ཏེ། སྒྲོལ་མ་འབྱུང་བའི་རྟོག་པ་ཇི་སྙེད་པ་རྫོགས་སོ། །རྒྱ་གར་ལྷོ་ཕྱོགས་རསྨཱི་ཤྭ་རའི་ལྗོངས་སུ་སྐུ་འཁྲུངས་པ་རྡོ་རྗེ་ཐེག་པ་ལ་མཁས་ཤིང་གྲུབ་པ་བརྙེས་པའི་རྗེ་བཙུན་བུདྡྷ་གུཔྟ་ལ། རྒྱུད་འདི་ཞིབ་མོར་ཉན་ཅིང་བསྒྱུར་བར་སླ་བ་རྣམས་ཐོ་རེ་ལོང་ངཻ་བ་བསྒྱུར་ཞིང༌། དཀའ་གནས་རྣམས་ལ་རེག་ཟིག་གི་རིམ་པ་མང་དུ་བྱས་ནས་བརྟག་དཔྱད་མང་དུ་…

སྒྲོལ་མ་འབྱུང་བའི་རྒྱུད་ཀྱི་བསྡུས་དོན་གསལ་བའི་སྒྲོན་མེ་ཞེས་བྱ་བ་བཞུགས།

ན་མོ་གུ་ར་བེ། རྒྱུད་ཀྱི་བསྡུས་དོན་གསལ་བའི་སྒྲོན་མེ་ཞེས་བྱ་བ་སྒྲོལ་མ་ལ་ཕྱག་འཚལ་ལོ། །དང་པོར་བླ་མ་ལ་བཏུད་དེ། །ཕྱི་ནས་དེ་བཞིན་ལྷ་རྣམས་ལའོ། །གང་ཞིག་རྒྱུད་ཀྱི་བསྡུས་པའི་དོན། །མདོ་ཙམ་དམ་པས་བསྐུལ་ཕྱིར་བྲི། །དུས་མཐར་ཡུལ་གྱི་མཐར་སྐྱེས་ཤིང༌། །བློ་དམན་བརྩོན་འགྲུས་ཞན་མོད་ཀྱི། །སྔར་བྱས་དགེ་བ་འདིར་སད་པས། །ཟབ་མོའི་…

དངོས་ལ་ལེའུ་དང་པོ་སྔགས་བཤད་ཅིང༌། །མཆོག་གཙོར་བསྒྲུབ་པའི་ཆོ་ག་གཉིས་པ་དང༌། །གཙོ་བོར་ལས་ཚོགས་རབ་འབྱམས་གསུམ་པའོ། །མདོར་བསྟན་སྒོ་ནས་བཤད་པར་ཞལ་བཞེས་དང༌། [དེ་ནས་དངོས་གྲུབ།]སྔགས་ཀྱི་ཕན་ཡོན་སྔགས་ཀྱི་བྱུང་ཚུལ་དང་[འདས་པའི་དུས།]སྔགས་ཀྱི་དགོས་པ་དང་ནི་རིག་སྔགས་དངོས། །གཉིས་པ་ཕན་ཡོན་རྣམ་པ་གསུམ་དུ་བཤད། །ལས་ཀྱི་དངོས་ག…

ལ་ཕུར་བུས་གདབ་པ་དང་[གྲོག་མཁར།]།ལོག་འདྲེན་གནོད་བྱེད་གཞན་ལ་གདབ། [སྦྲུལ་དང༌།] རྡོར་སེམས་ཕུར་བུས་འདེབས་པའོ། [ཡེ་ཤེས།] །ཐོག་མཐའ་གཉིས་ལ་དྲང་ངེས་གཉིས། །གཉིས་པ་རྣལ་འབྱོར་ཆེན་པོ་དང༌། །དེ་ཡི་འབྲས་བུ་བཤད་པའོ། །དང་པོ་བསྐྱེད་རིམ་རྣལ་འབྱོར་ཆེ། །དེ་ལ་དངོས་ཟླ་བ་དང་བརྟུལ་ཞུགས་དང༌། །[ཡང་ན།] དེ་ཡི་བསམ་གཏན་ལས་ཚོགས་[རང་…

ཤིན་ཏུ་རྣལ་འབྱོར་དངོས་དང་ནི། །སྔོན་འགྲོ་[ཧ་ཧོ་]དང་ནི་ཡེ་ཤེས་བཤད། །སྒྲ་དོན་སྒོ་ཡེ་ཤེས་[ནས་]ཆེ་བ་བསྟན། །དངོས་ལ་གནས་དང་གྲོགས་དང་ནི། །[མིག་བཟང༌།] །ཆོ་ག་[དང་པོར་]བྱེད་པའི་དབྱེ་བ་དང༌། །[ཕྱོགས་དང༌། ] ཡུལ་གྱི་མཚན་ཉིད་བཤད་པའོ། །[ཟབ་ཅིང༌།] །ཡེ་ཤེས་ལ་ནི་དགའ་བཞི་དང་[དེ་ལས།] །སྙིང་སྟོབས་བརྒྱད་དང་[རེ་བས་]ཡེ་ཤེས་ལ…

གི་[དེ་ནས་གསུང་གི]དཀྱིལ་འཁོར་རོ། །བསྡུས་དོན་གསལ་བའི་སྒྲོན་མེ་ལས། རྩ་བའི་རྒྱུད་ཀྱི་བསྡུས་དོན་ཏེ་དང་པོའོ། །གཉིས་པ་ཕྱི་མའི་རྒྱུད་ལ་ནི། །ལེའུ་རྣམ་པ་གཉིས་ཡིན་ཏེ། །རྒྱས་བཤད་ཚུལ་གྱིས་བཞི་པ་དང༌། །དོན་བསྡུས་ཚུལ་གྱིས་ལྔ་པའོ། །དང་པོ་ལ་ནི་དུམ་བུ་བཞི། །རྒྱུད་ཀྱི་སྙིང་པོ་མཚན་ངེས་པ། །ཐབས་གཙོར་གྱུར་པའི་དུམ་བུ་དང༌། …

ཏེ་གསུང༌། །དེ་ལ་ཞུས་པ་[དེ་ནས་རྡོ་རྗེ་]དང་ནི་ལན། །ལན་ལ་[ཉོན་ཅིག་]བསྟན་བཤད་བསྡུས་གསུམ་[འཁོར་བ་]ཡོད། །རྒྱས་བཤད་སྣང་བ་སེམས་སུ་བསྟན་[ཐོགས་མེད།]བདེན་པ་གཉིས་སུ་བསྟན་པ་དང༌། །[སྲིད་མེད།] །སྤྲོས་བྲལ་རང་བཞིན་བཤད་པ་དང་[དྲི་མེད།]།ལོག་རྟོག་གོལ་ས་གཅོད་པའོ། །[ཐམས་ཅད་དངོས་པོ།] །གཉིས་པ་རྒྱུད་ཀྱི་སྦྱོར་བ་ལ། [དེ་ན་དེ་བ…

ཤེས་བཤད་པའོ། །དང་པོ་ལ་ནི་སྔགས་[ཨོཾ་མ་ཎི་]དང་ལྷའི་[ཉི་མའི།]།ས་བོན་བསྟན་པ་[ཧྲིཿ] གསུམ་དུ་དབྱེ། །མི་གཡོ་མགོན་པོའི་དབུགས་དབྱུང་ལ། །སྒྲུབ་ཐབས་[དེ་ནས་]སྔགས་དང་[ཨོཾ་]ལས་ཚོགས་དང༌། །[ཚེ་ཡིག] །སྔོན་བྱུང་ཚུལ་གྱིས་དཀྱིལ་འཁོར་བསྟན། །[སྔོན་ཚེ།] དམ་ཚིག་བཤད་[བུད་མེད་]དེ་རྣམ་པ་ལྔ། བཞི་པའི་ཡེ་ཤེས་བཤད་པ་ལ། །རྒྱུད་གཞན་…

པའི་དགོས་པ་དང༌། །བསྙེན་པ་སྤྱི་ཡི་དགོས་པ་དང༌། །རླུང་གི་སྦྱོར་བའི་རྣམ་བཞག་དང༌། །དགའ་བཞིའི་ལམ་གྱི་རབ་དབྱེ་དང༌། །ཤེས་རབ་མ་ཡི་དམ་ཚིག་དང་[དུས་བཞིར།] །དཀའ་བ་མེད་པའི་ལམ་བཤད་དང༌། །རིག་པ་[བསྐལ་པ་]བརྟུལ་ཞུགས་སྤྱོད་ཚུལ་དང༌། །བཙན་ཐབས་སྦྱོར་བའི་རབ་དབྱེ་དང༌། །མངོན་པར་བྱང་ཆུབ་མཚན་ཉིད་དོ། །དང་པོ་[སེམས་ཅན་ཁམ་སོགས་] ག…

དམིགས་[ནུས་དྲའི་]བསལ་དང༌། །ཤེས་རབ་མཆོག་གི་ལམ་བསྟན་[བུད་མེད་དང༌།] །ཐེག་པ་གཞན་གྱི་དོགས་གཅོད་དོ། །[འདུ་ཤེས།]བརྒྱད་པ་ལ་ནི་དོན་དངོས་དང༌། །[བསྐལ་པ།] །ས་ཀྱི་ཕྱག་རྒྱའི་དགོས་པ་བཤད་[མེར་མེ།] །དགུ་པ་[ཡང་]གསང་སྤྱོད་སྨྱོན་སྤྱོད་དང༌། །[གཞན་དུ་]ཀུན་བཟང་[རྫུ་འཕྲུལ་] ཕྱོགས་ལས་རྣམ་རྒྱལ་དང༌། །[དེ་ནས།] །ཚོགས་ཀྱི་བདག་པོ…

བརྗོད་པའོ། །བསྡུས་དོན་གསལ་བའི་སྒྲོན་མེ་ལས། །རྒྱུད་ཕྱི་མའི་བསྡུས་དོན་སྟེ་གཉིས་པའོ། །རྒྱུད་ཀྱི་རྒྱལ་པོ་འདི་བསྡུ་ན། །རྒྱུད་གསུམ་དུ་ནི་རྣམ་བསྡུས་ཏེ། །རྒྱུ་རྒྱུད་རང་བཞིན་དང་ནི་རྒྱུ། །རང་བཞིན་བཤད་པའི་དོན་བཅུ་གཅིག།སྣང་བ་སེམས་སུ་བསྟན་པ་དང༌། །ཆོས་ཀུན་སྤྲོས་པ་བྲལ་བར་བསྟན། །འཁོར་བ་རང་བཞིན་མེད་སྒྲུབ་ཅིང༌། །དོན་…

ཡོ་བྱད་སྒོམ་པའི་ཆོ་ག་སྟེ། །བདུན་བདུན་བསྙེན་སྒྲུབ་གཉིས་ལ་དབྱེ། །ལས་སྦྱོར་སྒྲུབ་པོའི་མཚན་ཉིད་དང༌། །རྫས་སྔགས་བསམ་གཏན་ལྷ་བསྐུལ་བའི། ཁྱད་པར་ལྔ་དང་ལྡན་པར་བཞེད། །རྫོགས་རིམ་ལ་ནི་རྣལ་འབྱོར་གསུམ། །ལྟ་བ་ཐུན་མོང་ཐུན་མོང་མིན། །འཁྲུལ་བའི་གོལ་ས་བཅད་དེ་གསུམ། །སྤྱོད་པ་ངོ་བོ་ངེས་ཚིག་དུས། །དབྱེ་བ་ཆོ་ག་འབྲས་བུའོ། །དབྱེ…

དམ་ཚིག་དང༌། །སྒོམ་ཚུལ་རྣལ་འབྱོར་བཞི་རིམ་དང༌། །རྣམ་པ་དཀྱིལ་འཁོར་འཁོར་ལོ་དང༌། །སྒྲུབ་བྱ་ལས་དང་དངོས་གྲུབ་དང༌། ཐོབ་བྱ་འབྲས་བུའི་རྣམ་བཞག་ཅེས། །དོན་བསྡུས་བྱ་ཞེས་མཁས་པའི་མཆོག །སློབ་དཔོན་མི་ཡི་ཉི་མ་གསུང༌། །གཞན་རྣམས་གང་དག་སྔར་བསྟན་ཟིན། །དཀྱིལ་འཁོར་སྐུ་གསུང་ཐུགས་གསུམ་དང༌། །ཧེ་རུ་ཀ་གཉིས་དབུགས་དབྱུང་དྲུག །མི་གཡ…

ཤིན་ཏུ་རྟོགས་པ་རྒྱུ་རྒྱུད་ལ། །སློབ་དཔོན་མགོན་པོ་ཨ་ཏི་ཤ །རང་བཞི་མེད་པའི་སེམས་སུ་བཞེད། །མི་ཡི་ཉི་མ་གཞི་དུས་ཀྱི། །ཆོས་རྣམས་ཐམས་ཅད་རྒྱུད་དུ་འདོད། །གྲུབ་ཆེན་ཞི་བའི་ཞལ་སྔ་ནས། །སེམས་ཉིད་བདེ་སྟོང་ཟུང་འཇུག་གསུངས། །དེ་ཡང་བདེན་པའི་མཐའ་བྲལ་བཞེད། །ཕལ་པའི་དབང་དུ་ཆོས་ཀུན་ཡང༌། །རྒྱུ་རྒྱུད་ཙམ་པོར་འཇོག་གོ་གསུང༌། །ངོ་…

འཁྲུལ་བཅས་འགྱུར། །ཀུན་རྫོབ་མི་སྣང་ཡེ་ཤེས་སྣང༌། །མངོན་ཤེས་ལྡན་པས་གཞན་དག་གི །རྨི་ལམ་བཞིན་ཏུ་ཀུན་རྫོབ་ནི། །བདག་ཉིད་ལ་ནི་མི་སྣང་ཡང༌། །གཞན་ལ་འཁྲུལ་བ་སྣང་བ་མཁྱེན། །སྟོང་ཉིད་བེམ་པོར་སྨྲ་རྣམས་ཀྱིས། །རྒྱུད་འདི་བཤད་པར་མི་ནུས་པས། །ཡེ་ཤེས་དམ་པའི་དོན་ཅན་དུ། །འཇོག་པ་རྒྱུད་འདིའི་དགོངས་པ་ཡིན། །རྒྱལ་བའི་ཡེ་ཤེས་གཟིགས…

ཇི་བཞིན་རྙེད་པ་ཞི་བའི་མན་ངག་རྣམས། །ལེགས་པར་རྡོ་རྗེ་སློབ་དཔོན་ཞལ་སྔ་ནས། །བློ་ལྡན་དམ་པ་འགའ་ལས་ལན་གསུམ་ཐོས། །རྒྱུད་རྒྱལ་ཀུན་གྱི་ངེས་གསང་མཐོང་བ་ན། །དོན་བསྡུས་ཚིགས་བཅད་མར་མེ་ལྟ་བུ་བརྩམས། །དགེ་འདིའི་བློ་ལྡན་རྣམས་ཀྱི་རྒྱུད་ཀྱི་དོན། །ཇི་བཞིན་རབ་རྟོགས་རྡོ་རྗེ་ཐེག་འདི་ཡིས། །ཚེ་འདི་ཉིད་ལ་བྱང་ཆུབ་མཆོག་གཞོལ་བ། །…

སྒྲོལ་མ་རྣལ་འབྱོར་མའི་དཀྱིལ་འཁོར་གྱི་སྒྲུབ་ཐབས་ཡེ་ཤེས་འབར་བ་བཞུགས།

ཨོཾ་སྭཱ་སྟི། ན་མོ་གུ་ར་ཝེ། ཐུགས་རྗེ་ཆེན་པོས་འཇིགས་པ་ཀུན་ལས་སྐྱོབ། །གང་གིས་དྲན་པ་ཙམ་ལའང་དངོས་གྲུབ་མཆོག །སྩོལ་མཛད་འཕགས་མ་སྒྲོལ་མའི་ཞབས་པད་ལ། །ཕྱག་འཚལ་ནས་ནི་དེ་ཡི་སྒྲུབ་ཐབས་བཤད། །ཡིད་དུ་འོང་བའི་ས་ཕྱོགས་སུ། །བདེ་བའི་སྟན་ལ་འདུག་ནས་ནི། །སྐྱབས་འགྲོ་སེམས་བསྐྱེད་སྔོན་འགྲོ་བས། །མདུན་དུ་མཎྜལ་ལེགས་པར་བཅའ། །དང་པ…

བ་ན་ཡེ་ཧཱུཾ་ཕཊ། སྣ་གཡོན་ནས་བུས། ཨོཾ་མ་ཎི་དྷ་རི་བཛྲཱི་ཎི་མཧཱ་པྲ་ཏི་སཱ་རེ་ཧཱུཾ་ཧཱུཾ་ཕཊ་ཕཊ་སྭཱ་ཧཱ་རཀྵ་རཀྵ་མཱཾ། སརྦ་བིགྷྣ་བྷྱཿ ཨོཾ་ཨཱཿབཛྲོ་ད་ཀེ་ཧཱུཾ་སྭཱཧཱ། ལན་གསུམ་མཎྜལ་ཆུས་བྱུགས། ཨོཾ་བཛྲ་གོ་མ་ཡེ་སྭཱཧཱ། ལན་གསུམ་བྱུག་ཚུལ་བྱ། ན་མོ་བྷ་ག་བ་ཏེ་པུཥྤེ་ཀེ་ཏུ་རཱ་ཛཱ་ཡ། ཏ་ཐཱ་ག་ཏཱ་ཡ་ཨ་ར་ཧ་ཏེ་སམྱཀྶཾ་བུདྡྷ་ཡ། ཏདྱ་ཐཱ།…