འཕྲུལ་མཐའ་ཡས་པ་བསྟན་ཏོ། །དེ་ལྟར་ན་རྣམ་ཐར་གཏམ་རྒྱུད་དེ་དག་ནི། སློབ་དཔོན་གྲུབ་ཐོབ་ཀུ་ས་ལི་པའི་གསུང་ལོ་རྒྱུས་ཀྱི་སྡོམས་ལ་སྲོགས་ཤིང་བཅོལ་ཏེ། རྒྱ་བོད་ཀྱི་ལོ་རྒྱུས་གཞན་ཡིད་ཆེས་ཡོད་ངེས་རྣམས་ལས་ཁ་བསྐང་སྟེ་བྲིས་པ་ཡིན་པས་ཤིན་ཏུ་རྣམ་པར་དག་པ་སེམ་མོ། །སློབ་དཔོན་འདིས་དང་པོ་ཡུལ་ཛ་ལནྡྷ་ར་ནས་བྱོན་པའི་དུས་ནས། ཕྱིས་དེ…

མོ་བྱས་པའི་གྲངས་རྣམས་བགྲངས་ན། ཕྱི་ལྕགས་རིས་བསྐོར་བའི་གྲོང་ཁྱེར་ཚད་ལྡན་གཅིག་གི་གྲོང་མིའི་གྲངས་སུ་ལོངས་པ་རེའི་དབང་དུ་བྱས་པས་གྲོང་དེ་ཙམ་བསེ་བ་ཚེགས་སུ་སྟོངས་པ་སྟེ། དེ་ཡང་རྒྱ་གར་གྱི་གྲོང་ཁྱེར་རེ་རེ་ལ་ཡང་མི་གྲོང་ཁྲི་ཕྲག་མང་པོའམ། འབུམ་ཕྲག་བགྲང་པ་ཡོད་དོ། །ཡང་རྟག་ཏུ་རྗེས་སུ་འབྲང་བའི་འཁོར་སྟོང་དང་བཞི་བརྒྱ་ནི།…

འཕྲུལ་གྱིས་འགྲོ་བར་ནུས་ཤིང༌། རིག་པའི་བརྟུལ་ཞུགས་སྤྱོད་པའང་ཡིན་ནོ། །གྲོང་ཁྱེར་བཅུ་གསུམ་གྱི་མི་རྣམས་རྣལ་འབྱོར་པར་གྱུར་པ་ལ། རྣལ་འབྱོར་པ་འབུམ་སྡེ་བཅུ་གསུམ་ཞེས་གྲགས་ཏེ། འཕགས་ཡུལ་གྱི་ས་ཕྱོགས་ཐམས་ཅད་ནང་པ་སངས་རྒྱས་པའི་གསང་སྔགས་པ་རྣལ་འབྱོར་ཕོ་མོས་ཁྱབ་པ་ལྟར་གྱུར་ཏེ། རབ་ཀྱིས་མཆོག་འགྲུབ་པ་དང༌། གཞན་མང་པོས་ཐུན་མོ…

ཀས་ལུང་བསྟན་པ། གང་ལས་རྣམ་པ་དྲུག་གི་ངག་ཚིག་དཔྱོད་གསལ་བ། །ཞེས་འབྱུང་བ་དང༌། སྔར་བོད་དུ་གྲགས་པ་ལྟར་ན། གཞུང་དྲུག་རྩོམས་ཤིག་ཅེས་ལུང་བསྟན་པའི་གཞུང་དྲུག་གི་ངོས་འཛིན་ལ། སློབ་དཔོན་ཀུ་ས་ལ་བྷ་དྲ་ཆུང་བ་ན་རེ། དང་པོ་བསམ་གཏན་གཞུང་ཡིན་ཏེ། །ཡེ་ཤེས་ཀྱི་ནི་དེ་བཞིན་གཉིས། །གསུམ་པ་རིག་པའི་བརྟུལ་ཞུགས་ཏེ། །གཞན་ལ་གསང་སྔགས་སྦ…

འོན་ཀྱང་ཆ་ཤས་ཕྲ་མོ་ཙམ་ནས་རྩི་དགོས་པ་མ་ཡིན་པས་གཞུང་གི་གཙོ་པོ་དྲུག་གོ །དེ་ཡང་དབང་ཆོག་དང༌། སྒྲུབ་ཐབས་དང༌། སྦྱིན་སྲེག་དང༌། དཔྱིད་ཀྱི་ཐིག་ལེ་དང༌། རིམ་པ་བཞི་པ་དང༌། གསང་བའི་དེ་ཁོ་ན་ཉིད་དེ་དྲུག་གོ་གསུང་ངོ༌། །ད་ལྟ་བོད་ན་ཡོད་པའི་སྦྱིན་སྲེག་གི་ཆོ་ག་འདི། སློབ་དཔོན་ཆེན་པོའི་གསུང་དངོས་མ་ཡིན་པར། མར་དོ་ལོ་ཙཱ་བ་བཞེད…

ཟླ་བ་འདུལ་བར་བྱོན་པའི་སྐབས་དེའི་སྔོན་དུ། ཡུལ་དབུས་ནས་ཤར་ཕྱོགས་ལ་འབྱོན་པའི་ལམ་ཀ་རྣམས་སུ། རྡོ་རྗེ་ཕག་མོ་མཛེ་མོའི་རྣམ་པ་དང༌། ཤིང་ཐོག་བསྲུང་བའི་བུ་མོར་སྤྲུལ་པ་དང༌། དཔལ་ཧེ་རུ་ཀ་ཐོད་མཁན་དང༌། གློག་དར་མཁན་དུ་སྤྲུལ་པས་སྤྱོད་པའི་དུས་མ་ཡིན་ཞེས་བཟློག་པ་དང༌། བྷངྒ་ལ་ཕེབས་ནས་རྒྱལ་བློན་གྱིས་བྲིས་སྐུ་ལ་ཞག་བདུན་མཆོད་…

དགོས་པ་དང་ལྡན་མཐོང་བས་དད་དེ་མཆོག་ཏུ་གུས་པས་འདུད། །ཅེས་བསྟོད་པས་མི་སྣང་བར་གྱུར། ཅེས་ཟེར་བར་སྣང༌། ཚིག་བཅད་རྟིང་མ་འདི་རྒྱ་གར་བའི་ངག་སྒྲོས་ཅིག་ཡིན་པར་འདུག བཅོམ་ལྡན་འདས་ཀྱིས་གསུངས་པར་བྱེད་པའི་ཚིག་སྔ་མ་དྲུག་བོ་རྣམས་བོད་ཚིག་ཏུ་གསལ། སྔར་བཤད་མཛེ་མོ་སོགས་ཀྱིས་དེ་བཱི་ཀོ་ཊར་བགྲོད་པ་ལས་བཟློག་པ་ཡིན་ན་མི་འགལ་མོད་ཀ…

སྡོམ་པའི་དགོངས་འགྲེལ་ཤས་ཆེ་བས་འདི་ཉིད་རྒྱུད་དེའི་ལུགས་ལ་གྲུབ་པ་ཐོབ་པ་ཡིན་པར་ཐམས་ཅད་འདོད་པ་མཐུན། དེའི་སྟེང་དུ་ལྷག་ཆོས་ལ། རྒྱ་གར་བའི་དགྱེས་རྡོར་བ་རྣམས་དང༌། གསང་འདུས་པ་རྣམས་དང༌། གཤིན་རྗེ་གཤེད་ནག་པོ་མཁན་རྣམས་ཀྱང་རྒྱུད་དེ་དང་དེའི་སྒྲུབ་པ་པོ་ཡིན་ནོ་ཞེས། སློབ་དཔོན་འདི་ལ་སུ་ཐོབ་ཀྱི་ཚུལ་དུ་བྱེད་མོད་ཀྱི། དོན་…

ཡུལ་ཨ་ལ་ཀ་ན་ལོག་ལྟའི་རྒྱལ་པོ་མ་ཧུ་བ་ཟེར་བ་ཅིག་གི་སར་བྱོན། ཁྱེད་ཀྱི་ཆོས་ལ་ཡིད་ཆེས་ཅི་ཡོད་ཟེར། ཁྱོད་ཉིད་གང་འདོད་བྱས་པས། གསེར་ལ་དགའ་ཟེར། སློབ་དཔོན་འདིས་སྣོད་ཆེན་པོ་གཅིག་ནམ་མཁའ་ལ་བཟེད་པས་གསེར་གྱིས་གང༌། རྒྱལ་པོ་དེ་ཡ་མཚན་སྐྱེས་ནས་ཆོས་ལ་ཞུགས་སོ། །ཕྱིས་སློབ་དཔོན་སྤྱོད་པ་བ་ཏཾ་བ་ལའི་ཡུལ་དུ་བཞུགས་དུས་གཅིག་ཕྱག་…

དུ་གསུངས་པས། དེ་རྣམས་ཐམས་ཅད་གཉིད་དུ་སོང༌། ཞག་བདུན་གྱི་བར་དུ་མ་སད་དོ། །དེར་གཞན་རྣམས་ཀྱིས་ནུས་པ་དཀྲོལ་བར་ཞུས་པས། ཕྱག་སེ་གོལ་གཏོག་པས་ཐམས་ཅད་གཉིས་སད་དོ། །དེ་ནས་ངོ་མཚར་སྐྱེས་ནས་དེ་རྣམས་སློབ་དཔོན་མ་ཧི་ལའི་ཞབས་ལ་གཏུགས། སངས་རྒྱས་ཀྱི་བསྟན་པ་ལ་ཞུགས་ཤིང༌། དེ་དག་གི་ནང་ནས་དངོས་གྲུབ་ཐོབ་པ་ཡང་མང་དུ་བྱུང་ངོ༌། །གསུམ…

ཅིག་ཏུ་རབ་ཏུ་བྱུང་ནས། སྤྱན་རས་གཟིགས་ཀྱི་རྣལ་འབྱོར་བ་ཞིག་ལ་དབང་ཞུས་ནས་བསྒོམ་ཞིང་འདུག་གོ །སློབ་དཔོན་སྤྱོད་པའི་རྡོ་རྗེ་འཁོར་བཅས་ལམ་ལ་འབྱོན་པ་མཐོང་ནས། དད་པ་སྐྱེས་ནས་ཕྱི་བཞིན་འབྲངས་སོ། །ལན་ཅིག་སློབ་དཔོན་གྱི་ཞབས་ལ་ཕྱག་འཚལ་དུ་ཕྱིན་པས། ཁྱོད་ཀྱིས་སྤྱན་རས་གཟིགས་བསྒོམས་སམ་གསུང༌། བསྒོམས་ཞུས་པས། འོ་ན་ཞལ་བལྟ་བར་འ…

གཉིས་ན་རེ། སྐྱེ་བ་སྔ་མ་ཡོད་དེ་རྒྱལ་པོ་ཁྱེད་རང་སྐྱེ་བ་སྔ་མ་ཞིག་གདོལ་བར་སྐྱེས་པའི་དུས། རབས་ཆད་པས་གསེར་ཡོད་པ་རྣམས་རི་འདིའི་མཚན་རྟགས་འདི་ལྟ་བུར་སྦས་འདུག་པ། དེ་ཐོན་ཞིགདེ་དུས་ཀྱི་སྐྱེ་བ་དྲན་འོང་གསུང༌། དེས་ཀྱང་དེ་བཞིན་དུ་བྱས་པས་སྐྱེ་བ་དྲན། རྒྱལ་པོ་དེ་ཆོས་ལ་བཅུག་གོ །ཐོག་མར་དུག་སྦྲུལ་དང༌། གཅན་གཟན་དང༌། ཆོམས་པ…

རྗེས་སུ་འཛིན་པར་ཞུས་པས་སྐལ་ལྡན་དུ་མཁྱེན་ཏེ་དབང་བསྐུར་ཞིང་རྗེས་སུ་གདམས། དབང་བསྐུར་བ་ཙམ་གྱིས་ཡེ་ཤེས་དང་ལྡན་པར་གྱུར་མོད་ཀྱི། ཕལ་ཆེར་བླ་མའི་དྲུང་དུ་བཞུགས་ཤིང༌། བླ་མ་བསྟེན་པའི་སྒོ་ནས་དཀའ་བ་སྤྱོད་ཅིང་ཡུན་རིང་ལོན་ནོ། །ལན་ཅིག་ལམ་དུ་སོང་བ་ན། མུ་སྟེགས་ཀྱི་རྣལ་འབྱོར་པ་མང་པོས་ཁྱོད་སློབ་དཔོན་ཙརྱ་པའི་སློབ་མ་ཡིན་ན…

དེར་མཆོད་རྟེན་དང་ལྷ་ཁང་ཞིག་ཀྱང་བཞེངས་སོ། །དེ་དག་གི་བྱ་བ་ཡང་མི་ཕལ་བ་བཞིན་དུ་མཛད། དེ་ནས་བླ་མའི་སྐུ་ཚེ་ལ་བར་དུ་གཅོད་པར་བྱེད་པའི་གདུག་པའི་མཁའ་འགྲོ་མ་དེ་གང་ན་འདུག་ཅེས་འཚོལ་བར་བཞུད་དེ། རྫུ་འཕྲུལ་གྱིས་གནས་ཆེན་གཞན་ཐམས་ཅད་དང༌། དུར་ཁྲོད་ཐམས་ཅད་དུ་བཙལ་ཡང་མ་རྙེད་དོ། །དེ་ནས་མངོན་ཤེས་ཀྱིས་རིང་དུ་བརྟགས་པས། དེ་བཱི་…

འཇིག་རྟེན་པའི་ལྷ་ཁང་ཞིག་ཏུ་ཚོགས་འཁོར་མཛད་གསུང་ཚོགས་རྫས་བསྣམས་ཏེ་བཞུད། སྒོ་བསྡམས་ཏེ་སུ་ཡང་མི་གཏོང་བར་འདུག་པ་ལ། ལན་ཅིག་སྒོ་གསེང་ཅིག་བྱུང༌། རྒྱལ་པོས་བལྟས་པས། རྡོ་རྗེ་སེམས་དཔའ་ལྷ་སུམ་ཅུ་རྩ་བདུན་དུ་བཞེངས་པར་མཐོང་སྐད། དེར་རྒྱལ་པོས་མཐོང་བ་དང་མཐུན་པའི་ལྷ་ཁང་བཞེངས་པར་ཞུས་པས། དེ་ལྟ་བུ་སྐལ་མེད་ཀྱི་བལྟར་མི་རུང་…

གྱུར། ཁ་ཆེའི་རྒྱལ་པོའི་དམག་གིས་ཡུལ་དེ་ཡང་མནན་ཏེ་ཆོས་དབུ་འཕང་མཐོ་བར་མཛད་དོ། །དེ་སྐབས་ཀྱི་ཁ་ཆེའི་རྒྱལ་པོ་ནི་ཧརྵ་དེ་བ་ཡིན་པར་གྲགས། བློན་པོའི་བུ་ཤིན་ཏུ་རྨོངས་པ་བློ་ཞན་པ་རྡུལ་བ་ཞིག་གིས། རྭ་དུང་དེ་བླངས་ཏེ་འགའ་རེར་བུས་པས་སྐད་ཅིག་དེ་ལ་སྐད་དང་བསྟན་བཅོས་མཐའ་དག་ཤེས་པ་ཅིག་བྱུང་མིང་ལ་སྭཱ་ཡམྦྷུ་ར་ཛ་ཟེར་ཏེ། ཕྱིས་ཁ…

ལ་ལས་མ་མཐོང༌། ལ་ལས་མཐོང་ཡང་རེག་ཐོགས་མེད་དེ། འཇའ་ཚོན་བཞིན་དུ་གྱུར་པས་ཅི་བྱར་ཡང་མ་བྱུང་ངོ༌། །ཇི་ཞིག་ལྟར་ན། སློབ་དཔོན་གྱིས་དགོངས་པ་བརྟད་པས་མཚོ་ཁོལ། འགྲམ་ཕྱོགས་གཅིག་གི་ས་སྒངས་རྣམས་དྲལ་ཏེ། ཆུ་རྣམས་ཕྱིར་ཕོ་བས་མ་ཁ་བའི་རྟ་བ་མང་པོའང་ཁྱེར། མཚོ་བསྐམས་ཤིང༌། ཀླུ་གདུག་པ་ཅན་ཡང་རྫུ་འཕྲུལ་ཉམས་ཏེ་གྲགས་པ་མེད་པར་གྱུར་ས…

ལྟ་ཞིང་ལྷན་ཅིག་སྐྱེས་པའི་དོན་བསྒོམས་པས་དེ་རྣམས་སྒྱུ་མ་ལྟ་བུར་ཤར། དེའི་རྐྱེན་གྱིས་ཡང་དག་པའི་ཡེ་ཤེས་ཕྱིན་ཅི་མ་ལོག་པ་རྒྱུད་ལ་སྐྱེས་སོ། །དེ་ནས་ལྟ་སྟངས་བརྒྱད་ལ་སོགས་པ་ཡང་རིམ་པས་གྲུབ། ཡང་ལན་ཅིག་དྲོད་རྟགས་དང༌། མིག་སྨན་ལ་སོགས་པའི་དངོས་གྲུབ་སྒྱུ་མས་སྒྱུ་མ་བསླུ་བ་འདིས་ཅི་ཕན་བྱས་སྟེ། ལྷན་ཅིག་སྐྱེས་པ་འབའ་ཞིག་བས…

ཐུན་མོང་གི་དངོས་གྲུབ་ཆེན་པོ་ཡིན་ཡང༌། དེ་ནས་མི་རིང་པར་མཆོག་དངོས་སུ་འགྲུབ་པའོ། །སློབ་དཔོན་འདི་སྔོན་དགེ་ཚུལ་ཡིན་པས། དགེ་ཚུལ་ཚོམ་བུ་པ་ཟེར་ཡང༌། ཕྱིས་ཆ་བྱེད་རྣལ་འབྱོར་པ་ཀ་ཡིན་པར་འདུག ཚིམ་བུའི་གོ་བ་ནི་ཕྱགས་དར་ཁྲོད་གྱོན་པའི་མིང་ཡིན། ཁ་ཅིག་མཚན་དངོས་མ་ཎི་བྷ་དྲ་སྟེ་ནོར་བུ་བཟང་པོ་བྱ་བ་ཡིན་ཟེར་རོ། །སློབ་དཔོན་འདི…

ལས་ཐར་བའི་ཐབས་ཅིག་འཚལ་ཞུས་པས། སྣོད་དང་ལྡན་པར་མཁྱེན་ཏེ་དབང་བསྐུར་བས་ཡེ་ཤེས་མཆོག་ཕེབས། གདམས་པ་དང་རྗེས་སུ་གདམས་པས་བསྐྱངས་པ་ན། མི་རིང་བར་ལྟ་སྟངས་བརྒྱད་ལ་སོགས་པའི་ནུས་པ་ཡང་ཐོབ། རྩིག་པ་དང༌། རི་དང༌། ཆུ་ལ་ཐོགས་པ་མེད། མངོན་ཤེས་ལ་སོགས་པའི་ཡོན་ཏན་མང་པོ་ཐོབ་བོ། །དེ་ནས་ཀྱང་ཚོགས་པ་དེ་ཉིད་དུ་གཙོ་བོར་གནས་ཤིང༌། རིག་…