རིམ་གྱིས་རོང་ཆེན་བརྒྱུད་དེ་དཔལ་དེར་ཕེབས། དེར་ཡང་བཀའ་ཆོས་མང་བར་གནང༌། གམ་པ་ལ་ལ་ཕེབས་ནས་ཆུ་བོ་རིའི་ཤན་ལ་བརྒྱུད་ནས། གདན་འདྲེན་དང་བསྟུན་ནས་སྨྱུག་ལ། ཆུ་ཤུལ་གྱེ་རེ། འཚར་ས་སྣ་ལྗངས་སྙེ་ཐང་རྣམས་སུ་རིམ་པས་ཕེབས། གང་ལ་གང་འདོད་ཀྱི་ཆོས་ཀྱི་སྦྱིན་པ་རྒྱ་ཆེར་བསྩལ། ལམ་བར་ན་ཡོད་པའི་གཉོས་སངས་རྒྱས་རས་ཆེན་གྱི་སྐུ་ལྡེར་ཕྱག…

གྲུབ་རྒྱལ་མ་བརྒྱ་རྩ། ཚེ་ཁྲིད་རྒྱས་པ། སྒྲོལ་དཀར་གྱི་ཁྲིད། དམར་པོ་སྐོར་གསུམ། ཀུ་རུ་ཀུལླེའི་གསང་ཁྲིད་ནི་གུའི་ཁྲིད་འབྲིང་བོ་ཆོས་དྲུག་སོ་སོའི་བཀའ། ཡེ་ཤེས་མགོན་པོའི་བཀའ་ནི་གུའི་རྣམ་ཐར་དང་ཁྲིད་ཡིག་སོགས་པོ་ཏི་གཉིས་ཀྱི་ལུང༌། ཛམ་དམར་ཚེ་རིང་མཆེད་ལྔ་བོ་དོང་བའི་ལུགས་ཀྱི་ཐུགས་དམ་ལྷ་ལྔའི་རྗེས་གནང་རྣམས་དང༌། ཚོགས་ཆེ…

བ་བྱུང་ཡང་ཕེབས་མ་ཐུབ། གུང་ཐང་དང་མཚལ་གྱི་རྟེན་མཇལ་གནང་ནས། ཤེལ་གྲོ་ལུམ་པ་སོགས་བརྒྱུད་ནས་དྲང་སྲོང་སྲིན་པོ་རིའི་རྟེན་མཇལ་མཛད། སྤྱན་འདྲེན་བྱུང་བ་བཞིན་གོང་དཀར་དུ་ཕེབས། སྲས་ཡུམ་ལ་བཀའ་ཆོས་གནང༌། གམ་པ་དང་དཔལ་དེ་ནས་གྲགས་སར་ཕེབས། ཚེ་དབང་ལྷ་དགུ་དང་བརྒྱ་རྩ་སོགས་གནང༌། བདག་གིས་རབ་ཏུ་བྱུང་བའི་བཀའ་དྲིན་མནོས། འཇམ་དཀར་…

དཔོན་ཆོས་མཛད། རགས་བསྡུས་ལ་པཎ་ཆེན་རིན་པོ་ཆེའི་རྣམ་ཐར། ཁྲིད་བརྒྱ་དུས་འཁོར་བསྡུས་རྒྱུད་སོགས་ཀྱི་ལུང་དང་ཚེ་དབང༌། ཚོགས་ཆོས་སུ་འཇམ་དཀར་གྱི་རྗེས་གནང་གནང་ནས་ཕོ་བྲང་བསམ་འགྲུབ་རྩེར་ཕེབས། སྡེ་པ་ཞིང་གི་བསྙེན་བཀུར་ཞབས་ཏོག་ཞུས། སྣར་ཐང་ཤེལ་དཀར་སོགས་སུ་འདོད་ཆོས་གནང་ནས་རི་ཁྲོད་ཆེན་མོར་ཕེབས། དབྱར་ཚེས་ལ་བློ་སྦྱོང་འགྲོ…

ཕེབས་བློ་སྦྱོང་དོན་བདུན་མའི་ཁྲིད། རྒྱལ་སྲས་བཀའ་འབུམ་གྱི་ལུང་དང་བཅས་པ་གནང༌། དེ་ནས་ཇོ་ནང་སྐྱིད་ཕུག་ཏུ་ཟླ་བ་གཉིས་ལྷག་ཙམ་སྐུ་མཚམས་གནང༌། ཐོ་རངས་ཤིག་གི་མནལ་ལམ་དུ་རྗེ་ཐམས་ཅད་མཁྱེན་པ་དང་མཇལ། ཕྱག་དབུ་ཐོག་ཏུ་བཞག་ནས་ལམ་ཟབ་མོ་བླ་མའི་རྣལ་འབྱོར་གནང་ནས། ཚེ་རབས་ཀུན་དུ་འབྲལ་བ་མེད་གསུངས་པའི་སྣང་བ་བྱུང་བས། མནལ་སད་ནས་ཐ…

མཛད། དེ་སྐབས་རྗེ་ཉིད་ཀྱི་ཕྱག་ནས་དངུལ་གདུང་རིན་པོ་ཆེ་ལ་གོས་དར་ཡུག་རིང་གིས་གཙོ་བའི་ན་བཟའ། མཆོད་རྫས་བསམ་གྱིས་མི་ཁྱབ་པ་དང༌། བླ་མ་ཆེ་ཆུང་ཐམས་ཅད་ལ་འབུལ་བ། ཚོགས་པ་རྣམས་གྲལ་འགྱེད་བསྙེན་བཀུར་དཔག་ཏུ་མེད་པ་གནང༌། དེ་བཞིན་དུ་བླ་ཆེན་གཞན་རྣམས་ཀྱིས་ཀྱང་མཆོད་རྫས་བསྙེན་བཀུར་འགྱེད་བཅས་དང༌། དེར་མ་ཕེབས་པའི་རྗེ་བཙུན་རིན་…

ཀྱང་རང་རང་གི་བློ་འདོད་དང་མཐུན་པའི་ཆོས་བཤད་གནང༌། དེ་ལྟར་དུས་མཆོད་རྒྱས་པ་གནང་བ་གྲོལ་ནས། གཏིང་སྐྱེས་ནས་རབ་འབྱམས་པ་བསྟན་པས་གཙོས་པའི་སྤྱན་འདྲེན་ནན་ཅན་རང་བྱུང་བ་ལྟར། ཇོ་ནང༌། གདོང་དགའ། རྨ་བྱ། དཔལ་རྩེ། བྱམས་གླིང་སོགས་བརྒྱུད་ནས་ལམ་དུ་ཡོད་པའི་སྡེ་དཔོན། བླ་མ་སློབ་དཔོན་རྣམས་གང་འཚམས་ཀྱི་བཀའ་ཆོས་གནང་ནས། གཏིང་སྐྱེ…

གཟའ་སྐར་བཟང་བས་ཞབས་འཆག་ཙམ་གནང་དགོས་ཞུས་ནས་སང་ཉིན་ཕེབས། སྡེ་པ་དཔོན་བློན་རྣམས་ཀྱིས་དམིགས་གཏད་ཀྱི་སར་རྗེ་ཉིད་ཀྱིས་གསུངས་བཀོད་མ་གནང་བར་རླན་ཆེར་མེད་པའི་ས་ཁད་མཐོ་སྙོམས་པ་ཞིག་ཏུ་ཕྱག་མཁར་འཛུགས་པ་གནང་ནས་འདིར་དགྱེས་པ་འདུག །ནང་སོ་ཆོས་རབ་སོགས་བྱིངས་རྣམས་ཅུང་ཟད་ཐེ་ཚོམ་དུ་གྱུར་ཀྱང༌། སྡེ་པ་རང་དད་མོས་ཆེ་བས་བཀའ་ཕེབས…

བལྟམས་པའི་གཏམ་སྙན། སྣ་དཀར་རྩེ་ནས་རྒྱལ་རྩེ་བརྒྱུད་པའི་སྐད་ཆ་དང༌། དེ་མཚུངས་སྨོན་གྲོ་ནས་ཀྱང་གཏམ་སྙན་འབུལ་བ་དང་སྤྱན་འདྲེན་པ་བྱུང༌། ཆུ་སྤེ་ཡང་མཐར་ཐོན་གྱིས་ཕྱག་ནས་མཛད། ལྕེ་ལུང་ནས་སྤྱན་འདྲེན་བྱུང༌། དེར་དགོངས་པ་ལྟར་གྱི་བཀའ་ཆོས་ཐོག་མ་གནང༌། རིམ་པས་བརྒྱུད་རི་ཁྲོད་ཇོ་ནང་དུ་ཕེབས། དེ་ནས་སྤྲུལ་སྐུ་རིན་པོ་ཆེ་སྤྱན་འ…

རྡོ་རྗེའི་བྲག་ཡང་འགོག་ནུས་གནམ་ལྕགས་ལྕེས། སྐུ་ལ་བརྫི་བར་མ་ནུས་མཚར་ཅི་ཞིག །རྡུལ་སྙེད་བདུད་སྡེས་འཕངས་པའི་མཚོན་ཆའི་ཚོགས། །ཟས་གཙང་སྲས་ལ་མེ་ཏོག་ཆར་དུ་གྱུར། །ཐུགས་རྗེའི་ཉི་འོད་དང་འགྲོགས་དམ་ཆོས་ཀྱིས། །བདུད་རྩི་ཟིལ་ཆར་དལ་བུར་བབས་པ་ན། །སྐལ་ལྡན་རྣམས་ལ་ཡེ་ཤེས་ལྔའི་རང་གཟུགས། །འཇའ་འོད་གསལ་བའི་རྟགས་བཅུ་མངོན་དུ་གྱུ…

བརྙན་ཤར་བ་ལ། །གུས་དང་མཆོད་པའི་རྒྱུན་གྱིས་སྤྱན་འདྲེན་མཛད། །དེ་ནས་སྤྲུལ་སྐུ་རིན་པོ་ཆེ་དཔོན་སློབ་ཀྱང་སྨོན་གྲོ་བརྒྱུད་ཆོས་ལུང་བྱང་རྩེར་ཕེབས། རྗེ་ཉིད་ཀྱིས་སྐུ་མཚམས་ཟླ་བ་གཉིས་ཙམ་གནང་བ་གྲོལ་ནས་དགུན་ཁྲིད་གནང༌། དེ་ནས་ཆོས་ལུང་བྱང་རྩེར་ཕེབས། གཟའ་སྐར་དགེ་བ་ལ་རྗེ་བཙུན་མཆོག་གི་སྤྲུལ་པའི་སྐུ་ལ་ཐོག་མར་ཚེ་དབང་ཕུལ། ད…

ཇ་འབྲས་འཇམ་སོགས་གནང༌། དེ་ནས་སྐུ་མཚམས་རྒྱང་ཙམ་གནས་སྐབས་ཐོ་རངས་ཤིགབུད་མེད་གཞོན་ནུའི་རྣམ་པ་གཡུའི་ཐོར་ཚུགས་དང་རིན་ཆེན་རྒྱན་གྱིས་སྤྲས་པ། དར་གྱི་གོས་ལྷབ་ལྷུབ་ཏུ་གྱོན་པ། ལག་ན་མེ་ལོང་དང་མདའ་དར་འཛིན་པ་འཁོར་དང་བཅས་པ་ཞིག་བྱུང་ནས། སྙན་པའི་གླུ་ལེན་ཞིང་རིན་པོ་ཆེའི་སྣོད་བདུད་རྩིས་གང་བ་ཐོགས་ནས། ངེད་ལ་ཆོས་ཀྱི་སྦྲང་ར…

རྒྱས་པ་ལུང་དང་བཅས་པ་གཞན་ཡང་ཚེ་དབང་རྣམ་གྲངས་མང་བ་སོགས་གནང༌། སླར་ཇོ་ནང་དུ་ཕེབས། དེ་ལོའི་དབྱར་ཆོས་ལ་གྲུབ་ཐོབ་བརྒྱད་ཅུ་རྩ་བཞིའི་བྱིན་རླབས་ལུང་དང་བཅས་པ་གནང༌། དེ་ནས་དེ་ལོ་རྨི་ལྟས་འཚུབ་པས་མཚམས་དམ་པར་བྱེད་གསུངས་བཅད་རྒྱ་དམ་པར་མཛད། རྒྱང་ཙམ་སོང་ནས་སྨོན་གྲོར་དཔོན་དྲུང་རིན་པོ་ཆེ་སྐུ་ཁམས་བསྙེལ་བས། འཕྲལ་དུ་ཆོས་རྗེ…

རྣམས་ཀྱི་ཁྲིད་དང་ལུང༌། གཞུང་བཀའ་ཉེར་ལྔ་དང་འབྲེལ་བར་གནང༌། དེར་བདག་གིས་ཀྱང་མཇལ་བར་སླེབས་ཏེ། མགོན་པོའི་རྗེས་གནང་སོགས་ཐོབ། སྨོན་གྲོར་ཕེབས་པའི་ཕྱག་ཕྱིར་བདག་ཀྱང་དཀྲིས་པའི་ཚེ་དབང་སོགས་གནང༌། སླར་བདག་གིས་ཀྱང་ངམ་རིང་གི་གྲྭ་སྐོར་འཁོར་ནས་སྨོན་གྲོ་དང་ཇོ་ནང་སོགས་སུ་ཚེ་དབང་བརྒྱ་རྩ། ཚེ་ཁྲིད་ཚེ་དཔག་མེད་ལྷ་བཅུ་བདུན་མ…

རྣམས་ཀྱི་བདུད་རྩིའི་རིལ་བུ་མ་ལྟ་གནང་ནས། ཡི་དམ་ཀྱཻ་རྡོ་རྗེ་ལ་བརྟེན་ནས་བདུད་རྩི་རིལ་བུ་ཕྱག་ལེན་བཞིན་དུ་བསྒྲུབ་པ་གནང་ནས། ལྡེ་གུའི་སྐབས་ནས་དྲི་བཟང་རྒྱང་རིང་པོར་ཚོར་བ་དང༌། རིལ་བུ་འཕེལ་ཤིན་ཏུ་ཆེ་བ་བྱུང་ནས། བྱང་སྟག་ལུང་ངམ་རིང༌། གཏིང་སྐྱེས་སོགས་གནང་འོས་རྣམས་སུ་གནང༌། དེ་ནས་ངེད་རང་ཁམས་བཟང་སྐབས་ཇོ་ནང་གི་གདན་ས་…

བཅུ་གསུམ་ས་ཡི་ཐེམ་སྐས་ངེས་བགྲོད་ནས། །བདེ་ཆེན་འཁོར་ལོ་སྡོམ་པ་རྒྱལ་སྲིད་ལ། །དབང་བསྒྱུར་དེ་ཚེ་སྒྲིབ་པའི་སྟོབས་ལྡན་བཅོམ། །གང་ལ་ས་གསུམ་མཁའ་འགྲོས་ག་མ་ཀའི། །དབྱངས་དང་ལྷན་ཅིག་བདུད་རྩིས་མཆོད་པར་བྱས། །དད་པའི་བློ་ཅན་ཡིད་སྐྱེས་རྣམ་མང་གིས། །གཞལ་བར་དཀའ་བའི་ཟང་ཟིང་དངོས་པོས་ཀྱང༌། གང་དང་འབྲེལ་བས་སྲིད་མཐར་བདེ་བའི་རྒྱ…

ལྷ་ལྡན་གཙུག་ལག་ཁང་ན་ཟས་གཙང་སྲས། རྗེས་མཚོན་སྐུ་དེ་འགྲན་ཟླ་མེད་སྙམ་པའི། ཁེངས་པ་གཞིལ་ཕྱིར་བྱོན་པ་ཡིན་ནོ་ཞེས། །ཅུང་ཟད་འཛུམ་པའི་ཚུལ་གྱིས་བཞུགས་པ་སྙམ། །དེ་ནས་མྱོས་བྱེད་ཅེས་པ་ཤིང་མོ་ལུག་གི་ལོ་རྗེ་ཉིད་དགུང་ལོ་བརྒྱད་ཅུ་རྩ་གསུམ་བཞེས་པའི་ཧོར་ཟླ་གཉིས་པའི་ནང་དུ་སྐུ་གྲིབ་ལ་བརྟེན་པའི་ཅུང་ཟད་སྐུ་ཁམས་བསྙེལ་བ་བྱུང་ཡང…

ཁྲོམ་མེ་བ་དང་དབུ་གཙུག་འཕར་ཞིང་རླངས་འཚུབ་ཡོད་པ་མཐོང་ཞིང༌། མཁའ་སྤྱོད་དུ་གཤེགས་སོ། །དེ་མ་ཐག་ནམ་མཁའ་གཡའ་དགམེ་ཏོག་གི་ཆར་བབས། རོལ་མོའི་སྒྲ་དབྱངས་གྲགས་པ་ཕལ་ཆེར་བས་ཚོར། དེར་ཆོས་ལུང་སྒྲུབ་སྡེའི་དྲག་པ་རྣམས་དང༌། ཇོ་ནང་ཉིད་ཀྱི་གྲུབ་སྡེའི་དྲག་པ་རྣམས་ཀྱིས་སྐུ་གདུང་སྐུ་གཞོགས་སུ་རྡོ་རྗེ་རྣལ་འབྱོར་མའི་སྒྲུབ་མཆོད་བྱས…

མཁྱེན་བརྩེའི་བསིལ་ཟེར་འགྱེད་ལ་འོད་དཀར་ཅན་ལ་ཐ་མི་དད། །དེ་ཕྱིར་མཛད་པའི་ཆ་ཤས་འགའ་ལའང་དཔེ་དང་འགྲན་ཟླས་དབུལ་བར་གྱུར། །སྙིང་རྗེའི་བདུད་རྩིའི་རང་བཞིན་ཟླ་བ་དེ། །འཛམ་གླིང་གདུལ་བྱའི་ཀུ་མུད་བཞད་མཛད་ནས། །ལྷོ་གླིང་མཛད་པའི་ཆུ་མཐོང་རྫོགས་སོ་ཞེས། །ནུབ་ཕྱོགས་བདེ་བ་ཅན་དེར་གཤེགས་པར་རྩོམ། །དེ་ཚེ་དེ་ཡི་ལྷ་ཚོགས་མཁའ་འགྲོའ…

ཅག་བློ་ཡི་མེ་ལོང་རྙོག་པ་ལ། །འདི་ལྟར་སྣང་འདི་བྱིས་པའི་བློ་ཞེས་སྨྲ། །དེ་ནས་སྨོན་གྲོ་ནས་ཞལ་ངོ་རྣམས་ཀྱིས་གདུང་རྟེན་གསེར་ཟངས་ལས་གྲུབ་པ་ཐོག་སོ་ཙམ་གྱི་ཚད་ལོངས་བ། བལ་པོ་བཟོ་བོ་མཁས་པས་བཞེངས་ཏེ། གཟུངས་རྫོགས་ཕུན་སུམ་ཚོགས་པ་ཕུལ། རྡོ་རྗེ་འཛིན་པ་མང་པོས་རབ་ཏུ་གནས་པ་བགྱིས་ཏེ། འདུ་ཁང་ཆེན་མོར་མཆོད་པའི་ཡུལ་དང་ཚོགས་གསོ…