པུརྦ་གུཔྟ་ཞེས་པ། སྦས་པའི་རྣལ་འབྱོར་ཅིག་ལ་འཁོར་ལོ་སྡོམ་པ་ཞུས་ནས་བསྒོམས་པས། ནམ་ཞིག་ན་ཕྲ་རགས་ཐམས་ཅད་ལ་གསལ་སྣང་ཐོབ་བོ། །དེས་གསེར་མགར་གྱི་གྲོང་བྱ་བ་ཤར་ཕྱོགས་ཀྱི་གྲོང་ཁྱེར་ཅིག་དང་ཉེ་བའི་ནགས་སུ་བསྒོམས་པས། འབར་སྣང་གསལ་བ་ཅིག་ལ་དངོས་སུ་མེ་བྱུང་ནས། ནགས་ཀྱི་རྩྭ་དང་ཤིང་ཐམས་ཅད་མེས་ཚིག་གོ །དེ་ནས་མི་རིང་བར་ཆར་དབབ་པ…

བའི་དོན་མང་དུ་མཛད། ཉི་མ་གཅིག་ལ་མཆོད་རྟེན་བརྒྱ་དང་བརྒྱད་ལ་རྡོའི་གདུགས་བཀལ་ལོ། །དེ་ནས་སླར་ཡང་མ་ག་དྷ་དང་ཉེ་བ། དབང་པོས་ཕུག་གི་གནས་སུ་བཞུགས། དང་པོ་བླ་མ་དང་ཡོན་ཏན་མཉམ་མོ་བསམ་པའི་ང་རྒྱལ་བྱུང་བའི་རྒྱུས། སྐུ་ལུས་ནི་གནས་མ་གྱུར། ནུས་པ་ཁྱད་པར་ཅན་བརྙེས་པས་འགྲོ་བའི་དོན་མཛད་ཅིང༌། ཕྱག་རྒྱ་ཆེན་པོའི་དངོས་གྲུབ་ལ་ཉེ་བར…

མཁས་པ་ཚངས་པར་སྤྱོད་པ་ཞིག སངས་རྒྱས་ཀྱི་བསྟན་པ་ལ་ཞུགས་ནས་དགེ་བསྙེན་བྱས་སོ། །གསང་སྔགས་ཀྱི་སློབ་དཔོན་ཅིག་ལ་གདམས་པ་ནོད་ནས་བསྒོམས། ཡུལ་བ་ག་ལའི་རྒྱལ་པོའི་མཆོད་གནས་བྱེད་ཅིང་ཡོད་པ་ལ། དེས་གཏོར་མའི་བྱ་བ་ཡོ་བྱད་དཔག་ཏུ་མེད་པ་དང་བཅས་ཏེ། ཉིན་རེ་བཞིན་གཏོར་མ་བཏང་བས་བློན་པོ་འགའ་ཞིག་གིས་རྒྱལ་པོ་ལ། འདིས་རྒྱལ་པོའི་ལོངས་…

དེ་ནས་སློབ་དཔོན་དེ་གྲུབ་པ་ཐོབ་པར་ཤེས་ནས། རྒྱལ་པོས་ཞབས་ལ་གཏུགས། ཕོ་བྲང་དུ་སྤྱན་དྲངས་ཏེ། མཆོད་དོ། །དེ་གོང་ཡོན་ཏན་སྦས་པའི་རྣལ་འབྱོར་དུ་མཛད། དེ་ནས་བརྩམས་ཏེ་གྲུབ་ཐོབ་ཏུ་གྲགས་སོ། །ཆོས་འཁོར་བི་ཀྲ་མ་ཤཱི་ལའི་བ་ལིང་ཨཱ་ཙརྱ་ཏེ་གཏོར་མའི་སློབ་དཔོན་ཐོག་མ་རང་མཚན་ཀླུ་སྒྲུབ་སྙིང་པོར་གྲགས་པ་གཏོར་མའི་ཆོ་ག་ཀུན་ལས་བཏུས་པ…

གདམས་པ་དང་རྗེས་སུ་གདམས་པ་སྩལ། བྷ་དེ་བས་གནས་བརྟན་གྱི་བྱ་བ་བོར་ནས། རེས་འགའ་ནི་དུར་ཁྲོད་དུ་བསྒོམ། རེས་འགའ་ནི་གཙུག་ལག་ཁང་དུ་བསྒོམ། དེ་ལྟར་ལོ་བཅུ་གཉིས་ཙམ་སོང་བ་ན། ལན་ཅིག་དུར་ཁྲོད་དུ་མི་མང་པོས་སོང་བ་ན། ཀེང་རུས་ཆོས་གོས་གོན་པ་ཞིག་ཏུ་མི་རྣམས་ཀྱིས་མཐོང་སྐད། གཙུག་ལག་ཁང་དུའང་དེ་ལྟར་མཐོང་བ་ལན་མང་དུ་བྱུང༌། ནང་དུ་…

པ་གཉིས་ཅར་དུས་ཀྱི་འཁོར་ལོའི་རྒྱུད་ཕྱི་མ་ནས་ལུང་བསྟན་ཏོ། །ཡང་རྣལ་འབྱོར་པ་མ་ཏྲི་དད་ཏ་ཞེས་བྱ་བ། རིགས་ནི་བྲམ་ཟེ། རྟེན་ནི་དགེ་བསྙེན། དཔལ་འཁོར་ལོ་སྡོམ་པ་ལ་རྣམ་འབྱོར་དུ་བྱེད་པ་ཅིག ལན་ཅིག་ལུང་བསྟན་བྱུང་སྟེ་དུར་ཁྲོད་དུ་བཞུད། རང་གི་བློ་སྦྱང་བའི་དོན་དུ། མི་རོ་ལ་ལ་གདན་དུ་བཏིང༌། ལ་ལ་སྔས་སུ་བཙུག །ལ་ལ་ཕྱོགས་ཕྱོགས་…

རང་རང་གི་ཕ་མ་སོགས་ལ་གཏད་པས་དགའ་བ་སྐྱེས། འདི་ལ་གྲུབ་ཐོབ་མ་སཱ་ན་པ་ཟེར། བྱང་ཆུབ་སེམས་དཔའི་འགྲེལ་པ་སྟེ་ཕྱག་རྡོར་སྟོད་འགྲེལ་ལུགས་ཀྱི་སྡོམ་པའི་སྒྲུབ་ཐབས་དང༌། སྦྱོར་དྲུག་བསྒོམས་པས་གྲུབ་པ་ཐོབ་པ་ཡིན། འདིས་སེམས་འགྲེལ་གྱི་ཁ་སྐོང་ཡང་མཛད། ཆོས་རྒྱུན་ཡང་ཅི་རིགས་པར་བྱུང་ངོ༌། །དཱ་རི་ཀ་པ་ནས་དེའི་བར་གྱི་སློབ་དཔོན་དེ་ར…

ཕྲ་མོ་ལ་བརྟེན་ནས། ནག་པོ་ཆེན་པོ་དང༌། རྡོ་རྗེ་མཁའ་འགྲོ་མ་རིགས་གྲུབ་པ་ཡང་མང་དུ་བྱུང༌། ཐམས་ཅད་ཀྱང་དཔྱིད་ཀྱི་ཐིག་ལེ་དང༌། རླུང་གི་རྣལ་འབྱོར་ལ་གཙོ་བོར་བྱེད་པ་ཤ་སྟག་གོ །སློབ་དཔོན་ཨན་ཏར་པ་ཡན་ཆད་དུ། སྤྱོད་པ་པའི་སློབ་རྒྱུད་མང་པོས་ས་སྟེང་ཁྱབ་ཀྱང༌། ཙརྱ་པའི་སྡེ་རིགས་སུ་ཆད་པ་མེད། སློབ་དཔོན་སྤྱོད་ཆུང་བའི་དུས་སུ་སྤྱ…

གྲུབ་ཆེན་བུདྡྷ་གུཔྟའི་རྣམ་ཐར་རྗེ་བཙུན་ཉིད་ཀྱི་ཞལ་ལུང་ལས་གཞན་དུ་རང་རྟོག་གི་དྲི་མས་མ་སྦགས་པའི་ཡི་གེ་ཡང་དག་པའོ། །

ན་མོ་བཛྲ་དྷ་རཱ་ཡ། དུས་གསུམ་སངས་རྒྱས་ངོ་བོ་རྡོ་རྗེ་འཆང༌། །རིག་ཀུན་བདག་པོ་དཔལ་ལྡན་བླ་མ་ལ། །སྙིང་ནས་གུས་པས་ཕྱག་འཚལ་གསོལ་བ་འདེབས། །ཐུགས་རྗེ་ཆེན་པོའི་བྱིན་གྱིས་བརླབ་ཏུ་གསོལ། འདིར་བདག་ཅག་གི་བླ་མ་དམ་པ་རྡོ་རྗེ་ཐེག་པའི་ལམ་གྱིས་མཆོག་དང་ཐུན་མོང་གི་དངོས་གྲུབ་བརྙེས་པ། རྗེ་བཙུན་བུདྡྷ་གུཔྟ་ནཱ་ཐའི་ཞབས་ཀྱི་རྣམ་པར་ཐར…

བཅས་པ་ཕྱོགས་དེར་ཕེབ་པས་རྣལ་འབྱོར་པ་བྱེད་པ་ལ་མོས་པར་གྱུར། ཡབ་ལ་ཞུས་པས་ཀྱང་གནང་ནས་རྣལ་འབྱོར་པ་མཛད། མཚན་ནི་བུདྡྷ་ནཱ་ཐ་ཞེས་བྱ་བར་བཏགས། བླ་མ་དེ་ཡང་ལོ་འགའ་རེར། ཡུལ་ཀ་ཙ་ལི་དང༌། གོང་ཀུ་ན་དང༌། ཏུ་ལུ་རཱ་ཏི་ལ་སོགས་པར། གཙོ་བོར་དབེན་པ་བསྟེན་ཅིང་བཞུགས། རྗེ་འདིས་ནི་བླ་མའི་རིམ་གྲོ་བ་མཛད་ཅིང༌། ཡི་གེ་ལ་སོགས་པ་རིག་གནས…

ཙམ། སྐུའི་སྨ་ར་ཡང་ཁྲུ་བདུན་ཙམ་སྐྱེས་ཏེ། སྐྱེ་བོ་རྣམས་ཡ་མཚན་དུ་གྱུར་པ་ལ། རྒྱལ་པོ་རཱ་མ་རཱ་ཛ་ཐེ་ཚོམ་སྐྱེས། ལེགས་པར་བརྟགས་པའི་ཡིད་ཆེས་ཏེ། ཉག་མ་རེ་རེ་བཞིན་དུ་མཆོག་ཏུ་གྱུར་པའི་མུ་ཏིག་རེ་རེས་བརྒྱན་ནོ། །སློབ་དཔོན་གྱིས་མུ་ཏིག་ཐམས་ཅད་ཕྱོགས་གཅིག་ཏུ་སྤུངས་པས་ཕུང་པོ་ཆེན་པོར་གྱུར་ཏེ། སུ་འདོད་པ་ཁྱེར་ཞེས་དེ་ཉིད་དུ་…

པ་ཞིག་དང༌། ཀྲིཥྞ་ནཱ་ཐ་ཞེས་བྱ་བ་དུག་སྦྲུལ་གྱིས་མིད་ཀྱང་གནོད་པ་མ་བྱུང་བར་ཕྱིར་ཐོན་པའི་རྣལ་འབྱོར་པ་ཆེན་པོ་དེ་གཉིས་ལ་ཡང་གདམས་པ་མང་དུ་གསན། གཽ་རཀྵའི་གསུང༌། མཧཱ་བ་ད་དང༌། སྭ་སཾ་བ་ད་ཞེས་བྱ་བ་རིག་བྱེད་ཆེན་པོ་དང༌། རང་གི་རིག་པ་ཞེས་བྱ་བ་ངེས་དོན་སྟོན་པ་གཉིས། པྲཱ་ཎ་ཤྲིཾ་ཁ་ལ་སྟེ། སྲོག་ལུ་ཁུར་རྒྱད་ཅེས་བྱ་བ། ལུས་དང་འ…

ཡང་དང་ཡང་དུ་དྲི་ལན་གྱི་རྣམ་པར་གཏན་ལ་ཕབ་སྟེ། བླ་མ་གསུམ་པོ་དེའི་གདམ་ངག་གི་སྒྲོ་འདོགས་ཆོད་པར་བྱུང་ངོ༌། །གཽ་རཀྵའི་རྗེས་འབྲང་དུ་གྲགས་པ་ཛོ་གི་ཞེས་ཟེར་བ་ལ་སྡེ་ཚན་བཅུ་གཉིས་ཡོད། ནཱ་ཐ་པནྠི། པ་ཝོ་པནྠི། པཀྵ་པནྠི། གོ་པཱ་ལ་པནྠི། པ་ག་ལ་པནྠི། ཨཱ་ཡི་པནྠི། ཙོ་ལི་པནྠི། ཧོ་དུ་པནྠི། དྷྭ་ཛ་པནྠི། བྷེ་ར་གི་པནྠི། མང་ག་ལ་ནཱ་…

རེས་འགའ་སྐུ་ལ་ཟུག་ཟེར་སྣ་ཚོགས་ལྡང་བ་དང༌། ཐུགས་ཀྱང་མི་བདེ་ཞིང་མཐོ་དམན་དུ་འགྱུར་བ་སོགས། ཉམས་མཐོ་དམན་སྣ་ཚོགས་པ་བྱུང་ཞིང༌། དེ་ཐམས་ཅད་ཀྱང་བླ་མའི་གདམས་ངག་གིས་ལམ་དུ་བཏང༌། རེས་འགའ་མནལ་ལམ་དུ་རྡོ་རྗེ་རྣལ་འབྱོར་མ་ཆང་འཚོང་མ་ཞིག་གི་གཟུགས་སུ་འོང་ནས། གེགས་སེལ་མཛད་པ་ཡང་ཡང་བྱུང༌། དེ་ནས་ལོ་བཞི་ལྔ་ཙམ་ཞག་རེ་མལ་རེ་མཛད་ཅ…

ཕེབས་པ། ན་ག་ར་ཋ་ཋ་ནས་གནས་ཆེན་གྱི་བར་དུ་ཉིན་ལམ་དགུ་ལ་ཡུལ་སྟོང་པ་འབའ་ཞིག་ཡིན་ཅིང༌། གཅན་གཟན་དང་ཆོམ་པོ་སོགས་འཇིགས་པ་ཆེ། ཁྱད་པར་ཟས་གཡོས་སུ་བྱས་པ་ཅི་རིགས་པ་ཁུར་ཡང་ཉེས་པ་མེད། རྫས་གཞན་ཁབ་དང་སྐུད་པ་རེ་ཡོད་ནའང༌། ཆོམ་པོ་རྣམས་ཀྱིས་ངེས་པར་འཕྲོག་ཅིང༌། བརྡུང་བ་དང་གསོད་པའི་བར་དུ་བྱེད་པ་ཞིག་ཡོད། དེར་ཕེབས་དུས་ནགས་ཚལ་…

སངས་རྒྱས་པའི་རྣལ་འབྱོར་པ་ནུས་པ་ཐོབ་པ་ཡིན་པས། མུ་སྟེགས་པའི་ལྷ་ཆེན་པོས་ཀྱང་ཕྱག་འཚལ་ལམ་དགོངས་པ་ཐུགས་ལ་ཡོད་པས། དེ་ཤེས་པར་འདུག །ལར་དེ་དུས་རྒྱུད་སྡེ་མང་པོ་མ་ཐོས་པས། ཡོན་ཏན་ཆུང་ངུ་ལ་ང་རྒྱལ་ཆེན་པོ་ཡོད་གསུངས། ཚུར་ལམ། ལམ་དུ་ཆོམ་རྐུན་མང་པོས་སྐུ་ལ་དབྱུག་པ་བརྡེག་པ་སོགས་བྱུང་བས། དེ་རྣམས་ལུས་སྦྱོང་བཞིན་དུ་སོང་ནས་ར…

འདྲ་ཅིག་ཡོད། དེ་ལ་བོད་ཡིག་འཁྲུལ་གཞི་རྒྱ་འབྱམས་ནས། ཨུ་རྒྱན་དུ་སོང་གདའ་ན་བོད་སྐད་རང་ལ་གྲགས་པའི་ཚད་མར་བྱ་དགོས་དགག་ཏུ་མེད། ད་ལྟ་དེ་ཕྱོགས་རང་ན་ཀླ་ཀློའི་སྐད་དུ་གྲགས་པ་ཀུན་གྱིས་གོ་བ་ལ། ཡུལ་ག་ཛ་ནི་ཟེར་རོ། །གྲུབ་ཆེན་ལྭ་བའི་ན་བཟའ་ཅན་གྱི་ཕུག་པ་དང༌། རྒྱལ་པོ་ཨིནྡྲ་བྷཱུ་ཏའི་ཕོ་བྲང་གི་ཤུལ་དང༌། ཨི་ལོ་བར་པ་ཏ་ཞེས་བྱ་…

བསྒྱུར་བ་དང༌། ལྟ་སྟངས་ཀྱི་ནུས་པ་ཡོད་པ་དང༌། ཆོ་འཕྲུལ་སྟོན་ནུས་པའི་རིགས་ཅན་ཤིན་ཏུ་མང་བ་གཟིགས་འདུག་ཅིང༌། སྔོན་ཆད་སྟོད་ཧོར་དང༌། ཨ་ཀ་པ་ར་པཱ་ཙས་སོགས་ཀྱི་ལུང་མི་འགྲོ་བ་ཡང༌། སྔགས་ཀྱིས་བསྲུངས་པའི་ནུས་མཐུ་འབའ་ཞིག་ཡིན་གསུངས། གནས་འདི་ཤར་དང་ལྷོ་དང་ནུབ་རྣམས་མཚོ་གསུམ་གྱིས་བསྐོར། ཤར་གྱི་དང་ལྷོའི་རྒྱ་མཚོའི་ལག་བརྒལ་ན…

ཏེ་ཐག་རིང་པོའི་ཤིང་ཞིག་ལ་བབས་སོང༌། དེ་སོགས་འཇིགས་ཤིང་ངོ་མཚར་བ་མང་པོ་འདུག་གསུང༌། འོན་ཀྱང་ཞིང་གི་རྣལ་འབྱོར་མའི་ཆོ་འཕྲུལ་དེ་དག་ནི་རྗེ་ཉིད་ཀྱི་གཟིགས་པ་ཡིན་གྱི་སྐྱེ་བོ་ཕལ་བས་མཐོང་པའི་སྤྱོད་ཡུལ་མིན་ནམ་སྙམ་མོ། །དྷུ་མཥྛི་རར་བཞུགས་པའི་སྐབས་སྨྀག་སྒྱུ་ལ་སོགས་པའི་རྟགས་ལྔ་རྒྱུད་ནས་གསུངས་པ་བཞིན་དུ། ཤིན་ཏུ་གསལ་ཞིང…