འཇམ་དབྱངས་རིན་རྒྱལ་བའི་ཡིག་སྐོར་གྱི་ལུང༌། གྲུབ་ཐོབ་ཆོས་དྲུགམདོ་སྡེ་དཀོན་བརྩེགས་ཀྱི་ལུང་ལ་སོགས་པ་ཆོས་ཀྱི་རྣམ་གྲངས་ཤིན་ཏུ་མང་བ་སོ་སོའི་འདོད་ཆོས་སུ་སྩལ་བ་རྣམས་ཀྱང་ཐམས་ཅད་ཐོབ། ཚེ་འདིར་ཉམས་ཁྲིད་ཐོབ་པའི་ཐོག་མ་སྦྱོར་དྲུག་ལགས་ཤིང༌། དམ་པོ་གྲོལ་ནས་མཁར་ཁར་སྡོད་རིང་དེ་ལ་རྒྱུད་བླའི་འཕྲོས་དང༌། རྒྱུད་ཀྱི་རྒྱལ་པོ་བ…

སོང་ཞིང༌། ངེད་ཀྱིས་དེ་མཚམས་བླངས་པ་གསེར་གླིང་དུ་ཕྱིན། ཟླ་བ་ཕྱེད་གཉིས་ཙམ་བསྡད་པ་ཆོས་རྗེ་ཀུན་བཀྲས་པས་མཐུན་རྐྱེན་ཕུན་སུམ་ཚོགས་པ་ལ་བརྟེན་སྐྱིད་དུ་ཚོར་བ་བྱུང༌། དེར་ཡང་སློབ་གཉེར་གྱི་ངོ་བོ་སྔར་གྱི་འཕྲོས་ལ་ཕར་ཚད་ཀྱི་ཊཱི་ཀ་སོ་སོ་ནས་གང་ལ་གང་འཚམས་སློབ་དཔོན་མཁས་པའི་ཞལ་ལས་བླངས་ཤིང༌། རྒྱུད་བླ་ལ་བཤད་པ་ཚར་གཅིག་གནང་བ…

མི་འདྲ་བ་གོ་བ་འཆར་འཆར་འདྲ་བ་ཡོང་གིན་འདུག་ནའང༌། ཆོས་བྱེད་ལུགས་ངེད་ཅག་གི་རིགས་འདི་ལ་དགོས་དོན་ཆུང་བར་ཤེས་ནས་རྩོལ་བ་བྱེད་པ་མ་བྱུང་ངོ༌། །སྤྱིར་ནས་བྱང་ཆུབ་སེམས་དཔའ་མཆོག་ཤིང་རྟ་ཆེན་པོའི་རིང་ལུགས་ལ་འགངས་ཆུང་ཟཻར་བ་ལྟ་ག་ལ་ཡིན། མཁས་མཆོག་ཐམས་ཅད་ཀྱི་འཇུག་ངོགས་ཡིན་པ་གཞིར་བཅས། དགུན་དེ་བླ་བྲང་ཤར་གྱི་དཔེ་ཆ་རྣམས་ལ་དཔ…

ནས་བཟུང་ནས་མཐུན་རྐྱེན་ཡང་མ་འཕོངས་ཙམ་དང༌། ཁྱད་པར་ཇ་བསྐོལ་རྒྱུ་འབད་མེད་དུ་བྱུང༌། དེ་ནས་ཚེས་བཅུ་ལ་འབྲོང་རྩེར་སླེབ་ཙམ་བྱས། སྟག་རྩེ་དང་ལྷུན་གྲུབ་རྩེར་ཁོར་ཙམ་ཕྱིན་ནས། དཔོན་སློབ་ཐམས་ཅད་རི་ཁྲོད་ཆེན་པོ་བསམ་སྡིངས་སུ་ཕྱག་ཕེབས། ཟླ་བ་གཉིས་ཙམ་གྱི་བར་དུ་རྗེ་བཙུན་རྡོ་རྗེ་འཆང་ཆེན་པོར། ཆོས་ཀྱི་སྒོ་བགྲང་བ་ལས་འདས་པ་ཐོབ…

ཞིག་ཕྱིན། ར་ལུང་ནས་སྤྱན་འདྲེན་གནང་བ་ལྟར་རྗེ་བཙུན་རྡོ་རྗེ་འཆང་ཆེན་པོ་སླར་ཡང་ར་ལུང་དུ་ཕེབས་པ་གནང་སོང་ཞིང༌། བདག་གིས་བསམ་སྡིངས་སུ་འོངས། དེ་སྐབས་དུས་འཁྲུག་གི་ཟིར་བུན་ཡང་ཆེ་བར་ཡོད། རྩེ་ཆེན་ནས་འོང་ནས་དེ་བར་དུ་ཆོས་ཐོབ་ཆེ་ཞིང་ཟབ་མོའི་དོན་ལ་བློ་སྐྱེད་ཆེ་བར་བྱུང་ཡང༌། མདོ་ཕྱོགས་ཀྱི་སློབ་གཉེར་འཕྲོ་ཆད། སླར་ཡང་འཕྲ…

སྣང་ཆེ་བར་མཛད་ཀྱིན་འདུག ཐོག་མར་ངོས་ཀྱིས་འཇམ་དབྱངས་བླ་མའི་རྣལ་འབྱོར་ཞིག་ཞུས་ཤིང༌། ཕར་ཡང་ཆོས་འབྲེལ་ཞིག་དགོས་གསུང་བ་ལྟར་བླ་མའི་རྣལ་འབྱོར་ཞིག་ཀ་ཕུལ། ཡར་ལམ་སྣར་ཐང་སོགས་བརྒྱུད་ནས། རྗེ་ཀླུ་སྒྲུབ་པས་འབོད་མི་གནང་པ་ལྟར་བྱ་རྒོད་གཤོངས་སུ་ཁོར་ཙམ་ཕྱིན་རིམ་པས་ཇོ་ནང་དུ་སླེབ་རྗེ་དྲུང་དང་མཇལ་ཙམ་བྱས་ཤིང༌། ཧོར་ཟླ་བཅུ་ག…

ལྷོ་ཐད་དེར་གྲོག་པོ་ཞིག་ཏུ་རྟ་བབས་ནས་ཅུང་ཟད་སྡོད་དགོས་བྱུང༌། ཇ་དཀར་ཡོལ་གང་འཐུང་རིང་ཙམ་དབུགས་ཀྱི་རྒྱུ་བ་ཡང་འགགས་སློབ་དཔོན་རིན་པོ་ཆེ་དང༌། ཟླ་བོ་རྣམས་ཐུགས་འཚབ་ལ་གཏད་པར་གདའ། ང་རང་གི་སྣང་བ་ལ་ད་ལྟའི་སྣང་བ་འདི་ནུབ་ཅིང༌། ཧེ་རུ་ཀའི་སྐུའི་རྣམ་པ་མང་པོས་ནམ་མཁའི་དབྱིངས་ཐམས་ཅད་ཁྱབ་པའི་སྣང་བ་ཙམ་བྱུང༌། ཕྱིས་བསམས་དུས…

ལམ་དུ་རི་ཆེན་པོ་ཞིག་གི་རྩེ་ན། བྲམ་ཟེ་རིན་ཆེན་རྡོ་རྗེའམ་ཁ་ཆེ་ཨ་མོ་གྷ་ཡིན་ནམ་སྙན་པའི་པཎྜི་ཏའི་རྣམ་པ་གཟི་བརྗིད་ཅན་ཞིག་ལ་བུད་མེད་སུམ་ཅུ་བཞི་བཅུས་བསྐོར་བ་ཞིག་འདུག དེའི་ཞལ་ནས་ཁྱོད་སྔར་འཁོར་ལོ་སྡོམ་པ་ལ་མཆོད་པ་རྟག་ཏུ་བྱེད་པ་ཡིན་པ་ལ། ཕྱིས་མ་བྱས་པར་ཡུན་རིང་རབ་སོང༌། བདེ་མཆོག་གི་རྒྱུད་ལ་ཐོས་བསམ་སྒོམ་གསུམ་གྱིས་ན…

ངེས་ཤེས་སྐྱེ་བ་བྱུང༌། བླ་མ་དག་པའི་བཀའ་ལུང་གིས་ཤུག་ཁྲོད་ཀྱི་ཁྲི་ཐོག་ཏུ་བསྐོ་བར་གནང༌། བླ་མ་དམ་པས་ཕྱག་ནས་གཏོར། བདག་པོ་ནམ་མཁའ་རྒྱལ་པོ་སྐུ་མཆེད་ཀྱིས་ཀྱང་ཁྲི་སྟོན་སོགས་གནང་བ་ཡིན་ཀྱང༌། ཕྱིས་བླ་མ་དམ་པ་སྐུ་ཆོས་དབྱིངས་སུ་གཤེགས་རྗེས། དྲུང་ཆེན་པས་ངེད་ལ་གྲོས་ཙམ་ཡང་མ་དྲིས་པར་བྱང་རང་དུ་ཕུལ་བ་ཡིན། དེ་ནས་ཧོར་ཟླ་གསུམ…

ཟེར་བའི་བདེ་མཆོག་གི་སྐུ་མདའ་གང་ཙམ་ཞིག་འོད་ཁྲོམ་མེར་འདུག རང་གི་ལུས་སོགས་འདི་ཡིན་མེད་པ་ལ་དེ་ལ་ཕར་བལྟ་ཞིང་ངོ་མཚར་ཆེ་སྙམ་པ་ཞིག་ཤར་རོ། །རབ་དྭངས་སེམས་ཀྱི་ཆུ་མཚོར་སྲིད་ཞི་ཡི། །སྣང་བརྙན་གསལ་བར་འཆར་ལ་ཡ་མཚན་ཅི། །བྱིན་རླབས་ཟེར་མ་གཅིག་གིས་དངོས་གྲུབ་ཀུན། །འགྲུབ་འགྱུར་བླ་མ་དམ་པའི་མཐུ་འདི་མཚར། །མཚམས་གྲོལ་འཕྲལ་ལ་ཉེ…

འགྲེལ་ཀུན་ལ་དཔེ་བལྟ་རེ་ཡང་མ་ཆག་པར་བྱས། དེ་སྐབས་མཁན་རིན་པོ་ཆེས། རྗེ་འཕགས་པའི་དྲུང་གདན་སར་བསྐོ་བཞག་གནང་བ་དཔོན་སློབ་གཉིས་ཅར་དུ་ཇ་ཞུས་གང་བཟབ་རེ་ཕུལ་ཞིང༌། མཚམས་གྲོལ་འཕྲལ་མཁན་རིན་པོ་ཆེ་མཇལ་བ་དང་ཆོས་ཞུའི་བཞེད་ཆེན་པོ་ཡོད་ནའང༌། གསང་སྟབས་ནས་ནུབ་ཆོས་ལུང་དུ་འཕྲལ་ཕེབས་ཤར། ཆོ་འཕྲུལ་གྱི་རིང་ལ་སྒྲོལ་མ་ལྷ་ཁང་དུ་གསུང…

ནོར་པོ་ཆེ་དེ་མིན། གང་ཡོད་དགེ་བ་ལ་གཏོང་མཁན་ཅིག་དེ་དུས་ནས་ཡིན། སྡེ་དཔོན་དང་མི་ནག་པ་ལ་ཡོན་གནས་འཆོལ་མཁན་གྱི་བླ་རྫུས་ཚོ་དང་ཅུང་མི་འདྲ་ལགས། དེ་ནས་ཛོ་གི་མང་པོ་དང་ཡང་ལམ་སྡེབས་བྱུང་སྟེ་རང་ཡུལ་དུ་བརྟོལ། དྲིན་ཅན་གྱི་མ་དང་མཇལ་ཞིང་ཞག་ཤས་བག་ཕེབས་པར་བསྡད། ཆུ་བོ་རིའི་གྲུ་ལ་ཐོན། ཀུན་ཆོས་པ་ཡར་འབྲོག་ནས་གཟུང་ནས་ཆུ་ནད་བ…

དྲུག་ཙམ་བསྲེས། ཉིན་རེ་བཞིན་སྐུ་རྣམས་ལ་གཏོར། དྲི་བཟང་གི་བདུག་སྤོས་དང་སྙན་དར་ཀྱང་རང་བློ་ཚིམ་པར་འབུལ་རྒྱུ་བྱུང༌། ལྷ་ས་རང་དང་ར་མོ་ཆེ་དང་ལྷ་ཁང་རྨེ་རུ་ཕོ་བྲང་དམར་ལྕགས་གྲིབ་མདའ་ལྷ་ཁང་ཚུན་ཆད་ཀྱི་ལྷ་ཐམས་ཅད་ལ། གསེར་ཞལ་ཡང་བཟང་རབ་བྱུང༌། ལྷ་ཁང་སོ་སོར་སྨོན་ལམ་ཡང་མང་དུ་བཏབ། དེ་ནས་ཡེར་བ་མཇལ་བར་ཕྱིན། སྟག་ལུང་ནས་དཔོན…

ལ་སྒྲུབ་ཐབས་བརྒྱ་རྩའི་རྗེས་གནང་དང༌། ནཻ་གུ་སོགས་ཅི་རིགས་པར་བཤད། བཀའ་ནན་ཆེར་སྩལ་བ་ལ་བརྟེན་ཏེ། ཞབས་དྲུང་དུ་འཇམ་དཀར་གྱི་རྗེས་གནང་ཞིག་གིས་ཐོག་མའི་ལེགས་བྱས་ཀྱི་སྒོ་ཕྱེ་ནས། དགོངས་བཞེད་ལྟར་ཆོས་བཀའ་ཅི་རིགས་པ་ཕུལ། འདི་སྐབས་སྟག་ལུང་དུ་ཟླ་བ་ཕྱེད་དང་གཉིས་ཙམ་སོང༌། བར་སྐབས་ཤིག་རྭ་བསྒྲེང་མཇལ་བར་ཕྱིན། ཕར་ལམ་སེར་གླའི…

དེ་སྐབས་ཆུ་ཤིན་ཏུ་ཆེ་བས་ལྷ་ས་དང་ར་མོ་ཆེའི་བར་གྱི་ཆུ་ལ་ཡང་ཀོ་བ་གཏོང་དགོས་ཞག་ཁ་ཡར་བྱུང༌། སྐོར་ལམ་ཐམས་ཅད་ཀྱང་ཆུས་ཁེངས་ཤིང་ཆུ་རགས་འཕྲལ་འཕྲལ་བརྩིགས་ཀྱང་འཕྲལ་འཕྲལ་ཞིག་འགྲོ་བའི་མི་ཐམས་ཅད་སུན་ཞིང་གཙུག་ལག་ཁང་ལ་ཆུ་ཉེན་ཤིན་ཏུ་ཆེ་བར་འདུག་སྟེ་དཀའ་ཚེགས་ལ་མ་འཛེམ་པར། ཇོ་མཇལ་ལ་ལན་གཉིས་གཉིས་དང༌། ར་མོ་ཆེར་ལན་རེ་འཆག་མེ…

མཆོད་སྨོན་ལམ་ཡིད་ཚིམ་བར་བྱས། དེ་ནས་ལྷུན་རབ་ཏུ་འབོད་མི་ནན་ཅན་བྱུང་བ་བཞིན་ཕྱིན། གཞའ་རི་སྐྱེད་ཚལ་བ་རྣམས་ནང་འཁྲུག་གི་སྐབས་ཤིག་ན་འདུག་ཞལ་ངོ་རྣམས་ཀྱིས་གཞི་ལེན་བཟབས། དེའི་སང་འབྲང་མདའི་ཆུགས་ལ་འཐོན་འབྲང་ཕུ་དགོན་པར་སླེབ། དེ་མཚམས་སློབ་དཔོན་རིན་པོ་ཆེ་བསམ་སྡིངས་ལ་ཕེབས། ངེད་ཀྱིས་ཟླ་བ་གཅིག་ཙམ་བསྡད་ཅིང༌། མི་ངོ་རྣམས…

དུ་གུང་ཚིགས་བྱས། སྣ་དཀར་རྩེའི་ཀླུ་སྡིངས་སུ་སླེབ། དེ་ནུབ་རྨི་ལམ་དུ་བུད་མེད་ཅིག་ན་རེ། མར་དོ་ལོ་ཙཱ་བ་དེ་བདེ་མཆོག་འཁོར་ལོ་རང་ཡིན་ཏེ་མཁས་སུ་རེ་བ་འགའ་ཞིག་གིས་སྐུར་པ་བྱེད་ཀྱིན་འདུག ཁྱེད་རང་མར་དོའི་གསུང་ལ་ལྟོས་དང་འཁོར་ལོ་སྡོམ་པའི་ངེས་གསང་རྣམས་དེ་ན་ཡོད་ཟེར་བ་ཞིག་བྱུང༌། ཕྱིས་གླང་མཚོའི་འགྲམ་དུ་བུད་མེད་ཁྱིམ་མ་ག…

ལ། དཔལ་ལྡན་བླ་མ་དམ་པ་མཁས་པའི་དབང་ཕྱུག་སློབ་དཔོན་རིན་པོ་ཆེའི་དྲུང་གིས་དོན་གཉེར་མང་དག་ཞིག་གི་ངོར། བཅོམ་ལྡན་འདས་དུས་ཀྱི་འཁོར་ལོའི་དཀྱིལ་འཁོར་ཆེན་པོ་བཞེངས་སུ་གསོལ་ཏེ། དབང་བསྐུར་ཆ་གསུམ་བཞི་གནང་བར་སྒོ་དོད་པ། དངོས་ཀྱིས་ཀྱང་བདག་པོ་ཆེན་པོའི་དབང་གི་བར་རྫོགས་པར་ཞུས། འདིའི་གོང་ཙམ་དུ་ཆོས་ལུང་བྱང་རྩེར་མཆེད་གྲོགས་…

བསྡུས་རྣམས་ལ་སྒྲུབ་ཐབས་རྒྱ་མཚོའི་རྗེས་གནང་དང་ཁྲིད་ཚུལ་ཐད་ཐུད་འདྲ་བཤད། དེ་སྐབས་དུས་འཁྲུག་གི་སྐབས་ཡིན། དེ་ནས་ལ་སྨད་ཀྱི་དཀར་ལའི་སྒྲུབ་གནས་དེ་མཇལ་དུ་ཕྱིན་པས་བག་ཆགས་ཅུང་ཟད་ཞིག་སད། བྱང་ཕུག་གི་ཇོ་བོ་མཇལ་ཞིང་ཞག་གསུམ་གྱི་བར་དུ་ཕྱག་དང་སྐོར་བ་ཅི་ནུས་བྱས། དཀར་མེ་སྙན་དར་ཡང་མང་རབ་འབུལ་རྒྱུ་བྱུང༌། སྟག་སྣ་ཆུ་འདུས་ཉ…

པར་བཞུགས་འདུག །དངོས་ཀྱིས་མཚོ་སྒོ་དང་མང་མཁར་བདེ་སྐྱིད་གླིང་བརྒྱུད། ལྷ་རྩེ་རྫོང་དུ་བདག་པོ་ནམ་མཁའ་རྒྱལ་པོ་དང་མཇལ། ཧོར་ཟླ་དགུ་པའི་ཟླ་སྨད་སྒྲུབ་གནས་ཆོས་ལུང་རྩེར་སླེབ། རྗེ་བཙུན་བླ་མ་དམ་པ་འཇམ་པའི་དབྱངས་དང་ཞལ་མཇལ། དེ་ནས་མི་རིང་བར་གསུང་ངག་རིན་པོ་ཆེ་ལམ་འབྲས་ཀྱི་དབང་ཁྲིད་ཤིན་ཏུ་སྨིན་པ་དེའི་འགོ་ཚུགས། མཻ་ཏྲི་མཁའ…