དང༌། ཡེ་ཤེས་དབང་ཕྱུག་མ་དང༌། བདེ་མཆོག་མཻ་ཏྲི་བཅུ་གསུམ་མའི་དབང་སོགས་བྱས། ཀླུ་སྡིངས་གསར་བ་ལ་སྔར་ཆུ་ཐགས་ཤར་ཟེར་བ། བཀྲ་ཤིས་དགེ་འཕེལ་དུ་མིང་སྤོས་པ་ཡིན། ད་ཡང་དགེ་བ་འཕེལ་བ་དེ་མི་དགའ་བསམ་མིང་འདྲ་མིན་ཅིག་འདུག གཟིམས་ཁང་གི་རབ་གནས་སོགས་ལ་ངེད་ཡོན་མཆོད་ལྷན་དུ་ཕེབས་ཞག་གཉིས་བཞུགས། དེ་རྗེས་ཕྱག་ཏུ་འབྱོར་པའི་ཐགས་སྐུའི་…

ན་ཕྱོགས་ནས་ཡོང་མཁན་རྣམས་དུས་ཐུག་སྟེ་མི་འཆོམས་པར་འདུག་པས། ཧོར་ཟླ་དྲུག་པའི་ཡར་ཚེ་དགེ་བ་ཅིག་ལ་བྱེད་པར་བྱས་དེ་བར་དུ་ཆོས་ཐན་ཐུན་འདྲ་བཤད། བྱང་ནས་ཞབས་དྲུང་ཤིན་ཏུ་སྐུ་བསྙེལ་བའི་སྐུ་རིམ་ལ་དགོན་ཡར་མར་དུ་མང་ཇ་དང༌། ངེད་ལའང་ད་རེས་བཤགས་པ་འབུལ་བ་ཡིན་པས། ངམ་རིང་དུ་ཡོང་དགོས་གསུང་བ་བྱུང་བ་ནའང༌། བཤགས་པ་ནི་ལེན་པར་སྤྲོ་…

ཐམས་ཅད་ལེགས་པར་བྱུང༌། རང་རེའི་ལག་ནས་བཏང་བ་དང༌། ཕྱོགས་ཀྱི་ཟུར་འདྲེན་སོགས་དགའ་སྟོན་ཉིན་ཞག་མང་པོ་འབྲེལ་བ་ལ། རྟག་བརྟན་རང་གི་ཚོགས་པ་དངོས་རྣམས་འདུ་ཁང་ཆེན་མོ་ཁེངས་པ་དང༌། སྒྲུབ་སྡེ་རྣམས་གཞལ་ཡས་ཁང་གི་ཁྱམས་སུ་འཚོག་ས་མཛད། དེ་མིན་རང་རེ་ལ་གཏོགས་པའི་དགོན་ཐ་དད་པའི་གྲྭ་བཙུན་སྣ་ཚོགས་པ་རྣམས་ཆོས་བཟང་གི་རྡོ་བཅལ་དུ་འཚོག…

པའི་རྟེན་འབྲེལ་དུ། ཆོས་རྒྱལ་ཁྲི་སྲོང་ལྡེ་བཙན་གྱི་ཐུགས་དམ་ཐུབ་པའི་རྡོ་སྐུ་འདི། བླ་མ་སྨན་ཆུ་བས་སྤྱན་དྲངས་ཏེ་འདིར་བྱོན། ཕྱིས་ཀྱི་མ་ཕྱི་སོགས་དགོན་པའི་སྤྱི་ཐེས་སུ་དགོངས་ནས་སྡེ་སྲིད་ཀྱིས་བཀའ་འགྱུར་ཡོངས་རྫོགས་ཞིག་གནང་བ་ཡང་དགའ་སྟོན་ཐོག་མའི་ཉིན་འབྱོར་བ། གསུང་ཆོས་ཀྱི་འཁོར་ལོ་བསྐོར་བའི་རྟེན་འབྲེལ་འགྲིག་ཅིང༌། ག…

མཆོག་དཀར་པོའི་བྱང་ཆུབ་སྒྲུབ་ལམ་གྱི་འཁྲིད་དང་ཚེ་ཁྲིད་གཉིས། བདེ་མཆོག་ལྷན་སྐྱེས་ཀྱི་ཁྲིད། མ་ཧཱ་མཱ་ཡའི་ཁྲིད། སངས་རྒྱས་ཐོད་པའི་ཁྲིད། རྡོ་རྗེ་གདན་བཞིའི་ཁྲིད་དེ་མ་རྒྱུད་ཀྱི་ཁྲིད་རྣམ་གྲངས་མི་འདྲ་བ་ཁུངས་དང་ལྡན་པ་བཅུ་གཅིག་དང༌། ཨོ་ལ་པ་ཏིའི་འགྲེལ་པ་རང་ཉིད་ཀྱིས་སྦྱར་བ་དེ་ཀའི་སྟེང་ནས། ལུང་དང་བཤད་པ་རྒྱས་པ་ཚར་གཅིགཚ…

དུ། སྒོ་ཁང་གི་ལོགས་བྲིས་ཆོས་སྐྱོང་བཅོ་ལྔ་འཁོར་དང་བཅས་པ་དང༌། གཙང་ཁང་གི་ལོགས་བྲིས་དཔལ་དུས་ཀྱི་འཁོར་ལོ་དང་དཔལ་འཁོར་ལོ་སྡོམ་པ་དང༌། རྡོ་རྗེ་འཇིགས་མཛད་ལ་སོགས་པ་སྔགས་སྐུ་གཙོ་ཆེ་བའི་ལོགས་བྲིས་ཡོངས་རྫོགས་དང༌། འཇམ་དབྱངས་ལྷ་ཁང་གི་ལོགས་བྲིས་འཕྲོས་དང༌། ཨོ་རྒྱན་མཁའ་སྤྱོད་ལྷ་ཁང་གི་ལོགས་བྲིས་ཕྱེད་ཙམ་དང༌། སྨན་བླ་ལྷ་…

དང་འདྲ་བ་རང་བྱུང་ངོ༌། །འདི་སྐབས་གཅིག་ལ་ལུང་ནག་ཤེལ་དཀར་དུ་ཚུར་གྱི་མཐུ་བཟློག་དང་ཕར་ལ་དྲག་ལས་གཉིས་ཀར་ཡིན་རྒྱུའི་ཁུངས་ཀྱིས་སྒྲམ་སྒྲམ་སིལ་སིལ་མང་པཽ་ཞིག་བྱས་པའི་གྲུབ་འབྲས་ལ། དཔོན་མོ་དེ་གཟའ་གདོང་ཐུག་བྱུང་ནས་གློ་བུར་དུ་འདས། བསྔོ་རྟེན་སྐྱེལ་མཁན་བྱུང་བས། ངེད་ཀྱིས་ཀྱང་མ་ལེགས་སྐྱེལ་བཟབ་པ་ཞིག་བྱས། དེ་ནས་སྔར་ཁྱུད…

གྲྭ་པ་ལྔ་ཙམ་གཞན་ལ་སྐྱོགས་འདུག དེ་ནས་གློ་བོ་བ་ཚོས་མང་ཇ་འགྱེད་བཅས་བསྔོ་རྟེན་རྣམ་གཞག་སོགས་བཟབ་རྒྱས་སུ་བྱུང༌། ཡང་འདི་སྐབས་མཆོད་གཏོར་བཤམས་ཤིང་གསོལ་བ་བཏབ་པས་ལེགས་པའི་མཚན་མ་ཡང་བྱུང་ཞིང༌། ཁྱད་པར་འཕགས་བ་འཇམ་དཔལ་གྱིས་གནང་བ་བསྩལ་བའི་རྨི་ལྟས་ཅིག་ཀྱང་བྱུང་ནས། གསང་འདུས་རིམ་ལྔ་ལ་ཊཱིཀྐ་ཞིབ་པ་འདི་བརྩམས་པ་ཡིན། འདི་འབ…

རྒྱ་ཆེན་པོ་གའུ་མ་དམིགས་པ་གང་ངེས་ངེས་དང༌། གཞན་ཡང་ལམ་ཁྱེར་འཆི་མེད། མཁའ་སྤྱོད་སོགས་ཤངས་ཆོས་ཕྲན་ཚེགས་རྣམས་དང༌། བླ་མའི་དྲུང་དང་སྨོན་ཐང་མཁན་ཆེན་གཉིས་ལ། མགོན་པོ་ཕྱག་བཞི་པའི་ཕྱི་སྒྲུབ་ནང་སྒྲུབ་ཀྱི་ལུང་ཁྲིད་རྣམས་ཡོངས་སུ་རྫོགས་པར་བྱས། འདི་སྐབས་ལུང་ནག་ཤེལ་དཀར་བ་གསར་པ་ནང་སོ་རྒྱ་གན་པ་རྣམས་དབང་ཐང་ཁས་དྲག་དཔུང་པ་ཡོ…

གཅིག་གི་རྩིས་ཆུ་ཞིང་གབ་ཅིང༌། ཁ་ཐི་དང་བྱུས་སོགས་ཤས་ཆེ་བའི་རྒྱུ་ཚོགས་བཟང་པོར་བཅས་པ་འདི་ཡང་སྐབས་དེར་ལེགས་པར་གྲུབ། ཐོག་མར་གཙུག་ལག་ཁང་དུ་ཞལ་ཕྱེ་ནས་རབ་གནས་བགྱིས་ཤིང༌། དེ་རྗེས་ཟླ་བ་གསུམ་པའི་ཚེས་བཅོ་ལྔ་ལ་གཙུག་ལག་ཁང་གི་ཤར་ཕྱོགས་ལ་བཀྲམ་སྟེ་ཕྱག་མཆོད་བཟབ་པ་ཞིག་བྱས། ཆོས་སྡེ། སྒྲུབ་སྡེ་སྐྱེ་བོའི་ཚོགས་ཤིན་ཏུ་མང་བ་…

དར་ཟབ་ཀྱི་རིགས་བུང་བས་མེ་ཏོག་གི་ཚོགས་ལས་སྦྲང་རྩི་ཐོབ་པ་ལྟར་བྱུང་བ་རྣམས་ལ་བཞེངས་པ་ཡིན། མ་བྱིན་པར་བླངས་པ་དང༌། གཡོ་སྒྱུ་ཁྲམ་གསུམ་རྐུ་འཕྲོག་སྐྱིས་གསུམ་སོགས་མི་འོས་པའི་རྫས་གང་དང་ཡང་མ་འདྲེས་པས་དགེ་བ་གཙང་དག་ཁོ་ན་ཡིན་ཞིང༌། དེ་ཀས་བྱིན་རླབས་ཀྱང་ཆེ་བར་བདོག་གོ །དེ་རྗེས་ལྷ་ཁང་སོ་སོར་འཇིམ་བཟོ་ཅི་རིགས་པ་ཡང་འགོ་ཚུག…

ལེགས་ཉེས་འདྲེས་མ་དང་བཅས་ཚེས་བཅུ་གསུམ་ལ་དཔུང་ཐོག་ཏུ་ཕེབས་སོང༌། ངེད་ལ་སྡེ་སྲིད་རྒྱལ་བུའི་དྲུང་དུ་དབང་བཀའ་སོགས་འབུལ་བ་དང༌། གང་ཅིའི་ཁྱད་ཙམ་འདུག་པས། འགྱངས་ཙམ་སྡོད་དགོས་ཕེབས་པ་ལྟར་ཟླ་འཕྲོ་དེ་བསྡད། སྨོན་ཐང་མཁན་པོ་དང༌། གཞན་ཡང་རབ་འབྱམས་པ་འགའ་རེ་སོགས་ཕྱག་ཕྱིར་དཀྲིས་པའི་སྡེ་སྲིད་རྒྱལ་བུའི་དྲུང་དུ་གསང་བ་འདུས་པ་…

འབྲེལ་གྱི་ཡིན་གསུང་བ་ཅིག་བྱུང༌། ཧོར་ཟླ་ལྔ་པའི་ཚེས་བདུན་ལ་བྱང་ཆེན་དུ་སླེབ་ཙམ་བྱས། འཇམ་དབྱངས་ཚུལ་བཟང་བ་གྲིབ་ཀྱི་རྣམ་པས་ཁམས་ངན་པར་འདུག་ཅིང༌། ཕྱ་བཀའ་བཅུ་པ་ཡང་བསྙུང་གཞི་བརྫི་བར་འདུག་པ། ངེད་ཀྱིས་སྦྱང་བ་དང་རྣམ་འཇོམས་ཀྱི་བྱབས་བཀྲུས་ཙམ་བགྱིས་པས་ཁོང་པ་གཉིས་པོའང་མྱུར་དུ་ཁམས་དྭངས། དེ་ནས་ཡར་ལམ་འགོར་མེད་དུ་འོངས། …

རྒྱལ་རྩེ་བླ་མ་ཞབས་དྲུང་དང་བཅས་པ་རྣམས་ལ་ལམ་འབྲས་བུ་དང་བཅས་པའི་གདམས་ངག་ཆ་ལག་དང་བཅས་པ་ཡོངས་སུ་རྫོགས་པ་དང༌། ལམ་སྐོར་ཕྱི་མ་བརྒྱད་ཀྱི་བཀླགས་ལུང་དང་བཅས་པ་བཤད། ལར་དབུས་ནས་འཁོར་བའི་སྟག་ལོ་དེ་ནས་གཟུང༌། ཕྱོགས་ནས་ཡོངས་པ་ཤས་ཆེ་བའི་དོན་གཉེར་ཉུང་བསྡུས་ཉུང་བསྡུས་ལ། ལམ་འབྲས་ཆ་ཚང་རེ་ལོ་རེ་བཞིན་བཤད་དགོས་པ་བྱུང༌། དབྱར་…

སྐྱ་སེར་ཐམས་ཅད་ལ་རྟེན་མཇལ་ཡང་བཏང༌། དེ་བཞིན་དུ་ཀུན་མཁྱེན་ཆོས་ཀྱི་རྒྱལ་པོ་དུས་གསུམ་སངས་རྒྱས་དོལ་པོ་པའི་སྐུ་བརྙན་མདའ་གང་མ་གཉིས་བཞེངས་པའི་སྐུ་རེ་རེ་ལ་ཟངས་ཁལ་གཉིས་རེ་དང༌། གཉིས་ཀར་སྡོམས་པའི་ཕྱུག་གསེར་ལ། གསེར་ཞོ་བཞི་བཅུ་ཞེ་ལྔ་ཙམ་སོང་བ། གཉིས་ཀར་ཤིན་ཏུ་མཚར་བ་རབ་གནས་བྱས་པ་ཙམ་གྱིས་བྱིངས་ཆགས་པར་བྱུང༌། ཧོར་ཟླ་བད…

ལོ་ཆེན་པོའི་ཐུགས་དམ་རྡོ་རྗེ་འཇིགས་བྱེད་ཀྱི་ཐང་སྐུ་ཡང་ལག་ཏུ་བྱུང༌། ལོ་འདི་ལ་འཇིགས་མཛད་ཀྱི་སྐུ་སྟེར་མཁན་གཞན་ཡང་མང་དུ་བྱུང་ངོ༌། །དབྱར་སྟོན་སྦྲགས་པ་དེ་ལ་རང་རེའི་ཆོས་གཞིས་ཚོར་དཔོན་ས་ཨ་ལྕེའི་དྲུང་གིས་ཟེར་གསོག་ཡང་ཡང་མཛད། མི་སྣ་ཚོས་སྡེ་སྲིད་ཀྱི་བཀའ་ཤོག་ལ་ཡང་རྩི་རྒྱུ་མེད། ཨ་ལྕེ་དྲུང་གི་བཀའ་ཤོག་སྟོན་དགོས་ཟེར་…

གཉིས་ལ། དོན་གཅིག་པ་རྣམས་ཚད་མར་བཞག་ཐར་པ་ནས་སྒྲུབ་ཐབས་སྔར་མ་འགྱུར་བའི་རྒྱ་དཔེ་མང་དུ་རྙེད་བྱུང་བ། དེ་དག་རྒྱ་དཔེའི་སྟེང་ནས་བསྒྱུར། སྟོན་དེ་དག་རྣམས་ཕྱོགས་གཅིག་ཏུ་སྒྲིགས་པ་གྲུབ་པར་བྱས། བཀའ་རྒྱུན་མེད་ཀྱང་གླེགས་བམ་བཞུགས་ཚུལ་ལ་གལ་ཆེ་བར་འོང༌། ཡང་དངུལ་ལས་གྲུབ་པའི་ཐོར་ཚུགས་དཔོག་ཞུ་དཀྱིལ་འཁོར་ཡོངས་རྫོགས་མཚོན་པའི…

དངུལ་གསུམ་ལས་གྲུབ་པ་ཕྲ་རྒྱན་རིན་པོ་ཆེ་སྣ་ཚོགས་པས་བརྒྱན་པ། བཟོ་བཀོད་འཕགས་ཡུལ་གྱི་ལུགས་སུ་བྱས་པ་འདི་ལ། སྐུ་རྒྱུ་ལ་ཟངས་ཁལ་བདུན་ཙམ། གསེར་ཞོ་ལྔ་བཅུ་མི་འཆད་ཙམ། རྩི་སོགས་དགོས་ཆ་དེ་དང་འཚམས་པར་སོང༌། འཕྲའི་རྒྱུ་ལ་གཡུའི་རྡོ་རྗེ་གཉིས། ལོ་འདབ་གཉིས་གཞན་གཡུ་འཕྲ་ལེགས་པ་བརྒྱ་དང་བཅུ་གཅིགམེ་ཏོག་དྲུགཔད་འདབ་གཉིས། རིན་པོ…

མང་བོ་དང་བཅས་པའི་ཡོན་རྫོངས་བྱས། ཡོན་རྫོངས་དང་སྐུ་རྒྱུའི་རགས་རིམ་བྲིས་པ་འདི་ང་སེར་སྣ་ལངས་པ་མིན། ང་རྒྱལ་སྐྱེས་པའང་མིན། ཡུས་འཚོང་བའང་མིན། ཕྱིས་རྟེན་བཞེངས་མཁན་རྣམས་ཀྱིས་འདི་བཞིན་བྱེད་དགོས་བྱ་བའི་དོན་ཡིན། དབང་ཆེ་ལྟག་ཁུར་གྱི་རྟེན་བཞེངས་དེ་དོན་མེད་དོ་ཟེར་རྒྱུ་ཡིན། དཔལ་འཁོར་ལོ་སྡོམ་པའི་རྒྱུད་ལ་གསང་བའི་བདག་པ…

སྐུ་འདྲ་ཁྲུ་ཚད་ཙམ་དང༌། མདའ་ཚད་ཙམ་པ་ཉི་ཤུ་རྩ་ལྔ། དེ་ལས་ཅུང་ཟད་ཆུང་བ་ཉི་ཤུ་ཙམ་དང་བཅས་པ་སྔར་རིམ་ཅན་དུ་བཞེངས་པ་རྣམས་ལ་ཚོན་རྩི་གཟུངས་བཞུགས། རབ་གནས་ཀྱི་བར་དུ་གྲུབ། ལོ་འདི་ལ་མཁར་ལས་ནི། དཔྱིད་སོས་ཀ་ལྷོ་གླིང་གི་གཡས་ཅུང་ཟད་ངོམས་ཆེ་ས་གཅིག་འདུག་པ་འདིར། འོག་ནས་རི་འགྲོས་ཀྱང་མང་པོ་བསྡུར། དཀའ་ལས་མང་པོ་བྱས་ཏེ། ཟབ་སྐ…