པ་དང༌། ཡོས་ལོ་དང་འབྲུག་ལོའི་དབྱར་གུང་སྒྲུབ་པ་མོ་རྣམས་ཀྱིས་ཀྱང་རྡོ་ཅུང་ཟད་བསགས་པའི་དུས། རྡོ་ཁུང་རྙིང་པ་གཅིག་ཕལ་ཆེར་ཟད། གསར་བ་གཅིག་འཚོལ་དགོས་སྙམ་པའི་སྐབས་ནུབ་མོ་བྲག་ཅིག་ཞིག་ནས་རྡོ་ཟད་པ་མེད་པ་དེ་འདྲ་ལན་གཉིས་བྱུང༌། སྔར་ཕྱོགས་ཐམས་ཅད་བྱེ་མས་ཁྱབ་པའི་རྩིག་འདམ་དང་གྱངས་སོགས་ཤིན་ཏུ་དཀོན་དཀོན་འདྲ་བ་ལ་ཕྱོགས་གང་ད…

ཉོས་པ་ཤས་ཆེ་བ་ལ་ཐམས་ཅད་ཉོ་བླ་ཞིང་འཚོལ་བླ་བ་ཤ་སྟག་བྱུང༌། ཤིང་སྟོང་ཤིན་ཏུ་སྦམ་པ་སྒུལ་སྐྱོད་ཐོངས་དཀའ་བ་ཀུན་ཡང༌། ས་ཐག་རིང་པོ་ནས་འདྲེན་པ་ལ་དཀའ་བ་མེད་ཅིང་ཉེས་སྐྱོན་ཡེ་མ་བྱུང་བ་ཡིན། དེ་བཞིན་དུ་གསེར་ཟངས་ཀུན་ཡང༌། སྔ་སོར་ཇོ་ནང་གི་བྱམས་པ་བཞེངས་པ་ཡན་ཆད་དུ་ཐམས་ཅད་ཟད་པར་བྱས་པ་ཡིན་ཡང༌། དེ་ཕྱིན་སྡེ་པ་ནས་གསེར་ཞོ་བརྒ…

ཕྱེད་དང་ཉིས་བརྒྱ་ཙམ། སླ་ང་ཉིས་བརྒྱ་ལྷག་ཙམ། ཐོང་ལྕགས་བདུན་བརྒྱ་སྐོང་དེ་སྔ་ཡན་ཆད་ལ་སོང་བས་མཚོན། རྒྱ་གར་ཤར་ཕྱོགས་ནས་ཚོང་པ་རྣམས་ཀྱིས། སྔ་ཕྱིར་ལི་ཁྲི་མི་རྒྱབ་མི་རྒྱབ་ཏུ་ལོངས་པ་ཤིན་ཏུ་མང་བ་ཁྱེར་བྱུང་བ་དང༌། སྡེ་པའི་ཁྲལ་དང་སྒོས་དཔོན་གྱི་ཁྲལ་སོགས་ཀྱི་སྒོ་ནས་མཚལ་ཤིན་ཏུ་དཀོན་ཡང༌། ངེད་ལ་མཚལ་མང་པོ་སྒོ་ཉལ་གྱི་ཚུལ…

བཞེངས་སྐབས། བཟོ་བོ་རྣམས་ཀྱང་ལོ་མང་པོ་འཐོགས་ཀྱི་དོགས་པ་བྱེད་ཀྱང༌། ཟླ་བརྒྱད་ཀྱི་ཁོངས་སུ་མཐའ་དག་གྲུབ་པ་དང༌། གཙོ་བོའི་སྐུའི་བྱུགས་གསེར་གསེར་ཞོ་སྟོང་ཙམ་བཞུ་ཞིང༌། བཙོ་སྦྱངས་བྱས་པའི་སྐབས། འཆད་ཡེ་མེད་པར་མ་ཟད་གསེར་ཞོ་ཉིས་བརྒྱ་ལྷག་ཙམ་འཕེལ་ལོ། །དེས་ན་བར་སྐབས་ཞིག་དགེ་སེམས་ཆུང་ཞིང་ཕྲག་དོག་ཆེ་བའི་སྐྱ་སེར་མང་པོ་ཞི…

སོ་སོའི་གཞི་སྐྱེན་ལེགས་པར་སྦྱར་གྲུབ་པའི་སྐབས་སུ་ཡོང༌། གཞན་ཡང་བཟོ་བོ་སྤྱི་དང་བལ་པོ་སོགས་ཀྱི་ནར་མའི་ཆས་དང༌། དུས་དུས་ཀྱི་དགོས་ཆ་མང་པོ་རྣམས་ཀྱང་བཟང་བར་གཏོགས་པ་སྟེང་འགྲུས་མེད་པ་དང༌། ཚོན་དང་དངུལ་ཆུ་འཚོང་བར་འོངས་པས་མཚོན་པའི་སྒོ་དྲུང་དུ་ཟུང་ཁྱེར་ནས་འོངས་པ་རྣམས་ལ་ཡང་རིན་ཕམ་ཁ་ཡེ་མེད་ཅིང༌། ཅུང་ཟད་ཁེ་དང་བཅས་པར་…

ཉན་གོ་གང་ཡང་མ་ནོན་པ་སྙིང་རེ་རྗེ། བོད་རང་གི་བླ་མ་ཆོས་པའི་ཁུལ་དུ་གཏོགས་པ་ལའང༌། སྔོན་ས་སྐྱ་པ་དར་རྒྱས་ཆེ་དུས་ས་སྐྱ་པ་རང་ལ་རྫོང་མང༌། ཕྱིས་རྒུད་ནས་ཕལ་ཆེར་ཤོར་བ་ཡིན། ཕྱིས་རང་འབྲས་སྤུངས་དགའ་ལྡན་ཕོ་བྲང་བ་ཡང་ཁོ་རང་ཚོ་དར་རྒྱས་ཡོད་དུས་རྫོང་མང་ད་ལྟ་དར་རྒྱས་མེད་པ་དང་རྫོང་ཡང་མེད། དེས་མཚོན་པའི་འབྲི་སྟག་ཀར་གསུམ་སོགས…

ཁ་རོག་བསྡོད་པར་འདུག སྤྱིར་ཁོང་རྣམས་དེ་སྐད་ཟེར་བ་ལ་རྒྱུ་གཉིས་འདུག་སྟེ། གཅིག་ནི་རང་རང་སོ་སོ་ན་རང་བཟང་པོ་དཔེ་མེད་ཡིན་པར་འདོད་པ་ལ་དགེ་ལས་གང་ཡང་མ་གྲུབ། ངེད་རྣམས་ཁོང་རང་ཚོ་ལས་ཆེས་ངན་རྒྱུའི་ཁུངས་བྱེད་རྒྱུ་ལ་ཁོ་ར་ཚོས་གང་ཡང་མ་བྱུང༌། རྣམ་དཀར་དགེ་བ་རླབས་པོ་ཆེ་འདི་ངེད་ཀྱིས་གྲུབ་པས་ཚིག་པ་ཟ་བ་དེར་འདུག རྒྱུ་གཉིས་པ…

ཀྱི་རྟེན་གྱིས་ཕྱུར་བུར་གང་ཞིང༌། ཆོས་ཀྱི་གཞི་ཆེན་པོ་སྦེད་པར་མི་ནུས་པ་འདི་ལྟ་བུ་གྲུབ་ཙ་ན། ཁྲེལ་མེད་ཀྱི་ཁ་སྐྱག་རྫུན་འདྲ་བརྗོད་མཁན་ཚོལ་ཞལ་སྐྱེངས་ཅིག་རང་བྱུང་སོང་ངོའང༌། ཡང་ཁོ་བོས་མདོ་སྔགས་ཐམས་ཅད་དུ་གཞན་སྟོང་དབུ་མ་ཆེན་པོའི་ལུགས་འདི་བསྐྱངས་པས། རྟ་ལོ་ཙམ་ནས་གཟུང༌། དཔལ་ལྡན་ཀ་ལཱ་པའི་ཞིང་གི་བཀོད་པ་དང༌། ས་བཅུའི་…

བརྒྱུད་པ་ལས་ཐོས་ནས་ལྟ་བར་འོངས་པ་ཡིན་ཟེར། ལྷ་ཁང་ལ་མཆོད་པ་བྱེད་པའི་རྣམ་པ་ཙམ་འདུག ད་གར་འགྲོ་དྲིས་པས། རི་བོ་རྩེ་ལྔར་འགྲོ། ཀྱཻ་རྡོར་གྱི་རྩ་སྔགས་ཚར་གཅིག་འདོན་པའི་ཚད་ལ་སླེབ་ཟེར། དེ་ནས་གང་དུ་འགྲོ། ཤར་ཕྱོགས་ཀྱི་རྒྱ་མཚོའི་དཀྱིལ་གཅིག་ན་རིན་པོ་ཆེའི་རི་བོ་དཔག་ཚད་ཉི་ཤུ་པ་ཅིག་ཡོད། དེའི་རྩེ་ན་འདབ་ཆགས་དང༌། ཕུག་པ་ན་ཕ…

གཉིས་ཙམ་རེའི་གཏོར་ཆང་དང་བཅས་པའི་གཏོར་མ་འཆག་མེད་དུ་ཕུལ། སྐབས་གང་དགོས་སུ་མཆོད་གཏོར་ཀ་ཏོ་ར་གཉིས་གསུམ་ཁེངས་པ་ཙམ་ཕུལ་བ་ལ་རྩིས་བཏབ་མེད། རྒྱབ་རིའི་རྩེ་མོར་གཏོར་མ་གཏོང་ཐེངས་འདི་ཡིན་ལ་ལན་བཞི་སོང་བ་ལ། རེ་རེ་བཞིན་དུ་རྩམ་ཁལ་བརྒྱ་ནས་ཉིས་བརྒྱ་བར་རེ་ཡོང་བར་བྱས། དེ་ལྟར་བྱེད་པ་ལ་ཟླ་བོ་ཀུན་དགའ་དཔལ་བཟང་མ་གཏོགས། ཐོག་མ་…

ཆེས་ཀྱང་མེད་པ་དང༌། དེ་མེད་པས་གྲགས་པ་དང༌། ངོ་སོ་དང༌། རང་རེའི་ཕྱོགས་འཛིན་པ་སོགས་མི་ཡོད་སྙམ་པ་དེར་གདའ། འདི་ལོག་ལྟའི་ཞད་ཆེན་པོ་ཡིན་པར་འདུག ལོག་ལྟའི་གཉེན་པོར་རྗེས་སུ་དྲན་པ་དྲུག་སྒོམ་དགོས་པ་ཡིན། སངས་རྒྱས་བྱང་ཆུབ་སེམས་དཔའ་དག །ཀུན་ཏུ་ཐོགས་མེད་གཟིགས་པར་ལྡན། །ཞེས་པའི་དོན་འདི་ལ་བདག་ནི་ངེས་ཤེས་སྙིང་ཐག་པ་ནས་སྐྱེ…

མོ་མཐའ་ཡས་པ་ཡོད་པ་རྣམས་ཀྱང༌། མཐར་གཏུགས་ན་བསོད་ནམས་རྣམ་པ་གསུམ་དང༌། ཐོས་བསམ་སྒོམ་གསུམ་དང༌། རང་གཞན་སྨིན་གྲོལ་གྱི་མཛད་པ་ནི། སྟོན་དུས་ཀྱི་འབྲུག་སྒྲ་བཞིན་དུ་སྒྲ་འུར་ཁོ་ནར་འདུག་ན། བདག་ཅག་ལྟ་བུ་བང་མཛོད་ལ་མངོན་པར་དགའ་བ་ཡང་མ་ཡིན་ནོ། །ཡང་རང་གི་དགེ་བ་ཅུང་ཟད་རེ་བྱེད་ཟེར་ནས་དེ་ལ་བསྙད་པའི་གཡོག་རིགས་ལ་ཁྲལ་དང༌། ཞལ་ད…

ཚུལ་ཁྲིམས་རྣམ་པར་དག་པས་ཐོས་བསམ་གྱི་དགེ་བ་གཅིག་བཟང་བ་ཡིན། དེ་འདྲ་བརྒྱ་ཐམ་པ་ལས། བདེན་བཞི་སྟོང་ཉིད་བྱང་ཆུབ་སེམས་ཀྱི་དོན་ཡིད་ལ་བྱེད་པའི་དགེ་བ་གཅིག་དགའ་བ་ཡིན། དོན་འདི་ལ་ངེས་པ་རྙེད་པས་ངེད་ལ་རློམ་སེམས་མི་ཡོང་བའི་རྒྱུ་མཚན་ཡང་དེ་ལགས། འོན་ཀྱང་དེང་སང་ཚུལ་ཁྲིམས་དག་པ་དང་སྒོམ་ཡིད་བྱེད་དེ་ཉིན་མོའི་སྐར་མ་ལས་ཀྱང་དཀོ…

ད་ནི་རང་གི་བློ་འདོད་འཚོ་བའི་ལྷག་མ་ཇི་ཙམ་ཡོད་པ་འདི། ཡང་དག་པའི་དོན་ལ་མཉམ་པར་འཇོག་པས་དུས་འདའ་བར་བྱས་ན་ཅི་མ་རུང་སྙམ་པ་འདི་ཁོ་ན་ཡིད་ལ་བཅགས་པ་ནི་ལགས། འཇིག་རྟེན་ཆོས་བརྒྱད་ཀྱི་འདམ་དུ་བྱིང་བས་འགྲུབ་པར་ནི་དཀའ་བ་འདུག་ནའང༌། ཚེ་རབས་རྒྱུད་མ་ནས་རྒྱུད་མ། བསྐལ་པ་ནས་བསྐལ་པ་འབྱམས་ཀླས་པར་ཐེག་པ་མཆོག་གི་ཆོས་ལ་མོས་པ་དང༌། …

ང་ལ་ཕྱི་ནང་བར་གསུམ་ནས་མང་པོས་ཞོར་བཏེག་པའི་ཨར་འཁྱམས་ནས་ཕེབས་མ་ཐུབ། འདི་སྐབས་གཡེ་གོར་ཆོས་རྫོང་ན་བཞུགས་དུས། མི་ཞིག་ཡར་གནང་བྱུང་ནས། ཅུང་ཟད་སྐུ་ལྟེམས་ཀྱང་མ་ལོད་ཙམ་ཡོད། སླར་རིམ་གྲོ་སོགས་ཇི་ལྟར་གསུང་བ་ཞིག་བྱུང་བ་ལ། ད་ལམ་བསྙུང་བ་དེ་གྲིབ་དང་གདོན་གཉིས་ཀར་ཆེ། མི་ངན་གཅིག་མཇལ་བས་ཉིན་བསླངས་འདུག ད་ལམ་གྱི་འདི་རང་སྐ…

འབོད་མིར་བྱུང་བའི། དཔོན་ས་ཨ་ལྕེའི་དྲུང་ཞུད་ཁའི་རྐྱེན་གྱིས་ཐོར་པ་ནང་དུ་ལོག་པ་སོགས་ཤིན་ཏུ་ལྟེམ་པས་ཡོང་དགོས་ཚུལ་དང༌། སྡེ་སྲིད་རྒྱལ་བུའི་དྲུང་ཡང་ཤངས་ལ་ཕེབས་རྒྱུ་ཡིན་གསུང་བ་སོགས་འདུག་ལན་ལ་རྩེ་རང་དུ་བཞུགས་པས་ཁྱབ། ཤངས་ལ་མི་ལེགས་ཟེར་བ་ཕུལ་ནའང། ཞུ་ལན་མ་སླེབ་གོང་དུ་པ་སྣམ་ཚོར་ཕེབས་གྲུབ་འདུག་སྟེ་དེ་སྐབས་ཤངས་ལ་མ…

བྱུང་དེང་སང་དེ་འདྲའི་རིགས་ལ་མི་ཆོས་མི་ཤེས་པ། དགོས་དུས་མི་ཕན་པ་ཟེར་ནས་ཐམས་ཅད་ཁ་གཏོང་བར་འདུག ཆོས་དེ་མེད་ཁུངས་མེད་དུ་བཏང་ནས་འཇིག་རྟེན་གྱི་ཁྱེ་ཕོགས་ལ། ཆེ་བཞག་ཆུང་བཤོལ་གྱི་ཕན་ཐོགས་རྫུས་མ་རེས་མགོ་བོ་བསྐོར་དུ་ཕྱིན་ན། མི་ནག་པ་ཚོ་དགའ་བར་མ་ཟད། ཆོས་པ་ཚོ་ཡང་དེ་ཁ་རང་དགའ་བའི་ཁུངས་ཀྱིས་བསྟོད་ར་དིར་བྱེད་པར་འདུག མི་…

ཏུ་བསྙུང་བ་ལ་སྤྱན་འདྲེན་དོས་དྲག་བྱུང་བ་ལའང༌། སྦྱོར་དྲུག་འདི་ཆོས་གཞན་དང་མི་འདྲ་བས་བག་མེད་བྱས་ན་འཕྲལ་དུ་ཉེན་ཆ་ཆེ་ཞིང༌། ཕུགས་རྣམ་སྨིན་བརྗི་གསུངས་ནས་འཁྲིད་མ་གྲོལ་བར་དུ་ཕེབས་མ་ཐུབ། རྒྱལ་རྩེ་བདག་པོའང་དེ་རྗེས་སྐུ་འདས་ནས་མ་མཇལ་བར་གདའ། དགོངས་རྫོགས་ལ་ནི་ཕེབས་འདུག དེས་མཚོན་ཡང་སྒོས་སུ་ཡང་འདི་སྐབས་ལྟས་ཤིན་ཏུ་ངན་…

བཀྲ་ཤིན་ཏུ་ངན་པ་ཅིག་བྱུང༌། དེ་མཐུན་ཟུར་ཙམ་ཕུལ། འཁྲིད་མ་གྲོལ་ཙམ་ལ་སྡེ་སྲིད་ནས་བཀས་ཁྱབ་པའི་ཨ་ལྕེའི་དྲུང་གི་བྱང་ཆོག་སོགས་བྱུང༌། འཁྲིད་གཏོར་གྱི་ཟོར་འཕེན་སྐབས། ཕྱི་ནང་གི་རླུང་ལྟས་ཤིན་ཏུ་འཚུབ་པ་དང༌། ཁྲོམ་ཐམས་ཅད་ཀྱིས་ཚོར་བ་སྐུ་འབུམ་ཐང་དུ་སྒྲ་ཆེན་པོ་མི་བཟད་པ་ཅིག་བྱུང༌། དེ་ནས་འབོད་མི་ཡང་ཡང་གནང་བའི་སྟབས། བྱི་…

རྫོང་དུ་འབྱོར། དེའི་ནང་པར་ནས་ཀ་སྡེ་སྲིད་རྒྱལ་བུའི་དྲུང་དུ། དབང་བཀའ་རྣམས་འབུལ་བའི་འགོ་བརྩམས། ཡིད་ཡུལ་མ་བདེ་བ་ཅིག་ལ་ཞག་གསུམ་བཞི་ཙམ་སོང་སྐབས། དབུས་ནས་སྡེ་སྲིད་སྔ་སོར་ཐོར་པས་བསྙུང་བ་ད་དགོས་དགའ་རབ་ཡོང་བ་འདྲ་གསུམ་བ་ཅིག་ཕེབས་བྱུང༌། དེ་རྗེས་གཞུང་ལམ་དེ་ཀུན་ལ་དམག་མི་དམ་དུམ་འགྲོ་མཁན་དང༌། རིངས་རིངས་འདྲ་བའི་མི་འ…