ཁམས་མ་བདུན་ཙམ་བཞེངས་པ་ཡང་མཐར་ཕྱིན། དོན་གཉེར་འགའ་ཞིག་ལ་རྡོ་རྗེ་འཇིགས་བྱེད་ཀྱི་ཆོས་ཐན་ཐུན་བཤད། ཡི་དམ་དང་མཁའ་འགྲོ་ལ་གསོལ་བ་ཡང་ཡང་བཏབ་པས། གནང་བའི་མཚན་མ་བྱུང་ནས་དཔྱིད་ཀྱི་ཐིག་ལེའི་ཊཱི་ཀ་དེ་བརྩམས། རྟག་བརྟན་དུ་ཡང་སྟོན་དེ་གཙང་ཁང་གི་ཐོག་ཀྱང་ཁེལ་ཞིང༌། རུང་ཁང་གི་འོག་ཐོག་ཀྱང་ལེགས་པར་གྲུབ། ལྕགས་རི་ནང་གི་མཐའི་ཁང་…

ལྷན་ཅིག་རྟག་བརྟན་དུ་ཕྱིན། ད་བཟོད་ལས་ཀ་མ་རན་པར་གྲྭ་པ་རྣམས་དེར་སྡོད་པར་བྱས། ངེད་ཀྱིས་རྟེན་འབྲེལ་དུ་ངེས་དོན་རྒྱ་མཚོའི་ལུང་གི་འགོ་ཚུགས་ཙམ་བྱས་ཡོངས་དུས། ལུང་ནག་རྫོང་ཞོལ་དུ་སྲོད་གདོང་ནག་ལ་སླེབ། ནང་སོ་ཐོག་གིས་གཞི་ལེན་བྱུང༌། དེ་ནས་བསམ་རྩེར་སླེབ་དུས་སྐུ་མཚམ་པ་ཙམ་གནང་འདུག སླེབ་ཉིན་ནས་གཟུང་སྟེ། རྐྱེན་སེལ་གྱི་ད…

འཚོགས་སའི་འདུ་ཁང་གསར་བཞེངས་ལ་རབ་གནས་བྱས། སྡེ་སྲིད་ལ་མནལ་ལྟས་འཚུབ་ཙམ་ཅིག་བྱུང་འདུག་པ། ཇི་ལྟར་ཡིན་རྟོགས་ཤིག་གསུང་བས། སྐུ་དོག་ཡོད་པའི་ལྟས་རང་ནི་མིན་པ་འདུག གཞན་གྱིས་ཆོ་འཕྲུལ་ལྟས་ངན་འདྲ་བསྒྲུབས་པའི་རྣམ་ཆར་འདུག་པས། དེ་མཐུན་གྱི་སྐུ་རིམ་ཕུལ། དེ་རྗེས་འབོད་མི་བྱུང་བ་ལྟར། ངེད་ཀྱིས་ཚོང་འདུས་སུ་ཞག་གསུམ་པ་ཞིག་བསྡ…

ཞོལ་གྱི་ཀླུ་སྡིངས་དེར་ཚ་བཞེས་ཅིག་བྱུང༌། སྔ་སོར་རྫོང་རྩེར་ཕྱིན་སྐབས་དང༌། ཁ་སིང་དེའི་མར་ལམ་གཉིས་ཀར་ལ་ཡང་འཚུབ་ཏུ་མངོན་དེས་ཤེས་པ་བྱུང་ཞིང༌། དེ་རེས་ནི་སྟོང་པ་ཉིད་ཀྱིས་ཟིལ་གྱིས་མནན་པས་ཅང་མ་བྱུང༌། འདི་སྐབས་གོང་དཀར་དུ་རྗེ་ངག་དབང་བཟང་པོ་གཤེགས་པའི་ཞེ་དགུའི་སྒང་གི་རླུང་འཚུབ་ཆེན་མོའི་རིང་ཡིན། ངེད་དང་ཆོས་འབྲེལ་ན…

པ་སྐབས་འདིར་སླེབ། མཆོག་དབང་གོང་མའི་སྔ་དྲོ་སྣར་ཐང་ནས་ལྕམ་དྲུང་ཡང་འཁྲིད་ལ་འབྱོར་བ་ཡིན། དམ་པོ་གྲོལ་ནས་སྐྲ་བཅད་མཛད། དམ་པོ་མ་ཐེབས་ཀྱི་རིང་ཁྲིད་ཀྱི་སྔོན་འགྲོའི་སྐབས་ལ་རྟག་བརྟན་དང་ཇོ་ནང་གཉིས་སུ་མཚན་བསྡོད་རེ་མོས་བྱས། གཅིག་ཏུ་སྔ་ཆོས་གྲོལ་ནས་གཅིག་ཏུ་དགོངས་ཆོས་འཛུགས་པར་སོགས། ཉིན་རེ་བཞིན་གཉིས་ཀར་དུ་ཆོས་ཐུན་མ་ཆག…

ཀྱང་བདུན་བརྒྱད་གཅིག་གི་བཀའ་བྱས། ནཱ་རོ་མཁའ་སྤྱོད་ཀྱི་བྱིན་རླབས་སྒྲུབ་སྡེ་རྣམས་ལ་ཡང་བྱས་ཤིང༌། དེ་སྐབས་རྟེན་འབྲེལ་ཅི་ཡིན་རུང༌། རྡོ་རྗེ་ཕག་མོའི་རིགས་དང༌། ཀུ་རུ་ཀུལླེ་དམར་ཆུང་སྐོར་གསུམ་སོགས་མཁའ་འགྲོ་མའི་ཆོས་སྐོར་གྱི་སྐབས་ཐམས་ཅད་དུ་ལག་པ་ལ་ཤུ་བའི་རྣམ་པ་འབྱུང་བ་སོགས་ཅུང་ཟད་འཚུབ་པའི་ལྟས་བྱུང༌། ཁྲོ་བོ་ཆོས་སྐྱ…

རིམ་རྒྱས་པ་ཞིག་དང༌། བདེ་བ་ཅན་གྱི་ཞིང་བཀོད་དང༌། མངོན་དགའི་ཞིང་བཀོད་གྱི་མདོ་གཉིས་རྒྱབ་རྟེན་དུ་བཤད་ཅིང༌། ལམ་རིམ་གྱི་གྲུབ་འབྲས་བྱངས་ལུགས་ཀྱི་སེམས་བསྐྱེད་ཆེན་པོ་དེ་མཛད་པ་སྔ་སྲོལ་དུ་འདུག་པ་བཞིན་བྱས། འདི་སྐབས་ལྷ་འདོངས་པའི་ཆོས་རྗེ་བགྲེས་པ་ཁོང་རའི་ཡུམ་གྱིས་བསྔོ་ཞུས་ལ་ཁོར་ཙམ་བྱུང༌། དབྱར་སྨད་ཆོས་རྗེ་ཕྱྭ་བཀའ་བཅ…

རི་སྔོན་པོར་སྐྱོང་གི་རྩེ་མོར་ཞག་གཅིག་བསྡད། གཏོར་མ་རྒྱ་ཆེར་བཏང༌། རང་གཞན་ལ་ཕན་པ་རྒྱ་ཆེན་པོ་འགྲུབ་པའི་ལྟས་ཞིག་ཀྱང་བྱུང༌། བྱང་སྟག་ལུང་དུ་ཞབས་དྲུང་མ་ཆེན་ངག་དབང་རྣམ་པར་རྒྱལ་བའི་ཞལ་སྔ་ནས་ཀུན་སྤང་གནང་བ་དང༌། ཞབས་དྲུང་དཔོན་རིན་པོ་ཆེ་ཁྲི་ཐོག་ཏུ་ཕེབས་པ་ལ་ཞལ་དཀར་ཇ་ཞུས་བཟབ་པར་ཕུལ། དེ་ཀ་མ་གཏོགས་མཚམས་བསྡམས་ནས་བསྡད་…

དཔལ་ཆེན་ལྷ་ཁང་ཡང་རགས་པ་འགྲུབ། ལྷ་ཁང་གཞན་ཕལ་ཆེར་གྱི་རྨངས་ཙམ་བཏིང༌། ལྕགས་རིའི་ཁ་གསོ་ཡོངས་རྫོགས། ལྕོག་རྣམས་དང་བཅས་པ་པོ་ཏ་ལའི་ཐོག་འོག་མ་གཉིས་དང༌། སྟེང་ཐོག་ཀྱང་སྤྱི་སྐྱ་རགས་པ་གྲུབ། ལྷོའི་ཕྱོགས་ཀྱིས་མཚམས་གཅོད་པའི་ལྕགས་རི་བཏགས་སོ་ཐམས་ཅད་དང༌། དཔལ་རི་དང་སཽ་རཥྟར་མིང་བཏགས་པའི་སྒོ་སྤེའུ་འདི་རྣམས་རགས་རིམ་དང༌། ལྷ…

ཕྱོགས་ནས་ངེད་ཀྱི་ལག་ཏུ་སྔ་མོ་ཞིག་ནས་འབྱོར་བ་ཡིན། འགྲེལ་པ་དེ་ཁའི་གྲས་དེ་འདི་སྐབས་འབྱོར་པ། ཡིད་ལ་ཡ་མཚན་སྐྱེས་ཤིང་རེ་མང་ཀློགས་པས། ཟུང་སྦྱོར་ལ་ཡང་བློ་སྐྱེད་རེ་ཀ་ཐོན་བྱུང༌། དབང་མདོར་བསྟན་གྱི་འགྲེལ་པ་དོན་དམ་བསྡུས་པ་དང༌། ཀྱཻ་རྡོ་རྗེའི་འགྲེལ་པ་རྡོ་རྗེའི་ཚིག་བསྡུས་གཉིས་ཀའི་རྒྱ་དཔེ་འདུག་སྟེ། སྔ་མ་ལ་མཛད་བྱང་ནཱ…

ཆོས་ལ་ཡར་མར་དུ་བགྲོད་ཚུལ་རེ་མོས་བྱས། རི་ཁྲོད་དུ་རྒྱབ་ཆོས་ལ་ཏིང་ངེ་འཛིན་རྒྱལ་པོའི་མདོ་ལུང་བཀླགས། རྟག་བརྟན་དུ་ནི་འདི་སྐབས་ཐུན་མོང་གི་ཁྲིད་ཞེན་པ་བཞི་བྲལ། བློ་སྦྱོང་ཐུན་གཅིག་མ་དང༌། ཚིག་རྐང་བརྒྱ་དམ་སྙིང་པོ་དོན་གསུམ། སུམ་པ་ལོ་ཙཱ་བའི་བློ་སྦྱོང༌། སྐྱིད་སྡུག་ལམ་འཁྱེར་གྱི་འཁྲིད། སྒྲོལ་དཀར་གྱི་འཁྲིད། ཚེ་དཔག་མེ…

ནི་མྱོང་བར་ངེས་པའི་ལས་ཀྱི་འབྲས་བུ་དང༌། བྱ་བ་བྱས་ཟིན། འབྲས་བུ་གྲུབ་ཟིན་དུ་ཐལ་བའི་རིགས་ལ་བཅོས་ཐེས་མེད། དེ་མིན་ཆགས་ཆེ་ཉམས་ང་ཐན་ཐུན་རྣམས་རིམ་གྲོ་ཆང་ཆུང་གིས་ཀྱང་བཟློག་ན་ཆེན་པོས་ལྟ་ཅི་སྨོས། དེས་ན་ཞིང་གི་མཆོག་བླ་མ། དེའི་ནང་ནས་ཀྱང་གཞན་སུ་དང་མི་འདྲ་བའི་ལུང་མེད་འདི་ལྟ་བུ་ལ། ཞབས་ཏོག་དང་མཆོད་པའི་ཡོ་བྱད་བསམ་གྱིས…

ཞིང༌། དད་པའི་རྩ་བ་སྟོན་པ་བཅོམ་ལྡན་འདས་ཀྱི་རྣམ་ཐར་གོ་བ་ལ་རག་ལས་པས། སྟོན་པའི་རྣམ་ཐར་རྒྱས་པ་འདུལ་བ་ལས་འབྱུང་བ་རྣམས་ཀྱི་ནང་ནས། ལོ་རྒྱུས་སྡེ་ཚན་ཆེ་བ་རེ་ཙམ་གཉིས་ཙམ་རེ་ལ་ཆོས་ཐན་ཐུན་རེ་བྱས་པ་དང༌། འཇིག་རྟེན་བསྟན་བཞག་གི་གོ་བ་ཞིབ་ཅིང་གསལ་ལ་འགྲིལ་བ་རིམ་ཅན་དུ་ཕུལ་བའི་གོ་བ་ཡོངས་རྫོགས་དང༌། བཤེས་པའི་འཕྲིན་ཡིག་ལ་ཐུན…

ཚུགས་མི་འདུག་པ་ལ། བསྡུས་དོན་གྱི་རྐང་སྒྲིག་ཚུལ་ཁྱད་པར་ཅན་ཅིག་བློ་ལ་ཤར་བ་འདི། འཕགས་པ་ཉིད་ཀྱི་བྱིན་རླབས་ཡིན་ནོ་ཞེས་པའི་བརྡ་དོན་ཡིན་པར་མངོན་ནོ། །གཞུང་འདིའི་དོན་རྣམས་ཤིན་ཏུ་ཐུགས་ལ་འཕྲོད་པར་ཡང་བྱུང༌། འདི་སྐབས་སྡོད་ས་ལི་མ་ལྷ་ཁང་དང་ཐག་ཉེ་བས། ཕྱག་མཆོད་སྨོན་ལམ་ཡང་ཡང་ཐུབ་པས་ཤིན་ཏུ་དགའ་བར་བྱུང༌། ཆོས་བཟང་ཉི་མས་ས…

འབྲས་སྤུངས་ཐམས་ཅད་མཁྱེན་པའི་སྤྲུལ་པའི་སྐུ་ལ་ལྷ་སར་དར་འཛུགས་པའི་དུས་དེ་ལྟ་བུར་ངེད་ཀྱི་རྟེན་འབྲེལ་སྒྲིགས་ན། གང་སྤྱིར་ཕན་པའི་ཐབས་ཤིག་ཡོད་པ་ཡིན་ཏེ། ལྷོ་ཁ་ལ་ཐེགས་པས་སྟབས་མ་འགྲིགའདི་སྐབས་སྐུ་ཡལ་བའི་ཐུགས་དམ་གསལ་འདེབས་ཀྱི་རྟེན་བཟབ་པར་བྱུང༌། སྐབས་དེར་འདར་གདོང་བདེ་གླིང་པ་གསུམ་ལ། བཀའ་བཀྱོན་དབྱིངས་ཆེ་བ་བྱུང་བ་ལ…

དུ་ཆོས་སྡེའི་བསུ་བ་སེར་བསྒྲེངས་དང་བཅས་སླེབ། སྣར་ཐང་སྡེ་པའི་ཤུལ་གྱི་ཐང་ཀ་ཅི་རིགས་སྡེ་སྲིད་རང་གི་ཕྱག་ཏུ་གཞེས་པའི་ལྷག་མ་ཕལ་ཆེ་བ་རྣམས་དང༌། དཔེ་ཆ་རྣམས་ལས་ཇི་ལྟར་མཁོ་ཆེ་བ་རྣམས་རྟག་བརྟན་གྱི་ཆོས་སྡེ་གསར་འདིངས་ལ་མཁོ་ཆེ་བར་ཡོངས་འདུག་པས། ཁྱེར་ཐོང་གསུང་བའི་བཀའ་ལུང་ཡོད་པ་ལྟར། དེ་ཚོ་བལྟ་རྟོག་ལ་ཞག་པོ་གསུམ་བསྡད། རྒ…

དང༌། རྟག་བརྟན་དུ་དུས་ཀྱི་འཁོར་ལོའི་སྒྲུབ་མཆོད་ཚུགས་པའི་ཐོག་མ་ཡིན་པས། ཆོ་གའི་འགོ་ལ་རང་རེ་ཡོད་པ་རང་ཞིག་དགོས་པར་བྱུང་ནས། སྔ་གོང་རི་ཁྲོད་དུ་ནག་ཉ་ལན་གཉིས་སོང་བ་དེ་ཡིན་ཀྱང༌། རྟག་བརྟན་དུ་འཛུགས་པའི་ཐོག་མ་དེ་ས་ག་ལ་བྱུང་བ། དེ་ཕྱིན་ཆད་ཀྱང་ས་ག་ཉིད་ལ་བྱས་སོ། །འདི་སྐབས་སྒྲུབ་མཆོད་སྔར་འཁྱུད་ལྟར་ལས། གྲྭ་རིགས་དུས་འཁ…

སློབ་དཔོན་བཀྲ་ཤིས་ཕུན་ཚོགས་པ་ཁམས་ལ་འབྱོན་པའི་འདོད་ཆོས་དབང་རྗེས་གནང་ཁྲིད་སོགས་རྣམ་གྲངས་མང་བ་ཉིན་རེ་བཞིན་དང༌། བདེན་མཆོག་རྩེ་པ་གཞི་གྲྭ་ཐམས་ཅད་དང་བཅས་པ་ལ་ཀུན་རིག་གི་དབང་ཞིག་ཀྱང་བྱས། འདི་སྐབས་རྒྱ་གར་ཡུལ་དབུས་ཝཱ་རཱ་ཎ་སཱི་ནས། བྲམ་ཟེ་པཎྜི་ཏ་ཀྲྀཥྞ་ཞེས་བྱ་བ་སྒྲ་སོགས་ཕྱི་རོལ་གྱི་རིགས་གནས་ལ་ཤིན་ཏུ་བྱང་བ། བྱེ་བྲ…

ཡིག་དེ་འདི་ཡིན་པར་འདུག འདི་འཕགས་པ་དོན་ཡོན་ལྕགས་ཀྱུས་གསུངས་པ་ཡིན། པོ་ཏ་ལའི་ལམ་ཡིག་དེ་སྔར་འགྱུར་ནས་བསྟན་འགྱུར་དུ་ཆུག་པ་འདི་ཡིན་ཏེ། རྗེ་བཙུན་མ་སྒྲོལ་མས་གསུངས་པ་ཡིན། འདི་གཉིས་ཀར་རྒྱུད་ཀྱི་རིགས་སུ་གཏོགས་པར་བྱེད་དགོས་ཚུལ་འདི་མཐོང་ནས་སྔར་གནས་སྐོར་བ་གཅིག་གིས་ཤམྦྷ་ལར་ཕྱིན་ནོ་སྐད་པ་སྐྱེ་བོ་མི་ནག་པ་རྣམས་ཀྱི་ལག…

སྐུ་གཞོགས་སུ་བརྫངས་པ། ཞབས་དྲུང་ཡབ་སྲས་དགའ་བ་ཚལ་ནས་ཚུར་ཕེབས། འཚོམས་ཆེན་དུ་བཞུགས་གྲལ་ཞལ་དཀར་བཞེས་རྒྱུ་ཞབས་དྲུང་རྒྱལ་བུ་བཞུགས་གྲལ་ཆེན་མོ་ལ་ཕེབས་པའི་ཐོག་མ་དེ་དང་འཛོམ། ཁོང་གིས་ཤིས་བརྗོད་ཀྱང་ཕུལ་གདའ། རྟེན་འབྲེལ་ཡང་ལེགས་པོ་ཡིན་ཤེས་འདུག ཤིན་ཏུ་དགྱེས་པ་བྱུང་བའི་གསེར་སྲང་གཅིག་སོགས་གནང་སྦྱིན་ཡང་བཟང་བར་བྱུང༌། ཁ…