མགོ་བོ་ཐུར་དུ་ལྟ་བ་བསྒོམ། རླུང་བུམ་ཅན་བཟུང་བས། གོང་བཞིན་ལྟེ་བའི་ཨཾ་ལས་གཏུམ་མོའི་མེ་སོར་བཞི་ཙམ་འབར། དེའི་རྩེ་ནས་དར་དམར་པོའི་རྣལ་མ་བསྐྱང་བ་ཙམ་གྱི་མེ་ལྕེ་ཤིན་ཏུ་ཕྲ་བ་རིམ་གྱིས་འབར་ནས། སྤྱི་བོའི་ཧཾ་ལ་རེག་པ་ལས་ཧཾ་ལས་ཐིག་ལེའི་རྒྱུན་ཕྲ་མོ་བ་ཐག་ལྟ་བུའམ། དར་དཀར་གྱི་རྣལ་མ་བརྐྱང་པ་ལྟ་བུ་རིམ་གྱིས་བབས་ཏེ། ལྟེ་བའི…

ལས་འོད་ཟེར་འཕྲོས་རོ་མའི་ལམ་བརྒྱུད་སྣ་སྒོ་གཡས་ནས་ཐོན། འོད་ཟེར་གྱིས་སྣོད་བཅུད་ཐམས་ཅད་ཁྱབ། འཕགས་པ་མཆོད། སེམས་ཅན་གྱི་དོན་བྱས། ཐམས་ཅད་རྡོ་རྗེ་རྣལ་འབྱོར་མའི་སྐུར་གྱུར། སྣོད་བཅུད་ཐམས་ཅད་འོད་དུ་ཞུ། འོད་ཟེར་ཕར་སྤྲོས་པ་རྣམས་ཚུར་ལྡོག་པ་དང༌། ལྷན་གཅིག་ཏུ་སྣ་བུག་གཡོན་པ་ནས་ཞུགས། རྐྱང་མའི་ལམ་བརྒྱུད་དེ་རྡོ་རྗེ་རྣལ་འ…

བསྡུ་མི་བྱེད་པར་ལྟེ་བའི་བཅོམ་ལྡན་འདས་མ་ཉིད་འབྱོན་བཞུད་བྱེད་པ་དང༌། འཕོ་བའི་སྐབས་སྣ་སྒོ་གཡོན་པ་ནས་འཕོ་བ་བྱེད་པ་སོགས་དམིགས་པ་མི་འདྲ་ཙམ་གྱི་སྤྲོས་པ་འགའ་རེ་ཡོད་ཀྱང༌། དཀྱུས་སུ་བཤད་པ་ཉིད་མ་ནོར་བ་ཡིན་ནོ། །འདི་ལ་རྡོ་རྗེ་རྣལ་འབྱོར་མའི་འཕོ་ཆུང་ཡང་ཟེར། གསེར་ཆོས་དང་སྙན་བརྒྱུད་དང་ཚིག་བརྒྱུད་དུ་བྱེད་པའི་སྲོལ་ཡོད་ད…

སྣང་བ་བཞིན་དུ་འཁྲུལ་སྣང་ཙམ་ཡིན་ནོ་ཞེས་སྐྱེ་བ་སྐྱེ་མེད་ནམ་མཁར་ལྟ་བུར་ཐག་བཅད་དོ། །དམིགས་བསྐོར་བརྒྱད་པའོ། །ཡང་ཞལ་ཤེས་ཁོ་ནའི་མན་ངག་གཅིག་ནི། རླུང་སེམས་འོད་གསལ་དུ་འཇུག་པའི་སྐབས། སྔར་གྱི་དེ་ཟླ་ཤས་གོམས་ན་རྩ་བཟང་ངན་དང༌། རྩོལ་བ་ཆེ་ཆུང་གི་རིམ་པས་ཅུང་ཟད་མྱུར་བུལ་ཙམ་མ་གཏོགས་འབྱོངས་ཡོང་ཞིང༌། དེ་ནས་འབུད་དུས་ལྟོ་བ་…

པའི་རྩ་ཨ་ཝ་དྷུ་ཏཱིའི་མན་ངག་ནི་འདི་ཁོ་ན་ཏེ། འདི་ཤིན་ཏུ་འཁྱེར་བདེ། གདམས་ངག་ཆེ། གནད་ཟབ་རྟགས་འཕྲལ་དུ་ཡོང༌། །བཀའ་གཉན་པས་དམ་པོར་བྱའོ་གསུང་ངོ༌། །སྔར་ཡིག་རྙིང་དུམ་དུམ་འཁྲིགས་སུ་ཡོད་པས་གོ་རིམ་བསྒྲིག་ཚུལ་བླ་མའི་ཞལ་ལ་བལྟོས་པ་ཡིན་ན་ཡང༌། དེང་འདིས་བཀླགས་ཆོག་ཏུ་བཀོད་པ་སྟེ། རྒྱལ་ཁམས་པ་ཏཱ་ར་ནཱ་ཐས་སོ། །མངྒ་ལཾ།།

རྗེ་བཙུན་རྔོན་པའི་གདམས་ངག་ལས་འབྱུང་བ་རྡོ་རྗེ་ཕག་མོའི་སྒྲུབ་ཐབས་བདེ་བ་སྦྱིན་པ་ཞེས་བྱ་བ་བཞུགས།

ཨོཾ་སྭཱ་སྟི། བདེ་མཆོག་དཔའ་བོའི་ལོངས་སྤྱོད་རྫོགས་གསལ་བ། ཁམས་གསུམ་རྒྱལ་མ་དམར་བའི་འོད་ཆགས་སྐུ། །གློག་ཕྲན་ལྟར་གཡོ་གཉེན་ལྕུག་འཁྲིལ་ལྡེམ་མ། །བཅུ་དྲུག་ལང་ཚོའི་དཔལ་ལྡན་ལ་ཕྱག་འཚལ། །ཤེས་རབ་ཕ་རོལ་ཕྱིན་པའི་ཟློས་གར་ནི། །འཆི་མེད་ན་ཆུང་སྒྱུ་མའི་འཇོ་སྒེག་ཅན། །མཚར་སྡུག་འོད་ཀྱི་ཕྱོགས་ཆ་རྣམས་འགེངས་མའི། སྐུར་སྟོན་རྒྱལ་…

བདག་པོའི་གནས་ལ་འགོད་པར་མཛོད། །རྗེ་བཙུན་རྔོན་པའི་གདམས་ངག་ལས་འབྱུང་བ་བཞིན་བཛྲ་ཝ་རཱ་ཧཱི་སྒྲུབ་པར་འདོད་པས། ཡིད་དང་མཐུན་པའི་གནས་སུ་བདེ་བའི་སྟན་ལ་གདོང་བྱང་ངམ་ནུབ་ཏུ་ཕྱོགས་པས། དང་པོར་ཕྱོགས་སྐྱོང་རྣམས་ལ་གཏོར་མ་ཕུལ་ལ། སྐྱབས་སུ་འགྲོ་བ་དང་སེམས་བསྐྱེད་པ་སྔོན་དུ་འགྲོ་བའི་བླ་མའི་མཎྜལ་དང༌། ཡི་གེ་བརྒྱ་པའི་བསྒོམ་བཟླ…

ཨཱ་ཧཱུཾ་བཾ་ཟུར་གསུམ་དང་ལྟེ་བར་དགོད། སོར་མོ་བཅུས་མ་ད་ན་བླངས་ལ། སོར་བཅུ་བསྣོལ་བ་སྤྱི་བོ་ནས་རྐང་པའི་བར་དུ་རེག་པས་ཁྲུས་དང༌། བསྲུང་བ་བྱ་སྟེ་ཨོཾ་ཨཱཿཧཱུཾ་ཞེས་བཟླས་བརྗོད་བྱའོ། །དེ་ནས། གཡོན་གྱི་མཐེབ་མཛུབ་གུང་སྲིན་མཐེའུ་ཆུང་རྒྱབ་རྣམས་སུ་པདྨ་དང་ཉི་མའི་གདན་ལ་རིམ་པས། ཨོཾ་བཾ། ཧཾ་ཡོཾ། ཧྲཱིཾ་མོཾ། ཧྲེཾ་ཧྲིཾ། ཧཱུཾ་ཧཱ…

མཆོད་རྫས་རྣམས་སུ་གྱུར། སྔགས་རྒྱས་བྱིན་གྱིས་བརླབས་ནས། ཨོཾ་བཛྲ་པུཥྤེ་ཨཱཿཧཱུཾ་ནས་ནཻ་ཝི་ཏྱའི་བར་གྱིས་མཆོད། འོག་ནས་འབྱུང་བ་ལྟར་ནང་མཆོད་བྱིན་རླབས་རྒྱས་བསྡུས་གང་རུང་བྱས་ལ། སྔགས་ཀྱི་མཐར་འབྲུ་གསུམ་བཏབ་པས་མཆོད། རྐང་བརྒྱད་ཀྱིས་བསྟོད་ཅིང༌། སྤྲོ་ན། རླུང་གིས་བསྐྱོད་པས་འོག་གི་འཁོར་ལོ་ནས་བཞེངས་གློག་གི་ཟེར་ལྟར་འོད་ག…

ཕྲ་བ། །རིག་མ་སངས་རྒྱས་ཚོགས་རྣམས་བསྲེག་ཅིང་འཁོར་ལོ་གསུམ་པོ་བྱེད་པ་གང་ཡིན་པ། །ཀུན་དགའ་དང་བཅས་རོལ་བ་གྱེན་གཤེགས་ཕག་མོ་བདག་གི་སེམས་ལ་གསལ་གྱུར་ཅིག།ཛཿཧཱུཾ་བཾ་ཧོཿ རང་གི་སྙིང་གར་སྔགས་ཀྱི་དཀྱིལ་འཁོར་ཐིམ་པར་བསམ། ལྷ་མོ་ཚད་མ་སོགས་འདོན། ཚད་མེད་བཞི་སྒོམ་པར་བྱའོ། །དེ་ནས་ཀླུའི་འདུག་སྟངས་སམ། མིན་ན་སྐྱིལ་ཀྲུང་འཆའ། བརླ…

རྒྱས་ཐམས་ཅད་གཅིག་ཏུ་འདུས་པ་རྡོ་རྗེ་སེམས་དཔའ་ཧེ་རུ་ཀས་བཅོམ་ལྡན་འདས་མ་ལ་འཁྱུད་ཅིང་རྡོ་རྗེ་བདེ་བ་ཆེན་པོའི་དམ་ཚིག་གིས་སྙོམས་པར་ཞུགས། རང་གི་རྣམ་ཤེས་རླུང་དང་བཅས་པ་བཾ་ཡིག་གི་རྣམ་པས་སྦྱོར་མཚམས་སུ་ཞུགས་ནོར་བུའི་ཐིག་ལེ་དཀར་པོ་ལ་ཐིམ། དེ་ཤེས་རབ་མའི་རྡུལ་ལ་ཐིམ་པས་ཡབ་ཡུམ་བདེ་བ་ཆེན་པོའི་ངོ་བོར་ཞུ་ནས་ཐིག་ལེར་གྱུར། …

ཕྲེང་བ་མཛེས་པ། སྙན་གཡས་པའི་རྒྱབ་ཏུ་ཕག་ཞལ་མཐིང་ག་ཁྲོ་ཞིང་འཁྲུག་པ། མཆེ་བ་བཟང་རིང་ཅན། གྱེན་དུ་ཕྱོགས་ཤིང་ཧཱུཾ་སྒྲ་སྒྲོག་ལ་རྣ་བ་འཕྱང་བ། ཕྱག་གཡས་དང་པོ་གྲི་གུག་ཐུར་དུ་སྡིགས་པ། གཉིས་པས་ཅང་ཏེ་སྟེང་དུ་ཁྲོལ་བ། གཡོན་དང་པོས་ཐོད་པ་ཟླ་བ་དང་མེ་ཏོག་གི་རྒྱུན་གྱིས་གང་བ་བསྣམས་ནས་གསོལ་བ། གཉིས་པ་རྩེ་གསུམ་འོག་ཏུ་བསྣུན་པ། …

བཞུགས་པ། སྤྲུལ་པ་མཐའ་ཡས་པ་སྤྲོས་ཤིང་སྡུད་པའི་སྔགས་འཆང་མ། དེའི་ལྟེ་བར་ཨོཾ་བཾ་དམར་མོ་རྡོ་རྗེ་ཕག་མོ། སྙིང་གར་ཧཾ་ཡོཾ་སྔོན་མོ་གཤིན་རྗེ་མ། ཁར་ཧྲིཾ་མོཾ་དཀར་མོ་རྨོངས་བྱེད་མ། དཔྲལ་བར་ཧྲེཾ་ཧྲིཾ་སེར་མོ་བསྐྱོད་བྱེད་མ། སྤྱི་གཙུག་ཏུ་ཧཱུཾ་ཧཱུཾ་ལྗང་ཁུ་སྐྲག་བྱེད་མ། ཚིགས་ཐམས་ཅད་ལ་ཕཊ་ཕཊ་དུད་ཁ་ཙིཎྜ་གའི་རང་བཞིན། དེ་རྣམས…

ཧཱུཾ། ཞེས་མཆོད་པའི་གཟུངས་མ་རྣམས་ཕྱིར་ཕྱུང་ནས་མཆོད་པར་གྱུར། ཨོཾ་ཨརྒྷཾ་ཨཱཿཧཱུཾ། དེ་བཞིན། པྲོཀྵ་ནཾ། ཨཉྩ་མ་ནཾ། པཱདྱཾ། པུཥྤེ། དྷཱུ་པེ། དཱི་པེ། ཙུརྞ། ཝཱསྟཾ། གྷནྡྷཾ། ཏཱི་ལཾ། ནེ་ཝཱི་དྱཾ། ལཾ་བ་ནཾ། གྲྀ་ཧཾ། ཨུ་དྱ་ནཾ། ཨོཾ་གཱི་ཏཱི། ནིརྟི། ཤཔྟ་ཨཱཿཧཱུཾ། དེ་ནས་སྒོ་མཚམས་མ་བརྒྱད་གྲི་ཐོད་ཌཱ་མ་རུ། ཁ་ཊྭཱཾ་ག་ཐོགས་པ་ལྗང་ཁ…

དཀར་ཞིང་ཕྲ་བ། ལྟེ་བའི་ནང་དུ་ཆོས་འབྱུང་གི་དབུས་སུ་ཧྲཱིཿ ཨོཾ་ཨཱཿཧཱུཾ། སྔགས་འཕྲེང་ཚན་པ་གསུམ་དུ་བཀོད་པ་དང༌། དགའ་འཁྱིལ་བཞི་དང་བཅས་པ། ཕག་གདོང་གི་སྨིན་མཚམས་སུ་ཟླ་བ་ལ་བཾ། བྱ་གདོང་གི་རྩེར་ཉི་མ་ལ་བཾ། ཡི་གེ་རྣམས་ལས་སྟེང་འོག་ཏུ་འོད་སྦུ་གུ་ལྟ་བུ་འཕྲོས། སྣ་བུག་གཡོན་དང་བྱ་གདོང་ལས་བྱུང༌། འཇིག་རྟེན་གསུམ་གྱི་བུད་མེད་…

འང་སྤྲོ་ན་བྱའོ། །ཐུན་མཚམས་ལ་འཇུག་པའི་ཚེ་རབ་གནས་དང༌། འཁོར་དང་སྤྲུལ་པ་ཐམས་ཅད་སྒྱུ་མ་ལྟ་བུར་བསམ། རང་བཞིན་གྱིས་དག་པ་སྭ་བྷཱ་ཝ་སོགས་གསུམ་བརྗོད་དེ། རྗེས་གཞིག་གིས་བསྡུས་ལ། སླར་ཡང་སྐད་ཅིག་གིས་ལྷ་མོ་ལངས་ཏེ། དག་པ་རྡོ་རྗེ་གསུམ་དྲན་པར་བྱས་ཏེ་ཐུན་མཚམས་ལ་འཇུག་གོ །མདོར་བསྡུ་ན་གཞུང་གི་དངོས་བསྟན་གྱི་ཆོག་གོ་ཅེས་ཁོ་བོས…

ཧོ་ཛཿཧཱུཾ་བཾ་ཧོཿ ས་མ་ཡ་སྟྭཾ་དྲི་ཤྱ་ཧོ་ཞེས་ལན་བདུན་ཀྱིས་དབུལ། ཨརྒྷཾ་སོགས་དང༌། ནང་མཆོད་དང༌། བསྟོད་པ་དང༌། རྣལ་འབྱོར་མ་དཔལ་འཁོར་བཅས་རྣམས། །མཆོད་སྦྱིན་གཏོར་མ་ཞེས་སོགས་བརྗོད། སྲིད་དང་ཞི་བ་མཉམ་པར་སོགས་བྱ། དེ་ནས། ཕཻཾ། ཨོཾ་ཁ་ཁ་ཁཱ་ཧི་ཁཱ་ཧི་སརྦ་ཡཀྵ་རཀྵས་སོགས་དང༌། ཨརྒྷཾ་སོགས་དང༌། ནང་མཆོད་དང༌། ལྷ་ཡི་ཚོགས་རྣམས་སོ…

ཡིད་ཀྱི་བསམ་པ་ཁོ་ན་ཡིན་གྱི་རྫས་དང་ཡོ་བྱད་མེད་ཀྱང་ཆོག་གོ །བྱ་རོག་གི་གཏོར་མའི་སྔགས་ནི། ཨོཾ་ཀླཾ་ཀླཾ་ཀླཾ་དྷརྨ་ཏཱ། ཨཱ་ཀཱ་ཤ་ཙཱ་རི་ཎཿསིདྡྷི་དཱ་ཡི་ནཿ ཀཾ་བཱཾ་ཡཾ་ཤཾ་པ་ལ་སིདྡྷི་ཀཱ་ག་སནྟཱ་ན། པྲ་སཱུ་ཏྲཱ། ཀཱ་ཀ་བ་ལིཾ། གྲྀཧྣ་ཏུ་ཀླཾ་ཀླཾ་ཀླཾ་སྭཱཧཱ། ཆུ་གནས་ཀྱི་སེམས་ཅན་ལ་ནི། ཨོཾ་ཤླཾ་ཤླཾ་ཤླཾ་ཨ་པྲ་ཏིཥྛ་ཙཱ་ལ་ཙ་རི་ཎཿཤྱ་མ་ཤ…