འདི་སྐབས་ཆོས་གྲྭར་ཟླ་གཅིག་ཙམ་བསྡད། དེ་སྐབས་སྔར་གྱི་རྒྱུན་ལས་རི་ཁྲོད་འགྲིམ་འདོད་རང་རྟག་ཏུ་ཡོད་པས། སྒྱེད་ལྕགས་ཕུག་གི་སྐོར་དེ་ལ་སྡོད་ཐུབ་ན་བསམ་པ་ཞིག་གིས་ཡོན་བདག་ལ་ཁང་པ་བཅོ་ཐབས་ཀྱང་ཞུས། རྒྱལ་བ་ཀུན་འདུས་ཀྱི་ངོ་བོ་བླ་མ་དམ་པ་རྗེ་བཙུན་རྡོ་རིངས་པ་ཆེན་པོ་འཇམ་དབྱངས་ཀུན་དགའི་མཚན་ཅན་གྱི་ཞབས་དྲུང་དུ་སླེབ་ཅིང་ཤིན་…

བསྲེ་འཕོའི་གདམས་སྐོར་ལྷད་མེད་རྣམས་དང༌། ཞི་བྱེད་བརྒྱུད་པ་ཕྱི་མའི་སྐོར་ཆ་ཚང་བ་རྣམས་ཏེ་ཞག་ཉུང་ཡང་ཆོས་ཐོབ་ཤིན་ཏུ་ཆེ་བར་བྱུང༌། སྤ་ལུང་དུ་ཁོར་གཅིག་ཕྱིན། རྗེ་བཙུན་བླ་མ་དམ་པས་ཀྱང་ཕེབས་ཞག་གསུམ་ཙམ་བསྡད་ཅིང་ཁྲོམ་དབང་ཞིག་དང༌། ཆོས་རྗེ་ངག་དབང་པ་དཔོན་སློབ་རགས་བསྡུས་ཤིག་ལ་མ་ཧཱ་མཱ་ཡའི་དབང་བསྐུར་ཞིག་བཞེད་པ་ལྟར་བྱས། ས…

མོ་ཆེ་ཞིག་བྱེད་དགོས་ཟེར། དེ་འཕྲལ་ཚེ་བུམ་བཞེངས་བརྡའ་བཏང་བས་ཁྲོམ་ཆེན་པོ་རང་ཚོགས་མ་ཎིའི་ལུང་དང་ཚེ་དབང་ཞིག་བྱས་མེ་ཏོག་འབབ་པ་སོགས་དགེ་ལྟས་ཀྱང་བྱུང༌། དེ་ནས་མདོས་འདྲར་བཅགས་མལ་ཞིག་བསྡད། རིམ་པས་སྣར་ཐང་དུ་སླེབ། གཟིམས་ཚེ་བ་བསྙུངས་ནས་ཞག་ཤས་སོང་འདུག་ཅིང་དེ་ནུབ་རང་ཚེའི་འཕེན་པ་རྫོགས་དེའི་ཁྲུས་ཆོག་སོགས་བྱེད་དགོས་བྱ…

ཆུད་ཅིང༌། མངའ་བདག་རྒྱལ་མོའི་དྲུང་དུ་སྐུ་ཁམས་བསྙེལ་བ་ཞིག་བྱུང་བའང་བྱབས་བཀྲུ་ལན་འགའ་ཡར་ཕུལ་བས་འཕྲལ་དུ་དྭངས། དེ་སྐབས་གཙང་རྒྱུད་པ་དཔོན་སློབ་ཐམས་ཅད་ལ་ཆོས་འབྲེལ་ཙམ་ཞིག་བྱས། བདག་རྒྱུད་གསང་བ་འདུས་པ་མོས་པས་དེ་དུས་མཚམས་སྦྱོར་ཞུས་པས། ད་ལྟ་གཙང་རྒྱུད་པ་ལ་རྒྱལ་རྩེ་ནས་ཆོས་བར་འདེགས་པ་འདི་དེ་དུས་ནས་བྱུང་བ་ཡིན། དེ་གོ…

རྒྱལ་མཚན་དཔལ་བཟང་པོའི་ཞལ་གྱི་དཀྱིལ་འཁོར་མངོན་སུམ་དུ་མཐོང་ཞིང༌། སང་ཉིན་དྲུང་པ་རིན་པོ་ཆེ་བར་ལེ་བ་རྣམ་རྒྱལ་རིན་ཆེན་དཔལ་བཟང་པོ་ཡང་འཕྲད་པར་ཕེབས་བྱུང་ཞིང༌། དེའི་སང་གླིང་དུ་སྤྲུལ་པའི་སྐུ་དང་མཇལ། དེ་སྐབས་བཞུགས་ཡུལ་ནི་མགྲོན་ཁང་ན་གནང་འདུག གྲོག་ཁར་ཡང་མཇལ་བར་ཕྱིན་པས་སྔར་དང་མི་འདྲ་བའི་ཤིན་ཏུ་དགེས་པ་ཆེན་པོས་ད་ནི་…

དགྱེས་ཤིང་ཚིམ་པའི་ཚུལ་གནང་གིན་འདུག་པས་ཆོས་འདི་རྣམས་ཕུལ་བས་བསོད་ནམས་ཀྱི་ཕུང་པོ་མཐའ་མེད་པ་ཐོབ་པར་ཤེས་སོ། །དེ་ལྟར་ཟླ་གཅིག་ཙམ་ནས་གནས་བཅུའི་གོས་སྐུ་ཁྱད་པར་ཅན་བཞེངས་པའི་དགོངས་བཞེད་ཀྱིས་བཀའ་ཕེབས་སོ་སོར་གནང་བ་ལྟར་སྤྲུལ་སྐུ་སྨན་ཐང་པ་བློ་བཟང་རྒྱ་མཚོ་ལ་སོགས་པ་ཡང་སྐུ་གཞོགས་སུ་འབྱོར། ངེད་རྣམས་སྟག་ལུང་གླིང་གི་གཟི…

དྲུང་པ་རིན་པོ་ཆེ་བར་ལེ་བར་ཡང་སྦྱོར་དྲུག་ཇོ་ཞལ་གཉིས་ཀའི་ལུགས་ཚང་མར་ཕུལ། དེ་ལྟར་ཟླ་གཅིག་གི་མཚམས་སུ་གོས་སྐུ་ཡང་ལེགས་པར་གྲུབ། དེ་མཚམས་དངོས་ལ་རབ་གནས་བྱེད་དགོས་པར་བཀའ་སྩལ་ཏེ། མཆོད་ཁང་ཆེན་མོའི་ལྷ་ཁང་ཤོད་དུ་གཟའ་སྐར་གྱི་སྟབས་ནས། སྟ་གོན་གྱི་ཆོ་ག་ཐམས་ཅད་སྲོད་ལ་གྲོལ་བར་བྱས། ནམ་བྱེད་ནས་དངོས་གཞིའི་ཆོ་ག་བཙུགས་ཏེ། …

ཇོ་བོ་འཇམ་དཔལ་རྡོ་རྗེ་སོགས་རྟེན་བྱིན་རླབས་ཅན་ཐམས་ཅད་ལ་གསེར་ཆབ་རྒྱས་པར་ཕུལ། གཞན་ཡང་རྟེན་ཐམས་ཅད་ལ་སྙན་དར་དང༌། ལྷ་ཁང་མཆོད་རྟེན་ཐམས་ཅད་ལ་དར་ཅོག་སོགས་གཅིག་ལའང་མ་ཆད་པར་འབུལ་ཐུབ་ཅིང༌། ཐམས་ཅད་ལ་སྨོན་ལམ་གྱི་ཡི་གེ་སོགས་ཐེབས། རྨི་ལམ་དུ་འཇམ་པའི་རྡོ་རྗེའི་སྐུ་ཚད་ཤིན་ཏུ་ཆེ་བ་ཞིག་ཀྱང་གསལ་བར་བྱུང༌། དེ་བཞིན་དུ་རྣལ་འ…

རྟེན་རྣམས་ལ་ཞལ་གསེར་རྒྱས་པ་རང་འབུལ་ཐུབ་ཅིང༌། ཡེར་བ་ནས་ནན་ཆགས་གནང་བའི་ཡོང་དགོས་ཚུལ་ཕེབས་པ་ལྟར་ཡེར་བར་ཕྱིན། ཞག་ཤས་ནས་སྡེ་པ་གཡུལ་རྒྱལ་དྲུང་དཔོན་གཡོག་འགའ། འཚོ་བྱེད་དགེ་སློང་ན་འོ་བ། སྨན་ཐང་བློ་བཟང་པ་སོགས་ལ་བདེ་མཆོག་ནག་པོ་པའི་དབང་དང༌། དོན་གཉེར་སོ་སོ་ལ་མཁའ་སྤྱོད་དཀར་དམར་གྱི་བྱིན་རླབས། རྣམ་སྲས་མདུང་དམར་ཅན་ག…

མཆོད་རྟེན་གྱི་གུང་ནས། ཏདྱ་ཐཱ། ཨོཾ་ག་ཏི་ག་ཏི་སོགས་ཀྱི་སྒྲ་གསལ་བ་ཞིག་བྱུང༌། དེ་ནུབ་ནོར་བུ་དགེ་འཕེལ་དུ་དཀོན་གཉེར་དཔོན་ཚང་གི་སར་གནས་ཚང་བྱས། སང་གྲུ་ལ་ཐོན་ཏེ་འོངས་མགོན་པོ་གདོང་གི་མགོན་པོ་ལ་གཏོར་མ་ཞིག་ཕུལ། དེ་ནུབ་ལུམ་པར་སླེབ། ཞག་ལྔ་དྲུག་ཙམ་བསྡད་ཚེ་དབང་སོགས་རྐྱེན་སེལ་གྱི་ཆོས་ཐན་ཐུན་འདྲ་བྱས། དྲང་སྲོང་སྲིན་པོ…

གྱི་དབང་པོ་རིགས་གཅིག་བརྟག །ལྷ་དང་ལྷ་མིན་ཟིལ་གནོན་ཅིང༌། །ཕོ་ཉ་རྣམས་ཀྱིས་རབ་ཏུ་འཁྱུད། །སྦྱོར་བ་བདེ་བའི་ངང་ཚུལ་ཅན། བློ་ལྡན་རྣལ་འབྱོར་མ་ལ་བསྲུབ། །ཅེས་པའྀ་ཚིགས་བཅད་ཡོད་པ་ཞིག་དང༌། འཇུག་ན། ཤིན་ཏུ་རྙེད་པར་དཀའ་བ་ནི། །གཞན་གྱིས་རྟོགས་པ་མ་ཡིན་ཏེ། བློ་ལྡན་ཁྱོད་ལ་བསྟན་པ་ཡིན། །འོན་ཀྱང་རྐྱེན་གཞན་དག་གིས་བསྒྲིབས། །ཞེ…

གླིང་གི་སྤྱན་རས་གཟིགས། སྒྲོལ་མ། འོད་ཟེར་ཅན་མ་གསུམ། སེམས་བསྐྱེད་བྱང་ཆུབ་གླིང་གི་དེ་བཞིན་གཤེགས་པ་མ་ཆགས་པདྨ་རྣམས་ལའང་གསེར་ཞལ་རེ་སྦྲོན། སྲོད་ལ་རྨི་ལམ་དུ་ལུང་པ་སྐྱིད་པོ་ཞིག་གི་ནགས་གསེབ་ཅིག་ན་ཁང་པ་དམར་པོ་ཆེན་མོ་བློས་མི་འཁྱུད་པ་ཞིག་འདུག དེའི་ནང་དུ་སླེབ་ཙ་ན་རྩིག་རྡོ་ཐམས་ཅད་མི་མགོར་སོང་སྟེ། ཁ་འཕྲུལ་མིག་འཕྲུལ…

བསམ་ཡས་རང་ནའང་ཞིང་གི་རྣལ་འབྱོར་མ་དངོས་སུ་འདུག་པར་མཐོང་ཞིང་ཤེས། དེ་གསུམ་ཟླ་གཅིག་གི་ནང་དུ་ཡིན། དེ་ནས་དེ་ཀའི་ཐད་ནས་ཀོ་བ་ལ་ཞུགས་ཏེ། འབྲོང་ཞོལ་དུ་བཅད་དེ་ཡར་ལམ་བྱེ་རྫིང་ཚོགས་པ་རྣམས་ཀྱིས་བསུ་བ་བཟབས། གྲུབ་ཆེན་ཁྱུང་པོའི་ཐུགས་སོགས་རྟེན་ངོ་མཚར་ཅན་རྣམས་ཀྱི་བྱིན་རླབས་ཐོབ། ཚོགས་པ་རྣམས་ལའང་ཆོས་འབྲེལ་གྱི་རྟེན་འབྲེལ…

ཡང་རྩེག་འདམ་མཛད་ནས་མྱུར་པོར་འབྱོན་པར་འདུག ཡིན་ནའང་ཞག་པོ་གཉིས་ལྷན་དུ་བྱུང་བ་ལ་གླིང་སླང་གི་སྒོ་ནས་དོགས་གཅོད་མང་པོ་དང་སྔར་ཤེས་པའི་ཆོས་ཀྱི་ཡན་ལག་འདྲའི་ཁུངས་ཀྱང་ཆོད་པར་བྱུང། ཁོང་བྱོན་པའི་རྐྱེན་གྱིས་གང་ག་གི་རིའི་གནས་ཚུལ་འདྲི་མཁན་མང་དུ་བྱུང་བས། ངས་ལར་བོད་ལ་ཡོང་བའི་ཨ་ཙ་ར་ཕལ་ཆེར་ཕྱི་པ་ཀ་ཡིན། ཁོང་པ་ཡང་མུ་སྟེག…

མགྱོགས་ཁྲིད་རྣམས་ཕུལ། གོང་དཀར་ནས་གོང་མ་ཁུ་དཔོན་གྱིས་ཡོང་དགོས་ཚུལ་ཕེབས། ལམ་མི་འཆག་ལ་ཆོས་སྡེར་ཕྱིན། ཀླུ་དབང་གླིང་དུ་ཆོས་རྗེ་འབུལ་དཔོན་པ་དང་ཅོ་འདྲི་བྱེད་རེས་འདྲ་བྱུང༌། བླ་མ་ལྷ་ཁང་དུ་བླ་ཆེན་དྲུང་ཡང་ཕེབས་རྟེན་ཐམས་ཅད་ལ་ཆོས་རྗེ་རི་གྲོང་བས་རྟེན་བཤད་བཟབས། དེ་ནུབ་ས་སྲིབ་ལ་གཞིས་ཀར་སླེབ། སང་ཞོགས་ཞབས་དྲུང་མི་དབང…

གསོལ་འདེབས་དང་ཞལ་གདམས་སོགས་སྐུ་གཞོགས་སུ་འཕྲལ་དུ་འབྲི་དགོས་མང་དུ་བྱུང༌། དེ་རྣམས་ཐོགས་མེད་དུ་བྲིས་རྩོམ་ཤིན་ཏུ་མྱུར་བ་དང་ཚིག་དོན་ཡང་ལེགས་རབ་བྱུང་བས། གཞན་དག་ལ་ཕེབས་སྒོར་ཡང༌། རྗེ་དམ་པའི་རྣམ་འཕྲུལ་ཡིན་མིན་གང་ལྟར་ཡང་ཁོ་རང་གིས་ཆོག་པ་འདུག་གསུང༌། དེ་སྐབས་ག་རི་པ་དེ་བ་ཟེར་བའི་ཛ་གམ་མཐུ་ཆེན་གཅིག་གིས་ཁོལ་བརྙས་པ་བྱ…

གནམ་སློངས་འདི་ངམ་རིང་ཆོས་སྡེའི་བརྒྱད་བརྒྱ་མའི་མཆོད་ཐེས་ཡིན་པ་ཆོས་ལུང་དུ་སྦྱར་བས་བྱང་བའི་ཞལ་ངོ་གང་སྟོངས་ཀྱི་རྒྱུད་སོང་ཞེས་སོགས་ར་ཐོན་ལུག་ཐོན་མང་པོ་གསུང་གིན་དོན་མ་མཐོང༌། དེ་ནས་ངེད་རྣམས་སྐྱས་སུ་སླེབ་དུས། རྒྱ་གར་ལྷོ་ཕྱོགས་བྷི་ན་དའི་རིའི་ཁོངས་བྷཾ་དྭ་ཞེས་པའི་ཡུལ་ནས་རིག་སྔགས་གྲུབ་པའི་རྒྱལ་པོ་པ་ལ་བྷ་དྲས། དང…

རྩེར་སླེབ་དེ་མཚམས་ནས་ཐོག་མར་སྟག་ལུང་གི་ཆོས་སྡེའི་བླ་བྲང་དཀར་པོར་འབྱོར་ཞིང༌། སྡེ་པ་ཞལ་ངོ་རྣམས་དང་གཞན་མང་པོར་གསང་བ་འདུས་པ་འཇམ་པའི་རྡོ་རྗེའི་དབང་བསྐུར། གུར་ཞལ་གྱི་རྗེས་གནང༌། མགོན་པོད་མེ་འབར་མ་དང་ཞལ་གྱི་སྒྲུབ་ཡིག་ཆ་ཚང་བའི་ལུང༌། སྒྱུ་ལུས་དབང་མོ་ཆེའི་བྱིན་རླབས་ཀྱིས་སྒོ་ཕྱེ་སྟེ། ནཻ་གུའི་འཁྲིད་ཚུལ་སྤྱི་ཉེ་བ…

ཆོས་སྡེ་གྲགས་ཆེན་ཐམས་ཅད་ལ་མང་ཇ་འགྱེད་བཅས་བཟང་བ་རེ་གྲུབ། སེམས་ཉིད་རྟོགས་པར་སྨོན་ལམ་བཏབ། ཐག་ཉེ་བ་ནས་རི་ཕུག་དང་དགའ་བ་གདོང་དུ་མང་ཇ་འཕྲལ་འཕྲལ་དྲངས། གསེར་མདོག་ཅན་དུ་ཡང་དགུན་ཐོག་དེ་ལ་མང་ཇ་ཉི་ཤུ་རྩ་ལྔ་ཙམ་ཞུ་ཐུབ། མང་བསྐོལ་བ་རྣམས་བརྫངས་འཕྲལ་ནང་མཚམས་དམ་དུ་བཅད། དེ་གོང་ཟླ་བ་གཉིས་ཙམ་གྱི་སྔོན་ནས་བསག་སྦྱངས་འགོ་ཚུགས…

རྒྱུ་ཡོད་དེ་ཅུང་ཟད་འཆུགས་པ་དེར་འདུག དེའི་གནས་ཚུལ་ཡང་འཕྲལ་དུ་བྱུང་བས་དེ་ཕྱིན་བླ་མའི་ཕྱག་རྫས་ཟ་བར་ཕྱིན་པ་ལ་དགོས་པ་མི་འདུག་པས། དེ་བས་བསྙེན་པ་རང་དོན་ཆེ་བར་བསམ་ཏེ། ཉེ་སྐོར་གྱི་དགོན་སྡེ་ཆེ་ས་རྣམས་ལ་དགོངས་རྫོགས་ལ་དམིགས་པའི་མང་ཇ་འགྱེད་བཅས་གང་དྲག་བགྱིས་ཤིང༌། བཟླས་པའི་ངང་ནས་བླ་མའི་དགོངས་པ་རྫོགས་པའི་སྨོན་ལམ་ཉི…