལ་ཏེ། …

རིམ་པའོ། །གཉིས་པ་ནི་བུམ་ཅན་གྱི་སྦྱོར་བས་དྷཱུ་ཏཱིའི་ནང་དུ་ཐིག་ལེར་རླུང་འཆིང་བའི་རིམ་པའོ། །གསུམ་པ་ལ། ས་བོན་དང་བཅས་པའི་སྣ་ཚོགས་རྡོ་རྗེའི་རིམ་པ། རྣམ་པ་སྣ་ཚོགས་རྡོ་རྗེའི་རིམ་པ། ས་བོན་མེད་པའི་སྣ་ཚོགས་རྡོ་རྗེའི་རིམ་པའོ། །དང་པོ་ནི། གཞུང་གི་དངོས་བསྟན་ལས་ཀྱི་ཕྱག་རྒྱ་ལ་བརྟེན་པར་གསལ་ལ། གང་ལྟར་ནའང༌། ནོར་བུའི་ཐིག…

ཆུབ་ཀྱི་སེམས་ནོར་བུར་འཆིང་བའི་མཐུ་ཐོབ་པར་འགྱུར་ཏེ། གང་དུ་སེམས་གནས་པ་དེར་རླུང་ཡང་ཐིམ་པར་འགྱུར་ཏེ། དེར་བྱང་ཆུབ་ཀྱི་སེམས་ཞུ་ནས་གཞན་དུ་མི་འཕོ་བར་ཡུན་རིང་དུ་གནས་པར་འགྱུར་ཏེ། ཐིག་ལེའི་འཕོ་བྱེད་ཀྱི་རླུང་ཐིམ་པའི་རྒྱུ་མཚན་གྱིས་ཡིན་ནོ། །དབང་པོ་ལྔར་སྤྲོས་པས་ནི། རིམ་པ་དང་པོའི་སྐབས་ལས་ཆེས་ལྷག་པའི་ལྷའི་མིག་ནས་ལུས…

རྟེན་ཆགས་བྲལ་བྱེད་པ་ལ་སོགས་པས། ས་འཕོ་བ་ནི་དགོས་པ་མ་ཡིན་ཞིང༌། དེ་ལ་བརྟེན་པ་ནི་སྒྲུབ་པ་དཀའ་ལ། འདི་ནི་ཤིན་ཏུ་མྱུར་བ་ཡིན་ཏེ། ལུས་ལ་གནད་དུ་བསྣུན་པའི་ཁྱད་པར་གྱིས་རྣམ་སྨིན་འདོད་དགུར་བསྒྱུར་བ་ནི་ཐེག་པ་འདིའི་ཁྱད་ཆོས་སོ། །མདོ་ལས་ས་ཐོབ་ནས་དབང་པོ་ལྔ་རྣམས་གཞན་དུ་འགྱུར་ཏེ། དེའི་དབང་ཤེས་ལྔ་པོ་དེ་དག་རེ་རེ་བཞིན་དོན་…

རྒྱུས་མས་བརྟན་གྱི་ལྷན་སྐྱེས་ཡུན་རིང་དུ་གནས་པ་དང༌། ཞུ་བར་བྱ་བ་བྱང་ཆུབ་ཀྱི་སེམས་རྒྱས་པས་བདེ་བ་ཤས་ཆེ་བར་འགྱུར་བ་ཡིན་ནོ། །གསུམ་པ་ལ། སྒྲ་དོན། ངོ་བོ། །དབྱེ་བ། འབྲས་བུ་བཞི་ལས། དང་པོ་ནི། འདི་ལ་བྱང་ཆུབ་ཀྱི་སེམས་བརྟན་པར་བྱེད་པའི་ཕྱིར། མས་བརྟན་ཏེ་བསྒོམ་པ་ཡོད་ཀྱང༌། གཙོ་བོར་ཡས་བརྟན་བསྒྲུབ་པ་ཡིན་པས་དེའི་གཙོ་བོ་ལྷ…

འཁོར་ལོ་བཞི་བྱང་ཆུབ་ཀྱི་སེམས་ཀྱིས་གང་བས་དགའ་བཞི་ལུགས་འབྱུང་ལུགས་ལྡོག་བསྒོམ་པའོ། །གསུམ་པའི་མན་ངག་ཏུ་ལས་རྒྱའི་བདེ་བ་ཐུན་མཚམས་ཐམས་ཅད་དུ་སྐྱེ་འབྲི་མི་བྱེད་པ་ཞིག་སྒྲུབ་དགོས་པས། དེའི་མཚམས་སྦྱོར་དུ་གཏུམ་མོའམ་གསང་བ་ཐིག་ལེ་བསྒོམ་པ་སོགས་གང་ལྟར་བྱས་ཀྱང་རུང་ངོ༌། །གུ་རུ་ནིརྦཱ་ཎ་ཤྲཱིའི་ཞལ་སྔ་ནས། དམ་རྒྱ་ལས་ཀྱི་ཕྱག…

བཞིན་པ་སྤེལ་བའི་བྱ་བའོ། །དང་པོ་ནི། འདིའི་འབར་བྱེད་ཀྱི་གཏུམ་མོ་ཚངས་པའི་མེ་ཡིན་གྱི། ལྟེ་བའི་ཨ་ཤད་ནི་མ་ཡིན་ནོ། །འོན་ཀྱང་འདི་འབར་བས་ཕྱིས་ལྟེ་བའི་ཨ་ཤད་ཀྱང་ཞོར་ལ་འབར་བ་ནི་འགྱུར། རིམ་པ་གཞན་རྣམས་སྔོན་སོང་མ་ཡིན་ན། སྔགས་རིམ་གྱི་སྐབས་བཞིན་ཤེས་པར་བྱ་བ་ཡིན་ནོ། །འདི་ནི་ཚངས་པའི་མེའི་གནས་སུ་དམིགས་པ་གཏད་པས་དེར་ཞུགས་…

ལྟེ་བར་འབར་འཛག་གི་ཐིག་ལེ་བརྟན་པས། དཀར་ཞིང་ཕྲ་ལ་འཇམ་པ་མེ་ལོང་གི་ངོས་ལྟར་འབྱུང་བ་དང༌། སྙིང་ཁར་བརྟན་པས་དཔུང་པ་རྒྱས་ཤིང་སྲེད་མེད་ཀྱི་བུའི་སྟོབས་སུ་འགྱུར་བ་དང༌། མགྲིན་པར་བརྟན་པས་ལྕེས་གདོང་ཁེབས་པ་དང༌། སྤྱི་བོར་བརྟན་པས་རྫུ་འཕྲུལ་གྱིས་ཀུན་ཏུ་འགྲོ་བ་དང༌། མངོན་ཤེས་ལྔ་པོ་སྔ་མ་རྣམས་ལས་ཀྱང་ཆེས་ལྷག་པར་ཐོབ་པ་ཡིན་ན…

སྤྲོས་པ་དང་བྲལ་བ་དེ་ལ་མ་བཅོས་པར་འཇོག་དགོས་པས་སོ་སྙམ་ན། སྤྱིར་བསམ་མི་ཁྱབ་ཀྱི་རིམ་པ་ལ་དེ་དག་བསྒོམ་དགོས་པའི་ངེས་པ་མེད་ཀྱང༌། ལས་དང་པོ་པས་བསམ་མི་ཁྱབ་ཐོབ་པའི་ཕྱིར་དེ་ལྟར་བསྒོམ་པ་དང༌། ཕྱིས་རྣལ་འབྱོར་གོམ་པས་འོད་གསལ་དང་སྒྱུ་ལུས་ཀྱི་བསམ་མི་ཁྱབ་མཐར་ཕྱིན་པའི་ཕྱིར་དུ་རླུང་དང་ཁམས་རྣམས་སྡུད་དགོས་པས་དེ་ལྟར་བསྒོམ་པ་…

རྒྱལ་ཚབ་བྱམས་པ་དང༌། གྲུབ་ཆེན་ས་ར་ཧ་ཡང་བོད་སྒོམ་བླུན་པོ་ཡིན་ཞེས་ཟེར་རམ་ཅི། ཡོངས་ཡེ་དོན་མ་འཁྲུལ་བར་སྟོན་མི་སྟོན་ལས། ཚིག་གི་བརྡ་ལ་ནི་ཁོ་བོ་ཅག་དོན་ལ་རྟོན་པ་རྣམས་གཙོ་བོར་མི་བྱེད་དེ། ཡུལ་གྱི་སྒྲ་ཡི་དོན་རྙེད་པ། །དེ་ལ་བསྟན་ཆོས་སྒྲ་ཡི་ཅི། །ཞེས་པ་དང༌། དུས་འཁོར་བསྡུས་པའི་རྒྱུད་ལས་ཀྱང༌། དམ་པའི་བྱམས་ལྡན་རྨོངས་པའ…

ཀྱིས་མི་སྨྲ་ན། གཞན་གང་ཞིག་གིས་སྨྲ། དེས་ན་ཁྱེད་ཀྱི་ཟུར་ཟའི་ཚིག་དེ་དག་ནི། རང་ཆགས་སྡང་ཕྲག་དོག་མ་རུངས་པ་ཅན་ཡིན་པ་དང༌། དམ་པའི་ཁྱུ་ནས་བུད་པ་ཙམ་མཚོན་པ་མ་གཏོགས་སྙིང་པོ་ནི་ཅུང་ཟད་ཀྱང་མེད་དོ། །གསུམ་པ་ནི། རྗེས་གཞིག་གི་རིམ་པས་འཇུག་པ་སེམས་སྟོང་པ་ཉིད་ལ་འཇུག་པ་དང༌། དེ་ལས་ལྷ་སྐུར་ལྡང་བའི་སྟོང་པ་ཉིད་སེམས་སུ་ཞུགས་པ་ག…

ནི་སྤྱོད་པ་ཡང་དོན་གྱིས་འཕངས་པ་ཡིན་ནོ། །ལྔ་པ་ནི། རིམ་པ་ལྔ་པའི་བསམ་མི་ཁྱབ་པའི་ཡེ་ཤེས་དང༌། མ་དག་པའི་སྐུ་གཉིས་ཐོབ་པ་ལ་ནི་ངེས་པར་ལས་རྒྱ་ལ་ལྟོས་ཤིང༌། སྤྱོད་པ་འདི་ནི་བྱེད་མི་བྱེད་གཉིས་ཀ་ལ་ཡོད་དོ། །དོན་གྱི་ཡེ་ཤེས་དང་དག་པའི་སྐུ་འགྲུབ་པ་ནི་སྤྱོད་པ་ལ་ངེས་པར་ལྟོས་ལ། ལས་རྒྱ་ལ་ལྟོས་པའི་ངེས་པ་ནི་མེད་དོ། །གང་ལྟར་ཡང…

པ་གཉིས་ལྡན་གྱི་ཆོས་སྐུ་དང༌། རྡོ་རྗེ་སེམས་དཔའ་ནི་གཟུགས་ཀྱི་སྐུ་སྟེ། དེ་ལྟར་ན་ཀུན་རྫོབ་དང་དོན་དམ་པའི་སྐུ་དེ་གཉིས་འགྲུབ་པ་ཡིན་ནོ། །དེས་ན་གང་དག་བདེ་མཆོག་དང་འདུས་པའི་རིམ་ལྔ་དང༌། སེམས་འགྲེལ་བའི་སྦྱོར་དྲུག་ལྟ་བུ་རྫོགས་རིམ་ཟབ་མོ་ཡིན་གྱི། འབྲས་བུའི་རྣམ་གཞག་མ་བསྟན་པས། ལམ་འབྲས་བུར་བཅས་པའི་ཐ་སྙད་མེད་དོ་ཞེས་ཟེར་…

ལ། ལམ་སྐོར་ལས་ཉམས་ཀྱི་རྣམ་གཞག་མང་མོད་ཀྱི། འབྲས་བུ་ཉིད་ཀྱི་རྣམ་གཞག་ནི་ལམ་སྐོར་ལས་ཀྱང་འདི་དག་རྒྱས་ན། ཆ་མེད་པའི་རྒྱུས་གཏམ་མ་སྒྲོག་ཅིགམཆོག་ཏུ་གྱུར་པའི་ལམ། རྒྱལ་བའི་དགོངས་པ། གྲུབ་པ་རྣམས་ཀྱི་མན་ངགདུས་གསུམ་དུ་འགྲོ་བ་མཐའ་ཡས་པ་སྒྲོལ་བར་བྱེད་པའི་ལམ་འདི་དག་ལ། གུས་པ་ལྷོད་པར་འགྱུར་བའི་གཏམ་དེ་ལྟ་བུ་སྨྲ་བ་ནི་བདུད་…

ཡེ་ཤེས་བསྐྱེད་པར་མཛད་པ། ཡུལ་ཉེར་བཞི་དང་དུར་ཁྲོད་བརྒྱད་དེ། སུམ་ཅུ་རྩ་གཉིས་ཀྱི་ཡུལ་མཆོག་གི་དཔའ་བོ་དང༌། ལྷ་མོ་འཁོར་བཅས་སྤྱི་དང་ཁྱད་པར་རྣམས་ཀྱིས་གཡེལ་བ་མེད་པར་རྟག་ཏུ་གྲོགས་མཛད་པར་ཤོག་ཅིག་ཅེས་པའོ། །གཉིས་པ་ལ། གནས་སྐབས་ཀྱི་འབྲས་བུ་རྡོ་རྗེ་གསུམ་ནི་ལམ་དུས་ཀྱི་རྡོ་རྗེ་གསུམ་སྟེ། དེ་ལ་ཐུགས་དང་གསུང་དང་སྐུ་གསུམ་ལ…

དུ་ཚོར་བ་བདེ་བ་ཁྱད་པར་ཅན་སྐྱེ་ཞིང་ཡིད་བདེ་བར་འགྱུར་བས། དབང་ཤེས་ལྔ་ཡང་བདེ་བའི་ངོ་བོར་འགྱུར་ཏེ། ཇི་སྐད་དུ། རིགས་པའི་དབང་ཕྱུག་གི་ཞལ་སྔ་ནས། འདི་འགྱུར་ན་ནི་གཞན་དག་ཀྱང༌། །འགྱུར་བ་དག་ཏུ་མཐོང་བ་ཡིན། ཞེས་གསུངས་པ་ལྟར་རོ། །འཇུག་ཤེས་དྲུག་པོ་བདེ་བར་འགྱུར་བ་ཞུ་བདེའི་ཡེ་ཤེས་དེ་ཡིས། སེམས་ཀྱྀ་རང་བཞིན་བདེ་བ་ཉིད་མངོན་…

ཏན་གྱི་ཁྱད་པར་དབང་ཕྱུག་བརྒྱད་དང་ལྡན་པ། འཇུག་པའི་ཁྱད་པར་དངོས་པོ་ཀུན་ལ་ཁྱབ་ཅིང་གང་ཡང་ཕྱིན་པའི་སྐུ་རྡོ་རྗེའོ། །འདི་དངོས་ནི་ཟུང་འཇུག་ཡིན་པས། རླུང་སེམས་ཞེས་པའི་སྐབས་ཀྱི་རླུང་བདེ་བ་ཆེན་པོའི་རང་སྣང་ལྷ་སྐུ་སོགས་སྣང་བ་མ་འགགས་པའི་ཆ་ལ་འཇོག་གོ །སྤྱིར་སོ་སོ་སྐྱེ་བོའི་དུས་ཀྱི་དཔེའི་འོད་གསལ་དང་བདེ་བ་ཆེན་པོ་ལ་སོགས་…

དག་པར་གནས་ཤིང༌། བརྩོན་པ་དང་གཞོལ་བའི་སྤྱོད་པས་ཐུན་མོང་གི་དངོས་གྲུབ་དང༌། ནང་ལ་གཞོལ་བའི་སྤྱོད་པས་མཆོག་གི་དངོས་གྲུབ་སྒྲུབ་སྟེ། ཚེ་འདི་ཉིད་ལ་གཉིས་སུ་མེད་པའི་ཡེ་ཤེས་ཀྱི་སྐུ་གྲུབ་ནས། སངས་རྒྱས་འགྲུབ་པར་ཤོག་ཅེས་པའོ། །གཉིས་པ་ནི། དྲོད་ཐོབ་ཀྱང་བྱ་བ་གཞན་གྱིས་གཡེངས་ཏེ་ལེ་ལོས་སྤྱོད་པ་མ་སྤྱད་པ་སྟེ། གལ་ཏེ་བདག་གིས་ལེ…

སྟེ། དེའི་རྟེན་ལ་འདའ་བ་སྲིད། །ཡང་ན་རིག་པ་འཛིན་པའི་གནས་སུ་སྐྱེ་བ་བླངས་ཏེ། དེའི་རྟེན་ལ་འདའ་བའང་སྲིད་དོ། །གསུམ་པ་ནི། དྲོད་ཆུང་ངུ་མ་ཐོབ་པའམ། སྣང་བའི་རྟོག་པ་མ་སྐྱེས་པ་སྟེ་ཤིན་ཏུ་སྐལ་པ་དམན་པར་གྱུར་པས། རིམ་གཉིས་ལ་མི་བརྩོན་པའམ། བརྩོན་ཡང་དམ་ཚིག་གི་ཡན་ལག་རྣམས་མ་དག་པས། ཚེ་འདིར་དྲོད་ཆུང་ངུ་མ་ཐོབ་པས་བར་དོ་དེར་སྒ…

གྲུབ་ན་སྐྱེ་བ་གཞན་དུ་ཡང་གསང་སྔགས་སྤྱད་པར་གྱུར་ཅིག་ཅེས་པའོ། །གཉིས་པ་ལ་རྒྱས་བཤད་དང༌། དོན་བསྡུ་གཉིས་ལས། དང་པོ་ལ་གཞན་རྒྱུད་ཀྱིས་བྱིན་གྱིས་རློབས་པ་དང༌། འདོད་པའི་ལྷ་ལ་ཐེ་ཚོམ་གཅོད་པ་དང༌། བསྔོ་བའི་ཁྱད་པར་དང༌། བདག་གཞན་བརྗེ་བའི་བསམ་པ་དང༌། ཁྱད་པར་གདུལ་དཀའ་འདུལ་བའི་ཚུལ་ལོ། །འདི་རྣམས་ཀྱི་ཚིག་དོན་ནི་གོ་སླ་སྟེ། དང…