བཞག དེ་ཉིད་ཡང་ནས་ཡང་དུ་སྒོམ་པ་ཡིན། འདི་ལ་བླ་མ་གོང་མ་རྣམས། ཡི་གེ་རྗེས་གཞིག་གི་ཐ་སྙད་མཛད་པར་གདའ། དེ་ཙམ་ནི་མི་འགལ་ལ། ཚིག་དེ་ཙམ་ལ་བརྟེན་ནས་ཕྱིས་ཀྱི་ཁ་ཅིག་མཆོད་རྟེན་བུམ་པ་སྔ་མ་ལ་རིལ་འཛིན་དང་འདི་ལ་རྗེས་གཞིག་ཅེས་ཟེར་བ་ནི། རིལ་འཛིན་རྗེས་གཞིག་ཅེས་པ་གང་ལ་ཟེར་ཡང་མ་ཤེས་པའི་བླུན་རྟགས་བསྟན་པ་ཡིན་ཡང་གཞན་ལ་མེད་པའི་…

མཆོད་རྟེན་བུམ་པའི་མིང་དོན་དང་འགྲིག་པའི་མན་ངག་ཤིན་ཏུ་ལེགས་པ་ཞིག་ཡོད་ཀྱང་འདིར་མ་སྤྲོས་སོ། ཁྱབ་བྱ་བཞི་པོ་འདི་དག་ལ་ཕྱིས་བྱུང་ཤེས་རློམ་འགའ་ཞིག མཆོདབརྟེན་བུམ་པ་ཤེས་རབ་གཞན་གྱི་གདན། བ་ལང་རྨིག་པ་ཐབས་པ་དག་གིས་གདན། བའི་ནུ་མ་ཟུང་འཇུག་སྦྱོར་བའི་གདན། ཆུ་ཤིང་མེ་ཏོག་དེ་ཁོ་ན་ཉིད་གསང་བའི་གདན། ཞེས་ས་བཅད་བྱེད་ཀྱང་འཆད་པ…

རྨིག་པ་ལྟ་བུའི་ཤུན་པ་ཡོད་པ་ཅིག་བསྒོམ། དེའི་ནང་དུ་ཆུད་ཙམ་གྱིས་གཡས་སུ་ཡཾ་ནག་པོ་དང༌། གཡོན་དུ་ཧཱུཾ་དམར་པོ། ཡཾ་ལས་རླུང་གཡོས། ཧཱུཾ་ལས་མེ་འབར། མེ་དེའི་རྩ་བ་རླུང་དང་འདྲེས་པས་སྔོན་པོ། སྐེེད་པ་དམར་པོ། རྩེ་མོ་དཀར་པོ་ཅིག་བསྒོམ། དེ་ལྟར་ཡང་ཡང་གསལ་བཏབ་ཅིང་ཞག་མང་དུ་བསྒོམས་ནས། དེ་ནས་དེ་ཀ་འདྲ་བ་ཅིག་རང་གི་ལྟེ་བར་བསྒོམ…

བྱས་ནས། དབུ་མའི་གཡོན་ཕྱོགས་སུ་ཡལ་གའི་ཚུལ་དུ་སྙིང་ཆུ་ཤིང་གི་མེ་ཏོག་ཁ་ཐུར་བསྟན་དེ་གྱེན་དུ་བསླང༌། ཁ་ཕྱེ་བའི་ཟེ་འབྲུ་ལ། ཐིག་ལེ་དཀར་པོ་མེ་ལོང་འདྲ་བའི་དབུས་སུ། ཧཱུཾ་གཟུགས་བརྙན་འདྲ་བ་བསྒོམ། དེའི་གཡས་གཡོན་དུ་ཧཱུཾ་དམར་པོ་གཉིས། དེ་ནས་མེ་སྤྲོ་བ་སོགས་དང༌། བདུད་རྩིའི་རྒྱུན་ཐིག་ལེ་ལ་ཐིམ་པས། ཐིག་ལེ་དང་ཧཱུཾ་གཉིས་ཀར…

པའི་ཡེ་ཤེས་སྐྱེ་བར་བཞེད་དོ། །གཉིས་པ་ནི། གསང་གདན་གཉིས་པ་ལས། དེ་ནས་མེ་ཡི་ལས་རྣམས་ནི། ཞེས་པ་ལ་སོགས་པས་སྟོན་ཏེ། མེ་ལྔའི་སྦྱིན་སྲེག་ཅེས་བྱ་བ། །གསང་གནས་ཀྱི་འཁོར་ལོའི་གོང་དུ་ཆོས་འབྱུང་དམར་པོ་གྲུ་གསུམ་ཀྵུཾ་ཡིག་སེར་པོ་དང་བཅས་པ། ལྟེ་བའི་འོག་ཐད་དུ་ཀླུ་དབང་འཁྱིལ་པ། སྟེང་དུ་གཏུམ་མོ་ཨ་ཤད་དང་བཅས་པ། དེའི་སྟེང་ལྟེ་བ…

ཞལ་སྟོན་པའི་རིག་པ་མཚུངས་པ་སྦྱར་བ་མ་གཏོགས་གཞན་མི་སྣང་ངོ༌། །དེ་བས་ན་རང་ལུགས་ནི་སྐབས་འདི་དང་གོང་འོག་ཀུན་ཏུ། ཤར་ནི་རང་ཉིད་ཀྱི་མདུན་ལ་ངོས་གཟུང་ངོ༌། །དེ་ནས་རྐང་མཐིལ་གཉིས་སུ་ཡུཾ་ཡིག་རེ་རེ། དེ་ནས་རླུང་འཕྲོས། སུམ་མདོར་འདུས་པ། ཆོས་འབྱུང་གི་ནང་གི་ཀྵུཾ་ཡིག་ལ་བརྩུབས་པས། དེ་ལས་མེ་འབར་བ་ཀླུ་དབང་འཁྱིལ་པ་ནས་བརྒྱུད། …

མ་ཡིན། ལྟེ་བའི་བ་ལང་རྨིག་པ་ཡིན་པས། ལྟེ་བའི་ལྷ་མོ་ཉིད་མཆོད་པ་ལས་གཞན་པའི་བ་ལང་རྨིག་པ་གང་བའི་དམིགས་པ་མི་དགོས་ལ། ལྕེ་ཆུང་ལས་བདུད་རྩི་འབབ་པར་བྱེད་པ་ནི་གཞུང་དུ་མི་གསལ་ཡང་ལེགས་པའི་ཡན་ལག་ཡིན་པས་བསྒོམ་པར་བྱའོ། །རླུང་གི་སྦྱོར་བ་ནི་བུམ་ཅན་ཉིད་ཡིན་ལ། རྗེས་དམིགས་པ་བསྡུས་ནས་རྡོ་རྗེའི་བཟླས་པའང་བྱའོ། །འདི་ལ་མན་ངག་ག…

པ་དང༌། དབང་དུ་བྱེད་པ་སྟེ་བཞི་ལས། དང་པོ་ནི། རབ་བྱེད་གསུམ་པ་ལས། འཕོ་བར་སྦྱོར་བའི་མཚན་ཉིད་ནི། །ཞེས་སོགས་ཏེ་སྔོན་འགྲོ་སྔ་མ་དང་འདྲ། སྒོ་དགག་པའི་སྦྱོར་བ་ཡང་གོང་དུ་བཤད་པ་ལྟར་བསྒོམས་ཟིན་པའི་གང་ཟག་གཅིག་གིས་སླར་ཡང་བུམ་པ་ཅན་ལ་ནན་ཏན་དུ་བྱ་སྟེ། དེ་ཡང་རང་ཉིད་རྡོ་རྗེའི་ཆོ་ག་གསུམ་བསྐྱེད་ལས་ཡེ་ཤེས་དབང་ཕྱུག་མ་སྐུ་མདོ…

སྒོ་བཅུ་གསུམ་དགག་པའི་ཡི་གེ་རྣམས་བཀོད། རྐང་མཐིལ་གཉིས། མཁལ་ཁུང་གཉིས། མཆན་ཁུང་གཉིས་རྣམས་སུ་ཡུཾ་ཡིག་སྔོན་པོ་རླུང་གི་འོད་ཟེར་འཕྲོ་བ་རེ་རེ། སྙིང་པདྨ་འདབ་བརྒྱད་ཀྱི་དབུས་སུ་ཧཱུཾ་ཡིག་སྔོན་པོ་གཅིག་ལ་ཡུམ་ཡིག་བཞིས་བསྐོར་བ། ཧཱུཾཾཾ་ཅུང་ཟད་མཐོ་ཞིང༌། ཡུཾ་བཞི་པོ་ཅུང་ཟད་དམའ་བའི་མགོ་བོ་ནང་དུ་ཕྱོགས་པར་ཡོད་པ། ལུས་ཀྱི་དབ…

རྒྱབ་ཕྱོགས་སུ་སྒོམ་པར་འདོད་པ་སྟེ་ལུགས་གཉིས་ལས་ལུགས་ཕྱི་མ་འདི་ལེགས་པར་མཐོང་ངོ༌། །བུམ་པ་ཅན་དྲག་ཏུ་བཟུང་བས། ཡུཾ་ཡིག་དྲུག་པོ་ལས་རླུང་གཡོས་ཏེ་པདྨ་རྣམས་ཡོམ་ཡོམ་འདུག་པར་བསམ། དེ་ནས་རླུང་ཕྱིར་འགྲོ་བ་དང་ལྷན་ཅིག་ཧིཀ་དྲག་པོ་ལན་ཉི་ཤུ་རྩ་གཅིག་བརྗོད་དགོས་པ་ལས། ཧིཀ་རེ་ལ་སྟེ་བའི། ཨ་དེ་འོད་ཀྱི་སྐུད་པས་ཡར་ཐང་ཐང་དྲངས་བ…

སྐབས་སྤྱི་གཙུག་གི་ཀྵུཾ་ཡིག་བསལ་ཏེ་བུ་ག་ཧ་རེ་བའི་ངང་ནས་གང་འདོད་པའི་གནས་སུ་འཕོ་སྟེ། ཡར་འཕོ་བ་མ་གཏོགས་མར་འབེབས་པ་མི་དགོས་སོ། །སྤྱིར་ནི་མཆོད་གཏོར་རྒྱ་ཆེར་ཕུལ། སྦྱིན་པ་བཏང༌། གང་ལ་ཡང་ཞེན་པ་མེད་པར་བྱ། ནང་མཆོད་ཀྱི་ཐིགས་ཐོར་འབུལ་བས། ལྷ་རྣམས་མཉེས་པར་བྱས་ཏེ། འཕོ་བའི་ལས་ལ་སྦྱོར་སྐད། གློ་གཡས་པ་འོག་ཏུ་བཅུག་པའི་སེ…

དོའི་གདམས་ངག་དང་འཕོ་བའི་རང་བཞིན་ཤིན་ཏུ་ཐ་དད་པ་ཡིན་པ་ལ། དེ་ལྟར་མ་གོ་བར་མ་ཟད་བར་དོར་སྒྱུ་ལུས་ཀྱི་མན་ངག་ནི་བསྲེ་བའི་གདམས་ངག་ཡིན་ན། བསྲེ་བ་དང་འཕོ་བའི་དབྱེ་བ་ཙམ་ཡང་མ་ཕྱེད་བཞིན་དུ་ཁོ་བོ་ཅག་བསྲེ་འཕོའི་མངའ་བདག་ཡིན་གྱི་གཞན་གྱི་ནི་མི་ཤེས་སོ། །ཞེས་རང་བཟོའི་པོ་ཏི་མང་པོ་རྩོམ་པར་བྱེད་པ་ནི་རྫུན་པོ་ཆེའི་རྣམ་འགྱུར་མ…

ཕྱིར་སྤྲོས་ཏེ་དམིགས་རྟེན་ལ་ཐིམ་པ་ཡང་ཡང་བསྒོམ་ཞིང༌། དེའི་ཚེ་འགྲུབ་པའི་ལྟས་ལ། དྲོད་དང་དུ་བ་དང་མེ་དང་སྒྲ་ལ་སོགས་པ་འབྱུང་ངོ༌། །ཞེས་མན་ངག་ལས་གསུངས་ཏེ་ཐུན་མོང་གི་དངོས་གྲུབ་ཀྱི་རྟགས་ཡིན་པའི་ཕྱིར་ཤིན་ཏུ་འཐད་དོ། །ལུས་འདི་བོར་ཞིང་དམིགས་རྟེན་གྱི་དབུས་ན་སེམས་གནས་པའི་ཉམས་བརྟན་པོ་བྱུང་ན་འབྱོངས་པ་ཡིན། དེ་ནས་ལས་ལ་ས…

འདྲ་བ་མང་པོ་འདུས་པའི་གོང་བུ་གཅིག་འཕྲོས། རང་གི་སྣ་བུག་གཡས་ནས་འཐོན། དེའི་གཡོན་དུ་ཞུགས། སྙིང་གར་སླེབ། འདབ་མའི་ཧཱུཾཾ་མདུན་མ་དེའི་སྟེང་དུ་བབས། ཧཱུཾ་དེ་འོད་དཀར་པོའི་གོང་བུ་ལ་ཐིམ། དེ་བཞིན་དུ་གཡས་སྐོར་གྱི་འདབ་མའི་ཧཱུཾ་རྣམས་དང༌། མཐར་དབུས་ཀྱི་ཧཱུཾ་ཡང་ཟོས་ནས། བསྒྲུབ་བྱའི་སྣ་སྒོ་གཡས་ནས་འཐོན། རང་གི་གཡོན་ནས་ཞུགས་…

དེ་འདྲ་བ་ཟླ་བ་ཕྱེད་དམ་ཟླ་བ་གཅིག་གམ། ཟླ་བ་ཕྱེད་དང་གཉིས་ཀྱིས་འགྲུབ་པར་བཞེད་དེ། ཇི་ཙམ་འགོར་ཡང་ཟླ་བ་དྲུག་གིས་སོ། །དེ་ནས་ལས་ལ་སྦྱར་བ་ནི། ནམ་དགོས་དུས་བཟླས་སྒོམ་དེ་ཉིད་བསྒྲུབ་བྱ་གང་ཡིན་རེ་ལ་དམིགས་ཏེ་སྦྱར་བས་འགྲུབ་ཅིང༌། ཨ་ཡིག་གི་སྒྲ་ལས་གཏམ་སྣ་ཚོགས་ཐོས་པ་ཡང་འབྱུང་ངོ་ཞེས་པའོ། །བཞི་པ་ནི། གཞུང་སྔ་མ་ཕ་རོལ་སེམས་ཤ…

ནང་ནི་ཡི་གེའི་རྣམ་པ་གསལ་པ་ལ་ཕྱི་དབྱིབས་བུང་བའི་གཟུགས་ཅན་དུ་གྱུར་ཏེ། རང་གི་སྣ་བུག་གཡས་ནས་འཐོན། དེའི་གཡོན་དུ་ཞུགས། སྙིང་གའི་ཡི་གེ་དགུ་པོའི་སྟེང་དུ་བབས། ཕ་རོལ་པོའི་ཡི་གེ་དགུ་པོ་དེ་བུང་བས་ཟོས་ཤིང་མིད་ནས་རང་རང་གི་ཁོག་པའི་ཡི་གེ་དགུ་ལ་ཐིམ་པས། ཡི་གེ་ཐམས་ཅད་རིང་པོར་གྱུར། པདྨའི་འདབ་མ་དང་ཟེ་འབྲུ་ཡང་བཅད་ཅིང་ཟོས…

གའི་ཡི་གེ་ལ་བུང་བ་ཐིམ་པར་བྱེད་དོ། ཁ་ཅིག་ཡི་གེ་རྣམས་ནམ་མཁའ་ལ་འཁོར་ཞིང་འགྲོ་བ་ཉིད་བུང་བ་དང་འདྲ་བས་བུང་བའི་གཟུགས་ཞེས་བརྗོད་ཀྱི། བུང་བའི་གཟུགས་དབྱིབས་སུ་མི་སྒོམ་ཟེར་ཡང༌། བུང་བའི་གཟུགས་སྒོམ་པ་ཉིད་ལེགས་སོ། །འདིས་མན་ངག་གཞན་གྱི་བུང་བའི་གཟུགས་གཞན་ལ་ཡང་ངེས་པ་སྟེར་བར་ཡོད། འདི་ལ་ཡང་གཞན་སེམས་ཤེས་པ་འབྱུང་བར་བཤད་མ…

བདག་ཉིད་ལུས་ཀྱི་ཡེ་ཤེས་མེ། ཞེས་སོགས་དང༌། བདག་ཉིད་དེ་ཉིད་མེ་ལ་ནི། སོགས་ཀྱིས་བསྟན་ཏེ། རང་ཉིད་ཡེ་ཤེས་དབང་ཕྱུག་མའི་སྐུར་གསལ་བའི་ལྟེ་བར་ཆོས་འབྱུང་གི་སྟེང་དུ་པདྨ་འདབ་བརྒྱད་ལ། མཁའ་འགྲོ་མ་ལྔ་ནང་གི་སྦྱིན་སྲེག་གི་སྐབས་སུ་བཤད་པ་བཞིན་གསལ་བཏབ། དེའི་ནང་གི་ཡེ་ཤེས་དབང་ཕྱུག་མའི་ཐུགས་ཀའམ་ལྟེ་བར་ཨ་ཡིག་དཀར་པོ་ཅིག་བསྒོམ…

རྣམ་རྟོག་གཞན་གྱིས་བར་མ་ཆོད་པར་སྔ་མ་བཞིན་ཕྱི་དང་ནང་གི་སྐུ་རྣམས་གསལ་གདབ་བོ། །དེ་རྗེས་དེ་ཐམས་ཅད་ལ་སྣང་སྟོང་སྒྱུ་མ་ལྟ་བུའི་འདུན་པ་དྲག་ཏུ་སྦྱངས། ཡང་སྔར་བཞིན་བསྡུས་ནས་ལྷ་སྐུར་ལྡང་བ་ལ་བསླབ། ཐམས་ཅད་དུ་སྒྱུ་མ་ལྟ་བུའི་འདུན་པ་རྟག་ཏུ་སྦྱངས། ཐུན་མཚམས་ཀུན་ཏུའང་སྣང་བ་དེ་དང་མ་བྲལ་བར་བྱའོ། །གཉིས་པ་ལ། རྔོག་པའི་རྫོགས་…

དབང་པོ་རྣོན་པོ་ལ་མི་དགོས་རང་ཤུགས་ལ་འབྱུང༌། དབང་རྟུལ་ལ་དམིགས་པ་དེ་ཉིད་ལ་བརྟེན་ནས་སྒྱུ་མ་ལྟ་བུའི་འདུན་པ་སྦྱོང་བ་སྟེ། དོ་ནུབ་རྨི་ལམ་དུའང་བདེན་མེད་དུ་ཤེས་པ་འདི་ལ་བསླབ་པར་བྱའོ་སྙམ་པའི་འདུན་པ་སྦྱངས་པས་རྨི་ལམ་དུའང་དེ་བཞིན་དུ་འབྱུང་ངོ༌། །ལྔ་པ་ནི། ས་བཅད་འདི་ལ་བསྡུས་ཀྱང༌། བར་དོ་སྒྱུ་མའི་གདམས་ངག་ཏུ་དགོས་སོ། །ད…