ཞེས་པ་འདི་ཡང་བྱ་བཏང་ཚོགས་དྲུག་རང་གྲོལ་གྱིས་གྲོང་གི་བུད་མེད་ཡོངས་ལ་སྨྲས་པའོ། །དུས་གསུམ་ཀུན་མཁྱེན་པའི་པད་འབྱུང་། །དུས་གནས་སྐབས་བདག་གི་བླ་མ། །དུས་ད་ནས་བྱང་ཆུབ་བར་དུ། །དུས་རྟག་ཏུ་ཐུགས་རྗེས་གཟིགས་ཤིག །དུས་སྙིགས་མ་ལྔ་བདོའི་རྟགས་སུ། །དུས་ངན་པའི་སྐྱེ་བོ་རྣམས་ཀྱིས། །དུས་རྟག་པར་མི་དགེ་སྡིག་བྱེད། །དུས་གཏན་དུ་ས…

འདུས་རྗེ་དཔོན་དེ། །བྱས་ཆེ་ན་མི་འདོད་སྣ་དགུ་འོང་། །དེ་བས་ཀྱང་དམན་ས་བཟུང་ན་དགའ། །ཁོང་མི་ཆེན་རྣམས་ཀྱི་ཞབས་ཕྱི་དེ། །བྱས་ཆེ་ན་ཉེས་མེད་ཁྲིམས་ལ་སྦྱོར། །དེ་བས་ཀྱང་དཔོན་མེད་བྱས་ན་དགའ། །ཁ་ཇ་ཆང་ཚོགས་འཁོར་ཞིམ་པོ་དེ། །བསྟེན་ཆེ་ན་དགེ་སྦྱོར་བར་ཆད་ཡིན། །དེ་བས་ཀྱང་དཀའ་ཐུབ་བཅུད་ལེན་དགའ། །ནོར་རྟ་ལུག་ལ་སོགས་སྒོ་ཕྱུགས་ད…

ཕྱོགས་མེད་རི་ཁྲོད་འགྲིམས། །གྲྭ་སློབ་འཁོར་གཡོག་མང་དྲགས་ན། །ཆོས་བཞིན་སྨྲས་ཀྱང་ཉན་མཁན་དཀོན། །ལབ་བརྗོད་མང་བོ་ལོང་གཏམ་འཕེལ། །།འཁོར་གྱི་རང་བཞིན་བསམས་བྱས་ནས། །དལ་འབྱོར་སྙིང་བོ་ལེན་འདོད་ན། །རྣལ་འབྱོར་མི་ལ་རས་པ་བཞིན། །གཏོར་ན་གྲྭ་སློབ་འཁོར་གཡོག་གཏོར། །འདུག་ན་གྲོགས་མེད་གཅིག་པུར་སྡོད། །ནོར་གྱི་གསོག་འཇོག་མང་དྲགས…

བདག་གི་འདིས་མཚོན་དགེ་བ་ཡིས། །བདག་དང་ཁམས་གསུམ་འགྲོ་ཀུན་གྱིས། །བདག་པས་གཞན་གཅེས་བྱང་སེམས་དང་། །བདག་མེད་གནས་ལུགས་རྟོགས་པར་ཤོག །ཅེས་པ་འདི་ནི་ཚོགས་དྲུག་རང་གྲོལ་གྱིས་རང་གཞན་ཡོངས་ལ་སྨྲས་པའོ། །ཀུན་གྱིས་གཙུག་གི་བཀུར་ན་ཡང་། །ཁེངས་པ་དོར་ནས་ཞི་དུལ་གྱི། །མཛད་པས་འགྲོ་ཀུན་ཡིད་འཕྲོག་པ། །འདྲེན་མཆོག་ཆོས་རྒྱལ་ཞབས་ལ་འདུ…

འགྲོ་ན་འགྲོ་ན་དབེན་པར་སོང་། །བྱེད་ན་བྱེད་ན་ལྷ་ཆོས་གྱིས། །ནོར་རྫས་སྦྲང་མའི་སྦྲང་རྩི་འདྲ། །མང་བོ་བསགས་ཀྱང་གཞན་གྱིས་སྤྱོད། །འགྲོ་ན་འགྲོ་ན་དབེན་པར་སོང་། །བྱེད་ན་བྱེད་ན་ལྷ་ཆོས་གྱིས། །ཤེས་བྱ་ནམ་མཁའི་གཟའ་སྐར་འདྲ། །བསླབ་དགོས་གནས་ལ་ཟད་པ་མེད། །འགྲོ་ན་འགྲོ་ན་དབེན་པར་སོང་། །བྱེད་ན་བྱེད་ན་ལྷ་ཆོས་གྱིས། །ཆོས་བརྒྱད…

རྣམས་མ་གཏོགས། །མ་བཏབ་མི་ཡིས་མི་ཤེས། །ཚེ་འདིར་སྦྱིན་པ་བཏང་ན། །ཕྱི་མར་མང་བོར་འཕེལ་བ། །དད་ཅན་ཕྱུག་པོ་མ་གཏོགས། །སེར་སྣ་ཅན་གྱིས་མི་ཤེས། །ལུག་གི་བལ་རྩག་ནང་ན། །དྲོ་འཇམ་བདེ་བ་ཡོད་ཀྱང་། །གྱོན་པའི་མི་རྣམས་མ་གཏོགས། །མ་གྱོན་མི་ཡིས་མི་ཤེས། །དབེན་པའི་དགའ་ཚལ་ཉམས་དགར། །བདེ་སྐྱིད་སྙན་གསུམ་ཡོད་ཀྱང་། །བསྟེན་པའི་ཆོས་མཛ…

ལམ་སྟོན་མེད་ན་ལམ་ཡང་ཤེས་དཀའ། མཐུན་རྐྱེན་ཡང་འཛོམ་དཀའ། དེ་བས་འདིར་སྡོད་ཟེར་བའི་ཚེ། རང་གི་ཡིད་ལ་ཤར་བ་རྩེད་མོའི་ཚུལ་དུ་བྲིས་པའོ། །འོད་གསལ་ཉི་མས་གླིང་བཞི། །བསྐོར་བའི་རྟེན་འབྲེལ་འགྲིགས་བྱུང་། །པད་ཚལ་བདེ་བར་སྡོད་དང་། །གླིང་གཞན་བསྐོར་ནས་འོང་ཡ། །གཡུ་འབྲུག་སྔོན་མོ་མཁའ་ལ། །འཕྱོ་བའི་རྟེན་འབྲེལ་འགྲིགས་བྱུང་། །རྫ…

བྲིས་སྐུ་མཐོང་བའི་འགྲོ་རྣམས་ཀྱི། །ལུས་ཀྱི་ན་ཚ་སེམས་ཀྱི་སྡུག་བསྔལ་ཀུན། །ཉེ་བར་ཞི་ནས་ལུས་ལ་བདེ་བ་དང་། །སེམས་ལ་དགའ་སྤྲོ་དཔག་མེད་འཆར་བར་ཤོག །རང་གི་རྒྱུད་ལ་ཕན་པའི་གླུ་དབྱངས་དང་། །གཞན་གྱི་རྒྱུད་ལ་ཕན་པའི་གླུ་བླངས་ཚད། །དངོས་སམ་བརྒྱུད་ནས་རང་དང་འགྲོ་བ་གཞན། །ཀུན་གྱི་རྒྱུད་ལ་ཕན་ཐོགས་འབྱུང་བར་ཤོག །ས་ཕྱོགས་གང་དུ་…

ཆོས། །མི་འགྱུར་འབྲལ་མེད་འབྲས་བུའི་དགེ་འདུན་ཏེ། །དོན་དམ་བསླུ་མེད་མཆོག་གསུམ་བཀྲ་ཤིས་ཤོག །ཡེ་ནས་བཀྲ་ཤིས་ཀུན་ཏུ་བཟང་མོའི་མཁར། །མཁའ་མཉམ་རྒྱལ་བ་ཞི་ཁྲོའི་ལྷ་ཚོགས་བཀྲ། །བཀྲ་ཤིས་སྐུ་ཐིག་ཚོམ་བུའི་ཆར་ཆེན་རྣམས། །རྣམ་དག་སེམས་སུ་འབེབས་པའི་བཀྲ་ཤིས་ཤོག །རང་ལུས་ཙིཏྟ་འོད་ལྔའི་གཞལ་ཡས་ཀྱི། །རང་བྱུང་གདོད་མའི་མགོན་པོ་ཀུན…

ཤར། །ཆོས་ཉིད་མངོན་སུམ་མཐོང་བའི་བཀྲ་ཤིས་ཤོག །དབྱིངས་རིག་སྨིན་མཚམས་བྲལ་ནས་དབང་བོའི་སྒོར། །མངོན་སུམ་གསལ་ཞིང་ཐིག་ལེའི་ནང་དུ་ནི། །རྡོར་སེམས་སྐུ་རྐྱང་འགུལ་འཁྲིག་མེད་པར་གསལ། །ཉམས་སྣང་གོང་དུ་འཕེལ་བའི་བཀྲ་ཤིས་ཤོག །དབྱིངས་ཀྱིས་སྣང་བ་ཐམས་ཅད་རྒྱས་ཐེབས་པས། །ཐིག་ལེའི་ནང་དུ་རྣམ་སྣང་དབྱིངས་ཕྱུག་སོགས། །རིག་ལྔའི་ཚོམ་…

རྒྱང་བསྲིངས་ནས། །མ་རྣམས་དོན་དུ་དམ་ཆོས་བསྒྲུབ་པའི་ཚེ། །མ་དང་མཁའ་འགྲོས་བར་ཆད་ཉེར་འཚེ་ཀུན། །མ་བསྐུལ་ན་ཡང་སྒྲོལ་བའི་བཀྲ་ཤིས་ཤོག །མི་ཚེ་འདི་བཟུང་ཚེ་རབས་ཐམས་ཅད་དུ། །མི་མཐུན་བར་ཆད་མིང་ཙམ་མེད་པ་ཡི། །མི་དམིགས་སྤྲོས་བྲལ་ཀུན་བཟང་དགོངས་བཅུད་ཀྱི། །མི་ཤིགས་སྲུང་བའི་འཁོར་ལོའི་བཀྲ་ཤིས་ཤོག །ཡེ་དག་གནས་ལུགས་ཀ་དག་ཁྲེགས…

བརྡོལ་ལྟར་གང་ཞིག་སྲིད་མཐའི་བར། །གཏེར་གསར་བསྟན་པ་རྒྱས་པའི་བཀྲ་ཤིས་ཤོག །རྒྱལ་བ་ཀུན་གྱི་ཉེ་ལམ་གཅིག་པུ་རུ། །རྒྱལ་བས་ཡོངས་སྔགས་ཐེག་མཆོག་རྫོགས་པ་ཆེ། །རྒྱལ་དབང་པདྨའི་རིང་ལུགས་རྙིང་མ་བའི། །རྒྱལ་བསྟན་ཕྱོགས་བཅུར་རྒྱས་པའི་བཀྲ་ཤིས་ཤོག །དམ་པས་བྱིན་བརླབས་དབེན་པའི་རི་སུལ་དུ། །དམ་གཙང་དཔོན་སློབ་མཆེད་གྲོགས་ལྷན་ཅིག་འཛ…

མཚོ་སྙིང་མ་ཧཱ་དེ་བ་ནས་དམ་པ་ཉིད་ཀྱིས་ཉིད་ལ་གསལ་འདེབས་དགེ་བསྐུལ་གྱི་ཚུལ་དུ་བཞེངས་པའི་སྐོར། རྩ་བརྒྱུད་བླ་མ་ཡི་དམ་ཞི་ཁྲོ་དང་། །ཕྱོགས་བཅུ་དུས་གསུམ་སངས་རྒྱས་བྱང་སེམས་དང་། །གནས་གསུམ་དཔའ་བོ་མཁའ་འགྲོ་ཆོས་སྐྱོང་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །བདག་ནི་མཐོང་ཐོས་དྲན་རེག་འགྲོ་རྣམས་ཀྱི། །མི་འདོད་རྐྱ…

དྲངས་ནས། །རིགས་དྲུག་གནས་ཀུན་སྟོངས་པར་བྱིན་གྱིས་རློབས། །མདོར་ན་ཚོགས་དྲུག་རང་གྲོལ་བདག་ཉིད་ལ། །བརྟེན་ནས་མ་གྱུར་སེམས་ཅན་མ་ལུས་པས། །གནས་སྐབས་ལྷ་མིའི་བདེ་སྐྱིད་མྱོང་བ་དང་། །མཐར་ཐུག་སངས་རྒྱས་ཐོབ་པར་བྱིན་གྱིས་རློབས། །ཞེས་པ་འདི་ཡང་ཚོགས་དྲུག་རང་གྲོལ་གྱིས་སྨྲས་པའོ། །ང་འགྲོ་ང་འགྲོ་དབེན་པའི་སྤང་ལ་འགྲོ། །སྤང་གཤོང…

སྡང་སྨྲེ་སྔགས་འདོན་འཕྲོ་བཞག་ལ་འགྲོ། །ང་འགྲོ་ང་འགྲོ་འགྲོ་ན་འདི་ལྟར་འགྲོ། །སྦ་དབྱུག་བཟང་བོའི་རྟ་ཕོ་ཞོན་བཞིན་འགྲོ། །ངག་ནས་སྙན་པའི་གླུ་དབྱངས་ལེན་བཞིན་འགྲོ། །སེམས་ལ་བླ་མའི་གདམས་ངག་དྲན་བཞིན་འགྲོ། །དབུ་མ་ཉམས་སུ་ལེན་རྣམས་ང་བཞིན་གྱིས། །རྫོགས་ཆེན་ཉམས་སུ་ལེན་རྣམས་ང་བཞིན་གྱིས། །ཕྱག་ཆེན་ཉམས་སུ་ལེན་རྣམས་ང་བཞིན་གྱ…

ཧ་ཅང་ཆགས་ཞེན་མ་ཆེ། །འཆི་བདག་བདུད་པོ་བྱུང་ཚེ། །དབང་མེད་བཞག་ནས་འགྲོ་དགོས། །དེ་བས་ད་ལྟ་ཆོས་ཕྱིར། །སྐྱེས་པའི་ཕ་ཡུལ་བཞག་ནས། །རི་ཁྲོད་འགྲིམས་ན་ལེགས་མོད། །རྟག་ཏུ་ཡུལ་ནས་སྡོད་ན། །ཁྱེད་རྣམས་མ་འཕྱུགས་བཟང་སྟེ། །སྔོན་ཆད་སྐྱ་སེར་མང་བོ། །ཕ་རོལ་སོང་བ་ངས་མཐོང་། །ས་བལྟ་ཡུལ་བལྟའི་ཕྱིར་ཡང་། །རྒྱལ་ཁམས་ཕྱོགས་མེད་འགྲིམས་…

ཅེས་པ་འདི་ཡང་ཕྱོགས་མེད་ཀྱི་རི་ཁྲོད་དབེན་པ་འགྲིམ་དུས་ཤིག་ཏུ་བླངས་པའོ། །སྲིད་པར་བར་མེད་དུ་འཁྱམས་པའི། །མ་ལུས་ལུས་ཅན་དག་ཆོས་བཞིན། །སྐྱོང་མཛད་མཛད་བཟང་གི་ཕ་རྒན། །བུ་ངན་ངན་འགྲོ་ལས་སྐྱོབས་ཤིག །བྱ་རྒྱལ་རྒོད་པོ་ཡི་ཚོགས་རྣམས། །གཤོག་སྒྲོ་བཟང་བོ་དེ་ངོམ་བཞིན། །མཁའ་ལ་ཡར་ཡར་དུ་བསྟད་ནས། །མི་མཐོང་དགུང་སྔོན་དུ་འཕུར་སོ…

གྲོལ་ཁྱོད་ད་ལྟ། །དབེན་པར་ཅུང་ཟད་ཅིག་བསྡད་ཀྱང་། །ཆབ་ཆོབ་ཆོས་བཤད་དེ་བྱེད་བཞིན། །གྲོང་ཡུལ་འགྲིམ་པ་འདི་བཙོག་ཨང་། །ཨ་ཁ་མདོ་མེད་ཀྱི་བྱ་བཏང་། །ཚེ་གཅིག་སངས་རྒྱས་དེ་དཀའ་ཡང་། །དབེན་པར་ཡུན་རིང་དུ་སྡོད་ལ། །དགེ་སྦྱོར་གང་ནུས་དེ་མཛོད་ཡ། །ཞེས་པ་འདི་ནི་ཨ་རིག་གི་ནང་དུ་ཟས་འཚོལ་གྱི་ལྡོམ་བུ་བྱས་དུས་དབེན་པ་དྲན་པའི་ཤུགས་ཀ…

སྐོམ་པའི་སྡུག་བསྔལ་མི་མྱོང་ཞིང་། །གང་འདོད་བཏུང་བ་འཐུང་བར་ཤོག །བདག་ལ་གོན་པ་ཕུལ་བའི་མི། །སྐྱེ་ཞིང་སྐྱེ་བ་ཐམས་ཅད་དུ། །འཁྱགས་པའི་སྡུག་བསྔལ་མི་མྱོང་ཞིང་། །དྲོ་འཇམ་ལེགས་པའི་གོས་གྱོན་ཤོག །བདག་ལ་བཀུར་སྟི་བྱེད་པའི་མི། །སྐྱེ་ཞིང་སྐྱེ་བ་ཐམས་ཅད་དུ། །བྲན་དང་གཡོག་ཏུ་མི་སྐྱེ་བར། །མཐོན་པའི་རིགས་སུ་སྐྱེ་བར་ཤོག །བདག་…

ཚེ་འདིའི་བྱ་བ་ཀུན་དོར་ནས། །དབེན་པའི་ལམ་བཟང་ལ་ཞུགས་ནས། །དག་པའི་ཞིང་ཁམས་ཉམས་དགའ་རུ།་།སྔོན་གཤེགས་དམ་པ་རྣམས་ལ་འདུད། །བྱ་བཏང་ཚོགས་དྲུག་རང་གྲོལ་ཁྱོད། །ཕྱིན་ཆད་འདི་བྱེད་ད་འདི་བྱེད། །སྙམ་པའི་བློ་རྒྱུ་མ་ཆེ་བར། །ཤེས་པ་ལྷོད་ལ་གླུ་འདིར་ཉོན། །ད་ལྟ་མི་ལུས་ཐོབ་དུས་འདིར། །ངན་སོང་སྡུག་བསྔལ་མྱོང་བ་དང་། །ལྷ་མིའི་བདེ་ས…