ན་མོ་གུ་རུ་བུདྡྷ་བོ་དྷི་ས་ཏྭཱེ་བྷྱཿ ཨོཾ་སྭ་སྟི་སརྦ་པྲ་ཛཱ་བྷྱཿ རྒྱལ་ཁམས་པ་ཏཱ་ར་ནཱ་ཐས་བདག་ཉིད་ཀྱི་རྣམ་ཐར་ངེས་པར་བརྗོད་པའི་དེབ་གཏེར་ཤིན་ཏུ་ཞིབ་མོ་མ་བཅོས་ལྷུག་པའི་རྟོགས་བརྗོད་ཅེས་བྱ་བ། བླ་མ་རྣམས་ལ་ཕྱག་འཚལ་ལོ། །རྟག་བརྟན་གཡུང་དྲུང་འོད་གསལ་རྡོ་རྗེ་སེམས། །གདོད་ནས་རྣམ་དག་མཁའ་བཞིན་འཕེལ་འགྲིབ་བྲལ། །ཆོས་ཀུན་འབྱ…

གང་ལས་འགྲོ་རྣམས་སོ་སོའི་བསམ་པ་དང་མཐུན་ཚངས་པའི་འཁོར་ལོ་བསྐོར་མཛད་དོན་གཉིས་ཕུན་སུམ་ཚོགས་གྱུར་རྫོགས་སངས་རྒྱས་རྣམས་དང༌། །གང་འདིར་ཟབ་ཞི་སྤྲོས་བྲལ་རང་བཞིན་གདོད་ནས་དག་ཅིང་དྲི་མ་རྣམ་སྤངས་འགོག་པའི་བདེན་གྱུར་ལུང་རྟོགས་དང་བཅས་དམ་པའི་ཆོས། །སྲིད་འདིར་ནག་ཕྱོགས་མུན་སེལ་མཐའ་དག་ཡོན་ཏན་ཆ་ཤས་རབ་རྫོགས་ཐེག་གསུམ་འཕགས་ཚོག…

རྣམ་ཐར་བརྗོད་པར་སྨོན། །རང་གི་ཡོན་ཏན་བརྗོད་པ་དམན་པའི་ལུགས། །རྫུན་དུ་བརྗོད་ན་འཕགས་པ་རྣམས་ཀྱིས་ཁྲེལ། ཁྱད་འཕགས་ཡོན་ཏན་བདག་ལ་བརྗོད་རྒྱུ་མེད། །གནས་ཚུལ་སྒྲོ་སྐུར་མེད་པར་བརྗོད་ན་ཀོ །གཞན་གྱིས་ནན་ཏན་བསྐུལ་བའི་ཕྱིར། །རང་གི་རྣམ་ཐར་མདོ་ཙམ་བཤད། །དུས་ཀྱང་དྲོན་དུ་འགྱུར་མོད་ཀྱི། །ཤེས་ལྡན་ཐམས་ཅད་བཟོད་པར་མཛོད། །དེ་ཡང་…

ཆ་མེད་དང༌། ཀུན་འགྲོ་དང༌། ཁྱབ་བདག་དང༌། ཀློང་ཡངས་དང༌། ཁྱབ་གདལ་ཆེན་པོ་ཡིན་ནོ། །དེ་ལྟ་བུའི་གདོད་མའི་ཡེ་ཤེས་དེ་དང་ལྷན་ཅིག་སྐྱེས་པ་ངོ་བོ་དེ་ཉིད་དང་གཞན་དུ་བརྗོད་དུ་མེད་པ་ཀུན་གཞི་རྣམ་པར་ཤེས་པ་ཞེས་བྱ་བ། སྲིད་པའི་བདག་པོ་ཞིག་ཡོད་དེ། ཇི་སྐད་དུ། དེ་བཞིན་ཀུན་གཞིའི་ཆུ་བོ་ཡང༌། །རྟག་ཏུ་ཡུལ་གྱི་རྐྱེན་གྱིས་འབྱུང༌། །རྣ…

ཅན་བརྗོད་དུ་ཡོད་བཞིན་དུ། སོ་སོ་སྐྱེ་བོ་ཉོན་མོངས་པའི་འདམ་དུ་བྱིང་བ། རྨོངས་པས་རྣམ་པར་གཡོགས་པ། སྲིད་པའི་ཆུ་བོ་ལས་མ་བརྒལ་བ། སྲེད་པས་བཅིངས་པ། ཡང་དག་པའི་དོན་ལ་ཁོ་རེ་ཆུང་བ། བདག་ལྟ་བུའི་ལས་སྣང་གི་འཆར་སྒོ་ཡི་གེར་དགོད་པར་རྩོམ་པ་ནི་ངལ་བ་ཁོ་ནའི་རྒྱུ་ཡིན་མོད་ཀྱི། བསྐུལ་བ་པོ་ཤིན་ཏུ་མང་པོ་དག་གི་ངོ་མ་ཆོགས་པས་ཅུང་ཟད…

འགྲོ་བ་ལ་བརྩེ་སེམས་ཀྱང་ཆུང་ངུའི་དུས་ནས་ཅུང་ཟད་འཆར་བ་དང༌། སངས་རྒྱས་ཐོབ་འདོད་ཀྱི་བསམ་པ་གཏིང་ཚུགས་པ་ཞིག་ཀྱང་དྲན་པ་རྙེད་ཙམ་ཉིད་ནས་ཡོད་ཅིང༌། ད་ལྟ་ཟབ་མོའི་ཆོས་མང་པོ་ལ་སྙིང་ཐག་པ་ནས་ངེས་པ་ཅུང་ཟད་སྐྱེ་བར་སྣང་བའི་ཕྱིར་རོ། །འདིར་སྨྲས་པ། རང་བློ་རང་ལ་ལྐོག་ཏུ་མ་གྱུར་བས། །འདི་དག་རང་གིས་རང་ལ་མ་ཁྲེལ་ཙམ། །འདི་ཙམ་རྫུན…

ཅི་རིགས་པ་མཁྱེན། སྨན་དཔྱད་དང་སྐར་རྩིས་སོགས་ལ་མཁས་པ་ཞིག་བྱུང༌། ཡར་འབྲོག་འཕྲང་རིགས་ཀྱི་ནུབ་སྟོད་དུ་གཉན་དང་ཇོ་བོ་ལ་སོགས་པས་སྦྱིན་བདག་བྱས་ནས་གཤིན་རྗེའི་ལྕགས་མཁར་ལ་དཔེ་བྱས་པའི་མཁར་བརྩིགས་ནས་དེར་བཞུགས་པས། རྭ་ལྕགས་མཁར་བ་ཞེས་ཐོགས་སོ། །སྒྲུབ་པས་ནུས་མཐུ་ཆེན་པོ་ཡང་མངོན་དུ་གྱུར། ཐོང་ལྕགས་ཆག་པ་ལ་ལྗགས་བཏབ་པས་ཞི་ཞ…

པའི། །ལག་ལེན་ཁྲིགས་ཆགས་མཐོང་བརྒྱུད་ཡོད་ན་ཡང༌། །ཕ་ཆོས་རྣམས་ཀྱི་དབང་བཀའ་བར་དུ་ནུབ། །ཆོས་རྗེ་ངག་དབང་པ་ལ་དབང་རྣམས་ཞུས། །མོས་ཞེན་དབང་གིས་རྡོ་རྗེ་འཇིགས་བྱེད་བསྒྲུབས། །རེ་མ་ཏཱི་ཡི་ཞལ་ཡང་མཐོང་བར་གྲགས། །སྐབས་དེར་ཡར་འབྲོག་ཁྲི་དཔོན་དང་ཟློས་ནས། །གཡོར་པོ་སྟོད་ཀྱི་ཕྱོགས་ན་སློབ་མ་དང༌། །ཡོན་བདག་མང་དུ་ཡོད་པའི་ཕྱོགས་…

པོ་སྐྱེས། །སྔ་མས་གཙང་གི་ཕུང་པོ་རི་བོ་ཆེར། །རྗོགས་ཆེན་ཡུན་རིང་བསྒོམས་པའི་ལོ་རྒྱུས་སྣང༌། །དང་པོའི་སྲས་ནི་བདག་གི་བླ་མ་ཡིན། །མེས་པོའང་ཡིན་ཏེ་རིག་སྔགས་འཆང་ཆེན་པོ། །མཚན་ནི་ཚུལ་ཁྲིམས་རྣམ་རྒྱལ་ཞེས་པ་ཡིན། །བྱིས་པའི་དུས་ན་ཆོས་གྲགས་རྒྱ་མཚོའི་དྲུང༌། །ཡིག་དྲུག་བཟླས་ལུང་ཙམ་ཞིག་གསན་ཞེས་གསུང༌། །ཆོས་རྗེ་འཕྲིན་ལས་པ་ལ…

ནོར་ཤེད་ངོམ་ཐུབ་པ་རང་མེད་དེ། རང་རང་སོ་སོའི་ཐད་ཀ་དེར་གྲྭ་སློབ་ཡོན་བདག་སྐྱོང་རྒྱུ་ཡོད་ངེས་ཤེས་པའི་འཕྲིན་ལས་དང་ཡི་དམ་ཆོས་སྐྱོང་ལ་གསོལ་བ་ཐེབས་ཙམ་གྱི་ནུས་མཐུ་ཡོད་ངེས་པ་ཡིན། དེ་ལ་ངེད་ཀྱི་མེས་དང་ཕ་ཡན་ཆད་ཁྱིམ་བཙུན་སྔགས་པ་ཐམས་ཅད་ཀྱང་དགེ་སློང་ལ་ཕར་ཕྱག་འཚལ། རྟེན་གསུམ་ལ་ཞབས་ཏོག་བྱེད། བཟའ་བ་དང་རིན་གྱི་དོན་དུ་སྲོ…

དེ་ཉིད་དང་ཉེ་བ། བོད་ཡུལ་དབུས་ཀྱི་ཆར་གཏོགས་པ། ལུ་ཧི་ཏའི་ཆུ་ཀློང་ལ་སྙེན་པར་འགྲོགས་པ། འབྲང་ཞེས་བྱ་བའི་ཡུལ་གྲོང་ཁྱེར་གྱི་བཀོད་པ་ཡིད་དུ་འོང་བས་བརྒྱན་པ། བཟའ་ཤིང་གི་རྭ་བའི་སྐྱེད་ཚལ་དུ་མས་རྣམ་པར་ཁྱབ་པ། རི་བོ་སྨན་ལྗོངས་ཉམས་དགའ་བ་དུ་མ་དང༌། ཚལ་སྣ་ཚོགས་པས་མཛེས་པ། སྔོན་གཉོས་ཇོ་སྲས་རྡོ་རྗེ་བླ་མ་ལ་སོགས་པས་ཡུན་རིང་…

གྱུར་པ་ལ་ཡུམ་གྱི་ཐོག་རྩེ་ནས་དུང་དཀར་ཕྱོགས་བཞིར་འབུད་པ་དང༌། ཡང་ལན་ཅིག་རྨི་ལམ་དུ་རིན་པོ་ཆེ་བ་ལ་དབང་ཞུས་པས། གསེར་གྱི་རྡོ་རྗེ་ཞིག་སྤྱི་བོར་བཞགསླར་དེ་སྐུ་འཕྲག་ཏུ་བཅུག་པའི་སྣང་བ་བྱུང་ཞིང༌། དེའི་གནས་ཚུལ་མེས་པོ་རིན་པོ་ཆེ་ལ་ཞུས་པས། དེ་སྲིད་འཁོར་བ་དེའི་ལྟས་ཡིན། འདི་ལ་དགའ་མོ་ཞིག་འོང་བ་ཡིན་ཏེ་འོང༌། ཞེས་གསུང༌། ད…

བར་ཐག་བཅད་པའི་ཚེ། དེའི་སང་ཞོགས་ནམ་ལངས་ཙམ་ལ་ནང་གི་སྐས་ནས་ཡར་ཨ་ཙ་ར་ལྔ་ཙམ་ཞིག་འཛེགས་ནས་བྱུང་ནས། སྔོན་མ་དེས་པོ་ཏི་ཞིག་གིས་ངེད་ལ་བྱིན་རླབས་བྱེད་ཀྱིན་མང་པོ་ཞིག་ལབ་ཀྱིན་ཡོད་པར་འདུག དེ་རྣམས་སླར་ཡང་སྐས་ལ་བབས། དེ་ཕྱིན་ཆད་གར་སོང་ཆ་མེད། ཕ་དང་ཞང་བོ་སོགས་ནང་མི་ལྔ་ཙམ་ཡོད་འདུག་པ་ཐམས་ཅད་ཀྱིས་མཐུན་པར་མཐོང་ཞིང༌། མཐོང་…

དམར་ནག་དང༌། ཕྱག་བཞི་པ་གཏེར་མགོན་དང༌། རྡུལ་ཚོན་གྱི་དཀྱིལ་འཁོར་བཞེངས་སུ་གསོལ་ཏེ། བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཆེན་པོའི་དབང་བསྐུར་ལ་སོགས་པ་ཕ་ཆོས་འགའ་ཟུང་སྩལ་ཏེ་དེ་ཀུན་ཞོར་ཆོས་ལ་ཐོབ་ཡོད་པར་འདུག་ཅིང༌། དཀྱིལ་འཁོར་དང་མཆོད་བཤམས་ལ་སོགས་པ་ད་ལྟའང་ཡིད་ཡུལ་ལ་ཅི་རིགས་པར་འདུག་ཅིང་ཆོས་ཀྱི་ཚིག་དོན་ལ་ནི་གོ་རྟོ…

ཞིང་ལུང་བ་འདིའི་རི་དྭགས་རྣམས་ངས་བསྲུང་དགོས་པ་འདུག་སྙམ་པ་དང༌། འདི་བསྲུངས་ཀྱང་དེའི་ཕ་རོལ་ན་ལུང་བ་དང་རི་དྭགས་ཡོད། དེའི་ཕ་རོལ་ནའང་ཡོད་སྙམ་པ་སོགས་མཐའ་མེད་དུ་ཤར་ནས་གཅིག་བསྲུངས་ཀྱང་གཞན་རྣམས་ཇི་ལྟར་དྲག་སྙམ་པའི་གང་དྲག་ཅི་དྲག་མི་ཚུགས་པ་ཙམ་ཡོང་བ་ཞིག་ཡོད་ཅིང༌། ཡང་ལན་ཅིག་སྒོ་རྩ་ན་བྱ་བཏང་འགའ་རེ་སློང་ཞིང་འདུག དེ་ན…

གཞིས་སོགས་སུ་ཕྱིན་པ་ནས་གསལ་སྣང་དེ་ཀུན་ཡང་འགྲིབས་ནས་སོང༌། ཡང་ལན་ཅིག་ཨ་ཙ་ར་འགའ་ཤས་ལམ་ཞོར་ལ་སྒོ་རྩ་ན་ལྟོ་སློང་གིན་འདུག་པ་མཐོང་ནས་ཀྱང་དགའ་སྤྲོ་དཔག་ཏུ་མེད་པ་སྐྱེས་ཤིང་རྒྱ་གར་གྷ་ཡ་ལ་སོགས་པ་ཡིན་སྙམ་པའི་ཡུལ་མང་པོ་ཞིག་ཡིད་ཡུལ་དུ་ཝལ་ཝལ་ཤར་རོ། །སྨྲས་པ། སྔོན་གོམས་དབང་ལས་མཐའ་དག་དགེ་བའི་ཆོས། །གཅིག་ཅར་ཤར་བ་འདི་ལས་…

པོ་ལ་ཞུ་བར་ཕྱིན་པ་བཞིན། སྡེ་པ་རང་ལའང་མནལ་ལམ་བཟང་པོ་ཁྱད་པར་ཅན་བྱུང་གསུང་ཞིང༌། དེ་འཕྲལ་དངོས་ལ་གོས་ཆས་སོགས་བཟབ་རྒྱས་སུ་སྩལ། དེ་ནས་སྡེ་པ་བསྟན་འཛིན་དྲུང་གིས། མཁན་ཆེན་རིན་པོ་ཆེ་དང༌། རྒྱལ་རྩེ་ནས་བརྩམས་ཏེ། ཞབས་དྲུང་སྟོབས་རྒྱས་དྲུང་གི་བར་ཚུན་ཆད་ཀྱི། རྗེས་དམ་པའི་ཡོན་བདག་དང་བུ་ཆེན་རྣམས་ཀྱི་སར་གནས་ཚུལ་རེ་ཡང་འབུ…

པའི་སློབ་དཔོན་སྤྱོད་པ་བ་ཡང་སྲིད་འཛིན་པའི་ཚུལ་སྟོན་པ་ལྟ་ག་ལ་ཞིག་ས་ཐོབ་པའམ་དེ་ལ་ཉེ་བར་བསྙེན་པའི་ངེས་འབྱེད་ཆ་མཐུན་ཙམ་ལ་ཡང་གནས་པ་མ་ཡིན། འོན་ཀྱང་དེ་དང་དེར་བྱིན་གྱིས་བརླབས་ཏེ་འགྲོ་བའི་དོན་སྤྱོད་པ་ཡང་སྲིད་པའི་ཕྱིར་གཅིག་དང་ཐ་དད་པའི་དཔྱད་པ་མི་དགོས་སོ། །དེ་ནས་མི་རིང་བར་སྨོན་ལམ་གྱི་སྟོབས་ཆེན་པོས་དམ་པའི་ཆོས་ཀྱི…

སྒོ་ཡང་འགའ་རེ་སྨྲས་འདུག དཔལ་ལེགས་གྲོགས་མཆེད་ཀྱིས་རྒྱལ་སྲས་ཆོས་རྫོང་པའི་ཐུགས་དམ་རྟེན་བདེ་མཆོག་དང་དམག་ཟོར་མའི་ཤིང་སྐུ། རྗེ་དམ་པའི་འབྲལ་སྤང་མི་གཡོ་བ་དང་སྒྲོལ་མའི་ཟངས་གླེགས་སོགས་ཁྱེར་བྱུང་བས་ངོ་ཤེས་པའི་རྣམ་པ་དང༌། ཁྱད་པར་དེ་གོང་སྒྲོལ་མ་མ་གཏོགས་ལྷ་རིགས་དེ་དག་མཐོང་ཐོས་མེད་ནའང༌། ལྷ་རྣམས་ངོ་ཤེས་ཤིང་ངོས་འཛིན་…

སང་ཡ་སྲིབས་ཕྱོགས་ལ་ལམ་མཛད་དེ་ཕེབས་སྐབས། དེ་ཕྱོགས་རིན་སྤུངས་ཀྱི་ལམ་ཡིན་ང་མི་འགྲོ་བྱས་ནས་བསླབ་ཉེས་མང་དུ་བྱས། འདབ་ལུང་དུ་སྡེ་པ་བསྟན་འཛིན་དྲུང་དཔོན་གཡོག་ཀྱང་བསུ་བ་ལ་ཕེབས། སྣ་དཀར་རྩེའི་མདུན་གྱི་སྐྱེད་ཚལ་དེར་ཞགས་གསུམ་བསྡད། ཉིན་གཅིག་ཙམ་རྩེར་ཡང་ཕྱིན། སྐྱེད་ཚལ་དེར་ཡོད་དུས་ཇ་འཐུང་འཕྲོ་ལ་དཀར་ཡོལ་ཞིག་ཁྲི་སྟེང་ན…